رواية ياليت لي ألف قلب لأحبك الفصل الرابع 4 بقلم منة الله محمد السيد

رواية ياليت لي ألف قلب لأحبك الفصل الرابع 4 بقلم منة الله محمد السيد

رواية ياليت لي ألف قلب لأحبك البارت الرابع 

رواية ياليت لي ألف قلب لأحبك الجزء الرابع 

رواية ياليت لي ألف قلب لأحبك الفصل الرابع 4 بقلم منة الله محمد السيد

رواية ياليت لي ألف قلب لأحبك الحلقة الرابعة

في الشركة.....
آسر:: امممممم انا شايف انك كويسة جدا يعني الكورسات اللي واخدها كفيلة تخليك تبقي موجودة في الوظيفة...
ماسه:: شكرا يا فندم ده من زوق حضرتك..
آسر بصلها:: اللي قبلك مكنش عندهم لغات كتير عشان كده اترفضوا وحاليا انا هعرض ملفك علي مستر سليم...
ماسه:: تمام يا فندم...
آسر بضحك:: اي حكاية افندم افندم دي اسمي مستر آسر 😹
ماسه:: انا اسفه بس متوترة شوية..
آسر:: لا مفيش داعي للتوتر متقلقيش تعالي اتفضلي معايا..
ماسه:: تمام...
آسر:: رحمة خلي انسة ماسه معاكي لغاية ما اوري ملفها لمستر سليم....
رحمة:: تمام..
ماسه:: هو انا ممكن اطلب مياه...
رحمة:: اكيد..ورفعت السماعة:: عمو علي بعد اذنك عوزه كوباية مياه عندي في المكتب..
رحمة:: اي مالك متوترة كده ليه اهدي...
ماسه:: لا عادي...
رحمة:: طب ياستي تعالي نتعرف بما انك هتشتغلي معانا...
ماسه:: اكيد بس اش عرفك اني هشتغل..
رحمة:: لانوا ملفك اتحول لمدير الشركة..
ماسه:: ياارب...
رحمة:: طيب انا رحمة سكرتيرة مستر آسر..
ماسه:: وانا ماسه...
رحمة:: اسمك حلو اوي بيفكرني بشخص عزيز علي نفسي اشوفه...
ماسه:: وانتي كمان اسمك حلوة وبيفكرني بحد بس المعلومات عندي مش واضحة😹
رحمة:: ايوا كده اضحكي والله ضحكتك حلوة..
ماسه:: ربنا يديمك يا قلبي..
ودخل عمو علي:: اتفضلي يا بنتي..
رحمة:: شكرا يا عمو علي...اتفضلي يا ماسه..
ماسه:: شكرا...
عمو علي:: قريبتك يا انسة رحمة...
رحمة:: لا يا عمو سكرتيرة مستر سليم الجديدة.
عمو علي:: ربنا معاكي يا بنتي...
ماسه:: تسلم يا عمو..
بعد ما مشي...
ماسه:: هو مين مستر سليم...
رحمة:: ده مدير شركات المنشااوي..
ماسه بخضة:: نهااااار اسوووووح...
رحمة بضحك:: اي مالك😹
ماسه:: اصل اصل انا اول مرة اشتغل وكده فخايفة..
رحمة:: لا متخفيش وان شاء الله هتنجحي+ انو مستر سليم طيب جدا وهتحبيه+ انو انا اللي هدربك...
ماسه بتوتر:: ربنا يستر...
ويدخل آسر:: انسه ماسه اتفضلي معايا وانتي كمان يا رحمة...
رحمة قامت بسرعة والاتنين فضلوا باصين لبعض..
وماسه اخدت بالها من الحب اللي باين في عينيهم..
ماسه:: احم احم رحمة...
رحمة:: ها اها يلا...
ومشوا وماسه بتضحك والاتنين خدوا بالهم..
ماسه:: بتحبوا بعض اوي انتوا😹
رحمة ضربتها في كتفها:: بس😹
والاتنين ضحكوا....
ودخلوا المكتب...
سليم:: اتفضلي يا انسة ماسه...
ماسه اول ما بصتله حست انها شافته قبل كده الشكل ده مش غريب عليها..
رحمة نغزتها في كتفها:: في اي...
ماسه:: ها مفيش...
