رواية غرأم العاشق الفصل الخامس والعشرون 25 بقلم ميرو احمد

 رواية غرأم العاشق الفصل الخامس والعشرون 25 بقلم ميرو احمد

رواية غرأم العاشق البارت الخامس والعشرون 

رواية غرأم العاشق الجزء الخامس والعشرون 

رواية غرأم العاشق الفصل الخامس والعشرون 25 بقلم ميرو احمد


رواية غرأم العاشق الحلقة الخامسة والعشرون

#غـــرام_الــعــاشــق
#الـــحــلــقـه_25
الــكــاتــبـة مـــيــرووو احـــمـــد
🌺"«قـــــراءة مــمــتــعــة»"🌺
ايهاب امعصب 😡: مش تبي حوش هلك البسي هي نرفعك حتي انا معاش تلزميني انا في السياره وطلع
انا فتحت اعيوني بصدمه من كلامه 😨😨
قعدت نبكي كريت رجليا كر لبست عباتي ولفيت وشاحي ونبكي 💔مصدومه في ايهاب 💔💔😭 ماتوقعتاش في يوم ايدير فيا هك طلعت وركبت جنبه وانا ماسكه دموعي  وهوا طار بالسياره يجري وامعصب 😡 قريب قلبها بينا💔 
انا شاده قلبي بخوف كان يجري بسرعه وامعصب اول مره انشوفه هك 😨 
ايهاب ماكنش ايشوف قدامه شي امعصب ع الاخر من غرام الي مش واتقه فيه نهائي هو الي ضحى بكل شي عشانها والي تطلبه يوصلها امدللها ع اكفوف الراحه مايشوفش في وحده غيرها ولا ايخون فيها زي ما هي امصدقه كل مره تغلط فيه بكلامها وتتهمه بي الكذب  لانه كل مره يعذر فيها ويلعن الشيطان ويعتذر و ايراضيها بس هي مزالت مش واتقه فيه
انا انشوف في الطريق استغربت: هذي مش طريق حوش هلي
ايهاب بعصبيه 😡 : ضمي فمك حسك مانبي نسمعه
انا: كنك اتعيط عليا وين رافعني 😨 
ايهاب 😡:قلت مانبيش نسمع صوتك ولا
انا  سكتت خفت منه لانه كان امعصب مافهمتش عليش ايعصب وهوا الغلطان 🤔
ايهاب درس قدام كافي  
ايهاب: صوتك مانبيه يطلع لين انروحو انزلي قدامي
انا مش فاهمه شي ليش جابني هنا وشن يبي ايدير
ايهاب نزل وجي جيهة بابي دق ع الروشن : مازلتي امطوله
انا 😒: مش نازله مش ع كيفك قتلك نبي حوش هلي مش كافي
ايهاب بعصبيه 😡:بتنزلي ولا اندير العار هنا ماتخليش اجنوني يطلعو عليك هنا قدام الناس
انا:وعليش جايبني هنا من الاول حطني في حوش هلي لو عارف روحك بدير العار
ايهاب 😡:بتنزلي بكرامتك احسن ما انزلك غصبن عنك ره مزلت ماسك اعصابي عليك وامطول بالي امعاك لهدا انزلي خير  ماتخافيش ح نرفعك لحوش هلك 
انا خفت ونزلت وماسكه روحي بالقوه مانبيش نبكي 💔 قعدت نمشي وراء زي البطريقه مش قادره نمشي بسرعه وانلحق في ايهاب لانه مشيتي بدت بطيئه قعدت نمشي بشويا وانوقف لانه نفسي يهرب وندهش وانا خانقتني العبره
ايهاب التفت وراء شاف غرام وكيف اتكر في روحها كر واضح عليها تعبانه 💔 تنهد وزفر بالقوه ورد مشالها مسكها من يدها 
ايهاب: كنك اتحسي بشي
انا  سكتت مارديت 💔😭 تي بعد كل شي درته مزالت تسال اتحسي بشي  
