رواية بين زوجتين الفصل الرابع 4 بقلم رويدا القاضي

 رواية بين زوجتين الفصل الرابع 4 بقلم رويدا القاضي

رواية بين زوجتين البارت الرابع

رواية بين زوجتين الجزء الرابع

رواية بين زوجتين الفصل الرابع 4 بقلم رويدا القاضي

رواية بين زوجتين الحلقة الرابعة

جاء الضابط واخد اقوال وفاء كلها طبعا قالت انها ماتعرفش السبب للي خلا خوها هكي يديرلها.

وفاء: ممكن تعطيني هاتفك نكلم صاحبتي حواء شويه.

يزن:☺ تمام تفضلي انا قاعدا برا خليك ع راحتك لو تبي شئ ضبحي عليا.

شدت وفاء الهاتف وهيا تبكي مش مصدقه وين وصل حالها بسبب خوها .

حواء: الو من معايا 🤨.

وفاء:😭 انا صاحبتك وفاء تعاليلي ياحواء 

خالد خوايا خنقني قريب قتلني.

حواء:😱 شن تقولي انت اما مستشفى انت جاياتك انا ومعتصم وماما.

وفاء: انا في عيادة ... راك تخليني بالله عليك ماعنديش غيرك.

سكرت حواء الخط ومشت لي امها ناجيه تحكيلها.

ناجيه: شن مجنون خوها هذا كيف ايدير في اخته هكي العدو شن بيدير كان الأخ هكي.

حواء: بالله ياماما قولي لي معتصم يرفعنا تسخف تقطع القلب وهيا تبكي.

ناجيه: اكيد نمشوا حتى لو مارفعنا معتصم نكلم بوك .

وطلعت ناجيه لي ولدها معتصم في المربوعه .

ناجيه: معتصم وليدي ربي يهديك نوض نبيك ترفعني العيادة انا واختك .

معتصم:😲 خيرك ياغاليه مريضه شن يوجع فيك.

ناجيه:لالا ياولدي مافيا شئ لكن صاحبة اختك مريضة وبنمشولها.

معتصم: ربي يهديك يما نحسابه فيكم حاجة خلعتيني لالا تعبان من العمل والجري في سوق الجمله والميناء ونبي ندير جرد بري لي بوي.

ناجيه: تمام توا نشوف بوك انشالله يرفعني.

يزن: نقدر نخش لو كملتي المكالمة ☺.

وفاء: ايه تقدر تتفضل خوي يزن وسامحني 

تعبتك معايا.

يزن: عيب عليك مش بينا الكلام وانا ندير في الواجب وبس اصلا انا للي ورطتك في 

موضوع ماعندكش بيه علاقه.

وعند صفاء وزينب وآلاء .

آلاء: مفروض توا ياعمتي توا تمشي لحوش اهله هوا شن يحساب روحه.

صفاء: توا ليل وعمتي مريضة سكر الخلعة مرات تمرضها.

زينب: اسكتي انت يامضحكة انا ماكاسرني حد غيرك شوفي خواتك للي يمشو بكلامي عايشات وانت من نكبه لي نكبه.

صفاء: شن الكلام للي تقولي فيه هذا ياماما 

البنات يسمعوا فيك مانبيش نفسيتهم تتأثر.

وهما يحكو ويخططو وجاهم محمد يجرى زي الإعصار🌪.

محمد: شن للي ديروا فيه انتم بالزبط هبلتوا بلا عقل .

آلاء: عاد شن انت صاحبه وشاريكه في الجريمه ماهو ماشي تطبخ ع صاحبتها.

محمد: ضمي فمك وانت 24 تخيطي في الشارع الناس كلها تعرف آلاء راجل درتي العار.

زينب: شن جاي والع بدل ماتوقف معانا توقف ضدنا 😤 مقيولة من قبل نخلة الحوش اطيح البرا.

محمد: ريحي روحك ياعمتي لانخلة ولا زيتونة بنتك يتيمة وخوها بعيد بدل ماتعقلها تزيدي تأيدي فيها ع الغلط.

صفاء: اسكتوا شويه خلي نفهم منه شن يبي يقول .

محمد: قلتي لأمك انك ضربتي راجلك هذا علاش فقد اعصابه وضربك 😠.

زينب:😱 شن قصدك انتى ضربتيه هبلتي في مرأه تضرب راجلها.

صفاء: شن متوقعة مني بعد شفته يخون فيا قدام عيوني نباركله.

محمد: زيدي هزي راسك زي الحمار يخون في قهرتك قعمزي خلي نحكيلكم القصه كاملة.

آلاء: احكي نسمعوا فيك انشالله تقول كلام يستاهل الواحد يضيع وقته ع خاطره.

