رواية تزوجتها بهدف الانتقام الفصل الحادي عشر 11 بقلم نورهان ياسر

افكركم وقفنا فين ي حلوين 🌸نغم بصدمه :انت بتقول اي طب انزل منها بسرعه قاطعها
اسر :اسمعيني بس دي شكلها النهايه انا اسف على كل اللي عملتها معاكي اتمنى تسامحيني وارجوكي ي نغم حافظي على ابني وأول لما يجي ع الدنيا اديه لاابويا والأملاك بي،،،، لسه هيكمل العربيه اتق*لبت
-نغم بعياط :أسر الو رد ي أسر أسر ااااااااسر
سلمي بخوف : اي ف اي اللي حصل؟!
نغم بعياط :أ،، اسر حد سي*ب له فرامل العربيه وعمل حا*دثه
سلمي بصدمة :انتي بتقولي اي بجد حصل كدا طب هوا فين دلوقتي؟!
نغم بعياط :مش عارفه مش عارفه ي سلمي اعمل اي انا دلوقتي انا مش قادره افكر حتى
سلمي :بصي اهدي كدا وانا هكلم أحمد واسأله نعمل اي
=………
نغم بتنهيده :انا لقيتها هلكم يوسف وهوا اكيد هيساعديني.. ومسكت فونها ورنت عليه
-على الجهه التانيه
يوسف بضحك :يااه مش مصدق نفسي البرنسيسه نغم بجلالة قدرها بتكلمني ارغي ي برنسيسه
نغم وهيا بتحاول تجمع أنفاسها َتتكلم :يوسف الحقني
يوسف بخضه : ف اي ي نغم خضتيني عليكي
نغم بعياط :أسر ي يوسف أسر عمل حاد*ثه
يوسف بتنهيده: اهدي وفهميني إي اللي حصل
نغم بعياط :حد س*يب فرامل العربيه بتاعه اعمل اي انا دلوقتي اروح فين واتصرف ازاي
يوسف :اهدي بس ممكن تهدي وانا هجيلك انتي فين
نغم :انا واقفه قدام الجامعه مش هستني لما تيجي اديني عنوان الشركه بتاعته
يوسف :تمام روحي ع *****
-نغم راحت قافله التليفون ومشيت بسرعه توقف تاكسي
-سلمي كانت لسه بتكلم أحمد
سلمي استنى ي نغم انتي هتروحي على فين
نغم :يوسف اداني عنوان اشركته هروح واسأل هناك ع أقرب مستشفى اكيد نقلوه هناك لازم الحقه قالت كلمتها وكانت وافقت تاكسي وركبت بسرعه
سلمي قالت بعصبيه :ي مجنو*نه وراحت تجيب عربيتها بسرعه عشان تلحقها وركبتها ومشيت وراها بسرعه بعد ما بلغت أحمد بالعنوان
~~~~~~~~~

عند نغم ف التاكسي
-نغم :بسرعه لو سمحت واديني ع أقرب مستشفى ف العنوان دا
السائق :بس دا بعيد قوي ي مدام
نغم : لازم اروح بسرعه لو سمحت ما فيش وقت للكلام سوق بأقصى سرعه
~~~~~~~~~~
عند يوسف وعلى ف البيت
-على : ف اي ي چو مالك متسربع كدا لي
يوسف بنرفزه : أسر عمل حاد*ثه لازم نروح يلا ما فيش وقت
على :امتى دا حصل؟!
