رواية احتواء قلب الفصل التاسع عشر 19 بقلم عبير سليم

رواية احتواء قلب الفصل التاسع عشر 19 بقلم عبير سليم

رواية احتواء قلب البارت التاسع عشر

رواية احتواء قلب الجزء التاسع عشر

رواية احتواء قلب الحلقة التاسعة عشر

هههههههه هههههههه هههههههه
كفايه يا نجلا مش قادرة حاسه ان قلبي حيقف من كتر الضحك
نجلا : ده انا لسه مكملتلكيش كمان
جنه : ههههههه لا وربنا ماقادره حرام عليكي هو في اكتر من كده
نجلاء : يااختييي ده انتي سمعتي بس امال لو كنتي حضرتي الموقف كنتي عملتي ايه ده انا اول مره فحياتي اشوف بابا عصبي بالشكل ده
جنه : جننتوا اونكل حرام عليكم اللي انا بس مستغرباه ان فهد عقل الدنيا كله فيه وبيتكلم بمنتهى العقل والرزانه والحكمه ده شايل الشركه عندنا و عند باشمهندس يونس بمنتهى الكفاءة ومعندهوش هزار في الشغل ازاي يطلع منه كل ده
نجلاء : معرفش يا جنه معرفش
جنه : طب كملي وبعد كده ايه اللي حصل اونكل صلاح مهداش شويه
نجلاء : يهدى فين والمج.. نون ده كل ما ييجي يكحلها يعميها
ده يا دوب بابا بيقوله لاء انا مش موافق عليك وراح فهد يقولله : ليه يا عمي بس هو انا عملت ايه عشان متوافقش علية ده انا جاي من القاهره على ملا وشي
صلاح : وايه اللي جابك على ملا وشك ماكنت خليك هناك وريح نفسك وريحنا
فهد : يعني حضرتك عاوزني اعرف ان في عريس متقدم لها واسكت كان لازم الحق طبعا قبل ما حاجه تحصل ونروح كلنا فداهيه
صلاح : داهية ايه دي اللي حتروحوا فيها ده انا اللي حروح فيك فداهيه ان شاء الله انت عاوز ايه مننا يابني صحيح ياقاعدين يكفيكوا شر الجايين انت مالك انت جايلها عريس واللا لاء طب ايه رايك بقى بالعند فيك اني حوافق عليه
فهد : بس انا مش موافق
صلاح : شايف البحر اللي تحت ده انزل اشرب منه
انت مين انت عشان توافق واللا متوافقش لا كده كتير وربنا انا مش قادر استوعب انك انت اللي كنت ماسك قضية جنه ازاي استئمنتك على روحها الحمد لله انك موصلتهاش لحبل المش.. نقه
نجلاء : لا والله يا بابا ده فهد محامي كويس وشاطر انا مش عارفه ايه اللي حصلله ده الفيوزات عنده ضربت يا عيني
فهد : جتك ضربه ما هو كله منك قلتلك خليكي معايا انتي اللي صممتي ترجعي
صلاح وهو بيمسك فيه : تخليها معاك فين انت بتقول ايه انا شكلي حرتكب جنايه النهارده
نجلاء وهي في بتحاول تخلص بينهم : اهدى يا بابا عشان خاطري وربنا حضرتك فاهم غلط هو ميقصدش حاجه
فهد : والله يا عمي انا مقصدش حاجه غلط انا اقصد اني كنت عاوزها تفضل معانا في القاهره وتشتغل معايا في المكتب
صلاح : ده على اساس ان ملهاش كبير مش كده انت فاكرها سايبه واللا سايبه ده انت ليلتك سوده
فهد : اسود من كده اتكلمي يا بني ادمه
نجلاء : بابا عشان خاطري يا بابا مينفعش كده ده مهما كان في بيتنا ميصحش كده يا بابا
يسيبه صلاح ويستغفر ربنا : استغفر الله العظيم ياربي