سليم:: آسر اختارك من بين ناس كتير والصراحة معاه حق...
ماسه:: شكرا لحضرتك...
سليم:: ممكن تبدئي شغل من بكرة لو تحبي..
ماسه:: طبعا معنديش مانع.. 
سليم:: تمام وكليتك...
ماسه بتوتر:: هحضر المحاضرات المهمة بس...
سليم:: بصي انتي تحضري محاضرات وكمان متقصريش في شغلك اتفقنا...
ماسه بفرحة لانها عارفه انها تقدر تنظم بين دراستها وشغلها:: اتفقنا وان شاء الله هكون عند حسن ظن حضرتك...
سليم:: ان شاء الله..
ماسه:: هو انا ممكن ابدء من النهاردة بحيث اتدرب ومن بكرة ابدء شغل بجد...
سليم بإعجاب:: هتقدري..
ماسه بتحدي:: ان شاء الله..
سليم:: خلاص خديها يا رحمة ودربيها من دلوقتي...
رحمة:: حاضر يا مستر سليم...
ماسه:: شكرا لحضرتك...
سليم:: العفو..
وخرجوا التلاته من عنده....
آسر:: بحب الشباب المتحمسين زيك علي فكرة..
ماسه بصت علي رحمة لقيتها هتولع فيه فقالت:: شكرا يا مستر آسر...وراحت همستله:: الاحسن انك تخلع قبل ما يتنكد عليك...
آسر بنفس الهمس:: ليه..
ماسه:: عشان رحمة بتغير اوي...
آسر:: بس ياريتها تتكلم..
ماسه برفع حاجب:: نعم..
آسر:: ولا حاجة..احم انا داخل مكتبي...
بعد ما دخل ماسه بتبص علي رحمة لقيت خدودها محمرين من كتر الغضب وانها عوزه تولع فيهم....
اها صح تعالوا اوصفلكوا رحمة( بنوتة رقيقة جدا محجبة بس شعرها ناعم وجميل يصل لاخر ظهرها عينيها بني غامق شبه القهوة متوسطة الطول بس عندية اوي😹).....
ماسه بضحك:: في اي يا بنتي😹..
رحمة بغضب:: كنتوا بتتوشوشوا في اي هااا رددي...
ماسه بضحك:: اهدي طيب..
رحمة وهي بتقرب منها:: هتنطقي ولا اي...
ماسه بضحك وهي بتبعد:: هقول اهدي😹..
رحمة:: يلا انطقي..
ماسه::(حكتلها اللي حصل) بس ياستي هو ده..
رحمة قعدت علي مكتبها بزعل:: طيب..
ماسه حطت ايديها علي كتفها:: مالك هو انتوا معترفتوش لبعض ولا اي..
رحمة:: ايوا..
ماسه:: خوف صح..
رحمة:: اها خايف يقولي اطلع مبحبهوش...
ماسه:: اها قولتيلي طيب ياستي سيبي الموضوع ده علي...
رحمة:: هتعملي اي..
ماسه:: هتعرفي بعدين بس لازم بجد نتاكد من مشاعره الاول...
رحمة:: ايدي علي ايدك...
ماسه:: يبقا اتفقنا المهم يلا نبدء عشان نخلص..
رحمة:: يلا...
وبدأت رحمة تعلم ماسه اصول الشغل كله....
~•~•~•~•~•~•~•~•~•~•~•~•~•~•~•~•~
عند سيف...في المكتب..دخل عليه صاحبه..
ادهم:: ممكن ادخل..
سيف:: ادهومي واحشني يا راجل كل ده غياب..
ادهم:: انت اكتر ما انت عارف شهر عسل بقا وكده...
سيف:: ايوا يا عم خاربها انت😹😹...
ادهم:: قر بقا قر😹😹...
سيف:: يا عم 😹😹..
ادهم:: ها اللي حصل في غيابي...
سيف:: وحكله كل حاجة عن الشغل لانوا ادهم يبقا شريكه...
ادهم:: طب كويس انو الشغل اتسلم..
سيف:: الحمدلله انزل اجازة بقا وانا مستريح..
ادهم:: ايوا يا عم بقا....
سيف بضحك:: قوم ياض خليني اكلم ايتن اقولها تجهز عشان نسافر مصر..