يوسف :معرفش تفاصيل نغم قالتي أن ح سي*ب له فرامل العربيه دا اللي نغم قالت هولي قوم بسرعه نروح له بس خد بالك ل عمي حامد يعرف دا ممكن يروح فيها ي على
على هز رأسه بمعنى ماشي لأنه كان. مصدوم
-ف الوقت دا كانت شهد معديه من قدام الاوضه وسمعتهم وزقت باب الاوضه وقالت بصوت عالي : انت بتقول اي أسر عمل حاد*ثه امتى وازاي محدش فيكم يقولولي قربوا ودوني عند بسرعه
-يوسف :وطى صوتك ي غبيه لعمي يسمع ويح،، مكملش كلمته وسمع صوت حاجه اترزعت ع الارض جربوا برا الاوضه يشوفوا لقوا حامد واقع ع الارض
-يوسف جرى عليه بسرعه :عمي فوق ي عمي عمي شيله معايا ي علي بسرعه
-علي ويوسف شألوه ودخلوه الاوضه
يوسف :اطلب الدكتور ي علي وخليك جانبه اول لما يفوق كلمني انا هروح انا عند أسر .. وانتي مبسوطه كدا ي ست شهد لازم تعلى صوتك يعني
شهد وهيا بتضيق حواجبها بضيق :وانا مالي انا عملت اي يعني
يوسف :انا ماشي قبل ما ارتكب جنا*يه
شهد :استنى خدني معاك لازم اطمن ع أسر
يوسف زفر بضيق :يارب صبرني قربي قدامي
~~~~~~~~~~~~~
-نغم وصلت المستشفى
-نغم جريت ع الاستقبال
نغم بعياط :لو سمحتي ف حد عمل حاد*ثه من شويه هوا انتقل هنا
-موظفة الاستقبال ايوا ي فندم من بقاله يجي ساعه كدا واحنا قدرنا نتعرف على هويته من البطاقه اللي معاه
تقريبا اسمه أسر السيوفي
نغم انهارت اكتر اول لما سمعت الاسم لأنها كان عندها امل انه يكون قدر ينزل م العربيه قبل مو تنق*لب
نغم بنفس متقطع :طب هوا فين دلوقتي؟
موظفة الاستقبال :هو دلوقتي ف العمليات الدور التالت على ايدك الشمال
نغم جريت بسرعه وركبت الاسانسير وطلعت الدور التالت
نغم سألت الممرضه وهيا شاورت ليها ع الاوضه اللي أسر فيها
-نغم جريت علي الاوضه بلهفه ولسه جايه تزق الباب الممرضه جريت عليها ومسكتها من ايدها ممنوع ما ينفعش تدخلي
نغم بعياط :سيبني لازم ادخله
الممرضه ممكن تهدي حضرتك هوا ف العمليات بقاله ساعه شويه والدكتور هيطلع وتقدري تتطمني عليه اتفضلي استريحي بس
-نغم راحت قعدت وهيا عماله تهز ف رجليها م التوتر والقلق
-ف اللحظه دي وصلت سلمي وكان أحمد معاها لأنها قالته ع العنوان
سلمي جريت عليها وحضنتها وقالت :نغم طمنيني
كله تمام
نغم وهيا ما زلت لسه ف حضنها اتكلمت بعياط قالولي ف العمليات بقاله ساعه تفتكري هيبقى كويس ولا هيسبيني ويمشي زي كل حاجه حلوه احبها واتعلق بيها وتسيبني وعيطت اكتر لأنها افتكرت مو*ت والداتها ودا كان اكتر حدث اليم حصلها لأن امها كانت أقرب حد ليها كانت صاحبتها قبل ماتكون امها وكانت دايما حنينه عليها على عكس ابوها اللي دايما بتجاهلها
سلمي وهي ترتب على كتفها :كفايه عياط ي نغم بقى هيبقى كويس متقلقيش ف الوقت دا خرجت الممرضه نغم جريت عليها بسرعه وقالت :طمنيني بقى كويس
الممرضه :لسه العمليه مستمره بس المريض نز*ف د”م كتير ومحتاج نقل دم وفصيله دمه مش موجوده ف المستشفى دلوقتي لازم تلاقو حد يكون فصيلة د” مه O ويتبرعله ف أسرع وقت
نغم :انا فصيلة د”مي O تعالى خدي مني بسرعه
الممرضه :طب تعالى معايا اعملك شوية فحصوات واتأكد انك ينفع تتبرعيله
-سلمي جريت ا نغم وقالت بعصيبه :نغم متنسيش انك حامل ممكن يكون ف خطر على حياتك انتي والبيبي
نغم وهيا بتحط ايدها على بطنها ابني هيستحمل عشان ينقذ ابوه وراحت مشيت ورا الممرضه
-الممرضه بدأت تسحب من نغم الد”م بعد ما اتأكدت انها ينفع تتبرعله
الممرضه بعد ما سحبت الد”َم قالت : المريض محتاج كميه أكتر من دي وما ينفعش نسحب منك اكتر من كدا ممكن يكون ف خطر ع الجنين
نغم بعصيبه : احسبي الكميه المطلوبه وملكيش دعوه انتي
الممرضه :بس،، قاطعتها نغم: اسمعي اللي بقولك عليه وانا المسئوله عن أي حاجه تحصل
-بعد ما الممرضه خلصت نغم طلعت كانت راحه تقف قدام اوضه العمليات بس كانت حاسه بدوخه وكانت هتقع لحقتها سلمي وسندتها
سلمي بخضه عليها :انتي كويسه
نغم بصوت متقطع :كويسه كويسه
سلمي؛ لا مش كويسه روح ي أحمد هات ليها عصير أو أي حاجه تأكلها تعوض الكميه اللي اتبرعت بيها
-سلمي سندتها وقعدتها
~~~~~~~~~

يوسف وشهد وصلوا المستشفى وسالوا ف الاستقبال وطلعوا لقوا نغم وسلمي قاعدين
يوسف بقلق :الدكتور قالكم اي؟!
