Uncategorized

رواية حكاية ورد الفصل الأول 1 بقلم سارة محمد

 رواية حكاية ورد الفصل الأول 1 بقلم سارة محمد

 رواية حكاية ورد الفصل الأول 1 بقلم سارة محمد

رواية حكاية ورد الفصل الأول 1 بقلم سارة محمد

العريس فين؟!
الى جصرتى راسى وحطيتيها فى الوحل بسببه يفاجره..
فى اللحظه دى الخوف حضن قلبى..
جوز خالتى الى طول عمرى بقوله يا ابويا..
لطشنى قلم….القلم مفوقنيش القلم صدمنى اكتر..بعد موقعنى على الأرض..
خالتى (مراته ): ابوس ايدك ترحمها..
هو : هتجابل رب كريم النهارده..انا هغسل عارى بيدى النهارده..
وطلع برا..
خالتى بكل رعب وهى حضنانى : مش هخلى حد يأذيكى يبتي..
ابن خالتى دخل بعدها اسمه (هارون)
هارون وهو ماسك السكينه..
موتك هيبجا على يدى اني..
خالتى (امه ) : يا ولدى..انت عارف ان مذنبهاش..مذنبهاش ان العريس هُرب يولدى.. ارحمها..دا انا مربياكم مع بعض..
بصيتله وانا عينى مليانه دموع ومش مستعده للموت وقولتله : اقتلنى يهارون…لو تقدر تعملها ..اعملها ….
خالتى وقفت قدامى : لا لا..اجتلنى جبليها يولدى..
فى اللحظه دى هارون رمى السكينه وقالى : انتى الوحيده الى مجدرش المسها…
خالتى شالت ايديها من على قلبها فى اللحظه دى.. وبعدها اديرت وبصت فى وشى وقالتلى : سامحينى يبتى على الكلام الى هجولهولك دلوك..
( ابوكى عايش مماتش زى مجولتلك..امك صحيح ماتت فى حادثه وهى جايه من عند ابوكى من مصر لكنك مموتيش كنتى عمر شهرين .. خبيتك من ابوكى وخبيتك عن الدنيا بحالها علشان كان هيرميكى ويسافر زى مرما امك ولما عرفت انه جاى بعد مدفنا امك الله يرحمها بعتك عند ناس فى مصر يربوكى علشان يصدج انك موتى يبتى..مكنتش بخلف ووجتيها جولت اخدك اربيكى..كنت بروحلك كل سبوع لحد مبجا عمرك عشر سنين واتأكدت ان ابوكى خلاص مش راجع مصر ..بس هو رجع دلوقت ..انتى عارفه اسم ابوكى صُح؟!
انا بعياط : انتى بتقولى ايه يا ماما…بتجولى ايه يا اما..
هى : بجول الى سمعتيه مفيش وجت..اهربى..اتكلمى هناك كلام عادى شبه الى انتى بتتكلميه ده متغلطيش وتتكلمى صعيدى..ولما يوصل هجوله ان هارون جتلك..وهنملا الأرض دم..هحط مكانك رحمه ومش هخلى حد يشوف وشها..
رحمه : بتجولى ايه يخاله..
هى : مش اختك وصاحبه عمرك ديه يرحمه..مش هتجدرى تعملى علشانها اكده..
وبعياط وهيا بتلطم..ترضيلها الموت..وانتى عارفه ان ملهاش ذنب…
رحمه بعياط : خلاص يخاله هعمل زى مجولتى..
خدى البسى النقاب ده وخدى الفلوس دى..اجرى لحد متوصلى للطريج واول متلاجى عربيات شاورى واطلعى على مصر ابوكى عايش فى القاهره معرفش اكتر من اكده والله يبتى..وسامحينى حبيبه جلبى..
طلعت من الباب الى ورا. 
وطلعت اجرى فى الغيطان والأرض كانت لسا مرويه والدنيا ضلمه واجرى واقع واجرى وانا مش قادره اخد فى نفسى وخايفه اقف ..الحاجه الوحيده الى وقفتنى الشجره الى اخر الارض..
وقفت قدامها وبعدين نزلت بركبتى على الارض وانا مقهوره من العياط..قولت ليه؟! ليه عملت فيا كدا يا ادهم..
Flash back..
