Uncategorized
رواية أحببتك رغم انتقامك الفصل الثامن والعشرون 28 بقلم منه محمد
رواية أحببتك رغم انتقامك الفصل الثامن والعشرون 28 بقلم منه محمد
 |
| رواية أحببتك رغم انتقامك الفصل الثامن والعشرون 28 بقلم منه محمد |
رواية أحببتك رغم انتقامك الفصل الثامن والعشرون 28 بقلم منه محمد
داخله من البوابه وسحباه وراها بتجري بسرعه البرق
حسن وقف ينهج: انتي ليه بتجري بسرعه كدا لسه عمي عاصم مخلصش المؤتمر الصحفي
ندي بتوتر: انا قلقانه علي عاليا حتي لو قالت لي انها بخير دي مستعده تنفي الخيانه حتي لو فضلت مرتبطه بكريم العمر كله
حسن: برضو امشي براحه
ندي بعصبيه: يوه انا قلقانه علي مشاعر صديقتي انا لو كنت مكانها وبواجهه شئ كدا هحس اني هموت ياحسن
حسن: من شكلك واضح
ندي ضربته في كتفه: انت راجل يبقي ازاي تحس بتعب قلبي قبلي
حسن ماسك الضحكة: مهما كان قَوي قلبك
ندي مسكت كف ايده: ليه بتضحك
حسن: اصل كل شويه تلاقي حجه تمسكي بيها ايدي طيب ما تطلبيها وانا مش حقولك لأ
ندي زقت ايده بزعل: ده وقت هزار
حسن: بس انا بتكلم بجد
اثناء كلامهم لقوا عاليا بتصرخ وكريم بيشدها اتجاه العربيه
ندي شهقت: ابن المعتوه ده بيعمل ايه في صاحبتي؟
حسن: انا هعرف منين منا واقف معاكي هنا
ندي: اه صح طب نعمل ايه؟انا قلقانه !!!
حسن: احنا ندخل لعاصم بيه نفهم منه يله
بيلفوا لقوا نهله طالعه تمد بخطواتها عايزه تحصل كريم الي ركب بعاليا العربيه
ندي بغيظ: اه نهله اكيد رايحه تضرب عاليا
حسن مسكها: بلاش مبالغه نهله واقفه مكانها
عاليا بتعافر متركبش معاه: بقولك اوعي سبني
كريم: لو هربتي هجري وراكي واسحبك تاني للعربيه
نهله طلعت تجري وراه العربيه الي اخدت لفه قدامهم!!!
حسن وقف في وشها: نهله ايه الي بيحصل فيه مشكله
نهله بصتلهم نظرات كلها حقد وكره بغيض ورفضت ترد عليه
ندي: تعالي هنا انتي رايحه فين انتي جاموسه نسأل مترديش
نهله بصتلها بنفس النظرات ومشت
………..منه محمد………
دخلت المكتب وبدئت تتعصب جدا وعيونها قلبتهم بضجر
فتح عليها الباب ودخل: فيه ايه
نهله بحده: اخرج
حسن : وانا بسألك ايه الي حصل
نهله بزعيق: انت جاي تزعجني
حسن كرمش ملامحه: انا مش عايز ازعجك بس بتتصرفي زي الناس المجانين ليه مش قادره تتحملي ان كريم مشي مع عاليا
نهله صرخت: حسسسسسسن
حسن بصلها بحدة: اياكي تلوميني بس بجد انتي متطفله ولازم تتحملي تشوفي الصوره دي كدا كل يوم طول حياتك اتعايشي بقي مع الموضوع
نهله بصوت مبحوح مجروح. : قلت اخرج
حسن مقهور من اسلوبها: نهللللله
نهله بصراخ وحدفته بالشنطه: اخرررررررج برااااااااااااا
حسن فتح الباب وخرج علي اخره من نهله ….ندي فضلت تضحك عليه
حسن بستياء: بتضحكي علي ايه؟؟!!
ندي بضحكة من قلبها : تستاهل صديقتي وانتي استني هنا بلاش تدخلي معايا وانا ههتم بالامر اهي ادتك علي دماغك
حسن بقله حيله: اعمل ايه طيب
خالد دخل شافهم: اوه بتعملوا ايه هنا؟؟!!
