رواية كسرة القانون الفصل التاسع 9 بقلم أودي الفرجاني
رواية كسرة القانون الفصل التاسع 9 بقلم أودي الفرجاني
رواية كسرة القانون البارت التاسع
رواية كسرة القانون الجزء التاسع
رواية كسرة القانون الحلقة التاسعة
نعيمه🙄: الحمدالله ع سلامه
هيثم بدون نيه: الله ايسلمك
فاطمه: هيا عدي
هيثم: باهي تعالي توا في موضوع ضروري لازم تعرفيه
فاطمه😟: كنك شن في ما اتخوفنيش
هيثم ايحك في راسه: غير تعالي بس
واطلعو كلهم برا و بعد فاطمه شافت آيات استكت
هيثم: قعمزو خلوني نحكي
فاطمه: من هذي🤨
هيثم: انتِ قعمزي بس
وجو كلهم قعمزو و بدى هيثم يحكي فالقصه من البداية و آيات كانت خايفه من ردة فعل أهل هيثم
هيثم: وهضا كل الموضوع
فاطمه جت تبي تحكي أسمعو الباب ايدق بالقوووووووووووووه هيثم صبى يجري🏃♂️🏃♂️
وفتح الباب يالي كان أقريب ايطير من الدق
هيثم فتح الباب لقى أحلام أخته و راجلها و ولدها
هيثم: مرحبا مرحبا
أحلام: هيثم حبيبي واضبطاته❤
هيثم: كيف حالك❤
أحلام: الحمدالله انت كيف حالك شن داير
هيثم: الحمدالله ميه فالميه بس انتِ شن عرفك ان روحت🤔
أحلام: من غيرها
هيثم: أيه😂
أحلام: بالضبط😂
هادي: الحمدالله ع سلامه ي هيثم
هيثم: اوووووو بو نسيب الله ايسلمك خشو تفضلو
هادي: ايزيد فضلك أنا طالع عندي عمل ضروري
هيثم: غير خش ع عشاء
هادي: لالا صحتين واللهي عندي عمل واجد
هيثم: باهي تمام طهوري كيف حالك
طاهر: الحمدالله
هيثم: خشو هيا
وخشت أحلام و طاهر و هيثم
أحلام: السلام عليكم و جت عينها علي آيات
كلهم: وعليكم السلام
هيثم: آيات تعالي
آيات خضت شناطيها👜🎒
و عدتله فاطمه جت تبي تحكي
هيثم فنص😶 فيها و شيرلها ان خلاص بعدين
هيثم: هيا تعالي انركبك للشقه
آيات: شقه😍
هيثم: اهاا شقتي من سنتين امكملها و أمي اتزن ع زيزه لكن توا كيف سخر الله😍
آيات: هيا😍
وعدو هما الأثنين اطلعت أيه في جرتهم
أيه: هيثم
هيثم: نعم
أيه: فوق مافي شي لا فرش لا افراشات ولا حتى حاجه
هيثم خبط يده علي راسه🤦♂️: يييييييييي أنسيت بكل
أيه: كان هضا خليكم الليله هنا وبكره ايصير خير
هيثم بحت في آيات: ها نقعدو
آيات قربت شوره: هلك مزالو منصدمين من يالي صاير
ومستحيل ح ايتقبلوني ابسرعه ف خليني فوق خير
هيثم: خلاص وراس ويه جبيلنا افراشات و امخاد
و بطاطين
أيه: باهي تمام انتم ارقو و أنا ح انجيبلكم الحاجات
هيثم: تمام
وعدى ركب هو و آيات
….
عند أهل هيثم
أحلام: تي كيف صار شن مراته و هارب بيها و جت هنا وسيب الجامعه انا مش فاهمه شي راه
فاطمه وهي غمتلها😠: على اساس انا يالي فاهمه حاجه خاشلي ب وحده وماني عارفه اصلها امنين
ومعاها دبشها و ايقولي انحبها و نبيها وهلها مابوش يعطوها هربت بيها و ازوجتها
أحلام😱😳
أيه: حرآم عليكم والله شكلها اكويسه البنيه
فاطمه: انتِ سكريلي فمك خيرلك
أيه: احسن حاجه نمشي انشيل لي هيثم حاجاته
فاطمه: وشن يبي هيثم
أيه: قالي ….
فاطمه😠: ايوا هضا يالي ناقص تؤ عليك قصه
أحلام: ازعما بابا بعد يسمع شن ح اتكون ردة فعله
فاطمه: ما أنا يالي انفكر فيه باتك
أيه كانت مستغربه أن نعيمه ساكته وماحكتش بكل
قبل لازم ادك راسها و تحكي
وخضت أيه بطانين و أفراشين و امخاد و فرشه عجميه و أشوية منضفات و مكنسه وسياقه و اخرق مسح و ملطف جو و فسوخ وبخور و فحم حجري
و غازي ابرمس و اقعدت اتركب فيهن فوق وهيثم ياخذ منها و ايخشش للشقه
…..
عند آيات
كانت اتفرج ع شقه كانت تفصيلتها سمحه بكل لكن ما كان فيها شي لا أثاث ولا دار نوم ولا شي
هيثم: صحيتي ويه
أيه: و أنا كم عندي هيثم ف دنيا
هيثم: نجك أسمعي
أيه: نعم
هيثم: بعد ايجي باتي كلميني طول
أيه: باه بس نبي نسألك سؤال
هيثم: شنو🤔
أيه: متأكد أن الموضوع يالي حكيته هضا حده ومافيش غلط اخرى
هيثم: وهو هيثم حبيبك ايدير غلط🙄
أيه: عارفتك ما ادير الغلط ي قلبي😍
هيثم: هيا خلاص عدي العروس ترجى فيا
أيه تضحك😂: هيا باي
هيثم😂
وعدت أيه وهيثم جا يبي ايخش أيه ردت تجري🏃♀️
هيثم: ها شن في أخرى
أيه ابخوف😟: حس بابا جا
هيثم: باهي اني نازل
وطلع و سكر الباب وعدى نزل
…
عند آيات
لقت كرسي قعمزة عليه و اقعدت اتفكر في هلها شن صارلهم بعد اعرفو انها اهربت و الحوش شن قعد وضعه و اكيده كلهم قاعدين ايدورو فيها و يبو يقتلوها و اذكرت امها شن ح ايكون صارلها و فريحه
و نسرين شن ايصيرلها لما تعلم واقعدت تبكي😭😭
وحسة ان يالي دراته غلط بس بعد فكرة لقت روحها
ان يالي دراته ممكن ايكون غلط لكن احسن من أنها تزوج شخص هي تكرها و اتحب غيره
…..
