رواية بين زوجتين الفصل الاول 1 بقلم رويدا القاضي

 رواية بين زوجتين الفصل الاول 1 بقلم رويدا القاضي

 رواية بين زوجتين البارت الاول

 رواية بين زوجتين الجزء الاول

رواية بين زوجتين الفصل الاول 1 بقلم رويدا القاضي

 رواية بين زوجتين الحلقة الاولى

التعدد مشكلة كبيرة في مجتعنا ومش كل وحدة ترضى انه راجلها يتزوج عليها.
لكن القلب ماعنداش موعد محدد باش يحب او يختار الشخص للي بيكمل معاه.
يزن م86 يخدم عمل حر مواصفاته طويل 
مش سمين جسمه معبئ أبيض عيونه كبار
شعرتها لونهم ذهبي لانه أشقر😉.
طبعه حنين لكن غيور متفهم نوعا ما مش 
معقد .
يزن كانت حياته طبيعه لين في يوم كان طالع لسوق.
صفاء : هيا ياسر بنروحوا تعبت وانا نلف ع خاطر بلوزة لي مرح شكله مقاسها مش موجود.
يزن: اصبري في محل هنيا يخدم فيه عنصر نسائي بس شن رأيك تخشي تشوفيه مرات تعجبك منه حاجه.
صفاء: لالا مانبيش نخش وعلاش جايبني لمحل فيه عنصر نسائي باش تخش معايا😒.
يزن: الله غالب ولله في خلقه شؤون شن بنقولك قلت عنصر نسائي وتقولي تبي تخش.
صفاء: باهي وانت حالة ماتصدق تحصل كلمه باش تعشش فيها.
يزن: باهي نقصي صوتك الناس تسمع فيك وانا مانحبش صوتك يعلى.
صفاء: حاضر ياسي يزن نسيت اني لازم نفد
الأومر وبس.
يزن: مش وقته النقاش هذا توا لما نوصلوا للحوش في تفاهم ثاني.
خشت صفاء للمحل وكانوا فيه بنتين .
صفاء: السلام عليكم .
وفاء: وعليكم السلام شرفتينا تفضلي مدام.
صفاء: شن تقصدي بيها كلمة مدام تبي تفهميني انه باين عليا كبيره.
وفاء: لا ولو العفو لكن المحل متعنا ملابس أطفال وبس هذا علاش قتلك مدام .
صفاء: 😒 باهي توا مش وقت تحكيلي قصة حياتك.
حواء: معليشي ياريت تتكلمي بهدوءوتحترمي المكان للي انتي فيه.
صفاء: قاليلت آدب اول واخر مرة نخشه المحل وين المسؤول عليكم 😠.
وفاء:معليشي زميلتي مش قصدها غير هيا عصبيه شويه بس.
صفاء: انا من الاول مش مرتاحة زي انتى زي زميلتك واظح عليكم بيئة.
وطلعت قدام المحل وبدت تحكي لي يزن في القصه بالكذب وكيف هيا انهانت في المحل.
حواء: اسمعي الحقيرة كيف تكذب ع راجلها كان مانسمعوش فيها راهو صدقناها.
وفاء: فوتيها انت عارفه روحك تمام خليها تكذب ع كيفها.
حواء:😏 مسكينه انتى والله لما نطلعلها ونوقفها عند حدها ع من تكذب.
وفاء: ياسبحان الله قداش تحبي تشرى المشاكل انتى.
طلعت حواء ولقت صفاء واقفه تكذب ع يزن قدام المحل.
حواء: قوليله الحق علاش تكذبي عليه .
يزن: شن فيه بالزبط انا معاش فهمت شئ.
حواء: توا نفهمك المدام متعك جت خاشه للمحل زي أي زبونة صاحبتي من باب اللاباقة 
قتلها تفضلي مدام وهيا طولت بدت فيها قصف.
يزن:😠 مش عارفه امتا تكبري وتعقلي باش تفهمي انتي.
صفاء: هذا فاش فالح غير تنصر الناس عليا 
تقول هما الصح وانا الغلط.


يزن: خيرك انتى شن تحسي بالزبط معقولة وين ماتمشي تخلقي في مشكله.

صفاء: شن اما وحدة عجباتك باش دافع عليهم الحقيرة للي قتلي مدام ولا الثانيه.

يزن: سكريه النقاش هذا توا نوصلوا للحوش
ونتفاهموا بروحنا البنات يسمعوا فيك.

صفاء: هذا للي هامك بنتك يعرفوا حقيقة
بوهم النسونجي.

يزن:😠 صفاء اعرفي شن طلعي من فمك راك زودتيها هلبا.

صفاء: حرة بنقول للي يعجبني ماتبيش تسمع كلامي سكروذانك .

الطريق كلها ويزن معصب من صفاء رغم انها متعلمة لكن تصرفاتها تصرفات انسانة جاهلة.

يزن خريج علوم سياسية لكن عنده سوبر ماركت كبير يصرف منه وفايت عمل الدولة.

