رواية حبيبتي رئيسة عصابة الفصل الثاني 2 بقلم سمر عمر

 رواية حبيبتي رئيسة عصابة الفصل الثاني 2 بقلم سمر عمر

 رواية حبيبتي رئيسة عصابة البارت الثاني 

 رواية حبيبتي رئيسة عصابة الجزء الثاني

رواية حبيبتي رئيسة عصابة الفصل الثاني 2 بقلم سمر عمر

 رواية حبيبتي رئيسة عصابة الحلقة الثانية


-بقولك فيه بنت نصبت عليا وسرقت عربيتي.. 
" لم يستطيع صديقة التوقف عن الضحك"
-بطل ضحك يا مازن وساعدني الاقي زينات دي
-زينات؟!..
" ثم بدأ يضحك بصوت عال ليزفر الأخير بسأم.."
-يا أحمد اسم زينات من القرن الأول.. وأكيد واحده نصابه مش هتقولك على أسمها الحقيقي
-تصدق عندك حق.. ازاي كنت غبي كده وصدقتها.. لاء وكمان كنت مُعجب بكفاحها
-ما هي بنت مكافحة فعلا.. بتنصب علشان تاكل عيش
" ضحك ثانية واضعًا كفه أعلى صدره وباليد الأخرى مسك بمرفقه.. نفض يده بعنف.."
-فين صاحبك الرسام؟!
" رد من بين ضحكاته.."
-مستني في الكافية
-يا بني انت شمتان فيا ليه هو انا جوز امك
-أصلي معجب بزينات اللي ضحكت عليك
" تركه واتجه إلى كافية النادي فالحق به على الفور.. تقابل مع صديقة وصافحة.. "
-بقولك ايه يا فنان أحمد صاحبي زينات نصبت عليه وسرقت عربيته فهو هيوصفلك شكلها علشان ترسمها
" ثم ضحك بخفيه ليستشيط الأخير من الغيظ بفضل ضحكات صديقة المبالغة.."
-اتفضل يا احمد اوصف شكلها
-هي ولا طويلة ولا قصيرة
-يا بني بنقولك اوصف شكلها.. هو يعني هيرسم طولها ركز يا أحمد.. زينات شكلها خطفت عقلك هدية على العربية
" ضحك عقب انتهاء كلماته ليضحك الطرف الثالث بينهم ايضًا.. زفر الأخير وتحدث بحده.. "
-ركز معايا يا فنان.. هي بشرتها بيضا وفيها لامعة كمان عنيها بني وفيها لامعه وشعرها بني وفيه لمعه بسيطة
-يا حبيبي انت بتوصف عروسة باربي.. هو ايه اللي فيها لامعه
-يا مازن سبني اركز وبطل ضحك لأنك مستفز
" وضع كفه على فاه.. في حين شرد الأخير محاولًا أن يتذكر اي شيء مميز به لكنه احتار ولم يجد.."
-يا شباب مش قادر افتكر غير لون عينها بس
-يعني لو شوفتها تعرفها
-أه لكن أوصفها صعب.. انا ماشوفتهاش غير مرتين
" تدخل الطرف الثالث.."
-الحل الوحيد تبلغ عنها بالقسم
-يروح يقولهم ايه؟!.. فيه واحده اسمها زينات نصبت عليه
" ثم ضحك ليرمقه أحمد بغيظ.. "
-يا رب يا مازن زينات تنصب عليك
***
-كل ده بيفك العربية.. بقاله اكتر من سبع ساعات
-أهدي يا عليا دي عربية مش خاتم
" تحدث ذلك الممدد على الاريكة.."
-العملية دي هيطلع لكل واحد فينا كام؟!
-ولا مليم يا يا ياسر علشان انا عملتها لوحدي
-بس اهو بنساعدك تبيعي العربية قطع غيار.. بقولك ايه بقى انا هاخد عشرين الميه
" تقدمت نحوه ووقفت تأخذ بتلابيبه لتنهضه عن الاريكة.."
-كلامي يتسمع وإلا فكيتك زي العربية وابيع أعضائك قطع غيار
-ياه عليكِ يا عليا ده انا بهزر
" دفعته بعنف ليجلس على الاريكة ثانية في حين ضحكت رانيا.."
