رواية ندبة الحب الفصل الثاني 2 بقلم زينب محمد

 رواية ندبة الحب الفصل الثاني 2 بقلم زينب محمد

 رواية ندبة الحب البارت الثاني

 رواية ندبة الحب الجزء الثاني

رواية ندبة الحب الفصل الثاني 2 بقلم زينب محمد

 رواية ندبة الحب الحلقة الثانية

#ندبة_حب ❤! 
#البارت التانى والاخير 
-محمد تفتكر حد فهم حاجة 
-‏"ضحك" لا دول شايلين مخهم ومعرفش حطين بدالة اية 
-‏"بضحك" حصل 
-‏طب اى بقا هنعمل اى 
-‏تعالى نروح نجيب الفستان الاول 
-‏"بفرحة" اشطاا هنقى سوا هيبقا جامد 
-‏"اخدت على قفايا " يبت بكلم واحد صاحبى اشمعنا انا الوحيد الى بتكلمنى كدا
-‏"بتذمر" الحق عليا انى مميزاك عنهم 
-‏طب خلصى يلاا اطلعى البسى وانا هستاذن من عمى ونروح نشترى 
-‏"بتذكر" صحيح جبت الخاتم
-‏طبعا ودا يتنسى
-‏"بفضول" طب وريهولى بالله هاا بقا يلااا
-‏"بابتسامة" دا مفجأة
-‏"بقرف" والله افشكل كل دا هالحين
-‏زينة بقا... يلا انجزى مقدمناش كتيرر 
-‏"بفرحة" حااضر 
"مسك الموبايل وبعت مسدج لحد وابتسم..... طلعت لبست بسرعة ونزلة بتتنط عشان بحب اتتنط اوى هى حاجة غبية وبتخلى شكلى غبى بس بحبها بالظبط زى حبى لمحمد كدا غبى وهيجلطنى قريب بس اعمل اى بحبة روحنا وجلطنى عشان ننقى فستان" 
-"بزهق" محمااا اخلص انا زهقت بجد والله دا هيبقا حلو اوى
-‏زينة انا عايز احلى حاجة الاميرة لازم تكون مميزة عن الكل
-‏"ابتسمت" طب انجز بقا عشان والله تعبت
-‏"بضحك" دا انا ول مرة اشوف الراجل هو الى بينقى ويتعب وانتى الى زهقانة وعايزاة نروح
-‏"بضحك" نحن نختلف عن الاخرون يستاا
-‏"بقرف" يستاا.... طب اخلصى ياختى 
-‏"بضحك" نقى انتا انا زهقت
-‏كسلية اوى 
-‏انجزززز 
"فضل ينقى ويشيل فى دا ودا لحد ما اخيرااا اقتنع بحاجة جية عشان يورينى الفستان وانا كنت منبهرة كان بيبى بلو نازل بكذا طبقة وفية حبات زى اللؤلؤ بتزينة كان بسيط ومن كتر بساطتة يخطف القلب كنت مبسوطة اوى وهو كان فرحان...واحنا مروحين جبنا ايس كريم لاننا احنا الاتنين بنعشقة كنا داخلين البيت بنضحك ووشنا متبهدل من الايس كريم وكانوا كلهم قاعدين فى الصالون اول مشافوا منظرنا فضلوا يضحكوا علينا"
-"اتكلمت وانا بكمل اكل" اى يجدعان اول مرة تشوفوا ايس كريم
-‏"بابا رد" لا اول مرة اشوف اتنين هبل
-‏"ضحكت وشاورت على محمد" الحق بيقول عليك اهبل 
-‏"ضحك وشاور عليا" بيقول عليكى انتى كمان على فكرة 
-‏"ماما" مشوفتش اغبى منكوا...الله يكون فى عونهم
-‏"انا ومحمد واحنا بنبتسم بفخر وقمنا مشوحين بايدينا كدا " انا دا يبختهم " وطبعا كنا ماسكين الايس كريم ولطخنا بية وش بعض وكان شكلنا غبى اوى" 
-"زين اتكلم " لا مهو اضح فعلا..... مستقبلكوا مبهر انا شايفكوا فى عنبر واحد فى العباسية 
-‏"محمد اتكلم بضحك" ومالوا مش مع بعض 
‏"هو اساسا كان الكل فاطس على نفسة من الضحك ومحدش واخد بالة.. زين قام ومشى هو وجدة عشان يقعدوا فى الجنينة دخلت غيرت الهدوم الى اتبهدلت وخرجت برة عشان اروح لنور "
-زينة... يا زوزو
-‏"التفت لقيت جد زين بينادى عليا ابتسمت" القمر بينادى عليا مرة واحداة ياااة على حظك يبت يا زينة
-‏"ضحك" تعالى اقعدى معايا شوية يا بكاشة 
-‏اومال فين دكتور زين
-‏"باستغراب" بتحترمية اوى 
-‏"بضحك" لا مهو انتا متعرفش انا عملت فية اية 
-‏اوباا لا دانتى تحكيلى 
"قعدت احكيلة كل حاجة وهو مش قادر من كتر الضحك... كنت لسة قايمة بسرعة عشان اجيب ماية لقيت زين بيمد ايدة لجدة بالماية وانا بلف قمت واقعة عليا مغرقانى"
-‏عاااا ياااخى حسبى الله 
-‏انتى الى التفتى على فكرة 
-‏وانتا الى جيت بسرعة ووقعتها عليا
-‏انتى الى غلطانة 
-‏لا انتااا.... 