ادهم بأستغراب:: هي هترضا..
سيف:: ومترضاش ليه..
ادهم:: يعني هي اكيد لسه رجعه من سفر او لسه في مسافرة فمش هتقدر تسافر تاني...
سيف بأستغراب:: مسافرة فين🙄
ادهم:: هو انت متعرفش...
سيف:: لا...
ادهم:: اصلي شوفته انا وريم في لوس انجلس وكانت مع صاحبها...
سيف بصدمة:: نععععم..
ادهم:: اها والله...
سيف:: كانت مع مين بالظبط...
ادهم:: مع بنت اسمها روما وولد اسمه چون..
سيف:: نعععععععععم اسمه اي...
ادهم بخضة:: اي في اي...
سيف بعصبية:: قولتلي اسمه اي...
ادهم بخوف:: چ چون..
سيف:: نهارك اسود يا ايتن....
وقام خد مفاتيحه وركب عربيته وطلع علي بيت ايتن......
.............عند ايتن............
راح علي البيت عندها ولقا الباب مفتوح فدخل...
قعد يدور لغاية ما سمع صوتها بتعيط وبتتكلم في الفون...
ايتن:: يعني اي اتحمل المصيبة دي لواحدي انت مجنون سيف لو عرف ممكن يقتلني وهيسبني وسعاتها لا انا ولا انت هنعرف نعيش فااهم..
الشخص::...................
ايتن:: ماشي هقفل انا بقا احسن حاسه انو حد دخل وانا سبت بابا الشقة مفتوح...
الشخص::............
ايتن:: ماشي باي..
وقفلت...
سيف واقف مصدوم من اللي سمعه وكان عوز يروح يقتلها فعلا بس قال انو لازم يعرف اي دا اللي لو عرفها ممكن يقتلها... ولما حس انها هتقفل اخد بعضه وخرج بسرعة مشا...
وفضل يلف بالعربية كتير اوي وقعد يفكر وقال::  هو اي اللي مخليها تعيط اوي كده واي اللي لو عرفته ممكن اقتلها انا لازم اعرف ومين الشخص  ده اللي كانت بتكلمه دماغه هتنفجر..
راح ركب عربيته وطلع علي البيت وطلع اوضته وفتح الصندوق وطلع صوره ليه وهو وصغير وقال:: لو كنتي موجودة دلوقتي كان زماني قاعد معاكي وبحكيلك كل حاجة بتحصل معايا وتديني رأيك كنتي صغيرة بس دماغك كانت اكبر منك وبتديني نصايح حلوة واحشتيني اوي😢❤️......
وشغل اغنية عمرو دياب (في يوم هنعود)...
وقعد يغني معاها وطلع وقف في البلكونة يبص علي القمر وهو ماسك الصورة:: في يوم هنعود ده بينا وعود وفي غيابه اكيد لسه الامل موجود قصاد عيني في كل مكان ...... وسرح معاها...
~•~•~•~•~•~•~•~•~•~•~•~•~•~•~•~•~
عند ماسه... خلصت شغلها ورجعت البيت وكانت فرحاانة اوي واول ما دخلت سلمت عليهم وراحت علي اوضتها علطوال...
وطلعت صورة من دولابها وقالت:: مالك حاسه انك فيك حاجة يارب تبقا كويس هدعيلك متقلقش النهاردة يومي كان حلو اوي علي فكرة بدأت شغل واخيرا متقلقش مش هقصر في دراستي ياتري فاكرني ولا نسيتني... 
 وشغلت اغنية عمرو دياب(في يوم هنعود)...
وطلعت البلكونة تبص علي القمر وهي ماسكة الصورة وبتغني معاها.......❤️❤️
~•~•~•~•~•~•~•~•~•~•~•~•~•~•~•~•~
عند سليم راح علي ڤيلته هو وآسر....
آسر:: انا هطلع انام محتاج حاجة...
سليم:: لا يا ابني تصبح علي خير...
آسر بأبتسامة:: وانت من اهل الجنة...
