رواية بين زوجتين الفصل التاسع 9 بقلم رويدا القاضي

 رواية بين زوجتين الفصل التاسع 9 بقلم رويدا القاضي

رواية بين زوجتين البارت التاسع

رواية بين زوجتين الجزء التاسع

رواية بين زوجتين الفصل التاسع 9 بقلم رويدا القاضي

رواية بين زوجتين الحلقة التاسعة



مر اسبوعين تمت فيهم الخطوبه وجت زينب

وآلاء ومعاهم صفاء باش تتأسف من وفاء

لعند توا وفاء كانت تتوقع انه الموضوع تم ماتحسابش العواصف مازال مابدت.


معتصم:الو وفاء وينك فيقي خميرة النوم حواء وهيا عمك خليفه يستنى قدام المحل.


وفاء:صباحك ورد ثواني ونطلعوا حواء نوضي ياغبيه بنمشوا للعمل.


حواء: عمل شن انا البارح سكرت الفجر من محمد بالك تحسابيني نخدم بالشحن.


وفاء: هيا انتى وعدتيني انك تخدمي معايا بري وحتى بترقدي في المحل عادي.


حواء:😒 متاكدة بالك ترجعي في كلامك بعدين .


وفاء: لالا متأكدة نوضي وياسرك نوم باش تلقى كيف تجيبي هديه لمحمد .


حواء: انا كلي هدية عنده مادرينيش انا سبله قولي انا نبي نطلع وخلاص.


وفاء: زيدي احكي انا لبست العبايه والنقاب وانتى قعدا في مكانك .


حواء: لكن والله ماشي معاك النقاب مطلع جمال عيونك 🤤 معتصم اليوم ربي يستر ع عقله.


وفاء: هيا بلا كلام زايد ومهتكة مش وقتها توا.


حواء: اهو نلبس اسكتي نبي نفهم امتا لحقتي تحطي ايلاينر وكحل تقول راقدة بيه.


وفاء: تلبسي بذون ماتغسلي وجهك 😱 خير هبلتي .


حواء: علاش بنغسله انا امتا رقدت اصلا وبلا جو نغسله باش معاش نقدر نرقد 😏 خبيثة.


معتصم: البرا هيا ولا بنمشي انا مش بنقعد ع حسابكم.


ناجيه: تعالو افطروا وبعدها ملحقين عليه المحل علاش السرعه هاذي كلها .


وفاء: لالا .خلاص وقت معاش نلحقوا .


ناجيه: استودعوا انفسكم لله يحميكم من كل شر.


حواء: ماعنديش جهد نتكلم استودعيني انتى علاش اسمك امي.


معتصم:😤 تكلمي كويس وانتى من يوم لبستي التل هذا ومعاش قدرنا نقولوا معاك كلمه.


وحواء:😲 نبصر عليها مش قصدي شئ.


وفاء: هيا حواء وقت علينا امتا بنغيروا الملابس في المحل.


مؤيد: وفاء موفقه انشالله نعرف قداش ليك تستنى امتا ترجعي للعمل.


معتصم:😠 وقعد ساكت فهم عليه مؤيد طول .


طلعوا وهما في الطريق 🚗 ماشيين للمحل

معتصم ساكت.


حواء: معتصم نعطيك فلوس تاخدلنا فطور وقهوة.


معتصم: اطلبي وبس لا تعطيني فلوس ولا نبي واصلا بناخدلكم بذون ماتتكلمي.


وفاء: انا مش مصدقه انه بعد للي صار بنرجع للعمل للي نحبه .


معتصم:😒 لما قلت ألبسي نقاب مش معناها

تحطي المكياج كله في عيونك.


وفاء:🙄 وانا قتلك مش ملتزمة ولبسته بس باش نرجع للعمل شن تبي ناخد منك اذن نكحل عيوني ولا .لا يوجعوا فيا عادي.


معتصم: ايه تاخدي أذن وكان يوجعوا فيك بعدين وانتم مروحين نرفعك لدكتورة عيون كويسه.


وفاء: مستحيل نسلم عيوني لدكتورة اكيد بتكون غبيه شن تحساب لاقيتهم ملوحات.


