رواية بين زوجتين الفصل الثالث 3 بقلم رويدا القاضي

 رواية بين زوجتين الفصل الثالث 3 بقلم رويدا القاضي

رواية بين زوجتين البارت الثالث

رواية بين زوجتين الجزء الثالث

رواية بين زوجتين الفصل الثالث 3 بقلم رويدا القاضي

رواية بين زوجتين الحلقة الثالثة

محمد:🤨 تعرف لما شفتها نخلعت نحساب صايرلها حادث.

يزن: انت تعرف طبعي مش عصبي لكن لما ترقالي ظلم قدامي وين عقلها لما مدت يدها عليا😠.

محمد: شن راقيلك نحسابه صارلك تحول البنت ملامح وجها تغيرت احمد ربك انها مادرتش تقرير طبي .

يزن: ماهو كله منك ياجوه النحس متسلط عليا نمشوا وفوقها خليتني نزل الورد لبستنى الجريمة طول بلا نقاش.

محمد:😁 معليشي مرات ربى ضارة نافعة اهو روحت لحوش امها وارتحت من نكدها.

يزن: مجنون انت بلا عقل راهي مرتي ام بناتي يعني ماكنتش نبي للي صار يصير.

محمد: توا نكلم عمتي ونفهما الموضوع كله غير راك تبكي سخفتني 😭.

يزن: ضم فمك بلا جو دراما زايد نوض شوف خالد ينزل في البضاعة.

وعند صفاء للي جاتها الصدمات وراء بعضها في حوش امها.

صفاء: خلاص انا معاش نبيه عمرى ماتوقعت

يزن يضربني .

آلاء: شن ناوي ديري توا شن رأيك نرفعك ديري تقرير طبي 👿.

صفاء: خلوني بنمشي ندير تقرير في يزن 😭 هبلتي انتى.

زينب: طبعا ام صفاء مضحكة من يومك الاول من وقت خلاك بلا عمل وانتى راضيه عرفته مازال بي يبهدلك.

صفاء: 🙄 شن تبوني نطلق منه من بيتحمل 

مصرايف البنات انتم ماتعرفوش كيف متعودين ع الصرف والدلع .

زينب: اعتمدي ع نفسك وانتى صايرلك زي البيبي ماتعرفي ديري شى بروحك كله يزن يزن.

آلاء: عندي ليك رأي احتمال يعجبك بدل ماتقعدي تستنى الكلبه امتا تاخد منك راجلك امشى لحوش اهلها وديرلها مشكلة.

زينب: ايه وتوا نمشي انا معاك ونمسح بي كرامتهم الأرض .

صفاء:😏 ايه هذا حل حق لانه كله بسبب الحقيرة متع المحل بنت الشوراع.

وفاء: حواء عندك علم نحس في روحي خايفة😖 ومضايقه.

حواء: بسم الله خيرك شن فيك علاش خايفة🤔 قاعد خوك خالد ياخد منك في معاشك.

وفاء:ايه 😔 يعني شن بيتغير في الموضوع تعرفي لولا الناس تصدق عليا راني مش لايقه شن نلبس .

حواء:ياروحي انتى تهون ياوفاء ايجئ يوم تقعدي تذكري فيه هذا كله وتقولي الحمدلله كابوس وفقت منه.

وفاء:المصيبه هيا لبس في كل مناسبة جديد وذهب وهدايا وتسب فيا تقول تصرف عليا.

حواء: مافيش حاجة دووم شدة وتزول غير انتي صلي وقولي يارب .

وفاء: ونعمة بالله انا راضيه بكل شى من عند ربي .

دارت آلاء هاتف وعرفت مكان حوش وفاء وحصلت اسمها كامل.

صفاء:اه شن طمنيني عرفتي وين تسكن ومن اهلها.

آلاء: طاحت وماحد سمى عليها  تعرفي انها امها ميتة وبوها ميت وعايشة مع خوها ومرته واحتمال لما يسمعوا يقتلوها.

زينب: خلي يقتلوها علاش حياتها التافه هاذي باش دمر حياة بنتي.

صفاء:😔 لالا فوتيها مرات خوها يقتلها ويقعد دمها في رقبتي.

آلاء:😒 انا منسألش فيك ماتبيش تمشي انتى بنمشي انا وعمتي .