عند هيثم تحت
خش سلم علي باته و قعمز حكاله القصه
سعد ابعصبيه😠: معقوله انت ادير هكي يا هيثم انت يالي انقول عليك عاقل و ماشالله عليك يطلع منك الخبر المتخلف هضا
هيثم: يا باتي هضا مش تخلف هضا حب❤
سعد😠: جرب انشالله تحشم علي فسختك تحكي مع باتك انت وبعدين البنت باينه من هربتها امعاك انها مش تمام
هيثم ابعصبيه🤬: باتي لو سمحت آيات ماتغلطش فيها وصبى يبي يطلع🚶♂️🚶♂️
سعد: وين طالع مزلت ما كملتش كلامي
هيثم رد قعمز: ها تفضل كمل
سعد: كان أهل البنت وصلو فيها شن ايصير
هيثم: مادبيني حي و فيا نفس ما واحد لامس اشعره منها
سعد: يا هيثم افهم يالي انت درته غلط في غلط
هيثم: لا مش غلط يالي درته أنا عشان انحافظ ع بنت يالي انا نبيها وبعدين نحن ماطلعنا من بنغازي الا وهي مراتي
سعد: باهي وقرآيتك و امتحاناتك لسبوع الجاي
هيثم: عن بو الأمتحانات و جامعه بكل قدام آيات
سعد: معقوله هيثم الطموح يالي طول عمره حلمه الشهاده إيضيع حلمه عشان بنت
هيثم: هذي مش اي بنت هذي اسكنت هن و شير علي قلبه❤
وصبى طلع و اطلعت في جرته أيه
هيثم: ويه ونبي عدي اركبيلها فوق اقعدي امعاها علي ما طلعت جبت حاجات
أيه: باهي حاضر
وطلع هيثم و أيه اركبت فوق و دقت ع شقه
…
عند آيات
كانت امقعمزة و اتفكر علي دقت باب الشقه
الباب🚪🚪
اطلعت افتحت لقتها أيه
آيات ابتسمت🙂: هلا
أيه ابتسمت😊: اهلين ممكن انخش
آيات: اها تفضلي
وخشت أيه و آيات سكرت باب الشقه
أيه: فيش اديري
آيات: توا كنت نبي انصبي انلم الشقه
أيه: هيا تعالي تو انلمها أنا وياك
آيات: تمام هيا
و اسلحت آيات عبايتها و بدت هي و أيه في تنظيف الشقه ضمنها ضمه سمحه و فرشاً الفرشه و علقاً السيتاره وحطاً الفراشات و فرشاً عليهن البطاطين حطاً الأمخاد و اطلقاً فسوخ ونظماً الدبش فالساكو
و كملاً
آيات قعمزة: آآآآآه عليك تعب
أيه: اهاا بكل لأن الشقه محد يركبلها هضا عليش هكِ
آيات: اهاا
أيه: عندك دبش
آيات: اها جايبه امعايا بس مش عارفه شن جايبه لأن
يالي قدامي حطيته
أيه: شوفي شن جبتي
آيات افتحت شنطتها لقت روحها جايبه دبش داخيلي و روب خريفي خفيف و جينز
آيات: هيييييي😱مش جايبه الا هضا
أيه: باهي عادي تو ننزل انجيبلك حاجه من عندي
آيات: مافيش داعي تو نلبس هضا وخلاص😔
أيه: لا معقوله صقع غير اصبري ننزل انجيبلك ما تلبسي
وأنزلت أيه لقت هلها ايحطو فالعشاء خشت خضت توتين و شال شتوي و 3 ابلوزات و 5 جينزات واطلعت تجري🏃♀️🏃♀️
سعد كانت غمتله😠: فوق ما في شي كيف يبو يقعدو
أيه: شلتلهم حاجات مؤقته لعند هيثم ايجيب
سعد: باهي خليهم ايباتو الليله هنا وبكره ايصير خير
أيه: قتله مابش
فاطمه: اكيده من مفصوعة الرقبه هي يالي وزاته علينا بدت من توا الأخت
سعد: وراس فاطمه تسكتي راني راقيلي من اولدك
و غمتلي للألف
فاطمه حطت يدها علي فمها🤭: ها سكتنا
…
أيه: هاكِ ها
آيات خضتهن منها: ميرسي حبيبتي😊
أيه: خلاص انسيبك تاخذي راحتك وبعدين تعالي انزلي تعشي امعانا
آيات: لالا خليني هنا
أيه: كنك عليش🤔 نحن كيف هلك
آيات: لا مش علي حاجه بس مزلت مش متعوده
و متوتره و حتى هلك مزالو مش واخذين عليا خليها مره اخرى
أيه: باهي علي راحتك خلاص أنا بكره تو انجي انهدرز امعاك
آيات: باهي تمام
أيه: هيا بيباي🤗
آيات: تصبحي علي خير🤗
أيه: وانت من أهل الخير🤗
و نزلت أيه و آيات خشت دوشت و البسة توته سوده شمواء و مشطت شعرها و دارت بودرة بيبي و عطر خفيف بكل وخشت للفراش و تغطت لأن الشقه كانت طوب الثلجه واقعدت ترجى في هيثم
……
عند أهل آيات
الحوش كله فضى كل واحد روح لي حوشه بس عفاف كانت بايته هي وبناتها عند أهل آيات ضماً البنات الحوش وسيقاً للجنان و فرشاً لديار وخشاً حطاً العشاء بس مابش حد ياكل لماً السفره و خشاً دوشاً وبدلاً وخشاً للدار
عفاف: آآآآآآآآآه عليك قصه وخلاص
فريحه كانت من البكاء راسها امصدع: كلا منهم هما يالي زروها ع زواج كلا منهم كان خلوها علي راحتها راهي كملت اقرايتها وبعدين ردو حكو امعاها فالموضوع لكن الله لا اتسامحهم
عفاف: أتو حبيبتي معش تدعي الدعاء مش اكويس كلا ايرد عليك
فريحه: من قهرتي يا خالتي من قهرتي انتِ شفتي عمتي رجعه كيف كملتها تعزق فالكلام و ماما مش متحمله حاجه ساد يالي فيها
عفاف: أمك عارفه رجعه وحركاتها و طول عمرها هكِ اتحب اتنكد ع يالي قدامها
هند: فريحه وشهاده من دينك انتِ مش عارفه آيات وين عدت مع هيثم
فريحه اسكتت🤐وهزة راسها معناها لالا
أمل: يستر الله ازعما شاهين و مراد ح يلقوها
فريحه😭
عفاف: ربي يستر وخلاص انشالله ما ايطقو فيها ياربي
البنات: انشالله يا ربي
…
عند سهام
كانت اتصلي وتدعي أن ربي يحفظ بنتها من مراد و شاهين وان ربي ايصد طريقهم و ما ايطقو في آيات ولا يوصلولها
سهام و الدموع يذرفاً من أعيونها😭: يااااااااااااارب
🤲🤲🙇♀️🙇♀️
اللهم احرم قلب💔مسهُ الضر و لم يقوى على شي إلا برحمتك و اكفاً🤲لا تملك سواء الدعاء امام ابواب قوتك اللهم نسألك ان تحفظ آيات من شر خوتها
و اعيال عمها و تحفظها من تخطيطهم وتدبيرهم عجز عن توقيفهم أهل الأرض ولن يقوى عليهم الا انت رب السماء اللهم اننا لا نسألك بأعمالنا انما نسألك برحمتك ياااااااااااااااااااارب🤲🤲🙇♀️🙇♀️ احفظ بنتي
اعمي بصيرت مراد و شاهين وصبي امعايا ياربي
ياااااااااااااااااااااااااااااااااااااااااااااااااااااااااارب🤲🤲
و اقعدت سهام تبكي😭😭وبعدها صبت اتكمل في صلاتها
…..