-نغم ما كنتش قادره تتكلم ردت سلمي وقالت هوا ف العمليات دلوقتي
يوسف بجديه ايوا يعني الدكتور قالكم اي برده
سلمي وهيا زهقانه منه بلاسبب :قال ف نز*يف ع المخ وهيضطروا يستأ*صلوا الطحال لأنه بير*شح وف كس*ر ف الدراع وهيضطروا يجبسوه ارتحت بقى
يوسف بصدمة: كل دا لا إله إلا الله ربنا يقومك بالسلامه ي ابن عمي
شهد وهيا بتوجهه كلامها لنغم: انتي السبب اكيد انتي اللي دبر*تيله الحاد*ثه دي انتي عايزه تمو*تيه وتاخدي املاكه مش كدا
نغم مردتش عليها واكتفت بالصمت لأنها كانت ف حاله متسمحلهاش انها تتكلم
سلمي اتكلمت هيا وقالت :بس ي بتاعه انتي
شهد : انا بتاعه ي اللي،، قاطعها يوسف بجديه وقال: شهد احنا ف اي ولآ ف اي انتي وهيا
سكتوا كلهم
-بعد فتره خرج الدكتور وجريوا عليه كلهم
نغم اتكلمت بلهفه :طمني بقى كويس مش كدا
الدكتور :للأسف العمليه ناجحه بس المريض مش راضي يستجيب ودخل ف غيبوبه و قاطعه صوت الممرضه : دكتور ي دكتور الحق المريض ضربات قلبه بتقل جدا والقلب ممكن يقف ف اي لحظه الدكتور جرى عليها بسرعه وبص لجهاز القلب لقى النبض عمال يقل
الدكتور للممرضه :بسرعه لازم نعمل للقلب صد*مه كهر”بيه للقلب عشان يرجع طبيعي تاني وبالفعل بدأ يعمل صدمه كهرييه بس القلب مكنش بيستجيب وف لحظه الجهاز صفر يشير الي انتهاء حياة أسر عند هذه اللحظه ،،،،،،،،،،
الدكتور طلع لهم وقال بكل أسف :البقاء لله
الكلمه نزلت عليهم كلهم ك الصا*عقة واتسمروا ف مكانهم الا نغم
-نغم زقت الدكتور وقالت بهستريه انت بتقول اي انت اكيد اتج*ننت وزقته ودخلت ل أسر الاوضه لقت الممرضه بتغطي وشه نغم زقتها وشالت الغطي من على وشه وقالت بعياط :انتو اكيد بتهزروا صح وبدأت تحرك ف أسر
نغم وهيا بتعيط بهستريه :أسر قوم أسر عشان خاطري متسبنيش أسر طب عشان خاطر ابننا وراحت ماسكه أيده وحاطاها على بطنها،، انا وهوا ملناش حد غيرك أسر متعملش فينا كدا لي ما فيش حاجه بتكمل معايا للآخر أسر انا من بعدك هبقي وحيده محدش اهتم بيا زيك محدش كان بياخد باله من تصرفاتي زيك انا لما كنت بعمل الغلط عشان اضايقك كنت بحب ازهقك عشان اشوف حنيتك عليا ف الأخر وانت بتصالحني كل مره زعلتني فيها كنت بتصالحني ف الاخر انا عمر ما حد عاملني زيك كدا قبل كدا طب انت عارف انا عمري ما خفت منك حياتي مش هيبقى ليها معنى من غيرك ،،،،، أسر ما تسبنيش وانتَ معايا بحس بأمان 💔
طب طب اقولك قوم وانا مش هضايقك تاني وعد
أسر قوم بقى وحطت رأسها على ايده وفضلت تعيط
اني أويت لكل مأؤي ف الحياه فلم أجد أجمل من مأواكا وبحثت عن سر السعاده جاهدا فوجدتها حماك 💚🥀
ف عالم تاني غير عالمنا
ست جميلة لابسه ابيض ف ابيض وشعرها الأسود الحرير مفرود على ضهرها وهدومها عامله تتحرك مع الهوا
– ساره :أسر حبيي انت جيت قد اي انت كنت واحشني انا مستنياك بقالي كتير قوي اخيرا جيت
-أسر جرى عليها وحاضنها :واحشتيني قوي ي ماما يااه من زماان اوي م قولتش كلمه ماما،،، لي ي ماما لي سبتيني ف اكتر وقت كنت محتاجلك فيه ليه؟!
