رواية بداية جديدة الفصل الثاني 2 بقلم دعاء الاودن

 رواية بداية جديدة الفصل الثاني 2 بقلم دعاء الاودن

 رواية بداية جديدة البارت الثاني

 رواية بداية جديدة الجزء الثاني

رواية بداية جديدة الفصل الثاني 2 بقلم دعاء الاودن

 رواية بداية جديدة الحلقة الثانية


منار بصدمة : آاسررررررررررر.... 
             صلوا علي محمد  ♥️✨
اسر بتعجب : اي مالك يا منار فيكي أي 
منار بارتباك : لا لا مفيش انت هنا من امتا 
أسر : لسه جاي دلوقت في حاجة...؟!
منار براحة : ااهاه ماشي... وعلت صوتها ...وبعدين انت ازاي تدخل كده من غير ما تخبط 
أسر : اسف بقا يا منار معلش تتعوض 
منار : ازاااي يعني تتعو.... اااااااه 
اسر مسكها من شعرها 
اسر بصوت عالي : معلش تتعوض بقا يا زباله يا حيوانه يا خاينه يا حقيرة مكتفتيش انك خاينه لا وكمان بتخونيني مع جوز اختي وكمان بتخططي معاه  ازاي تخدي امضتها وتتنازل عن حقها انتي عديتي ليڤل الوحش في القذارة يا......  ونزل فيها طحن اسركان هيتجنن دي منار اللي بيحبها دي اللي اتخانق مع يارا اختوا عشان كانت بتقولوا بلاش عليها دي حية فعلا يا يارا معاكي حق وكل ده وهو بيضرب فيها ومش حاسس بنفسوا ولا سامع صريخها اللي خلي ساره ويارا وأبوه وأموا طلعوا علي الصوت 
يارا وهي بتشدوا : إهدي يا أسر في أي ابعد كده هتموتها 
اسر : سيبيني يا يارا كان عندك حق دي حية دي زبالة دي كانت بتخطط وحكي ليهم اللي سمعوا 
ساره اتصدمت ودموعها نزلت في صمت والأب عجز عن الكلام في موقف زي ده والأم كانت في دنيا تانيه اتنين من ولادها حياتهم اتدمرت 
يارا : يبقا سيبك منها يا أسر 
اسر : انا لازم أقتلها واشرب من دمها 
يارا : تقتل مين وتضيع نفسك عشان اي دي حتي متستهلش انك تلوث لسانك بسببها 
اسر : معاكي حق دي زباله والزباله أخرنا نتف عليها وندوسها بجذمتنا انتي طالق يا منار طالق بالتلاته ارجع ملقيكيش هنا لأن لو لقيتك صدقيني مش هتردد لحظه اني أقتلك 
وسابهم وخرج والكل مصدم هي اه منار مش سهله بس متوصلش لكده... 
يارا : كنت عارفه انك زباله بس اخويا كان بيحبك معرفش ازاي 
منار بصت ليها بشر وحاولت تقوم وطبعا جسمها كلوا واجعها من العلقة السخنة اللي خدتها (أحسن تستاهل 😎😂) وقامت دخلت الأوضه ولبست ومشيت والكل كان زعلان 
يارا : انتوا زعلنين علي اي أهي غارت في داهيه تاخدها أشكال قذرة وحاجة مقرفة 
الام : يابنتي انتي عارفة أخوكي بيحبها ازاي و... 
يارا : هيزعل يعني... ؟! يزعل شوية أحسن ما ياخد علي قفاه ويعيش مع واحده زي دي ده يحمد ربنا انوا كشفهالوا علي حقيقتها وهو المفروض يبدأ بداية جديدة ويعيش حياتوا مع انسانة نضيفه ... وانتي يا سارة متزعليش عشان الزفت اللي اسموا عصام ده...  ده كمان غير انوا معدوم الرجوله كمان معدوم الأصل بص لوحدة متجوزه وكمان كان واكل مع جوزها عيش وملح يعني حاجة ميتزعلش عليها لو ثانيه 
وفعلا كلام يارا خلاهم يحمدوا ربنا وكانت يارا زعلانة جدا عشان اخوها هي عارفة هو بيحب منار قد اي ومكنش شايف غيرها في الكون بس برضوا حمدت ربنا انها اتكشفت...
