رواية أنقذني من الموت الفصل الثالث 3 بقلم ميار ممدوح

 رواية أنقذني من الموت الفصل الثالث 3 بقلم ميار ممدوح

رواية أنقذني من الموت البارت الثالث

رواية أنقذني من الموت الجزء الثالث

رواية أنقذني من الموت الفصل الثالث 3 بقلم ميار ممدوح

رواية أنقذني من الموت الحلقة الثالثة

# هو حضرتك متعرفيش انك عندك مرض الكانسر ؟
~عندي ايه؟؟!!!!!
# انا اسف يا انسة وعد بس الظاهر مكنتيش تعرفي وانا فاجئتك
# عن اذنكم
مفوقتش من الصدمة الا لما لقيتهم بيقولولي اني ممكن اخرج النهاردة وأكمل علاج في البيت حاولت اتظاهر بالقوة واني عادي بس كل ده مكتوم جوايا.
في البيت*
+ اتفضلي يا وعد ياحبيبتي استريحي جوا وانا هحضرلك اكل تاكليه
~لا شكراً يا طنط انا مش عايزة حاجة.
ودخلت الاوضة وقفلت عليا الباب.
قعدت محاوطة رجلي بإيدي وبعيط. 
فضلت افتكر كل حاجة واتكلم مع نفسي ايوة كان عندي اعراض من شهر وانا معرفش ان هو عندي ازاي بس طب انا كده هموت ولا اعيش.. عادي كده كده مش فارقة هروح اقابل جدتي الوحيدة اللي كانت بتعاملني كويس وسابتني ومشيت، سابتني مع اهلي اللي بيعاملوني اوحش من الغُرب، اللي دايماً بيكرهوني،ربنا يرحمك وحشتيني اوي يا جدتي.
الباب بيخبط..
= الاكل يا وعد
فنفسي.. انا مش عايزة اكل بس مش هينفع اكسفهم اكتر من كده ~ماشي اتفضل
فتح الباب وحط الاكل بس قبل مايمشي.. 
=ايه ده انتي معيطة ولا ايه
~لا لا عادي مفيش.
=انتي ممكن تعتبريني اخوكي وتحكيلي
~لا انا تمام متقلقش.
=ممكن أسألك سؤال
~اتفضل.
=هو انتي ازاي مكنتيش تعرفي ان عندك كانسر؟
عيطت ومردتش.
=اهدي اهدي.. انا اسف والله مش قصدي اخليكي تعيطي
بعياط~هما السبب
=هما مين، والسبب في ايه؟ 
~اهلي، السبب في اني مبقاش عارفة الموضوع ده.
=ازاي
~محدش منهم كان مهتم ليا، دايماً بيعاملوني أوحش معاملة انا مش عارفة ليه بيكرهوني.
=انتي بتتكلمي عن اهلك بجد
بحزن~انا بردو مش عارفة ازاي اهلي وبيعاملوني كده
=طب وهو ده السبب انك كنتي بتجري في الشارع وانتي بتعيطي
Flash back..
من كتر الصدمة اللي كنت فيها دخلت الحمام وفرغت كل دموعي وكل التراكمات اللي جوايا وقعدت اكلم نفسي وابص في المراية..
بعياط وحزن شديد"هو انا ليه بيحصل معايا كده ليييه.. ليه انا الوحشة اللي في البيت واللي بتكدب ومحدش بيصدقها والفاشلة وكل حاجة وحشة، هما ليه بيعاملوني كده انا مش قادرة استحمل 19 سنة كل يوم زعيق وضرب، انا بجد لو حد كان ف مكاني كان انتحر او كان عمل اي حاجة فنفسه، بس انا معملتش كده عشان إيماني بربنا قوي ومقدرش انتحر لأي سبب، بس انا مش قادرة استحمل ومش بإيدي حاجة اعملها بجد تعبت تعبت.. انا مستحيل أفضل في البيت ده ثانية واحدة بعد كده.''
