رواية نورا و زين الفصل الثاني 2 بقلم نورا تامر

 رواية نورا و زين الفصل الثاني 2 بقلم نورا تامر

 رواية نورا و زين البارت الثاني

 رواية نورا و زين الجزء الثاني

رواية نورا و زين الفصل الثاني 2 بقلم نورا تامر


 رواية نورا و زين الحلقة الثانية



رجعت ع البيت و قبل م ادخل العماره لقيت حد واقع و شكله مغمى عليه على اول السلم ، أنا اتخضيت كان في دم كتير حوليه و وشه مكنش باين بس اكيد قلبي عرفه 
(زين ابن خالتي اكبر مني و عنده ٢٨ سنه طويل و شعره اسود متخرج من هندسه و زي م انتو عارفين يبقى حب الطفوله )
جريت عليه و انا دموعي بتنزل جامد 
=زين زين انت سامعني طب طب انت كويس يا ربي اللي بعمله ده أكيد مش كويس طب أنا اعمل اي دلوقتي 
صوت عياطي زاد مع شهقاتي و جريت على فوق على طول خبط جامد ع الباب بتاع خالتي اللي ساكنين اصلا ف وشنا و اللي فتحلي كان عمر اخوه 
(عمر ٢٥ سنه و متخرج من تجاره و يبقى ابن خالتي و قريب مني جدا و شبه اخوه ف الشكل )
فتح الباب و شعره نازل على عينه و هو بيدعك فيها و مش شايفني اصلا 
_اي في أي يبنتي في حد يخبط كده ع الباب الناس نايمه !
=انت لسه هتتكلم انزل معايا بسرعه الحق اخوك 
_انتي مجنونه يبنتي اخويا مسافر روحي نامي متوجعيش دماغي 
شديته من هدوم ع السلم و انا بقول 
=لا م أنا مش هضيع وقت ف الكلام مع واحد متخلف شبهك 
وصلنا لآخر السلم تحت و اول م شافه جرى عليه بسرعه و حاول يفوقه بس مفيش فايده 
_طب طب اعمل اي اشيله أطلعه فوق ولا اي 
=تطلعه فوق فين امك لو شافته كده ممكن تموت فيها تعالي بسرعه نشوف اي تاكسي و نطلع ع المستشفى 
_____________________________________________
=دكتور بسرعه اي حد يجي هنا يلاااا 
-تعالي هنا ي استاذ دخله الغرفه دي 
=حاضر حاضر يلا 
بعد حوالي ساعه 
-الحمدلله هو كويس دلوقتي و تقدره تاخدوه معاكم الجرح كان سطحي و اخد كام غرزه و شويه و هيفوق 
=الحمدلله شكرا جدا ليك ي دكتور 
-متشكرنيش ده واجبي و الف سلامه عليه ، بعد اذنكم 
_انا لازم افهم اي اللي بيحصل ده ي عمر اخوك رجع امتى اصلا !!و ليه مقالش لحد أنه راجع !
=معرفش حاجه والله يبنتي م أنا كنت نايم فوق أن شاء الله لما يصحى هنفهم منه كل حاجه 
_يلاهوي ماما ي عمر دي زمانها قلبه الدنيا عليا !!
= طب استني نشوف موبايل مع أي حد هنا و نكلمها نطمنها عليكي 
_ماشي بس اكد عليها متجبش سيره لامك
=حاضر حاضر 
_ها كلمتها ؟
=اه خلاص تعالي يلا ندخل نطمن على زين 
_بقولك اي م تدخل انت (عينيها بدأت تدمع ) مش هقدر اشوفه بعد الفتره دي كلها و مش عايزاه اصلا يشوفني ، أنا هستناك هنا ي عمر ادخل انت 
=ماشي ي نورا اللي يريحك 
دخله عمر و كان بدأ يفوق و فتح عينه ف جري عليه بسرعه حضنه 
_زين عامل اي ي اخويا كده توجع قلبنا عليك أنت اي اللي رجعك اصلا من المانيا و جيت امتى و مقولتليش ليه انك جاي و اي اللي حصل هناك و ...
=اي اي يبني بلاعه و اتفتحت ف وشي ! أهدى كده انا كويس خلاص محصلش حاجه أنا جيت هنا ازاي اصلا ؟
_اصل اصل ..
=اي يبني انت هتفضل تتهته كتير 
_,بصراحه كده نورا هي اللي شافتك مرمي ع السلم و و صحتني و ..و .و...
(طبعا ده بيتكلم و زين ف حته تانيه اصلا من ساعت م سمع اسم نورا و بدأت ابتسامه صغيره تظهر على وشه و هو بيفتكرها )
فاق على حد بيحرك ايده قدام وشه 
_اي يبني روحت فين بكلمك بقالي ساعه 
=لا لا مفيش حاجه أنا معاك اهو ، طب هي فين نورا ؟
_بصراحه هي وقفه بره مردتش تدخل 
=(اكيد هيجي اليوم اللي تعرفي في أسبابي و تسامحيني ) ماشي طب يلا بينا نرجع البيت مش بحب قاعده المستشفيات اصلا 
