رواية انانيه ولكن الفصل الثاني 2 بقلم ندى حافظ

 رواية انانيه ولكن الفصل الثاني 2 بقلم ندى حافظ

 رواية انانيه ولكن البارت الثاني

 رواية انانيه ولكن الجزء الثاني

رواية انانيه ولكن الفصل الثاني 2 بقلم ندى حافظ

 رواية انانيه ولكن الحلقة الثانية

البارت التانى ⁦ʘ‿ʘ⁩
_ هاا رد ؟؟؟
بصتلى بيأس _ لاا ، مردتش 
_ تفتكرى هو فين يا اميره ، انا خايفه 
_ ما انتى لازم تخافى اللى عملتيه مش سهل ، مكنتش اعرف انك انانيه كده يا ندى 
_ خلاص يا اميره 
دخلت ماما الاوضه وبصتلى _ جوزك بره ، عاوزك ، هو فى بينكم حاجه شكله مضايق ..
_ هطلعله 
طلعت وانا بقدم خطوه و باخر عشره ، دخلت لقيته أعد مع بابا ، و اول ما جيت بابا سابنا لوحدنا نتكلم ..
_ اا احمد ...
بصلى بهدوء _ ليه عملتى كده ؟؟ 
سكت ، سكت علشان مفيش حاجه تتقال ، السؤال صعب ، صعب اوى ..
_ ليه عملتى كده ، ليه الانانيه دى ، انا مكنتش بنام من كتر التفكير فيكى ، وانك هتعيشى حياتك معايا و هحرمك من الأطفال ، كنت شايف نفسى مقصر لانك مش هتعرفى تبقى ام ...
_ احمد ..
_ مكنتش بفتش فى حاجتك ، كنت عايز اعملك مفاجاه بس ، بس انا اللى اتفاجات والله ، انتى يا ندى انانيه بالشكل ده ، انتى !!
_ احمد سامحنى
_ اسامحك ، اسامحك ازاى ؟؟ ، انتى ضحكتى عليا ، كدبتى عليا ، انتى لو كنتى قولتيلى الحقيقه مكنتش هسيبك ، مكنتش هتخلى عنك ، لانى كنت بحبك
بصتله بحزن _ كنت !!
_ اه كنت ، انا هتجوز ، لأن من حقى اكون اب ، من حقى اتجوز واحده بتقول الحق مش كدابه ، واحده عاقله مش مريضه زيك ..
_ مريضه ؟؟ ، انا لو مريضه فـ مريضه بحبك ، عملت كده علشان بحبك ، علشان مترحش لـ غيرى ، علشان متبعدش عنى ، لو كنت قولتلك كانت امك هتجوزك و هتبعد عنى ، متفتكرش انى كنت مبسوطه لما ضحكت عليك ، والله انا عملت كده علشان بحبك ، بحبك انت ...
اتعصب _ ده مش حب ، ده مش حب يا ندى ، دى انانيه ، حب تملك ، شايفنى بتاعك بس ، كان من حقى اختار يا اكمل معاكى ، يا اشوف غيرك و ابقى اب ، كنتى سبينى اختار ، وانا كنت هختارك والله ، والله كنت هختارك ...
_ بالله ما تسبنى ، انا عملت كده علشانك ، علشان مبعدتش عنك 
مشى وسابنى ، مشى و ساب قلبى يتكسر ، انا عملت كده علشان بحبه ، كان لازم يحاول يفهمنى ، مش يسبنى وهو عارف انى بحبه ...
_ هترجعى برده ..
_ مليش غيره يا اميره 
_ ما احنا موجودين
_ وجوده هو مختلف ، وجوده بيرد فيا الروح ، العذاب منه احلى من العذاب من غيره ..
_ ربنا معاكى يا اختى
وجود أهلى و خصوصاً اميره اختى بيقوينى  ، لطيفه لأبعد الحدود ، بطمنى فى الوقت اللى الكل فيه جاى عليا ،
دخلت الشقه ، لقيت هدوء ، دخلت المطبخ لقيت اكل بره التلاجه ، مواعين ، قلبى بدأ يخاف ، بدأ يدق بخوف و قلق ، جيت افتح باب الاوضه لقيتها مقفوله من جوه ، خبطت ..