بص يا استاذ فهد انا بنتي أتقدم لها عريس وانا وافقت عليه خلاص والموضوع منتهي وتقدر حضرتك زي ما تعبت نفسك وجيت ترجع تاني
فهد : بالبساطه دي وانتي موافقه عالكلام ده
نجلاء : انت عاوز ايه يا فهد مني انت جاي ورايا هنا ليه بابا قال اللي عنده وانا موافقه على كل اللي بابا قال عليه خلاص ارتحت كده
فهد : لا ما ارتحتش يا نجلاء عمي الله يخليك اهدى كده وخلينا نتكلم بالعقل
صلاح : وانت خليت فية عقل حرام عليك يابني انا راجل كبير وعندي القلب بص يابني اخر كلام عندي انا معنديش بنات للجواز واتفضل من غير مطرود ياللا وصللي الأستاذ للباب انا عندي علاج الله يخرببيت المحاماه عاليوم اللي طلعتي فيه محاميه ويسيبه ويدخل اوضته
فهد : ماشي يا عمي شكرا عن اذنكم
تجري نجلاء وراه : يا فهد استنى يا فهد
يخرج فهد من الشقه : خير يا نجلاء
نجلاء : وانت ييجي من وراك خير
فهد : أنا ميجيش من ورايا خير ليه ده انا جاي ادخل البيت من بابه لا لفيت ولا دورت زي ما كتير بيعمل يبقى ده جزائي اتبهدل كده فبيتكم يا نجلاء يرضيكي اللي باباكي عمله ده فية ده انا لو جاي اشحت مكنش حيعمل معايا كده
نجلاء : يا سلام على اساس انك معكتش الدنيا جوة ده انت جننت بابا وحسسته ان في بيننا حاجه
فهد : مش اول مره أتقدم لوحده ومتلغبط انا جاي طول الطريق بحفظ نفسي حقول ايه عكيت الدنيا عارف بس المفروض هو يحتوي الموقف اكتر من كده
وبعدين افرضي في بيننا حاجه وايه المشكله مانا جاي اهوه اتنيل واتقدم
نجلاء : بعد ايه ان شاء الله
فهد : بعد ما سبتيني وجيتي يا فالحه
نجلاء : فهد متستهبلش انت مش فاكر اللي كنت بتعمله معايا والطريقه اللي كنت بتعاملني بيها وجاي تقول تتقدملي ده على اساس ايه ان شاء الله
فهد : على اساس إنك حم.. اره وغب.. يه ومبتفهميش
نجلاء : فهد احترم نفسك انت مفيش فايده فيك ابدا وحلال فيك اللي بابا عمله معاك
فهد : يا تحفه افهمي ده انا كنت بناغشك عاوز اجر شكلك بحب اشوفك وانتي متعصبه ومتنرفزة شكلك وانتي بتزعقي ووانتي مقموصه زي العيال الصغيره بيبقي زي القمر كنتي بتجننيني بشقاوتك وعسلك يخرببيت فقرك
نجلاء : فهد انت بتقول ايه
فهد : بقول اني بحبك يا مج. نونه بم.. وت فيكي يا هبله بحبك كلك على بعضك بسلطاتك وبابا غنوجك
نجلاء : امممممم وبعدين بقى
فهد : حقك علية يا نجلا لو كنت ضايقتك مني أو زعلتك من غير قصد والله ما اقصد ده انتي من يوم ما سيبتيني ومشيتي وانا حاسس اني يتيم من غيرك يومي فاضي مش عارف اشتغل طول الوقت فبالي وعقلي مبتغيبيش عني لحظه جننيتيني يا بت المجانين
نجلاء : احترم نفسك يا فهد
فهد وهو بيبتسم ليها : وحشتيني
نجلاء بفرحه : بجد
فهد : اقسم بالله وحشتيني بشكل يخرببيتك على بيت معرفتك السوده طيرتي النوم من عيني و طيرتي معاه البرج اللي فاضل في دماغي
