رواية موسم الحب الفصل الخامس 5 بقلم سلمى تامر

 رواية موسم الحب الفصل الخامس 5 بقلم سلمى تامر

رواية موسم الحب البارت الخامس

رواية موسم الحب الجزء الخامس

رواية موسم الحب الفصل الخامس 5 بقلم سلمى تامر


رواية موسم الحب الحلقة الخامسة 

موسم الحب
حكاية زينه٢
#salma tamer
Part5
•••••^
فالكافيه
خالد اخد بريك من الشغل وقعد جنب مؤمن بتعب
خالد:انا تعبت اوي النهاردة
مؤمن:وانا كمان
خالد:جعان
مؤمن:وانا كمان
خالد:بيتزا؟
مؤمن:وانا كمان
خالد:اشطا 
وقام راح للمحل اللي قصادهم جابلهم اللي عايزينه ورجع تاني
مؤمن شد منه العلبه وقعد ياكل
خالد بسخرية:جاموسه بتطفح مشاء الله ياحبيبي
مؤمن وهو بيمضغ الأكل:بصلي فالأكل بقا ياخالد با ابن ام خالد
خالد شاف ليل معدية وهي شافته وبصتله بغضب 
خالد بإستغراب:ماله ده؟! 
وبص لمؤمن:يخربيييتك خلصت العلبة
مؤمن:ايه ياعم كنت جعان فيه ايه الله؟
خالد بصله بغضب ولمح التليفزيون:الحق ياض اسبونش بوب
مؤمن:اسبونش؟ماعلينا علي الصوت بسرعه
خالد رفع الصوت وقعد جنبه بسرعه
:جاهزون يا اطفال
مؤمن وخالد:سبونچ بوب سكوير بانس
:من يسكن البحر ويحبه الناس؟
مؤمن وخالد:سبونچ بوب سكوير بانس
:لونه اصفر مربع حساس
مؤمن وخالد:سونچ بوب سكوير بانس
سبونچ بوووب سكوييير باااانس
:عوض عليا يارب عوض الصابرين..سايبين شغلكم وبتتفرجوا على كرتون
خالد ومؤمن:لا رد
انس بغضب:متقوم ياض انت وهو
:لا رد
انس بصلهم بغضب وسخرية وسابهم ومشى
**
عنود راحت لماسه :انتي ياحيوانه انتي ازاي تقفي وتتكلمي مع أدهم انتي متعرفيش اني بحبه وبغير عليه
ماسة بتوتر:احنا مكناش بنتكلم هو كان بيساعدني مش أكتر
عنود بشهقة:باختي ياختي بصي الدمعه هترف من عنيا ظلماكي انا يابت ؟
وكملت بحدة:بقولك ايه ياماسة إبعدي عن ادهم احسنلك لانه يخصني
ماسه بدموع:بس انا مقربتش منه والله ده كان بيساعدني
عنود بحده:سمعتي انااا قولت ايه؟اللهم بلغت
انس اللي كان قريب منهم سمعها وبصلها بإستغراب من قوتها وثقتها العالية فإن ادهم ليه
انس بغضب وهمس:البجاحه فأبهى صورها وبصلها بإستحقار وسابها ومشى
**
كنان كان معدي وشاف خالد ومؤمن قاعدين مبرقين عالتليفزيون
كنان بإستغراب:مالهم دول؟!
وهو ماشي وبيبصلهم  خبط فبنت وقعت عالأرض
كنان بأسف:انا اسف جدا جدا جدا مأخدتش بالي منك
حياة بصتله:احم عادي ولا يهمك
كنان وهو بيمدلها ايده:طب تعالي هساعدك
حياة بصت لإيده بإحراج وخجل وحاولت تقوم هي بس إيديها وجعتها
كنان مسك ايديها وساعدها انها تقوم وشاف جرح فإيديها
كنان بأسف:اوبس ايدك انجرحت..تعالي معايا هداويهالك
حياة:خلاص مفيش داعي انا هداوي جرحي بنفسي
كنان:انا اللي اتسببتلك فجرحك يبقى انا اللي هداويه
كنان عقملها جرحها واتأسفلها وهي قبلت اعتذاره واتعرفوا على بعض
