رواية عشق الأيام الفصل الثامن 8 بقلم منار كريم

 رواية عشق الأيام الفصل الثامن 8 بقلم منار كريم

رواية عشق الأيام البارت الثامن

رواية عشق الأيام الجزء الثامن

رواية عشق الأيام الفصل الثامن 8 بقلم منار كريم

رواية عشق الأيام الحلقة الثامنة

حمزه وهو بيفكر لقي حد داخل علية 

حمزه = انتي اي الي جابك هنا انتي اي مش بتحرمي انتي معندكيش كرامه 

انچي ببرود = في أي يا حمزه جاية اطمن عليك انا غلطانه اطمن علي حبيبي وهو في شده زي دي 

حمزه بغضب = انتي بني ادمه معندكيش دم انا مش عايز اشوف وشك تاني انا مش بحبك انتي انا بحب آيام وهنتجوز امشي بقي ومش عايز اشوف وشك تاني 

انچي بمكر = طيب افتكر يا حمزه اني موجوده ديما وعارفه كل حاجه بتحصل في حياتك انت وحبيبة القلب 

حمزه = امشي اطلعي وبرا واللي عندك اعملية 

انچي بغضب = ماشي يا حمزه ماشي وهي ماشية قابلت حبيبة وكريمه في وشها وبصتلهم بجنب عينيها ومشيت 

كريمه = مين دي يا حمزه اللي مش لبسه دي 

حبيبة وحمزه بضحك= هههههههههههه مش لبسه   

حبيبة = بس تصدقي عندك حق مش لبسه 

انتوا بتضحكوا علي اي ما تضحكوني معاكوا قالتها حنان وهي واقفه علي الباب بعد ما جت من عند الدكتور 

كريمه= والله ما اعرف وانا داخله لقيت واحده مش لبسه قابلتني 

حنان =بعدم فهم يعني اي مش لبسه وكمان مين دي يا حمزه اللي جتلك وجتلك امتي

حمزه = دي انچي صاحبتي يا ماما اللي كنت بقولك عليها معايا في الجامعه وفي السفر

حنان بعد ما فهمت أن دي انچي اللي حمزه كان بيحبها طيب وهي عرفت منين اللي حصلك 

حمزه بشرود = مش عارف يا ماما المهم سيبك انتي الدكتور قالك اي ينفع أخرج صح 

حنان هو قالي أنو هيجي يكشف عليك الاول وبعد كدا يحدد هو هيعمل اي 

Manar Karem

™™™™™™™™™™™™™™™

عند آيام وهي بتذاكر لقت الباب بيخبط لبست اسدالها وخرجت تفتح الباب 

آيام بصدمه =انتي 

انچي =ايوا انا انا اللي خطفتي منها خطيبها وحبيبها 

آيام بزعيق = انا مخطفتش حد انا مليش دعوه بحد ويا ريت تخرجي برا 

انچي = هخرج بس انا بحذرك حمزه ليا انا وبس وبيحبني انا بس وبكرا هتشوفي ده بعنيكي 

آيام = اعلي ما في خيلك اعملية وهو لو بيحبك مكنشي سابك وجالي ويلا من غير مطرود ومشيت انچي 

آيام في نفسها يا تري فعلا هو لسه بيحبها زي ما بتقول بس هو لو بيحبها هيقول اللي قاله في المستشفي ازاي وهو متبنج يعني اكيد مكنشي حاسس بحاجه يا رب بقي أنا زهقت من الموضوع ده 

بعد ساعتين لقت الباب بيتفتح بتبص لقت امها 

آيام حمد الله على سلامتك يا ماما اي اتاخرتي كدا لي وحبيبة مجتشي معاكي لي 

كريمه =دا احنا تعبنا أوي على ما اقنعنا حمزه أنه يفضل انهارده في المستشفي اصله عايز يجي انهارده والدكتور عايزه يبات انهارده في المستشفي يطمن علية اكتر وبطلوع الروح علي ما رضي أنه يفضل إنهارده ويطلع بكرا الصبح 

آيام بشرود =تمام 

كريمه = اي مالك يا آيام في حاجه ولا اي شكلك غريب كدا لي 

آيام بكدب علي شأن مامتها متقلقشي = لا يا ماما اكيد لاني تعبانه من كتر المذاكره فين حبيبة بقي 