نجلاء هو انا وحشتك زي ما انتي وحشتيني
نجلاء : بصراحه ايوة وحشتني
فهد : طب انتي بتحبيني زي ما بحبك
نجلاء : معرفش وياللا امشي بقى
فهد : والله ما حتتعتع من هنا غير لما تنطقيها واسمعها منك
نجلاء : فهد الله يخليك بابا لو طلعلنا حيرمينا احنا الاتنين في البحر
فهد : هو ده الكلام
نجلاء : ههههههه مجنون وربنا
فهد :يادين النبي أيوة بقى
نجلاء : بس يخرببيتك حتفضحنا
فهد : طب قوليها بقى
نجلاء : معرفش يا فهد انا حسه اني متلغبطه انا اصلا لسه مش مستوعبه ان كل ده حصل وانك جيت واتخانقت مع بابا وطردك
فصعب اني اجاوبك على أي سؤال دلوقتي
فهد : طب انتي كنتي ممكن توافقي عالعريس اللي جالك ده
نجلاء : مش عارفه والله يا فهد
فهد :نجلا عشان خاطري اوعي تخللي باباكي يعمل اي حاجه قبل ما ارجعله
نجلاء : انت حتسافر
فهد : اسافر فين انتي مج.. نونه انا قاعد مش حسافر غير وانتي خطيبتي مراتي بصي اقل حاجه اكون كاتب كتابي عليكي اه اصل باباكي ده مضمنهوش الصراحه
نجلاء : فهد اتلم ده بابا
فهد : مشوفتيهوش عمل معايا ايه
نجلاء : مش من عمايلك عمال تعك في الكلام ومش عارف تعمل فرامل على كلامك ده انت خرجته عن شعوره
فهد : هي جت كده بس باباكي عصبي اوي شكلنا كده مش حنتفق مع بعض
نجلاء : طب وربنا بابا ده عسل بس انت زودتها يا فهد
فهد : نجلاء انا عاوز أسألك سؤال قبل ماانزل
نجلاء : خير اخلص الجيران حيقولوا ايه
فهد : هي مامتك فين انا عاوز اعرف كانت فين من المهرجان اللي احنا كنا فيه ده
نجلاء : مش هنا مش موجوده راحت تزور حد قريبنا
فهد : طب هي ليها سلطه على باباكي يعني واللا ايه حتنفعنا و تقف معانا و اللا ايه وضعها في الليله دي
نجلاء : بص على حسب اوقات بتعرف تظبط بابا و اوقات هي نفسها بتخاف منه
فهد : آه إذا كنت انا نفسي خفت منه أبوكي ده ملوش حل هو مش قصير بس جبار
نجلاء : فهد احترم نفسك
تسمع باباها بينده بصوت عالي تقفل في وشه الباب وتجري على جوة
😂بس يا ستي هو ده اللي حصل وهو نزل ومعرفش حتى راح فين
جنه : هههههه حتلاقيه راح يبات في فندق اكيد المهم طنط فاديه عرفت
نجلاء : أيوة جت من شويه وبابا حكالها بالحرف اللي حصل ولما حاولت اتكلم زعق فية وماما مردتش تتكلم قالت لما يهدى شويه
المشكله اني مش عارفه حاجه عن فهد من وقت ما نزل ولا حتى اتصل علية انا خايفه يا جنه ده مج.. نون خايفه يعمل حاجه يبوظ بيها الدنيا اكتر ما هيا بايظه
جنه : لا اطمني اكيد حيحاول يثبت لاونكل عكس الصورة اللي اخدها عنه
بس انتي حكيتيلي المشهد كله ومقولتليش اهم حاجه انتي يا نجلا كان احساسك ايه اول ما شفتيه ادامك و لما قال انه عاوز يخطبك حسيتي بإيه احكيلي يا نجلا