انا رايحه لرحمه يا ماما (خالتى)
وبصراحه انا كنت رايحه اتمشا وقتها بحب امشى البلد كلها لوحدى لحد موصل للطريق واشوف العربيات لأن المسافه من البلد للطريق مبيبقاش فيها حد ولأنها شبه الصحرا..
وانا جايه من بعيد…. ايه ده ؟!
ايه العربيه الى داخله فى الشجره دى..
وطلعت اجرى. 
لقيت واحد جواها عامل حادثه وخابط بالعربيه فى الشجره والعربيه عماله تطلع دخان…
انا : انت كويس؟!
هو : انت روحت الجنه ولا ايه؟! (بيكلم نفسه بس هى سمعته)
انا : لا هتروح النار دلوقت..
هو : انتى رايحه فين ساعدينى والنبى..
كان وشه متغرق دم وقتها.. والحزام بتاع الكرسى مش راضى يتفك..
انا : طيب تعالى ساعدينى اطلع من العربيه ديه..
هو بألم : بطنى…
انا : مالها..استنا …
دا الحديده الى فى  الحزام داخله جوا بطنك..
هو : انتى بتتكلمى بجد..
قبل ميكمل الكلمه كنت شدتها…
هو بصوت عالى : اااه…
انا :هات ايدك بسرعه..
ولفيت ايده حوالين كتفى وسندته لحد مبعدنا عن العربيه..
واول مبعدنا العربيه انفجرت..وهو راح خالص(اغم عليه)
طلعت اجرى ندهت على حد من الغفر..اه صحيح نسيت اقولكم ان جوز خالتى الى مربينى يبقا العمده..
شالوه وجابوه عندنا البيت..
جوز خالتى : انتى ايه الى وداكى الحته ديه..
انا : انا مروحتش عند العربيه خالص..
هو انا شوفته مرمي قريب من بيت رحمه كدا..
هو :اااه..
عارفه مين ده ؟!
انا : وانا اعرف منين..
هو :دا ابوه لسا جافل معايا السكه دلوقت..
ده يبجا ولد اخوى الكبير..
معرفش يربى ولده فبعته اربيهوله..
اتجوز واحده كويتيه غنيه جوي واتغنا وبجا عنده اكبر شركه فى مصر…وده يبجا ولده الحيله..لما جه علشان يمسكه شغله لما عيا..ويتسند عليه..لجا نفسه بيتسند على حيطه مايله..والراجل منينا لما بيكبر بيبجا عايز الى يتعكز عليه لما يعيا والى بحتاج الى يسنده..اييييه..المهم بعته عندينا اشدهوله شدتين..يتعلم اصولنا ويتعمل رجولتنا..
انا : تشرب شاى يا ابوى؟!..
هو :لو من يدك الحلوه دى اشرب..بس جللى السكر لحسن تلدكتور امحرج عليا
روحت عملتله  الشاى ووانا راجعه لقيت باب اوضه الضيف(ادهم) متوراب. الفضول خلانى افتح الباب وادخل ابص عليه ..بصيت عليه وطلعت بتسحب براحه لحد موصلت للباب وقفلته براحه علشان الصوت..سمعت صوت من ورايا بيقولى..ايه الى جابك هنا؟!
انا : الباب كان متوارب يبوى كنت بجفله بس..
(مبيحبنيش اتكلم بلهجه عاديه ابدا…يقولى طالما انتى قاعده وسطنا هنا يبقا تتكلمى زينا..وبصراحه معاه حق. هو بيعزنى جدا..بس عصبى جدا..ومبيسامحش على اي غلطه حتى لو كانت بسيطه ومبيستناش تبرير من حد حتى..)
هو : كنتى بتجفليه؟!
انا : اه ..
هو : اسمها ايوه مش اه..هاتى الشاى..
عطيتله الشاى وانا حاطه ايدى على قلبى وبحمد ربنا…
ومشيت. 
بالليل…
جايلك عريس يورد..
انا وشى جاب الوان..
عريس؟!!
خالتى : ايوه عريس يورد يحبيبتى..ايه مش هنفرح بيكى ولا ايه..
جوز خالتى (العمده ) : الشاب زين يورد..راجل صحيح..مال وجاه…ودين وخلق..
حجتك ديه صُح؟!
