Uncategorized
رواية لعنة سلطان الحلقة الرابعة بقلم أحمد عبدالله
رواية لعنة سلطان الحلقة الرابعة بقلم أحمد عبدالله
 |
| رواية لعنة سلطان الحلقة الرابعة بقلم أحمد عبدالله |
رواية لعنة سلطان الحلقة الرابعة بقلم أحمد عبدالله
” اللعنة حقيقة “
حلقة ” 4 “
بقلم : أحمد عبدالله
.
قراءة ممتعة ❤️
.
رويدة : شن رايك في الطلعة معاي
ياسين : حلوة
” نزلت و فتحت الكوفنوا “
” بدي ياخد في الاكياس “
” جت جنبه و شدت ايده “
ياسين : ????????
رويدة : انا اسفة
ياسين : لالا عادي
رويدة : من اليوم انا و ياك اصدقاء صح
ياسين : اكيد يا رويدة
رويدة : حي نسيت ما شريتش كافي بريك
ياسين : المرة الجاية
رويدة : حتكون معاي صح
ياسين : اكيد
رويدة : ❤️
” قامت الاكياس معاه و سكرت الكوفنو “
” و مشو “
ياسين : شن الزحمة هذه بحدا الباب “
رويدة : ???????????? ايه
” طيح ياسين الاكياس و مشي يجري ???? “
” طيحت رويدة الاكياس “
رويدة : استر يارب استر يارب
.
سلطانة : لااااااااااااااااااااااااااااااااا????????
حياة : لا اله الا الله
لا اله الا الله
.
فاضل : شن فيه شن فيه
خيري : تكملي خيرك
حياة : اسلام مات مات
ايوب : ????
سلمى : ااااااه
محمود :وينه وينه
حياة : في داره
” خشوا يجروا للدار فوق “
سلطانة : ااااااااااه يا أسللااااااام ااااااااه ، اللعنة حتاخدكم حتاخدكم صدقوني ااااااااه
.
ياسين : خيركم خيركم
” سمع في صوت عياط فوق “
” ركب “
” وراه رويدة تجري “
” لقي أيوب قايم اسلام “
.
ياسين : ????
رويدة : اااااه ااااه ااااه ????
.
فاضل : لا اله الا الله
سلمى : ????
” الدموع كانت علي عيون كل واحد فينا “
…
” زلوا حطو اسلام في السيارة و طلعوا علي المستشفي “
” ركبوا سلطانة في السيارة هي و حياة و طلع بيهم ياسين “
” الكل كان يبكى “
…
” وصلنا للمستشفي “
” دخلوه و اول ما دخلوه “
” طلع الدكتور و قال الحالة متوفية “
.
” اول ما سمعت الكلمة هذه سلطانة طاحت “
سلطانة : لااااااااا لااااااااااا لااااااااا
” وقفت و احني واقفين من الممر “
سلطانة : كله منكم ، كله من تحت راسكم ، ماتت الام و لحقها الولد ، قلتلكم طلعتوني كذابة و مهبولة ، قلتلكم لعنة سلطان حتقتلنا كلنا . كلنا
” الكل يشوف للتاني “
خيري : هذي بالك يا سلطانة
سلطانة : ابعدوا عليا محدش يلمسني ابعدوا ابعدووووا
” مشو خيري و محمود و فاضل للدكتور “
.
خيري : الموت ياخد فيهم واحد وراء التاني
فاضل : قصدك علي اللعنة
خيري : قصدي مرات سحر مش لعنة
محمود : خلينا نشوفوا الدكتور و نشوفوا سبب موت الولد و بعدين ساهل
فاضل : صح
” خشو للدكتور “
..
