رواية بنت بياع الورد الفصل التاسع 9 بقلم فروحه

 رواية بنت بياع الورد الفصل التاسع 9 بقلم فروحه

رواية بنت بياع الورد البارت التاسع

رواية بنت بياع الورد الجزء التاسع

رواية بنت بياع الورد الفصل التاسع 9 بقلم فروحه

رواية بنت بياع الورد الحلقة التاسعة

_ الله الله سايبين اشغالكم وبتضحكوا........انتم هنا جايين عشان تشتغلوا مش عشان تدلعوا

باسم بتبرير: يا آسر انت فاهم غلط وبعدين احنا لسه داخلين المكتب ملحقناش نشتغل حتي 

ورد: الصراحه يعني حضرتك مكبر الموضوع اوي يعني وبعدين احنا زمايل محصلتش حاجه لو ضحكنا يعني إلا إذا بقولك ايي يا بشمهندس باسم

باسم: نعم

ورد بإستفزاز:هو الضحك هنا ممنوع!!

باسم وهو يحاول ان يكتم ضحكته: لا خالص يا بشمهندسه ورد مفيش rule بيقول إنه ممنوع

ورد وهي توجه حديثها لآسر:طب شوفت مش ممنوع اهو

نظر آسر لورد بغضب وترك المكتب واتجه إلى مكتب سالم

باسم:احيييه علي اللي هيحصل احيييه

ورد بإستغراب:ايي الهيحصل!!

باسم: مفيش.....انتي هتعرفي لوحدك بعد كده

نظرت له ورد بعدم فهم ،فاماذا كان يقصد باسم

باسم: تعالي يلاا نبدء

ورد بحيره: يلاا

دق آسر الباب ثم دخل سريعا ويبدو علي وجه الغضب

سالم بإستغراب: خير........مع إن تعبير وشك ميدلش علي خير 

آسر بغضب: الاستاذ باسم بيعمل ايي مع ورد

سالم: هيعلمها وهيعرفها الشغل

آسر: ويا تري بقاا حضرتك مش عارف باسم

سالم: ماله باسم مش صحبك هو

آسر: ايوه صاحبي بس ورد مزودها

سالم بإستغراب: مزودها!!!... مزودها ازاي؟؟

آسر: كنت رايح لباسم عشان التصاميم اللي كلفته بيها وانا لسه هخبط سامعهم بيضحكوا

سالم: وفيها ايي يعني يا آسر.....يمكن حصل موقف او حاجه ضحكتهم متكبرش الموضوع يعني

آسر بدهشه:مكبرش الموضوع!!!...... ثم اكمل بعصبية يعني انت شايف إن الموضوع عادي يبقي كده حضرتك بتحرض بقيه الموظفين انهم هما كمان يتمرقعوا زيهم

سالم بغضب: آسر اتكلم عدل!!!......انت عارف كويس إن الموضوع مفيهوش حاجه ولو كنت بتتكلم علي ورد وباسم انهم مقضينها ضحك وكلام فا هما زمايل وبعدين انت مضايق ليي

آسر: مش مضايق انا بعمل كل ده عشان مصلحه الشركه

سالم بشك: مصلحه الشركه..... اممم

آسر: طيب عن اذنك هروح اشوف شغلي

سالم: اتفضل، خرج آسر وتحدث سالم مع نفسه( يا تري اللي في بالي صح)

___________________

في المستشفي

عنان: انا تعبت اووي بجد

_ من ايي بس..... هو الضغط كان كتير

عنان وهي تضع يديها علي رأسها من شده الصداع: عندك حق يا داليدا .....انا هموت من دماغي الصداع هيفرتكها

داليدا: طب خدي مسكن طيب

عنان:هروح اخد.... هروح، ذهبت عنان وهي ذاهبه انصدمت في شخص

عنان بإعتذار: انا اسفه بجد..... معلش يا دكتور اا ثم نظرت عنان للاسم الذي يوجد علي البالطو ثم تحدثت يا دكتور مالك

د.مالك: ولا يهمك

عنان: اي الإصابات اللي علي وشك دي.....هو حضرتك كويس

د.مالك:اها اها حادثه بسيطه....انتي مين؟؟!

عنان:انا دكتوره هنا بس لسه تحت التدريب

د.مالك:اها ربنا يوفقك....عن اذنك 

ذهب مالك سريعاً وذهبت عنان ايضاً لتأخذ مسكن للصداع

______$$$______$$$___

بعد ٦ ساعات

ورد وهي تضع يديها علي رأسها:انا تعبت اووي ايي ده

باسم:مش قولتلك......من بكره بقاا يستي تبتدي  تصممي وتوريني التصاميم بتاعتك لازم نخلص بسرعه عشان التسليم 