مرديتش عليهم وطلعت اوضتى وفضلت اعيط..انا مش عاوزه اتجوز بالطريقه ديه..مش عاوزه ابقا ملك واحد معرفهوش ولا عمرى شوفته..
الساعه 12 بالليل..
قررت انى انزل تحت مع انه ممنوع..بس كنت مخنوقه جدا..
نزلت تحت ووقفت قدام الباب وفضلت اعيط..
سمعت صوت جنبى بيقولى…
والله انتى حرام تعيطى..
رجعت لورا بسرعه..
انت ايه الى طلعك هنا؟!
هو :نفس الى طلعك..
انا : وطى صوتك..هيصحو..
هو :ميصحو..ايه المشكله يعنى..
انا : هيا هتبقا ليله سوده…
هو : اقسم بالله جمالك هينورها. 
انا: انت قليل الأدب على فكره..
هو : هو دى عينك بصحيح ولا لنسز؟!
اكيد مفيش عين حقيقيه بالجمال ده..
انا : وانت مالك؟!
هو : عمرى مشوفت حد لابس لنسز خطيره كدا..
وبيدقق فى عيونى جامد..
دى من الحرف الى بره لبنى والحرف الى جوه لبنى ومن النص اورانج..بجد خطيره..
اتا : متحترم نفسك بقا..
هو : طيب شعرك الأورنج ده..حقيقي كدا بالطول ده ..ومولده بيه اللون ده ولا سبغاه وفرداه ولا مركبه باروكه 
قولى بصراحه؟!
انا : لا لا..دا كدا كتير…
وروحت سيباه وروحت داخله بس وانا داخله اوضتى جوز خالتى شافنى ونزل تحت بس مكلمنيش.. 
الخوف كله ف انه مكلمنيش…
تاني يوم…
نزلت تحت افطر لقيته قاعد بيفطر معانا..
جوز خالتى(العمده) : اجعدى يا ورد..
قعدت وحاول ت مبصلهوش وهو منزلش عينه من عليا.. 
جوز خالتى : انت يا ادهم.كان مفروض تنزل شغل فى الأرض من النهارده..لكن عشان بس جرحك..لسا ملمش..مش هتنزل النهارده. ان عيشنا بكره..
هو : شكل بابا موصى عليا اووى يا عمى…
جوز خالتى : ابوك عاوزك تبجا راجل…
ادهم بزعيق ونرفزه: اومال انا ايه؟!
جوز خالتى بزعيق اكتر : انت لسا هتبجا بعد جرحك الى بسبب شجره ده ميلم..
كدا اول حوار مبينهم حصل تاتش.. يبقا اتصنف كعدو لجوز خالتى..دا لو كان مين بالذى ..مع انه عمه..
تانى يوم نزل وبدء شغل فى الأرض وهو لسا جرحه مفتوح..
انا : يا خالتى كدا ادهم ده الجرح بتاعه هيلتهب وهيتفتح..
خالتى : وطى صوتك يبنيتى وملناش دعوه..
خليكى فى عريسك الى جاى النهارده..
انا : ايه عريسى؟!
هى : الناس جايه تشوفك النهارده..العمده جال اكده..
حطيت ايدى على قلبى وطلعت اوضتى..
انا مش سلعه هتتباع..
ليه ابقا يتيمه؟! ليه معيش فى مصر..وابقا حره..
ليه اتكتب عليا كدا ..
استغفر الله العظيم..يا رب نجينى  يا رب..
مسكت المصليه وصليت..وفضلت ادعى كتير..
دخلونى بالشربات للعريس..
انا اتجوزه ده ده على جوستى يخالتى…
خالتى:وطى صوتك يبنيتى..لو العمده سمعك هيجطع رجبتك..دا ادا كلمه للناس خلاص. 
الساعه 12 بالليل فى نفس الوقت قررت انى انزل بس المره دى قررت انى اجرى لحد الطريق..لحد موصل للشجره…
واول موصلت للشجره ولسا هاخد نفسى..
صوت من ورايا: بتهربى ليه يورد..
انا : خضيتنى..
ادهم : مالك؟!
انا : مليكش دعوه..وابعد عنى ..ايه الى جابك ورايا؟!
ادهم : انا جاى جرى وراكى.. ونفسى اتقطع..وتقوليلي كدا..!!
