رواية شلة بنات الحلقة التاسعة 9 بقلم ندى الشريف
رواية شلة بنات الحلقة التاسعة 9 بقلم ندى الشريف
 |
| رواية شلة بنات الحلقة التاسعة 9 بقلم ندى الشريف |
رواية شلة بنات الحلقة التاسعة 9 بقلم ندى الشريف
وهما فى نص الطريق العربيه وقفت مره واحده
شهد: ايه دا
حمزه: ثواني هنزل اشوف
بعد دقائق
شهد: ايه الاخبار
حمزه: الكوتش فرقع
شهد: تصدق بالله
حمزه: لا اله الا الله
شهد: انت نحس
حمزه: لمى نفسك انتي بتكلمى مقدم
شهد: اتنيل يا عم من ساعه ما عرفتك وانت بتقول مقدم الا ما شوفت اي حاجه تدل انك مقدم غير مسدسك
حمزه مسح وشو وقال: طب احنا لازم نستنى اي عربيه ماشيه تاخدنا معاها
شهد: طب على فكرة الطريق فاضي مفيش حاجه معديه
حمزه: أستغفر الله
شهد: انت جاي تتوب هنا
حمزه: خشي جوا العربيه يا شهد
شهد: خلاص أعم انت اساسا القعده معاك ممله
قعدت شهد جوا العربيه وهيا مبسوطه هيا اتجوزت حمزه صحيح هو مش بيحبها بس بردو مبسوطه
عدت ساعه وكل واحد فيهم ساكت
شهد خرجت رأسها من العربيه : اريس
حمزه: نعم
شهد: مفيش حاجه عدت الفستان دا رخم اوى
حمزه: لا مفيش حاجه عدت
شهد: الدنيا ساقعه اوى
حمزه: فعلا السما مغيمه ادخلى جوا العربيه عشان هتعيي
شهد: مهو المكان هنا ضيق انا قاعده على الكرسي اللى قدام والشنط ورا
حمزه: خلاص انزلى وبدلى
شهد: فكرة حلوة
نزلت شهد ركبت ورا وحطت الشنط قدام
شهد: حمزه باشا
حمزه: ايه يا زفته
شهد: انا سقعانه اوى
حمزه: استنى طيب
وقلع جاكت البدله وادهولها تلبسو
شهد: شكرا بس انت كدا هتاخد برد ادخل فى العربيه
حمزه: ملكيش دعوه بيا اهم حاجه انتي ادفى كويس
شهد: مفيش ولا عربيه عدت تعالى اقعد فى العربيه ولو شوفنا عربيه وقفها
الدنيا بدأت تمطر دخل حمزه العربيه جمب شهد وقعد على فستانها
حمزه: اقلعى ام الفستان دا كبير اوى
شهد: حاضر هغير لما اروح
حمزه سند دماغو على الكنبه وشهد سندت دماغها وسحبت فى النوم
حمزه: يا ام بدوى انتي شيلي دماغك من على كتفى
وشهد نايمه فى سابع نومه
حمزه قاعد مراقب الطريق وشهد عماله تقع ويعدلها تاني
حمزه فى نفسو: تعرفى يا دودى انا الاول مكنتش بطيقك اساسا بس بعدها بدأت اخد عليكي بعدها حسيت اني بحبك بس قولت ايه الهبل دا لما روحت اتجوز اختك كانت خالتى اللى قايلالى عليها لما عرفت انك اختها اتجننت يعني لو كنت خطبتك انتي كنت هبقى فرحان لما رضوى هربت كنت مبسوط وقولت فرصه نتجوز واهو اتجوزنا صحيح انتي بومه ونحس بس عسل وبحبك بس انا مش بعرف اقول كدا بس اوعدك لما نوصل بالسلامه هخليكي تحبيني ومش هطلقك ابدا
الفجر طلع عليهم والشمس بدأت تطلع
حمزه: شهد شهد شهد انتي يا كلب البحر
شهد: ايه مين مات