_ انتى مين ؟؟
سالت السؤال وانا عارفه الاجابه ، عارفها كويس ، كانت عاديه مش حلوه ولا وحشه ، اقولكم الحقيقه هى حلوه لكن عمرى ما هروح اقول ..
_ ندى انتى جيتى 
_ مين دى يا احمد 
_ نهى ، مراتى التانيه 
بصتله بدلع _ و الاخيره 
_ طبعا يا نونو 
بصتلهم بقرف _ نونو ..
_ حاجاتك فى الاوضه التانيه ..
دخلت الاوضه ، رميت نفسى على الأرض و فضلت اعيط ،اعيط بحسره ، اعيط على نفسى ، خوفى من أن احمد يبعد عنى ، خلاه يبعد فعلا ، كدبت علشان ميسبنيش ، فـ سابنى ، احمد دلوقت فى حضن واحده غيرى ، احمد مع واحده تانيه ..
_ صباح الخير ، اومال فين نهى ؟؟
بصتله بغيز _ معرفش 
_ تمام 
بصتله بأمل _ انت متجوزتش صح ؟؟
بصلى _ لا اتجوزت 
_ مفكرتش فيا !!
_ كنتى فكرتى فيا يوم ما خدى الإقرار ده ، ولا انا المفروض افكر ، وانتى لا ..
_ احمد انا عملت كده علشان متسبنيش
_ لو كنتى قولتيلى الحقيقه كنت هختارك انتى والله يا ندى ، بس خلاص الوقت فات .. 
مبقتش طايقه نفسى ، مش طايقه وجودها جنبه ، مش عارفه انام من كتر التفكير فى أن احمد معاها هى ، يارب ..
_ احمد
_ نعم 
_ طلقنى
_ تمام روحى بيت أهلك و الورقه هتوصلك 
بصتله بحزن و حسره _ طيب ..
قبل ما ادخل الم حاجاتى ، روحت حضنته ، واحشنى ، و دى هتكون اخر مره هكون جنبه فيها ، حاسسيت بدقات قلبه ، حاسسيت أن لسه بيشالى مشاعر ، بس خلاص ..
_ يا ندى كلى بقى ..
_ مش عاوزه يا اميره 
_ انتى كده بتموتى نفسك 
_ استاهل ، استاهل الموت والله ، انا ربنا ياخدنى 
دخل بابا الاوضه وهى ملامحه الحزن ، بصتله وانا بتمنى ميكونش اللى فى بالى ، يارب ميكونش هو يارب ...
_ احمد بعتلك ورقتك 
الدموع نزلت من عيونى ، هو انا ازاى بعيط وانا السبب فى كل اللى حصل !! ، انا غلطت غلط كبير مش هاين أنه يعدى ، هو انا ازاى عملت كده ، ازاى فكرت فى كده اصلا ، هو انا لو مكنتش عملت كده كنت هبقى مع احمد ؟؟...
_ يلا هاتى طبق الفشار يا ندى 
_ حاضر 
شهرين ، شهرين فاته ولسه مش عارفه اتقلم أن احمد راح من ايدى ، احمد مبقاش ليا ..
_ ههه فاكر يا قاسم لما ندى ضربتك علشان اخد الكشكول بتاعها 
ضحك _ ولا لما ضربت سما علشان مسكت قلمها 
ضحكوا ، وانا اكتشفت انى عندى مرض التملك فعلا ، انا شخص انانى فعلا ...
_ اميره هو مفيش اخبار عن احمد خالص 
_ لا ، مفيش ..
_ واحشنى اوى يا اميره 
_ ربنا يريح قلبك يارب 
سنه فاتت على طلاقى انا وأحمد ، سنه وانا معرفش عنه حاجه ..
_ لسه مفكرتيش 
ضحكت _ انت مبتزهقش 
بصلى بحب _ لا ، مبزهقش منك ابدا 
_ بفكر والله يا قاسم 
قاسم ابن خالى طلب ايدى من اربع شهور ، رفضت فى الاول لكن هو قالى خدى وقتك وفكرى ، وانا مينفعش ظلمه ، انا واحده مبتخلفش ، والاهم بحب احمد لسه ...