-‏بس انتا وهى ناقر ونقير اى يبنى دا انتا كنت عاقل الى الى حصلك 
-‏ودى حد بيتعامل معاها وبيفضل عاقل
-‏انا اعترض اساسا تلاقيك كنت تافهة بس مكنتش لاقى حد يجاريك 
-‏"بصدمة" انا يبنتى..اسالى جدى بس كدا دانا اعقل منك بمراحل
-‏توتو انا اعقل 
-‏لا انا 
-‏تااانى خناق تاانى متبس بقا دانتوا اتفه من بعض 
-‏احمم طب عن اذنك بقا يا جدو.... وانتا امسك كدا... "وقمت كبيت علية بقية كوباية الماية"  خالصين "وقمت جريت على بيت نور" 
-"بجنون وهو فاتح عينة من الصدمة" هى كبت عليا مية بجد 
-‏"جدة مكنش قادر يرد علية من كتر الضحك"
-‏"بجنون"دى كبت عليا انا ماية... غرقتنى... آل وبتقول انا تافهة... طب والله العباسية اولى بيها... تلاقيها هربانة اصلا ومتمسكنة عليهم قاموا اتبنوها
-‏"جدة كان بيضحك وفضل يكح وزين واقف يبرطم مع نفسة لاقى محمد جة وادا لجدة ماية وادا كوباية تانية لزين"
-‏"بضحك وهو بيطبطب على كتفة" معلش يا ضنايا... بس دى كدا عاقلة جدا... اشرب بس كدا وفوق
-‏"زين بصلة باستغراب" كدا عاقلة 
-‏" محمد بضحك" والله عاقلة جدا دانتا مشوفتش حاجة..... دى واحنا صغيرين مرة خلتنى نايم ورشت عليا تلج افراح وولعت فيا وانا نايم صاحى اصوت واتتنطط وهما يكبوا عليا ماية ودى كانت تحت السرير بتضحك...دا وهى صغيرة لك ان تتخيل وهى كبيرة بلاش بيبنى احكيلك لحسن يحصلك حاجة داحنا لو فران تجارب كانت عملتنا احسن من كدا 
-‏"زين كان بيضحك هو وجدة وهما مستغربين ازاى العاقلة دى تعمل كدا " تحت السواهى دواهى يابنى اللة يكون فى عونك
-‏"محمد اتكلم ببراءة" لا ما انا بعمل فيها المقلب والتانى بس هى كسبانى لحد دلوقتي 105 
-‏"زين بصدمة" عملت فيك كل المقالب دى 
-‏اااة فرق مبينا خمس نقط بجهزلها فى مقلب هيطلع من عنيها دى هتدنى علية مية نقطة 
-‏"زين" مش المفروض انتا تعقلها طلع اجن منها
-‏"محمد" احنا الاتنين مجانين اساسا....بس هى جدعة اوى وقت الازمات بتسد ومبتنخش وبتكون ارجل من مية راجل مبتسبش حقها وبتعرف تجيبة من بق التخين
-‏"زين بضحك" هتقولى مانا مجرب 
-‏"محمد باستغراب" مش شايف كدمات فى وشك يعنى
-‏"زين بصدمة وضحك فى نفس الوقت" هى بتضرب كمان 
-‏"محمد بضحك" بتحدف اى حاجة فى اى حتة وانتا ونصيبك
-‏لا الحمدلله جت بسيطة 
-‏"محمد بضحك " طب عن اذنكوا بقا اطلع انام 
-‏"زين والجد" تصبح على جنة
-‏وانتوا من اهلها
-"جد زين بصلة " هاا مش ناوى تحكيلى 
-‏"زين باستغراب" احكيلك اى 
-‏انجز يا زين بلاش لف ودوران
-‏"وطى راسة "
-‏حبيتها 
-‏"اخد نفس" معرفش وحتى لو فمعدش ينفع
-‏"ابتسم" غبى والله ومينفعش ليه بقا ان شاء الله
-‏"بصلة بصدمة" مهما حصل مينفعش
-‏"باستغراب" بس... 
