رواية احببت صعيديا الفصل الخامس 5 بقلم ملك اسامه

 رواية احببت صعيديا الفصل الخامس 5 بقلم ملك اسامه

رواية احببت صعيديا البارت الخامس 

رواية احببت صعيديا الجزء الخامس

رواية احببت صعيديا الفصل الخامس 5 بقلم ملك اسامه


رواية احببت صعيديا الفصل الخامس

بعد مده 
كانت ملك قاعده جمب أدهم 
ملك: يعني بتحبني و من زمان كمان؟؟؟ 
أدهم: اه يا ملك 
ملك: أومال إزاي خطبت بقي؟؟؟ 
أدهم: كنت بحاول انساكي بيها يا ملك أنا شوفتك مرة واحده بس يا ملك و بعدها سافرتي و فضلتي كل سنين عمرك هناك أنا كنت فاكر إني نسيتك لكن لا منستش عيونك ولا ضحكتك و لا طفولتك و أنتي بتقوليلي أبيه أدهم بطل بقي 
ملك استغربت لأنها كانت ناسيه كل الذكريات دي 
ملك: يعني أنت تعرفني أصلا من زمان؟؟؟ 
أدهم: يابت هي مره واحده شوفتك فيها وبس مكنتش متخيل إنك هترجعي تاني و تشقلبي حياتي بقي
ملك: و إيه اللي خلاك تعترف يا عم الجاامد؟؟ 
أدهم: لما قولتيلي بكرهك حسيت بنغزة و وجع في قلبي حسيت إنك بتضيعي مني و مينفعش اسيبك بعد ما لاقيتك 
ملك ميلت علي كتف أدهم و زفرت بفرحة 
سليم من وراهم: الله الله و إحنا اللي قولنا هنيجي نلاقيهم بيشدوا في شعر بعض 
هدير بضحك: ولا ملك بتخنق أدهم مثلآ 
ملك: بس يا حيوانه بعد الشررر 
سليم: الله الله ده إحنا اتصالحنا بقي؟؟؟ 
أدهم: مكانش في خناقه أصلا عشان نتصالح 
سليم و هدير بصوا لبعض بأستغراب لأن مش من عاده أدهم يبقي كده 
أدهم بضحك: متستغربوش كده أوي يلا يا ملك 
و اخدها من إيدها و مشيوا 
هدير ضحكت و مشيت وراهم و سليم أبتسم و مشي هو كمان 
»      «        »       «        »        «
في البيت تحديداً في غرفة إنجي 
كريم: اديني جيت أهو هنفذ الخطة أمتي بقي؟؟؟ 
إنجي: من بكره أهم حاجه إنك تقرب من ملك لحد ما تثق فيك تمامآ و تعمل اللي اتفقنا عليه بقي تمام 
كريم: أكيد طبعآ تمام 
»         «          »            «       » 
مر يومين و ملك و الباقي بينزلوا كل يوم يخلصوا الشغل و أدهم يأخد ملك يفرجها علي البلد و الباقي يروحوا و ده مش مدي فرصة لكريم إنه يقرب من ملك أصلا أما هدير بتحاول تتجنب كريم و سليم دايما جمبها عشان متخافش أكتر الكل مش طايق وجود كريم أصلا في البيت و ملك مش عارفة ليه و ده اللي مخليها بتحاول تعرف لكن محدش بيقولها حاجه 
»          «           »         «          » 
في يوم 
كريم مع إنجي في الأوضة 
كريم: بقولك يا خالتو مش عارف أنفذ الخطه مش عارف أقرب منها حتي أدهم كأنه مخبيها بعيد عني أصلا 
إنجي: أوفف طيب ما تفكر أنت في خطتك دي مع إني حساها مش هتنجح و كمان ممكن سارة متوافقش 
صوت من ورا إنجي: سارة متوافقش علي إيه يا إنجي!!!!!! 
بقلم/ملك أسامه
