Uncategorized
سكريبت اللطيف والخطير الفصل الثالث 3 والأخير بقلم ياسمينا محمد
سكريبت اللطيف والخطير الفصل الثالث 3 والأخير بقلم ياسمينا محمد
 |
| سكريبت اللطيف والخطير الفصل الثالث 3 والأخير بقلم ياسمينا محمد |
سكريبت اللطيف والخطير الفصل الثالث 3 والأخير بقلم ياسمينا محمد
“تاني يوم رُحتلهم بدري”
-صباح الخير خالتي نايمه ولا ايه؟
-لالا صاحيه بس بتصلي اتفضل.
“ودخلت”
-مش هتعزمي عليا بحاجة؟
-وهو دا كان بيتي عشان اعزم ولا حاجة؟
-دا ايه اللماضه دي يابت مالك ماتهدي علينا.
-ليه ان شاء الله شايفني بشد ف شعري ولا مجنونه؟
“قُمت وقفت”
-لا انا ماشي الضغط عندي بيعلى .
-ولا يوطى اتفضل .
“خالتي جت”
-ايه دا يازين انت ماشي ولا ايه؟
-لاء يخالتي كنت بتجول ف البيت شويه صباح الفل ياقمر فطرتي؟
-لسه ياحبيبي هحضر الفطار خليك انت ومريم هنا..”ودخلت”
-خديها معاكي ياخالتي بالله.
“مريم اتكلمت بسماجة”
-وانا مش داخله وقاعده ملكش فيه.
-ملكش فيه؟
-اه ملكش فيه!
-اشطا اوي امبارح وانا مروح لقيت ناس بتدور عليكي والي هيجيبك هياخد فلوس اد كدا خليني اتصل ويبقى ملكش فيه كويس.
“وطلعت التلفون وف ثانيه كان عل الارض بسبب حدفتها”
-طنط “عيطت ونادت”طنط شوفتي كلهم وحشين ازاي كلهم.. “وانهارت واغمى عليها”
-مريم يابنتي مالك؟شيل معايا يازين ايه الي حصل؟
“شلتها وانا ساكت ودخلتها الاوضه”
-سيبيها ياخالتي ترتاح شويه وهتبقى كويسه ان شاء الله .
-طب ايه الي حصل عشان تنهار كدا ؟
-كنت بهزر معاها والله بس معرفش ايه الي حصلها!
-كدا يازين معنتش تكلمها تاني روح افطر يلا اتفضل.
-حاضر “وبوست راسها”
عدى ايام عل الموقف دا ومريم او زينه متجنباني خالص ولما باجي البيت بتدخل الاوضه وتنام.
بس انا حسيت اني لازم اضاحبها اكلمها اكيد محتاجة تتكلم.
“خبطتعل باب اوضتها”
-هو مشي ياخالتي؟
-طب لو ممشيش ؟
“قامت فتحت وبصتلي بخوف”
-نعم عايز ايه؟
“مديت ايدي”
-نبقى صحاب؟
“بصت لأيدي بخوف “
-ليه ؟
-هو ايه الي ليه !صاحبيني بس ومش هتندمي.
“وابتسمتلها اكتر”
-ها بقا؟
“مدا ايديها ف ايدي برعشه”
-طيب صحاب.
“شديتها علطول لبرا”
-طب خلاص بقا ياست متخافيش مش هاكلك.
-انت مجنون يازين ازاي تشدني كدا؟
-به به اسكتي وروحي اعملي اكل عشان جعان.
-نعم؟انت خدت عليا علفكره اوي.
-وفيها ايه يعني مش صحاب ؟
-ولو،وبعدين انت عيل ماتعمل لنفسك ولا فين خالتي صحيح؟
-اه عيل فعلاً وخالتي مش خالتك راحت عند الجيران وشويه وجايه هتعملي اكل بما يرضي الله ولا ؟
-دقيقه دقيقه هيا خالتي سايباك معايا هنا لوحدنا؟ انا طالعه.
“ومشيت نحية الباب شديتها من ايديها “
-اقفي كدا خالتنا ربع ساعه وتبقى هنا وبعدين متخافيش ياست انا محترم جداً علفكره.
-اه ماهو باين سيب ايدي ياما هقتلك.