نجلاء : انتي عارفه يا جنه اني هو اصلا كان فبالي وقت ما جه اه وربنا كنت بفكر فيه كنت حسه انه وحشني كنت بفتكر كل المواقف اللي حصلت بيننا واول ما فتحت الباب ولقيته ادامي كنت حسه ان قلبي بيدق جامد واني بحلم بس بعد ما دخل واتكلم حسيت انه كابوس مش حلم بس برغم انه عك الدنيا و رفع لبابا الضغط إلا أني كنت مبسوطه اوي احساسي انه جه يجري اول ما عرف ان في عريس متقدملي فرحني اوي بس تصدقي صعب علية بابا بهدله يا عيني وطفشه هههههههه
جنه : عشان بعد كده تبقي تسمعي الكلام قلتلك بيحبك كان باين عليه يا بنتي طب انتي عارفه انه بعد ما مشى من عندنا هادي قاللنا ان جاسر هو كمان اخد باله انه بيحبك
نجلاء : معقوله جاسر
جنه : أيوة أصله على رأي هادي مفضوح
بتحبيه يا نجلا
نجلاء : أيوة يا جنه الصراحه بحبه المج.. نون ده
جنه : اخيرا اخدتي بالك انه بيحبك
نجلاء : ههههههه وانتي يا جنه مش واخده بالك ان هادي بيحبك
جنه : حسه يا نجلا والله بحبه لية وخوفه علية بس طول ما هو مش عاوز يتكلم مش عاوزة اعشم نفسي بحاجه عشان متوجعش
نجلاء : سلامتك من الوجع يا حبيبتي ان شاء الله حتلاقيه راكع ادامك بيقولك قولي احبك كي تزيد وسامتي فبغير حبك لا أكون جميلا
انا عاوزة افهم ليه من غير حبها مش حيكون وسيم هي اللي كان بيحبها دي كان عندها صالون حلاقه للرجال واللا ايه
جنه : ههههههه ههههههه اقسم بالله انتي وفهد لايقين على بعض وتستاهلوا اللي عمله فيكم اونكل
نجلاء : فهد يا ترى انت فين يا فهد
😂قاعد عالبحر يا حبيبي بس مش عاوز اقولك القاعده تحفه هوا البحر يجنن
هادي : ههههههه وانت ليك نفس تقعد عالبحر ده بعد اللي اتعمل فيك المفروض دلوقتي تقعد تغني ظلموه
فهد : ولما اغني ظلموه يبقى لزمتكوا ايه فحياتي ان شاء الله
هادي : اللي هو مين يعني
فهد : حضرتك وجنه و بشمهندس يونس و البشمهندسه اسماء
هادي : وباباك و مامتك نسيتهم
فهد : هما اللي نسيوني يا غالي العالم دول انا شاكك اني ابنهم اساسا عايشين دور روميو وجولييت و بيعملوا شهر عسل من اول وجديد وسايبينني كده
هادي : وانت كنت قلتلهم وهما قصروا
فهد : الصراحه لاء
هادي :يبقى تخرس
فهد : حاضر المهم انتوا تيجوا محدش حيعدل صورتي أدامهم ويخللوه يرجع في كلامه غيركم
هادي : طب افرض صمم عاللي فدماغه
فهد : لا ده علية وعلى اعدا.. ئي هادي الله يخليك انا اخوك حبيبك الصبح تكونوا كلكم في اسكندريه دي مسألة حياه او مو.. ت
هادي : ههههههه حاضر والله حتصل عليهم وابلغهم اللي حصل وربنا يستر وانت يابني حتتعب كده قوم شوفلك اي مكان بات وليها رب يدبرها
فهد : ماشي حروح ابات في أي أوتيل بس تفتكر حيجيلي نوم
هادي : هههههه حتنام يا فهد اللي ربا خير من اللي اشترا يا حبيبي ياللا سلام