عند مراد وشاهين
كانو ايسوقو ب اقصى سرعتهم عشان
يوصلو للقبه بدري و كان الشر باين في اعيونهم
شاهين: مراد انقولك حاجه خليها بيناتنا
مراد: شنو احكي
شاهين: انا مانبيش نسمع كلام جدي
مراد: شن قصدك
شاهين: جدي مش قال بعد توصلو اقتلو هيثم و جيبو آيات حيه
مراد: اهاا
شاهين: بس أنا نبي نقتل هيثم و معاه آيات مانبيش واحد فيهم حي
مراد: هه 😏 ع ساس انا نبيهم حيين أساساً أنا كنت امخطط أن أول ما انشوفها نقتلها في وطاتها
شاهين: اصلي يا ولد عمي
مراد: نغسلو العار يالي دراته للعيله
شاهين: و انردو بيها مقتوله بس خايف جدي يرقاله منه
مراد: مافي ما يرقاله انقولوله أن بعد طقينا فيهم حاول هيثم يهرب بيها من جديد قتلناهم هما الأثنين
شاهين: حتى هي فكره
مراد: هيا سرع خلينا اطقو فيهم
شاهين: هيا هي
و عدو ب سيارة يجرو🚗🚗
…..
عند آيات
تحديداً الساعه 2
كانت دوبها خاشه في نومه علي جيت هيثم
خش بشويييييش و حط الشكاير فالمطبخ و خش خضى ادبشه وخش للحمام(حشاكم) دوش وبدل وطلع خش وهو اينشف ف شعره وقعد ايبحت في آيات ومش امصدق انها امعاه و انها اقعدت ملكه الخاص نشر هيثم المنشف و جا شور الفراش و قعمز وجا عند آيات يالي كان شعرها جاي ع وجها وقعد يرفع فيه الها و ايحول فيه من علي اعيونها
آيات نطت من نومها😳
هيثم ابصوت واطي: اسسسس اهدي اهدي أنا هيثم
آيات ابصوت ناعس😴: انت جيت
هيثم: لالا اشويه و نوصل😂
آيات تضحك😂: بلاش حناطه
هيثم يضحك😂: مقبوله منك
آيات: امتى جيت
هيثم: مالياش عشر دقايق
آيات: هيثم
هيثم بعد سمع اسمه مات وعاش لأن آيات أول مره اتناديه بأسمه
هيثم😍😍😍😍😍😍😍😍
آيات: كنك🤔
هيثم: عاودي يالي قلتيه
آيات: ماقلت شي كنك
هيثم: لالا أسمي عاوديه
آيات ابخجل☺: هيثم
هيثم: أعيون هيثم و قلبه و عمره و حياته و روحه نعم
آيات ابخجل☺: معش اتقول هكِ انتحشم
هيثم: تي انتِ امتى ما تحشمتيش بس
آيات: خلاص معش نبي نحكي
هيثم يضحك😂: خلاص يا زعوله احكي
آيات: جيعانه بكل😫
هيثم: أشر منك😫
آيات: باهي شن انديرو
هيثم: انا جبت خبزة و تن و دحي وعصير عدي دبري بيهن حاجه ناكلوها لعند بكره
آيات: باهي تو انعدي اندير سندوتشات
وعدت آيات ادير فالعشاء و هيثم نزل لوطى خضى دفايه و ركب ولعها فالدار
آيات كملت العشاء و جت اقعدت اتعشى هي و هيثم
….
عند مراد و شاهين
كانو فالطريق لعند وصلو لي استيقاف قبل ما ايخشو لي القبه
مراد: زمري تو ايوقفونا هضوم
شاهين: تي عليك سريب و خلاص
الشرطه وقفتهم
شاهين فتح قزاز السيارة: تفضل
الشرطي: من وين
شاهين: بنغازي
الشرطي: وين الوجها
شاهين: القبه
الشرطي: شنو سبب السفر
شاهين سكت وبحت في مراد
مراد: اااااااا عندنا أختنا تسكن غادي و مشيين انشوفو فيها😅
الشرطي: ممكن تعطيني أوراق السيارة
شاهين فتح الدرج وطلع منه الأوراق وعطاهن لاه
الشرطي قعد يقرى فيهن بعدها: معلش بيطقاتكم
شاهين و مراد طلعو البيطقات وعطوهن لاه
الشرطي بحت فيهن بعدها: مش قتولي خوت🤨
شاهين ابتوتر😣: اهاا
الشرطي: بس يالي باين انكم اعيال عم🤨
مراد و شاهين استكو🤐
الشرطي: معلش درسو السيارة هنا و انزلو امعانا
شاهين: بس يا فندي
الشرطي قاطعه: معلش بلا كثرة دوه درس السيارة
و انزل انت وياه
شاهين بحت في مراد
مراد: درس درس و غمزله😉
شاهين فهم عليه ودار روحه يبي ايدرس ولف وعدى يجري بالسيارة🚗🚗
و اشرطه اقعدو اينادولهم بس مابوش ايردو دزو وراهم سيارتين لحقنهم🚓🚓
و ردو شور بنغازي يجارو
( سبحان الله شوفو شن كانو ايخططو و شوفو ربي شن كان كاتب فعلاً الدعاء ايغير الأقدار وخاصتاً دعاء الأم و ثاني حاجه مقولة انت تريد و انا اريد والله يفعل ما يريد)
….
عند آيات و هيثم
كملو عشاء غسلو و خشو لي افراشهم
هيثم بحت في آيات: صقعانه
آيات: لالا
هيثم فتح ايديه: تعالي
آيات تحشمت و مابتش اتجي
هيثم: كنك🤨
آيات: شي
هيثم نزل ايديه: باهي تصبحي علي خير
وبرم تغطي ورقد و هو غمتله من آيات
آيات عطاته بظهرها و رقدت بس اقعدت اتقلب
وحسة ان ما فيهاش نوم وفي نفس الوقت خايفه
آيات: هيثم😞
هيثم وهو غمتله: همممممم
آيات: رقدت
هيثم: اهاااااا
آيات في عقلها: اووووووف مافياش نوم و خايفه عليك قصه مش كان خشيت في حضنه خير أخطرت عليا حور زمان ديما اتقول حضن فهمي غير حضنه دااااااااافي و فيه حنيه غريبه و نفس الشي ماما كانت ديما اتقول أكثر حضن نشعر فيه بالأمان حظن
خليفه تؤ ياريتني قبلت نرقد في حضنه اووووووف بس مش منِ انا هكِ انتحشم بس هو زعل و غمتله منِ ياربيييييييي شن اندير
واقعدت آيات ع حاله هذي جي ربع ساعه وبعدها هيثم تقلب و برم شورها آيات بحتت فيه لقاته امغمض اعيونه حبت تشجع وقربت منه و افتحت ايديه وخشت في حضنه وحطت وجها قدم وجه و لفة ايديه عليها
هيثم فتح اعيونه شافلها وقرب حبها ع فم… و ضمها شوره زيييييين و رقد
آيات حست ب شعور أول مره اتحسه شعور بالأمان
و الحنيه و دفاء ومشاعرها كانن املخبطات و اقعدت اتأمل في هيثم وفي اعيونه و لحيته
وفمه وكل حاجه فيه و بدون احساس قربت حباته ع فم… و هيثم شاركها البوسه وقعد ايحب فيها علي فم.. وينزل علي ارقبتها و…….. جزء مفقود
……
صباح يوم جديد
عند أهل آيات
خليفه وعى علي حس فونه ايرن بحت لقاه مراد
خليفه رد ابسرعه: ايوا مراد
سهام أول ما اسمعت أسم مراد نطت من افراشها واقعدت تسمع
خليفه: بشرني شن صار اكيده قتلتوه و جبتو العار اختك
مراد: باتي نحن فالمركز تعاللنا
خليفه ابصدمه😳: اين مركز
مراد: المركز يالي في بنغازي
خليفه: بنغازييييييي😳😳
مراد: اهاا تعال فيسع
خليفه سكر وصبى يلبس يجري🏃♂️🏃♂️
سهام ابخوف😟: انشالله خير شن في
خليفه و هو يلبس: مش عارفه مراد قالي تعال فالمركز يالي هنا
سهام: كيف هما مزالو هنا
خليفه: مش عارف مش عارف تو انعدي نفهم القصه
وطلع خليفه يجري🏃♂️🏃♂️و سهام اطلعت لقت عفاف والبنات يفطراً سألنها وقعمزة تفطر وتحكيلهن
….