كان الكافي شبه فاضي كان في نهاية الكافي في بنت امنزله راسها اول ما رفعاته شفتها نفس الي في الصوره الي جتني ع الوتس امع ايهاب بلعت ريقي بخوف توتر 😨 وشفت لي ايهاب معقوله يا ايهاب اتجيبني لهناء اتجيبني لي اكثر انسانه اكرهتها من قبل حتي لا نعرف حتي اسمها اتجيبني لي لوحده كانت هي السبب في خراب حياتنا اتجيبني لحبيبتك معقوله 💔 شفتله بنضرة خيبه امل 💔 اخر شي متوقعه ايديره
ايهاب فهم نضرتي وعارف موقفي وشن انحس بس ماكان عنده خيار تاني عشان ايبرر روحه وايسكر القصه هذي لي مابت تكمل كل مره امخربه استقرار حياته للنه اتعب يبي ايعش حياه طبيعه منغيير مشاكل ولا شكوك ولا قلة تقه
ايهاب:السلام عليكم
رهف وقفت: وعليكم السلام ومدت يدها بتسلم ع ايهاب
انا شبحتله بنشوف ردت فعله بس ايهاب صدمني بعد سلم عليها 😨 
رهف ابتسمت وشافت بطني: هذي مرتك
ايهاب: اي مرتي غرام
رهف: ماشاءالله ربي يحفظها لك واينوضها بسلامه
ايهاب: ان شاءالله
رهف مدت يدها ليا: اهلين غرام
انا شبحت فيها اكويس وشفتلها من فوق لتحت😒: اهلا  
رهف زادت توترت ماتوقعت ايهاب ايجيب غرام امعا
رهف: تفضلو
ايهاب قعمز  وقعمزت جنبه
ايهاب: قبل ما اتقولي موضوعك نبي نفهم شن سبب مكالماتك ورسائلك قبل فتره وعليش درتي هكي
رهف تنهد بحزن: توا نحكيلك كل شي اصلا هذا الموضوع بنحكيه لك واحسن شي مرتك جنبك ح نحكيلكم كل شي بصدق 
ايهاب: احكي نسمعو فيك ليش درتي هكي
رهف 💔: مش انا الي نتصل بيك ولا بعتت الرسائل  انا يا ايهاب انسيت كل شي ورضيت بالنصيب وعرفت روحي غلطانه بعد رضيت نحكي امعاك وانت متزوج احني من البدايه ماكنا لبعض نكدب لو قتلك ما نسيتك بس قاعده انحاول ننساك صح صعب الي درته فيا وكيف تخليت عني يوم فاتحه وصدمتني فيك وكسرتني بس مش معنى اندير هكي وانحاول انفرق بينكم لانه انا ماقدرتش انفرقكم في بداية زواجكم ليش بنجي توا بعد مرتك حامل 💔 انخرب بينكم الي ماترضا لروحك ماترضاش لغيرك    
ايهاب استغرب: كيف مش انتي والصور و المحادثات الي بينا قبل 🤨 
انا كنت ساكته ونسمع فيهم 💔 ومن داخل نحرق لو نلقا نقلب الطاوله عليها وانوض نرفسها لين انفش غلي فيها 😡 
رهف: جايتك في الكلام ريان اختي كانت تحكي امع مصطفى خوك قبل ما يتزوج هي حباته برغم ماكان واعدها بشي ولا عاطيها وجه صح اختي كان اتكلم في شباب هلبا بس اول مره انشوفها اتحب شخص لدرجة ادير اشياء ماتخطرش ع البال وادخلني في خطتها الحقيره صح نعرف اختي غيوره وحقوده بس مانتوقع يوصل بيها حقدها لدرجه ادمر حياة ناس ريان اختي هي الي اتصلت بيك يومها بعد ردت غرام وهي الي تبعت الرسائل واتهدد في غرام وهي الي طيحت هيثم من الدروج يومها صح جيت انفسد ع اختي وماسترت عليها لانه اختي غلطت والي ساكت ع الحق شيطان اخرس انا من يوم عرفت بالموضوع معاش جاني نوم ونحلم بكوابيس ماقدرتش نسكت شن ذنب طفل يتيم ادير هكي