كريمه=حبيبة جت معايا بس دخلت شقتهم قالتلي هعمل حاجه واجي وراكي 

آيام =تمام هدخل بقي احضر الغدا علي شأن أنا ميتة من الجوع عصافير بطني بصوصو 

كريمه بضحك=ماشي يلا وانا هقوم اساعدك 

آيام =والله ما يحصل عيب يا سيد احنا اهل متقوليش كدا ودخلت آيام المطبخ تحضر الغدا وهي شارده في كلام انچي وبعد وقت 

حبيبة= آيام بت يا آيام ردي عليا 

آيام = اي يا زفته في أي قطعتي حبل افكاري

حبيبة =حبل اي يختي لتكوني بتفكري في الواد اخويا المز

آيام بقرف مصطنع = مز كتك الارف بالفاظك دي

حبيبة =بجد بقي سرحانه في أي كدا 

آيام =انچي 

حبيبة با اهتمام = مالها البت دي وانتي تسرحي فيها لي

آيام =لانها جاتلي هنا وانتوا مش موجودين

Manar Karem

•••••••••••••••••••••••••

في المستشفي 

حمزه وحنان بيتكلموا قطع كلامهم صوت خبط علي الباب 

حنان = ادخل 

عمر =السلام عليكم 

حمزه وحنان في صوت واحد =وعليكم السلام ورحمه الله وبركاته 

ودخل عمر بي بوكية ورد وحطه جنب حمزه

حنان =لي تاعب نفسك كدا يا حبيبي 

عمر= لا تعب ولا حاجه يا امي وهو موجه كلامه لحمزه عامل اي يا بطل 

حمزه =الحمد لله تمام بس لي تاعب نفسك كدا 

عمر =لا تعب ولا حاجه معلش اتاخرت على ما جيت كان عندي شغل كتير اوي انهارده 

حنان باستفسار = انت بتشتغل اي يا حبيبي

عمر = انا يا امي عندي شركه بتاعتي وارثها من بابا وهي شركه معمار

حمزه = اي دا دا نفس تخصصي 

عمر =لي انت خريج اي 

حمزه =هندسه قسم معمار 

عمر = طيب شد حيلك حيلك بقي علي شأن هشغلك معايا لاني كنت محتاج مهندس معايا بس انت كنت شغال قبل كدا 

حمزه = ايوا انا اتخرجت وسافرت سنتين ولسه راجع اهو مبقاليش اسبوع وكنت هنزل ادور على شغل هنا 

عمر =لا يا عم ما تدور مكانك محفوظ 

Manar Karem

$$$$$$$$$$$$$$$$$$$$$$$

تاني يوم في بيت آيام 

كريمه= يلا يا بنات اصحوا بقي 

آيام بنوم =نعم يا ماما في أي 

كريمه يلا قوموا معايا انتوا الاتنين الساعه بقت ٩ علي شأن نعمل اكل لحمزه زمانوا جاي اهو حنان لسه متصله ومعرفاني 

آيام = هو الدكتور كتب ليه خروج 

كريمه = ااه ويلا بقي قومي انتي وهي هتفضلوا طول اليوم نايمين كدا ولا اي

حبيبة = هنقوم اهو يا طنط احنا وراكي متخفيش وكانت آيام نامت تاني 

حبيبة =آيام يا آيام يلا اصحي بقي علي شان نستقبل حمزه 

آيام=قومي انتي انا هقوم اعمل اي 

حبيبة =طيب يختي بقولك صحيح البت سما اتصلت عليا وانتي نايمه وبتقولي أن درس الكيمياء بقي الساعه ١٢ مش ٢ وقالتلي قولي لآيام 

آيام = تمام هقوم بقي الحق اراجع واصلي الضحي وقاموا الاتنين صلوا الضحي وبدأ الاتنين يساعدوا كريمه في الأكل وبعد مرور الوقت 

آيام =يلا يا حبيبة الساعه بقت ١١.٣٠ يا دوب نلحق نروح 

حبيبة =ماشي يلا  

آيام وحبيبة في نفس واحد=

سلام يا ماما 

سلام يا طنط 

كريمه =مع السلامه يا حبيبي خلوا بالكم من نفسكم ربنا معاكوا وينجحكوا ويديكوا علي قد تعبكوا يا رب 

آيام وحبيبة = امين يا رب يلا سلام عليكم وهما نازلين علي السلم 

يُتبع ..
google-playkhamsatmostaqltradent