ودخل سليم مكتبه وقعد قدام صورة مراته(رغد)
سليم:: واخيرا شوفتها النهاردة عارف انك كان نفسك تشوفيها قبل ما تموتي بس جه الموت خدك مننا يا حبيبتي عارف انك بتحبيها اووي وزي ما كنتي بتقولي زمان هي فعلا بقت زي القمر انا ذات نفسي معرفتهاش غير من اسمها بقت جميلة اوي وحجابها زاد جمالها يا رغد مش هقولها انا مين هخليها تعرف لواحدها واحشتيني اوي يا حبيبتي وزوجتي وبنتي ياريتك معانا دلوقتي انتي عارفة موتك كان صعب ازاي بس ابننا هيجبلك حقك مش هنسيبه عشان ترتاحي في تربتك يا رغد💔🙁........
~•~•~•~•~•~•~•~•~•~•~•~•~•~•~•~•~
في صباح يوم جديد والسماء ملئية بالغيوم والدنيا بتمطر تصحا بطلتنا الحلوة وتقوم تخود دش وتغير هدومها وتصلي فرضها وتفطر وتنزل عشان تروح اول يوم شغل ليها.....وكانت لبسه فستان ابيض في اسود وطرحة بيضة وكوتشي ابيض وكانت قمر.....وتنزل تروح علي الشركة وتبدء اول يوم ليها.....في الشركة وصلت ماسه ودخلت مكتبها اللي رحمة ورتهالها وبدأت تظبط مواعيد سليم لغاية ما فون المكتب رن...
سليم:: ماسه تعالي المكتب...
ماسه:: حاضر يا مستر سليم...
ودخلتله المكتب....
سليم:: اي الاخبار لسه بتتعلمي ولا بدأتي...
ماسه:: لا يا مستر سليم بدأت...
سليم:: طب مواعيدنا اي النهاردة...
ماسه:: عند حضرتك اجتماع النهاردة مع الشركة الالمانية عشان الصفقة الاخيرة وتسليم شحنة السيارات الساعة 11 والساعة 2 عند حضرتك اجتماع هنا في الشركة مع قسم المالية والساعة 4 عند حضرتك معاد الدكتور وده اهم حاجة فيهم...
سليم بأعجاب واضح:: تمام يا ماسه... عندك محاضرات مهمة النهاردة ولا حاجة...
ماسه:: لا يا مستر سليم النهاردة كان عندي سكشن مهم بس الدكتور لغاه الصبح لانوا تعبان..
سليم:: تمام جهزي نفسك عشان هنتحرك سوا..
ماسه:: هو احنا كلنا هنسيب الشركة يا مستر مش لازم يبقا حد موجود فيها...
سليم:: متقلقيش المكاتب بتاعتنا بتتقفل قبل ما بننزل وكمان في كاميرات ببقا متابع الشغل طوال ما انا بره الشركة..
ماسه:: تحت امرك يا فندم...
سليم:: تقدري تتفضلي...
ماسه:: عن اذنك...
وطلعت ماسه راحت لرحمة اتكلمت معاها وبعدين آسر طلع من المكتب...
آسر:: الشركة نورت والله..😹...
ماسه:: اها انا اقوم اخلع قبل ما تعمل انا وانت كفته هنا😹...
آسر:: تصدقي نفسي فيها😹...
ماسه:: انا بقا مش نفسي خاالص هقوم اروح علي مكتبي عشان لو مستر سليم عاز حاجة..
آسر:: ماسه بعد اذنك خديله فطار...وطلع دوا من جيبه.. واديله الدوا ده...
ماسه:: هو مش بيخود علاجه وكمان مبيفطرش..
رحمة:: بنبقا شوية وهنبوس رجله عشان يخده ومفيش فايدة...
ماسه بثقة:: سيبولي انا الموضوع ده انا هتصرف...
آسر ورحمة:: ربنا معاكي...
رحمة:: ولو اننا عارفين انو مش هيرضا...
ماسه:: هبقا اكلمك عشان تتفرجي علي انتصاري..
رحمة بضحك:: ماشي يختي يلا علي شغلك...
وراحت ماسه كلمت عمو علي عشان يجبلها فطار....
عند رحمة وآسر....
آسر:: اي اخبارك...
رحمة:: كويسة...
آسر:: يارب دايما...
رحمة:: وانت.....
آسر:: تمام...
رحمة بتبص في ساعتها كانت 10 فقالت:: احنا كمان نص ساعة هنتحرك عشان نلحق نوصل..
آسر:: تمام..... ودخل مكتبه
                                                 .............