ورد بتعب:بكره كده علطول

باسم: ايوه........بقولك ايي انتي مش جعانه

ورد:الصراحه اها بس هروح اجيب.....بقولك ايي في مطعم هنا قريب ولا بتعملوا ايي

باسم:لا يستي خليكي وهطلب دليڨري

ورد:لا مش هينفع يعني بلاش تطلب حاجه

باسم بإستغراب:لييي

ورد: كده يعني مش حابه

باسم:خلاص براحتك مع إن مفيهاش حاجه يعني

ورد:طب عن اذنك هطلع  اتمشي شويه

باسم:اوكي

خرجت ورد من غرفه باسم...صارت تسير في الشركه حتي اتصدم بها شخص

_معلش انا اسفه.....هو انا شوفتك قبل كده صح

ورد بإبتسامه: ايوه...اما جيت هنا لاونكل سالم انتي ودتيني لصحبتك دي اسمها ايي 

_متزعليش من الحصل المره الفاتت.....بس هي نوران والله كويسه. بس هي عشان متعرفكيش ولا انتي تعرفيها

ورد:يمكن ثم اكملت ورد بإبتسامه:انا ورد زميلتك هنا

ملك وتبادلها نفس الابتسامه: وانا ملك .....طبعا عارفه اني موظفه الاستقبال

ورد بإبتسامه: طب بقولك ايي يا ملك انا معرفش حد هنا..... وبجد جعانه اوي هو انتم بتجيبوا اكل منين

ملك بإبتسامه: تعالي معايا يستي انا اصلا انا وشيلتي بنروح ناكل في مطعم قريب من الشركه

ورد: طب ما طلع في مطعم اهو.....اومال باسم قالي ليي إن مفيش مطاعم

ملك بإستغراب: باسم مين؟؟!

ورد: بشمهندس باسم يعني

ملك: اهاا.... اصل كل المديرين والمهندسين اللي هنا مبيكلوش من ايي مطعم فا لازم من مكان راقي..... طبعاً فاهماني ،يلاا

ذهبت ورد مع ملك إلي ذلك المطعم ووجدت ثلاثة اشخاص تتقدم ملك إلي طاولتهم

ملك بإبتسامه: اقدملكم ورد زميلتنا الجديدة في الشغل

ده محمد ودي لميس خطيبته محمد

ورد بإبتسامه: اهلا وسهلا.... اتشرفت بمعرفتكم

لميس بإبتسامه: الشرف لينا يحببتي 

ملك وهي تكمل وده يامن زميلنا بردوا

ورد:اهلا وسهلا

يامن بإبتسامه: اهلا بيكي...نورتي الشله

اكتفت ورد بإبتسامه بسيطه ثم جلست بجانب ملك

لميس:ايي هتطلبوا ايي

محمد:مش عارف....ولا اقولك هسيبك تطلبيلي علي ذوقك

يامن بإبتسامه:ايوه بقااااا..... الله يسهله

لميس بغضب مصطنع: ايوه بقاا ايي.....ده هو بيقول كده عشان مش عارف ياكل ايي فهمت

يامن بضحك: يخربيتك يا محمد علطول كده مأفوش

محمد: شوفت الحظ بقاا...اهو من قرك علينا

يامن: انا هطلب سندويتش سجق

ورد وهي تنظر في المنيو:وانا هطلب سندويتش شاورما باللحمه

ملك:وانا زيك يا ورد

لميس: تصدقوا اني بقالي فتره مأكلتش شاورما هطلب معاكم ثم اكملت بمزاح وهطلب لمحمد حبيبي شوربه عدس ،ايي رايك يا حبيبي؟؟

محمد: نعم يختي!!.....شوربه عدس ايي بقاا انتي تاكلي شاورمه وتأكليني شوربه عدس

ضحك الجميع على محمد ولميس فهم فكاهه الشله

يامن بضحك:خدي علي كده يا ورد من محمد ولميس مبيخلصوش علي طول خناق كده

ورد بإبتسامه: بس والله دمهم خفيف

لميس:قلباااي تسلميلي

ملك: خلاص قررتم ..يبقي ٤ شاورما لحمه وواحد سندويتش سجق

يامن مقاطعا ملك: لا مين سجق ده.....مش هتبقوا كلكم شاورما وانا ال differentاللي فيكم

ملك بضحك: لا عندك حق...يبقي كده خمسه شاورما، تمام؟

طلبوا الجارسون ،يامن: لوسمحت عايزين خمسه شاورما....حد عايز حاجه ساقعه ولا؟

ملك وورد في صوت واحد: اهاا

ضحكوا الاثنين لرده فعلهم الواحده

يامن وهو يحدث الجارسون: تمام يبقي خمسه بيبسي

الجارسون: تماام...عن اذنكم

ثم ذهب  ، جاءهم صوت من الخلف

_ تصدقوا انكم اندال محدش استناني يعني ولا طلبلي اكل

ملك وهي تلتفت لنوران:معلش يا نوران والله نسيت خالص...اصل بيني وبينك هموت من الجوع

يامن: يبنتي مش لوحدك كلنا

نوران بإستغراب: مين دي؟!

