رواية قدري أنت الفصل الثاني 2 بقلم شيرين ذكي

 رواية قدري أنت الفصل الثاني 2 بقلم شيرين ذكي

رواية قدري أنت البارت الثاني

رواية قدري أنت الجزء الثاني

رواية قدري أنت الفصل الثاني 2 بقلم شيرين ذكي


رواية قدري أنت الحلقة الثانية

#البارت_التانى
-شغف نزلت من العربيه بعدت ما ضربت الشاب بعد محاولاته معاها ونزلت تجرى وهو وقف وجرى وراها ولأنه طريق سفر مكنش فيه حد يساعدها بس شغف كانت لسه تعبانه فوقفت ومرة واحدة وف لمح البصر خبطتها عربية ونزل منها زين.... والشاب اللى كان مع شغف اتخانق معاه للدرجه زين كان فاكر أنها معاه وكدا بس شغف فتحت عيونها وبصت لزين وبعدها غابت عن الوعى وزين اتخانق مع الشاب دا اللى طلع مسدسه وخبط زين على دماغه ومشي ووقع زين وأغمى عليه جنبها عدى وقت وشغف للمرة التانية تفتح عينيها تلاقى نفسها ف المستشفى وتدخلها ممرضه ويبدأوا يتكلموا.... بقلمي شيرين
-شغف:- هو ايه اللى حصل
-الممرضه:- اتعرضتى لحادثه على طريق مصر اسكندريه الصحراوي وفيه شاب جابك هنا المستشفى امبارح
-شغف:- شاب مين دا اسمه ايه
الممرضه:- معرفش والله يا آنسه تقريبا هو نفسه اللى خبطتك
-شغف حاولت تقوم بس مقدرتش وحست بألم فظيع وكأن جسمها كله متكسر بس فضلت مصرة أنها تقوم
-الممرضه انتى لسه تعبانه لازم ترتاحى لأنك لما وقعتى على دماغك نزفتى جامد.....
#flash_back
-زين وشغف الاتنين فقدوا وعيهم وفضلوا حوالى ساعتين على الطريق بالوضع دا ولأنه طريق سفر مكنش فيه حد...
-شوية وبدأ زين يفوق ويستعيد وعيه وبص حواليه لقى شغف جنبه وخسرت كميه دم جامدة استوعب اللى حصل
وقام شالها وحطها ف عربيته وراح لأقرب مستشفى بس 
شغف كان  وضعها صعب وعندها  نزيف داخلى فى المخ 
بالإضافة للدم اللى خسرته وكانت فصيلة دمها " o" ودى 
ودى نادرة جدا ومش عارفين يوفروا الكمية اللى شغف محتجاها ف العملية وف الوقت دا كان زين إصابته في 
دماغه برضو بس كانت خفيفة واتعالج واتحسن وعرف
بوضع شغف ولترتيبات القدر كان نفس فصيلة دم شغف
وفعلا اتبرعلها بدمه ونجحت العملية......
#back
-بتكمل الممرضه وبتحكى لشغف ان الشاب اللى كان معاها هو اللى اتبرعلها بالدم وبعدها شغف بتقرر  أنها تمشى من 
المستشفى بس بيدخل زين عشان يطمن عليها وبيتكلموا
-زين:- بقيتى أحسن ولا لسه حاسه بتعب
-شغف:- بخير الحمد لله
-زين:- أنا أسف على اللى حصل بس انتى كنتى بتجرى على طريق سريع وأنا معرفتش أقف
-شغف:- أنا عارفه انها غلطتى أنا ومفيش داعى أنك تعتذر لأن الغلط عندى أنا بس كان غصب عني كنت بحاول أهرب منه
-زين:- هو مين قصدك على الشاب اللى كان بيجرى وراكى
-شغف:- أيوا هو حصله ايه وراح فين 
-زين:- أنا اتخانقت معاه وبعدها خبطتنى غدر على دماغى ومشى وانا فقدت وعى
-شغف:- ياربي أنا أسفه دا حيوان أصلا ومعندوش دم ولا دين ولا أخلاق
-زين:-  هو قريبك أو تعرفيه يعنى