صفاء خريجة قانون لكن ماتخدمش لانه في قانون يزن ممنوع مرته تخدم وهيا راضية بي الموضوع هيا م91 طويله وبيضاء وبصفة عامة تعتبر حلوة.

صفاء: انزل شن قاعد في السيارة 😒 ولا دور في سبله باش تطلع من الحوش.

يزن: انزلي انتي والبنات وخليك ساكته خير مش وقتك ومن امتا متعلم ناخد في الإذن منك باش نطلع.

صفاء: هيا مرح فرح هيا تعالي يقين انزلوا حبيباتي.

مرح: حولي انت المهم ديري مشكله مع بابا باش يطلع واحنا يطول علينا باش نشوفوه.

يزن: لا يابابا مافي شئ حبي نمشي نشوف السوق ونجيبلكم معاي شبسي وشكلاطه وللي تبوه كله.

مرح: نحبك يابابا.

ونزلوا البنات .

يزن : من بكرى نقولك اسكتي توا البنات يفهموا عاجبك للي صار توا.

صفاء: مصيرهم بيعرفوا بوهم اليوم ولا غدوا .

طلع يزن طول لسوق كسد جنب محمد صاحبه .

محمد: او معلم شن امورك شكله طلعة متكمة واظح.

يزن:ناقصك غير انت ماهو متكمه هلبا لين فايت فيها.

محمد: شن صار معاك احكي والله من بكري نستنى فيك باش نعرف شن صارمعاك.

يزن: صار فيا ماصاير في الكلاب حشاك.

محمد: شن قصتها مرتك هاذي اعرضها دكتورة نفسيه ديرلها اي لقطة.

يزن: والله اللقطة هيا للي درتهالي اليوم في السوق خلتني نولي زي الكمشه قدام الناس تقول مصريه تلعلع ع طول صوتها.

محمد:هههه😂 يامسكين حليلي وليدي طلع يعاني وانا للي نحسابك مرتاح.

يزن:😁 انا غلباااااان المهم توا خلي نحكيلك شن صاير.

محمد: اجقيني قال المصري 😁.

يزن: رفعتها لمحل فيه عنصر نسائي وملابس راقيه.

محمد: باهي وشن المطلوب منك اكثر من هكي دلع.

يزن: توا ايجيك الكلام اصبر توا تفهم مني في البدايه قتلي انت تبي تشوف البنات.

محمد: خيرها غبيه هكي متأكد شهادتها مزبوطه بالك مزورة.

يزن:للي قاهرني بي ختمة الجودة 😂🤣
المهم خشت الناس يشوفوا في لبسها راقي يحسابوا حتى تصرفتها راقيه .

محمد: لدرجة هاذي راقيلك منها اول مرة تتكلم عليها هكي يايزن.

يزن: ماهو ننصح فيها وهيا تسكر في رأسها ماتحسابش مانبيش حد يهزا عليها المهم خشت قتلها البنت للي في المحل تفضلي يامدام وقالت بلي رأسك نلحقه كيف تقولها مدام.

محمد: قصدك هذا علاش دارتلك المشكلة.

يزن:ايه هذا هوا السبب وفوقها هزبتهم وطلعت قدام المحل درات العار.

محمد:🤔 باهي تعرفه انت المحل وين بزبط
والبنات للي دارات معاهم صفاء المشكله.

يزن: ايه نعرفه علاش فيه حاجة.

محمد: برا انت وتأسف منهم وقولهم أي كذبه تتوحم أي موضوع.

يزن: تعرف لو تسمع بيك بنت عمتك تولع فيك النار 😂 منين طلعت بيها الفكرة هاذي.

محمد: من رأسي منين طبعا بنمشي معاك باش نسايرك في الطريق.

يزن:😏 ضروري تمشي معاي والله متحشم بالك يهزبوني.

محمد: عادي حتى كان هزبوك مرتك مسحت بي كرامتهم الأرض لازم تدفع ضريبة تلقيح مرتك.

يزن: صفاء تغيرت ع قبل هلبا تقول مش هيا صفاء للي كنت نحبها .

محمد: ربي يصبرك ولو طور الموضوع برا تزوج وحدة ثانية.

يزن: قداش ماانت واحد مريض صارلك زي بيكحلها زاد عمها😁.

وطلعوا مع بعض باش يمشوا للمحل وفي المحل .

حواء: جاهلة متخلفة والله لو زادت تكلمت راني نقزت عليها وريشتها .

وفاء: بالله عليك فوتيه الموضوع يكفي انه راجلها تحشم.

حواء: تم وصلني حقي ردلي اعتباري كان تحشم قليل أدب زيها كانه راجل راهو كف اقلبلها بيه وجها.

وفاء:😂 خيرك ع العنف اليوم معقولة هكي تقولي كأنك مش صاحبتي.

حواء: هذا الحق في نوع من النساوين مفروض حرام تتطلع برا الحوش.