عند آيات و هيثم
هيثم و عى وشاف آيات كيف اقريبه منه كان مش امصدق خضى خصله من شعرها وقعد اينابش فيها علي خشمها
آيات ابصوت نعاس بكل بكل: حبيبي بطل
هيثم قرب عليه وقعد ايحب فيها ع فم… ومعش بى ايوقف
آيات افتحت اعيونها
هيثم: صباح الورد ع وردة حياتي كلها
آيات: ليش هكِ طيرت النوم من اعيوني
هيثم: وانتِ طيرتي منِ عقلي
آيات ابتسمت😊
هيثم: شن رايك في ليلة أمس و غمزلها😉
آيات: اسكت يا بارد☺
هيثم: صار أنا بارد
آيات: حبيبي❤❤
هيثم: نعم ي عمري
آيات: نبي فون
هيثم: انجيبلك حاضر بس عليش
آيات: نبي انكلم فريحه أختي و نسرين
هيثم: واثقه فيها انتِ نسرين
آيات: نسرين نصفي الثاني روحي الثانيه و أختي يالي ما جبتها ماما
(فعلاً الصداقه نعمه …
لو كانت الأخوة تخير لأخترتك أختاً لي
صحباتي و خياتي ربي يحفظهن ليا
هنو|ويتي|مينا|بشتي|أسو)
هيثم: باهي نسرين كلميها لكن فريحه لا
آيات: عليش فريحه لا🤨
هيثم: ها بدينا في طولة للسان
آيات😂
هيثم يضحك😂: مايا حبيبي مرات هلك يقعدو واخذين فونها ولا امراقبين المكالمات الصادره منه ف لذالك اجلي الرنه عليها
آيات: باهي تمام
هيثم: هيا غلاتي صبي ديرِلنا فطور
آيات: صقعععععععع ماعنديش نيه😖
هيثم: غير هيا صبي
آيات😩
هيثم صبى وشال آيات وحطها علي اظهره وطلع بيها برا للمطبخ و آيات ميته من الضحك😂😂
……
عند أهل هيثم
كانو أمقعمزين كلهم يفطرو
سعد: أيه وين هيثم
أيه: مزال فوق
سعد: عدي كلميه
أيه: باه
وعدت اركبت فوق
فاطمه: كنك شن تبي فيه
سعد: نبي نسأل ع بنت و من هلها وعليش مابوش يعطوها لاه و نبي نسأله علي اقرايته وشن يبي ايصير فيها
فاطمه: آآآآآه شن جيبها البنت هذي بس من فيت ماخشت حياته و هو انقلب سحر اكيد سحراته
سعد😒
فاطمه: كنك اتبحت هكِ😒
سعد: اسكتي
فاطمه🙄
…..
عند آيات و هيثم
كانو يفطرو
هيثم ايبحت في آيات😍😍🤤🤤
آيات افطنت ان هيثم ايبحت فيها بحتت فيه
آيات: كنك🙄
هيثم: شي معجب ب جمالك🤤
آيات😂: انت ديماً هكِ
هيثم: كني🤨
آيات: هبل😂
هيثم: يييييي ماشفتي من أهبالي شي😂
آيات ابصوت دلوع: هبولي أنا بس😘
هيثم قدم شورها: حي علي أمي للسان انطلق🤤
آيات: بطل بلا سماطه
هيثم قدم شورها يبي ايحبها ع خدها
الباب🚪🚪
آيات🙄
هيثم😠
وصبى هيثم فتح لقاها أيه
أيه: صباح الخير
هيثم: صباح النور
أيه: بابا يبيك تحت
هيثم: باهي أشوية تو انجي
أيه: تمام
و انزلت أيه و هيثم خش
آيات: تبي تنزل
هيثم: اهاا
آيات: باهي ننزل أمعاك
هيثم: هيا وتي روحك
آيات: هيا هي
وصبت آيات غسلت الماعين و دوشت ع سريع
واطلعت دارت بودرة بيبي لأن كانت غاليا عليها
ولبسة ابلوزه صفرا و عليها جينز امريكي
أزرق داكن و البسة وصبت ع المراية تمشط في شعرها
علي خشت هيثم بعد حقها اتكى ع باب و قعد ايبحت فيها و يضحك🤤😍
آيات بحتت فيه: هيا سقد روحك ألبس
هيثم: تعرفي عليش حبيتك❤
آيات: عليش☺
هيثم: من طولة اللسانك يالي ماتعرفي اتلميه بكل
آيات😂
…..
عند خليفه فالمركز
عدى هو و مسعود و إبراهيم
مسعود: شن في يا افندي
الأفندي: الشباب مسكناهم عند احدود القبه
وبعد سألناهم عليش مشيين قالو عندنا أختنا ما أختنا وبعد شفنا البيطقات القيناهم اعيال عم مش خوت ومن هكِ نحن شكينا فيهم و قنالهم درسو لكن هما خالفو القانون و أهربو و حاولنا انوقفوهم لكن مابوش ايوقفو ف اطرينا نلحقوهم و مسكناهم
مسعود🤦♂️: معلش سامحونا
الأفندي: بس لازم تدفعو ضريبة
إبراهيم: خلاص شوري
الأفندي: تم ادفعو و اعيالكم يطلعو
و أدفعو افلوس الضريبه وبعد ساعه طلعو
شاهين و مراد من التوقيف و روحو للحوش
و مسعود كملها إيهزب فيهم لأن اغبياء و مادرو
كيف ما هو يبي و كملها غير ايهزب
(😂😂يستاهلوها)
…..
عند هيثم و آيات
نزلو لوطى و سلمو ع عليهم و قعمزو
سعد: كيف حالك يا بنتي
آيات: الحمدالله انت كيف حال صحتك يا عمو
سعد: الحمدالله
آيات: اعميمه كيف حالك
فاطمه: اعميمه😒
سعد فنص😐 في فاطمه: أيه خوذي آيات وعداً ديرلنا
قهوه
أيه: آيات هيا تعالي😍
آيات: هيا😊
و عداً هنا الأثنين للمطبخ
هيثم: كنك يا باتي شن في
سعد: أهل البنت عليش مابوش يعطوها لكِ
هيثم: لأن …..