عند ماسه كلمت رحمة:: تعالوا واتفرجوا...
رحمة بضحك:: يخربيتك😹😹...
ماسه:: هتيجوا ولا لا....
رحمة:: جين اصبري😹😹...
وراحت لآسر قالتله ورحوا الاتنين علي مكتب ماسه.....
في مكتب سليم......... 
ماسه خبطت...
سليم:: ادخل....
ماسه:: ممكن حضرتك تسيب اللي في ايدك ده...
سليم بصلها لاقاها جيبه اكل وفي ايده العلاج بتاعه....
سليم:: ورايا شغل مهم.....
ماسه حطت الاكل علي التربيزة اللي عند الكنبه ورحتله قفلت الملف اللي في ايده ومسكت ايده وقومته وقالت:: يلا يا بابا بلاش دلع احنا عوزينك مش مستغنين عنك احنا....
(هي طبعا كانت حاسه انها هتترفد لا محالة وهكذا رحمة وآسر)....
قعدته قدام الاكل وقالت:: عوزه الاكل ده كله يخلص عشان تاخد علاجك يلااا...
سليم بيبصلها وساكت....
ماسه مسكت ايده وباستها وقالت:: حضرتك زي بابا بالظبط فبالتالي لما اشوف بابا تعبان ومجهد في شغله ومبيكولش ولا يخود علاجه انا مش هسكت ان شاء الله لو هأكله غظ من عنه ها هتاكل ولااااا...
سليم ابتسم وقال:: حاضر..
ماسه ابتسمت وغمزت لآسر ورحمة اللي واقفين مصدومين من اللي حصل....
المهم سليم فطر واخد علاجه...
ماسه:: حضرتك بقا تريح شوية لغاية ما نجهز كلنا عشان نروح الاجتماع....
سليم:: ماشي...
وطلعت ماسه وبصت لرحمة وآسر وعدلت ياقه فستانها وقالت:: احم انا لا اقاوم😹😹...
رحمة:: يخربيتك انتي بتسحري.....
آسر:: عملتي كده ازاي...
ماسه:: سر الصنعة بقا المهم سيبوا الموضوع ده علي وهخليه يخود علاجه في معاده بعد كده...
آسر:: اشطات...
ماسه:: عسلات...
رحمة:: فولات...
والتلاته ضحكوا وجهزوا نفسهم عشان يروحوا الاجتماع....
~•~•~•~•~•~•~•~•~•~•~•~•~•~•~•~•~
عند سيف.....
سيف هيتجنن ويعرف في اي بالظبط اخر ما زهق اتصل بيها....
سيف:: ايتن انتي فين...
ايتن:: في النادي....
سيف:: انا ربع ساعة وهبقا عندك متتحركيش...
ايتن:: ماشي...
........
روما:: في اي...
ايتن:: معرفش سيف صوته متغير وحاسه انو ادهم صاحبه قاله انو شافني لاني عرفت انو رجع قبلنا...
روما:: وهتعملي اي....
ايتن:: مش عارفه...
روما:: چون مالك ساكت كده ليه...
چون:: عادي ماليش مزاج للكلام...
ايتن:: انت لازم تتصرف...
چون:: قولتلك وانتي مش موافقة...
روما:: هو في اي بالظبط مالكوا انتوا الاتنين....
ايتن بتوتر:: مفي مفيش عادي هيكون في اي يعني....
روما بشك:: متأكدين...
چون:: ايوا...
روما:: طب انا هقوم اروح سلام..
الاتنين:: سلام...
ايتن لسه هتتكلم لقيت سيف دخل واول ما شافها راح عليها ومشفش چون....
ايتن بتوتر لانها كانت عوزه يجي يشوفها وهي لواحدهاا:: س سيف ازيك يا حبيبي...
سيف:: كويس....
ايتن:: احم...مالك...
سيف ولسه ماخدش باله من چون:: ماليش انا...
چون قاطعه:: اهلا مستر سيف...
سيف بشك:: اهلا مستر چون معلش مخدتش بالي انك قاعد...
چون:: لا عادي ولا يهمك هقوم انا واسيبكم سلام ايتن ابقي كلميني...
ايتن بتوتر:: ح حاضر...
ومشا.........