_ ايه ده !! مش ده احمد ؟؟
بصيت ناحيه ما بتبص _ اه هو 
_ هى دى نهى!!
ابتسمت _ احمد بقى أب يا اميره 
بصتلى بحزن و طبطبت عليا _ متزعليش
دمعت _ مش زعلانه 
شافنى ، فـ لقيته بيقرب ، جه ادامى هو و نهى و البيبى قمور اوى ، مد ايدو ..
_ مبسلمش يا احمد 
_ عامله ايه يا ندى 
_ الحمدالله ، مبارك عليكم البيبى 
_ بنت 
_ ربنا يحفظها و يحفظك ليها هى و نهى 
نهى ابتسمتلى _ اسمها على اسمك 
_ ربنا يبارك فيها عن اذنكم 
شديت اميره ومشيت ، اسمها على أسمى !! ، طب ليه ؟؟ ، 
_ يا ندى ، متزعليش 
_ مش زعلانه والله يا اميره ، اصلا هما لاقين على بعض 
سجدت وأنا برددت ، يارب شيل حبه من قلبى هو مبقاش ليا بقى لـ غيرى ، يارب رايح قلبى ، يارب ، يارب رايح قلبى ..
_ انا موافقه 
بصلى بفرحه و صدمه _ بجد !!
ابتسمت _ بجد
_ انا مبسوط جدا ، انا بحبكك
ممكن الواحد يدخل تجربه علشان يفهم اكتر ، الواحد بيغلط و بيتعلم علشان ميغلطتش نفس الغلط تانى ، وانا حاولت اتعلم من غلطى اللى خسرانى كتير ...
_ يا ندى كفايه علاج كده ، انتى مش شايفه حالتك بقت ازاى 
_ انا مش هبطل يا قاسم ، انا هتعالج و هصبر ، واكيد ربنا يعوض صبرى خير 
طبطب على أيدى _ أن شاءالله يا حبيبتى 
فضلت اتعالج و اعمل عمليات لمده تالت سنين ، فى التالت سنين دول حاولت انسى احمد ، حاولت كتير والله لكن معرفتش ، حاولت احب قاسم و معرفتش ، لاكن حملت ، و ده كان اسعد حاجه حصلتلى من يوم ما ضيعت احمد من ايدى ، طول فتره حملى كنت قلقنا الحمل ميكملش ، كنت خايفه وفى نفس الوقت مبسوطه ، اتمنيت انى لو كنت صبرت وانا مع احمد ، لكن ده نصيبى ، وانا راضيه يارب ، انا رايضه بكل حاجه والله ...
_ علشان كده سميتينى على اسمه 
_ زيى ماهو سمه بنته على أسمى
_ طب بابا ...
_ قاسم كان عوض ليا ، رغم أن اللى حصل ده بسبب انانيتى إلا أن ربنا عوضنى بـ قاسم ، قاسم قبلنى رغم انانيتى وغبائى ، قاسم نعمه كبيره من ربنا ، وقف جنبى فى وقت عالجى ، و هو ابوك ...
_ بس محبتهوش 
_ حاولت كتير و معرفتش ، غير كده قاسم قالى ان الحب من بيدينا الحب غصب علينا ..
_ امم
_ مكنتش عاوزه احكيلك علشان مشوفش فى عيونك النظره دى ، والله حاولت احب قاسم ..
قرب منى و باس أيدى _ الحب غصب ، اه وانا بحبك 
_ وانا ياقلب امك 
ابتسمت ، انا ربنا راتب حياتى كده وانا راضيه ، راضيه والله يارب ، الحمدالله على قاسم و احمد ، لقيت قاسم جه جنبى ..
ضحك _ مالك يا ام احمد 
_ عاوزه اعترف ليك اعتراف 
_ ايه 
_ انت و احمد احلى حاجه فى حياتى ، ربنا يديمكم فى حياتى 
_ الله يديمك فى قلبى 


لقراءة باقي فصول الرواية اضغط على (رواية انانيه ولكن)
google-playkhamsatmostaqltradent