رواية املي الفصل الثالث 3 بقلم سلمى ابراهيم

 رواية املي الفصل الثالث 3 بقلم سلمى ابراهيم

 رواية املي البارت الثالث

 رواية املي الجزء الثالث

رواية املي الفصل الثالث 3 بقلم سلمى ابراهيم

 رواية املي الحلقة الثالثة


_صديقة امل بعد ماجلست : امل انا عاوزة اقولك على حاجة بس خايفة منك
_امل بشك : قولى
_بصراحة اااابصراحة ااا
امل بمقاطعة : ايييه لسة هتأوئى فى ايه
صديقة امل بحزن: بصراحة انا قلبى متعلق بواحد ثم اكملت بسرعة :بس والله انا مكلمتهوش خالص انا براقبه من بعيد لبعيد 
امل بحب وهى تربط على كتف صديقتها :الحب مش عيب ولا حرام بس العيب والحرام انك تتجاوزى حدودك مع الشخص دة ثم اكملت : بس بماانك من بعيد لبعيد فأنتى تمام ....بس انتى عملتى حاجة غلط 
سمر بتساؤل : حاجة ايه
امل :انتى علقتى قلبك بشخص وانتى مش عارفة ربنا كاتبلك ايه غير كدة طالما انتى بتراقبيه يبقى اكيد بتبصيله كتير حتى لو هو مش واخد باله ..دة بقى اللى حرام فى حاجة فى الاسلام اسمها غض البصر غض البصر مش لازم على البنات بس لأ دة لازم ومؤكد على البنات والرجال ...ياحبيبتى انتى كدة بتاخدى اثم عظيم 
سمر بحزن : انا عارفة انه حرام بس غصب عنى بلاقينى ببصله لااراديا كدة ثم اكملت بحزن:ربنا يغفرلى ويسامحنى بقى
امل بانهاء المناقشة : بصى ياسمر انا هقولك حاجة واحدة بس مترهقيش قلبك من دلوقتى ثم اكملت بجدية : خلاص خلص الكلام
سمر بايماء : حاضر ثم اكملت بمرح: ماتيجى نتفرج على كارتون ونعمل فشار
امل بنفس المرح : يلا يااوختشى 
ثم ذهبوا حتى يجهزوا الفشار والغداء
نسيبهم عبال مايخلصوا بقى😂😙
~~~~~~~~~~~~~~~~~~~~~~~~~~~
فى منزل محمد 
والده محمد بصوت عالى نسبيا : ولا ياعمااار روح ذاكر يافاشل الامتحانات قربت وانت قاعدلى على المدعوق دة (قصدها على الفون)
عمار بابتسامة : اوكيييه
سارة اخت عمار وهى تدخل عليهم : ماما هاتى 500 جنيه 
والدتها بصوت عالى : 500 ايه ياعينيا
سارة ببراءة : جنيه
والده سارة وهى تجهز سلاحها (من غير مااقول ايه هو سلاحها بقى انتو عرفتو خلاص): انا ممكن اديكى 500 شبشب ثم حدفت الشبشب فى وجهها 
سارة بعدما تلقت صدمة الشبشب : تسلم الايادى 
ثم اكملت بضيق : ياماما عاوزة اعمل شوبينج
عمار شقيقها بسخرية : الله يرحم ابوكى كان بيسقى البقسماط فمياه المخ...توقف فجأة بسبب تلقى نفس الصدمة بتاعت الشبشب
والدته : احسن عشان تبقى تجيب سيرة ابوك الله يرحمه كدة 
سارة بضحك على منظر اخيها : ههههههه احسن احسن عشان تحس ثم اكملت ببكاء مصطنع: دة انا وشى ورم 
عمار بضيق : كلبة بحر بصحيح ثم اكمل وهو يدخل الغرفة : انا هروح انام 
والدته بزعيق : اهو انت مش فالح غير فى النوم والاكل   ولا اكنك حمار مع انك بنى ادم سبحان الله
سارة بسخرية : سوبحااان الله ثم اكملت بفخر : انتى مخلفتيش غيرى اصلا اروح اغسلك المواعين
والداتها : انتى لسة هتسألينى روحى يااختى على المطبخ
