رواية مجنون اخته الفصل الرابع 4 بقلم ندى خالد

 رواية مجنون اخته الفصل الرابع 4 بقلم ندى خالد

رواية مجنون اخته البارت الرابع 

رواية مجنون اخته الجزء الرابع 

رواية مجنون اخته الفصل الرابع 4 بقلم ندى خالد


ررواية مجنون اخته الحلقة الرابعة

#مجنون_اخته 
أحمد روح بيتهم وكان متضايق بسبب البنت الغبيه الي قابلها دي 
اوف هو الواحد ميعرفش حتي يقعد في المكان الي بيهرب في من الناس؟!(قصده الكافتيريا) 
فتح باب شقتهم بس الغريبه كان الوضع هادي جدا مكنش فيه غير صوت الست ام كلثوم من اوضه نغم وهي بتقول "عيون كانت بتحسدني علي حُبي، ودلوقتي بتبكي عليا من غُلبي! وفين انت يا نور عيني يا روح قلبي، فين؟! 
انا موجود اهو 
سمعت صوته بس انا دلوقتي مشاعري متلخبطه المفروض اروح اصالحه علشان كدبت عليه ولا المفروض اخد موقف لانه اي بنت لازم تتخطب ووتتجوز واخوها يكون سندها وهو مكنش اي حاجه من دول 
حاجه جوايا بتقول بس دا احمد يا نغم احمد؟!
عارفه احمد مين دا تقريبا انتي بتعتبريه اغلي حاجه بنسبالك 
بس تفكيري دا مطولش ايوا المفروض هو ييجي يراضيني 
بس لحظه مسمعتش صوته قرب حتي لي؟!
سابني زعلانه؟!
احمد خرج راح المطبخ عمل قهوه 
وكان جايب مكسرات من الي نغم بتحبها 
نغم استغربت هو راح فين طيب؟!
راحت من غير ما تعمل صوت كانت بتمشي علي طرف رجليها 
واما وصلت لقيته بيحضر في المطبخ وخلاص قرب يخلص قامت رجعت مكانها تستناه 
احمد دخل اوضتها وكان سايب الحاجات علي السفره بره بعد ما يصالحها هيقولها 
بس اول ما دخل هي مبصتلوش حتي
علي فكره انا الي المفروض اتقمص؟!
بصتله كده:عندك حق علشان انا الي سبت اخته لما جه حد يتقدملها ويخطبها وخصوصا لو كانت بتحبه وانت عارف كده اوي؟!
احمد:ومش انا الي كدبت برده علشان اروح؟!
بصتله.كده وكأن عنيها بتلومه:انت عارف كويس انِ انا لو كنت اعرف انه وائل هنا كنت قلتلك وانت عارف كده كويس؟!
احمد:عارف عارف والله بس انا مش مقتع انتِ لسه صغيره 
نغم:احمد انا دلوقتي هكلمك كأب ليا مش اخ 
انا مش هكدب عليك انا معجبه بوائل وهو انسان كويس ومعني انه بيحبني دا شئ خلاني طيرانه من الفرحه بس زعلت علي زعلك لغيت كل الموضوع علشانك 
احمد يا حبيبي اي اتنين متجوزين بيتخانقوا اصلا الخناق ساعات بيكسر الملل يعني مش كل حاجه بتبقي سعاده وفرح انا متفهمه قرارك بس سيبني اخوض التجربه انت فاهم بكلمك كأب ليا وبقولك يا بابا انا بحب حد وهو جه اتقدم وشخص مناسب جدا ها توافق؟!
احمد عارف ان كل كلامها صح مش غلط بس هو مش قادر يتقبل الفكرة نفسها وبقت كل حاجه بتردد في باله انه شحص ظالم لاخته 
معقوله المبالغه في المشاعر ممكن تأذي اغلي ناس في حياتنا 
احمد: نغم انا مقدر جدا تفكيرك وانتِ اخدتي القرار اصلا مش مستنياني بس ينفع اخرج علشان مخنوق دلوقتي ومش منك والله من نفسي ينفع؟!
احمد دخل اوضته مخنوق اوي 
لي هو كده؟!
يا تري هو بالغ في حبه لأخته؟!
هو بجد بقي اناني حقيقي مفيش احساس كسره يوصف الي جواه دلوقتي
نغم مخنوقه اوي هي لي كلمته كده ومن امتي بتتكلم كده.مع احمد 
لا هي معملتش حاجه غلط قالت كل الي في قلبها 
بس غلطت في الوصف هي حسسته انا اناني؟!
مشاعر كتيره جواهم الاتنين ولااسف المشاعر دي مش مفرحه بالمره 
كان قاعد لوحده حزين جوه.اوضته مش عارف ماله دي مجرد بنت اعجب بيها وخلاص عدت واترفض؟!