-سيبتها اهو عشان خفت منك بصراحه ،اعمليلي اكل بقا الله يسترك ما يجوعك.
“ابتسمت”
-حاضر خليك شويه.
-اخليني فين ياست يلا قدامي انا بخاف اقعد لوحدي اصلاً!
“ضحكت ودخلنا وانا بعمل كدا عشان اخفف عنها الحرج”
-مش ملاحظه بقالك نص ساعه واقفه ف نص المطبخ؟
-مش عارفه بصراحه بس انا هعمل ايه؟
-اكل يامريم اكيد يعني!
-بجد!!مانا عارفه بس مبعرفش اعمل حاجة انا!
-اومال مين الي هيعمل ياروحي انا؟
-زين استنى افتكرت حاجة ،انا كان معايا تلفون اخت صُبحي فينه؟
-انتي دخلتي بيه البيت؟
-مش فاكره ،بس لاء لاء انت ملقتش حاجه معايا؟
-والله انا شيلتك وخالتي استلمتك.
-ويت كدا انت شيلتني؟”وبتشاور بإستهزاء”
-ومالك قرفانه كدا ليه؟
-مش باين خالص انك تقدر تشيل كنبه اصلاً!
-اه وانتي عايزاني بعضلات وكدا احمدي ربنا دا انتي اتنين طن وشيلتك بالعافيه.
“مسكت سكينه”
-اطلع برا احسنلك.
-ياميمي اهدي بس.
-اطلع قولت.
“اخد خياره وطلع”
-حسبي الله ونعم الوكيل ف الظالم .
-بس يالا ياصايع .
“عدى شهور وانا ومريم بقينا صحاب جداً جداً.
-قول بسرعه البس انهي فستان يلا.
-الاتنين حلوين لو لبستيهم هييي..
-ماتكمل اتخرست ليه وجرب تقول الي ف بالي كدا وانا اندمك عل اليوم الي اتولدت فيه ياحرامي انت.
-وانا الي هعاكس واحب وبتاع تقوليلي حرامي طب اجري بقا مفيش خروج.
“مشيت وراه”
-خلاص بالله بهزر معاك الله يلا بقا انا مصدقت اخرج شويه يلا بقا سوري بلييييز.
“وقف مكانه”
-مسامح بشرط.
-عنيا ليك.
-قُبلة ف ..
“مكملش لاني كنت كعبلته”
-اقول ايه صايع وحرامي وسافل اطلع برا يالا.
-يابنت اللذينه فعلاً اتقلب السحر عل الساحر بقا انا معلمك الحركات دي وازاي تدافعي تعملي فيا كدا !
-اومال عايزني اخدك بالحضن وابوس يا قليل ادب .
-حسبي الله بقا دي تربية بشوات!
-خد بالك بقا امشي يالا..لاء استنى صديقي حبيبي الي هيقولي البس انهي دريس؟
-الاصفر الي شبه..
“قاطعته”
-ها شبه ايه؟؟
-شبه الشمس ياروحي مالك.
-طلعت روحك يلا امشي بقا.
-بموت ف رقتك.
التلفون الي كان مع مريم فعلاً مكنش موجود معاها ف شكلنا هنطول .
-بص بقا انا الي عزماك النهارده اشطا؟
-وبالنسبه لرجولتي نلغيها خالص!
“ضحكت”
-طب علفكره الحاجات دي ملهاش دعوه بالراجل او الست يعني المجتمع هو الي حط التفاهات دي فيها ايه لو دفعت يعني! وانا عارفه انك مش هتقدر تدفع او حابه اصرف عل نفسي انا!
-خلصتي؟
-اه؟
-تطلبي ايه من غير كلام كتير؟
-اهدى علينا ياما هقوم انفخك هنا.
-خلاص خلاص انا بخاف منك اصلاً،وربي ماهرحمك .
-قولت حاجة يالا؟
-بقول ايه الحلاوه دي كلها!
-اه فكرت .
“بعد ماطلبنا واكلنا وحاسب هو “
-وربي وربي ماهعتقك.
-بت اظبطي احسنلك ها انا ساكتلك كتير من الصبح مش عايز ازعلك.