سارة ببرطمة وهى تغادر : ياكش يطمر وتدينى الفلوس فى الاخر 
والدتها : بتبرطمى بتقولى اييه
سارة وهى تدلف الى المطبخ : ابدا بسبح فى سرى
~~~~~~~~~~~~~~~~~~~~~~~~~~~
عند امل
امل : عععااا شوفتى الولا اتشرد ازاى ياعين امه
سمر ببكاء : اااعع انا مش شايفة حاجة النظارة مشبرة اامل اععع
امل وهى تحدفها بالوسادة : اومال عمالة تعيطى على ايه وقرفانى معاكى
سمر : مش عارفة انا لاقيتك بتعيطى قولت اعيط انا كمان يعنى
امل بقرف : طب كلى كلى
سمر وهى تشم رائحة تشبه رائحة الشياط : امل انتى طفيتى ع البيتزا 
امل بتذكر وهى تجرى ع المطبخ : يلاهوااااى دة انا نسيتها
سمر بيأس : شكلنا كدة هناكل فول وفلافل
امل بعدما طفت ع البيتزا : اااه ياحوستى السودا يانا ياما اه ياحوستى السودة ياانا يااما البيتزا اتفحمت
سمر وهى تأكل خيارة : ها هناكل ايه
امل وهى تشدها من شعرها : كله منك انتى بومة بومة 
سمر بضحك : اااه خلاص ثم اكملت : ها هناكل ايه 
امل : شكلنا هنطلب دليفرى ثم اكملت :بس انتى هتدفعى عشان انا اعلنت افلاسى خلاص
سمر بموافقة : ماشى ياستى هدفعلك اى خدعة
امل :اشطا هنطلب شاورما وكريب 
(ملحوظة* امل قبليها كانت واكله 4ساندوتشات شاورما )
سمر : اشطا اطلبى
امل بتطلب المطعم السورى 
امل : الوو لو سمحت عاوزة اعمل اوردر
_تحت امرك يافندم اتفضلى
امل : كنت عاوزة اثنين شاورما فراخ بس حطلى عليهم ثومية من جوة ومن برا وعاوزة اثنين كريب ميكس جبن
_تمام يافندم ممكن العنوان 
امل : اتفضل*****
تمام يافندم (اغلق الخط)
امل وهى تجلس ع الاريكة : هزى ياابلتى هيهيهي 
سمر بضحك : سااافلة
امل : تربيتشى
~~~~~~~~~~~~~~~~~~~~~~~~~~~
عند محمد فى مطعم المأكولات السورى
_محمد روح انت الاوردر دة
محمد وهو يأخد من يده ورقة العنوان : حاضر يافندم ثم غادر 
محمد وهو يركب الموتوسيكل :هى البت دى مبتبطلش اكل ولا ايه
ثم ذهب للعنوان :
~~~~~~~~~~~~~~~~~~~~~~~~~~~
فى مكان ما شخص يجلس على فونه ويشاهد صور بنت 
_ياااه سنتين براقبك من بعيد بس خلاص قررت اصارحك
~~~~~~~~~~~~~~~~~~~~~~~~~~~
عند امل وسمر
امل وهى  ترقص على اعلان ما على التلفاز :هو حاجة يتمشيلها 
سمر بغناء وتسقيف لامل : حاجة اسيب الكل اجيلها 
امل برقص: ليلها صبح وصبح ليلها عمرى مااشبع منهاا
سمر برقص : هو شمس وسط رملة 
امل بأندماج وهى لاتسمع صوت جرس الباب : هى حلوة بنت صرمة 
امل بعدما سمعت صوت الجرس :  ايوة ايوة ايه خبطة المخبرين دى
محمد وهو يلطم بشكل مضحك : الصرمة دى هتنزل على دماغى انا لو اتأخرت
امل بضيق : هو مفيش غيرك فى المطعم دليڤريا 
محمد : سبحان الله النهاردة جتلك 3 مرات فنفس الوقت انتى لو زورك فيه بلاعة مش هتعملى كدة
امل بصوت عالى : ولااااااا مالكش فيه انت تجيب الحاجة وتاخد فلوسك وخلاص 
محمد : اااه من الواضح ان اعراض الاستروكس لسة مخلصتش 
امل وهى تعطيه الفلوس وتغلق الباب : يلا يابابا هنرش مياه 
.
يُتبع..

google-playkhamsatmostaqltradent