& لازم في محنة العيلة يكون في شخص قوي او يظهر القوة والتحنل عشان العيلة متنهارش وتعدي المحنة دي علي خير ✌
           #Doaa_Elawdan
اسر خرج من البيت زي المجنون من البيت وراح عند عصام 
أسر : انا تعمل معايا كده يا حيوان يا...  ونزل ضرب فية بغل وعصام مش عارف حتي يدافع عن نفسوا كان اسر بيضرب وهو مش حاسس بنفسوا 
اسر بعنف : طلق أختي يلاااااااا
عصام : ااااه ااااه يا أسر... اسر قاطعه بلكمة في وشه.
اسر : طلقها بالتلاتة يلا والا وربنا هخلي دفنتك بعد الصلاة 
عصام برعب : هي طالق بالتلاتة
أسر : يلا كده يا حلو نروح نوثق الطلاق ده
وخد اسر عصام ووثق طلاقه من منار وطلاق عصام لساره وقعد يلف في الشوارع بلا هدف ماشي ومش عارف هو رايح فين وحزين جدا وبيفتكر ازاي كان مغفل للدرجادي ازاي كان بيحبها دي حيوانه ااااااااااه يااااالله ارحمني  🥺💔(معلش يا اسر يا أخويا دي واحده متستهلش والله لأجوزك ست ستها بس استنا شويه بس 😂 )
أسر بعد ما تعب روح اابيت وكانت عينوا حمرا وطبعا كل اللي في البيت مناموش وكانوا قلقنين علية جدا دخل لقاهم كده 
الأم بلهفه : انت كويس يا أسر 
أسر : تمام عن إذنكم 
يارا : استنا يا أسر متطلعش في الشقة تعالي نام في أوضتك اللي هنا لحد ما أبقا اروقلك الشقه 
اسر حس ان يارا فعلا معاها حق وهو مش طايق اي مكان كانت فيه منار اسر دخل أوضتوا من غير ما يتكلم مع حد خالص 
الأم : قلبي عليك يابنتي ده مكلش لقمة من الصبح يارب هو اي اللي بيحصل ده بس اتنين يارب يتطلقوا في يوم واحد 
الأب : قدر الله وما شاء فعل 
يارا : بس يا ماما اهدي انا هدخل أكلوا 
            صلوا علي محمد  ♥️✨
نرمين بتكلم مروة شات 
نرمين : يا مروه 
مروة : نعم 
نرمين : بت انا زهقانة وملانة وقرفانه... انا خلاص زهقت من الناس بحالها عالم مينطقش أبدا...  ما تردي يا مروة الله سيباني اكلم نفسي كده ...