رويدة : ???? الله يرحمه
ايوب : ” كان يبكى و وجعه “
” ياسين يشوف لحياة “
” اشرلها بعيونه “
” و طلع “
” طلعت وراه “
…
” قعمزت بحداه “
ياسين : هذا تاني حد يموت
حياة : شن قصدك
ياسين : اللعنة
حياة : لالا ياسين هو قتل روحه بروحه
ياسين : كيف ، شن قصدك
حياة : ما نقدرش نقول ، توا يطلع بوك و عماماك و يقوللهم الدكتور
” استغرب من كلام حياة “
….
الدكتور : الحالة ماتت بسبب كمية بودرة منتهية الصلاحية
” كلهم بدو يشوفوا لبعض “
فاضل : شن قصدك يا دكتور
الدكتور : الولد يتعاطى و دمه موجود فيه المجدارات بنسبة كبيرة
محمود : ????
الدكتور : و كمية مضروبة سببتله نوبة قلبية مفاجئة
محمود : الله يرحمه
خيري : لا حول و لا قوة الا بالله
فاضل : ????
” طلعوا و الصدمة في عيونهم “
خيري : الولد قتل روحه بروحه
محمود : يعني حتي كان في شك بكلام سلطانة ، توا معش فيه شك ابدا
فاضل : الله يرحمه و خلاص و يصبر سلطانة
..
” خو لسلطانة “
” واقفة سلمى و رويدة بحداها و هي طايحة و تبكي “
سلطانة : ااااه قلبي يوجع فياااا اه
فاضل : شدى حيلك يا سلطانة
سلطانة : ” تلفتت و بكل عصبية ” حسبي الله و نعم الوكيل فيكم و في كل حد كذبني
” قعدوا يشوفوا لبعض “
رويدة : الله يرحمه يا عمتي صبري بالك
سلمى : الله يرحمه
…
” جي ياسين “
ياسين : هو كيف مات
فاضل : توا نحكولكم في الحوش
” شاف لحياة “
خيري : ياسين روح بعمتك و بنات عمك انت و أيوب و حنقعد انا و عمامك نكملوا كل الاجراءات
ياسين : حاضر
” قامت سلمى و رويدة سلطانة و ركبوا و روحوا “
..
” الدموع في عيون سلطانة كانت نهر و الكل كان زعلان “
” خشوا الحوش “
” ركبت سلمى سلطانة لدارها و سكرت عليها الباب و نزلت “
…
” ايوب يبكى “
ياسين : قولي يا حياة كيف مات
رويدة : تكملي ، ???? خيرك ما تقوليش لعنة حسني خفت
حياة : اسلام يشم
سلمى : ????
رويدة : ????
ايوب : ????
ياسين : شن تقولي
حياة : زي ما سمعت يشم
ياسين : الله يرحمه
رويدة : اقسم بالله تطمنت ، معناها قتل روحه و انا كيف بديت نصدق موضوع اللعنة
ياسين : الله يرحمه و خلاص ، الواضح اننا نروحوا في اقرب وقت خير
رويدة : ايه صح صدقت
حياة : حنخلوا عمتنا ، حالتها تصعب علي الكافر
رويدة : لا طبعا ما نرتاحوش الا لما عمتي تكون كويسة طبعا
سلمى : وجعني الحق
ايوب : الله يرحمه الله يرحمه
” خشو عمامي “
فاضل : الله يرحمه
” ناضوا كلهم “
محمود : الدفن حيكون غدوا الظهر ، بجنب أمه
ياسين : كيف مات يا بوي
خيري : الله يرحمه و خلاص يا ولدي ، ربي ستره في الدنيا
رويدة : للعلم احني عرفنا ، مات لانه يشم
محمود : رويدة ، سكري فمك و اركبي لدارك و من غير كلام زايد
رويدة : ????????
فاضل : خلاص الولد و مات ، معش مهم مات ليش ، ترحموا عليه و خلاص
محمود : كل واحد يمشي يرتاح في داره تصبحوا علي خير
” ركبوا كلهم لدارهم “
.
سلطانة : ???? أول اتنين راحوا ، و مازال الباقي ، امتى حيصدقوا ، امتى حيصدقوا
امتى
.