يتصل هادي على يونس وأسماء ويحكيلهم اللي حصل وطبعا يضحكوا على اللي حصل ويتصل على جنه ويفضل يتكلم معاها طول الليل مش هاين عليه يقفل معاها السكه بيتنقل من موضوع لموضوع صوتها بالنسبه له كان زي صوت كروان في وقت السحر زي صوت خرير الماء وهو بيغمر ارض صحراء جدباء مشتاقة لنقطة مياه زي صوت كمانجه بتعزف احلى وأعذب الألحان فضلوا يتكلموا لحد ما سمعوا صوت أذان الفجر قفل معاها وهو بياخد نفسه كأنه كان بيجري أميال وهي مكنتش اقل منه و كل واحد فيهم قام يتوضا ويصللي على وعد بلقاء الصبح عشان يسافروا كلهم اسكندريه
وجه النهار واستعدوا كلهم للسفر يونس وأسماء فعربيتهم اما هادي اخد جنه معاه في عربيته وطول الطريق بيتكلموا سوا لحد ما وصلوا اسكندريه وطبعا كانت جنه بلغت نجلاء وهيا بلغت باباها ومامتها واول ما وصلوا لقوا فهد قاعد في عربيته ادام باب العماره منتظرهم وسلم عليهم :
معلش تعبتكم معايا حقكم علية
يونس : واحنا حنتعب لأعز منك يا فهد بس ربنا يستر ويعديها على خير
فهد : يارب بص يا بشمهندس انا عاوزك تتكلم مرة واحده بسرعه عشان ابوها بيعلق على كل حرف وبياخد الكلام بمعنى تاني خالص
هادي : اهم حاجه انت متتكلمش نهائي سيبنا احنا نتكلم
فهد : اتكلم ده انت طيب اوي قول انت بس يرضى يدخلني معاكم ده اول ما حيشوفني مش بعيد يمنعني من الدخول
اسماء : هههههه لا حنخليه يدخلك بس انت متتكلمش
يطلعوا كلهم ويرنوا الجرس : بابا عشان خاطري يا حبيبي اهدى الله يخليك
صلاح : الصبر من عندك يارب عديني خليني اروح افتح الباب
يفتحلهم صلاح الباب و ياخد جنه فحضنه ويسلم عليها ماهي متربيه فبيتهم مع نجلاء و بالنسبه له زي نجلاء : وحشتيني يا حبيبتي
نجلاء : حضرتك اللي وحشتني اوي يا اونكل
يسلم على يونس وهادي وأسماء وييجي الدور على فهد : استغفر الله العظيم ياربي
جنه : اونكل والله حضرتك فهمت فهد غلط ممكن بس تسمحله يتكلم معاك بالراحه
صلاح : لاء يا جنه انا حسمحله يدخل بس عشان هو معاكم لكن قسما بالله لو سمعت صوته و اللا فتح بؤه بكلمه ما حيحصل كويس
فهد : ليه بس كده يا عمي ده انا جاي فخير
صلاح : لا خير ولا شر انا مش عاوز اسمعلك حس تقعد و متتنفسش
هادي : اسكت بقى متعصبهوش
اتفضلوا يا جماعه منورينا والله
تخرج ليهم فاديه مامت نجلاء : اهلا وسهلا يا جماعه نورتوا تاخد جنه فحضنها وتفضل تبوس فيها وتحضنها بشده وتسلم عليهم كلهم : اسكندريه نورت والله يا جماعه
اسماء : منورة بيكي يا حبيبتي
يونس : استاذ صلاح بعد اذنك احنا جايين نصلح سوء التفاهم اللي حصل بينك وبين فهد
حضرتك متعرفش فهد والله ده انسان محترم وعلى خلق هو بس خانه التعبير مش اكتر
صلاح : كل اللي قاله وخانه التعبير ده معندوش ريحة التعبير ده بيقف ازاي في المحكمه ده ويدافع عن الناس
فهد : شايف جر الشكل
هادي : فهد اسكت خالص الله يخليك عشان يومك يعدي على خير
يتكلم يونس معاه بالحكمه والعقل وتؤيده اسماء في الكلام وجنه تصدق على كلامهم وييجي هادي يتكلم : معلش يا بني هو صحيح شكلك ابن ناس بس واضح انكم صحاب وعلى رأي المثل مين يشهد للعروسه