مروة : يعني أقولك أي بس ما الحال من بعضوا 
نرمين : كتك القرف صحاب نحس اي ده ياربي ليه بس موعدتنيش بصاحبه بتخرج كتير وفرفوشه كده بدل الغم ده... عارفه يا مروة 
مروة : اي يا نرمين 
نرمين : يا ريتك كنتي كيس لب أهو كان هيسليني 
مروه : تصدقي انك عيلة واطية ويلا بقا سلام طرقينا 
نرمين :  اممممممم سلام طرقينا اه يبقا المحروس بيرن 
مروه : ايوه بقا كده انتي هوينا بقاااا 
نرمين : كتك القرف انتي وخطيبك ع أبو شكلكوا 
مروه : ماشي ماشي امشي بقا هههههه
نرمين قفلت مع مروه وزهقت 
نرمين لنفسها خلاص بقا مبدهاش انا انزل أعكنن علي سليم 
نزلت نرمين لقت أخوها شغال علي الاب في الريسبشن 
نرمين : سليم حبيبي 
سليم : والله يا نرمين في إيدي شغل ومش ناقص عكننتك يعني 
نرمين : أحممم هو للدرجادي مكشوفك...  بس ده ميمنعش اني زهقانة 
سليم : اعملك اي يعني 
نرمين بحماس : خرجني 
سليم : بقولك أيييييييي انا مش فايقلك 
نادية (امهم)  : اي يا ولاد في اي يا سليم بتزعق لي 
سليم : ماما والله انا ما فايق ليها وهي عايزه تخرج وانا عندي شغل 
نرمين : زهقانة وملانة يا ماما حسوا بيا 
ناديه : سيبك منوا يابت يا نرمين دول ناس معقده ههههههه تعالي اما أحكيلك قصة حبي انا وأبوكي الله يرحمة 
نرمين وسليم : امين يارب 
نرمين : بس ياماما انتي حكتيهالي عشر تلاف مره 
نادية : اسكتي يابت في حاجات مقولتهاش هقولهالك دلوقت 
نرمين بفرحة :  بجد يا ماما يلا يلا وبصت لسليم بقرف ولا الحوجة ليك وطلعت لسانها وجريت ورا مامتها 
سليم ضحك علي هبل أختوا ومرة غيمة حزن في عيونوا بعدين اتحولت لجمود وكمل شغلوا. 
        سليم طاحون شخصية طبعها قوي مش سهل يتكلم مع أي حد طبعوا بيكون لين مع أهلوا وبيكون طبعا فرفوش مع صحابوا (حال اي واحد فينا 😂) بس هو صعب جدا في شغلوا أصل هو اللي عمل كل حاجة بنفسوا سليم كان عندوا 15 سنه وفي اسره متوسطة الحال كان حابب يكون ليه دخل خاص بيه بقا يشتغل في أجازه الدراسه ولحد ما وصل 18 سنه وكان كون مبلغ يفتح بية مشروع صغير فتح محل هدوم الي جانب كلية الهندسة اللي بيدرس فيها ويعد سنتين فتح محل كمان وكبر نفسوا بنفسوا لحد ما اشتغل في مجالوا بقا صاحب شركة هندسية للبناء وصل وتعب والإنسان اما بيتعب في الحاجة بيكون خايف عليها وده سبب ان هو جاد وحازم في شغلوا...  عندة 30 سنة نوصف شكلوا طولة مناسب مهتم بلياقتوا البدنيه شعروا اسود وتقيل عيونوا سوده وعندوا دقن خفيفه بتخلية جذاب 
                  #دعاء_الأودن
في اوضه اسر يارا بتخبط عليه 
يارا بمرح : يا جماعة ياللي هنا يأ أل الدار 
أسر وهو بيمسح دموعوا : عايزه اي يا يارا 
يارا : يااااختي متفتح يا أخويا الله 
أسر : ادخلي الباب مفتوح 
يارا دخلت ومعاها صنية عليها أكل : ازيكم ازيكم اني چاية أخدم عندكم 
أسر بحزن : هي مشنقصاكي يعني
يارا : امممممممم يعني بصلي بس كده بالله عليك واحده زي دي ولا واحد زي الحيوان اللي كان ماجوز سارة يستهلوا يتزعل عليهم أكتر من ساعة هاااا رد عليا 
أسر بضحكة وجع : والله ولا يستهلوا ثانيه حتي انتي انتي...وسكت 
يارا : أسر طلع اللي جواك انا أختك وهكون سندك زي ما انت سندي احكي يا أسر وطلع اللي جواك عشان ترتاح انك تحكي اللي بيئلمك وتعيط ده مش ضعف يا اسر احنا بشر ولينا طاقة تحمل ولنحزن وندمع انت مش جبل احكي انا سمعاك... 