⛅️ صباح جديد
” طلعوا رجالة العيلة و دفنوا الولد “
” و طبعا من غير لا حالة وفاء و لا عزاء “
…
” رجعوا “
” لقوا رويدة مقعمزة هي و حياة و سلمى
فاضل : خلاص يا جماعة ، موضوع اسلام معش حد يحكي فيه بالله عليكم الله يرحمهم
خيري : الولد ما تحملش فراق امه فا حاول ان ينسي باي طريقة و للاسف توفى
الكل : الله يرحمه
” طق باب الحوش “
” مشي أيوب يفتح “
المحامي : السلام عليكم
ايوب : و عليكم السلام تفضل
المحامي : انا المحامي نادر خليل محامي عائلة سلطان
ايوب : تفضل تفضل
” خش المحامي “
” الكل قعد يشبحله “
فاضل : كيف حالك يا سيادة المحامي
المحامي : اهلا بيك يا استاذ فاضل
خيري : ان شاء الله خير
محمود : ما سبب الزيارة المفاجاء هذي
المحامي : هذه أوامر سلطانة سلطان
الكل : ???????? سلطانة
” صوت كعب ???? سلطانة “
” الكل يشبح فوق “
” نزلت “
سلطانة : ايه انا قتله نبيك ، استاد نادر تعالا معاي للمكتب و ياريت الكل يكون موجود
الكل : ????????
….
” مشت سلطانة للمكتب و خشينا كلنا وراها هي و المحامي “
.
سلطانة : انت عارف كل شي أحكيلهم
.
المحامي : سلطانة هانم ، حابة تقسم عليكم ورثة اسلام و أمه ، بأعتباركم الروتين الشرعيين ليه ، و الوحيدين المتبقيين له
الكل : ????
.
المحامي : حتتقسم الورتة علي كل خواله و خالاته ، ما عدا سلطانة التي تنازلت علي كل حقوقها
” حط الورقة علي الطاولة “
المحامي : احتاج توقيعتكم كلكم
.
ناضوا الكل
“و بدو يقربوا و ياخدوا في البيروات و يوقعوا “
سلطانة : ????
المحامي : وين ابن المرحومة نهى
سلطانة : نوضي يا حياة وقعي
حياة : ????
سلطانة :زي ما الكل خدي لازم تاخدي ، نوضي ????
حياة : ????????
” ناضت و قربت و خدت البيرو و وقعت “
….
المحامي : الله يرحمه و عظم الله اجركم و اجرك يا سلطانة هانم و ان شاء الله اخر الاحزان
سلطانة : شكرا ليك
” خدي شنطته و طلع المحامي “
…
فاضل : الله يرحمك يا ولد اختي من قال يجي يوم و نورتوك
سلطانة : حتورتوا بعض كلكم ????
محمود : شني يا سلطانة
خيري : شن تقولي يا اختي
سلطانة : يلي قلته و محدش صدقني
” اشرت بأيدها “
سلطانة : فاضل 8 احصنة فوق الطاولة ، من التمانية هاذم
رويدة : تعودي من الشيطان يا عمتي
خيري : ابعدي عليك الافكار هذه
فاضل : علي العموم يا أختي احني قريب نروحوا الحق ما نبوش نروحوا و انتي بلحال هذا
سلطانة : من قال اني كويسة
فاضل : باهي الحمد الله
سلطانة : مش قلتوا الموت مش لعنة و يلي صاير كله قضاء و قذر ، خلاص من الان حنقول قضاء و قذر
خيري : اهو حالك كويس ، معناها بأذن الله يومين و نسافروا
محمود : كان خاطرنا نشوفوا حوش بوي القديم بس ما فيش نصيب
.
سلطانة : ليش ما فيش نصيب
.
الكل : ????
.