فهد : شفت بقى اهوه حضرتك قلتها بلسانك اهوه عريس وعروسه بشرة خير اهيه يا جماعه
صلاح : هو انت مين سمحلك تتكلم
هادي : اسكت انت شفت قلتلك بلاش اتكلم انا شهادتي مجروحه
فهد : شهادة ايه و مجروحة ايه هو احنا فمحكمه ده ناقص يحطنا فزنزانه و نشوفلنا محامي انا ساكت عليه عشان خاطر الزفته دي لولا كده كنت بص
هادي : اسكت شويه بقى
يبص له يونس فيسكت ويكمل يونس كلامه ويفهمه وضع فهد واخلاقه وأهله
هاه قلت ايه بقى حضرتك
صلاح: طب معلش يعني هو فين اهله يعني لا شفت والده ولا والدته هما ماجوش ليه هما كمان
ييجي فهد يتكلم يتكلم يونس هو : باباه تعبان شويه و مامته قاعده معاه والمشوار بعيد عليه واحنا قلنا نيجي احنا مكانه احنا كلنا نعتبر اهل احنا عشرة سنين وهما ان شاء الله اكيد حيكونوا موجودين بعد كده ان شاء الله
صلاح : لاهو في بعد كده
جنه : ايوة طبعا يا اونكل لما نيجي يوم الخطوبه ان شاء الله هاه يا اونكل قلت ايه وافق بقى يا اونكل والله العظيم فهد كويس وبيحب نجلاء وحيشيلها فعنيه
فهد : بحبها اوي والله
يبص له صلاح فيخاف فهد ويسكت
فاديه : صلاح عشان خاطر بنتك توافق فهد شكله طيب وابن حلال متزعلهمش بقى
كلهم يحاصروه ويضغطوا عليه لحد ما يرد عليهم : موافق
يقوم فهد و يمسك راسه ويفضل يبوسه لدرجة انه يعصبه : يا حبيبي يا عمي ربنا يخليك يا رب
صلاح : خلاص امشي بقى
بس بشرط
صلاح : مامته وباباه لازم اشوفهم واتعرف عليهم قبل أي حاجه
فهد : بس كده بكرة حيكونوا هنا
صلاح : مش بتقول ان والدك تعبان
فهد : هو من ناحية تعبان تعبان ده انا خايف من كتر التعب امي تيجي حامل و تبقى فضيحه بجلاجل
صلاح : انت بتقول ايه
فهد : بقول لا هو حتى لو تعبان حيخف اول ما يعرف اني عاوز اخطب
صلاح : خلاص يبقى لما والدك صحته تبقى كويسه تيجوا و نتفق
فهد : الحقني يا بشمهندس انا عاوز اقرا فاتحه على جثتي اني امشي قبل مل أقرا فاتحتها
يونس : تعرف تخرس قبل ما احنا اللي شكلنا حنقرا عليك الفاتحه دلوقتي
أستاذ صلاح طلباتكم اوامر بس الله يخليك تريحه عشان هو ممكن يجراله حاجه لو مشى من غير ما يطمن
ممكن بس نقرا الفاتحه لحد ما باباه ييجي ان شاء الله
يفضلوا كلهم يتحايلوا عليه لحد ما يضطر ابوها انه يوافق و يقروا الفاتحه و كلهم يباركولهم. ويهنوهم و فهد مش مصدق نفسه
وصمم فهد ينزل هو ونجلاء و نزلوا معاهم كلهم عشان يشتروا لها حاجه جابلها خاتم و اسورة و سلسله رقيقه وقعدوا فمكان مع بعض كلهم وعزمهم فهد عالغدا لكن صمم صلاح انه هو اللي يحاسب على اعتبار انهم ضيوفهم في اسكندرية ولما حاول فهد يعترض نظره واحده من صلاح كانت كفيله انها تخليه مينطقش
قضوا اليوم كله عالبحر و بعد كده راحوا يباتوا في فندق اما جنه فباتت عند نجلاء و طول الليل يتكلموا و هادي وفهد هما كمان طول الليل يتكلموا و الصبح راحوا اخدوا جنه و سافروا رجعوا تعبانين و بكده يبقى جنه و هادي بقالهم يومين مراحوش الشركه