اسر بضحكة ألم : ههههههه تعرفي يا يارا كنت مغفل قوي كنت بحبها جدا كانت اي حاجة عايزاها انفذهلها كنت دايما ما ببيتهاش زعلانة ولما كنت بزعلها بسبب انها عايزة تتلبس هدوم متعجبنيش ولا تحط ميكب كنت هاااا... كنت لازم اعملها مفجأه وأفرحها مكنتشبحبها تزعل وكانت دايما تنكد عليا عشان عايزه تلبس حاجة وانا برفض انها تلبسها...  عارفه كنت متساهل معاها قوي كل طلبتها موجابة عشان كنت حمار وبحبها...  طب تعرفي كام واحدة معايا في الشغل كان نفسهم حتي اني أبصلهم مكنتش بعملها عشان مخنهاش عشان هي في قلبي وضحك بوجع وطلعت هي اللي قايمة بالواجب هههههههههه اااااه...  عارفة يا يارا ليا صحاب والله كلمة خاينين دي شوية عليهم وتلاقي مراتتهم محترمين وكويسين جدا والله بيكونوا خسارة فيهم...  هو لي يا يارا لي يعني المخلص في الزمن ده يتخان لي الصح بقا غلط لي الحلو بقا وحش والوحش بقا حلو اي حصل في الدنيا لي الناس بتخون لي تفتكري بابا وماما اما علمونا الصح من الغلط وعلمونا نصون العشره وعلمونا نكون مخلصين هما علمونا كده غلط ولا اي...  لي مخلوناش زي الناس دي علي الأقل كنا هنعرف نعيش الدنيا دي مكان قذر قويييي مش عارف ألوم بابا ان هو ربانا علي الصح ولا ألوم الناس اللي نسيوا الصح ولا اعمل أي...
يارا : أسر يا حبيبي انت عملتها بأصلك الطيب وهي عملتك بأصلها الواطي... كل اناء ينضح بما فية... انت عاملتها بإخلاص وبما يرضي الله خلاص انت مغلطش وربنا شايف كده هيجزيك خير وهي ربنا يورينا فيها عجايب قدرتوا ... ومتفكرش ان الخاين ده مرتاح في حياتوا بالعكس ربنا بيعكنن علية من ناحية تانيه انت مش شايفها ولو فعلا مراتوا كويسه فربنا بيعمل كده عشان الأطفال اللي هيتولدوا ميضيعوش يا أسر يكون في شوية قيم ومبادئ... والناس بقت وحشه بسبب الطمع والجشع بس ده ميمنعش انك انت الصح الرسول صلي الله علية وسلم قال حديث بس مش متذكراه قوي اه اه << ياتي زمان علي امتي القابض علي دينة كالقابض علي جمره من نار >> يعني عندك واحد زي عصام ده لا دين ولا حتي رجوله ووحده زي الزفته منار دي برضوا هتروح في داهيه ربنا ياخدها قادر يا كريم  يعني انت صح يا أسر وده اختبار من ربنا... وفي حديث تاني 
عن أبي هريرة رضي الله عنه قال: قال رسول الله صلى الله عليه وسلم: (سيَأتي علَى النَّاسِ سنواتٌ خدَّاعاتُ يصدَّقُ فيها الكاذِبُ ويُكَذَّبُ فيها الصَّادِقُ ويُؤتَمنُ فيها الخائنُ ويُخوَّنُ فيها الأمينُ وينطِقُ فيها الرُّوَيْبضةُ قيلَ وما الرُّوَيْبضةُ قالَ الرَّجلُ التَّافِهُ في أمرِ العامَّةِ) وده اللي بيحصل دلوقت بالظبط حولينا احنا في سنوات خداع يا اسر ربنا حطنا كلنا في اختبارات صعبه ولازم نصمد يا اسر مبادئنا متتغيرش نشكر بابا وماما انهم علمونا صح لو مش هنقدر نعيش في الدنيا علي الأقل كسبنا أخرتنا...  