محمد: بعد مشيتي انتى ويزن وكالعادة درتيله العار لما شفتي البنات في المحل وطول لبستيه تهمة جاء حكالي شن صار معاكم وكيف تعاركتي معاهم.

زينب: نبي نفهم 😤 علاش مش الكلام كامل 

تحكيلنا فيه.

محمد: بعد جاء لسوق مضايق من تصرفاتك وقال انه تعب منك قتله مدامك تعرف مكان المحل هيا نمشوا انا وياك وتأسف منهم ع للي دارته صفاء .

آلاء: رأيك أسود زي الساعات للي جايه في حياتك شورتك سودة نودة.

محمد: اسكتي انتى آلاء راجل لين طالعتلك لحيه من كثر ماشادة في استرسو 🤣 بري ديري حل خودي شفرة حلاقة حلقي وجهك .

زينب: ياودي فوتها وكمل القصة وانت اسكتي 🤐 سكري فمك.

محمد: لما مشينا عجبتني البنت للي تخدم مع وفاء 😍 وخديت رقمها تسبلت انه نبي حاجات لولد اختي  ومع الوقت بدا فيه اعجاب .

صفاء: تمام لعند هنيا لكن شن دخل يزن في النص.

محمد: بعد ماانتي طردتي راجلك اسبوع يرقد بروحه اتصلت بيه يوم الصبح قتله

تعالى .

زينب:😱 هذا كله صاير ولما جيتي تشكي وتبكى نقولك معقوله هكي دار بروحه بلا سبب تقولي ايه .

محمد: جاني يزن لسوق وقتها كنت نبي نشوف حواء وبناخد ملابس لولد ملك قعدت انا معشش فيه قتله برا معايا غير جوا 

نزلت انا ونسيت الورد في السيارة قتله تقدر 

تجيبه قلي تمام لما جابه حواء قالت لي وفاء 

ممكن تاخديه منه.

آلاء: يعني للي شفناه احنا كان بالصدفه  مش كيف ماتوقعنا.

صفاء: فاهم انت شن تقول يعني كنت بندير رقبه في رقبتي ظلم وخسرت راجلي بسبب 

الغيره للي عمتلي عيوني 😭😭.

زينب: خسرتيه بسبب غبائك وتصرفاتك للي درتيها معاه.

آلاء: باهي يزن وين توا .

محمد: بعد طلعتوا انتم وفاء قعد خوها يخنق فيها وكانت قريب تريح فيها مافكينها 

من يده الا بالسيف البنت اغمى عليها رفعها 

يزن للعيادة.

زينب: هيا نمشوا للعيادة باش تكوني جنب راجلك خير مايفضاله الجو.

محمد: عمتي فوتيه الكلام اهو يزن لو يبي يدير شى لا تقدري تمنعيه انت ولا صفاء.

ونرجعوا للعيادة وصلت ناجيه وحواء مكان 

ايدين خالد مازال في رقبتها.

وفاء:😭😭 اه ياحواء قلتيلي بتغيري جوك وانا من الصبح حاسة بتصيرلي مصيبه قريب متت وظلم ياحواء.

حواء: ابكى طلعي للي في قلبك نعرف الظلم صاعب وخصوصا لما يكون من اقرب الناس ليك.

ناجيه: كسر ايديه انشالله زي ماكسر خاطرك وفضحك قدام الناس وانتى مظلومة.

وفاء: قعدا تبكي وتتحسر ع الوقت للي خلاها هكي يصير فيها.

يزن: الحمدلله ربي لطف بيها لو زادت خمسه دقايق بين ايديه راهي ماتت.

حواء: تقدر تطلع من العيادة لو وضعها كويس .

يزن: توا عاطينها مهدئ ولازم تقعد تحت الملاحظة يوم تام لانه اول ماجبتها ناقص 

مستوى الأكسجين عندها.

ناجيه: خلاص انا الليلة نقعد معاها هنيا روحي ياحواء انتي وبوك .

يزن: مافيش داعي روحي ياعمتي الليلة معاها الممرضة.

وفاء: سامحوني تعبتكم معايا وانت ياحواء اختي للي ماجابتها امي.

ناجيه: عيب عليك الكلام هذا راك تنسي انه امك الله يرحمها كانت صاحبتي.

حواء: بالك خوك المريض ومرته العقرب ايجوك هنيا وانتى بروحك.

يزن: ماتخافيش عليها احتمال توا يكون في الشيلا وانا موجود هنيا لين تاخد خروج وتروح .

ناجيه: انسي انك تروحي لحوشكم انا نمشي معاك خودي اوراق للي تبيها من الحوش وتقعدي معانا معززة مكرمة.

وفاء:😔 مانبيش نسببلكم مشاكل وخالد ومرته مستحيل يخلوني في حالي.