-‏"قاطعم جدى وهو داخل عليهم " محدش شاف زينة 
-‏"زين" معرفش هيا مشيت من شوية تقريبا راحت البيت الى جنبنا 
-‏"جدى "ااه عند نور... معلش يا زين ممكن تروح تندايلها اصل محمد نام ومفيش حد هنا... معلش يعنى هتعبك معايا 
-‏ولا تعب ولا حاجة يجدو هناديلها حاضر 
-‏تسلم يبنى 
-نور هتجيلى بكرة ضرورى مش عايزاة احتاس لوحدى بالله
-‏" بحزن حاولت تدارية" حاضر 
-‏اى يبت فرفشى كدهون منكدة كدا لى دا الى هنخربها فى الاجازاة 
-‏ "بتذمر" انا عايزاااة انام 
-‏اتعديتى منى ولا اى يبت دانا الى المفروض غيبوبة ومش بنام دا كله 
-‏زينة انا مش قادراة اكمل
-‏تكملى اى يبت..اى وراكى مواعين كتير
-‏"اخدت نفسها" زينة انا مش بهزر مش قادراة اكمل فى حياتى...عارفة لما تفضلى تبنى حياتك على وجود شخص وفى النهاية يختفى...تكتشفى ان كل دا وهم.....حياتك كانت مبنية على وهم....وفجأة فوقتى على الحقيقة البشعة.....انو الشخص دا من الاساس خلاص بح.....بنيت حياتى على وهم 
-‏تفتكرى انو حياتك دى كلها اتوجدتى فيها عشان تحبى حد بس يعنى انتى من بين ملايين فاكرة كدا انك اتخلقتى عبثاً اتخلقتى كدا عشان بس تفضلى تاكلى وتشربى ويجى حد فتحبية ويسيبك فكدا حياتك وقفت وانتهت بجد...بصى يا نورى انتى مخلوقة عشان ليكى هدف اى الهدف دا انتى لازم تسعى عشان تعرفية دايما خلى الاية دى فى قلبك قبل عقلك 
-‏﴿أَفَحَسِبتُم أَنَّما خَلَقناكُم عَبَثًا وَأَنَّكُم إِلَينا لا تُرجَعونَ﴾
تفتكرى كدا ربنا حشآة خلقك كدا لهو ولعب اكيد لا حشآة مش شخص الى حيتنا تقف علية واخيرا متخليش حد يحسسك انك ملكيش قيمة وجودك لسة فى الحياة النفس الى انتى بتتنفسية دا اكبر دليل على ان ليكى قمية وهدف فى الحياة انتا لسة عايشة عشان وجودك لة اهمية وقيمة بلاش نبنى حيتنا على وجودك شخص او عدمة لان الفراق شئ محتوم حياتك ليها هدف اكبر بكتير من انك لمجرد محد يفارق حياتك تنتهى فهمانى.
-بس الفراق صعب 
-‏كلنا هنفارق دى دنيا فناء مش دايمة اه الفراق صعب بس بيهون علقى قلبك بربنا وخليكى واثقة انو هيهون 
-‏"بابتسامة" بستريح اوى لما بتكلم معاكي عارفة الى يشوفك ويشوف هزارك وضحكك عالطول ميصدقش انك ممكن تكونى كدا 
-‏"بضحك" مش لازم افضل مكشرة كدا وضاربة تكشيرة تسد النفس عارفة ينور مجرد ابتسامتك فوش حد ممكن تكون سبب فانه يقدر يكمل حياتة حس انو حلو وانو لية قيمة لمجرد انك ابتسمتى فى وشة  [قال ﷺ: "تبسمك فى وجه اخيك صدقة" صدق رسول ﷲ ﷺ] شفتى بتلمى صدقات اد اى بس لمجرد ابتسامة 
-‏ياااه يا زينة 
-‏هااا بقا قولتيلى هتيجى تساعدينى بكرة 
-‏" بضحك" عيونى ليكى يا قمر انتا
-‏تسلملى عيون القمر يلاا بقا الحق اناملى شوية  عشان هصحى من بدرى بكرة يلا سلاموز 
-‏"بضحك"سلام 
"خرجت من عند نور لقيت زين واقف برة"
-"باستغراب" حضرتك بتعمل اى هنا
-‏كنت جاى اناديلك جدك عاوزك 
-‏"بتذكر" وه الساعة كام معاك
-‏"باستغراب" الساعة تمانية 
-‏"خبط بايدى على راسى " وه نسيت خالص 
-‏نسيت اى؟
-‏المفروض اروح مع جدى انهاردة للدكتور
-‏اشمعنا انتى يعنى
-‏جدى عادة مش بيحب الدكاترة فبتفق انا وهو بنروح للدكتور وبعدها بنتفسح شوية ونجيب ايس كريم ونقعد على الكورنيش نحكى مع بعض انا وجدى بحب الوقت دا جدا