خلااااص يا عيال البارت خلص خلاااويص لا لسه 😂😂في بارت كمان عشان أنا اتأخرت عليكوا  🤍
أحببت صعيديآ 
البارت الخامس🤍
صوت من ورا إنجي: سارة متوافقش علي إيه يا إنجي 
إنجي بتوتر: هاا لا يا صلاح أنت متعرفش ولا إيه كريم طلب إيد سارة فأنا كنت خايفة متوافقش يعني و كده 
صلاح: ما أكيد مش هتوااافق و أنا مش هوافق أصلا واحد حاول يغتصب قبل كده بنت أختي هوااافق عليه أنتي اتجننتي صح!!! 
إنجي: خلااص يا صلاح خلااص 
صلاح بقرف لكريم: براا 
كريم طلع برا و هو بيغمز لخالته
ملك كانت نازلة و كريم لمحها 
كريم: هاي ملك 
ملك بأبتسامه: هااي كريم في حاجه؟؟؟ 
كريم: لا يعني كنت عايز نتعرف وكده 
أدهم من وراه: مش بتتعرف يا حلو أصلها حبيبه أدهم الدميري مش بتتعرف علي حد غيره و هي مش لحد غيره أصلا 
ملك بأبتسامه: خلاص يا أدهم ممكن نخرج كلنا مع بعض و بالمره نتعرف يعني وكده
أدهم: ن إيه ن إيه لا يا حبيبتي مفيش خروج مع البني آدم ده يلا 
و شدها من إيدها و نزلوا تحت 
كريم في نفسه: هتشوف يا أدهم اللي حبتها كل السنين دي هخليك تكرهها في ثانيه واحده 
نزل هو كمان 
»        «        »         «        » 
تحت كان الكل بيفطر 
ملك: جدو أنا هقول لبابا النهارده علي الخطوبة 
الجد: تمام يابتي جوليله كده و شوفي رأيه برضو 
ملك: أكيد انشاءالله 
أدهم: أنا مسافر الأسبوع الجاي
الجد: الشغل!!! 
أدهم: آه 
الجد: خلاص ربنا يوفجك (يوفقك) يابني 
أدهم أبتسم لجده و كمل أكل 
«       »         «            » 
ملك خلصت و طلعت تكلم والدها
ملك:هاي بابيي اقولك علي مفاجأه؟؟
إبراهيم:قولي يا حبيبتي
ملك:أنا قررت إني مش هرجع فرنسا تاني و كمان أدهم خطبني و بقيت خطيبته رسمي 
إبراهيم اتعصب و قال:إيه الجنان ده يا ملك أنتي اتجننتي هتتجوزي في الصعيد؟؟و من واحد صعيدي كمان؟؟
ملك:مالهم الصعايدة يا بابا فيهم إيه؟؟؟مش فاهمه أنا و إيه يعني لما اتجوز في الصعيد 
أبراهيم:إيه يعني تبقي اتجننتي
أدهم كان سامع الكلام ده و دخل أخد الموبايل من ملك و قال:الصعايدة أحسن ناس و أنت عارف كويس ياعمي و لو مكناش أحسن ناس مكنتش اتجوزت خالتى اولآ بنتك أصلا مش هتتجوز في الصعيد أنا شغلي كله في القاهرة فأكيد مراتي هتعيش معايا ثانيا الصعايدة مفيهمش عيب يعني إحنا مش ناقصين رجل و باقي الناس برجلين لا 
إبراهيم:ملكش دعوه أنت 
أدهم:أنا هبقي جوز بنتك يعني ليا دعوة في أي حاجه تخص بنتك اللي هي هتبقي مراتي 
إبراهيم قفل و أدهم رمي الموبايل علي السرير بزهق 
ملك بضحك:كنت اتكلم صعيدي شكلك بيبقي حلو 
أدهم ضحك عليها و قال:أنتي هبله يا ملك؟؟؟عيزاني أكلم أبوكي صعيدي عشان يفركش الجوازة من أولها ده مش عايز يجوزك في الصعيد أنتي بتتكلمي إزاي بس 
ملك ضحكت بصوت عالي و سكتت 