ادهم : هو انتى ليه مبتتكلميش صعيدى شبههم ..
انا : مين قالك انى بمعرفش اتكلم صعيدى انا بتكلم وكويس جدا كمان هنا، اهنه، اهنكه,اهنكيتى، اهنكهيتى اَبييتى،…بس عشت 10 سنين فى مصر..
ادهم بضحك : ايه ده قولتيهم بسرعه كدا ازاى ..لا متمكنه
هو انتى تبقى بنت عمى؟!
انا : لا انا بنت اخت مراته..
هو : وفين اهلك ؟!
انا :ماتو..
ادهم : انا اسف جدا بجد..
انا بعد ما دموعى بدأت تنزل : لا عادى دا من زمان..
ادهم : الدموع دى وراها حاجه تانيه صح؟!
انا : هنا فى الصعيد البنات بتتجوز غصب عنها ..وعاوزين يجوزونى غصب عنى..
هو : انتى عندك كام سنه ؟!
انا 21..
هو : يعنى انتى بلغتى سن الرشد يعنى مفيش حد له حكم عليكى..
انا بضحك : احنا هنا فى الصعيد..
هو : طيب يالا نمشى من هنا..
انا : اسمها تمشى لوحدك وانا امشى لوحدى. 
مينفعش احنا الأتنين مع بعض ..انت عاوزنى اتقتل..
هو : ااه..
انا :مالك..بصيت لقيته بيحط ايده على بطنه وبطنه متغرقه دم..
انا :يخراابى…ايه الدم.ده اقعد..
كان لازم اضغط بحاجه على بطنه علشان النزيف ده ملقيتش غير الاشرب الى على راسى…فضلت اصغط بيه…ومش قادره اعمله حاجه..
طلعت اجرى خليت ام حمدى بتخدم عندنا فى الدار تقول للعمده..
كأني معرفش حاجه..
وفعلا صحيته من النوم..
وبعتهم جابوه وجابله الدكتور..
بس العمده كان بيبصلى نظرات غريبه وانا مكنتش فاهمه حاجه..
لقيته تانى يوم بعد ادهم مصحا..
بيقولى تعالى. 
روحتله..دخلنى الأوضه الى فيها ادهم..ومسكنى من شعرى قدامه وقالى اشرب مين ده ؟!
بصيت للأشرب وسكت..
راح سايب شعرى وفى اقل من لحظه لطشنى بالقلم..
ولسا هيكمل. 
ادهم: متضربهاش واطلب منى اى حاجه هعملهالك..
هو : تلبس الفستان الابيض النهارده..
يا اما هتلبس كفنها..
ادهم : اتجوزها يعنى!..خلاص موافق..بس متلمسهاش..
مش هكدب انى فرحت وقتها انى هتجوز ادهم ده مش الراجل التانى بس الفرحه مكملتش..
لان ادهم يوم الفرح قبل الفرح بساعه اختفى..
وقفنا لحد موصلت للشجره..
قومت كملت وصلت للطريق ركبت عربيه وصلتنى للقطر وركبت القطر لمده 7  ساعات…7 ساعات من الرعب والذكريات من وقت ما اتولدت..
مقدرتش اغفل حتى..
عياط هيستيرى..
طلعت من القطر الساعه 7 الصبح فضلت اسأل ..والى يسأل ميتوهش..ركبت تاكسى لحد موصلت لباب ڤيلا..
وقفت قدام الباب وقولت للحرس الى واقف قدامه..
وانا مش قادره..
عاوزه عصام الصاوى..
هما : واخده منه معاد؟!
انا : انا بنته..
الشخص:بنته ؟!عصام بيه معندهوش بنات..
انا : اندهه لو سمحت..
دخلونى له وقتها وقف ت قدامه لأول مره..
هو : انتى مين ؟!
انا : انا بنتك …انا ورد
ومستنيه انه ياخدنى بالحضن.. حضن يغنينى عن كل الى شوفته..
حضن يحمينى من العالم كله..
هو : انا مبخلفش…
فى اللحظه دى انا محستش بالدنيا بحالها ووقعت على الأرض..
يتبع….
لقراءة الفصل الثاني : اضغط هنا
لقراءة باقي فصول الرواية : اضغط هنا
نرشح لك أيضاً رواية عريس من ديزني للكاتبة ندى حمدي

اترك رد