-رجالة مابتجيش إلا بالعين الحمرا
" دخل يرقص وهو يحمل بيده حقيبة الأموال.. "
-الفلوس وصلت.. معانا ربع مليون جنية
" وقفت إلى جواره تقبض على ثيابه من الإمام بعنف.."
-أنت اتأخرت ليه يا متخلف
-كفاية تهزيق بقى يا عليا.. مش كفاية كنت بتصرف لك في العربية
-أنت بعت العربية قطع غيار بربع مليون بس.. أنت حافظ مش فاهم يا متخلف.. العربية دي لوحدها اصلا بربع مليون
-لا طبعاً اللي فكها واشترى قطع غيارها قالي ان العربية بميه وعشرين ألف
-ليه هي كانت عربيه معفنه من اللي تسرقهم.. ربيع اطلع ببقيت الفلوس
" تدخل ياسر بالحوار.."
-ربيع لو انت حطيت في جيبك اوعى تطلعهم دي ناوية تاخد الفلوس لوحدها
-بقولكم ايه انا مش باقيه على حد.. العميلة دي عملتها لوحدي والفلوس من حقي.. اطلع بالفلوس بدل ما ابيعكم انتوا الاتنين قطع غيار
" أعطى لها حقيبة الأموال.."
-بقيت الفلوس في العربية
" فتحت الحقيبة لتطمئن على الأموال.. ثم ابتسمت.."
-كده انت صاحبي يا ربيع.. بعدين اخد منك بقيت الفلوس.. جاهزين للعملية الجديدة
" الجميع في آنً واحد.."
-طبعًا جاهزين
***
-شوف يا حضرة الظابط صاحبي أحمد ده زينات نصبت عليه في عربية لسه..
-يا بني اتفقنا نقول اسم غير اسمي
-ايه ده صحيح اتفقنا نقول اسم تاني علشان ما يبقاش شكلك وحش يا أحمد ياللي زينات نصبت عليك
" ثم ضحك فضرب كف على كف.."
-أنت مولود بتضحك يا مازن
-ايه الموضوع يا شباب انا مش فاضي للهزار ده
-الحكاية يا باشا أحمد صاحبي زينات نصبت عليه في عربية.. العربية دي ياعيني لسه جايبها من أربع شهور وابوه جاب له العربية دي بعد لحاح رهيب
-ما تحكي قصة حياتي احسن.. ايه اللي بتقوله ده..
" وجه حديثه إلى الضابط.."
-يا حضرة الظابط واحده نصبت عليا.. هي كانت صاحبة ورشة وروحت أصلح العربية خدتها وهربت
-فين عنوان الورشة؟!
-لاء ما انا سالت صاحبها قالي انها أجرتها من يومين وفي اليوم اللي سرقت فيه عربيتي سابت لهم المفتاح ومشيت ولا حد يعرف عنها حاجة
-وانت بقى كنت فين وقت ما سرقت العربية؟!
"مازن من بين ضحكاته.."
-كان بيشرب قهوة يا باشا.. بس القهوة طلعت مقلب محلي بالنصب
" زفر بصيق يحرك راسه في كلا الاتجاهين.."
-أنت كنت تعرف البنت دي؟!
-لاء يا باشا انا روحت انفخ عجل العربية وتاني يوم روحت أصلح مساعد العربية
-يعني انت ماتعرفهاش وسبت لها العربية وروحت تقعد على القهوة
-المشكلة مش في كده يا باشا المشكلة ان هي طلبت منه المفتاح وهي اللي قالتله يروح يقعد على القهوة لحد ما تخلص
" ضحك مازن ثانية عقب انتهاء كلماته فابتسم الضابط ساخرًا.."
-يعني سبتلها العربية على طبق من دهب.. اسف استاذ أحمد القانون لا يحمي المغفلين.. مع ذلك هنحقق في الموضوع
-فعلا مغفل
-زينات وقعته بكفاحها يا باشا
" لكزة أحمد في قدمة بعنف.."
-بس بقى
...... يتبع
google-playkhamsatmostaqltradent