-‏"بابتسامة" ينفع اجى معاكوا 
-"بفرحة"‏اكيد وهات جدو معاك يتفسح معانا 
-‏"بضحك" حاضر...بس يريت بلاش جنان
-‏يحصلى حاجة 
"روحنا كلنا عند الدكتور جدى كشف وخرجنا كلنا"
-"جدى" هاااا هنجيب اى المرة دى 
-‏اممم ايس كريم اى رائيك 
-‏"جدى بضحك" هو عشان بتحبى الايس كريم يبقا كل يوم ايس كريم 
-‏"بضحك" اااه 
-‏"زين " اى رائيكوا نجيب حمص
-‏"جدى وجدة " اشطاا
-‏"بصينا انا وزبن لبعض" وة 
"جبنا حمص وقعدنا على الكورنيش ناكل وفضلنا نحكى كل واحد شوية بس الحفلة كانت على زين وجدة بيحكلنا عن طفولتة وازاى هو كان طفل ماشى كدا لله فى الله اهبل يعنى هو كان مضايق وعمال يقولة يبطل وانا مكنتش قادراة امسك نفسى من الضحك لحد مجدى هو كمان قعد يحكلهم عليا وانا صغيرة بقا زين هو الى بيضحك وانا عمالة اقول لجدى يبطل اليوم كان جميل اووى وكلنا اتبسطنا"
-"زين بابتسامة " اليوم كان جميل اوى...انا اول مرة اضحك كدا
-‏يجدع اضحك الضحك ببلاش 
-‏"زين بابتسامة شبة يائسة " نفسى اليوم دا يتكرر تانى 
-‏"ببساطة " واى الى يمنع ابقا تعالى معانا انتا وجدك كل مرة
-‏"بحزن" مظنش معدش ينفع
-‏"باستغراب" لى 
-‏هنرجع اميركا تانى 
-‏"بصيت لجدة بحزن " اى يا جدو مش كنا اتفقنا انك تفضل هنا ومفيش سفر تانى 
-‏"جدة رد " زين مصمم يسافر تانى 
-‏"بحزن" لى بس والله هنا احسن بكتيرر هااا يعنى قولى مثلا فى حمص فى اميركا
-‏"ضحك غصبن عنه" اااه فية عادى
-‏بس هنا احلى خد منى بس والله مهتلاقى زى مصر
-‏"بشرود"هربان 
-‏"بخضة" ياللهوى انتا اشتغلت فى المخدرات ولا اعضاء ولا هربان من قضية اكل ااا اقصد قتل
-‏"بصدمة" اى دا كلوو لا مش مسافر انا انا قاعد متبت استريحتى
-‏اه مش جدى مش هيسافر خلاص...."بشك وبضيق عينى" واثق انك مش قاتل حد ولا تاجر مخدرات 
-‏"بضحك" لو مسكتيش هتكونى اول ضحية 
-‏على اى احنا وصلنا خلاص عن اذنكوا بقا ورايا يوم طويل بكرة...امم متنساش الدواء يا جدو
-‏حاضر...يلا تصبحى على جنة
-‏وانتوا من اهلها
"دخلت نمت بسرعة وانا طايرة من الفرحة...زين دخل وقرا الرسالة ابتسم بحزن "
-‏﴿لا تَدري لَعَلَّ اللَّهَ يُحدِثُ بَعدَ ذلِكَ أَمرًا﴾  يارب انزع حبها من قلبى يا جابر القلوب اجبر قلبى لله الامر من قبل ومن بعد اللهم لا إله إلاّ أنت سبحانك إني كنت من الظالمين
"وجية اليوم اخيرااااااا كنت نايمة فى امان الله صحيت على صوت زى ضرب نار قمت مفزوعة وانا بنط فوق السرير وخايفة وبتكلم وانا مغمضة عينى"
-طب سبونى طيب روحوا عندكوا ناس كتير هقولكوا مكانهم فى واحد فى الاوضة الى جنبنا تاجر مخدرات روحوا اقبضوا علية
"الصوت وقف فتحت عينى براحة لقيت محمد واقف وهو فاطس على نفسة من الضحك ببص على الارض لقيت صواريخ كتير قمت بهدوء كان جمبى ازازة ماية براحة فتحتها ببرود وعملت نفسى بشرب لحد مقربت منه وكبيتها كلها علية "
-هااااح يشيخة بقا حراام عليكى سبينى اتهنى مرة واحداة بقا 
-"بعصبية حاولت اكتمها"‏محمد امشى من وشى حالا بدل مبهدل وشك 
-براحة ماشى..معندكيش روح رياضية على فكرة 
-‏بررررة
"اخدت دش ورنيت على نور تيجى قالتلى انها مستنيانى تحت"
-"بفرحة" شف شف القمر اى يبت القمر دا
-‏اى يا زينة يا حبيبتى انتى تعبانة ولا اى؟!