سعد: باهي دبينك انت عارف ان قانونهم هكِ عليش ماشي تطلب فيها
هيثم: لأنِ أنحبها❤
سعد: عارف ياهيثم أول مره أنشوفك ما اتحشم
انت معش اتحشم علي وجك ولا شنو في وجي اتقول فيها أنحبها
هيثم: باتي الحب❤مافيش حشم حتى سيدنا محمد
(صلى الله عليه وسلم) حب سيدتنا عائشه و قال
( لا أرى للمحبين إلا الزواج❤)
سعد سكت🤐
فاطمه: باهي وقرايتك
هيثم: موضوع القرايه سكرولي عليه توا مش وقته
لعند أندير حل مع أهل آيات
فاطمه: قصدك مش ح اتسيبها
هيثم: كاني نبي اسيبها راني ما هربتش بيها من الأول
وصبى هيثم طلع و آيات و أيه جاباً القهوه وجاً فاطمه صبت خشت للدار و اقعدو آيات و أيه وسعد ايهدرزو
( اللهم أرزقنا حباً ك حب محمد لِ عائشه
حين قال: يا عائشه أن عيني تنام❤
و قلبي في حبكِ لا ينام❤)
……
عند أهل آيات
مراد كان ايدخن فالجنان سمع حس فون ايرن
صبى قعد ايدور لعند وصل فم الباب عند الشجر
لقى فون آيات خضاه و لقاها سينو تتصل بك
مراد رد طول
نسرين ابعصبيه😠: يا ابقرة يا حقيرة يا تافها
وينك ما أتردي عليا ليا من أمس و أنا أنرن خزي أمسخه ولا أمدورتيني ولا أترنِ عليا اهاا اصلاً باين من
اتصلاتك أنك صحبتي و كيف أختي
(هذي ويتي صاحبتي لما أترن عليا😂😂
ابسلامتها عصبيه ما اتخليك اتبرري بكل😂😂)
مراد حاط الفون ع وذنه و مبتسم
نسرين😠: ردي ي أبقرة🐄
مراد: اهدي اهدي🤤
نسرين😳😳: انت من
مراد: …….
مراد: وسعي بالك كنك فاصله
نسرين: من امعايا و فون آيات فيش ايدير عندك
مراد: أنا مراد
نسرين: مراد
مراد: اهاا وانتِ اكيده نيسو
نسرين: اهاا وين آيات
مراد سكت أشويه بعدها: رنِ ع فريحه تو تحكيلك
نسرين ابخوف: مراد ويته صايرلها حاجه
مراد: انتِ رنِ ع فريحه و هي ح اتفهمك
نسرين سكرت علي مراد و اعلقت ع فريحه
….
عند فريحه
كانت اتدير فالغداء رن فونها عدت تجري للدار لأن مرات اتكون
آيات و خضاته لقاته رقم نسرين ردت طول
فريحه: هلا نيسو
نسرين ابخوف: أتو ويته وين
فريحه نزلو ادموعها و اقعدت تبكي
نسرين زاد خوفها: فريحه احكي شن في ويته وينها حتى فونها رد عليه
مراد احكي احكي شن في
فريحه وهي تبكي: آيات خلاص يا نسرين خلاص
نسرين ابصدمه: كيف خلاص آيات وينها
فريحه بدت تحكيلها فالموضوع من الأول و نسرين ادموعها يذرفاً لا أيرادياً
نسرين تبكي: باهي ماكلماتكش
فريحه ابصوت واطي: لالا مزال
نسرين: خلاص تو انجيكم اشويه اخرى
فريحه: جيبي امعاك اعميمه أمنه بالك تحكي مع ماما اتريح
نسرين: باهي حاضر هيا سلام
فريحه: سلام
و سكراً
……
بعد ساعه جت نسرين و أمنه و خالد عند أهل آيات
واقعداً الصبايا كلهن ايتباكاً واكثر وحدات كانن متأثرات ب مشيت آيات
فريحه و سهام و أكيد نسرين كانت اقريب اتموت عليها و خالد قعد مع خليفه
ويحكي امعاه و ايهدي فيه لكن كان وكأن نار وشاعله فيه
….
عند أهل هيثم
فاطمه كانت فالحمام(حشاكم) و امولعه الشيشمه ع الأخر و ما تسمع في شي
أيه اتنادي: ماما اعميمه مريم اترن
مااااااااااامااااااااااااا تي كيف صار ماتسمعش فيا شكلها
وعدتلها
أيه: ماما كنك طرشه
فاطمه: هيييي الستر عليش طرشه
أيه: من بدري انعيطلك
فاطمه: الميه صوتها عالي مانسمعش فيك كنك
أيه: فونك ايرن
فاطمه: من يالي ايرن
أيه: اعميمه مريم
فاطمه: جيبه ليا
أيه عدت تجري جابتلها الفون وعطاته الها
فاطمه ردت: خيرآت امرومه
مريم: اهلين افطومه كيف حالكم شن اخباركم
فاطمه: الحمدالله انتم شن ديرين و شن حال اروينه
مريم: لا الحمدالله و حتى رانيا اكويسه
فاطمه: باهي الحمدالله
مريم: سمعنا هيثم روح من بنغازي
فاطمه غمتلها: اهاا روح وريته ما روح
مريم بستغراب: كنك عليش شن في
فاطمه: تعالي تو نحكيلك
مريم: خلاص اشويه انفطر الحاج و انجيك
فاطمه: خلاص نرجى فيك جيبي اروينه امعاك
مريم: وانتِ طيبه اوكي
وسكراً
….
عند هيثم و آيات
كملو فطرو وخشت آيات تغسل فالماعين وهيثم يلبس
هيثم اينادي: حبيبي
آيات ابصوت عالي: نعم
هيثم: هيا وتي روحك نبو نطلعو للسوق
آيات: صاااح حبيبي
هيثم: تي اهاا خفي روحك ابسرعه
آيات: هيا خمسه بس
نزل هيثم لوطى وكملت آيات الماعين فيسع وخشت البسة
ابلوزة كحلي و جينز سمائي و عليه ويشاح أبيض فيه ورد وردي و كاويش أسود
وبخت عطرها جت تبي تطلع لكن بحتت في وجها كان مرهق من البكاء و ما كان عندها
بودره عشان تخفي الأرهاق و اظطرت انها تطلع هكِ و انزلت تبي اتخش اتسلم ع عيت عمها
لكن لقت الباب الوسطي امسكر دقت دقت مافيش حد فتح اطلعت و اركبت مع هيثم فالسيارة
هيثم: كنك طولتي
آيات: كنت نبي انسلم علي أعميمه و أيه لكن القيت الباب امسكر دقيت محد فتحلي
هيثم: اهاا حتى انا محد فتحلي بس اكيده امولعين شيشمة الحمام(حشاكم) البراني هضا عليش
ما يسمعوش
آيات: اهاا ممكن
وعلق هيثم عدو شور للمحلات
….