-لاااا بقولك ايه انت..”حط ايده عل بوقي “
-خلاص خلاص يامريم اهدي متعصبيش نفسك انا واطي وبنكلب اسكتي الناس بتتفرج علينا.
-ايه خايف عليك طار ولا حاجة احنا براحتنا محدش له عندنا حاجة وبعدين انا مصدقت اشم هوا هنا محبوسه وف القصر محبوسه.
-اقولك عل حاجة افتكرتها؟
“حطيت ايدي عل خدي وميلت عل الترابيزه”
-قول ياروحي.
-انا شوفتك قبل كدا وانتي بتغيري الفستان ف..
“قاطعته وقومت بعصبيه”
-انت اتجننت يازين !!!ازاي تعمل كدا !!!والله لاموتك.
“وهجمت عليه”
-اهدي واقعدي خليني اكمل والله فهمتي غلط.
“وانا مسكاه من القميص”
-اومال ايه معنى كلامك دا؟
“بص عل ايدي وبصلي”
-انتي اد الحركه دي؟
-انت مفكرني هخاف؟
-طب اتهدي واسمعي الله!
-هتقول ايه هتقول ايه هتفضحني!!انت لازم تصلح غلطتك حالاً!
-يادي النيله “وزعق”ماتسمعي بقا.
“اتخضيت وقلبي وقف نبض دقيقه او اتنين او سنه”
-ايه يازين مابتكملش ليه؟
“ضحك”
-ياستي انا شفتك وانتي بتغيري الفستان بس مشفتش جسمك ولا حاجة كنت عندكم ف القصر بسرق وعديت عل اوضتك اخدت السلسله دي “وطلعها “اهي.
“اخدتها من ايديه”
-يابن الايه يازين ياحلى حرامي تصدق وتؤمن بالله.
-لا اله الا الله.
-محمد رسول الله،خلاص مفيش حاجة انت تعرف اني اتولدت بوحمة عل شكل السلسله دي.
-ايه دا فعلاً!
-اه والله حتى بص “ونزلت التيشرت “
-انتي بتعملي ايه ياشيخه استغفرالله العظيم انتي اتهبلتي يامريم؟
-ايه يازين عادي دي الوحمة!
-منكلله وريني كدا تاني.
“نزلت البلوزه”
-اهي بص.
-ياشيخه بقا انتي مابتصدقي بجد امشي يامريم نروح امشي.
الوحمة كانت تحت رقبتها ف حدود كف الايد كدا ‘دي شفتها ف فيلم عجبتني اوي’ وضحكتني برضو.
“لما روحنا”
-زين بجد متشكره جداً عل اليوم الجميل دا وبحمد ربنا انك سرقت السلسله لاني فقدا الامل اني الاقيها.
-يامريم كلمة بتسرق دي بتصحي ضميري وهتخليني اشتغل كدا بس الله يرضى عنك .
-طب ماتشتغل يازين!
-انتي عارفه مبعرفش امسك فلوس وبتضيع علطول.
-اه فاكره لما حكيتلي كان معاك مليون جنيه وضيعتهم ف سنه ف الاكل واللعب والهبل بتاعك ،بس دا قبل ماكون ف حياتك .
-وضحي اكتر طيب؟
-يعني ندور عل شغل واقبض وانا احوشهملك ومش هبقى حراميه زيك انا معنديش حتة اروحها وقاعده مع خالتي اهو.
-لسانك بينقط عسل ،بس عارفه يامريم انا هشتغل بسببك عشان كلمة حرامي وسراق الي بسمعها بسببك دي ،حاضر ياستي من بكرا اروح ادور واشوف اي حتة تقبل صايع زي.
-طيب بص هو عمتاً مش لازم مكان كبير شركة او كدا فاهم بالعكس حلو تبدأ من الصفر كل حاجة اتمرمط ودور ولو لقيت ايه اشتغله لو قدرت بقا اتنين تلاته ونظبط المواعيد سوا .
-حيلك حيلك اهدي يامريم في ايه انا اخري اصلح عربيات انفخ كوتشات اي حاجة تصليح ماشي ،مش شغلتين تلاته.
-طب اشطا اوي نبدأ ندور مع بعض ونشوف لو حد محتاج تصليح او حاجة ونساعده .