-‏طب يلاا بقا ايدك معايا كدا يا اوختى.....نور معلش روحى هاتى المقشة من برة 
-‏"بقرف" حاضر يا اختى 
-‏بسرعة يبت
-ودى الاقيها فين دى ياربى 
-‏بتدورى على حاجة 
-‏"بنغزة فى قلبها" احم بدور على المقشة 
-‏امم هتلاقيها هناك فى الملحق دا 
"دخلت الملحق لتتفاجأ ببلونات كتير ويافطة متعلقة مكتوب عليها  marry me"تتجوزيى" التفتت وراها بصدمة لقت محمد واقف ومبتسم"
-اى رائيك فى المفجأة دى
-‏"بتوتر " حلوة
-‏يعنى هتعجبها
-‏"ببحزن" اه اكيد هتعجبها
-‏اومال زعلانة لية دلوقتي معجبتكيش
-‏"باستغراب" تقصد اى 
-‏احم احم احممم احمم 
-‏اى لسانك اتبلع 
-‏دبش....المهم ااه احم "ركع على ركبتة"تتجوزينى يا نورى 
-‏"فضلت تبص يمين وشمال باستغراب"مين دى
-‏انتى يا نورى 
-‏"بغباء" نور مين 
-‏"بضحك" انتى 
-‏"استوعبت الى بيحصل بعدين بصتلة بصدمة" انتا قصدك انا وانتا ونتجوز وكدا وتبقا زوجى قرة عينى 
-‏"بضحك" ااه هبقا زوجك قرة عينك
-‏"بحزن" حلوة البروفة ابقا اعملهلها هتحبها
-‏"بغباء" اعملها لمين
-‏"بحزن" لخطيبتك
-‏طب مانا بعملهالها اهو 
-‏"بصدمة" طب وهى مش انتا بتحبها وخطبتها 
-‏"بضحك" ايوه مانا خطبتها من اهلها 
-‏"بغباء" طب وانا مالى 
-‏اقسم بالله انا غلطان انى عملتلك مفجأة انا حيوان وربى 
-‏طب فهمنى طاااه وخطيبتك وكتب الكتاب
-‏اااه ياربى يبنتى هى فاكس مش بحبها دا كان مقلب ياربى
-‏"فضلت بصالة بغباء"
-بصى انا هفهمك كل حاجة اول منكتب الكتاب عشان مش هعرف اتكلم او اعمل حاحة دلوقتي يلااا سلام يا زوجتى العزيزة قريبا
-‏"فضلت بصالة بغباء لحد ممشى" هو قالى المقشة فين 
"اخدت المقشة ودخلت لزينة وفضلت تساعدها فى ترتيب الشقة والزينة"
"عند زين... زين كان صحى من النوم حاسس بخنقة دخل البلكونة وشاف الى حصل كلة وفضل واقف بصدمة يعنى هو دا كله طلع مقلب عاملة فى زينة بس هى..هى بتحبة وروحها فية....كل دا كان بيحب صاحبتها وكل دا مقلب...طب...طب وزينة قلبها هيتكسر....زيى"
-نور تعالى اوريكى المفجأة الى انا عملهالك 
-‏"بفرحة " ايدا بجد 
-‏يستى من امتا وانا بهزر
-‏"بقرف" اى هيطلع مقلب فى الاخر 
-‏"بضحك" يلا بس تعالى اوريكى 
-‏هاا اما نشوف 
-‏بصى يستى خوشى هتلاقى فستان على السرير انجزى البسية وهتلاقى كل حاجتة معاه يلا متتاخريش
-‏زينة بس..