أدهم بهيام:صوت ضحكتك مسمعهوش غير لياا وبس فاهمه؟؟
ملك بضحك:طيب ما أنا معاك هنا وبس 
أدهم:بس صوت ضحكتك طلع براا ياختي 
و بدأ يقرب منها 
ملك بتوتر:أدهم أبعد بطل جنان 
أدهم و هو بيقرب:أنا بحب الجنان أوي أصلا 
ملك و هي بتبعده بأيدها:أبعد يا أدهم 
أدهم:تؤتؤتؤ مش هبعد 
و بدأ يقرب أكتر 
هدير و هي بتفتح الباب:ملك و سكتت 
أدهم بعد  ملك وهو بيضحك 
هدير بصدمة:أنتوا كنتوا بتعملوا إيه هنا؟؟؟؟
ملك بتوتر:هااا لا والله ما أنا اللي عملت هو اللي عمل 
أدهم:وحياه أمك؟؟؟بتسلميني كده طيب أنا بقي هنزل لجدي و اكلمه عشان أعمل اللي كنت بعمله براحتي بقي و غمز لملك و خرج 
هدير:أنتوا كنتوا بتعملوا إيه؟؟هاا اعترفي
ملك بدأت تتوتر و بتمسك أي حاجه في الأوضة عشان تبعد عن عيون هدير 
هدير:لاااا ياختي أنتي فاكره عشان اللي بتعمليه ده أنا هسيبك تؤتؤ كنتوا بتعملوا إيه يا ملك هنا؟؟؟
ملك بتوتر:مكناش بنعمل حاجه أسكتي بقي 
هدير كانت هتتكلم لكن قاطعها صالح 
صالح:ملك جدو عايزك تحت 
ملك هزت رأسها و نزلت معاه و هدير وراهم 
ملك:نعم يا جدو 
الجد:أنتي جولتي (قولتي)لأبوكي يابتي صح!!!
ملك:أيوة قولتله هو كلمك ولا إيه؟؟
الجد:أيوة كلمني و هو جاي بكراا 
ملك:ليه؟؟؟
الجد:الله أعلم بس هو كان غضبان جدآ 
ملك:متقلقش هو لما هيفهم هيهدي 
أدهم:طيب ياجدي حيث كده بقي أنا عايز أكتب كتابي علي ملك 
الكل اتصدم من اللي بيقوله أدهم 
الجد:إيه اللي بتجوله (بتقوله)ده يابني إزاي مش لما أبوها ييجي ولا إيه 
أدهم:لا ياجدي أنا مش هقدر استني بعد أذنك 
سليم ضحك لأنه فهم أدهم و قال:لا بلاش يا دومي لأحسن أبوها ييجي يقيم الحرب هناا 
الجد:فعلآ يابني بلاش خطوبة وبس لحد ما أبوها ييجي 
ادهم:طيب محدش يلومني بقي 
الكل ضحك و أدهم مشي متعصب هو و سليم 
»         «         »           «           »
اليوم التاني 
كان إبراهيم في البيت و حاضن ملك 
و أدهم قاعد هيموت من الغيرة 
الجد:ها يابني جولت(قولت)إيه بقي؟؟
إبراهيم:أنا آسف بس اناا مش موافق مستحيل أجوز بنتي لحد من الصعيد 
أدهم:مش فااهم يعني إيه حد من الصعيد؟؟هو إحنا بنعض بني ادمين ولا إيه يا جدي
الجد ضحك و مرداش يتكلم لكن المرادي صالح اللي اتكلم
صالح:بص حضرتك أنا معشتش معاك ولا أعرفك و معرفش أنت ليه بتكره الصعيد أوي كده بس صدقني فكرتك عننا غلط تمامآ و لو أنت لسه فاكر الصعيد زي زمان أحب اقولك أنه لا و اللي يثبت ده إن أنا و هدير و كمان سارة بندرس برا الصعيد و بنسافر عادي و أدهم و سليم كذلك كانت دراستهم براا الصعيد يعني الفكر اتغير و العقل اتغير و لو أنت مش موافق بعد الكلام ده فأدهم هيخطف بنتك و يتجوزها وربناا و أنا عارفه أهبل و يعملها (ماشاءالله أهم حاجه الإحترام 😂🦦)
أدهم بهمس:الله يخربيتك ما كنا ماشيين كويس 