وصدقني يا أسر ربنا بعد اما بنرضي وبنصبر ونشكر بيعوضنا وعوض ربنا بيكون جميل قوي ...قال تعالي " وَإِذْ تَأَذَّنَ رَبُّكُمْ لَئِن شَكَرْتُمْ لَأَزِيدَنَّكُمْ ۖ وَلَئِن كَفَرْتُمْ إِنَّ عَذَابِي لَشَدِيدٌ " ...وربنا قال برضوا في حديث قدسي  معناه يعني ان لو رضينا بقضاء ربنا هيدهشنا بعطائة وربنا قال وبشر الصابرين يعني احمد ربنا واصبر عارفه ان ده صعب بس اسحمل مفيش حل تاني وارجع لربنا هو اللي بيهون علينا 
اسر براحة : تعرفي يا يارا كلامك ريحني قوييييي انا فعلا لازم أبداء بداية جديدة 
يارا بغرور : يلا اي خدعة انا في الخدمة 24 ساعه يا فندم 
أسر بإبتسامة خفيفة : يا راااااجل 
يارا : حبيبي هو احنا نستحمل حد يزعلك ومين السحليه اللي اسمها منار اللهي يحبها برص ويدخل في بوقها وهي بتاكل وينزل بطنها ويقعد يعض فيها وتصوت ونحدش يلحقها 
أسر وهو بيضحك بدموع : خلاص يا يارا هموووووت 😂😂😂تصدقي معاكي حق هي سحليه فعلا انا معرفش كنت متجوزها ازاي 
يارا :اهو يا خويا نصيبك الأغبر هههه... قوم صلي ركعتين شكر لله كده ونام 
أسر قام : معاكي حق يلا هوينا بقا واداها كف علي قفاها 
يارا : ما دام خدت الكف أعرف انك بقيت تمام يلا تصبح علي جنه 
أسر : وانتي من أهلها 
خرجت يارا واسر اتضوي وصلي وبكي كتير وشكر ربنا ودعاه ان يقدروا ان يعدي المحنه دي علي خير 
               سبحان الله وبحمده سبحان الله العظيم  ♥️✨
تاني يوم في بيت عائلة العربي الكل صحي ده اذا كلن حد نام أصلا 🙂
الأم : ادخلي يا يارا صحي اخوكي عشان يفطر
يارا : حاضر يا ما... 
ولقوا اسر خارج من أوضتوا ولابس لبس الشغل 
أسر بإبتسامة : صباح الفل يا جماعه 
الكل كان مستغرب اي اللي بيحصل ده 
الأم : اسر يا حبيبي انت كويس... 
أسر : في أي يا ماما مهو انا كويس اهو 
الأم : أصل يابني... يعني هو... 
اسر : قصدك يعني علي اللي حصل امبارح... في داهيه بعدين هي اللي تندم مش انا وانا الحمد لله ربنا قواني ومش هضيع من عمري عشان واحده زي دي يعني...  وبعدين بطلوا كلام بقا أنا عايز أكل الله فين الأكل 
الأم :  هجيبوا حالا 
اسر : اومال فين ساره 
الأب : مش راضيه تخرج من اوضتها وكلنا حاولنا معاها كتير عشان تخرج وهي مش راضية 
اسر : طب انا داخل ليها 
اسر دخل عند ساره وكلمها شويه بعدين خرج هو وهي وفطرت العيله كلها وأسر والأب راحوا شغلهم ويارا راحت جامعتها 
                #Doaa_Elawdan
اسر : ازيك يا هيما اخبارك 
ابراهيم : تمام يا صاحبي اي جابك النهارده عشان... 