انا عرفت انا هعمل اي
لفت نظري شباك الحمام
(احنا ساكنين في آخر دور وفوق فيه السطح علطول والشام اللي الحمام ده بيطلع ع السطح).
خرجت منه وقفلته من بره ونزلت بسرعة وهربت بعيد عن البيت.
مكنتش عارفة اروح فين ولا اجي منين فضلت أجري طول الشارع لحد ما خبطتني عربيتك وفوقت في المستشفي.
Back...
~هو ده اللي حصل.
=بجد انتي ازاي كنتي عايشة ف كل ده وكنتي ساكتة
~مش بإيدي حاجة اعملها
=انتي لازم تفضلي معانا هنا علطول
~ايه!! ازاي. لا طبعا
=انتي شايفة ان فيه حل غير كده
~بصراحة لا، بس مقدرش اعمل كده
=طب لحد ما تخفي طيب
~ انا هقعد عندكوا كام يوم اسفة يعني وبعدها ربنا يسهل.
=لا طبعا ده انتي تنورينا
~متشكرة
+يلا ياولاد عشان تاكلوا انا عملتلكوا الاكل
=يلا تعالي كلي معانا
~حاضر
+ يلا بقا يا حبيبتي اول مرة تدوقي من اكلي قوليلي رايك
= انتي كل حاجة بتعمليها حلوة يا ماما
+ تسلملي ياحبيبي
~ الاكل جميل اوي يا طنط تسلم ايدك
+ربنا يخليكي ياحبيبتي انتي باين عليكي طيبة وبنت ناس
~شكراً يا طنط.
في بيت وعد*
-هنعمل اي ي محمود هنجيبها ازاي
_مش عارف انا دورت عليها في كل حتة وملقتهاش
-تلاقيها ضحكت على أي حد في الشارع وصعبت عليه
_ده لو حصل ولقيتهاا نهايتها هتبقى على ايدي
التليفون بيرن..
-الو ياحبيبتي عاملة ايه وحشتيني
+ وانتي كمان وحشتيني اوي عاملة ايه
- الحمدلله تمام، انتي فينك نفسي اشوفك اوي
+وانا كمان ما تيجي عندي انا عزماكي على الغدا بكرة
- هشوف واقولك لو فاضية
+ يلا تعالي عشان في ضيفة عندنا كمان عايزاكي تشوفيها
- ايه ده ضيفة مين دي
+ لا لما تيجي عندي هتشوفيها
- تمام يا حبيبتي هسأل محمود واقولك
+تمام مع السلامة
-الله يسلمك
_مين دي ي منال
- دي مروة اللي انت عارفها عزماني بكرة على الغدا قولت اخد رأيك قبل ما اروح
_ماشي بس تعالي بدري عشان ندور على البت وعد دي تاني
-متقلقش هنجيبها يعني هنجيبها.. هتروح مننا فين
منال كلمتها تاني وبلغتها انها موافقة تجيلها.. 
في البيت اللي وعد عايشة فيه*
+ياولاد انا عندي ليكم مفاجأة
~خير يا طنط مفاجأة ايه
+واحدة صاحبتي هتيجي بكرة على الغدا تقعد معانا وتشوفكوا تسلم عليكوا
=مانتي عارفة يا ماما مبحبش اشوف الستات صحابك دول
+ لا لا دي كويسة.. وعيب تتكلم عليهم كده
=خلاص ماشي اسف
+ يلا تعالي معايا نوضب عشان لما تيجي
= مبعرفش اوضب
+ تعالي بقولك
بضحك~خلاص خلاص يا طنط سيبيه انا هوضب مع حضرتك
+كتر خيرك يا حبيبتي
تاني يوم*
+تعالوا يلا عشان تسلموا علي طنط منال
دخلت وانا وشي في الأرض دي أول مرة اقابل ضيوف وكده رفعت راسي عشان اسلم عليها..
بصدمة ~ ماما!!!!
يُتبع..
google-playkhamsatmostaqltradent