-‏"زقتها جوة الاوضة اتكلمت وانا ماشية "  يا نور متتاخريش 
"بليل البيت كلة كان متزين انهاردة كتب الكتاب لبست وروحت لنور وكنت مبهورة بشكلها محمد رن عليا وجبت نور ونزلنا لتحت كنا نازلين كل العيون التفتت لينا بصينا بكسوف لتحت"
-"جد زين" اى القمر دا بس لا تتخطفى مننا 
-‏"بكسوف" ربنا يديمك ليا يا جدو 
-‏"بابا" قمرات يا حبايبى ربنا يحفظكوا
-‏"نور بكسوف" ويديمك يا عمو
"وعلى كدا كل اما نشوف حد يقول اى القمر دا الناس الغريبة كانوا مفكرينا توام لحد ما محمد جه باس ايدى"
-اميرتى اى الجمال دا 
-‏"ابتسمت" دى عيونك يا قمر انتا بس اى يستاا الحلاوة دى تتشقط من وسطنا والله 
-‏"بضحك" كائنة فصيلة وربى.....طب اى بقا الكل جاهز فين المأذون
-‏"جدى بضحك" مستعجل على اى زمانة جاى 
-‏"بغمزة" متيجى ناكل عما يجى 
-‏"نور" هى معدتك دى مشياة وراها فى كل حاجة حتى فى المنسبات
-‏"بضحك" اااه هتيجى ولا لا 
-‏لا انا هروح اشوف احمد فين 
-‏طب سلام يا قطة اروح اكل انا بقا 
"دخلت المطبخ وكان فية حلويات واكل كتير فضلت اكل لحد مسمعت صوت حد"
-"بضحك" كنت متاكد انى هلاقيكى هنا 
-‏"التفت لايقتة زين " امم 
-‏كنت جاى اقولك على حاجة 
-‏امم
-‏احم لو عرفتى انى الشخص الى بتحبية بيخونك لا ومع اقرب حد ليكى 
-‏"التفت لحد ملقيت سكينة مسكتها " دا على حسب يعنى لو حد هو الى بيقولى يعنى بينقلى الخيانة همسك اشرحة عشان يبقا يخلية فى حالة شوية 
-‏بس افرضى هو عايز مصلحتك وخايف عليكى تتخدعى
-‏اهو كيفى كدا...متقاطعنيش وبعدها هروح اشوف الى بيخنونى دول لو شرعا يعنى متجوزين فتمام مفيش مشكلة اطلق واخد الى وراءة والى قدامة وبعدها البسة قضية قتل...مراتة... بس يعم لو مش متجوزين فالاتنين متهمين بقضية قتل...محاولة قتل التانى...ويعنى هسيبهم سنة اتنين تلاتة وابقا اقدم الادلة واطلعهم عادى بقا انا فى النهاية قلبى طيب
-‏"بصدمة" لا مهو واضح 
-‏لا بهزر عادى قولوا للى باع اااه مليون وداع كدا بالسلامة خسرتونى 
-‏طب هقولك وربنا معايا..ااا.....
-‏"محمد" زينة يلا بقا انجزى....ازيك يا زين
-‏"زين بصلة بشر" الله يسلمك 
-‏"محمد باستغراب" يلا يا زينة الماذون جه
-‏"زين " لا..استنى بس 
-اسفة يا دكتور مستعجلة بس
-‏ياا زينة بس استنى...
"كنت مشيت مع محمد وخرجت برة........زين خرج وراهم وهو بيحاول يتواصل مع زينة ويقولها....بس زينة كانت راحت ووقفت مع والدتها ونور، جية الماذون وبدأ يخطب وجية وقت كتب الكتاب والد نور حط ايدة فى ايد محمد وبدوأ يقولوا وراء الماذون زين كان بيبص لزينة بخوف.."
-فين العروسة 
-‏"محمد بفرحة " تعالى يا نور 
-‏"نور كانت بتبص بغباء لحد مجية احمد اخوها " روحى يا قلبى امضى
-‏"نور بصتلة بصدمة" انتا بتقول اى 
-‏"ضحك" امضى يا حبيبتى
"راحت نور مضت وفى ثوانى كانت مختفية هى ومحمد اخدها ومشى للمحلق لانو كان مجهزلها مفاجأة...زين فضل بدور على زينة بخوف لاقها اختفت....راح لجدة بحزن"
-اى مش ناوى بقا 
-‏هو ينفع بعد الى حصل 
-‏وهو اى الى حصل 
-‏جدى انا عايز اتجوز زينة حالا الماذون هنا هكتب عليها 
-"بضحك" مش ناخد رأى العروسة الاول 
-‏"بترجى" بالله يا جدى اقنعها والله مهزعلها ابدا انتا عارف انا بحبها اد اى 
-‏اهدى يا زين متقلقش هتوافق 
-‏حالا يا جدى يلا بسرعة 
"جد زين راح لزينة وفضل يقنعها وزين اقنع والدها وكتبوا الكتاب وسط صدمة المعازيم  وقلق زين وزينة"