أسر : يا عم فكك انا هبداء بداية جديدة  بقا سلام رايح اشوف الشغل 
ابراهيم : سلام مشي أسر وابراهيم زعل علي أسر هو صاحبه من 3 سنين وبجد غالي علية قوي وشايل جميله فوق راسوا 
Flash Back
أسر ماشي في الشارع بعد ما اتخرج من الكلية ولسه طبعا مش لاقي شغل لقا شوية صيع مثبتين واحد بسلاح وعشان هما كتير مش عارف يدافع عن نفسوا 
اسر : جرا أي يا رجاله مش المفروض تكونوا شجعان ويبقا واحد لواحد اللي انتوا عملينة ده طبع الحريم بس انتوا لي مش لبسين طرح... ؟!
احد المجرمين : وانت مالك يابن... وراح تجاهوا وماسك مطوه اسر يسرعة شد منوا المطوة ورماها وادالوا بوكس جامد في وشوا ومنخيروا جاب دم البقين سابوا ابراهيم وراحوا حولين أسر...  واسر كان بيحاول يدافع عن نفسوا علي قد ما يقدر وابراهيم اشتبك معاه هو كمان وضربوا وانضربوا وأسر اتجرح جرح سطحي في دراعوا وراحوا مع بعض المستشفي واتعالج 
ابرهيم :متشكر جدا يا اسر بجد معرفش من غيرك كنت عملت اي 
اسر : ياعم اسر في الخدمة دايما ههههههههه 
ابراهيم : توشكر ياعم...  اه صحيح انت خريج اي 
أسر : هندسة بعيد عنك 😂
ابراهيم : بتشتغل ...؟
أسر : لا والله يابني بشتغل اي حاجة مؤقتا كده بدل ما أقعد بالكليه جمب أمي  ههههههه
ابراهيم : ياعم واللي يجيب ليك شغل في مجالك 
أسر : ده يبقا ينهار أبيض يا أستاذ ممتاز 
إبرهيم بضحكة : ياعم صاحبي عندوا شركة هندسية بس لسة صغيرة وانا مساعد معاه فيها فأي رائيك تشتغل معانا 
أسر : ياعم راشق معاك الله ودي عايزه كلام 
إبرهيم : هات رقمك وأشوفك بكرا في شركة طاحون والعنوان... 
اسر : متشكرين قويييييي يا رجولة 
ابرهيم : حبيبي 
واسر اشتغل معاه ومن ساعتها وهما صحاب 
Back
          استغفروا لعل الله يرحمنا برحمته  💙✨
يارا راحت الكلية وكانت زعلانة ومارينا حاولت تخفف عنها لكن معرفتش وهما مروحين ومارينا راحت في طريقا ويارا كذالك الأمر 
ظابط : لو سمحتي يا انسه بطاقتك 
يارا : نعم 
الظابط بحدة : اي مبتفهميش بقولك بطاقتك 
يارا كانت مخوقة وعايزه تطلع زهقها فالحمد لله جه في الظابط 
يارا بعصبيه : انت مجنون انت ازاي تزعقلي بالطريقه دي اي مبفهمش دي مفيش حد مبيفهمش غيرك 
الظابط : بتزعقي طب وحياه امي لهبيتك في التخشيبة 
يارا فاقت لنفسها وعرفت ان هي نيلت الدنيا 
يارا لنفسها : نهار أبيض هو اي اللي انا هببتوا ده ... ده بيقول تخشيبة هي اي التخشيبه دي يا باشا 🥺💔
وخدها الظابط علي القسم وكان معاها ناس تانين ويارا دموعها عمالة تنزل  ومش عارفه تعمل اي ودخلوا مكتب كان فيه اتنين ظباط 
عمر : اي يا عسكري جاين في اي دول 
العسكري : أمجد باشا جابهم من المرور 
عمر : يادي النيلة أمجد يبقا الناس دول براءه من قبل ما اعرف حاجة 
مينا : اهدي بس يا عمر خلينا نشوف شغلنا 
عمر : يابنتي اهدي اي بس ده بيلم الناس ولا اللي هياخد جايزه وبياخد العطل في الباطل 
مينا بضحكة : ياعم ما انت عارف كده هنخلص بسرعه متزعلش نفسك بقا 
عمر : استعنا علي الشقاء بالله...  ها يا عسكري قولي كل واحد عمل اي 
وخلص كل اللي وقفين ومقاش غير يارا دي كانت اخر واحده عشان كانت خايفة ومستخبيه ورا 
عمر : وانتي يا أنسه اي نظامك 
يارا بخوف : انا... اانا... انا.... 