حسن: ابدا عمي عاصم طلب يشوفنا
ندي: ايوه شكله شاكك فينا بصراحه حقه الاشخاص الي يعرفه الموضوع ده احنا كدا وانا لو مكانه كنت هشتبهه فيا انا نفسي
حسن: بس انا واثق انه محدش فينا احنا اصدقاء صعب نخون بعضنا
خالد بنبره غريبه: فعلا احنا اصدقاء صعب نأذي بعضنا
ندي بصتله اوي مستغربه طريقته
خالد بصلها: فيه حاجه
ندي: ولا اي حاجه بس بفكر
……منه محمد……..
رايح لمكان غرفه الاجتماعات قبلهم ووقف يسمعه لما تلفونه رن فرد: ايوه فيه ايه خلاص هشوف الامر
خالد ظهر قدامه: فيه مشكله؟
احمد هز راسه : لا
خالد بخبث: بجد بس لو فيه مشكله قولي ممكن احلهالك
احمد بهدوء: اعذرني بس رايح اتكلم مع السيد عاصم الاول
خالد: تمام
احمد:بعد المؤتمر الصحفي السيد عاصم عايز يتكلم معاك
خالد: بخصوص ايه؟؟!!
احمد: بشأن الخبر الي اتسرب الامر ده قليل جدا الي يعرفوه السيد عاصم عايز يسأل ويتأكد ان مفيش حد بلغ الصحفين عن طريق الخطأ
خالد ارتبك وده ظهر علي تعابيره ملامحه: تقصد ان كلنا بقينا مشتبه فيهم عند السيد عاصم
احمد: تقدر تقول كدا بس لو مش انت الي عملت كدا ليه خايف وقلقان عن اذنك
مشي احمد وخالد وقف بالفعل قلقان!!!!!
………….منه محمد……….
سايق بسرعه رهيبه وماسك الدركسيون بكل قوته حاسس انه مش قادر يركز على الطريق من نظراتها الي بتضربه بيها حاسس بنار مشعلله في صدره كل ما يفتكر خالد وايده بتلف حواليها مش قادر يتحمل حاسس كأنه مش شايف السكه قدامه شويه وصل ووقف العربيه في مكان غريب نزل ولف فتح بابها وقالها انزلي
عاليا بقلق: انت واخدني ورايح علي فين رجعني انا عندي شغل
كريم ماسك ايدها ومد بيها طالعها فوق كبري عالي محاوطاه ميه من جميع الجهات
عاليا بتتلفت حواليها وعيونها بتحاول تحقق من المكان نطقت برهبه وخوف: علي فكره انا بسألك ليه مش بترد
عاليا طلعت معاه وعيونها موزعه في المكان وواضح عليها التوتر والصمت وبعض الانفاس الغاضبة هي كل الحور اللي دار في اللحظات دي ما بينهم!!!!!
عاليا بلعت ريقها برعب: اتفضل قولي ليه جايبني لحد هنا(وبتحذير) لو عملت اي حركه تأذيني هصوت والم الناس عليك
كريم بستنكار: مين الي هيجي يساعدك
عاليا: لا انا حنجرتي قويه فلو صرخت اكيد هيظهر حد لمساعدتي قولي بسرعه اوسبني ارجع
كريم كتفها: حاولي كدا تهربي مني
عاليا: عاوز ايه اي كلام محشور لسه قولهم وخلصني
كريم قرب ووقف قدامها مركز علي ملامحها: بجد عايزه تعرفي انا عايز ايه،، عايز الحقيقه شايفه مفيش حد هنا لا فيه ابويا ولا صحفين قولي وقري ليه عملتي كدا واعترفي وخلصيني
عاليا: اولا انا مش بكدب ولا بمثل كل الي قولته حقيقه بغض النظر عن عدد المرات الي سألتني فيهم حتفضل اجابتي واحده وكفايه ان بابا صدقني
كريم: طبعا ابويا بيصدق كل الي بتقوليه بس مش دي الحقيقه وانت مقولتيش حاجه
عاليا بصوتها المرتعش : ايه الخطه الي مفكر انها عندي كريم بجد لحد كدا وكفايه مش عايزه اتكلم في الموضوع المؤرف ده اكتر من كدا لاني بجد تعبت عايزه كل شئ ما بينا ينتهي