_طب ماشي استنى انادي الدكتور اقوله انك فوقت و نمشي على طول 
_____________________________________________
=ااه براحه يبني مش قادر امشي 
_طيب اهو 
-حمدلله على سلامتك ي ابن خالتي 
(فضل باصص لها شويه كان نفسه يروح ياخدها ف حضنه من كتر م هي وحشاه بس اتدايق من طريقة البرود اللي بتتكلم بيها رغم لهفتها عليه اللي باينه ف عينيها )
=الله يسلمك ي نورا معلش تعبتك معانا 
-لا مفيش تعب ولا حاجه ده انت حتى زي اخويا اكيد مكنتش هسيبك مرمي ع الارض يعني 
_طب اي ي جماعه يلا بينا بقى ولا اي الوقت اتاخر 
_____________________________________________
"زين ابني حبيبي انت جيت امتى حمدالله على سلامتك و اي اللي ف وشك ده !
=الله يسلمك ي امي ده جرح بسيط اتخبط محصلش حاجه الحمدلله
"طب تعالي يحبيبي عشان تريح عقبال محضرلك حاجه تاكلها دخله ي عمر
_حاضر ي امي يلا يبني أنا عارف انكم هتتعبوني معاكم مكنش جرح ده يعني اللي ف وشك م تمشي لوحدك 
=بس يلا امشي و انت ساكت 
_ماشي ي اخويا يلا 
.................. 
دخلت البيت و الحمدلله ماما كانت نايمه من بدري دخلت اوضتي و دموعي بدأت تنزل (ليه رجع دلوقتي أنا كنت بدأت أنساه ليه بيأذيني كده انا مش هحن ليه تاني و و و خلاص اه هتعامل معاه ببرود هو من النهارده ابن خالتي و بس كفايه بقى اللي بعملو ف نفسي ده ) مسحت دموعها و قامت تتوضا و تصلي ركعتين لربنا قبل م تنام 
عدا اسبوعين و هي بتحاول متحتكش بيه خالص و هو مش عارف يقعد معاها لوحدها بيحاول يهتم بيها و يكلمها و بتصده بيحاول معاها كتير بس هي بترفض بحجة انها مش فاضيه بسبب شغلها لحد م ف يوم 
_ريم  ابعتيلي انسه نورا عايزها ف مكتبي دلوقتي 
؛حاضر يفندم 
-صباح الخير مستر سليم حضرتك طلبتني ؟
_اه ي نورا ممكن نتقابل ف كافيه هنا جمب الشركه بعد الشغل لاني عايز اتكلم معاكي ف موضوع مهم بالنسبالي
-انا اسفه ي فندم بس مش هقدر ف حضرتك ممكن تقول كل اللي عايزه دلوقتي 
_تمام ي نورا بصي انتي معانا ف الشركه بقالنا اسبوعين و انا ف الفتره القصيره دي اعجبت بيكي جدا و حابب أن يبقى في بنا حاجه 
-ممكن حضرتك توضح اكتر 
_بصراجه ي نورا أنا عايزك 
قمت بنرفزه و انا صوتي عالي -اي اللي حضرتك بتقوله ده ازاي تطلب مني حاجه زي كده اصلا أنا ....
-اهدي والله مش قصدي انتي فهمتي غلط انا قصدي عايزك ف الحلال ممكن تقعدي و تهدي عشان نتكلم 
_اه تمام أنا اسفه فهمت حضرتك غلط بس ممكن تديني فتره افكر و ارد عليك 
-اكيد طبعا خدي وقتك و انا مستني ردك ي نورا 
_تمام بعد اذنك 
-اتفضلي
____________________________________________
_ماماااااا أنا جيت اي ده زين انت بتعمل اي هنا 
=نعم!
_مش قصدي بس يعني اي سر الزياره السعيده دي 
-بصي ي نورا زين جاي عايز يتكلم معاكي شوفي عايز اي و انا هدخل اعملكم كبايتين شاي 
_ماشي ي ماما اتفضلي ، نعم ي زين 
=نورا أنا بقالي فتره مش عارف اوصلك و انتي بتتجاهليني بس انتي لازم تعرفي أسبابي 
_مش بمزاجك ي زين مش بمزاجك تبعد و تقرب لما تعوز أنا مش لعبه ف ايدك فاكر من سنتين اي اللي حصل لما عرفت اني بحبك بكل برود بعدت و قولتلي احنا مجرد اخوات عايز اي بقى دلوقتي !! رجعت ليه اصلا !!!؟؟؟
=نورا أنا رجعت عشان بحبك 
_و أنا مش بحبك خلاص أنا متقدملي مدير الشركه اللي بشتغل فيها و بحبه و انت بالنسبالي اخويا مش اكتر 
=للدرجادي ي نورا خلاص نسيتيني !! ، تمام ي بنت خالتي أنا بس كنت جاي افهمك أسبابي لاني كده كده هسافر تاني بعد اذنك 
_استنى ، انت مش هتمشي المره دي غير لما افهم كل حاجه 
بعد دقيقتين من الصمت =نورا أنا سافرت عشان.....
يُتبع..
google-playkhamsatmostaqltradent