-ايه صيغة الجمع دي معلش؟
-ايه مالهاا؟
-لاء ياما خليكي هنا وانا هعرف ادور لوحدي.
-يازين افهم محدش هيرضى وهما شايفينك لوحدك كدا خدني معاك يحبوك!
“مسكني من الياقه”
-بت انتي شيفاني مركب قرون ؟ايه يحبوك دي انا فهمتك عايزهاهم يشوفوا مزه ويبصبصولك ويوافقوا كدا وانا افضل اتفرج ماتتظبطي.
-الچاكت سيب الچاكت .
-طب روحي نامي يامريم الله يرضى عنك وملكيش دعوه بموضوع شغلي دا .
-ماشي ياصايع ياحرامي ..
“خالتي طلعت”
-ايه دا ياعيال صوتكم عالي ليه؟
-لاء مفيش ياخالتي دا مريم بتشكرني عل الهديه وكدا فرحانه مش كدا يامريم؟
-انهي هديه انت هتستعبط؟
“قرصني ف كتفي”
-السلسله يامريم.
-اه ياغبي ،اه ياخالتي بصي حلوه مش كدا؟
“خالتي مسكتها وبصالها كتير ودمعت وبصيتلنا “
-جبتها منين دي يازين انطق؟
-دي دي ..
“قاطعته”
-بصراحه ياخالتي زين سرقها بس كان مكسوف منك وكدا..
“عيطت”
-منين يازين ريح قلبي وقول؟
“قعدنا جنبها “
-مالك ياخالتي في ايه اهدي .
-اهدي ياخالتي هو قال هيشتغل مش هيسرق تاني والله.
-دي سلسلة زينه بنتي يازين .
“بصيتلها بصدمه ودمعت”
-ززينه بنت حضرتك ؟الي حكيتيلي عنها لما اتخطفت؟
-اه يابنتي تلاقيها ادك دلوقت ،زين وديني عند الي اخدت منهم السلسه بنتي هناك دي سلستلها انا عملتلها لما اتولدت عل شبه وحمتها ولبستهالها مستحيل انساها.
“زين قام وطلع وعيط برا”
-دي سلستلي يا يا ماما.
“بصتلها “
-ازاي يامريم؟
-زين اخذها من القصر عندي والسلسله دي الداداه قالتلي انها كل مابتضيع بترجعلي تاني ودي اشاره لحاجة عرفت دلوقت لايه و وريتها الوحمه.
“قامت وحضنتها وعيطت”
-زينه انتي زينه بنتي.
-اه يماما كنت محتاجة لحضنك دا اوي.
“وعيطوا “
“زين برا عمال يعيط”
-كل حاجة اتكشفت لو عرفوا ان انا الي اخدت زينه من امها هيكرهوني لازم ابعد عنهم.
-ماما انا هطلع انادي زين دا طول اوي .
-شوفيه يابنتي بس خدي بالك من نفسك .
“باست راسها وحضنتها”
-متقلقيش عليا زين معلمني ادافع عن نفسي كويس دا زين البطل بتاعنا ياماما .
-مش مصدقه نفسي اني بسمع كلمة ماما انا كنت واثقه انك عايشه قلبي كان حاسس بدعي ف كل صلاة اشوفك
قبل ما اموت وربنا استجاب وريح قلبي اقدر اموت وانا مطمنه .
-بعد الشر عليكي ياماما متقوليش كدا الله ،وبعدين انتي مش زي اي ام نفسك تفرحي بيا الاول وتشوفي احفاد الله!
-ايه دا يابت انتي مستعجله اكتر مني عل جوازك كدا ليه؟
-ايه ياماما زين برا نسيته يلهوي..
“وطلعت عل برا ،دورت عليه بعيني ملقتوش،ناديته مظهرش،دخلت لماما”
-ماما زين مش موجود برا خالص!
-طب تعالي غيري ونامي وبكرا نطمن.
-هنام ف حضنك النهارده.
-من غير ماتقولي عامله حسابي تعالي.
صحينا تاني يوم بتصل عل زين مابيردش تلفونه مغلق
قلقنا وكل يوم اتصل عدى اسبوع كدا وقولت لماما اروح ادور عليه وقولت اروحله بيته
خبطت مفيش رد ،زقيت الباب بأيدي لانه كان شقه عل السطوح ودخلت ملقتوش جوا قولت استناه بقا وفضلت اروق ف الاوضه .