كريم صرخ فيها بعصبية : لا مش هتقدري لاني مش هسمحلك انه ينتهي
عاليا بنفاذ صبر: ليه متمسك كدا فهمني لسه مصمم تأذي قلبي تاني
كريم مسك وشها: جاوبيني الاول ليه انكرتي قوليلي الحقيقه
عاليا: ليه محتاج تعرف لو عرفت حتكون فرحان مش كدا
كريم بنرفزه: انا بسالك مترديش بسؤالي
عاليا: عملت ده بسببك بحميك مقدرش اشوف الناس الي بحبهم بيتألموا ارتاحت راضي بالاجابه
كريم بصلها وانتبه لعيونها الامعه…كان واضح انها مليانه دموع لكنه اكتفي بسكوته الغامض
عاليا: انا بسالك انت راضي كدا مكتفي(وجايه تمشي سحبها لصدره بغريزة التملك المسيطره عليه
عاليا بتضربه بكوعها في كل مكان: كفااايه كريم بلاش تأذي قلبي اكتر من كدا ارجوك خلاص والله ماعندي طاقه اتحمل اكتر من كدا فلو كنت مبتحبنيش سبني اروح لو سمحت وبلاش تضايقني بعد دلوقت
كريم بشك وغيره: ليه فيه حد تاني
عاليا بنفي: لا تاني ولا تالت وانت عارف انا رافضه اكمل معاك ليه انت اخترت تكون مع نهله روحلها خليني اكمل لوحدي طريقي
وسحبت وسطها من بين ايديه من القهر ومشت بعيد وهو وقف مكانه وحيد معاه الألم الي فقده ايه هو معني الاحساس بالحياه… !!!!
……….منه محمد………….
في غرفه الاجتماع كلهم قاعدين حوالين الطربيزه
عاصم: شكرا ليكم انكم جيتم انا بس محتاج اسألكم عشان اكون متأكد لو فيه حد ما بلغ ناس تانيه عن موضوع هفوات كريم لكن بما ان الكل قال محصلش هحقق مع الصحفين واحد واحد واعرف منه مين الشخص الي بلغهم وحقق في الامر من زاويا تانيه
حسن: لو عرفت اي حاجه ياريت تبلغني من فضلك عايز اواجهه الشخص الي باع اخبار ناس لفايدته الشخصيه من غير ما يراعي مين هيقع بمشكله
عاصم: اكيد شكرا ليك ياحسن لانك خايف علي كريم
حسن بنفعال : كريم ده اخويا
عاصم: علي العموم احنا وجهنا الخبر عن استقرار جوازهم السعيد اعتقد مفيش مشكله تقلق
ندي بخنقه: بس العلاقه بين عاليا وكريم مش تمام
عاصم: ايوه بس لحد دلوقت منفصلوش وده الي هنحاول نسلط عليه الضوء علي الاقل لفتره طويله واتمني من خلال الفتره دي يبقي فيه امل عاليا وكريم يتصالحوا
ندي: ده مؤشر جيد ان الضوء اتسلط عليهم يمكن ده يفوق ناس (تقصد نهله)
عاصم وجهه نظراته لخالد الي متكلمش كلمه وكمل: شكرا ليكم كلكم
الكل وقف وسلم وبعدين خرجم بكل هدوء
احمد: سيد عاصم ليه استدعيت اصدقاء كريم بيه وسألتهم بشكل مباشر سبني انا احقق يمكن اقدر اكتشف الامر بشكل اسرع
عاصم بغموض: قلت يمكن اكتشف لما في حد فيهم يتصرف بشكل مريب
احمد: حضرتك شايف ان واحد منهم الي سرب الخبر للصحافه
عاصم: لسه مش متأكد بس كمان مقدرش ادي الثقه لـ اي حد بشكل كامل لان موقف زي ده مينفعش الثقه
احمد بنظرات زايغه مرتبكه: عندك حق
عاصم : روح انت حقق مين الي عمل كدا؟؟!!
احمد هز راسه بالموافقه :امرك وخرج
وعاصم رجع قعد وسرح بأفكاره
…………..منه محمد……..