سيف:: ازاي تسافري من غير ما تقوليلي...
ايتن بتوتر:: ادهم قالك صح...
سيف بشك من توترها:: اها والمفروض كنت اعرف منك انتي ولا اي يا هانم...
ايتن بتمثيل العصبية:: ما انت علطوووال مشغووول ومش فاااضي وكل شوية شغل شغل وانا اتخنقت روما قالتلي انو هي مسافرة لوس انجلس تتفسح قولتلها اني هروح معاها اي غلطت...
سيف بعصبية:: اولا صوتك ميعلاااش عليا فااهمة ولاااااا ثانيا انتي رايحة انتي وصاحبتك يروح الزفت التالت ده معاكوا بتاع اي ها انطقي...
ايتن:: عادي حب يجي معانا....
سيف بعصبية اكتر وصوت عالي:: انتي اي طب علي الاقل المفروض تعرفيني ولا انااا يا استاذة لما اعرف انو خطيبتي ومراتي المستقبلية مسافره ومن غير علمي كمااااان مع واحد عوزني اعمل هاااااااا قووووولي...
ايتن بتمثيل العياط:: انا اسفة بس كنت مخنوقه...
سيف سابها ومشي وهو ماشي شاف چون مستخبي وبيضحك....عمل نفسه طلع من النادي وبعدها بشويه رجع تاني....
وشافهم الاتنين بيضحكوا وهنا اتأكد انو في حاجة ولازم يعرفها....وهو طالع خبط في واحدة اعتذر ومشي علطوال....
عند ايتن وچون...
ايتن:: اي دا روما اي رجعتي تاني ليه...
روما:: نسيت موبايلي...
ايتن:: تمام..
روما:: هو سيف كان هنا...
ايتن:: اها اتخناقنا ومشي بقالوا ربع ساعة...
روما:: انا شافته دلوقتي كان باصص عليكي انتي وچون وبعدها ركب عربيته ومشا...
چون وايتن بصدمة:: اي...
روما:: هو في اي بالظبط...
چون:: ولا حاجة احنا لازم نمشي....
وفعلا اتحركوا وخرجوا من النادي.....
عند سيف ركب عربيته واشتغلت اغنية (سيبت فراغ كبير لعمرو دياب) فتح السلسلة اللي في عربيته وبص علي الصورتين اللي فيها...
وقعد يغني معاها...
سيف:: سيبت فراغ كبير عندي والله حبيبي حبيبي وانت هناك بعيد مش بعيد عني حبيبي قولي ازاي اعيش.....كل يوم بقول امتا ترجع ليا امتا صعبة اوي الحياة صعبة من غيرنا انا وانت قولي ازاي اعيش ذكريات كتير بتقابلني معاك يوماتي بتفكرني بيك وبسنين حلوة في حياتي قولي ازاي اعيش مهما غبت سنين عن عيني ابتسمتك ضي عيني روحي مش ممكن هترجع الا بوجودك حبيبي.....💔...سيبت فراغ كبير عندي والله حبيبي حبيبي وانت هناك بعيد مش بعيد عني حبيبي عندي كلام كتير نفسي اقوله وانت معايا قلبي مش لاقيه غير معاك اي الحكاية كل يوم مفيش عندي سيرة غير حياتنا واللي فرحنا بيه بعد ما فرحنا فتنااا من غيرك بموت واسمي عايش حد تاني ببكي من غير صوت وسط دوامة الاماني... قولي ازاي اعيش💔.... ( الاحسن انكوا تسمعوها وانت بتقروا هتعجبكم) وراح علي شركته.....
~•~•~•~•~•~•~•~•~•~•~•~•~•~•~•~•~
في اسكندرية....
نزلوا من الشركة ركبوا عربية آسر ورحوا مكان الاجتماع وكان في فندق سان استيفنو علي البحر...