ملك: دي ورد يا نوران زميلتنا وبقت معانا في الشله

نوران بضيق: ايي معانا في الشله وده من امتي إن شاء الله

ملك: من النهارده

نوران بغيظ: من امتي وانتم بتدخلوا ايي حد الشله كده

لميس بعتاب: ما تهدي يا نوران في ايي

يامن:انتي بتكلمي كده ليي وايه اي حد دي

نوران بدهشة: خلاص خلتكم تتفقوا عليا

ملك: مين دي....انتي بتقولي ايي

نوران بغيظ:علي اساس انك مش عارفه وبما انك عامله مش عارفه اقصد صحبتك الجديدة اللي اسمها ورد

ملك:نوران متكبريش الموضوع

ورد: خلاص يجماعه....حصل خير انا هاخد الاكل بتاعي وهمشي علطول وشكرا يا ملك علي مساعدتك ليا

ملك : انتي بتقولي ايي يا ورد استني.....انتي مش هتقومي

ورد بإبتسامه:معلش مش عايزه اعملك مشاكل مع صحبتك والشله

ملك:يبنتي مفيش مشاكل

نوران وهي تصفق :هاايل بجد هايل....طلعتي كمان ممثله شاطره يا ورد عارفه لو اطردتي من الشركه يعني تقدري تشتغلي ممثله، بقاا انتي عايزه تطلعيني قدامهم إن انا الشريره وانتي البنت الملاك اللي مش عايزه مشاكل، مش كده

ورد بسخرية: والله كل واحد ادري بنفسه

نوران بغضب:تقصدي ايي

ورد:يعني انتي عارفه نفسك كويس ولا ايي......بعد اذنكم ياجماعه انا مش حابه اعملكم مشاكل واثناء حديث ورد جاء الجارسون ووضع الطعام والمشروبات، اخذت نوران زجاجه المشروب وألقتها علي راس ورد

نوران: والله مش عايزه تعملي مشاكل....خدي بقاا

ورد بصدمه:اهااااا

ملك بخصه:الحقوني ياجماعه ورد دماغها بتنزف ثم وجهت حديثها لنوران:انتي عملتي ايي يشيخه

كانت ورد ستقع لولا ان لحقها يامن وحملها و استلقوا سياره وذهبوا بها  إلي المستشفي تحت انظار نوران الغاضبه 

___________

في شركه السويفي

دخل باسم مكتب آسر

باسم: ايي الاخبار

آسر وهو ينظر له ببرود: والله انت ادري 

باسم: مالك يا آسر........يعني انت كبرت الموضوع اووي، الموضوع مكنش مستاهل كل ده وبعدين ورد شخصية رقيقه وجميله وذوق جدا

آسر بعصبية: ما تحترم نفسك!!

باسم بضحك: كده اقدر اقول انك وقعت

آسر: وقعت ايي

باسم: والله باين عليك انك بتحبها والدليل اهو انك غيران عليها

آسر بضيق:  حب ايي انت عارف اني مبفكرش في الموضوع ده وشلته من دماغي وبعدين انا اغير ليي يعني..لاا  لا، الموضوع كله اني مش حابب تحصل مشاكل بسببها واديك شايف هي شخصيه مجهوله بردوا بنسبلنا

باسم: طيب هحاول اصدق...... وبعدين هما اتأخروا ليي

آسر: هما مين؟؟!

باسم: السكرتاريه وبقيه الموظفين حتي ورد

واثناء حديث باسم رن هاتف آسر.. نظر هاتف لمن يتصل وجدها عنان

آسر: الوو...ايوه يا عنان

عنان: آسر تعلالي بسرعه علي المستشفي،ورد هنا في المستشفي

آسر بصدمه: اييي ورد عندك بتعمل اي

عنان: ورد جت المستشفى ودماغها بتنزف ومعاها زمايلها في الشركه

آسر:تمام انا جاي حالا واغلق الخط 

باسم: في ايي مال ورد!!!

تركه آسر وخرج بره الشركه واستلقي سيارته وذهب بها إلي المستشفي

________________ 

في المستشفي

كانت ورد في الغرفه نائمه، فاقت ورد وبدأت تتألم من اثر الجرح الذي في رأسها

عنان:عامله ايي دلوقتي يا ورد

ورد بتعب: الحمد لله بس حاسه بوجع في دماغي

عنان: معلش بسبب الجرح....هو ايي اللي حصلك

ورد:مشكله كده

ملك للإعتذار: حمدالله على سلامتك وبعتذر علي الحصل

ورد:انتي معملتيش حاجه عشان تعتذري يا ملك بس هو انا جيت هنا ازاي

لميس: يامن شالك وجبناكي هنا المستشفي 

ورد:طب هو فين عشان اشكره

لميس :هو ومحمد تحت في الكافيتريا بتاعه المستشفي 

عنان:الدكتور جي عشان يطمن عليكي ،دخل شاب يرتدي البالطو الابيض، كانت ورد شارده ولكنها انتبهت عندما سمعت ذلك الصوت....نعم هذا الصوت تعرفه كثيرا

_حمدالله علي سلامتك يا ورد

ورد بدهشة: مالك!!!!!!!!!!

يتبع..

لقراءة الفصل التالي: اضغط هنا

لقراءة باقي حلقات الرواية اضغط على (رواية بنت بياع الورد

google-playkhamsatmostaqltradent