صفاء: باهي خلاص بنمشي معاكم باش مرت خوها بعد تشوف وجهي تصدق الكلام .

حواء: هيا باش نوصلك في طريقي للحوش شكله خوك انساك اليوم .

وفاء:خايفة من خالد يديرلي مشكلة وانا هكي ومش سالكة معاه.

حواء:ربي ياخده هوا ومرته في يوم واحد هاذي كان تجيب صغار ابصر شن دير فيك.

وفاء: معليشي الله غالب هذا خوي الحاجة الوحيدة للي ذكر فيا بي امي وبوي.

حواء: الله يرحمهم هيا ياسر نكد توا محمد قلي مجهزلك مفجأة انشالله خير.

وفاء: تستاهلي كل خير ربي يكملك ع خيرانشالله.

حواء: 😒 طول قررتي انه زواج ولا خطوبه هذا مجنون حتى بيجيب وردة يقول مجهزلك مفجأة 😂😃.

محمد: مش عارف علاش 🤨 مش مستريحله اهو للي اسمه خالد.

يزن: علاش يامحقق كرمبو شن فيه توا ليه 3سنين يخدم معانا ماشفناش منه غلط.

محمد: شن مش شرط تشوف منه غلط باش يكون عافن.

يزن: نوض شوفه ودير جرد للبضاعة باش كان ناقص حاجة نوصي عليها معتصم.

ناض محمد وامشى لي خالد كان مشغول في تنزل البضاعة هوا العمال.

محمد: الله يعاون علاش تعب في روحك انزل خلي الشباب ينزلوا.

خالد: لالا عادي مافيها شئ كان حركت ايديا معاهم.

وهوا يتكلم جاه تليفون .

خالد: امتا صار الكلام هذا قولهم يستنوا وربي لما نقتلها .

محمد:🤔 شن يقول المريض هذا من يبي يقتل.

خالد: انا بنروح قول لي يزن بيخصم بيفصل يدير رأيه.

يزن: شافه من بعيد جاء يسأل في محمد عليه خيره خالد طالع يجري .

محمد: مش عارف جاه تليفون طلع يجري يقول لما نقتلها .

يزن:😤 اركب ياحمار خلي نطلعوا وراه غبي كيف تخليه يطلع.

محمد: شن دخلنا فيه احنا ناقصين مشاكل تبي تشقى روحك حتى بي خالد.

يزن:😠 انت بلا احساس الراجل يخدم معانا سنين مرات في لحظة غضب يدير شئ يندم عليه.

محمد: والله فعلا عندك حق فيه الكلام اهو.

قبل ساعة ونصف فاتوا 😔.

ملاك: تفضلوا من تبوا فاش نقدر نساعدكم 🤨.

صفاء: وصلونا هكي متعودة تستقلبي في ضيوفك 😏 زي حماتك.

ملاك: اه قصدك انت تعرفي وفاء راهي مش قعده وجت بتسكر الباب🚪 في وجهم.

آلاء:انتي افتحي الباب مش احنا للي تسكري علينا الباب مش جايين نطلبوا في حسنه منك.

ملاك: مشاكلكم معاها حلوها بروحكم بعيد عليا مش مسؤولة عليها انا .

زينب:وانت شن رجل كرسي خلاص احنا نبو خوها ولا توا خلي الجيران يسمعوا عاركم .

ملاك: خشوا شويه ونتصل بيه ايجيكم وحتى هيا توا قريب توصل.

صفاء: مفروض من الأول تفهمتي الموضوع راهو لا تعطلينا ولا نعطلوك.

ملاك: الو 📱 خالد تعالى شوف اختك شن مدايرة جايين نساوين ويعيطوا ومديرات العار.

خالد: سكري الخط انا جاي لما نقتلها الكلبه.

وصلت حواء ومعاها وفاء تشوف لي السيارة للي قدام الحوش ومستغربه من وين جت وهما شبه قاطعين الدنيا كلها.

حواء: افرحي شكلك بتغيري جوك اليوم اخيرا حوشكم فيه ضيوف.

وفاء: تصدقي لو نقولك نخاف لما نشوف عندنا حد في الحوش.

حواء:🤔 علاش التشائم هذا كله.

وفاء: ماهو ماايجينا حد الا لو فيه حاجة مهمة.

ونزلت وفاء وقلبها ينبض قريب يوقف من الخوف😖.