سلطانة : خيركم مستغربين ، انا عارفة انكم لو سافرتوا حتقعدوا 25 سنة تانية و مرات اكتر و يا عالم لما تجوا تلقوني او لا و اصلا عمري ما رح نقدر نجمعكم هكي مرة تانية ، انا قررت اني حنرفعكم لحوش سلطان القديم ، عارفة ان النفسية تعبانة بموت اسلام و سعاد ، بس حنسمع كلامكم ان هذا قضاء و قذر و مش لعنة ، و بعدين حتي لو كان لعنة مش حيرجع لو ما مشيناش لحوش سلطان القديم
خيري : هذا الكلام عين العقل
محمود : و كلام واقعي
فاضل : الحزن في قلوبنا و اصلا احني مش ماشيين رحلة احني حنشوفوا حوش بونا و ممكن قلبكم يحن و نرجعوا تاني
رويدة : ????
.
” وقفت سلطانة “
سلطانة : وتوا روحكم ، غدوا ، حنمشوا ، مش حنعطلوا ، نشوفوا الحوش و نرجعوا تاني ، و زي ما قلتلكم مش حابة انها تكون زردة او رحلة ، اعتبروها استكشاف شي من الذكريات و بعد ما نرجعوا ، ليكم الخيار في الرجوع لوين ما كنتوا ، بالك قلبكم يحن علي هذا البيت و ترجعوا تاني في يوم من الايام ،
” ناضت و مشت “
….
خيري : اختي حالتها صعبة
محمود : ايه و الله تصعب علي الكافر
ياسين : حنمشوا غدوا
رويدة : ايه خلي نغيروا جو شوي
الكل : ????
سلمى : ????
رويدة : خيركم تشوفولي مش قصدي
.
فاضل : لازم تعرفوا ان المشية حتكون عبارة علي اننا حنشوفوا حوش بونا القديم و بنروحوا في نفس اليوم ، فا بالله عليكم يا شباب ما تعتبروهاش رحلة في ولد من ساعات ميت عندنا
ايوب : صدقت يا بوي من نفسه يغني او يرقص و الولد كيف ميت
سلمى : فيه ناس نفسهم يديروا العار
رويدة : ????????????
خيري : خلاص كلكم جهزوا روحكم غدوا نمشوا لبحر المرسى نشوفوا الحوش و نروحوا تاني ، و بعدين كل حد ينضم اوراقه و يرجع تاني و الحق كلمة يرجع تاني ولت صعبة لان سلطانة تبي حد يراعيها ، لازم تسافر مع حد مننا
محمود : غير خلي نروحوا من مشية الحوش و بعدين ساهل
……….
في الليل ????
” خدي بضاعته ياسين و طلع من داره لدار أيوب “
” طق الباب “
” فتح “
ايوب : ياسين تبي حاجة
ياسين : جاي بنقعد معاك في الدار نونسك و لا ما تبيش
ايوب : ☺️ لا طبعا تفضل
” خش ياسين “
” قرر ياسين ان يقعد في الدار مع ايوب افضل ما هو حيقعد بروحه و يبدا يتذكر اسلام “
……
” دار البنات “
” رويدة تغني و تطلع في قفطانها “
رويدة : يانا يانا يانا يانا في حبيبي أموت أنا
سلمى : و النبي يا حياة افتحلينا سورة الكافرون خلي نسمعوا قران بالك روح الولد ترتاح
رويدة : ???? استغفر الله ، حيوتا ، حيوتا
حياة : تكلمي فيا أني
رويدة : ايه من اليوم بندلعك حيوتة
سلمى : ???????? قوية قوية حيوتة هذه
حياة : تفضلي يا رويدة
رويدة : كنت نبي نسالك عندك لون رمادي تحت العين
حياة : لا الحق ما عنديش مكياج
سلمى : الله يرحمك يا أسلام تي افتحي يا حياة سورة الكافرون بالك ينحرقوا و نفتكوا منهم
رويدة : ???? تصبحوا علي خير
سلمى : ليلتك سودة
رويدة : شنى
سلمى : ليلتك سعيدة
رويدة : ااا نحساب بس
سلمى : ????