**
عند تايجر وزينه
تايجر كان بيراجع الحسابات ومندمج فالشغل وزينه قاعده قصاده وبتبصله بضيق وهو مش شايفها
زينه :اوففف
تايجر:لا رد
زينه بضيق:انت بتتجاهلني صح؟
تايجر:لا رد
زينه ببكاء:عاااا
تايجر بصلها بخضه:ايه في اي؟!
زينه ببكا مصطنع:انت بتتجاهلني؟انت معتبرني هوا؟هو خلاص مبقتش بتحبني ومبقاش يهمك زعلي بقالي ساعة قاعده معاك وانت مش مركز غير فالشغل
تايجر بملل:خلصتي؟سبيني اركز فشغلي بقا
ورجع يكمل مراجعه 
زينه بصتله بصدمه ودموع حقيقية:انت مبقاش يهمك زعلي بجد ياعبد الرحمن!
تايجر بعصبيه:يوووه فيه اي يازينه بطلي دلع وسبيني اركز فشغلي 
زينه بصتله بدموع وسابت المكتب ونزلت
**
مؤمن شاف زينه نازله ودموعها مغرقة وشها جرى عليها بلهفه وقلق:مالك يازينه بتعيطي ليه؟
زينه ببكاء:سبني يامؤمن انا عايزة امشي
مؤمن بخوف:متتكلمي يابنتي مالك فيه اي؟اتخانقتي مع تايجر؟طب تعبانه؟فيكي حاجه..ردي يازينه
زينه عيطت جامد ومؤمن اخدها ودخلو أوضة اللبس 
زينه حضنت مؤمن بدموع
مؤمن بقلق:طب مالك ؟قوليلي طيب
زينه ببكا وحزن:عبد الرحمن مبقاش يحبني 
مؤمن بصدمه:نعم؟مبقاش يحبك ازاي؟ليه هيتجوز عليكي ولا ايه
زينه بصراخ:اخرس قطع لسانك 
مؤمن بخضه:ايه التحويل المفاجئ ده يابنتي فجعتيني..طب قوليلي ايه اللي حصل
زينه ببكاء:مبقاش يحبني ولا بيهمه زعلي وزعقلي يامؤمن انا عايزة اطلق
مؤمن بحنان:طب اهدي ياحبيبتي وانا هطلقك منه 
الباب اتفتح بعنف:تطلقها من مين يروحمك 
زينه بصت لتايجر بحزن وعتاب ودورت وشها
تايجر قرب عليهم وراح لزينه بغضب: انتي هنا وانا قالب الدنيا عليكي وافتكرتك مشيتي بجد وقلبي وقع فرجليا..وبص لمؤمن:اطلع بره يا****
مؤمن :لااا بره اي الكلام ده كان زمان بنتنا عايزة تطلق
:طلقها ياخويا واجوزك ست سته او سيد سيده ست سيده ست ستها
مؤمن بغضب لخالد:وانتو كنتوا تطولو بنتنا بجلالة قدرها تتجوز ابنكم العواطلي  المبرشم
خالد بإستنكار:مبرشم؟؟! ابننا احنا مبرشم طب تعاليلي ياولية
تايجر بصراخ وغضب:بره
مؤمن:جرى ايه يابو نسب اتحولت كده ليه
تايجر وهو بيحاول يتمالك اعصابه:كلمه كمان وهنسى اني اعرفكم وهقتلكم
مؤمن وخالد جروا من قدامه
وهو بص لزينه وقرب عليها بحنان:مالك ياحبيبتي
زينه بدموع:حبيبتك دلوقت؟
تايجر ضحك ومسح دموعها بحنان:اسف اني اتعصبت عليكي بس انتي عارفه ان لما بكون مشغول فحاجه مبشوفش قدامي
زينه ببكاء:انا مش عارفه مالي اليومين دول..كل حاجه فيا متلغبطه..كل شوية ببكي وبتعصب بسرعه وعندي احساس انك هتزهق مني وهتسيبني
تايجر باس دماغها بحنان:قولتلك قبل كده اني مش هزهق منك يازوزة لأنك نفسي ومحدش بيزهق من نفسه..لكن بخصوص اللي بيحصلك ده فهعرفك بليل طالما انتي غبية كده
زينه بلهفه:لأ قولي دلوقتي
تايجر بمكر:امم متأكده
زينه :اه والنبي قولي
