رواية احببته ولكن الفصل الثاني 2 بقلم دودي عماد

رواية احببته ولكن الفصل الثاني 2 بقلم دودي عماد

رواية احببته ولكن البارت الثاني

رواية احببته ولكن الجزء الثاني

رواية احببته ولكن الحلقة الثانية

وقفنا البارت اللي فاتت لما رودينا وجودي كانوا مع بعض وبعدين روحوا
يلا نكمل …..
مازن خلص شغل ورجع وكانت رودينا بتحضر الغدا
مازن بيتسحب عشان متحسش بيه
رودينا وهي باصة للاكل : متحاولش برده بحس بيك
مازن باستغراب : نفسي اعرف بتعرفي ازاي
رودينا سابت الاكل ولفتله وحاوطت رقبته بإيديها : حبيبي أنا بحس بيك في أي وقت وأي مكان
مازن وهو مبتسم ومحاوط وسطها بإيديه : ده ايه الرومانسية دي كل
رودينا وهي بتمثل الزعل : أنا طول عمري رومانسية بس انت اللي مش واخد بالك
مازن : أنا واخد بالي دايما مين قالك كده
رودينا : طب روح بقى خد شاور وغير هدومك عشان الاكل جهز
مازن : ما تفكك من كل ده وتعالي اقولك على حاجة
رودينا : حاجة ايه
مازن : تعالي بس وشدها ودخلوا الاوضة

* في بيت جودي *
قاعدة زهقانة لأن جوزها مسافر أو هو اللي قايلها أنه مسافر هتعرف بعدين وكل ما تكلمه فونه مشغول وقاعدة زهقانة جدا ف كلمت رودينا
* عند رودينا ومازن *
كانوا قاعدين بيتغدوا وجودي رنت عليها ف ردت
رودينا : يا بنتي ما احنا كنا لسة مع بعض
جودي : لقيت نفسي زهقانة وجربت اكلم مالك بس مشغول
رودينا باستغراب : مشغول! وكملت بهزار : هو عاملك بلوك ولا ايه
جودي : يا خفة .. المهم أنا زهقانة
رودينا : طب ايه رأيك تجيلي نقعد مع بعض شوية
جودي : جوزك ممكن يتضايق
رودينا بصتله وابتسمت : بطلي هبل اكيد مش هيتضايق
جودي : لا لا خلاص أنا هدخل انام احسن
رودينا : طب والله لو ما جيتي هزعل .. وبعدين اهي فرصة تشوفوا بعض احنا من ساعة ما اتجوزنا وانتوا مشوفتوش بعض .. ده حتى انتي مجيتيش يوم الفرح

جودي : ما انتي عارفة أن مالك منعني
رودينا : أنا مش عارفة ايه اللي عاجبك في مالك ده
جودي : بحبه .. وبعدين ما انتي كمان محضرتيش فرحي
رودينا : يا بنتي ما أنا كنت مسافرة ومعرفتش انزل
جودي : يلا حصل خير
رودينا : المهم انك جاية دلوقتي ومش هقبل اي اعذار
جودي بقلة حيلة : حاضر هلبس واجيلك
رودينا : اشطا يلا باي وقفلوا
مازن بابتسامة : ها يا حبيبي صاحبتك جاية
رودينا بفرحة : اه يا حبيبي
مازن : طب هنزل أنا بقى
رودينا ابتسامتها اختفت وقالت : ليه يا حبيبي
مازن : عندي مشوار مهم واحتمال اتأخر
رودينا : ده انت لسة جاي
مازن : ما أنا بقولك مشوار مهم
رودينا : أيوة فين يعني
مازن بضيق : وبعدين معاكي يا رودينا من امتى وانتي بتساليني رايح فين وجاي منين
رودينا : يا حبيبي أنا كنت عايزاكم تشوفوا بعض

مازن بسخرية : ليه يعني هتجوزها مثلا
رودينا : أنا قصدي يعني تتعرفوا على بعض
مازن : ليه بردو
رودينا : عشان هي نفسها تتعرف عليك
مازن : تتعرف عليا بتاع ايه يعني
رودينا : يعني جوز صاحبتها وكده
مازن : رودينا أنا مش فاضي لوجع الدماغ ده وعندي مشوار مهم قولتلك
رودينا بزعل : خلاص روح مشوارك
مازن : طب زعلانة ليه دلوقتي
رودينا : مش زعلانة يا مازن خلاص
مازن : لا زعلانة هو أنا يعني مش عارفك
رودينا : يووووه يا مازن قولتلك مش زعلانة
مازن بزعيق : خلاص براحتك دي بقت عيشة تقرف

ومشي ورزع الباب وراه ورودينا قعدت تعيط لحد ما الباب خبط وهي قامت تفتح ولقت جودي قدامها
جودي بخضة : مالك بتعيطي ليه
رودينا اترمت في حضنها وقعدت تعيط
جودي طب بس بس اهدي ودخلت بيها وقفلت الباب وقعدتها على كنبة الانتريه وقعدت جنبها تهديها
جودي : يا بنتي اهدي وقوليلي مالك بتعيطي كده ليه
رودينا بشهقات : مازن زعقلي وسابلي البيت ومشي
جودي باستغراب لأنها عارفة أنهم بيحبوا بعض جدا : ليه
رودينا : كل ده عشان قولتله يقعد عشان تتعرفوا على بعض وهو قالي أنه عنده مشوار مهم
جودي : ما انتي غلطانة يا رودي المفروض هو عنده مشوار تسيبيه
رودينا : لا يا جودي هو بس بيتهرب من مقابلتك
جودي باستغراب : ليه يعني
رودينا : مش عارفة هو كل ما أقوله انك جاية يقولي عندي مشوار مهم ويسيبني ويمشي وميرجعش غير لما انتي تمشي
جودي : يمكن بيبقى فعلا مشغول
رودينا : لا يا جودي الموضوع غير كده خالص .. أنا لازم اعرف هو ليه بيحاول على قد ما يقدر ميتقابلش معاكي .. وهعرف

يتبع..

لقراءة الفصل التالي : اضغط هنا

لقراءة باقي حلقات الرواية اضغط على : (رواية احببته ولكن)