…………..
⛅️ يوم جديد
” نزلوا الرجالة و لبسوا “
” لبس ياسين و أيوب و نزلوا “
” كان لبس عادي لانها مش رحلة “
” نزلت حياة و كانت لابسة سروال و تيشرت و دجاكة ، و كذلك سلمى كانت لابسة نفس الشي “
” فجاء نزلت رويدة ???? “
طق
طق
طق
الكل : ????
رويدة : هاي ، شن مزال الرحلة
محمود : احم احم
” نزلت سلطانة وراها “
.
سلطانة : كلكم واتيين
الكل : ايه
سلطانة : تمام اطلعوا سخنوا السيارات
” فجاء تلفتت “
سلطانة : هذا شني يا رويدة
رويدة : شن رايك حلو ❤️
سلطانة :????
” دفتها و مشت “
رويدة : خيرهم كلهم معصبين
……
” طلعوا و بدت السيارات تسخن “
سلطانة : اسماعيل
انت حتسوق السيارة الرصاصية يلي فيها البضاعة و حتكون ورانا
اسماعيل : حاضر يا هانم
….
فاضل : تعالي اركبي يا سلطانة معانا
سلطانة : لا مش حابة حنركب مع ايوب
.
محمود : خيرها ما تبيش تركب معانا
خيري : اكيد زعلانة لاننا بتسافروا ،
.
” ركبت سلطانة مع أيوب “
أيوب : حتركبي معاي يا عمتي
سلطانة : حنركب معاك يا روحي انت
…
” ركب ياسين في السيارة ركبت حياة من تالي “
ياسين : حياة حياة
حياة : نعم
ياسين : تعالي من قدام بسرعة قبل سلمى و رويدة
حياة : لالا عادي
ياسين : قتلك تعالي
حياة : باهي
” نزلت و ركبت من قدام “
…
” طلعت رويدة و سلمى و يشوفوا لبعض بقرف “
” وصلوا ” بدت رويدة تطق علي المرش
رويدة : حيوتة حبيبتي نبي نقعمز من قدام ضهري
” شد ايد حياة من تحت بمعني اقعدي “
حياة : ????
.
ياسين : خلاص حياة ركبت ، لو حابة تركبي من قدام ، بري اركبي مع أيوب
رويدة : ???? لا خلاص حنركب
.
” ركبت لقت بحداها سلمى “
رويدة : اااافففففف علينا
سلمى : شن تقولي
رويدة : شي
سلمى : لا قولي عادي
.
ياسين : شن حتتعاركوا و لا شني ، اسمعوا قاعدين بحدا الحوش ، ما تخلونيش انزلكم
.
سلمى : لالا خلاص برا
رويدة : برا برا
.
” طلعوا السيارات “
…….
أيوب : انستيني يا عمتي
سلطانة : حبيبي االله يأنسك ، حلفت قلت و اللهي ماني راكبة الا معاك انت
أيوب : ❤️
…..
رويدة : افتحوا اغاني خيركم
سلمى : اغاني و الولد ميت
رويدة : قصدي عادي اغاني
سلمى : علي ما اظن انها زيارة مش رحلة
رويدة : يا ستي حتي طلعة افتحولنا اغاني
سلمى : امانا ناس ما تتحشمش
رويدة : مني يلي ما تتحشمش
سلمى : انتي
.
حياة : وسعوا بالكم يا بنات
ياسين : ????
.
رويدة : اني سكتلك هلبا و الجو. اهوا و التلقيح معش اديريه
سلمى : مني يلي تلقح ، انتي يلي مش متربية و تبي الاغاني ، انتي حتي لبسة سودة مش لابسة عليه
رويدة : ساد انتي لابسة عليه يا بومة
سلمى : حييييييي اني بومة يا ناقصة يا طويلة اللسان
رويدة : مش حابة ننزل لمستواك و نرد عليك
سلمى : اي مستوي يا بيئة انتي
رويدة : عقل يوك اداب يوك
سلمى. اهي قلبت تركي الكذابة
رويدة : لالا هكي هلبا
” ناضت رويدة بتضرب سلمى “
” ناضت سلمى علي رويدة “
….
