رواية بين زوجتين الفصل العاشر 10 بقلم رويدا القاضي

 رواية بين زوجتين الفصل العاشر 10 بقلم رويدا القاضي

رواية بين زوجتين البارت العاشر

رواية بين زوجتين الجزء العاشر

رواية بين زوجتين الفصل العاشر 10 بقلم رويدا القاضي

رواية بين زوجتين الحلقة العاشرة

محمد: فوته الموضوع علاش تورط روحك في شئ زي هذا.

يزن: انا وعدت وفاء انها ترجع لحوشهم وتعيش مرتاحة لا يتحكم فيها معتصم ولاغيره.

محمد: ربي يستر خلاص اول مايكلمني الولد نقيملك هاتف .

يزن:😏 اكيد تحلم مافيش مروحه اليوم بايت عندي في الحوش باش لما يتصل طول نطلعله.

محمد:🙄 نبي نكلم مرتي ياراجل بناخد راحتي .

يزن:وقفت ع الليلة اعطيها راحة حتى وذنها 

اكيد وجعتها.

صفاء: ☺ جهزتلك مكانك شن تبي نديرلك عشاء حبيبي.

يزن: احسبي محمد معاي مش بروحي عندنا ضيف .

صفاء:😔 كيف فرحت نحساب حياتي معاك ترجع زي قبل.

يزن: قرب منها حضنها وباسها من جبينها 

انشالله ترجع غير تبي شويه صبر.

صفاء: تمام شويه ونجيبلك سفرة من للي تحبها انت.

يزن: تمام نستنى فيك ويسلموا ايدك صفاء بنقولك حاجة.

صفاء: نعم عيون صفاء انت.

يزن: مهما صار بيني وبينك مانبيش قلبك يحمل عليا شئ يكفي انك ام بناتي وعشرة عمري انتى.

صفاء: رغم انه قلبها نار مافيش مرأه تتحمل اتجيها وحدة تشاركها في راجلها لكن نجبرت تتبسم في وجه خايفه يضيع منها.

معتصم: وفاء كيف فات يومك الأول في العمل مرتاحة ولا قعدت الحوش خير.

وفاء:شن الحوش وانا ماصدقت تطلعت منه انخنقت فرحانه مش مصدقه روحي.

معتصم: دووم الفرحه انشالله لكن كأنك فرحانه بزيادة حتى عيونك يضحكو صاير شئ.

حواء: خيرك يامعتصم مركز مع وفاء هلبا قتلك مافي شئ.

وصلوا للحوش وفاء طول فتحت وتس باش تحكي مع يزن.

وفاء: وصلنا للحوش ☺.

يزن: الحمدلله ع السلامه من روح بيكم اليوم.

وفاء: معتصم والطريق كلها وهوا يسأل ويقصقص فيا درهلي كبدي.

يزن: هانت تحملي شويه وتطلعي من حوشهم وترتاحي منه.

وفاء: يزن ممكن نسألك سؤال وتجاوبني بصدق.

يزن: اسألي اكيد نجاوبك .

وفاء: علاش هذا كله للي دير فيه معاي راك تقول احساس بذنب.

يزن:😳 هوا شئ من هكي لكن لو تبي الحق مانعرفش نخاف ونغار عليك فوق ماتتخيلي .

وفاء: فاهم شن معناها تغار وتخاف ع حد ولا مش فاهم.

يزن: فهميني انتي نبي نسمع منك .

وفاء: خبيث تبي تجرني في الكلام مافيش ماعندي مانقولك 😉.

يزن: خلاص توا انتي ارقدي وارتاحي وغدوا انشالله نحكوا .

وفاء: عارف الساعه كم توا 10 معقوله بنرقد من توا ولا خايف من مرتك.

يزن: 😏 مسكينه انتى انا نخاف 😂🤣 مستحيل لكن عندي شويه شغل نتمه ولو لقيتك فايقه نكلمك.

وفاء:تمام انشالله حق يطلع عمل كيف ماقلت مش شئ ثاني.

محمد: كملت حالة الحب للي كنت فيها نبي ناكل والعشاء صقع.