-زينة يازينه.
“صحيت وبدأت افوق”
-زين ،انت مجتش ليه قلقنا عليك؟
-معلش كنت ف مشوار قومي اروحك يلا.
-لاء معلش انت بقا ف ايه امن اسبوع مشيت ومجتش ،انا عملت حاجة تزعلك يازين؟
قبل مازين يختفي حكى لخالته كل حاجة وسامحته بس بس كان عايز يبعد وينسى هو.
-معملتيش حاجة يازينه قومي بقا اروحك.
-لاء بقا انت هتقول مالك والا الم عليك امة لا اله الا الله واقول بيتحرش وتتضرب .
-انتي مش ملاحظه انك ف الاوضه يعني بإرادتك وبعدين انتي ف مصر محدش هيعبرك اتنيلي.
-عندك حق صح ،زين هو مفيش رجاله زيك انت وصُبحي ف البلد دي ليه؟
-لاء وضحي؟
-يعني رجاله رجاله بتخافوا عل الستات سواء تخصكم او لاء فاكر لما كنا راجعين امبارح و واحد كان بيحاول يعتدي
عل بنت وانت روحت اتخانقت وكلهم قعدوا يحوشوا عنه ويدافعوا عنه ويبصوا للبنت وحش وانت زعقت فيهم واخدنا البنت روحناها
وصُبحي كذالك رغم اني كنت رافضه حبه بس وقف قدام الي مشغله وزعق لصحابه عشاني عشان واحده ست ليه بقا نادراً نشوف الرجاله دي يازين؟
“قعد جنبي”
-مش هعمم واقولك دول مش رجاله وبتاع بس في الي بيبقى خايف عل نفسه ومش هيعرف يدافع عن نفسه ودول بيبقوا غلابه وف حالهم ماشيين
وفي الي بيفضلوا يتفرجوا ويصوروا ويضحكوا مع ان ف الاخر الفيديو بيطلع تريند والشخص دا مطلوب ولازم ياخد جزاءه
وفي الي بيلوموا البنت عل انها لوحدها او بسبب لبسها مع ان انتي عارفه اغلبية بنات مصر بقوا لبسهم واسع وبرضو بيتلاموا ،عارفه عشان كدا دربتك وعلمتك ازاي تدافعي عن نفسك عشان سواء كنتي ايه ف القصه هتبقي السبب لكل دا يبقى تاخدي حقك بإيدك ولا حد يقربلك ،زينة انتي لسه فاكره صُبحي؟
-مقدرش انساه يازين دا وقف جنبي وهو الي ساعدني انا لحد دلوقت بفكر فيه هيكون حصله ايه خايفه اوي محمد بيه شراني.
-طب راعي وجودي راجل وخلي عندك دم .
-الله مش بنفضفض!
-طيب قومي اروحك بقا.
-مش قبل ماتقولي مالك بقا واديني قاعده”وقعدت واستربعت عل السرير”
-زينه مش ناقص وجع دماغ مش هتمشي همشي انا “وطلع برا الاوضه!!قومت وراه”
-ايه يازين دا !! انت فيك حاجة بجد وهتقول حالاً.؟
-يووو يازينه يووووه،زينه انا عايزك تسامحيني.
-هتضربني ولا ايه؟بص بقولك ايه انا معايا الحزام الاسود خد بالك يعني.
-استغفرالله العظيم،انا بتكلم جد ماشي!
-طيب حاضر بتزعق ليه ألاه، اسامحك عل ايه بقا؟
-مش مهم يلا اروحك .
-يووووه بقا يوووه كل شويه اووحك اروحك ومبتقولش حاجة مفيده اتزفت يلا ورايا.
-لاء انتي الي ورايا يالولو مش بودي جارد انا.
-وانا الي هبقى البودي جارد؟
-اتزفتي وانتي ساكته .
-حاضر متزوقش طاه.
“وروحنا ،قدام البيت”
-اه اه يالهوي رجلي يازين رجلي مش قادره امشي اه.
-ايه الي حصل متتحركيش.