عند أهل آيات
كانت نسرين و أمنه و عفاف و بناتها قعدات عندهم
سهام كانت مريضه بكل و حتى الوكال بالغصب بيش تاكل
عند نسرين و فريحه فالمطبخ
نسرين كانت تبكي
فريحه بحتت في باب المطبخ مالقت حد قدمت شور نسرين
فريحه: انقولك حاجه بس خليها بيناتنا
نسرين أبخوف: شنو احكِ
فريحه: انا كنت عارف ان آيات تبي تهرب مع هيثم
نسرين
فريحه: اسسسسس راك اتفضحي بيا
نسرين: معقوله كنتي عارفه و خلتيها اتعدي
فريحه: انتِ عارفه آيات اكثر منِ بعد اتسكر راسها علي حاجه معناها ح اديرها
غصباً عن الكل
نسرين: باهي احكيلي القصه من البدايه
فريحه: كل القصه أن ….
نسرين: ياروحي عليك يا ويته كان طقو فيها راه ذبحوها
فريحه: مش غير لكن واللهي ربي ايحبها بس أسمعي
أكيده ح اترن عليك الأيام هذين
نسرين: كيف عرفتي
فريحه: لأنها قبل ما تطلع قالتلي انها ح اترن عليا وعليك
بس أكيده مش ح اترن عليا اتخاف يقعدو خضو منِ الفون
ف أكيده ح اترن عليك انتِ
نسرين: يااااااارب اترن لأن واللهي قلبي ملهوف عليها
و كملاً القهوه و اطلعاً القهوه و فريحه وصت نسرين انها ما تحكي
الحد ع يالي حكاته الها
….
عند أهل هيثم
جت مريم و رانيا و سلماً قعمزاً ايهدرزاً
و رانيا كان اعيونها ع باب علي أمل هيثم ايخش وتحكي امعاه بالك ينسى
يالي صار من فترة
أنا ماقتلكمش رانيا مع من كانت فالأنتظار صاح تعالو انقوللكم ..
عند رانيا
كانت عند عيت خالتها و امقعمزه هي وبنات خالاتها إسراء و رشيده
إسراء اتوري في رانيا الدبله: شن رايك فيها
رانيا اعيونها اقلوب اقلوب: روعه بكل
( ع فكره رانيا كانت حسديه و حقوده و ما اتحب الخير الحد
وكل يالي ايهمها الفلوس وبس يعني كانت ماديه ب درجه لا توصف)
إسراء: عدولي جابها ليا
رانيا: نا عليا من عادل و خلاص كملها غير ايجيب في هالهدايا
إسراء: حتى هو ختيبي يا ماما
رانيا تضحك: ربي يحفظه لكِ ختيبك
رشيده: رانيا قوليلي شن صار في هيثم ولد عمك و خصوصاً بعد وافق ع علاقتكم
رانيا تنهدة و اسكتت
رشيده و إسراء بستغراب: كنك انشالله خير
رانيا: بعد ما خشينا في علاقه وحسيت ان بدى ايميلي جت قصة سفرة
بنغازي وخربت كل حاجه
رشيده و إسراء: باهي
رانيا: خلاص بعد عدى قعد كل مره انرن عليه نحكو اشويه و ايسكر
واخذلي سبلة القرايه
إسراء: باهي مزلتي تحكي امعاه
رانيا: لالا معش حكيت امعاه قلت بالك ايحس بيا و لا يذكرني ولو
مره وحده و ايرن يطمن حتى بالكذب لكن للأسف لا يشعر ولا ايحس
رشيده: وحق الله كانِ منك راني فايته
رانيا: حاولت بس واللهي ماقدرت
رشيده: وعليش ماقدرتيش
رانيا: انحبه والمصحف انحبه
إسراء: تي فوتيه حتى مصلحه مافيه عشان اتكبشي فيه
(صح رانيا كانت اتحب الفلوس و المظاهر لكن هيثم حباته ابصدق)
رانيا: بس انا أنحبه
رشيده: ونبي ريتي شن اتقول تي الزمان هضا معش فيه حب توا كلها تجري ع مصالح
والفلوس افهمي يا بنت ماتقعديش غبيه
رانيا: باهي شن اندير
إسراء: كل يالي عليك انك تنسيلي يالي أسمه هيثم و عندي لكِ شاب زي الورده
و افلوس الدنيا عنده
رانيا اعيونها اقلوب: من هو
إسراء: خو عادل صح كبير أشوية لكن ايجنن بكل شخصيه و افلوس وسيارة و فيلا
رانيا: ومن قالك ان ح يرضى بيا
إسراء: من فترة عدول قالي ان خوه يبي بنت تقعد احليوه قتله خلاص ح اندورله
و انتِ مما شالله عليك ما ناقصك شي تو انكلمه و انقوله عليك
( تبو الحق مع انها نذله لكن اتهبل بكل لعند توا جمييييييييييله)
رانيا: خلاص كلميه
وصبت إسراء كلمت عادل و حكتله ع رانيا و خوه كان جنبه و وافق طول
وعطاته رقم رانيا وبدو يحكو مع بعضهم و في نفس الليله هيثم خش عليها انتظار
…..
مريم: احكيلي هيثم كنه
رانيا اسمعت اسم هيثم اقعدت كلها اذان صاغيه
فاطمه: يا حنا يالي نبي انقوله لكِ انتِ و اروينه نبيه بيناتنا
مريم: اهاا اكيده بيناتنا
فاطمه: اروينه كيف ماقتلك
رانيا: لا معقوله يا اعميمه مش من غصايلي ان نحكي يالي نسمعه
فاطمه: نجك ليا هضا عليش كنت نبيك مرات اوليدي
رانيا افرحت بعد أسمعت كلام فاطمه بعدها ركزت علي كلمت كنت
يعني توا ما تبيهاش و اسكتت
مريم: احكي واللهي ما عاد عندي صبر
فاطمه: الموضوع يا حنا عمك هيثم جاني وما جاني ابروحه
مريم بستغراب: كيف يعني
فاطمه: هيثم ازوج في بنغازي وجاني ب مراته
مريم و رانيا في حالة صدمه
فاطمه: والمشكله مش هنا المشكله ان العرب ما بوش يعطوه البنت
يمشي عمك هيثم ياخذها و يهرب بيها و ايدير العقد فالمحكمه و ايجيني بيها هنا
رانيا من الصدمه نين حست راسها صدع
مريم ابصدمه: فاطمه اهدي أشويه و فهميني اسبيته اسبيته بيش نفهم
كلا هكِ وقسماً بالله دخت
وبدت فاطمه تحكليهن فالقصه بالتفاصيل
…..