يزن: كملت وكول من قلك استناني اصلا نحس روحي شبعت.

محمد: اسكت الولد اتصل بيا فرخ الكلب وقت الماكله هذا وين خطر عليه الإتصال.

يزن: رد ياعطيك سم وانت مداير العار.

محمد: الو لخص هات المفيد عندك المقطع الفيديو.

الشخص: ايه عندي تعالى توا انت وصاحبك تلاقاهم داخل.

يزن: تم سكر توا لازم نمشوا لي خالد في الشركه وناخدوه معانا.

محمد: لالا .نمشوا الصبح ونرفعوله المقطع خير ماتكبر توا المشكله .

يزن: المهم عندي وفاء تروح  لحوشهم وترتاح من سجن معتصم .

محمد: خود مفتاحك وهيا كان بنمشوا.

يزن: شويه نجيب السلاح من داخل وانجيك نحسبك في واحد.

محمد:😱 هبلت انت رسمي شن تحساب روحك خاش لجبهة.

يزن: ايه جبهة لما تمشي لواحد تاجر سلاح شن متوقع منه يستقبلك بالورد.

محمد: شن رأيك نكلم معتصم يمشي معانا خلي يكتمل القروب .

يزن: باش يطلع فيها هوا البطل وتقول وفاء معتصم هوا للي خلاني نرجع لحوشنا مشكلتك حمار ومش فاهم عليا بكل.

وعند عماد للي خش في آلاء زي الحادث .

عماد: تصدقيني لو نقولك انه من اول ماشفتك عجبتيني...

آلاء: 🤤 نفس الشعور وحسيتك الشخص الوحيد للي تنحب في حوشكم.

عماد: رغم انك توا تقصفي في اهلي لكن معليشي حتى انتى الوحيدة للي تنحب عمتك وبنتها كابوس.

آلاء:هههه مقبوله منك المهم توا خلي يكمل محمد وحواء موضوعهم بعدين احنا ساهل.

عماد: علاش نأجلوا في الموضوع شن رأيك 

نتموا معاهم.

آلاء:😳 خيرك مستعجل نبيك تاخد وقتك وتزيد تتعرف عليا أكثر.

عماد: نتعرف عليك وانتي معايا في حوشي مش وانتي بعيدة عليا.

آلاء: تمام بعد أسبوع نكلم عمتي ونحكيلها 

كل شئ وكانك ع الفلوس اخر همي الحياة تعاون.

عماد: ياحليلي للي تفهم لكن غدوا الصبح تفيقي تعطيها علم والعشيه انجيكم انا وامي.

آلاء: تمام انشالله غدوا الصبح نحكي معاها ونكلمك .

معتصم: نبي نفهم خيره محمد نتصل بيه ومايردش حتى الساعه مازال11.

طلعوا يزن ومحمد 🚗 وطول عند خالد في الشركه .

محمد: معليشي خالد موجود قوله محمد للي كان يخدم معاك يبك ضروري.

الشخص: هوا عنده توكه الليلة لكن شويه ونضبحلك عليه.

خالد:😲 محمد ويزن صايره حاجة مع وفاء شن فيه.

يزن: اهلين ياخالد كيف حالك وكيف حال صحتك.

خالد: ماشي زي الناس والله مش عارفه كيف نقيم عيوني فيكم بعد للي صار .

محمد: حاجه بين الناس مادور شئ لكن احنا جاينك في موضوع ضروري.

خالد: لو نقدر عليه اعتبروه تم يكفي للي صرفتوه ع اختي.

يزن:لالا عادي كيف ماقلك محمد مش بينا لكن الموضوع يخصك انت ومش عارف منين نبدا فيه.

خالد: والله شغلتوني تكلموا من لون وجوهكم متغيره .

محمد: من الأخير مرتك تخون فيك وتبي تمشي معانا هيا.

خالد: مصدوم 🤣😂 كيف تخون فيا متاكدين 😤😠 اختي للي كانت بتموت 

بسببها 💔 تعب وفاء للي تصرف فيه ع 

روحها سنين عمري للي ضاعت بلا عيل باش نرضيها .