إبراهيم:خلاص سبوني يومين كده أفكر و أقول رأي(ما هو هيتجوزها يعني هيتجوزها يافندم😊😂)
الجد:أكيد ياولدي و في اليومين دول هتجعد معانا هنا
إبراهيم:تمام ياعمي
الجد:خدي ابراهيم ياهدي وريله اوضته 
أدهم فهم الجد و قال لملك:تعالي يا ملك عايزك 
و شد ملك و قاموا 
إبراهيم بص لهدي و اتنهد لأنه مكانش عايز يحتك بيها أصلا عشان عارف إيه اللي هيحصل 
هدي:يلاا؟؟
إبراهيم طلع معاها و فتحت الأوضة و هو دخل وقفت علي الباب 
هدي:برضو مش هتقولي طلقتني ليه!!!فات عشر سنين و برضو مش عايز تتكلم 
إبراهيم بتعب:معلش يا هدي أنا تعبان و مش قادر بعد أذنك 
هدي اتنهدت و طلعت 
إبراهيم لنفسه:فعلآ لازم تتجوزه هو اللي هيعرف يحميها من شر إنجي 
دخل أخد دش و نام 
»         «            »           «       
باليل 
كانت ملك مع هدير في اوضتها 
ملك بأبتسامه:هدير أنا قررت أعمل حاجه 
هدير بضحك:استر ياللي بتستر إيه المصيبة أحكي
ملك:ههههه لا متخافيش أنا قررت اتحجب بصراحة 
هدير زغرطت و ملك كتمت بوقها و هي بتضحك 
ملك:بس بس يخربيتك بسسسس 
هدير:أمممم 
ملك شالت إيدها براحة و هدير حضنتها جامد و هي فرحانه 
هدير:أحلي خبر في الدنيا ده أصلا 
ملك:الحمدالله بعد ما أنتي كلمتيني عن الحجاب فأنا قولت ليه متحجبش يعني و كده و كمان بدأت أصلي 
هدير حضنت ملك أكتر و هي فرحانه و ملك قررت إنها هتتحجب من بكرا و هتنزل تجيب الهدوم كلها من بكرا 
و ناموا البنات 
«             »             «              »
أما في مكان تاني كان في خطه شر بتحصل عشان تبعد ملك عن أدهم و للأبد 
«          »           «                »
تاني يوم 
ملك صحيت و لبست دريس من عند هدير و طرحه و نزلت هي و هدير الكل اتفاجئ بملك و بمنظرها الجديد و هدي فرحت و حضنتها و أبراهيم كمان و الكل باركلها و جه دور أدهم 
أدهم بهمس:ملاك يا ناس ملاك 
ملك بخجل:شكرآ 
أدهم بصوت عالي:لااا لو هنفضل نتكسف كده اتجوزها حالا وربنااا (ما تسيب البت تتكسف ياعم في إيييه!😂🦦)
إبراهيم بأبتسامه:أنا موافق لكن خطوبه بس و الفرح لما تتخرج 
أدهم:اه أكون انقرضت أنا بقي ولا إيه!!
إبراهيم:عاجبك ولا لا!!!خلاص مفيش خطوبه 
هدي:لا لا عاجبه طبعآ 
إبراهيم ابتسم و كمل أكل و الكل كمل أكل في فرحه من الخبرين الأجمل من بعض دول
لكن في اللي مضايق طبعآ 
«           »            «              »
في يوم(يوم الخطوبة)
كانت البنات بتجهز و بيرقصوا و الكبار معاهم و أدهم و سليم و صالح برا البيت عشان بيظبطوا الحاجات 
فجأة البنات سمعوا صوت و كان الصوت ده صوت أدهم و هو بيزعق أدهم دخل أوضة ملك من غير استئذان و فجأة من غير مقدمات ضربها بالقلم.....

يُتبع ..

google-playkhamsatmostaqltradent