معتصم: شن انتى كل شى ضروري يكون راجل باش تسلميه عيونك وبدل مايديرلك

كشف يقعد يتأمل ونلقى روحي مكسرله رأسه.


حواء: ووووواك رأسي 😵 اوقف بالله عليك الفطور وبندول .


معتصم: باهي اهو وصلت لسوق للي فيه خطيبك 😏.


ونزل معتصم وخلاهم يستنوا في السياره 🚗 .


وفاء: خيره خوك عليا خنقني كنت نقول خالد صاعب لكن هذا احرف منه.


حواء:😒 تحملي لين ايجيك واحد ويرفعك لحوشه ولا اقعدي وتزوجي معتصم.


وفاء: بلا جو ناقص غير معتصم يولي راجلي انا هكي مش طايقه نشوفه.


خالد:😖 تعبان من العمل واصل حدي مش قادر حتى نتحرك .


ملاك: شن تحساب الفلوس ايجوك بالساهل وانت راقد.


خالد: توا خطرت عليا وفاء وقت كانت تخدم من الصبح للمغرب وانجئ انا ناخد في فلوسها وهيا ساكته.


ملاك: وفاء وفاء حتى بعد العار للي دارته مازال تتكلم عليها.


خالد: ديما بيني وبين نفسي نفكر هاذي اختي وماعنداهاش غيري .


ملاك: تبيها اختك تنساني انا ونتسى العمل متعك.


خالد: انا للي محيرني وفاء اختي من يومها ماشيه صح شن المعنى توا.


ملاك: انا طالعه عندي مبيت في العيادة مش فاضيتلك انت ومشاعرك.


خالد: وانتي اصلا امتا فاضيه ديما تجرى وبلا فايده.


وطلعت للعيادة للي كانت مدايرتها سبله باش

تخش وتروح ع كيفها .


الشايب: امتا بيصير للي قلتيلي عليه انا مايمشيش معاي هكي.


ملاك: شن تبي الليلة بايته معاك شن المطلوب نوقف نعيط قدام الناس باش انت ترضا.


الشايب: نبيك ترجعي مرتي حلالي بوك طلقك مني غصب ولم الموضوع وقتها كنت بلا فلوس انجبرت نسكت.


ملاك: نخاف عليك منهم حتى بعد السنين هاذي كلها 😔.


الشايب: مافيش حد يعرفني زيك وتعرفي

انه لما نبي حاجة مايقدر حد يمنعني منها .


ملاك: خلاص حبيبي الليله تعالى ارفعني معاك وبعدها اعطيني شوية وقت ونكلمك

ونمشوا.


الشايب: شويه راهو مش كل مره تطلعي سبله شكل باش تأجلي الموضوع.


ملاك: وانت تعرفني نقدر نصبر بلاك مستحيل نقعد بلاك دقيقة.


يزن: شفته شن داير فيها يتحكم في حياتها شن دخله بيها انا معاش نقدر نسكت.


محمد: مش هيا راضيه خلاص انت خليك ساكت وماعندكش بيها أي علاقة.


يزن: اسمع بعدين نبيك تكلم حواء قولها نبي انجى نشوفك.


محمد: وعلاش انشالله وبعدين هيا خطيبتي علاش نمشيلها زي الخانب امتا نبي نشوفها

نمشيلها للحوش.


يزن: نفهم انك خطيبها وداره كبد انت ويها بعدين ضروري تمشيلها للمحل نبي نشوف وفاء.


محمد: والله انت ماك ناوي تفوت الامور ع خير .


يزن: تحشم ياراجل ع وجهك ساد للي صاير في البنت بسببك انت وخطيبتك.


محمد: دليتني بيه الكلام هذا خلاص بعدين نمشوا.


يزن: مفروض من الاول قلت باهي وخليت روحك زي الراجل الطيب.


محمد: اسمع خالد خو وفاء كلمني واحدمن الجماعه قالولي يخدم حارس لشركه واحد مش مزبوط.


يزن: 😤 وانت علاش قاعد ساكت لعند توا كيف ماقلتش ومن هوا هذا للي يخدم عنده.


محمد: واحد اسمه الشايب رأس كبير لامخلي حشيش ولا سلاح ولا اعضاء

بشر كله خاش عليه.