-انت رايح فين ياغبي شيلني ودخلني جوا مش هعرف امشي عليها بتوجعني”ومثلت عياط”
-خلاص اهدي طيب متعيطيش بالله عليكي هعيط معاكي.
“وشالني وانا ضحكت ف خباثه ،عملت كدا عشان يدخل جوا وخالتي تستجوبه ومش هتسيبه وتعرف ماله بما انها تعرفه اكتر مني”
-امك لو شافتني شايلك كدا هتنفخني.
“ضحكت جامد”
-لاء متقلقش ..”سكت لما دخل وماما بتقول
-زينه شوفي مين عندنا..ايه دا مالك يازينه “وجريت عليا”
“نزلت وانا مصدومه وباصه للي واقف صُبحي قدامي!!
-صُصُبحي ..
-ازيك يازينه مامتك حكيتلي عل الي حصل حمدلله عل سلامتك.
-الله يسلمك ياصُبحي وانت حمدلله عل سلامتك برضو ايه الي حصلك؟
“صُبحي بص عل زين وبصلي “
-زين صح؟
“زين ابتسمله ومد ايده”
-بالظبط.
-طنط حكيتلي عنك شاب جدع وراجل من حظ زينه انك وقعت ف طريقها.
-فعلاً وانت من حظها انك ساعدتها زينه كانت بتحكيلي عنك كتير .
“وبصلي وابتسم”
-زينة صديقة واخت عزيزه عليا .
“ساعتها اتصدمت من زين،خدني ف حضنه !”
-ومراتي برضو خد بالك .
-الف مبروك الله يهنيكم ببعض يازين تستاهلوا بعض استأذن انا بقا.
“ساعتها بصيت لزين بغضب وطلعت من حضنه وروحت لصُبحي”
-انت عرفت مكاني منين صحيح؟
-دورت وسألت كتير اوي يازينه وبالمناسبه زينه لايق عليكي اكتر .
-صُبحي هنفضل صحاب مهما يحصل.
-اكيد واختي قالتلي حابه تشوفك قريب .
-ان شاء الله قريب ،الا صحيح ايه الي حصل وطلعت ازاي من عند محمد بيه؟
-فاكره علي؟
-اه صاحبك دا الي زعقتله اليوم اياه.
-بالظبط ،طلعني وبلغنا عل محمد بيه واخد اعدام دا غير اعماله الغير مشروعه وموضوع طويل متشغليش بالك انتي بس واتبسطي بحياتك الجديده .
-هتوحشني اوي والله ياصبحي ،
“لسه هيتكلم..زين اتكلم بغيظ”
-وبالنسبه للبرواز الي واقف؟
-طب السلام عليكم ورحمة الله وبركاته .”ومشي”
-انتي ازاي تقوليله..
“قاطعته بنفس عصبيته”
-انت الي ازاي تقول اني مراتك وتحضني كدا انت مجنون؟
-بقولك ايه مش معنى اني بسكتلك كتير اني بعدي لاء انا ممكن ارزعك قلم يعلمك الادب اتعدلي كدا.
-ولااااا ..
-اخرسوا انتوا الاتنين ايه انا للدرجادي شفافه!
-لو سمحتي ياماما مش عشان قعد معاكي اكتر مني يبقى تدافعي عنه لاء دا زودها اوي.
-خالتي مش انتي عارفه كل حاجه؟
-اايوه ياحبيبي.
-ايه ياماما دا بيحضني قدامك وبيقول مراته !
-ياحبيبتي هو هيتقدملك دلوقت اهو مش كدا يازين ؟
“ببصله فجاءه لقيته راكع عل رجله”
-اه والله اهو حتى !!
-يخربيتك انت بتعمل ايه!!
-اتجوزيني ولميني .
“ربعت ايدي “
-مش قبل ماتقول كنت مختفي فين؟
-مش شايفه الخاتم ياغبيه انتي كنت بجيبه!
“ولسه هتكلم لقيته لبسهوني وامي بتزغرط وحضني وحاجة ف منتهى ايه ياولاد الحلاوه دي كلها!
…..
لقراءة باقي فصول الاسكريبت : اضغط هنا
نرشح لك أيضاً رواية شظايا القدر للكاتبة فاطمة عيد