خشت 🚪 الباب مفتوح وصوت كلام طالع من الصالة.

وفاء:😱 انتي علاش جاي هنيا شن عندك وخيره وجهك هكي.

زينب: تسألي ياحيوانه يالي مش مربيه كيف تلفي ع راجل متزوج .

وفاء:انا والله مافي منه الكلام هذا حاجة .

آلاء: اسكتي ياكذابه كل شئ بالدليل عندنا الفيديو متعكم 🎥.

ملاك: قداش ليا قارفه منك واليوم حفرتي قبرك ⚰️ بيدك.

وفاء: والله هما فهموا غلط مانعرفه ولا في حاجة بيني وبينه الا ماحرم ربي.

صفاء: وبصفتك شن رافعلك ورد ويرضى فيك 😠.

وفاء خافت تقول انه صاحبه جاي باش يشوف حواء تتورط صاحبتها في مشكله.

وهما يحكو لين وصل خالد 😠 وراه محمد ويزن.

خالد: بذون مقدمات ولا سمع شى طول خش شدها من وشاحها خناقها بيه .

آلاء: حول اقتلها بعيد علينا هيا صفاء وعمتي اطلعوا.

ملاك: كان تشوفوا تبي واحد متزوج هذا كان ماطلعتش تطلع معاه حتى في السيارة.

وفاء: تبي تتكلم لكن مش قادرة مخنوقه وعيونها لين يدمعوا .

آلاء وصفاء وزينب طالعات ومحمد ويزن خشوا بعد سمعوا الدوشه.

محمد: شن يديروا اهما في حوش خالد .

يزن: خش بسرعة وقتهم توا تفكر فيهم خلي نشوفوا الدوشه.

محمد: اطلقها ياخالد خيرك هبلت انت شن للي دير فيه.

خالد: اطلع من حوشي شن دخلك فيا انت اختى وحر نقتلها ولا نحرقها.

قعد خالد ومحمد يتعاركوا وفاء من كثر الخنق اغمى عليها خدها يزن وطلع بيها طول.

محمد: اعقل شن للي دير فيه راهو كان ننوى

نضربك نكسر رأسك تستقوى ع بنت ياحقير.

ملاك: اطلقه خليه يغسل عاره.

محمد: اقلبي وجهك انتى الكلام مش معاك وفجأة التموا الجيران وهما مش فاهمين شئ.

طلع محمد بعد جوهم جيرانهم وشدو خالد للي تقول اعمى .

فاطمة: الله يرحم امك وبوك هاذي الأمانة متعهم هكي دير في اختك.

ملاك: هوا واخته يتفاهموا انتي وغيرك ماعندكش علاقه.

خديجة: اسكتي الله لاتربحك ولا تختملك 

من يوم خشيتي حياتهم خليتها ظلام.

يزن:معايا حالة الإسعاف وين .

الدكتورة: خيرها شن عندها شن صيرلها علاش مغمى عليها.

يزن: تعرضت للخنق .

طول دخولها واعطوها اكسجين قعدت ساعة وبعدها فاقت .

وفاء: فتحت عيوني نحساب روحي متت وتم الكابوس للي كنت عايشه فيه.

يزن: الحمد لله ع سلامتك انتي في العيادة ماتخافيش.

وفاء: علاش نقدتني خليتني متت باش نرتاح شن تفرق حياتي ع موتي.

والشرطه كانت يستنوا فيها امتا تفيق باش ياخدو الإفادة متعها .

يزن: راك تخافي قوليلهم كل شئ باش ياخدولك حقك وانت للي سببتلك المشاكل مستحيل نرخي بيك.

وفاء: العيب مش فيك في خوي ومرته للي ماشفتش معاهم يوم طبيعي زي البشر.

صفاء: شفتيه شكله كان يمشي وراها خايف عليها مني يوصل فيها لفم الحوش 🚪.

آلاء: انا مازال مستغربه في كمية الحقارة للي طلعت منه فجأة.

زينب: دواه عندي انا الصبح نمشي لامه وبوه وهما يتفاهموا معاه.

صفاء: مش مصدقة المصايب للي انا فيها نحس في روحي مخنوقة 😭😭.

يُتبع..

لقراءة الفصل التالي : اضغط هنا

لقراءة باقي فصول الرواية اضغط على (رواية بين زوجتين)
google-playkhamsatmostaqltradent