ايوه بس هو مش فاهم اترفض لي؟؟
هو بيحب نغم اوي ولو يطول يديها حياته هيعملها 
اه هو مش غني مش هيقدر بجبلها الماس بس يقدر يسعدها 
ساعات المشاعر الي جوانا بتخلينا مبسوطين حتي لو ساكنين في اوضه واحده!
هو هيحاول تاني ايوا مش هيستسلم 
في الوقت دا دخل حد الاوضه 
يا سلام يا سلام بقي في الناس الحبيبه 
نور مش فايقلك دلوقتي خالص!
جري اي يا عم ولول احكيلي مالك بس واي سبب خنقتك دي  ؟
وبعدين انت مش قلتلي انك بتحب واحده زميلتك وهتكلم اخوها ها حصل اي وبتضيف بهزار اي اترفضت يا عم روميو ولا اي؟!
وائل بحزن:اه اترفضت عندك مانع بقي هو انتِ يا بنتي جيتي من الصعيد علشان تقرفيني؟!
نور:مكنوش شهرين دول الي قضتهم في الصعيد،وبعدين احكي يلا قولي مالك واي الي حصل 
وائل: ببساطة انا حبيت كأي شخص عادي ممكن يحب ويتحب ورحت ادخل البيت من بابه زي اي راجل مش اشباه الرجال بتوع دلوقتي حبيت اكون استحقها واثبتلها واثبت لاخوها وامها انِ راجل 
نور: لحد كده حلو وبعدين؟!
وائل: اول مره كلمت اخوها ضربني لاني قلتله اختك شكلها بتحبني،اه مش متأكد بس حسيت الحاجات دي بتتحس علي فكره مش عارف او يمكن علشان حبتها فتهيألي انها بتحبني؟! المهم يا ستي اخدت ضرب قد كده لحد ما قلت حقي برقبتي 
نور:عيني علي الحلو اما تبهدله الايام،وبعدين؟!
وائل:اسكتي انتي مش فاهمه حاجه انتِ مجربتيش احساس انك تحبِ حد بجد،المهم رحت غبت من الجامعه ورحت قلت لامه كل حاجه والست رحبت بالموضوع جدا بعد ما تأكدت اني بحب بنتها بجد وبالفعل اتصلت ببنتها تيجي ومتقلش لاخوها وهي جات وعرفت انها بتحبني متتخيليش فرحتي كانت قد اي كنت مبسوط اوي كأني كنت طاير بس للاسف وقعت علي وشي جه هادم اللذات اخوها وخرب الدنيا كلها ومشي وساب البيت 
نور:متعرفش لي هو رافض؟!
وائل بحزن شديد الحقيقية نور اول مره تشوف الكسره في عنين اخوها بالشكل دا: ببساطة هو قال ممكن ازعلها في المستقبل وهو مش هيتحمل دا مش حابب اقولك مش هيحصل بس اي اتنين متجوزين ببتخانقوا الحقيقي الخناق بيكسر الملل وهو مش فاهم دا انا مش هزعل اخته بس دا ميمنعش اننا عمرنا ما هيحصل خلاف او سوء تفاهم حتي؟؟
نور: طيب دلوقتي ممكن امها توافق ومش مهم اخوها مش قلتلي مامتها موافقه؟!
وائل:هي بتحب اخوها اوي لدرجه انها رفضتني علشانه وقالتها في وشي 
نور: عارف هو لو بيحبها بجد هيوافق لحد ما يحصل بينكم اول خلاف ويفرقكم بس الي يساعدك ويبعدوا عنكم؟!
وائل:اعمله الي عاوزه 
نور: بيس يا مان دريس جديد انزل بكره اجيبه احضر بيه الخطوبه ان شاءلله
وائل: مش عارف جايبه الثقه دي منين بس انا موافق 
احمد  مش قادر يبطل تفكير يا تري هو.الموضوع محتاج تفكير للدرجادي؟!
هو دلوقتي بيفكر في حبه الي اتحول فجأه لانانيه 
نغم كانت بتروح جنب الاوضه وترجع 
اسيبه ولا مسبهوش؟!
بس قررت المرادي انها تروح تخلي مامتها تدخله 
خبطت علي الباب 
ادخل...
نغم دخلت 
امها:خير يا بنتي لسه متزاعلين؟!
نغم: ماما انتِ واحمد طول عمركم جنبي انتي أم واخت واحمد اخ وأب وصديق بس انا غلطت او زودتها في الكلام مع احمد بس من ناحيه تانيه شايفه اني قلت كل الي في قلبي واه لسه متزاعلين 
امها:ينفع تروحي تنامي دلوقتي ومتعيطيش علشان مزعلكش وان شاءلله كل حاجه هتتحل 
نغم:بس 
امها:نغم يالا ثقي فيا المرادي