وهما قاعدين يتكلموا لين وصل يزن قدام باب المحل.

وفاء: خيره الراجل هذا شن جاي يبي يكمل
للي دارته مرته معانا.

حواء: ماهو قتلك ياغبيه زيه زي مرته مافيش فرق بينهم.

يزن: السلام عليكم ممكن ندخل المحل ولو فيه إحراج عادي مافيش مشكلة.

وفاء:☺ لالا عادي تقدر تتفضل مافيش زبائن .

محمد: مشالله فعلا محل راقي كيف ماوصفته.

حواء: تفضل لو عجباتك حاجة مافيش مشكله .

طبعا وفاء م91 خريجة علم نفس ولانها ماحصلتش عمل في الدولة خدمت في المحل قمحيه قصيرة عيونها كبار بالمجمل
حلوة غير ع الأسمر.

يزن: انا آسف ع أي غلط طلع من مرتي في حقكم.

محمد: ايه والله ياريت تعذروها مسكينه تتوحم 🤰🏻.

حواء: بلاش منه الحمل للي هكي الناس مش مجبورة تتحمل عصبيتها.

محمد: انا نعرف كلامك مزبوط لكن هذا للي صار توا معليشي ممكن نعرف اسمك .

حواء: انا اسمي حواء وهاذي صاحبتي وفاء.

محمد: عاشت الأسامي وانا اسمي محمد وهذا صاحبي يزن.

وفاء: عاشت الآسامي.

وتأسف منهم يزن وهما قبلو الأسف ومحمد طلع فالح اخد رقم المحل .

يزن: حشمتني شن علاش طالب رقم المحل جايين باش نتأسفوا مش نعاكسوا.

محمد: انت جاي تتأسف اما انا من الأخير جاي نعاكس وبعدين شن نتأسفوا متعك الحمدلله انت متزوج وتصلح في غلط مرتك
اما انا حر مافيش من يقيدني لكن وفاء وله 🤤 صاروخ.

يزن: استغفر الله مستحيل تتغير انت يافرخ مهما يصير.

محمد: نزلني في السوق خلي نعبئ عيوني بالناس العسل للي تخش وتطلع فيه .

يزن: تمام انا بنزلك اصلا بنمشي نصالح صفاء مانبيش البنات يتحسسوا .

محمد: والله قلبك طيب كان انا نعطيها طريحت نباش القبور ونرفعها لبوها يربيها.

يزن: انت عارف صفاء يتيمه وماعندها حد غيري مانبيش نخسرها.

محمد: شكلها موكلات بسبوسة جلاكسي يامعلم .

يزن:😂🤣 والله خاطري فيها توا شكلي بنروح نقولها طيبها.

جاء يزن مروح جاب معاه عطر أولومبيا 😍
وكان ناوي يرضيها .

صفاء: لابسه بيجامة نوم قماشتها حرير وقايمه شعرها فوق ومن كثر هوا ناعم في شعرات نازلات من الجنب.

يزن: جاء حضنها من الخلف وهيا واقفة قدام المرايا لو ديما بتزيدي جمال بعد تعصبي ديما نبيك تعصبي طالعه عسل 🤤.

صفاء: ابعد عليا غادي لاعسل ولابصل راني راقيلي منك 😤.

يزن: صفاء حبيبي افهميني شويا راني معاك مش ضدك مانبيش حد يقول مرت يزن ماعندهاش أسلوب.

صفاء: توا هكي وليت تشوف فيا بلا أسلوب
مليت انا نحي ايديك وابعد عليا.

يزن: ماتبيش تشوفي شن جبتلك معاي من برا العطر للي انتي تحبيه.

صفاء: دفت يزن بالقوة وخدت العطر وحذفاته ع طول يدها ع الحيط تحسابني بيبي باش ترضيني بعطر.

يزن: خيرك ياروحي نرضيك باش تحبي لكن انا مش غالط.

صفاء: اما وحدة عجباتك فيهم باش هزبتني قدامهم هكي.

يزن: انا امتا هزبتك حرام عليك انا فوق ماعيطتي انا للي جيت نرضي فيك وتقولي هكي.

صفاء: من الاخير مش خاطري في شئ الليلة فوتني .

يزن: شن هيا ولت هكي قصدك تمام كان مازال جيت شورك تعالي حاسبيني.

صفاء: سبله عاد جاتك لعندك شن تبي اكثر من هكي.

يزن طبع امشى لي دار بناته ورقد معاهم وتجاهلها خليها تعيط بروحها.

ومر أسبوع وهما ع نفس الوضع هوا في مكان وهيا في مكان.

صفاء عيبها مغرورة وكانت تتوقع انه يزن مستحيل يفكر ولا يشوف غيرها.

يُتبع..

لقراءة الفصل التالي : اضغط هنا

لقراءة باقي فصول الرواية اضغط على (رواية بين زوجتين)
google-playkhamsatmostaqltradent