ياسين : خلاااااااااااااااااص
” شد فرينوا “
رويدة :????
سلمى : ????
…
” درس السيارة و وقف اسماعيل الشغال “
” كان يسوق وراهم رافع البضاعة “
..
” نزل و فتح الباب علي سلمى “
” شد ايدها “
ياسين : انزلي اركبي مع اسماعيل
سلمى : ااااااااااه بتركبني مع الشغال
ياسين : قتلك انزلي
سلمى : و اللهي الا ما نقول لبوي
” نزلها و ركبت “
” رجع للسيارة “
وريدة : احسن ما درتلها الحقيرة ، تعجبني يا ياسين ????
ياسين : نوضي اركبي معاها
وريدة : ???? ش ش ش شنى
ياسين : زي ما سمعتي نوضي معاها
وريدة : بتركبني مع اسماعيل يا ياسين
ياسين : نوضي اركبي معاها قتلك
رويدة : اوكي اوكي، يكون في علمك طحت من عيني علي فكرة
ياسين : بري خير ما يمشي و تقعدي في الطريق
رويدة : تشكرات يا ياسين
تشكرات
” سكر الباب “
حياة : حيتعاركوا مع اسماعيل
ياسين : حيخافوا منه
حياة : ????
…..
رويدة : عاجبك هكي يلي درتيه
سلمى : كله منك انتي و من هبالك
رويدة : انتي حاشية راسك في كل شي ،
سلمى : بتسكري فمك و لا نولع فيهم اهني
رويدة : كانك مراة حبيبتي
.
اسماعيل : ???? ااااااااااه
.
سلمى : ????
رويدة : ???? خلاص اسكتي نكملوا عركتنا بعدين
…….
” وصلوا السيارت “
” درسوا بحدا الحوش “
” نزلوا “
” نزلت سلطانة و أيوب فتحت باب الحوش “
” هواء البحر ???? يضرب في الحوش “
” نزلوا محمود و فاضل و خيري “
محمود : الله علي الذكريات
خيري : ???? ذكريات الطفولة
فاضل : اااه علي الايامات
…
” نزلت حياة و ياسين “
حياة : يجنن الحوش
ياسين : هذا حوش جدي الاول
حياة : و اللهي اجمل من القصر و فيه حياة أكبر
ياسين : لو فيه حياة ، فا نبي نسكن فيه
حياة : ????????
ياسين : ❤️
…
” وصلت سيارة اسماعيل “
” نزلت رويدة و سلمى “
رويدة : هكي يا ياسين ، صحيت ، شكرا بارك الله فيك
حياة : تكلم فيك رويدة
ياسين : ديري روحك ما تسمعيش
….
سلطانة : تفضلوا خشوا
” خشوا و كلهم فاتحين فمهم “
محمود : حتي ملح البحر ما أترش فيه
.
حياة : واو يجنن
ايوب : شوفي اللوحات
حياة : يجننوا
سلمى : حاجة فخمة بصراحة
.
” رويدة شادة التليفون و تصور “
رويدة : ياسين ممكن تصورني
ياسين : منعرفش نصور
رويدة : حيوتة ممكن تصوريني بليز
حياة : حاضر
رويدة : اقعد انت ما فيكش فايدة أبدآ
.
سلطانة : اسماعيل طلع كل الاكل و الطاولة و حطه بحدا البحر قدام الحوش
اسماعيل : حاضر يا هانم
….
” ركبوا للدور التاني “
” فتحت سلمى الباب علي دار “
سلمى : الله محلاها الدار
ايوب : يا ترى هذه دار منى
سلطانة : داري أني
سلمى : تجنن
.