ساره:كنت غلطانه ي أسر فضّلت سعادتي عليك كنت غلطانه وندمت اني حرمتك من حنان الأم بس خلاص انت دلوقتي بقيت معايا ومش هسيبك ابدا وهعوضك عن كل حاجه
أسر بفرحه :بجد ي ماما يعني هتفضلي معايا وانا هفضل معاكي على طول انا فرحان قوي انا من زمان وانا نفسي اجيلك
ساره :هنفضل مع بعض للأبد
يلا ي أسر تعالى معايا وراحة تمسك ايده وتشدها أسر وقف مكانه متحركتش
ساره: ف اي مش انتي عايز تيجي معايا
اسر:ايوه عايز اجي بس نغم ماسكه ايدي وبتشد فيا
ساره :هتروح ليها وتسبني ي أسر؟!
أسر :هيا وابني ملهمش حد غيري مينفعش اسبهم
ساره :طب وانا
أسر :انتي سبتي ابنك زمان وفضّلتي سعادتك عليا وانا مش هقدر اعمل زيك واسيب ابني لازم ارجع ليهم وراح شد ايده من ساره ومسك ايد نغم جامد وضغط عليها وقال بهدوء :مش هسيبكم لوحدكم اطمني هفضل جنبك،،،، ❤️
وحين تظن أن كل شيء كاد أن ينتهي يخلق الله لك مخرجاً لتبدأ من جديد💛
~~~~

نرجع لعالمنا
نغم اول ما مسكت ايد أسر وحطت رأسها ع ايدو وكانت بتعيط اغ*مي عليها، ف الوقت دا الممرض كانت موجوده معاهم ف الاوضه فجاءه لقت نغم سكتت مره واحده راحت ليها وبدأت تفوقها ف اللحظه دي شافت ايد أسر بتحرك وعمال يضغط ع ايد نغم جامد
-الممرضه اتخضت جدا ونادت ع الدكتور بسرعه
الدكتور دخل لقى جهاز النبض رجع يشتغل تاني وأسر رجع لوعيه
الدكتور بصدمه :مستحيل دي ف حد ذاتها معجزه انت قلبك رجع يدق بعد ما كان النبض وقف د انا قولتلهم بره البقاء لله انا مش قادر أصدق اللي انا شايفه دا بجد
أسر بتنهيده لاء صدق ي دكتور ربنا قادر على كل شئ
الدكتور :ونعم بالله هطلع اطمنهم بره واقولهم انك رجعت للحياه تاني
-الدكتور من صدمته ما اخدش باله من نغم اللي جنب أسر ومغ*مي عليها
-أسر وهوا بيوجه كلامه للممرضه :هيا اي إللي حصلها؟!
الممرضه بتوهان :هااا،،، اي دا اغم*ى عليها هيا كانت بتعيط جامد لما الدكتور قالها أن حضرتك م*تت وغير كدا هيا اتبرعت لك بكميه كبيره من الد”م ودا كان ف خطر عليها وع الجنين بس هيا أصرت تتبرع
أسر بعصبيه:طب وانتي سايباها لي حاولي تفوقيها
الممرضه :حاضر بس متتعصبش عشان غلط علي حضرتك
-وبالفعل الممرضه بدأت ترش مايه عليها وتفوقها
نغم كانت بتفح عنيها وببطئ لأنها كانت مرهقه جدا بصت لقت أسر ف وشها ع السرير بس المره دي كان صاحي وف وعويه وبيصلها
نغم بصدمه : اي دا ا أنا ي اما بحلم ي اما انا مو*ت ورحت عند أسر صح
أسر بابتسامه :بعد الشر عليكي م المو*ت ي قلبي انا اللي جيت لك
-نغم بفرحه كبيره وسعاده غامره قامت وراحت حضناه وقالت:كنت خايفه لتكون مت*ت بجد وتسيبني انا اتعودت على وجودك ف حياتي
أسر وهوا بيرفع ايده السليمه لأن التانيه متجبسه وبيدلها الحضن وكان بيشدد من احتضنها قال بمرح :يعني لو مت*ت مين هيقرفك ف عيشتك يعني ها؟!