"عند محمد ونور 
محمد اخدها ووداها للملحق شدلها الكرسى وخلاها تقعد كل دا تحت صدمة نور"
-"بفرحة" اخيراا بقيتى حلالى
-‏"نور بدموع" انا معنتش فاهمة حاجة انتا مش كنت هتتحوز واحداة وانت بتحبها جدا اى الى حصل انا معنتش فاهمة حاجة
-"بإبتسامة "‏الواحداة الى بحبها قاعدة قدامى وبقت بعد سنين واخيرا حلالى 
-‏"نور بصتلة بصدمة ودموع" 
-‏ايوة يا نورى انا بحبك يمكن كلمة قليلة على الى حسيت بية طول السنين دى انا مكنش ليا الحق انى اقول الكلمة دى غير وانتى حلالى انا بحبك من زمان اوى من وقت مكنا اطفال بنلعب سوا وكبرت وكبر حبك فى قلبى بس فضلت محافظ عليكى وصاين حبك فى قلبى لحد اللحظة دى الى اخيرا بقيت فيها مراتى وحبيبتى ونصى التانى ورفيقتى للجنة بأذن ربى 
-‏"نور بدموع" انا مش مصدقة نفسى انا كنت فقدت الامل وحسيت ان الدنيا اسودت فى وشى كنت قاعدة بفكر ازاى  هكمل حياتى من غيرك انا كمان بحبك اوى يا محمد 
-‏"محمد قام بفرحة حضنها" اللهم لك الحمد......لقد هرمنا لاجل تلك اللحظة 
-‏"نور بضحك وخبطتة فى دراعة " اااه حتى شعرك ابيض 
-‏قمر بردو فى كل حلاتى  
-‏"بضحك" طب يلا يا قمر فسحنى بقا 
-‏امم سبينى افكر....الملاهى 
-‏لا معرض الكتاب
-‏اية انا اعرف بيرحوا الملاهى 
-‏يا عم انا عايزاة اتفسح فى معرض الكتاب 
-‏عيونى حاضر يلاا بس اليوم كلة بتاعى انا مستاذن من بباكى 
-‏اااة صحيح دى كانت خطتكوا كلكم يعنى كانوا عارفين وسيبنى متنكد عليا والله إما اشوفهم
-‏"بضحك" مجهزنلك حلويات واكل عشان يصالحوكى
-‏ان كان كدا ماشى 
-‏تافهة 
-"بضحك" ‏بعض ما عندكم 
"زين اخد زينة وطلعوا فوق فى اوضة الرسم بتاعتها فوق السطح وفضل ساكت شوية ومتوتر مش عارف يقول اية لحد مجة لزينة اتصال فردتت علية"
-من غير شتيمة انا جايبالك نص الحلويات الى فى البيت 
-..........
-‏"بضحك" فكرة الغبى اعمل اى اقولة البت هبلة يقولى انا عايز اعملها مفجأة 
-‏..........
-‏اى خدمة يستااا واهو يبخت من وفق راسين فى الحلال 
-...........
-‏بلا مقابل اى دا معاة لستة طلبات ميكفيهاش مرتب شهرين شوفتى التضحية
-‏..........
-‏"بضحك" ابقا هاتلى ايس كريم وحمص وهات لزين كمان 
-‏...........
-‏ايدا بجد هو انا نسيت اقولكوا 
-‏........
-‏طاااة من غير شتيمة والله هى جت مفجأة كدا اخدونى على خوانة يا زميلى 
-‏.............
-‏اااه اول مانتوا مشيتوا زين اتقدم وكتبنا كتبنا 
-‏.......
-‏خدة معاك اهو
-احمم خد محمد عايز يباركلك
-‏"زين كان باصص بصدمة وغباء وهو مش مستوعب حاجة يعنى هى كانت متفقة معاهم فاق على صوت زينة"
-‏ياااا دكتور
-‏هااا 
-‏الموبايل
-‏"مسكة وباركوا لبعض وقفل الفون وادهولها" يعنى هو انتى كنتى متفقة معاهم فى دا كلو
-‏"بضحك" ااة كنا عاملينها مفجأة لنور
-‏"باستغراب" مش انتى ومحمد بتحبوا بعض 
-‏اااه 
-‏"بصدمة " يعنى بتحبوا بعض وهو راح اتحوز واحداة تانية 
-‏ثوانى انتا فاهم اى بالضبط
-‏مش محمد بيحبك وانتى بتحبية وكنتوا هتكتبوا كتابكوا ام هو خانك مع صاحبتك واتجوزها 
-‏"بصدمة" اى الفيلم الهندى دا...وبعدين انا ومحمد نتجوز...ازاى؟!....هو محدش قالك 
-‏"باستغراب" قالى اية 
-‏"بضحك " انا ومحمد اخوات فى الرضاعة وبعدين بالعقل هو انا هحضن ابن عمى كدا واتكلم واهزر معاه بالشكل دا وهو مش من محارمى...."بضحك" بجد انتا كنت فاكرنى هتجوزة "فضلت اضحك" مش متخيلة 