خفت نحكي لبابا يقتلها وانكون انا البسبب في موتها انا عرفت متاخر من بعد عملتها في هيثم وطيحاتها 💔 بعد عرفت قعدت اتهدد فيا تخبر بابا بعلاقتي بيك قبل وعلاقتي بشخص كنت نعرفه قبلك سكتت لانه فعلا خفت تحكي لبابا لانه بابا واعر مايتفاهمش 💔 بس معاش قدرت نسكت وانشوف الغلط وطلبت نحكي امعاك لانه عارفه بتسمع مني واتصدقني لاني ماليش اي ذنب واختي هي الي حاولت اتخرب بينكم 💔
انا وايهاب مصدومين في كلامها ماتوقعناش هيثم ايكون طايح بفعل فاعل 😱 
ايهاب بعصبيه: كيف انتي متاكده من الي تقولي فيه
رهف نزلت راسها بحزن: اها زي ماقتلك اختي وراء كل شي
انا مزلت مصدومه انصدمت اكثر بي هيثم شن علاقتها بيه وليش دارت فيه
انا 😡:ليش دارت في ولد اختي هك شن البسبب هو شن دخله بين مصطفى واختك
رهف: لانه كان زواج مصطفى كله ع خاطر هيثم وحست هيثم هوا الي سبب بعد عنها مصطفى هي مجنونه من قبل فما بالك بعد حبت شخص لي اول مره 💔 
ايهاب: بس الكلام هذا كبير لو عرف مصطفى اكيد بيفتح في اختك محضر مش ح يسكت ولا انا بنسكت علي حق ولد خويا الي كان اشوي ومات من حقد اختك  😡 
رهف: ديرو الي تبوه المهم انا بريت دمتي وحكيت كل شي واختي غلطت ولازم تتعاقب عشان اتكونلها عبره منه
ايهاب: تي شن ذنبه طفل يثيم ادير فيه هك من شن مصنوعه اختك
انا: حسبي الله ونعم الوكيل فيها ربي ياخد الحق فيها كيف عذبت هل اليثيم ربي ايزيدها اضعافه 😡😡 
رهف وقفت تمسح في ادموعها: انا نستاذن توا الي عندي حكيته ليكم  
ايهاب هز راسه ليها كان امعصب من موضوع غرام زاده هيثم ومصدوم 😡 
رهف رفعت شنطتها وطلعت تبكي 💔😢 
ايهاب مسح بوجه بعصبيه مش عارف شن ايدير  💔 
انا: كيف قدرت ادير هكي مافيهاش ضمير بكل
ايهاب: الي كيف هكي ضميرهم ميت 😡 
انا: ربي ياخد الحق منها 💔 بس توا شن بدير
ايهاب التفتلي:  في شنو
انا: بتحكي لمصطفى
ايهاب:  مش عارف عقلي ايقول ماتقولش وفوت المشاكل لانه حتي مصطفى بيطيح في مشاكل وريهام بعد تعرف انه وراء طيحت ولدها وحده من الي ايكلم فيها مصطفى مش حترضا وقصه بكل
انا: اي صح بس الحل شنو
ايهاب: مش عارف لانه الموضوع هذا بيدمر علاقتهم هم ممكن حتي يطلقو وانتي تعرفي ريهام معانديه زيك ولدها ماتتحملش فيه شي يابال يطلع طيحته بسبب مصطفى
انا: باهي شن انديرو بنقعدو ساكتين
ايهاب: اي لين انشوفو وضعهم اكويس وعلاقتهم قويه
انا: كنها علاقتهم وضعهم
ايهاب : ماحكتلك ريهام شي
انا: لا
ايهاب: لانه مصطفى وريهام علاقتهم زي الخوت ماصارش بينهم شي  
انا انصمدت ماتوقعتش انه علاقتهم هك صح في البدايه عشان يتاقلمو بس توا ليهم اكثر من 3 اشهور متزوجين معقوله 
انا: معقوله ريهام ماحكتليش بكل
ايهاب: والي صار في بداية زواجنا حكيتي انتي لحد من عيلتك