تايجر قرب عليها وهمسلها:إنتي حامل يازينه
زينه بصنله بصدمه وحطيت ايديها على بطنها وهو هزلها دماغه بتأكيد وابتسامه حنونه
زينه بصدمه:بس ازاي
تايجر بضحك:هو اي اللي ازاي !
زينه بعدم تصديق:يعني انا هكون ام وهيبقالي طفل منك؟
تايجر بمشاغبة:بصي هو احنا هنستفتح بطفل علشان نشوف عيالنا هيبقى شكلهم ازاي علشان بعد كده انشاء الله دستة دسدتين تلاته اربعه
زينه بصدمه:نعم اي كل ده؟
تايجر بجديه مصطنعه:لو مش حابة تخلفي كل ده براحتك عادي انا هتجوز تلاته تانيين واجيب منهم اللي انا عاوزة
زينه بغضب وهي بتشده من قميصه:نعم ياعنيا انت اتجنيت ياض ولا ايه؟
تايجر بصدمه:ياض!وعنيا؟لا رجعيلي زينه الخجوله انا مبحبش النوع ده من البنات
زينه:والله هو ده بقا النوع اللي عندي وهتستحمله غصب عنك يانمر
تايجر بعشق:انا مستحملك بكل انواعك يازينه..وانتي متضايقه..وانتي عصبية..وانتي مجنونه..وانتي عاقلة..وانتي خجوله..وانتي شرسة..مستحملك وهستحملك يازينه لأني بحبك
زينه بصتله بحب ورمت نفسها فحضنه:وانا بحبك اوي...انا خايفه
تايجر بعدها عنه:خايفه من ايه؟
زينه بدموع:اني مكنش ام كويسه لأبننا وهو يكرهني وميحبنيش وانك تحبه او تحبها اكتر مني
تايجر بصلها وانفجر من الضحك:واضح اني هيكون عندي طفلين مش طفل واحد..متقلقيش يازينه ابننا هنربيه مع بعض وهيطلع احسن واحد فالكون ده كله..وبعدين احبه اكتر منك ازاي يامجنونه؟انا هحبه لأنه ابنك وحتة منك وانتي امه
زينه بصتله بفرحه وحب:انت هتبقى اصغر بابي فمصر
تايجر بضحك:مش للدرجادي يعني فيه اصغر مني وأبهات عادي..بس انتي اللي هتبقي احلى مامي فمصر يعسل انت وغمزلها
زينه بحسرة:عسل ايه ده انا حاسه اني طخينه اوي وبقيت ميت كيلو
تايجر:بدأنا بقا..بصي يازينه انا هستحملك اه وكل حاجه بس ابدأي متأخر شوية شغل الحوامل ده علشان احضر نفسي
زينه:انت بتألس عليا
تايجر بسخريه:وهو انا اقدر؟
زينه بلهفه:طب تعالى نقول لكنان وخالد ومؤمن وادهم ؟
تايجر :اما نتأكد الأول
**
انتشر خبر حمل زينه والفرحه عمت عالمكان وكلهم اهتموا بزينه وأكلها وانبسطوا جدا بأنهم هيذيدو فرد
معادا واحده اتصدمت واتضايقت جدا بس ميأستش وقررت تحاول مع تايجر انه يحبها(ياترى هتعمل اي؟😂)
**
عدى شهر وادهم قلبه اتعلق بماسه وهي بادلته نفس الشعور بس مبينتش وحاولت تداري مشاعرها عليه لأنها عارفه ان عنود بتحبه
خالد ومؤمن اتصاحبوا على حلم وليل وسموهم اسامي رومانسية جميلة(حلمي وابو الليل)
حياة اتقربت من كنان وحبته بس هو مبادلهاش نفس الشعور واعتبرها صاحبته 
**
:اممم كده تمام اوي هاتلي بقا معلومات عن اللي بتحبه ده علشان ابدأ لعب بقا 
وضحكت ضحكه خبيثة ومليانه شر
استووب

لقراءة باقي حلقات الرواية اضغط على (رواية موسم الحب
google-playkhamsatmostaqltradent