يزن: احنا فاهمين للي انت حاسه توا هيا اركب وشوف كله قدام عيونك .

خالد: كيف بنمشي بلا سلاح كيف بنغسل العار متعي 😡 انا بنموت نحس في روحي مضحوك عليا .

محمد: هيا معاش فيه وقت الشايب في لحظة يطلع ونحكولك كل شى في الطريق.

خالد: اه ياقلبي يعني انا نخدم عند حبيب مرتي عمرها صارت هاذي نحس في قلبي مغصوص.

يزن: السلاح تحتك والشايب وعرضك قدامك رغم اني ماننصحك تمسخ ايديك بيها .

محمد: مره صار كلام بيني وبين واحد يخدم تحت الشايب قلي صاحبك خالد علاش سيب العمل معاكم قتله ظروف قلي مرته جايباته يخدم عند حبيبها.

خالد: وانا نقول علاش يشوفلي شوفت استحقار  طلعوا عارفين وانا جاهل .

يزن: اهو توا عرفت شن كيف لو ماتت اختك بين ايديك وهاذي خاناتك.

ملاك: روح بيا يامعتز نحس في روحي مش مرتاحه مضايقه وخايفة.

الشايب: تخافي وانتي معاي خيرك ولا شكلك مش راضيه تخونيه.

ملاك: انت اكثر واحد تعرفه انه لو كنت نحب مستحيل تسمع صوتي مش انجي لعندك.

الشايب: باهي تعالي انسي كل شئ انتي معايا توا.

محمد يجري في الطريق لين وصل للمكان للي فيه الشايب وملاك.

خالد: انا بننزل مانقدرش نستنى اكثر من هكي معاش فيها كيف.

يزن: اصبر في واحد بيجينا توا تشوف بعيونك كل شى وانا بننزل معاك مستحيل نخليك.

محمد: تعالي انت والمقطع واهما فلوسك انا في اول الشارع.

الشخص: تمام شويه ونكون عندك مش مطول .

دقايق ووصلهم الولد وشاف خالد ملاك بعيونه وهيا نازاله من السيارة وخاشه مع الشايب.

يزن: خود12 وسيب البوابه احنا بنخشوا وبتموت بتموت لو بتقعد.

الشخص: ديروا شرعكم انا مروح من توا مستحيل نقعد.

محمد: حتى انا نازل معاكم مانقدرش نخليكم بروحكم.

نزلوا الثلاثة وخشوا من البوابه الخلفيه اقل حراسه ويزن منظم الجو كاتم صوت باش الشايب مايسمعش الصوت ويهرب 😏.

خالد: مش قادر نصبر وينهم انا نبي نقتلهم 

ونغسل العار للي دارته.

محمد:برا بشويه صوت توا يسمعك ويطلع يصفينا كلنا .

يزن: تعالوا الصوت جاي من الدار اهيا وفتح عليهم الباب .

الشايب: متليع وديما سلاحه معاه طول سحب وبدا يضرب .

ملاك: 😱 خالد اسمعني هوا خطفني راك تصدق انا نخونك .

خالد: تتكلمي ع الشرف وانتي ماتعرفيش وطول رمى عليها الشايب نضرب في يده.

يزن خصل رصاصة في رجله اما خالد جاته جنب قلبه.

محمد: اسحب خالد يايزن واطلع طول طلوع الشايب مشغول مع يده وملاك للي ماتت قدام عيونه .

محمد: الو معتصم الحقني في العيادة ... 

معايا خالد مضروب ومش عارف ميت ولا حي .

معتصم: علاش هكي شن صاير يزن وين فهمني جايك في الطريق.

محمد: مش وقت كلام توا يزن مضروب في رجله وانا مش عارف كيف نتصرف معاهم.

،،،،،،،،،،،،،،،،،،بعد شهرين،،،،،،،،،،،،،،،،،،،

حواء: مازال تبكي ياسرك ياوفاء فيقي لروحك شويه الله يرحمه ادعيله بس.

وفاء: لو انتي في مكاني شن ديري تضحكي خوي مات مرته خاينه معاش عندي حد في الدنيا.