انا: لالا
ايهاب: خلاص هذين اسرار زوجيه مش كل شي ينحكي وحتي نحنا مرينا بتجربه زيهم بس الحمدلله
انا: اي ربي ايقرب بينهم  ايحنن اقلوبهم ع بعض ❤️
ايهاب :امين 
انا: محقرها باهي احني شن دخلنا فيها ليش تبي اتخرب حياتنا
ايهاب وقف: والله مش عارف زي زيك بري اساليها
انا: وين ماشي
ايهاب: بنوصلك لحوش هلك
انا قلبي وقف😢💔 : ايهاب خلينا نحكو
ايهاب: مافيش شي نحكو فيه اعتقد سمعتي كل شي واني مانخونش فيك زي ما انتي امفكره انا مش حقير لدرجة نرقد امعاك وعقلي امعا غيرك 
انا وجعني انه ظلمت ايهاب وما اسمعت منه ولا عطيته فرصه يحكيلي  💔😢 
انا 😢:ايهاب
ايهاب 😡: ايهاب صح مش واتقه في ايهاب  توا شن تبي منه هيا اطلعي قدامي 
انا 😢💔:بس 
ايهاب:  لا بس لا بسين هيا
انا وقفت وحيلي مهزوز كيف ظلمت ايهاب وغلطت في الكلام امعاه هو بريئ حسبي الله ونعم والوكيل فيك يا ريان ان شاء الله ما تتهني فحياتك ياكلبه 😡  
طلعت امع ايهاب وركبت في السياره  وايهاب ولع السياره وطلع  
انا 😢:حبيبي خلينا نحكو صح ظلمتك بس ماتنساش انه سمعتك تحكي امعاها حط روحك مكاني وقتها ممكن درت زي بعد تسمع راجلك يحكي مع حبيبته الاوله ويتفق يتلاقه امعاها اكيد كنت درت زي واكثر  
ايهاب: غرام الموضوع مش هك بس انتي مش واتقه فيا راجل بكبري ولحيتي قدامك نحلفلك مش امصدقه شن نبي من زواج مافيش تقه معدومه وانتي ع ابسط شي تفقدي التقه فيا واتقولي انت خاين وانت ادير هك وادير هك مش شرط كان بدايتي امعاك كانت سيئه معناته انا هكي شفتيني انا فتحت قصتك امع منذر قعدت ع الطالعه والنازله انذلك بيها  ضرب واهانه ولا بعد عرفت عزقتك عند هلك  لانه ماااااضي كله ماضي قبل ما نتزوجو فوتهتا لك هدا كله وانا مش امنقص عليك حاجه غير اطلبي بس امعيشك ع اكفوف راحه مانتحملش اتقولي اه ولا تشكي من شي هدا كله عشان انحبك انتي شن درتي غير اتشكي فيا ومش واتقه فيا وما اتصدقيش في كلامي 
انا 😭:اسفه وربي اسفه عارفه روحي زودتها امعاك ماتحملتش نسمع فيك تحكي امعاها غرت نار شعلت فيا 💔
ايهاب: هدي ما اسمها غيره قلة ثقه بس حتي الغيره عندها احدود وانتي هلبا كل مره تغلطي انمشي فيها لك لاني انحبك بس و عاذرك بوضعك بس مره اتنين ثلاثه هلبا هكي وانتي اتعاودي نفس الشي
انا مسكت يده ورفعت اعيوني 🥺:حتي نا انحبك واتقه فيك حبيبي شفت المره الاوله والتانيه صدقتك واسمعت منك بس اليوم سمعتك يوذني اتكلم فيها وتدكر في اسمها حط روحك في مكاني وربي من صدمتي حكيت هك 💔🥺 
ايهاب سحب يده ورجع ايسوق
انا:ايهاب 
ايهاب: نعم
انا 🥺:احكي ليش ساكت
ايهاب: اتشوفي فيا انسوق ولا
انا ابتسمت: به روح بيا لحوشي ❤️ 
ايهاب ضحك: وين مش تبي حوش هلك
انا ابتسمت ☺️:  لا نبي حوشي