وجه اليوم اللي بعده واللي هادي و جنه نازلين فيه الشركه و كان هادي تعب خلاص و قرر انه لازم يفاتح جنه و يعترف لها بحبه خصوصا انه بقى متأكد من حبها ليه فقرر انه يتكلم معاها و يحكيلها على كل حاجه تخص حياته و يسيب لها حرية الاختيار كان حاسس انه داخل أصعب امتحان في حياته و بيدعي ربنا من كل قلبه انه ميبعدهوش عنها و أنه يجبر بخاطره
يوصل الشركه و يلاقيها منتظراه زي عادتها و كانت في ابهى حلتها كانت لابسه فستان سماوي رقيق وبسيط و حجاب في ألوان هاديه ورقيقه وجهها خالي من مساحيق التجميل لكن جمالها طغى على كل شئ اتنهد اول ما شافها وهي قلبها كان بيرفرف من السعاده قرب منها : صباح الخير يا جنه
جنه بابتسامه تدوب القلوب : صباح النور يا هادي
هادي : هو انا لو قلتلك عاوز اقعد معاكي فمكان هادي بعد الشغل توافقي محتاج اتكلم معاكي ضروري
جنه : ماشي
يفرح هادي اوي : تمام و انا حستنى اليوم ينتهي بفارغ الصبر
جنه : طب اجيبلك الفاكسات
هادي : ماشي
يدخل هادي و جنه فرحتها ملهاش حدود قلبها كان بيدق بسرعه اوي و حسه ان طبول السعاده بتدق على أبوابها
تجيلها همسه و تسلم عليها و تسالها عن غيابها اليومين دول و تحكيلها انهم كانوا بيخطبوا لفهد و همسه تفرح عشانه اوي و تدخل لهادي تقدم له الأوراق و هادي يقولها انه نوى يفاتح جنه و يحكيلها عن كل حاجه و تفرح همسه عشانهم و تخرج و تقابل ميار وهي رايحه مكتبها : ازيك يا همسه
همسه : الحمد لله بخير
ميار : وذكرى عامله ايه تعرفي انها طلعت قليلة الأصل اوي من وقت ما اتطلقت من هادي و هي مبقتش بتعبر
همسه : انا مليش دعوة بحد و علاقتكم ببعض مليش دعوة بيها عن اذنك
ميار : طب قوليلي هو هادي و اللي اسمها جنه دي بقالهم يومين مختفيين فين
همسه : والله اهم عندك روحي اساليهم كانوا فين
ميار : يعني انتي مش عارفه ده انا حتى ملاحظه انك ضاربه صحوبيه معاها واقطع دراعي اما كنتي عارفه كل حاجه
همسه : ميار انا عندي شغل و مش فاضيالك عن اذنك
تسيبها همسه و تتحرك من ادامها اما ميار تكلم نفسها : لا مانا مخلصش من ذكرى عشان تطلعيلي انتي كمان يا ست جنه و حياتك لامشيك من الشركه حيكون على أيدي و هادي مش حيكون لحد غيري
تروح لجنه : عاوزة ادخل لأستاذ هادي
جنه : اتفضلي
تدخل له مكتبه ويكون واقف جنب الدولاب بياخد منه ملفات : صباح الخير يا استاذ هادي حمد الله على سلامتك
هادي : الله يسلمك يا ميار
ميار : كده بردو تغيب عن الشركه من غير ما تقول
هادي : نعم و هو انا المفروض اخد الإذن و اللا إيه
ميار : لا طبعا مقصدش بس قصدي ان الشركه اليومين اللي فاتوا كانت وحشه اوي من غيرك انا مكنتش عارفه اشتغل ولا قادرة اركز وانا حسه انك مش موجود في المكان
هادي : وده من ايه ان شاء الله