تاني يوم في الشركه في وقت البريك دخل لقاها قاعده مكشره بصلها برفق وعطف وقرب وسند كفوف ايده علي سطح المكتب : ممكن ناكل لقمه سوي ونرجع نكمل
عاليا: ياريت بس اعزمني علي دكر بط يكون مقلوظ
طارق :عاليا انتي مش ملاحظه شكلك زايد الايام دي
عاليا :فعلا باكل كتير وبنام اكتر
طارق بهتمام :من امتي وانتي كدا
عاليا بعد تفكير بسيط :من حوالي شهر واسبوع تقريبا بس هو فيه ايه
طارق عقد حواجبه: شهر وساكته ؟؟!!
عاليا: ايه الموضوع انا مش فاهمه
طارق:فيه ان الاعراض دي اعراض حمل
عاليا بصتله بندهاش: بس انا معلوماتي اعراض الحمل حساسيه شم روايح تقئ مش كدا
طارق: لا مش كدا ساعات بيجي بفتح الشهيه والنوم الكتير
عاليا هزت راسها برفض: لالا انا بس وزني زاد ومش حامل والنوم مجرد ارهاق مش اكتر
طارق :اوك اعملي تست زياده تاكيد
عاليا حبت تبعد الفكره تماما وردت :ماشي يله بينا بقي احسن جعانه
طارق بمرح: يله يا مفجوعه (ومد ايده ليها )
عاليا مدت ايدها له وضحكتله بطريقه طفوليه ونزلت معاه …… في نفس الوقت باب مكتبه اتفتح رفع عينه من علي الجهاز لقاها نهله
كريم بتعجب: نهله
نهله ميلت عليه بجسمها كله وبسهوكه: جتلك اطمن عليك شكلك مضطرب من امبارح وكمان محتاجه اتكلم معاك
كريم بعدها عنه بضيق: ايوه بس انا هنا في الشغل كان ممكن تستني لحد ما ارجع البيت
نهله كشرت :مالك ياكريم انت من امبارح مش مظبوط رغم المشكله خلصت
كريم بدون نفس: ايوه بس عندي مشاكل في الشغل
نهله: خلاص تعال نروح اي مكان هادي ونتكلم ولو مش موافق خلينا نتكلم هنا
كريم بخنقه: لا موافق تعالي نروح اي مكان لاني تعبت من المكتب
نهله: خلاص ده وقت البريك واكيد مكلتش ايه رايك نروح ناكل وجبه خفيفه
كريم: لا ماليش نفس لكن ممكن اشرب فنجان قهوه
نهله بتصميم: لا هتاكل قبل القهوه لان انا كمان من امبارح مكلتش ومعدتي بتصوصو
كريم مشي جنبها ونزل معاها دخلو المطعم
نهله وقفت: الله مش دي عاليا يظهر هي وطارق بقوا قريبين من بعض اوي
كريم مد عليهم بخطواته المتعصبه: معرفش اني هشوفكم هنا
طارق بهدوء: خلصنا شغلنا وقلنا ناكل سوي
نهله بنظرات حقد لعاليا: انا برضو هنا لاننا بناقش موضوع سوي محدش يفهم غلط
عاليا: ليه نفهم غلط طالما هتتغدوا بس
كريم بضجر: قصدك ايه؟
عاليا بهدوء:مقصدش حاجه انت الي دايما دماغك تحدف شمال
طارق بتهكم: عاليا تقصد انك هتاكلوا وجبه خفيفه او تتفرجوا سوي علي فيلم
عاليا: شوفت نيتي سليمه
نهله بتشد كريم من دراعه: خلاص بلاش نزعجهم خلينا نقعد ونطلب
كريم كتم غيظه: يله وسحب كرسي من نفس التربيزه وأأعد قصادهم وعيونه مصوبه اتجاه طارق وشاور لنهله تقعد هي كمان وما بينهم الاربعه نظرات تحدي تولع المكان بالي فيه!!!!!