-شغف:- لأ ابدا دى كانت اول مره اشوفه
-زين باستغراب:- أول مره تشوفيه وتركبي معاه العربية اه...
-شغف حست من طريقه كلامه وملامحه أنه واخد عنها فكره وحشه وأنها يعنى باللغه النهارده بنت مش تمام...اتنهدت شغف وقالت:- مش كل حاجه عيونا بتشوفها بتكون حقيقة!!
-زين:- عامه حمد الله على سلامتك وكويس انك فوقتى عشان هياخدوا أقوالك عشان الحادثه
-شغف:- لأ مش عايزه مفيش داعي
-زين:- دى إجراءات وانا متهم حاليا ولازم يتعمل محضر
-زين خرج وسابها وبيتكلم ف تليفونه وبيطمنوهم عليه
وشغف بتاخد ف وشها وتخرج من المستشفى من غير
ما حد يعرف وبدون اي مقدمات....
-زين بيرجع مش بيلاقيها وبيسأل عنها بس مفيش حد 
عارف راحت فين بحالتها دى
-شغف حاليا ف القاهره وبقا سهل أنها توصل لشقه صاحبتها فى العنوان اللى أخدته وبالفعل بتوصل هناك وبتلاقى نظرات حادة من البواب لما بتقوله أنها طالعه شقه دنيا........"دنيا دى بنت جميله هى أصغر من شغف بسنه تقريبا اتعرفوا على فى الكلية وشغف دايما كانت بتساعدها ف كل حاجه،،دنيا عايشه لوحدها لأن والدها  ووالدتها منفصلين  وكل واحد ف حياته
-دنيا كانت بتسهر وبتخرج وحياتها كلها شرب وفسح وكمان بتدمن.....بس شغف مكنش قدامها حد يساعدها غيرها وفعلا وصلت البيت بعد ما أخدت المفتاح اللى سابته دنيا ليها مع البواب وطلعت كانت ف قمه التعب واترمت على السرير وف وقت بسيط كانت ف سابع نومه ومش حاسه بحاجه حواليها لحد ما قامت على حد بيمشي ايده على وشها........
ف المستشفى---------------------------------------------------------
-زين مش فاهم حاجه ولا عارف هى راحت فين والكل بيدور عليها بس مش ليها أثر فرجع لحياته الطبيعية بس كان لشغف ذكرى علمت جواه......
-بيرجع زين البيت وبتقابله سلمى أخته الصغيرة وتجرى عليه
-سلمى:- أبيه زين أخيرا رجعت وحشتنى كتير كنت فين وليه كدا مجروح مالك 
-زين:- حبيبي حبيبي اللى واحشنى، دا جرح بسيط يا سوسو متخافيش على أبيه أنا بخير
-سلمى بتبوسه وتقوله:- أيوا طبعا مخفش أبيه بطل وقوى
-زين بيهمس لسلمى:- أمال سمكة مختفيه كدا ومش باينة
-سلمى بتقرب منه وتقوله:- زعلانة منك أوى وقالت مش تكلمك تانى ابدا ابدا ابدا
-زين:- يخبر مش تكلمنى ابدا ابدا ابدا ليه بس دا كله وكمان تلاته ابدا هو انا عملت ايه
-سلمى:-انت اتأخرت وقولت انك هتيجى امبارح ومش جيت
-زين:- اممم عشان كدا،،،،، طيب وفين بابا كمان لا يكون زعل
-سلمى:- تؤتؤ هو مش زعل وكمان قال لماما مش تزعلى هو بخير بس هيتأخر شوية بس هى بقا.....
-زين:- دا الموضوع شكله كبير بقا كل دا عشان اتأخرت امال لو عرفت بالحادثة.....
-بيخبط زين الباب وبيدخل عند أسماء
-زين بمشاكسة:- سمكة حبيبتي وحشتينى وحشتينى أوى
-أسماء:- وحشتك اه منا عارفه ولسه بتلتفت وبتلاقى زين مربوطة رأسه فبتقوم مفزوعة وبتجرى عليه وبتقول:- زين
مالك يازين حبيبي ايه جرالك