” جو فاضل و محمود و خيري “
فاضل : هذه دار سلطانة
خيري : كانت احلي دار في الحوش
.
سلطانة : تخيلوا كنت كل فترة و فترة نجي أهني و نبكي ، و نقول ليش عيلة سلطان كلها فراق ما فيش لمة أبداً
الكل: ????
سلطانة : كله غربة ، غربة غربة ، لامتي بس لامتي
،
اسماعيل : يا هانم الغداء جاهز
.
ايوب : حنتغدوا
سلطانة : طبعا جايبة كل شي من غداي ،
” نزلوا الكل “
” و كلهم قعمزوا علي الطاولة “
.
محمود: تعالي يا رويدة يا بنتي
رويدة : هانا جايين
خلاص ساد صور حلوين
حياة : تمام
” مشو و قعمزوا ياكلوا “
.
سلطانة : هذا حوش سلطان قبل ما يكون كبير ، هذا حوش البدايات ، حوش كان كله حب ، و حب حقيقي لا فلوس و لا غربة تفرقنا ، انا جبتكم لهني عشان تشوفوا الذكريات ممكن تحنوا ، انا عارفة انكم حترجعوا من وين ما جيتوا ، عندكم املاك و شغلكم غادي ، بس لازم ما تنسوش حوش سلطان ابدا ابدا
نكلم فيكم و الدموع في عيوني ، منها علي رجوعي وحيدة و منها علي موت يلي ماتوا
.
فاضل : انتي لازم تختاري واحد منا تسافري معاه
خيري : ايه لازم يا اختي
.
سلطانة : نسافر و نخلي حوش سلطان بروحه زي ما درتوا زمان ، لا لا عمري ما نديرها ، انا عمري كله مخلصة ، توا وقتكم عشان تخلصوا
.
الكل : ????????????
.
” تغدينا و تدهورنا علي البحر “
حياة : حترجع الجزائر
ياسين : طبعا و انتي
حياة : حنرجع لزهراء ، استحشت منطقتي و اهلي
ياسين : حياة هو انا ممكن اسالك سوال
حياة : اسال
ياسين : هو احني ممكن نتزوج
حياة : ????
ياسين : انا عارف ان بكري و مزال ما تعرفناش علي بعض و الوقت مش مناسب و موت عمتي و ولدها ، بس انا نحكي ما سوال ، يعني مش حاليا ، حتي بعد فترة
حياة : ????
ياسين : جاوبي ها ممكن
حياة : هو ممكن بيلوجيآ بس مش عارفة كأحساس
ياسين : شن قصدك
حياة : قصدي ان الحب اهم من ان نقدروا نتزوجوا او لا
.
سلطانة : هيا كلكم تعالوا بنروحوا
” مشت “
” جت رويدة تجري “
رويدة : شن رايك ندهوروا علي البحر
ياسين : مش سامعة سلطانة تنادي بنروحوا
” مشي “
رويدة : ااااااف يا ربي
…….
سلطانة : اسماعيل رجعت كل شي لمكانه في السيارة
اسماعيل : كله تمام
” جت سلمى لسلطانة “
سلمى : عمتي سلطانة انا نبي نركب معاكم
سلطانة : خيرك
سلمى : انا و رويدة ما تفاهمناش ابدا ، نزلنا ياسين و ركبنا مع اسماعيل تخيلي
سلطانة: خلاص حبيبتي اركبي انتي مع خوك ايوب ، انا اصلا من بكري نفكر من بيروح معاه و خايفة يروح بروحه
سلمى : و انتي
سلطانة : انا نبي بوك و عمامك في موضوع و حابة نكلمهم فيه في السيارة
سلمى : تمام و رويدة
سلطانة : رويدة خليها حنركبها معاي اني و حتشوف شن حندير فيها
سلمى : تمام ????
…
” بدو يركبوا في السيارات “
.