طارق بدء يحطلها الاكل قدامها ونظرات كريم الحاده القويه مصوبه عليه
عاليا ببتسامه:شكرا
طارق بادلها الابتسامه:العفو
نهله شافت غيرته الي واضحه : كريم بص لطبقك وكل
طارق :استاذ كريم ياتري عملتلي ايه في الطلبيه الدواء الي طلبتها
كريم :احنا هنا خارج اسئله الشغل تمام
طارق: طيب ما براحه ليه بترد كأنك قرفان
كريم بسخريه: انا مش قرفان انا حاسس بالمرض
طارق بستفزاز: لو كنت تعبان روح مستشفي اصل القاعده هنا مش ممكن تخليك تركز
كريم :ليه اروح مستشفي مش انت برضو دكتور
طارق حك أنفه بالسبابه :ايوه دكتور بس انت محتاج دكتور اعصاب
نهله: كريم يله خلينا ننهي ونمشي
كريم بدء ياكل ويبصلهم كل ثانيه وفضلت القاعده كلها توتر بعكس كريم الي نظراته رايحه جايه كأنه فيه حد كهربه علي غفله ونهله قاعده نفسها تزيد الفجوه بينهم !!!
عاليا شكت فيها فاتعمدت توقع الشوكه الخاصه بيها تحت التربيزه نزلت تجيبها لقت نهله بتحسس علي فخذ كريم مسكت اعصابها وطلعت براسها من تحت التربيزه
نهله بخبث: مالك فيه حاجه؟؟
عاليا: لا مفيش اي حاجه
نهله ببتسامه خبيثه: اصل وشك اصفر مره واحده كأنك شوفتي حاجه خوفتك
عاليا: لا ابدآآآ محتاجه اروح التولت وقامت وعملت نفسها داخت ووقعت في حضن كريم!!!
كريم بخوف حقيقي: عاليا انتي بخير مالك
عاليا: حاسه الدنيا لفت بيا مش قادره اخد نفس
كريم رفعها بين ايديه: لازم اخدها لدكتور يشوفها وطلع يجري بيها من المكان
نهله طلعت تجري وراه: كريم استني جايه معاك
طارق مسكها من دراعها: خليكي بلاش تبقي دخيله
………منه محمد…….
عاليا فكت ايدها الي محاوطه رقبته : ممكن بقي تنزلني
كريم اتعصب منها: انتي خدعتيني
عاليا بفرحه: فعلا خدعتك
كريم بنص عين:بقي كدا
عاليا قلدته:وابو كدا
كريم بغيظ وفرسه رماها علارض
عاليا بحده: انت ازاي تدفشني كدا ياجدع
كريم :والجدع كان مفروض يعرف انك مكاره وجريئه
عاليا: وانت سافل وشوفت كل حاجه بتعملوها انت ونهله العروسه البلاستك
كريم :عجباني ولو معملتش كدا احتمال كنت اخدها اي مكان امارس معاها الحب
عاليا: انت سافل ووقح
كريم :وانتي احترمي نفسك واعرفي اني جوزك ولا كل شاب تقابليه تشبطي فيه زي الفراشه نفسي اعرف بتعمللهم تعويذه عشان يبقوا كلهم حواليك!
عاليا اتغاظت وراحتله وقربت منه وبصتله : انت مفكر كل الناس زيك
كريم بنظره حاده مهلكه: وانتي لسانك طويل ولازم تتعاقبي تعالي معايا
……..منه محمد………
مسك ايدها بقسوة وشدها للمكتب وقفل الباب بالمفتاح
وراح جاب دوسيه معتق ورماه قدامها وبأمر: هتكوني مسؤله عن المشروع ده وهتشتغلي معايا عليه
عاليا بعتراض :مش هعمله ده خاص بيك انت انا اعمله ليه؟!