يزن: خيره الراجل هذا وين عقله كان يسيب اخته ايشدها مشاكل ثانيه.


محمد: القصة اكبر من هكي المصيبه في موضوع واحد اليوم بيجيبلي الزبدة متعه لو طلع صح معناها خالد مضحوك عليه.


يزن: ربي يستر خليني في الصورة وشن يصير معاك قولي طول.


محمد: وين ماشي انت توا .


يزن: ماشي بنغير وبنشوف البنات مشتاقلهم

وعندي كلمتين لازم نحكيهم مع صفاء.


محمد: خف عليها شويه يايزن نعرف شن للي في دماغك لكن فكر في بناتك.


يزن:😏 معقوله خايف ع بناتي اكثر مني كون مطمن نعرف نتصرف.


وطلع وهوا تفكيره كل محصور في وفاء

مش عارف علاش وكيف وامتا صار لكن

فجأة لاقى روحه يغار ويخاف عليها بذون

مقدمات.


صفاء: اهلين كيف حالك توا الصبح حسيت طلعت معصب.


يزن: ومازال معصب لكن مش منك تعالى قعمزي نبي نحكي معاك.


صفاء: بديت نخاف منك لما تقولي انك تبي تحكي معاي نعرف انه في مصيبه جايه.


يزن: اسمعي الكلام وافهميه كويس انا مانبيش نضايقك لكن انا ربي مارزقنيش معاك بغير البنات.


صفاء:😭 شن هوا بيدي لو بيدي راني جبتلك الأولاد.


يزن: صفاء انا نبي نتزوج لو ربي رزقني معاها بالولد الحمدلله ونعمة من ربي .


صفاء: وانا وبناتك شن بيصير فينا لما انت تتزوج.


يزن: انتى قعدا في حوشك معززة مكرمه كل شئ يوصلك لعندك ونسيت نقولك رديلي

ملابسي في الدار بنرجع نرقد في مكاني.


صفاء: انشالله خير باهي من هيا للي تبي تتزوجها.


يزن: مافيش حد معين في بالي لكن لما ايجى وقته ساهل.


صفاء نجبرت تسكت مش بكيفها لكن الراجل لما يحط شئ في دماغه يديره لو توقف الدنيا كلها قدامه.


عماد: دور معاي كويس اكيد ايميلها عند حواء افتح عيونك.


مؤيد: عيوني خلاص نحس فيهم سلموا ع بعض مافيش اسم آلاء بكل.


عماد: ياحمار مرات كاتبه اسم ثاني مجنون انت تحسابها بتكتب آلاء.


مؤيد: ايدك ع خمسه باش بندير اشتراك للنت

اهيا لقيتها .


عماد: وينها شن اسمها.


مؤيد:🤣😂 ملكة ذاتي واك ياجنابي 😂🤣

خلاص مش قادر نتحمل المسترجله شن كاتب روحها ملكة حق.


عماد: تحشم ع وجهك ياحمار هاذي بتولي مرت خوك.


مؤيد: باش ياحسرة بمعاش الدوله للي تصرف فيه ع لبسك ولا سيارتك الخدرة .


عماد: هيا غير تكلمني وانا مستعد نخدم لليل نهار .


مؤيد: هذا ايميلها خشلها خاص واحكي معاها ولو تبيك تقبلك زي ماأنت.


عماد: هات خلي نمشي نكلمها وانا جنب امي نتفاءل بيها.


مؤيد: برا ربي يسهلك ياحاج عماد.


حواء: كلمني محمد قلي شويه وجاي للمحل هوا ويزن.


وفاء: ناقصه مشاكل ماهو شن الهم اهو يمشي معتصم ايجئ يزن.


حواء: خيره يزن شن شفتي منه حاجة عيب عليك الكلام هذا.


وفاء: دمه ثقيل ونحس فيه حياته دوشه ومش عارف شن يبي.


حوواء: لاحول ولاقوة إلا بالله طول حللتي شخصيته.


وهما يحكو ع خشت محمد ومعاه يزن للمحل محمد سلم وطول اخد ساتر هوا وحواء.


يزن: خيرك مدايره في روحك هكي 😠

شن هذا للي لابساته.