حمزه: يخرب بيتك بومه على طول تشاؤم كدا
شهد: حرام عليك صحتني ليه
حمزه: بعيد عنك العربيات اهى على الطريق يلا عشان نوقف عربيه
شهد : طب قوم شوف عربيه وانا هحاول اخرج من الباب بالفستان دا وهجيب شنطنا
وبالفعل حمزه وقف عربيه وحطو شنطهم وركبو وروحو
واخيرا وأخيرا وصلو القاهرة ومن القاهرة راحو على الغردقه بس طبعا غيرو هدومهم واستعادو للسفر التاني وجابو عربيه حمزه واتصلحت
شهد: أعلنت وكاله الانباء المهلبيه عن وصول المعاتيه لمدينه الغردقه
حمزه بضحك على الهبل بتاعها: يخرب بيت هبلك
شهد: شكرا شكرا جمهورى إن شاء الله تاكلو يوم فرحي مرتين
حمزه ميت على نفسو من الضحك : يخرب بيتك يلا انزلى يا ام بدوى خلاص وصلنا الفندق
شهد: اهو يا عم نزلنا يلا ندخل بس عارف لو بصيت على اي حاجه هخذق عينك
حمزه بضحك: يا بنتي انا لو نفخت فيكي هتطيري
شهد: للدرجادشي سمعتشي فى النازل
حمزه فضل يضحك عليها وخدو اوضه كبيرة ليهم وطلعو
شهد: يا عم الحاج
حمزه: يا نعم
شهد: بص انا هنام على السرير وانت الكنبه فاهم
حمزه: مين دا انا على السرير وانتي الكنبه ونامي بقى عشان تعبانين
شهد: انت الراجل تنام على السرير وانا على الكنبه
حمزه: اه اصل انا ندل
شهد: طب طلاق اربعه لانا اللى نايمه على السرير
حمزه: طب وحياه خالتك مديحه الابيحه لهنام على السرير
شهد: طب وحياه خالتك حلويات لانت نايم على الكنبه
حمزه: احنا كدا هنردح لبعض
شهد: بص خلاص نقسم السرير انا هنام هنا وانت هنا وعارف لو عملت حاجه أنا بلطش
حمزه بضحك: لا مش هعمل
ونامو الاتنين المجانين دول لحد بليل
شهد: يالهووووووووتااااااااي
حمزه بفزع: ايه ايه
شهد: اصحى يا عم انا جعانه
حمزه: بتصوتى فى وداني عشان جعانه يا طفسه
شهد: خلاص بقى يا عم يلا اتفضل البس عشان ننزل ناكل
حمزه: لا لما تقوليلي يا زوما
شهد بصتلو بصه
حمزه: خلاص هقوم البس بس بلاش البصه دي
وقام حمزه لبس وشهد لبست ونزلو
حمزه: اتنيلي كلى يا ستي
شهد: انت نتن
حمزه: لمي نفسك
شهد: يا عم امشي بعضلاتك دي تلاقيها نفخ
حمزه: نفخ!!!!!!!!
شهد: تصدق جمبي واجعني اوى
حمزه: احسن مهو من الاكل
شهد بوجع شديد: اااااااااااه مش قادرة جمبي بيتقطع
حمزه بقلق: مالك يا شهد
شهد بدأت تصرخ من الالم
حمزه خدها وركبها العربيه وطلع بيها على المستشفى
خدوها اوضه العمليات ودخلوا
بعد مرور ساعه ونص*****
حمزه: خير يا دكتور مراتي مالها
الدكتور: شد حيلك
حمزه بقلق وعصبيه: بقولك مراتي مالها
الدكتور: البقاء لله المدام ماتت
*********#
يتبع..
لقراءة الحلقة العاشرة : اضغط هنا
لقراءة باقي حلقات الرواية : اضغط هنا
نرشح لك أيضاً رواية ملكة قلبي للكاتبة ندى شعبان.