نغم راحت اوضتها المفروض تنام بس هي عامله نايمه 
اما امها راحت لاحمد اوضته ودخلت من غير ما تخبط 
فتحت الباب احمد تلقائيا: نغم معلش عاوز اكون لوحدي 
بس دي مش نغم دي انا ماما 
طيب يا ماما ينفع حضرتك لو سمحتي تسيبيني لوحدي 
كانت دخلت وقعدت جنبه: نغم باتت معيطه النهارده 
بصلها احمد بإستغراب لانه تقريبا عارف بس هو مش فاهم  مغزي الي بتقوله فكملت امه: ايوا انت السبب انها تبات معيطه النهارده ما تروح تراضيها ولا مش قادر  ؟ 
طيب اشمعني جوزها مينفعش يتخانق معاها 
بص يا احمد هحكيلك حكايه كده معرفش  هتفهمها اي انا كان عندي  واحده صحبتي بحبها اوي اوي يعني المهم كانت دايما تفضل تلومني وانا افضل اعتذر مش حابه اخسرها لدرجه اني حتي لو هي غلطانه هعتذر اني لومتها دا كان قانون حياتي معاها وانا تعايشت مع عيبها دا وقلت هتعدي ومكنتش فاكره ابدا اني مدايقه في وقت من الاوقات كان عندنا مشاكل في البيت ويعني بطلت ابعتلها واكلمها لاني مخنوقه استغربت المفروض  انها اول حد يخطر علي بالي! 
بس كان تفكيري وقتها اني عاوزه حد يفهمني مش يفهم الي عاوز يفهمه وغبت بالفعل ولما بقيت كويسه رجعت كلمتها لامتني واتخانقت برده اني سبتها وغبت عنها دي مسألتش حتي انتي كويسه ولا! 
وقتها انا عقلي استرجع كل موقف حصل بينا وكل حاجه اتراكمت جوايا منها وكل مره مكنتش بقدر اتخانق خايفه اجرحها وتعرف نهيت كل علاقه بينا وخرجتها من حياتي نهائي حتي مكنتش متقبله اعتذارها الخلاصه يا احمد احنا كبشر لازم نطلع الي جوانا. بعدها نرجع ونعاتب بعض  والموضوع ينتهي وتصفي النيه ولازم اي بنت وجوزها يحصل بينهم خلاف مع اني اشك ان دا سبب رفضك وانت عارف  سبب رفضك كويس يا احمد 
مش هقلك انانيه لا هقلك تدخل غير مستحق ليك في حياتها 
امه خرجت بعدها من غير ما تقول كلمه واحده هو لسه متقبلش الموضوع بس هيوافق علشان سعاده اخته 
ولقي نفسه بيرن لوائل االي رد بسرعه وكأنه مستنيه يتصل 
الو ازيك يا وائل 
: كويس اهي ماشيه، في اي يا صاحبي فيه حاجه  لسه متقلتش؟! 
احمد: اه فيه تعالي انت واهلك بكره علشان نقرا الفاتحه 
وائل مش مصدق نفسه: يعني انت موافق؟! 
احمد: ايوه يا سيدي موافق تعالي بكره ومتتاخرش ماشي 
وائل: يا راجل تأخير اي دا انا هبات تحت بيتكم 
احمد قفل مع وائل وراح ينام علشان بكره يروح يجيب فستان لنغم هديه 
ولول الفلوس يا ولول اجيب الفستان 
وائل بيفوق من النوم: طيب يا نور اصبري 
قام جاب محفظه وطلع فللوس منها وادهالها 
نور: الله دا انت كريم اوي المرادي 
وائل؛ مهو بصراحه انا  مبسوط بس مش هقلك لي الا اما تيجي 
نور: لا قولي دلوقتي 
والنبي والنبي لا تقولي 
وائل: لا يعني لاوبطلي الحركه دي وقلتلك ميت مره متحلفيش بالنبي كده الحلفان بغير الله كاذب وبعدين لا يجوز انك تتوددي لعبد بالحلفان بالرسول عليه الصلاة والسلام والله  اعلم 
نور: طيب يا سيدي انا اسفه هخرج انا دلوقتي بقي 
احمد خرج من البيت من غير ما يقول لنغم مقلش الا لامهم بس ونزل يجيب فستان ليها هديه 
وصل مول كده ووصل قسم المحجبات يجيب الفستان وعمال يدور علي حاجه مناسبه لحد ما عينه وقعت علي فستان عجبه اوي 
نور: اي الفستان الجميل دا اما اروح اشوفه 
ايدين مسكوا الفستان في وقت واحد 
وفي نفس الوقت 
انت تاني؟! 
انتِ تاني؟! 

يُتبع ..

google-playkhamsatmostaqltradent