نغم بعصبيه :طب ابعد بقى ي باارد وراحه تزقه ايدها جت ع الحرج مكان العمليه
أسر بصوت عالي م الوجع :ااااه غااا*بيه
نغم :انا اسفه واجعتك مكنش قصدي والله انادي الدكتور طيب يشوف اي اللي بيوجعك
أسر :خلاص خلاص مش مستاهله تاني مره خلي بالك انا بقولك اهو انا واحد لسه قايم من حا*دثه يعني مافيش حته سليمه فيا ف اتقي الله كدا فيا وبلاش تردي لي اللي كنت بعمله فيكي دلوقتي
نغم :ما قولت ما كنتش قصدي الاه هيا صوره
أسر :اهي اتحولت تاني كدا لي ما بتفضلش لطيفه خمس دقايق على بعض ،،، بس سيبك انتي اتخضيتي عليا وكنتي خايفه صح؟
نغم وهيا بتحاول تتكلم ببرود :لاء طبعا واخاف عليك لي ها أنت مين ف حياتي عشان اخاف عليك يعني
أسر :اي اللي خلاكي تتبرعيلي بالدم طالما مش خايفه عليا مع انك عارفه انه كان خ*طر على حياتك
نغم ببرود :عشان انت ابو ابني،،، وبعدين تعالى هنا انت عايز توصل ل اي مش فاهمه
أسر كان لسه هيرد عليها قاطعهم دخول يوسف وشهد سلمي وأحمد
-شهد جريت ع أسر وحضتنه وقالت :كنت هم*وت وراك ي أسر لو حصلك حاجه انا ما اقدرش اتخيل حياتي من غيرك أسر رفع ايده وحضنها (لأنه فعلا بيعتربها زي اخته وعمره ما شا فها غير كدا)
نغم اتعصبت من شهد وقربها من أسر وهيا ملهاش حق تعمل كدا
نغم بعصبيه :شكل ايدك السليمه دي هتوحشك قريب اوي ي أسر ها خلي بالك
-أسر بعد ما فهم قصدها وحس أن دي غيره ما ادهاش اهتمام وقال وهوا باصص لشاطمني ي شهد انا بقت كويس اهو وتمام متقلقيش
شهد :يارب تفضل دايما بخير وتمام ي حبيبي
نغم :اي بقى جو العشق الممنوع دا
يوسف وهوا بيحاول يحتوي الموضوع عشان عارف ان شهد اخته عايزه تبوظ العلاقه بين أسر ونغم :حمدالله ع السلامه ي كبير اي كنت عايز تعملها بدري بدري وتخلع ولا اي
أسر : ما تخافش ي اخويا انا قاعد ع قلبك
يوسف بضحك :انت تعمل اللي انت عايزه ي كبير
احمد :حمدالله ع سلامتك ي أسر
أسر :الله يسلمك ي أحمد تعبناكم معانا
احمد ولاتعب ولا حاجه دا واجبي انت زي اخويا
قاطع كلامهم كلهم ف اللحظه دي دخول واحده أقل ما يقال عنها جميله وعيونها عسلي وملامحها برئيه جميلة م الاخر يعني +حط صوره ليها تحت فتحت الباب ودخلت قاصده أسر
-أول لما دخلت جريت ع أسر وحضتنه
ميرنا بعياط : كنت عايز تمو*ت وتسيبني لوحدي ي أسر انا ليا مين غيرك،، انتِ واحشتني اووي اووي على فكره
-أسر وهوا بيادلها الحضن وبيشدد من احتضنها جامد كان بيضمها بقوه جدا لدرجه نغم اضايقت
أسر :وانتي كمان وحشتيني اووي على فكره ،،،، انا عمري ما اسيبك ي قلبي
نغم :كل واحد تيجي تجري عليه وتحضنه طب الست شهد وعارفينها مين دي بقي أن شاء الله
أسر بجديه :مراتي
نغم بشهقه وهيا بتعوج بوقها :نعم ي روح *امك

يتبع ……