كريم :ايوه مشروعي لكن انا عايزك تصمميه وتمسكي زمامه اعتقد ده هيفرح ابوكي لما تتولي مشروع كبير واعرفي ليه بتنازل واديكي شغلي عشان انا عارف انك مش قده
عاليا بعناد ذقته قدامه:ايوه انا مش قده هدمرهولك خد مشروعك اشتغل انت عليه
كريم بتريقه ذقه تاني قدامها : ليه بتتخلصي من فرصتك قبل ما تبدء مش عايزه تاخدي فرصتك وتفرحي ابوكي
وبكره الضهر عندك مقابله مع عميله واربعه العصر مراجعه شغل
عاليا بغضب مضحك : كل ده هعمله لوحدي
كريم كتم ضحكته بالعافيه: ايوه
عاليا: بس انا عيانه
كريم بغرور وشموخ : لو كنتي عايزه تبقي مديره ناجحه مينفعش اعذار ولا تمرضي ولا ترتاحي بس لو مش قادره تتحملي نصيحه تروحي تموتي
عاليا بصتله بذهول واضح : يا انسان العصر بقولك عيانه ومكلتش حاجه من الصبح
كريم رفع حاجب بستهزاء : ولما عيانه مروحتيش لدكتور ليه
عاليا بسماجه: اصلي بخاف من الحقنه
كريم بغيره هتجننه : اشتغلي وبطلي تنطيط من هنا لهناك خاصا مع اخوكي زي ما بتقولي
عاليا خبطت جامد علي سطح المكتب:انا مش بتنطط انا بس بعيش حياتي زي ما انا عايزه وبطل تضايقني وتحكم عليا اني مش بفهم
كريم كتف ايده علي صدره : خلصتي خدي المشروع وميهمنيش تعيشي حياتك ازاي كل الي عايزه تنجزي الشغل ولو ارتكبتي غلطه مش هرحمك كونك المحببه عندنا ابويا
عاليا قررت تشتغل معاه وتطلعله قرون
…………..منه محمد……
ماشي وراه خطوه بخطوه فضل يبعد بخطواته لحد ما شافه وقف وظهر شخص مجهول قدامه ومدله ظرف اخده وفتحه
راجل ما: المبلغ ده قليل جدا
احمد: قلت لك استني عليا شويه
الشخص بتعنيف شديد: استني وبكل وحشيه ضربه لكمه في شفايفه نزفت وبعدين ضربه بالمسدس علي دماغه: هديك مهله اسبوع واحد تجبلي النص مليون وزي ما اخدتهم مني ترجعهملي ولو ده محصلش حموتك ومتفكرش تهرب سامع لاني وقتها هقتلك
ضربه علي خده وبعدين لكمه تاني لدرجه طاح علارض واحمد اتألم جامد من اثر الضربه والشخص مشي
خالد مد بخطواته ووقف قدامه: اممم اظاهر فيه مشكله يا سيد احمد
احمد ماسك فكه ولف عليه بصدمه حس ان الدنيا بتلف وتدور بيه من اللي واقف قدامه!!!!!!!!
خالد نخ علي ركبه وقعد قدامه: انا شوفت كل حاجه وعرفت انك محتاج فلوس في الوقت الحالي لحد ما بدئت تغتلس من مال الشركه وبدئت تتعامل مع مديره الماليه وعارف كمان ان فيه فلوس بدون مصدر دخلت في حسابك اظن لو عرف السيد عاصم هيزعل اوي ان سكرتيره المخلص خانه
احمد نطق بصعوبه: انا مكنتش عايز اعمل كدا بس اعمل ايه لو مختش الفلوس اسدد ديوني اكيد كنت زماني ميت
خالد ببتسامه خبيثه :وانا مصدقك ان الفلوس تشتري كل حاجه حتي الذمه
قام وقف وسحب ايده يوقفه
احمد وقف متوتر: عايز ايه انا مستعد اعمل اي حاجه بس بطلب منك شئ واحد متبلغش السيد عاصم
خالد ابتسم بتقزز واستياء
احمد: مش عايز يخيب ظنه فيا
خالد: انا مش بحب افكر كتير اشتغل معايا وانا هحتفظ بالامر كسر
احمد بدون تردد :موافق بس عاوزني اعمل ايه
خالد :حاجه سهله تدمر حياه كريم حاول وفكر وشوف لو دمرت حياته عمي هيكون مشغول فيه بتأكيد ومش هيكون عنده وقت يفكر في اي خطأ تاني زي اختلاس من مال الشركه وده هيكون سر ومن عندي مبلغ عشانك تستخدمه لدفع دينك ولو فيه اي حاجه بلغني انا معاك بس لو منفذتش حياتك انت الي هتدمر سيد احمد
احمد هز راسه بالموافقه:موافق عاوزني اعمل ايه وانا مستعد
خالد: هخالي كريم كبش فدا لدرجه كل الناس تعتقد انه شخص سئ جدا
خالد مد ايده بالسلام واحمد عمل نفس الشئ
يله خربتها ولسه منتظره رايكم مش تم بلوق بلوق????