-زين:-ياسمكة روقى أنا بخير والله متقلقيش عليا كدا أنا أهو بخير وواقف قدامك وكانت دى حادثة بسيطة كدا
-أسماء:- حادثة حادثة ايه دى وازاى وليه مش قولتلنا على اللى حصل دا امبارح عشان انا مش أمك يعنى،،،،،،،،
-زين:- ماما انتى بتقولى ايه كام مرة اقولك متقوليش كدا انتى أمى وهتفضلى كدا لآخر يوم بعمرى ومش عايز الكلام
دا يتقال تانى سمعتينى
-أسماء بدأت تبكى وزين أخدها ف حضنه وحاول يهديها وقال:- انتى أمى ولازم تعرفى كويس ان الأم هى اللى بتربي وتهتم مش بتخلف وترمى وتعيش لنفسها انا مليش ام غيرك
________________________________________________
اللهم صل وسلم وبارك على سيدنا محمد وعلى آله وصحبه أجمعين عدد ما كان وعدد ما يكون وعدد الحركات والسكون
________________________________________________
&ف الشركة&
-زين ووالده حسن المرشدى قدروا إنهم يأسسوا مجموعه من الشركات وبقوا من أكبر رجال الأعمال ف مصر وليهم شريك وهو كمان من كبار رجال الأعمال وعنده بنته الوحيدة جنى واللى هى خطيبة زين......
-زين بيحب شغله جدا وعشان كدا راح الشركة علطول بدون تفكير ومن غير ما يرتاح حتى
-جنى بتلمح زين اول ما يدخل الشركة وبتجرى عليه بتحط ايديها على كتفه وبتحضنه وبفزع بتقوله:-حبيبي مالك ايه
اللى حصل
-زين:- مفيش يا جنى أنا بخير دى حادثة بسيطة كدا بس
-جنى:- سلامتك يا حبيبي طيب ليه جيت كنت ترتاح
-زين:- أنا كويس ياجنى مش مستاهله وبعدين عندنا شغل 
كتير يلا.....
-بيدخل زين المكتب هو و جنى
-كريم:- حمدالله على السلامه يا زين الحمد لله انك بخير وبيحضنه ويطمن عليه
-حسن:- مكنش ليه لازمه مجيك يا زين وانت تعبان كدا وبرضو بياخده ف حضنه ويطمن عليه
-زين:- يابابا أنا بخير مفيش داعي للقلق دا يا جماعه أهدوا
-جنى:-انت بتقول ايه يازين عمى معاه حق لازم ترتاح
-زين معرفش يقنعهم أنه يحضر الاجتماع وفعلا رجع الفيلا تانى بعد إصرارهم كلهم عليه....
ف شقة دنيا______________________________________
-دنيا كانت نسيت أصلا أن شغف جايه وكعادتها كل يوم بترجع الشقه بعد ما بيخلصوا سهراتهم هى وصحابهم وبيكملوا عندها ف البيت ودخل شاب من اللى معاها
الأوضه ولقى شغف على السرير نايمه وطبعا شغف
جميله جدا وهو مش ف وعيه فقرب منها وحط ايده
عليها وهى قامت مفزوعه وقالتله:- انت مين عايز ايه
وبدأت تبعد وقامت من على السرير بفزع وهو فضل
يقرب منها وهى تبعد لحد ما لزقت ف الحيطة وهو
قالها والله ما هتندمى هنتسلى وهمتعك....
بقلمى شيرين ذكى
-ياترى شغف هيحصلها ايه؟! وحد هينقذها ولا هتكون فريسه ليه وهى فعلا أخلاقها وحشه ولا فيه سر مش عارفينه؟! 
وأسماء ليه قالت لزين أنها مش أمه امال هى مين وفين أمه؟
دا بقا اللى هنتوقعه مع بعض وهنعرفه ف البارت الجديد لو دا عجبكم ولقيت تفاعل وتشجيع إنى أكمل⁦

يُتبع ..

google-playkhamsatmostaqltradent