معتصم: واحنا وين مشينا معاش تقولي الكلام هذا.

وفاء: حواء وعماد اسبوع ثاني ويطلعوا من الحوش وانا مانقدرش نقعد معاكم لو طلعت حواء.

ناجيه: تقعدي معاي انا وبعدين انتي غير قولي باهي والحل يحضر.

في الليل وفاء كانت الشهرين اهما للي مصبرها يزن.

وفاء: حبيبي انا كلمتهم وقتلهم مانقدرش نقعد معاهم بلا محرم هكي.

يزن: خلاص انا غدوا نفتح الموضوع مع معتصم ونتقدملك وبالك نديروا العرس مع محمد وعماد.

وفاء: خايفه مش عارفه علاش نحس في فرحتي مستحيل تكمل .

يزن: انا معاك للأخير وين بتوصل توصل مستحيل نخليك مهما يصير.

وفاء: يزن وربي نحبك.

يزن: وانا نموت فيك وانشالله ربي يجمعنا بالحلال.

ثاني يوم الصبح العيله كلها مقعمزة مع بعض .

علي: شن كلمت الشيخ يامعتصم ولا مازال 

خلي نكلمه.

معتصم: لالا كلمته شويه ثاني يكون عندنا انشالله.

وفاء: علاش الشيخ شن صاير .

حواء: ليك انتى ومعتصم يعني علاش لما مشينا درانا تحاليل وقتلك حللي معانا باش لما ايجئ يكون كل شى حاهز.

وفاء:😱 كيف انا مش فاهمة شئ.

ناجيه: ياروحي انتي يابنتي معتصم كان مخليلك الموضوع مفجأة ومانلقاش لولدي خير منك.

وفاء: حسيت الدنيا ضاقت بيا كيف بنقولهم نبي يزن وهما ماخلونيش دقيقة كيف نكسر قلب معتصم وانا نعرف انه يحبني وكيف 

بننسى يزن وانا كنت كل يوم يفوت نستنى 

امتا يتم موضوعنا .

طلعت وفاء وبعتث لي يزن رساله أجل الموضوع اليوم كلمه بعد يومين.

فات اليوم بذون أي مشاكل وفاء ولت مرت معتصم جاء الليل يزن يتصل.

يزن: وينك ماترديش كيف تخليني اليوم هكي بذون ماتكلميني.

وفاء:😭 تبكي بالعبره انا بنخليك العمر كله مش من قسمك يايزن.

يزن: شن تقولي انتي علاش واجعك خوك نستنى عليك .

وفاء: معتصم قرأ فاتحتي اليوم وليت مرته كيف مازال بنكلمك.

يزن: 😲 من الصدمه لا عرف يتكلم لايسكر بعد عشره دقايق وهوا ساكت هكي وانا مات كل شئ في قلبي من اليوم مستحيل ننسى انك خنتيني.

وفاء: والله ماخنتك انت مش عارف كيف صار هكي.

يزن: سلام وربي يهنيك مع معتصم.

حواء: حضنتها انسيه ياوفاء مش ليك خليه لمرته وبناته.

وفاء: خوك دمرني ياحواء كيف تعرفي بذون ماتقوليلي علاش ماوقفتيش معاي زي ماوقفت معاك.

حواء: مانبيكش تتعبي معاه افهميني نبي راحتك .

وفاء: راحتي معاه وانتي تعرفي ياريتني متت مع خوي وارتحت.

جاء الاسبوع للي فيه العرس تزوجت حواء ومحمد وعماد وآلاء .

يزن رجعت حياته مع مرته روتين وبس بلا حب لكن مش محسسها انه معاش يحبها وقته كله عمله وبناته.

معتصم مازال يستنى امتا وفاء تجهز روحها 

باش ايديرلها عرس كبير وفرحان بيها مش مصدق.

وفاء رضت بمعتصم مافيش حل ثاني ماتقدرش تكسر قلوبهم كلهم باش تفرح هيا.

لعند هنيا وتمت

لقراءة باقي فصول الرواية اضغط على (رواية بين زوجتين)

google-playkhamsatmostaqltradent