عمر بتريقه : انا انا انا انا انا مش عارف انا كنت مين انا مش انا... اي يا بنتي علقتي ولا اي 
يارا : اي علقتي دي اي اللي انت بتقولوا ده 
عمر بعصبيه : اي يابت ما تتنيلي تتكلمي باحترام احسنلك 
يارا : بت... !! وبعدين قول لنفسك الاول  😒
عمر : انتي مجنونة انتي ازاي...
مينا مقاطعا : باااااااااااس اسكتوا بقاااااا اهدي يا عمر كده... بص ليارا لو سمحتي يا أنسه انتي جاية في اي 
يارا : انا لقيت الظابط بيكلمني وزعقلي وانا... 
عمر : اكيد اتحمقتي ورديتي علية بإسلوب زفتتتتت 
يارا : والله هو اللي كان بيتكلم بطريقه مش كويسه 
عمر : طب هاتي بطاقتك ياختي خلينا نشوف اي نظامك 
يارا وهي بتفتح الشنطه :حاضر واتصدمت اما ملقتش البطاقه في الشنطة وافتكرت انها نسيتها مع مارينا 
يارا بخوف : انا البطاقه مش معايا... نستها مع صاحبتي  🙂
عمر : اهوووووو شوف بقا ياعم ممعهاش بطاقه كمان 
يارا : حضرتك نسيتها مع صاحبتي الله
مينا : طب هو اسمك اي 
يارا : اسمي يارا 
مينا : طب صحبتك دي تعرف نجيبلك البطاقه هنا 
يارا : اه ممكن اتصل بيها تجبهالي 
عمر : طب اتصلي ياختي بيها خلينا نخلص من الهم ده 
يارا بصت ليه بقرف واتصلت بمارينا وقالتلها انها هتجيلها 
عمر : شايف بتبصلي بقرف ازاي اقتلها بس ولا أعمل فيها اي 
مينا :  اهدي انت بس كده اتفضلي إقعدي يا انسه يارا تشربي اي 
يارا : لا متشكره جدا لحضرتك 
مينا :لا طبعا لازم تشربي حاجة هروح اجيبلك نسكافيه 
وخرج مينا وهو بيخرج غمز لعمر وعمر مش فاهم هو عمل كده لي 
غمر لنفسوا :هو الواد ده بيغمزلي كده لي اي في دماغوا بالظبط وبص ليارا اه هي حلوه بس لسانها طويل...  محلولة عادي أقصوهلها ههههه ينهار ابيض اي اللي انا بقولوا ده 
يارا لنفسها : والله مينا ده زوق انما اللطخ التاني ده معندوش ريحة الذوق...  بس قمرررر قوييييي اووووف بتقولي اي يا يارا ده وحد قليل الذوق ده مش عشان قمر وعيونوا سوده  وشعروا اسود وطويل ولا غمزاتوا اللي شبه ميكون واخد مطوتين في وشوا يشفعولواا قله ذوقوا لا وألف لا 
       عمر طاحون 25 سنة ظابط وطبعا مش محتاجين نوصف هيئتوا لان الظباط معروف شكلهم اي وطويل جدا ولون عيونوا وشعروا زي سليم ونرمين إخواتوا اللون الإسود ولون بشرتوا برونزيه وعندوا غمازتين طوال وباينين قوي حتي من غير ما يضحك مسافه ما يتكلم بس
وفجاه الباب خبط ودخل العسكري 
العسكري :يا باشا في واحدة بره جايه تبلغ عن سرقه حصلت ليها 
عمر : دخلها 
العسكري : تمام يا فندم 