-‏"فتح بوقة بصدمة "
-‏"فضلت اضحك علية " الدبان هيدخل جوة بوقك على فكرة 
-‏"فضل ثوانى يستوعب وبعدها بصلى بفرحة ولقيت حضنى وتقريبا كانت عيونة مدمعة" يعنى انتى مش بتحبية 
-‏"كنت واقفة بصدمة لحد مبعد عنى " اقولك على حاجة تعرفى شكلى انا الى هروح معاكى العنبر
-‏"بغباء" عنبر اية 
-‏"بضحك" عنبر فى العباسية 
-‏لا دانتا بالمنظر دا عايز عنبر لوحدك دكتور زين فية اى 
-‏"بضحك" لا شيلى الالقاب قولى لى بس يا زوجى يا قرة عينى يا زين 
-‏"بغباء" نعم 
-‏متفرجينى على المرسم بتاعك 
-‏"بتسرع" لا لا بلاش المرسم
-‏تمام يبقا مش هشوف غير المرسم
-‏طاااة تعالى بس هقولك 
-‏"بغمزة" رسمة مين يا خلبوصة 
-‏لا لا ابعد عن اللوحة دى 
-‏"مسكها ووقف بصدمة يبص للوحة وبعدها دموعة نزلت "
-‏"اتكلمت بسرعة " انا اسفة والله مكنش قصدى 
-‏"بعدها لقيت قعد على الارض وضم اللوحة وفضل يعيط" انا اسف انى مكنتش جمبكوا شغلتنى الدنيا عنكوا لحد مخدتكوا منى انا اسف 
-‏"قعدت اعيط جمبة وانا شايفة وجعة، كتير مننا بينشغل بالدنيا عن اهلة والناس الى بيحبها وفجأة خلاص بيسبوا ويمشوا من غير رجعة وقتها بس هتكون مستعد تدفع عمرك كلة مقابل  لحظة واحداة بس مع الناس الى بتحبهم بحمد ربنا انى فقت قبل مدا يحصل "
-‏"قربت منة وطبطبت علية اتكلمت وانا بمسح دموعة" هما فى مكان احسن دلوقتي انا واثقة انهم فخورين بيك 
-‏"بصلى بعيون طفل تايهة " يعنى هما مش زعلانين منى 
-‏لا دول بيحبوك اوى وفرحانين بيك مش انتا كمان بتحبهم صح 
-‏"اتكلم بسرعة وهو بيهز راسة " ااه والله بحبهم اوى 
-‏خلاص متعيطش هما مش بيحبوا يشفوك زعلان يلا امسح دموعك واضحك كدا 
-‏"ضحك" اهو 
-‏شوف بقيت قمر ازاى 
-‏"بضحك" انا قمر صح 
-‏"بضحك" اااة يلا ياشطور ابعد عن اللوحة عشان متبوظش يلاا
-‏"حط اللوحة مكانها وبعدين اتفجائت بية حضنى" شكراً شكراً على كل حاجة شكراً لوجودك اللطيف فى حياتى شكراً لكلامك شكراً انك عالطول جمبى بحمد ربنا انو رزقنى بيكى انا بحبك اوى 
-‏"صعقت من كلامة وفضلت واقفة قلبى بيدق بسرعة وشى احمر اوى وفى ابتسامة ساذجة على وشى "
-‏"بعد عنى ورجع بص للوحة، اللوحة كانت رسمة لية مع والدة ووالدتة وجدة وجدتة  بصلى " اللوحة ناقصة يا زينة 
-‏"بصتلة باستغراب" بس انا معرفش حد تانى فى عيلتك
-‏نسيتى اهم نجمة 
-‏"باستغراب" والدتك وجدتك اهم ناقص مين
-‏"بابتسامة" مهو فية نجمة جديدة انضمت لعيلنتا نسيتى نفسك يا نجمتى 
-‏"بصتلة بغباء" انا اسمى زينة مش نجمة 
-‏"ضحك" لا انتى نجمتى الى منورة حياتى 
-‏"وشى احمر وبصيت للارض"
-‏الا قوليلى 
-‏احم اية
-‏هو جدى اقنعك ازاى..وافقتى لية 
-‏"بصتلة بغباء وضحكت" عشان يغنوا فى فرحنا ادى الزين وادى الزينة 
-"بصلى بغباء "يعنى مش عشان معجبة 
-‏توتو عشان يغنوالنا ادى الزين وادى الزينة 
-‏بجد
-‏" لقيتة زعل زى الاطفال ومشى "
-‏"ضحكت" طب تعالى هنحجز عنبر سوا 
-‏-‏..... 
-‏تعالى...طب بحبك طاااة 
-‏"لف لى بفرحة " وانا بعشقك يا نجمتى 
«ظننتها ندبة آخرى تضاف لقلبى.....لكنها كانت مصل غزا قلبى......ولم يترك سوى ندبة واحداة.....ندبة الحب❤!»
«كَ نجمة بعيدة.....لاتسطتع الوصول اليها......لكنها تنير لكل ظلمة الطريق

لقراءة باقي فصول الرواية اضغط على (رواية ندبة الحب)
google-playkhamsatmostaqltradent