وهما ركبين العربية اشتغلت اغنية(سبت فراغ كبير لعمرو دياب) وماسه سرحت معاها وقالت:: ليه حاسه انك محتاجني انا جمبك بس بعيدة مش بإيدي البعد بس روحي وقلبي حواليك....وفتحت الشنطة وطلعت صورة منها وبصت فيها وغنت هي كمان:: سيبت فراغ كبير عندي والله حبيبي حبيبي وانت هناك بعيد مش بعيد عني حبيبي قولي ازاي اعيش.....كل يوم بقول امتا ترجع ليا امتا صعبة اوي الحياة صعبة من غيرنا انا وانت قولي ازاي اعيش ذكريات كتير بتقابلني معاك يوماتي بتفكرني بيك وبسنين حلوة في حياتي قولي ازاي اعيش مهما غبت سنين عن عيني ابتسمتك ضي عيني روحي مش ممكن هترجع الا بوجودك حبيبي.....💔...سيبت فراغ كبير عندي والله حبيبي حبيبي وانت هناك بعيد مش بعيد عني حبيبي عندي كلام كتير نفسي اقوله وانت معايا قلبي مش لاقيه غير معاك اي الحكاية كل يوم مفيش عندي سيرة غير حياتنا واللي فرحنا بيه بعد ما فرحنا فتنااا من غيرك بموت واسمي عايش حد تاني ببكي من غير صوت وسط دوامة الاماني... قولي ازاي اعيش💔.....(الاحسن انكوا تسمعوها وانتوا بتقروا هتعجبكم) مسحت دمعة نزلت منها..
رحمة:: ايوا يا جامد...
ماسه:: في اي...
رحمة:: صوتك حلو اوي...
ماسه:: هو انا صوتي كان عالي...
رحمة:: يعني...
ماسه:: اسفة يا جماعة بس سرحت شوية...
سليم باصص علي الصورة اللي في ايديها
سليم:: ممكن تحكلنا علي فكرة...
ماسه اتنهدت:: عارف احساس انك تحس بحد غالي عليك انو في مشكلة ومحتاجلك بس لا انت عارف احساسك ده صح ولا غلط ولا انت عارف اذا كان هو اصلا فاكرك ولا لا والاسوء انو البعد بينكم ببلاد كتير محدش عارف يخطيها..
سليم ربت علي ايديها وقال:: كل حاجة هتبان وتوضح بس في الوقت المناسب...
ماسه ابتسمت وقالت:: يارب....
ووصلوا الفندق وسلموا علي الجروب وقعدوا سوا اتكلموا كتير عن الشحنة الجديدة ورحمة علي اخرها بسبب سونيا اللي علطوال لازقة في آسر ونفسها تقوم تجبها من شعرها....بعد ما اتفقوا وكل حاجة سلموا علي بعض...
سونيا:: تشرفنا كثيرا بالعمل معكم مستر آسر..
آسر:: الشرف لنا انسة سونيا...
سونيا:: هل تقبل دعوتي اليوم علي العشاء..
آسر لسه هيرد....
رحمة:: نعتذر مدام سوكه نحن عندنا العديد من الاعمال لنقوم بها...
سونيا بغضب:: اسمي هو سونيا وليس سوكه وانا انسه ولست مدام...
آسر:: اعتذر مدام سوكه اقصد انسه سونيا يجب عليا القيام بأعمال مهمة اليوم....
سونيا:: اوكي مستر آسر الي اللقاء...
آسر:: اي اللي انتي هببتيه دا...
رحمة:: وانت عوزني اشوف المسلوعه دي بتتلزق فيك واسكت...
آسر بخبث:: امممم وانتي اي اللي مزعلك...
رحمة:: عشان انت م...
آسر:: م اي..
رحمة:: عشان حضرتك مديري واحنا ورانا فعلا شغل كتير مش وقته سهوكه...
آسر بهدوء عكس النار اللي جواه عشان ميقتلهاش:: ماشي يا انسه رحمة اتفضلي...
وعند سليم وماسه ميتين من الضحك عليهم 
سليم بضحك:: مش قادر هيفضلوا ناقر ونقير😹
ماسه بضحك:: ربنا يستر لو اتجوزوا هيجننونوا اللي حواليهم😹😹...
سليم:: بس يتجوزوا الاول😹🙏🏻....
ماسه:: سيب الموضوع ده علي...
سليم:: ياخوفي...😹😹
ماسه:: عيب عليك...😹😹
ورجعوا الشركة وقضوا اليوم بتاعهم......

يتبع..

لقراءة الفصل التالي: اضغط هنا

لقراءة باقي حلقات الرواية اضغط على (رواية ياليت لي ألف قلب لأحبك) 
google-playkhamsatmostaqltradent