رواية اولاد العم الفصل الثالث 3 نونا رامي

رواية اولاد العم الفصل الثالث 3 نونا رامي

رواية اولاد العم البارت الثالث

رواية اولاد العم الجزء الثالث

رواية اولاد العم الحلقة الثالثة

اسر بغضب حارق :
_فين الحيوان إلى اسمه سيييييييف
ليفزع الجميع من صراخه بيقولو فى نفس واحد :
_فى الاوضه
ليتنفس بسرعه محاولا كتم غضبه ثم يمسك يد تلك الواقفه بجانبه بتوتر ويتوجه بها نحو غرفتها ويُدخلها برفق قائلا بحنان :
_نامى يلا يا بسبوسه الوقت أتأخر
نظرت له بتوتر قائله وهى تنظر فى الارض :
_ا اسر ممكن متعاقبش سيف أنا والله إلى نزلت من وراه
نظر لها بشر ونظرات مُظلمه :
_قصدك اى اعاقبك انتِ؟
نظرت له بفزع قائله بسرعه وتوتر :
_لا لا روح شوف سيف فى الاوضه التانيه
انطلقت ضحكاته فى الغرفه عليها فهو بالطبع لم يُكن سيفعل لها شيئ أراد فقط إخافتها ليقترب نحوها و يخلع نظارتها ويضعها على الكومود ويجعلها تانم على السرير ويضع عليها الغطاء قائلا بحنان وهو يقبل رأسها :
_تصبحى على خير يا بسبوسه
نظرت له بعينيها الجميله التى طالما كانت تختبئ تحت النظارة قائله وهى تتثائب بنعاس:
_وانت من أهل الخير
ليبتسم لها بنحو ويتوجه للخارج ومع انغلاق باب الغرفه تحولت نظراته إلى أخرى بارده مخيفه تجعل من يراه يقسم أنه ليس ذالك الشخص التى كان فى الغرفه من لحظات ليقول بشر :

_اهلا ولاد عمى وحشتونى
لينظر لهؤلاء الخمسه التى تجمدو بتوتر ليكمل وهو يخلع حزامه ويتوجه نحوهم :
_خلونى بقا ارحب بيكم
لم يكمل كلامه حتى كانو يركضون بفزع فى جميع أنحاء المنزل وهو يركض خلفهم بالحزام ويضرب كل من يقابله وهو يصرخ فيهم بغضب :
_بتخلوها تنزل فى الوقت دا لوحدها يا كلاب
رحمه بصراخ وهى تختبئ خلف الاريكه:
_ والله ما اعرف انها نزلت
ركض نحوها بسرعه لتركض هى بفزع وتتوجه نحو حمزه التى كان يختبئ خلف الستارة لتفتح الستارة وتصرخ بخضه هى وحمزه وينطلقو بسرعه
حمزه وهو يركض ويقول بغيظ:
_ما تسيبينى فى حالى بقا دا انتى بت مهزقه
قالت بغيظ وهى تتوقف وتضع يدها فى خصرها :
_ لا بقولك اى أنا مكنتش اعرف انك ورا الستارة
لتنطلق صرخه سيف بألم بعد أن صافح الحزام جسده ويقول بصراخ :
_والله كنت ناااااااايم
اسر بغضب وشر وهو يركض نحوه :
_انتو عارفين يا شويه بقر أنها مبتشوفش منغير النضارة
أميرة بخوف وفزع وهى تختبئ خلف مؤيد:
_والله أنا لسه جايه من برا ومعرفش حاجه
مؤيد وهو يلتفت لها بشر :

_لسه جايه من برا ازاى يعنى
أميرة وهى تنظر له بأبتسامه بلهاء خائفه :
_ برا اى يا رجل كفالله الشر أنا قولت كده
نظر لها بشر قائلا برفعه حاجب :
_لا امى اللى لسه قايله أنا كنت برا
قالت له بتوتر وهى تستعد للركض:
_والله دى حاجه بينك انت وامك حلوها مع بعض أنا مليش دعوه
نظر لها بشر لتركض بسرعه صارخه بفزع
توقف الجميع فجأه على صوت فتح الباب ينظرون له بفضول و ترقب ليدخل منه ذالك الشاب قائلا بحاجب معقود :
_اى دا اى اللى بيحصل هنا
نظرو له لبرهه ثم عاد صوت الصراخ مرة أخرى وعاودو ما كانو يفعلون وكأن لم يكن هناك شخص يتكلم منذ لحظات
لتركض اميرة نحوه بخوف قائله بفزع :
_الحقنيي يا كريم هياكلونيااااااا
*استوب*
دول ولاد العم الثمانيه
اسر:
(اكبر واحد فيهم 29 سنه ضابط شرطه شخص بارد وشخصيته قويه معادا مع موده بيكون معاها شخص تانى تماما ولسبب هعرفه بعدين )
مؤيد:
(اصغر من أسر بسنه واحده أبرد مما يكون ودايما فى حاله بيشتغل مصمم ازياء )
كريم:
(شخص هادئ وحنين جدا مع اللى بيحبهم بيشتغل فى كافيه خاص بيه وعنده 25 سنه )
حمزه :

(شخص مرح جدا ودمه خفيف وبيعرف يستفز اللى قدامه بكل سهوله بيشتغل فى شركه كبيرة جدا لصنع الاجهزه الذكيه و عنده 24 سنه )
سيف :
(شخص طيب جدا وحنين على الكل وبالرغم من طيبته إلا أنه زكى جدا و بيشتغل فى الهاكر وشكره خاصه بالبرمجه والحواسيب وعنده 24 سنه زى حمزه )
موده:
(بنت بريئه جدا واطيب من ما يكون ولطيفه وبتحب كل الناس وعندها 22 سنه )
رحمه :
(بنت مرحه جدا شخصيتها قويه و عفويه جدا عندها 23 سنه )
اميرة :
(اصغر واحده فيهم طيوبه وغبيه شويه ، بصراحه شويتين وبتحب أهلها جدا عندها 20سنه )
هنعيش مع ولاد العم مغامرة مرحه وممتعه بإذن الله فيها من الحزن والرومانسيه والمرح كمان اوعدكو هتكون روايه مختلفه و هتحبوها

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية أولاد العم)