حواء: اسكتي شن تحسابي البلاد بلا قانون 

وبعدين عندنا ثلاثة رجاله في الحوش علاش حياتهم لو يخش خالد لحوشنا.

وفاء: ايصير خير انشالله توا روحوا حتى عمي علي تعبان اكيد.

ناجيه: انا توا مروحه الحمدلله ع سلامتك ياغاليه.

طلعوا حواء وامها ويزن قاعد جنب وفاء ويلوم في نفسه ع كل شى صار معاها.

وفاء: خلاص يزن تقدر تروح اكيد مرتك تستنى فيك وانت درت الواجب وزيادة لو مش منك راني ميته توا.

يزن: ارتاحي انا برا معاش تفكري في شئ الا صحتك للي صار معاك مش ساهل.

طلع يزن برا مقعمز لين جاه محمد ومعاه العصابة صفاء وزينب وآلاء.

صفاء: يزن حبيبي انا مش قصدي للي صار كله فهمتك غلط.

يزن:😒 شن جاي تبي بتكملي الفضيحه في العيادة ولا شن.

زينب: اسمعها ياولدي راهي صفاء مرتك ام بناتك.

يزن: نعرفها مش ناسيها كيف ننساها وهيا اول حد يضربني كف في حياتي.

آلاء: ماتخليش قلبك اسود شوف وجها كيف شكله من ضربك.

يزن: اصلا انتى سبب المشاكل لو مش منك 

راهو هذا كله ماصارش.

محمد: شن وضع وفاء توا تمام.

يزن: ايه الحمدلله ربي سترها قريب ماتت 

لو قعد شادها راهو قتلها.

صفاء:😠 شن دخلك فيها انت علاش واقف قدام الباب ولونك مخطوف شن علاقتك بيها.

يزن:😤  انتى شن بالزبط البنت كانت رح تموت ظلم بسبب تصرفاتك .

صفاء: وانا كنت نحاول نحافظ ع راجلي مانبيش اتجئ وحدة ماتسوى شئ وتاخدك مني.

يزن: للي ماتسوى شئ لما اخدو اقولها الشرطة تحشمت تجبد اسمك في القصة 

والله انتى كل مرة تصدمي فيا مفروض تقولي نساعدوها باش تصلحي غلطك مش 

تقولي شن دخلنا فيها.

محمد: بري روحي ياصفاء انتى وعمتي وآلاء 

خلي الواحد يشوف كيف بيتصرف في المشكلة هاذي وبعدين ساهل.

صفاء: تمام انا مروحة وزيد خليك معاها هيا اهم مني ومن بناتك .

يزن: برى مش وقتك ومش فاضيلك بكل .

وصلت حواء وامها للحوش.

معتصم:🙄 شن صار معاكم خيركم عطلتوا 

انتم لو تحضروا في عمليه راهي تمت مبكرى.

ناجيه: ايه ياولدي الناس تغيرت معاش زي قبل .

حواء: خلاص ياماما وانت الطريق كلها تبكي 

ياسرك حصل خير.

معتصم:🤔 شن ماتت البنت ولا شن علاش تبكي .

ناجيه: بعيد الشر عليها هاذي اسمها وفاء صاحبة اختك وبنت صاحبتي الله يرحمها.

حواء: عايشة مع مرت خوها عيشة كلاب ضم وتغسل وتخدم وتصرف عليهم وتفيق ع طريحة ترقد ع طريحة.

معتصم: ترا سميلي اسم خوها بالك نعرفه 

لانه في واحد نعرفه يتيم واخته عايشة معاه 

بالك هوا.

ناجيه: اسمه خالد..... يخدم في سوبر ماركت

.....تعرفه.

معتصم:😠 انشالله خالد للي يخدم عند يزن 

هوا للي ضارب اخته.

حواء : ايه هوا اخ صاحبتي تعرفه انت يامعتصم.

معتصم: ايه زبطه لكن مش باين عليه متع مشاكل هكي بالك البنت دايرة حاجة باش ضربها.

ناجيه:😤 البنت نعرفها زي مانعرف اختك مشالله عليها لكن مرت خوها وحدة قليلة اصل.

معتصم: باهي توا شن وضعها البنت كويسه ولا تعبانه.

ناجيه: يعني انشالله خير انا قتلها تعالي اسكني معانا وريحي روحك منه خوك هذا.

معتصم:😒 وين تسكن معانا هبلتي احنا مش محرم ليها هذا اولا ثانيا عندها عمها 

هوا المسؤول عليها مش احنا.

ناجيه: انا مش جاي ناخد رأيك انا نحكيلك شن بيصير وبس.

يُتبع..

لقراءة الفصل التالي : اضغط هنا

لقراءة باقي فصول الرواية اضغط على (رواية بين زوجتين)
google-playkhamsatmostaqltradent