دخلت بنت قمر بمعني الكلمة هي اه حطه ميكب كتير بس الصراحة الانتاج نضيف 😂 ولابسه تيشرت ربع كم ضيق ولونوا أسود ولابسه بنطلون جينز بارموده ضيق وشعرها سيباه ورا ضهرها وحطة النضارة الشمس علي شعرها وهي بيضا قوي والتيشرت الإسود مع جسمها الأبيض عامل شغل عالي 😂يارا كانت متنحالها وعمر خد بالوا وضحك 
عمر قام وقف : اهلا أهلا اتفضلي إقعدي 
يارا في نفسها : اه يا اخويا حقك تقولها اهلا اهلا اتفضلي مهوا البت قمررررر الصراحة انما احنا تضرب لينا الوش الخشب 
البت بتمد إيديها تسلم : اهلين حضرت الضابط بتشكرك إكتير وفضلت مسكة إيدوا كتير 
يارا في نفسها: الله اكبر بتشكرك اكتير يعنش مش مصريه...  متسيبي يابت إيد الواد الله اييييي هتكليها 
عمر : العفو علي اي حضرتك اي حصل 
البنت : انا إسمي نادين مو مصرية وجايه زياره لمصر وبصت لعمر جامد وقالت بسهوكة ولحتي شوف هالجمال بمصر 
يارا بنفسها : تزوري مصر اي يابت ده انتي جايه تشقطي عريس يابت شوف ياختي بتعاكس الواد علني 
عمر اتكسف وكمل : تمام نورتي يا انسه نادين مصر ...بس اي مشكلتك 
نادين : ياريت بتناديني نادين مو بحب يكون في بيناتنا ألقاب صحيح انت شو اسمك... ؟
يارا  في نفسها : جرا اي يابت ماتلمي نفسك اومال الله 
عمر :  اسمي حضرة الظابط عمر او عمر باشا 
يارا في نفسها  : جدع يلا لا عجبتني والله  
نادين :  حساك ما بدك ناديك بإسمك... مو مشكله حتي اللقب لبقلك اكتير 
عمر : تمام تقدري تقوليلي اي مشكلتك 
نادين : انا كنت بتمشي بالشارع وإجي زلمة كان راكب باسكليت وأخد مني الشنطايه
عمر : كنت في شارع اي 
نادين : كنت بشارع......
عمر :  تمام وعمل مكلمة 
نادين : بتعرف يا حضرة الضابط عمر اسمك الوا هيبة وشي بيشد هيك عنكن جمله بتقولوها بمصر كتير لبقتلك بي مو بتذكرا فيها كلمه تكفي 
يارف في نفسها : لا البت دي قليله الأدب وعايزه تتربي 
يارا بصوت عالي : اسمها فخامة الاسم تكفي 😎
ندين بسرعة : اي اي هي الجمله وبعدين بصت ليارا انتي مين وهون من أمته 
يارا في نفسها اهدي يا يارا اهدي ومتجبيهاش من شعرها
يارا : حضرتك انا هنا من قبلك 
نادين : اووووو ما شفتك ولا التفت الك انتي مصرية موووو
يارا بافتخار : أكيد
نادين بقرف  : امممم انتوا المصريات ما إلكم اهتمام ولا قيمة  عند الشاب المصري المصريين بيحبونا اكتر منكم وكمان بيهتموا فينا اكتر حتي شوفي وانا هون انا خطفط الأنظار منك وكمان الإهتمام نحنا بنغطي عليكم لما بنظهر 
يارا : انتي.... 
عمر مقاطعا : استني بس كده يا يارا...  بصي يا ....
يُتبع..
google-playkhamsatmostaqltradent