رواية هاربة إلى قلبي الفصل الخامس 5 بقلم مريم فهمي

 رواية هاربة إلى قلبي الفصل الخامس 5 بقلم مريم فهمي

رواية هاربة إلى قلبي البارت الخامس

رواية هاربة إلى قلبي الجزء الخامس

رواية هاربة إلى قلبي الفصل الخامس 5 بقلم مريم فهمي

رواية هاربة إلى قلبي الحلقة الخامسة

قمر سابت اسيل في حيرتها وخبطت علي اوضة آدم 

آدم : اتفضلي يا امي 

قمر : انا عاوزاك 

ساب الاب بتاعه وقالها ...نعم 

قمر : عاوزاك تاخد اسيل تشغلها معاك سكيرتيره 

آدم : ازاي يعني يا امي اخدها معايا ومعايا هند 

قمر : تسيب هند دي وتاخد اسيل 

آدم : ماما انتي ناسيه اني هند خطيبتي 

قمر : وانا امك هترفضلي طلبي يعني 

( ضغط الامهات ده كلنا عارفينه) 

آدم : يا امي انتي عارفه اني هند مش هتقبل بالوضع ده آه اسيل بنت محترمه وبنت خالتي وكل حاجه بس انا مش هاجي علي كرامة حد منهم 

قمر : انت ناسي اني دي شركتي ولا اي والي اقوله هو الي يمشي بكرة الصبح اسيل هتكون جاهزة عشان هتكون سكيرتيرتك الخاصه وده آخر كلام سلام 

.وقامت ورزعت الباب وراها 

مسك آدم المخده ورماها وقال ...اسيل اي الي اخدها دي انا ناقص ربكه وهند الي هتخلي ايامي كلها نكد انا ناقص يخربيت الشركه علي الي عمل الشركه طب وربنا لاوريها اسود ايام حياتها 

طلعت قمر وراحت علي اوضة اسيل وراسمه علي وشها ابتسامه وخبطت ودخلت 

قمر : حضري نفسك يا قمري اول يوم في الشغل ليكي بكرة 

اسيل : خالتو انا خايفه اكون حمل علي آدم 

قمر : ابدا ده رحب جدا بالموضوع وقال انه يتشرف تكوني بتشتغلي معاه

اترسمت علي وش اسيل بسمه : بجد 

قمر : اه قومي بقي نامي وعاوزاكي ترفعي راسي في الشركه 

قامت قمر راحت اوضتها 

قمر ...انا هطيرك يا هند من البيت ده كله خالص 

................................

تاني يوم الصبح 

هند وآدم كانوا لبسوا وجهزوا عشان يروحوا الشركه وكانوا قاعدين بقي عشان بيفطروا 

قمر : والشغل كويس يا هند 

هند : اكيد يا قمر واكيد هيكون كويس طول منا سكرتيرة آدم دي تكفيني 

آدم وهو بيشرب شرق وقعد يكح كتير 

هند : مالك يا حبيبي في اي 

قمر : سبيه يا حبيبتي هو شرق بس اشرب ميه يا حبيب قلبي وهتبقي كويس ابقي عرف اسيل قهوتك بتتشرب ازاي بقي ماشي 

هند بغضب : وهي اسيل تعرف قهوة آدم ليه مش فاهمه 

قمر : هو انتي معرفتيش 

هند : لا محدش قلي للاسف 

قمر : اقولك انا متزعليش ، اسيل هتشتغل سكرتيرة مع آدم 

آدم شرق تاني 

هند بصت لآدم بغضب شديد  .....الكلام ده صح

آدم هز راسه بمعني آه 

هند : طب اشرق بقي علي العموم هي تيجي تعمل شاي وقهوة لكن انت هفضل سكيرتيرة الخاصه صح يا آدم 

آدم   ...اسف اسف بس صلاة الظهر وجبت ولازم الحق اصليها 

هند : ظهر اي احنا الساعه ٨ الصبح آددددم متسبنيش هنا لاااء مش هخلي اسيل تاخد مكاني في الشركه واخده بالك يا طنط 

قمر وهي بتاخد رشفه من كوباية القهوة بتاعتها ....يلا يا حبيبتي عشان اسيل نازله 

ضربت هند برجليها علي الارض ....يوووووه ...آدم يا آدددم 

هند.راحت لمكان آدم الي كان طالع علي السلم 

هند : الكلام ده صحيح 

آدم : هند  انا مش هخليها تاخد مكانك ابدا صدقيني انا بس هرضي امي مش اكتر هخليها تاخد شغلك لمدة اسبوع ومش هتقدر تكمل صدقيني 

سمعتهم اسيل وهي نازله 

.....بقي انا بيتعمل عليا خطط ماشي يا هند.انتي مفكرة انك ممكن تاخدي مكانتي عند خالتي ابدا مش هيحصل 

وهي نازله كان آدم طالع 

اسيل : انا جاهزة 

آدم بصلها بقرف ...اتفضلي استنيني تحت 

نزلت اسيل وهي مضايقه من آدم جدا 

اسيل : اذيك يا احلي قمر في الدنيا 

قمر : عاوزاكي قمر كده ديما عاوزاكي زهرة مفتحه ومش عاوزة الي اسمها هند دي تاخد مكانك في الشركه اثبتي نفسك هناك يا اسيل 

اسيل بحزن ... هو مين الي هياخد مكان مين بس انتي ناسيه هاخد مكانها 

قمر : لاء يا اسيل هي السكرتيرة العامه للشركه انما انتي هتكوني السكرتيره الخاصه بتاعته هو وانا مشيلاكي المسئوليه دي عشان انتوا هتعيشوا سوا هنا يا اسيل ولازم الحساسيه الي بينكوا تتشال 

اسيل : ماشي توكلت علي الله والي في الخير يقدمه ربنا 

آدم نزل ...يلا يا اسيل عشان هنتاخر يلا يا هند 

هند جت يلا يا آدم 

راحوا عشان يركبوا العربيه 

آدم ...اذيك يا عم خيرت عامل اي 

عم خيرت : تمم يا آدم يا ابني اتفضلوا 

هند ...انت هتركب جنبي يا آدم انا بقلك اهو 

اسيل: لو سمحت يا آدم ممكن اقعد انا وهند ورا وانت تقعد جنب عم خيرت وده اول طلب بطلبه منك 

آدم : حاضر يا اسيل 

وفعلا نفذ امرها 

راحوا الشركه 

آدم : اسيل لو سمحت اعمليلي كوباية قهوة 

اسيل : حاضر يا آدم 

آدم : هنا اسمي مستر آدم 

اسيل وهي بتقولها كده من تحت ضرسها : حاااضر يا مستر آدم 

آدم : برافوا يلا بقي عاوز كوباية قهوة 

اسيل : حاضر 

راحت اسيل المطبخ تعمله قهوة 

اسيل ....يوووه انا نسيت اساله بيحبها سكر زياده ولا مظبوطه عموما انا حطيت البن 

قابلتها هند 

اسيل ..هند يا هند قوليلي قهوة آدم اي 

هند وهي بتضحك ضحكه ساذجه كده : ٣ معالق سكر وبعد اذنك ورايا شغل والسكر عندك هناك اهو 

راحت اسيل عملت القهوة وحطت من البرطمان الي هند قالتلها عليها وراحتله 

آدم: اتفضلي يا هند

اسيل : انا اسيل مش هند.يا مستر ادم واتفضل القهوة 

آدم شرب من القهوة 

آدم : اي ده !!!!!!

يتبع..
لقراءة باقي حلقات الرواية اضغط على (رواية هاربة إلى قلبي)
google-playkhamsatmostaqltradent