ميار و هي بتحاول تقرب منه بشكل كبير : يعني انت مش عارف يا هادي معقوله كل ده و مش حاسس بية ولا حاسس باحساسي ناحيتك
هادي وهو بيبعد عنها : ميار انتي اتجننتي و اللا إيه
ميار : اتجننت عشان بدافع عن حقي فيك و حبي ليك يا هادي
هادي : ميار اتفضلي اخرجي برة
ميار : اخرج برة ليه عشان بقولك اني بحبك هادي انت ليه مش عاوز تشوفني ليه مش قادر نشوف اللي طول عمرها بتحبك و تتمنى اشاره منك انا عارفه انك خايف عشان تجربتك مع ذكرى لكن اطمن انا غيرها خالص انا بحبك يا هادي و مش من دلوقتى لاء ده من زمان اوي بس انت اللي عنيك مكنتش شايفه غير واحده مبتحبش غير مصلحتها وبس كانت معاك لما كانت مصلحتها معاك واول ما لقت مصلحتها مع غيرك سابتك و راحتله
هادي : انتي بتقولي ايه يا مج. نونه انتي
ميار : بقولك اللي انت متعرفهوش ذكرى لما سابتك مكنش عشان موضوع نسبك لاء دي كانت حجه عشان تسيبك بيها هي سابتك عشان لقت حضن غيرك حيحققلها كل أحلامها يا هادي
وعارف مين اللي سابتك عشانه طليق اللي قاعده برة دي ايوة سابتك و راحتله يعني كانت معاك و معاه في نفس الوقت و انا حاولت افهمك كتير و انت مكنتش عاوز تفهم
هادي : و هيا مبقتش فحياتي خلاص و تعمل اللي تعمله ميهمنيش
ميار : و اللي برة دي تهمك يا هادي و اللا متهمكش هو انت ليه دايما بتبص للجرابيع مرة تبص لواحده مصلحجيه واطيه بتعبد القرش وتبيع نفسها للي يدفع اكتر و التانيه رد سجون و كان مقبوض عليها فقضية ق.. تل و الكل عارف أبعاد القضيه وانها كانت في بيت القت.. يل وقت اللي حصل و الله اعلم كان بينهم ايه و علاقتهم ببعض ايه
هادي وهو بيزقها : اطلعي برة برة
ميار : لاء مش حطلع يا هادي انا فرطت فيك مرة لكن المرة دي حدافع عنك بكل قوتي ومش حسيبك مهما حصل معقوله محبتنيش معقوله محستش بحبي ليك السنين دي كلها بس دي مكنتش غلطتك لوحدك دي غلطتي قبلك اني مفهمتكش كل حاجه من الأول لكن خلاص كل حاجه حتتصلح و حنبقى مع بعض
هادي : انتي مبتفهميش برة قلتلك برة يا ميار مش عاوز اشوفك لا هنا و لافي الشركه كلها انتي فاهمه
ميار : لاء يا هادي مش حطلع برة وانت اللي لازم تفهم مش انا لازم تفهم كل اللي حواليك مش كل واحده ترسم عليك الطيبه و الحنيه تصدقها وهما كلهم بيمثلوا عليك عشان يوصلولك باي شكل ومش شايف اللي عمرها ما طلبت منك حاجه و لا اتمنت غير وجودك جمبها وبس
في ايه يا هادي مالك ايه اللي بيحصل معاك ده معقوله تسيب بنت الاصول اللي بتحبك و طول عمرها رهن اشاره منك لا يهمها اصلك و لا فصلك و تبص لدول واحده خا.. ينه و التانيه قت.. الة قت. لة فوق بقى يا هادي قبل ما تضيع نفسك تاني انت مبتتعلمش
ميحسش بنفسه غير و ايده بتترفع و بتنزل بقلم على وشها و فجأة يتفتح عليهم الباب…

يتبع….

لقراءة الفصل التالي : اضغط هنا

لقراءة باقي حلقات الرواية اضغط على : (رواية احتواء قلب)