وفاء: أوامر الأفندي معتصم باش يخليني انجي نخدم.


يزن:انتى مش مجبورة ديري شى انتى مش مقتنعه بيه.


وفاء: لا مجبورة قتلك لو مانلبسش هكي مستحيل يخليني نطلع.


يزن: هذا مش حل حواء شهرين وتتزوج واناى كيف بتقعدي معاهم بروحك.


وفاء:😱 معقوله بالسرعة هاذي علاش مستعجل محمد هذا.


يزن: اثنين يحبوا بعض شن متوقعه منهم

يقعدو سنه مخطوبين.


وفاء: انا نحس في روحي مخنوقه نبي نرجع لحوشنا معتصم طيب ونعرف انه خايف عليا لكن انا مش بيبي.


يزن: خلي موضوع رجعتك للحوش عليا في موضوع لو يصير ترجعي طول.


وفاء:☺ بجديات تحكي انت يايزن الله قداش خاطري نرجع لحوشنا نشم ريحة بوي وامي فيه نرقد وانا مرتاحه.


يزن: هذا وعد وانشالله نقدر نديرلك حل مستحيل نخليك هكي .


وفاء: اوف نخنقت منه النقاب خلي نحيه شويه.


يزن:😍 سبحان الله تغيرتي هلبا الواظح انك مرتاحه مع حواء.


وفاء:😳 خيرك هكي تشوفلي عقدتني يايزن تقول اول مره تشوفني.


يزن: لالا .مش موضوع اول مرة لكن للي يسمعكوانتى تعيطي عليا في الهاتف يقول مش انتي الملائكة للي قدامي توا.


حواء: خلي نرجعوا جنب وفاء ويزن توا اكيد تتحشم منه.


محمد: خليهم بروحهم شويه من الاخير يزن شكله يحبها .


حواء:اه 🙄 يزن ومعتصم مصيبه هكي تعرف انه معتصم واظح عليه انها عاجباته.


محمد: ربي يستر عليها جت بينهم هما الإثنين .


يزن: خلاص في الجديد اي حاجة تحتاجيها

طول كلميني .


وفاء: انشالله وسامحني حصلت فيا وانت ماعندكش علاقه في المشكله كلها 😔.


يزن: ياريت الحصلات كلها زيك انتى هكي 😌.


وفاء: اه شن قصدك .


يزن: ماقصدي شئ ردي بالك ع روحك وبس هيا يامحمد شن بتخيم هنيا.


محمد: جايك هيا للي يسمعه ماتقول هوا للي من بكري مصدعلي راسي باش انجى معاه.


حواء: نحبك .


محمد: وانا نموت فيك ياروحي انت.


وهما طالعين محمد جاته المكالمة للي كان يستنى فيها.


محمد: اه نعم شن صار معاك في الموضوع

للي كلمتك عليه .


الشخص: الموضوع كبير الشايب كان راجل ملاك وتزوجها قبل بذون علم اهلها وبوها طلقها منه غصب ولف الموضوع وعمليات وجو ولبسها لي ولد خوه خالد.


محمد: شن هبلت انت متاكد من الكلام للي تحكي فيه.


الشخص: والله رسمي والليله جاي بايته معاه وانا من الجماعه للي واقفه حراسات قدام حوشه.


محمد: تقدر تجيبلي صوره ليها هيا وياه ولا مقطع .


الشخص: شن تبي رأسي يطير هذا لو يشم اني نحفر وراه يقتلني طول وشن بنستفيد انا منه الموضوع اهو.


يزن: قوله حط الرقم للي تبيه وايجيك بعد يوصلني المقطع.


الشخص: شكله في للي يعرف قيمة المقطع قوله نبي عشره باكوات وغدوا الصبح يكون المقطع عنده.


محمد: اوف هلبا هذا وين ماشي بيهم .


الشخص: هذا للي عندي عجبك الكلام قيملي هاتف بعدين.


يزن: تم انا راضي بيه كلامك .

يُتبع..

لقراءة الفصل التالي : اضغط هنا

لقراءة باقي فصول الرواية اضغط على (رواية بين زوجتين)
google-playkhamsatmostaqltradent