عند هيثم و آيات
كانو فالمحل الملابس و ايتفرجو ع دبش
آيات ابصوت واطي: حبيبي شوف هضا
هيثم: حلو بكل خوذيه
آيات: باهي شوفلي لون أسود
هيثم: تي انتِ كنه مغلى عليك ألوان النكد خوذي ألوان فريحيه
آيات تضحك: باهي خلاص توخذلي هضا
طبعاً كان قفطان أبيض و من تحت فراشات ألوان ألوان و فيه أحزام أحمر
وقعدو ايتفرجو و يختارو وكملو اطلعو
آيات: حبيبي خلينا انعدو لي مواد الزينه
هيثم: حبيبي أنا منحبش لبز المكياج
آيات: ولا أنا انحب الميك آب لكن ناخذ بودره عشان الأرهاق و روج
هيثم: غلاتي انتِ هكِ اتجننِ مافيش داعي للروج
آيات: حبيبي كان جاني فرح شن اندير
هيثم: انشيلك للكوفير لكن مكياج فوتيه ليا
آيات: باهي يا عناد
هيثم
وعدو خضو بودره و تشكيلة عطور و منكير
و مستلزمات نسائيه و عدو لي محل الأثاث اختارو دار نوم اتجنن بكل
وصالونات للحوش و تحف وحاجات للحوش و للمطبخ وبعد ما كملو ادواره فالسوق
روحو
……
عند أهل هيثم
كانو فالصاله و ايهدرزو و مريم و رانيا مزالاً منصدمات من يالي صار
علي خشت هيثم و آيات ب شكاير
هيثم و آيات: السلام عليكم
رانيا ارفعت اعيونها و جت عينها في عين هيثم
هيثم: اووووووو عمتي كيف حالك
مريم: الحمدالله كيف حالك انت مبروك قالو ازوجة
هيثم: الله ايبارك فيك هذي مراتي آيات
وبحت في آيات هذي مريم مرات عمي و هذي بنت عمي
آيات ابتسمت: هلا وقدمت اتسلم عليهن
فاطمه ابرفعت حاجب: وين كنتو
هيثم: فالسوق
فاطمه: وكنكم ما خشيتو علينا و انتو طالعين
آيات: والله يا اعميمه كنت نبي انخش جيت القيت الباب امسكر
و دقيت دقيت بس مافيش حد فتحلي
هيثم: اهاا حتى انا نفس القصه
فاطمه: ها دافع عليها توا عاد انت ما اتحمل فيها شي
هيثم ابصوت واطي: أستغفر الله وقسماً بالله جيت دقيت وما واحد فتحلي كنك يا أمي
آيات: اعميمه واللهي حتى انا دقيت كم دقه بس مافتحتوش
فاطمه جت تبي تحكي أيه قاطعتها عشان اتغير الموضوع
أيه: ويته شن شريتي
آيات: شريت دبش ولا أروع
أيه: صاااح خذيتي ميك آب
آيات شيرت علي هيثم: مابش
أيه تضحك: اساساً هو ما ايحبه بكل
هيثم: هي جمليه و ملاك من ربك عليش اتلبز في وجها
أيه: في هذي أمعاك الحق
هيثم: هيا ماتبو شي
فاطمه ساكته ومش عاجبها و رانيا اقريب اتموت بعد شافت هيثم
مع آيات وكيف ايعامل فيها
آيات: حبيبي خوذني أمعاك وبعد افطنت لي روحها حطت يدها علي فمها
هيثم ماسك ضحكته: هيا تعالي
آيات: ويه تعالي انوريك الدبش
أيه: خلاص فالقيله تو انجيك
آيات: تمام نرجى فيك
هيثم مسك يد آيات وطلع بيها وبعدها رد من جديد
رانيا
هيثم: أمي راه أشويه اخرى جيين العمال عشان ايجيبو دار النوم و الأثاث
ف لو عندكم حاجه ع دروج خذوها
فاطمه وهي مش عاجبها: باهي
وطلعو هيثم و آيات و اركبو للشقه
أيه: اتهبل صااح
رانيا ابنص عين: هذي اتهبل
أيه: اهاا اتجنن بكل
رانيا: لا عاديه بكل
أيه حرآم عليك هذي عاديه ذوق خويا ايهبل
رانيا اسكتت و مزال واجعها انها اخسرت هيثم بعد ما كانت اقريبه من هدفها
……
عدى الوقت
و جو العمال ركبو دار النوم و جابو الأثاث وبعد روحو اقعدت آيات
اتضم هي و هيثم و اركبت ايه اتساعد فيهم و كملو ضم وعدى هيثم جاب غداء جاهز
وقعمزو تغدو مع بعضهم و كملوها ضحك و لعب و جو فوق الخيال
…..
فاليل تحديداً الساعه 12
كانت آيات فالدار اتفرج ع ال تي في
اسمعت باب الشقه انفتح اعرفة ان هيثم روح
هيثم اينادي: حبيبي
آيات: هنا ي اعيوني
هيثم خش عليها: فيش اديري
آيات: دوبه ويه انزلت و انا دوشت وبدلة وقاعده نرجى فيك
هيثم يسلح في سوريته: وين ع توته السمحه واخذه منك حته ي قلبي
آيات: صااح سمحه
هيثم: بككككككل
آيات: نجك ليا
هيثم: وليا نجك حطيلي عشاء
آيات: شن انديرلك
هيثم: انا جبت حاجات خفيفه ف حطيلي على ذوقك
آيات: تمام حاضر
وصبت آيات للمطبخ اتحط في عشاء
هيثم خش عليها: غمضي اعويناتك
آيات غمضة اعيونها
هيثم طلع الفون من جيبه: فتح
آيات افتحت و شافت الفون
آيات: ليا هضا
هيثم: اهاا هديه لكِ
آيات: ميرسي واااااااااااجد حبيبي
هيثم: وهي كم عندي حبيبه فالدنيا
آيات: وحده
هيثم: من هي
آيات: ويته
هيثم: ايييييييييوااااااا و رفعها
آيات تضحك: بلاش حناطه ع ليل خليني انكمل عشاء
هيثم: اسسسسس
وخش بيها للدار و سكر الباب و …….. جزء مفقود
…..
مشاً الأيام و الأسابيع و الشهور
و الأجواء مش تمام بكل مسعود حاول كم مره ايعدي للقبه
عشان ايدور ع آيات وهيثم لكن كانت الخطه كل مره تفشل و برضو شاهين
كان ايحاول يوصل للقبه لكن بعد يالي داره هو و مراد منعو عليه ايخش للقبه
أما حوش أهل آيات كان اكثر حوش متكهرب كانت العيشه فيه مش طبيعيه
بكل كان الكل راقيله و مافيش حد متحمل حد و سهام اقعدت مريضه بكل
بعد مشية آيات و فريحه رايحه مش كيف قبل و نادر كان ايحاول ايصبرها
و ايصبي امعاها لكن فريحه كانت متعوده ع آيات واجد ف لذالك مش بالساهل
تتقبل فكرة ان آيات خلاص اطلعت من حياتهم اهاا ماقتلكمش أن خليفه تبرى
من آيات قدام الكل وقال انها مش بنته لا يعرفها و هذك الفترة العيله تقربعة
تقربيعه شينه من يالي صار لكن مسعود هو يالي كان ايوز علي خليفه
عشان ايتبرى من آيات وفعلاً وصل للي هو يبيه(حسبي الله ونعم الوكيل)
أما نسرين كانت مش نسرين الأوله اقعدت رامضه بكل و حتى الجامعه
يا بال تمشي تحضر المحاضره و اتروح بس يالي كان امخفف عليها اشويه
انها تحكي مع اقرب الناس لي آيات اهاا هو مراد من بعد كم موقف صار امعاهم
بدو يحكو مع بعضهم و اهو مراد اشويه خفف عليها فقد آيات
أما عند ابطالنا هيثم و آيات كانو عايشين فالعسل و جوهم ايهبل بكل بكل بكل
لكن في كل انسان سعيد في حياته لازم اتكون فيه غصه في قلبه آيات مع انها
كانت سعيده مع هيثم لكن هلها مابوش يمشو من بالها بكل و كل يوم تحلم
بيهم بذات امها و كانت كل ليلة تبكي من دون ما هيثم يشعر بيها و من جها
ثانيه أم هيثم كانتلها عضم بو غصاص في كل حاجه و كانت تكرها كره العدو
و اتعامل فيها بقسوه و ديما اتعاير فيها ع هربتها مع هيثم و ان هضا ايدل
على انها بنت مش تمام و متعوده ع خبر هضا صح آيات الكلام كان ايوجع
فيها بس كانت ما اتحب تحكي الهيثم عشان ما يكره امه ولا اتسبب مشاكل
بين هيثم وأمه ف كانت تزمط فالغصايص و تسكت عشان خاطر هيثم
…..