رويدة : ياسين حتخليني نركب مع اسماعيل ، قصدي يرضيك
ياسين : لا بس مش حنقدر نركبك و ما نركبش سلمى عيب
رويدة : سلمى ركبت مع خوها
” جت سلطانة “
سلطانة : و انتي حتركبي معاي
رويدة : لا خلاص حنركب مع ياسين و حياة
سلطانة : لا حتركبي معاي الحقيني للسيارة
” مشت سلطانة “
رويدة : ااافف اااففف افففففف ????
” مشت “
ياسين : ????
حياة : يا حرام
…………
سلطانة : كلكم ركبتوا تمام ، توكلنا علي الله
……..
” طلعت السيارات مع بعض “
” مشو الطريق “
.
سلطانة : الله علي منظر البحر يجنن
رويدة : ممكن تفتحوا اغاني
” الكل تلفت ” ????
سلطانة : ????
رويدة : ???? نبصر عليكم خيركم
……
ياسين : جو جميل جدا ياريت اسلام معانا
حياة : الله يرحمه
ياسين : خيرك حياة زعلتي ليكون من موضوع يلي كلمتك فيه
حياة : لالا بلعكس مش زعلانة
ياسين : اوكي
……
ايوب : هادم خيرهم يمشوا بشوية
سلمى : و النبي فكنا من الجري
ايوب : قصدي شوية
سلمى : لالا و النبي لا
” سرع ايوب السرعة ???????? “
سلمى : نقص يا ايوب
ايوب : ????
…
محمود : ولدك يجري هلبا يا فاضل
فاضل : اقسم بالله حيشوف في الحوش ، و الكلب معاه اخته
خيري : هلبا يجري
….
سلمى : ايوب نقص نقص يا أيوب
ايوب : ما فيش فرينوا
سلمى : نقصصصص يا أيوب
ايوب : مافيش فرينوا مافيش فرينوا ????
” بدت تضرب في المرش و تعيط “
سلمى : انقذونا انقذونا
….
ياسين : خيره ايوب يجري هكي
حياة : سلمى تعيط من الروشن
ياسين : حرام عليه اخته
…..
سلطانة : فاضل كلمه قوله ينقص سرعة مش هكي
” يشوفوا في ايد سلمى برا الروشن و كانها تعيط “
…..
ايوب : مافيش فرينوا يا سلمى
سلمى : ???? ااااااااه اااااااه انقذونا انقذونا ???? مانيش نموت
….
فاضل : ما يبيش يرد
سلطانة : السيارة فيها شي
محمود : شن قصدك
سلطانة : السيارة ما تبيش توقف الباين
فاضل : اااااااه
…..
” سلمى تبكي و ايوب شاذ الفرينوا و يبكى “
يا خوي اني خايفة
يا خوي ما نبيش نموت ، مانيش نموت
…
سلطانة : انقذوهم انقذوهم بسرعة
بسرعة
…
ايوب : سامحيني يا سلمى
سلمى : شن حدير
” لف الستيرسوا جهة البحر “
” تنطرت السيارة ???? “
” اضبطت خوها و سكرت عيونها “
سلمى : ااااااااااااااااااااااااه ????
……
ياسين : ????
حياة : ????
.
محمود و خيري : ????
.
رويدة : ????
.
فاضل :وولاااادديييييييي ????
.
سلطانة : لاااااااااااااااااااااااااااااااا????
……………….يتبع
تعليقاتكم و رايكم هو من يجعلني أكتب المزيد ❤️
احدات و كوارت و جرائم في الطريق و لغز يخفيه القصر كبير ، حنشوفوا ،
لعنة سلطانة شن نهايتها ، شن توقعاتكم وسط كل يلي يصير في القصر
نتلاقوا غدوا في حلقة جديدة من الرواية ❤️
……..???? اللعنة حتاخدكم واحد واحد ..تم لم يبقى أحد
رايكم يهمني ❤️
تصبحوا علي الف الف الف خير ……..أحمد عبدالله