بعد مرور 4 أشهور
في يوم كان يوم جمعه كان هيثم و آيات متغديين عند
أهل هيثم لوطى
أيه: بابا شفت ابنية أسو دزتلي صورتها اليوم
سعد: ماشالله رايحه كابره
هيثم: كيف صار كم عمرها البنت
أيه: شهر ونص
آيات: نجك ليا اتهبل
هيثم: ماشالله كأن عمرها سنه
فاطمه: صلي على نبيك
كلهم: عليه الصلاة وسلام
هيثم: ماقلت شي كنك يا أمي فالنهاية البنت بنت أختي ما حتى عطيتها عين
فاطمه: اممممه انت غير يالي عندك اتحن عليك و اتجيبلك
آيات استكت
هيثم ابعصبيه: آيات مش ابيدها هضا أمر ربي و نحن رضيين بيه
فاطمه: خليها اتعدي اتعاين علي حالها بدل مدت وجها هكِ
آيات: واللهي ما قصرنا يا اعميمه عديت عاينة و قالولي مافيك شي
الأمر يبي صبر بس
فاطمه: صدقت
سعد ابعصبيه: فاااااااطمههههه
آيات حست العبره خنقتها صبت بدون ما حد ايحس و عدت لي شقتها
وخشت للدار و انهارت ابكاء
هيثم فطن ان آيات ركبت صبى و لحقها لقى باب الشقه مفتوح خش لقاها
تبكي جا شورها وضبطها و آيات ضماته زيييييييييين
هيثم ابصوت هادي: خلاص بلاش ابكاء ما اتعدليش عليها أمي انا أنحبك
وحبي لكِ كبر من أن اتفرقنا قصة أعيال
آيات تبكي: بس انت راجل و تمنى ايكون عندك اعيال و اتمنى تسمع كلمة بابا
بس انا حرمتك منها
هيثم: لا انتِ ما حرمتنيش منها بعدين الموضوع مش بيدك فالنهاية الموضوع في
يد ربك و نحن ماعندنا اعتراض علي حكمته
وقعد هيثم يقنع في آيات و ان هو مش هامه لو ما جابت اعيال وقنعها
انها تلبس ويطلع يدهور بيها
وصبت آيات لبسة و لبس هيثم و اطلعو هما الأثنين و قبل ما يطلعو كلمهم
سعد خشوله
سعد جا يبي يحكي نطت فاطمه
فاطمه: ها ماصدق لوة وجها طالع بيها يجري مش عارف شن عجبه فيها
هالعقيمه
آيات اعيونها اقعداً ادموووووووووووووع و اطلعت برا ولحقها هيثم
و ركبو فالسيارة بدون ولا كلمه و اعلقو عدو
….
سعد ابعصبيه: انتِ معش اتحشمي علي وجك
فاطمه: تي شن درت انا كلامي صح مافيش حاجه غلط
سعد: فاطمه هذي اخر مره اتسمعي فيها البنت كلام كيف هضا
أيه: والله حرآم عليك آيات اكويسه بكل و مع كل يالي اديري فيه بس
هي ماتحكيش لي هيثم عشان ماتبيش المشاكل
فاطمه: انتِ اسكتي
سعد: لا عليش تسكت خليها تحكي ولا خايفه اتقول يالي انتِ اديري فيه
فاطمه اسكتت
سعد: وعلي الطلاق بالثلاثه يا فاطمه لو نعلم انك اذيتي آيات ابكلمه هك صغرها ان
ما عاد لكي قعده عندي
وطلع وطربق باب الوسطي
……
عند هيثم و آيات
كانو ساكتين آيات ادموعها سيل و هيثم راقيله من كلام أمه
هيثم كانت غمتله: حبيبي سألتك بالله بلاش ابكاء واللهي قطعتي قلبي
آيات سكتت و ادموعها علي خدها
هيثم قرب علي آيات مسحلها ادموعها و افطنو الا وهما طالعين من الأشارة الحمره
وتلقتهم سيارة و طاااااااااااف اخبطت فيهم
….
آيات افتحت اعيونها لقت روحها فالمستشفى
و أيه امصبيه جنبها
أيه شافت آيات افتحت اعيونها طبست عليها تجري: ويته حبيبتي انتِ اكويسه
آيات تبكي: ويه وين هيثم وينه
أيه نزلو ادموعها
آيات تبكي ابصوت عالي: أيه ردي عليا هيثم وين يا أيه هيثم وين مع خشت سعد
سعد قرب شورها وحبها علي راسها: الحمدالله ع سلامه
آيات: عمو هيثم وين حرام عليكم ردوعليا
سعد: هيثم اكويس مافيه شي
آيات تبكي: عمو نبيه نبي نمشيله توا نبيه
سعد: خليك انتِ تعبانه انشالله بعد يوعى اتعديله
آيات اقعدت تبكي واتفكف فالتغذيه: نبيه انا نبي انعديلا يا اتشيلوني يا انعدي ابروحي راه
أيه: بابا حرام خليها اتعدي اتشوفه
سعد: باهي هيا صبي وقعد سعد وأيه ايساعدو فيها ع تصبايه و المشيه
وعدو شور الغرفة يالي قاعد فيها هيثم
و اول ماخشو آيات شفاته راقدع السرير و وجه كلا دم جت قدمت منه وقعمزةع اركابها
آيات وهي تبكي: حبيبي هيثم اوعى ياروحي ما نقدرش انعيش بلاك ياقلبي واللهي ما نقدروقعدت منهاره ابكاء
الدكتور خش عليهم: معلش نبو دم فصيلة نادره +A
سعد: امنين انحصلو
الدكتور: شوفوحد منكم ممكن ايكون نفس الفصيله اوشوفومتبرع من برا
آيات مسحت ادموعها: دكتورانا نفس الفصيله
الدكتور: انتِ جوزته يالي كنتِ امعاه
آيات: اها
الدكتور: لالا انتِ لاشوفو حد اخر
سعد: ليش هي زوجته عادي اتبرعله
آيات: دكتور ربي ايخليك خليني انتبرعله هو ياما ضحى عشاني نبي انجرب ولو مره وحده انِ انساعده
الدكتور: لالا مستحيل لو تبرعتي ح يكون فيه خطرع الجنين لأن في الحادث ربي نجاه
كلهم في حالة صدمه
يتبع…
- لقراءة الفصل التالي : اضغط هنا
- لقراءة باقي حلقات الرواية اضغط على (رواية كسرة القانون)