ايهاب: هو اصلا امروح بيك ليه تحسابيني مجنون انروح بيك لهلك عشان باتك معاش ايخليك اترديلي 😂 
انا مسكت يده: انحبك ❤️ اسفه حبيبي سامحني 
ايهاب رفع يدي باسها: و انا انموت فيك ياقلبي بس نبيك اتكوني واتقه فيا حبيبي مش اي شي تسمعيه معناته صح معاش تتسرعي افهمي قبل ره اساس الزواج الثقه لو ماكان في تقه ينهز الزواج وينتهي 
انا 🥺: حاضر ياقلبي 🥺  
ايهاب: لكن مش امشيها لك بساهل توا انديرلك زي ما اديرلي 😉 
انا ضحكت: خزي مكار انا شن درتلك 🥺 ماهو انا بسلامتي قلبي طيب دغري انسامحك 🥺
ايهاب: اتسامحيني بعد التشحيط 😂 
انا حطيت يدي علي بطني : توا بابا مش حرام عليك اتشحط ماما 🥺 
ايهاب ضحك: لا مش حرام خليها تعقل اشوي هي قريب تبدا ام من غير عقل ماتفكرش
انا ضحكت: قولوه ايخف ع ماما اشوي ماتتحملش عصبيته
ايهاب ضحك: مش تبي عصبي واعر انتي 😉 هدا كلامك يومها
انا ابتسمت 😍:نصه وعاره نص محنه 😍❤️ ربي ما يحرمني منه 
ايهاب ضحك 😂 : لسني 😂 
انا 🥺: هوبي حبيبي هيا عاد
ايهاب: لا
انا: كنك شرير
ايهاب: تعلمته منك
انا 😂:عنك ما رضيت باهي توا ابروحك ترضا 
ايهاب ضحك: باهي انشوفو 
ايهاب :  شن رايك ناخدو دبش الثوام
انا: مزال بكري
ايهاب:  عادي ناخدو توا وبعدين 
انا: به انغيرو جو اشوي  
قعدنا انتابشو انا وايهاب وخدينا دبش ع الازرق لانه قالولي اولاد وخديت كم حاجه ناقصتني وغيرت جو  انا وايهاب صح  تعاركنا بس بسرعه ما تصالحنا ❤️ احلى شي انه زعلنا مايطولش انحلو مشكلتنا ابروحنا ❤️❤️  روحنا لبيت انا المشيه تعبتي اشوي  درت عشاء خفيف  وتعشينا خليت ايهاب في الصاله
خشيت الحمام دوشت طلعت لبست روب حوامل  ❤️ دهنت جسمي بالمرطب وبخيت عطر درت اشوي ماسكره وروج وردي خفيف جففت اشعري وخليته مفتوح وطلعت لصاله القيت ايهاب مزال يتفرج ع TV وقفت قدامه
مسكت الريموت وطفيته TV
ايهاب ضحك ايشوفلي: شنو هدا 😍
انا قعمزت ع رجليه : شن  😏
ايهاب ضحك :ع شن ناويه يافرخه 🔥 
انا انمرر في ايدي ع لحيته بدلع: امممم نبيك 🤤 
ايهاب 😍: هلبا هك 🤤
انا ضحكت وبسته 😘🔥: لا
ايهاب 😍:نعليا بتهبليني فجرتك🔥🔥🔥
.
.
.
.
.
.
.
.
.
.
.
تاني يوم في الصبح
مصطفى خش لدار عشان ايشوف هيثم القيه راقد قعد اينابش فيه يبيه اينوض رفع راس انصدم بمنضر ريهام
😍 
ريهام كانت طالعه من الحمام لبسه المنشف ناسيه دبشها برا   
ريهام انصدمت بعد شافت مصطفى قعدت واقفه اتشوفله بصدمه
عكس مصطفى الي عقله مشي لمكان بعيد 🤤 
مصطفى:محلاااااك 🤤
ريهام انصدمت😳 😳😳
مصطفى وعا علي روحه ونزل راسه: اسف سامحيني من غير قصد وطلع متخزرط ومنضر ريهام بين اعيونه  
قعمز في الصاله يتنفس بقوه مش عارف خيره وكيف في لحضه قدرت ريهام ادير فيه هك 🔥 ابتسم بعد ادكر شكلها وشعرها المبلول وجها البشوش وجسمها المغري هلبا حاجات ماكان ايشوف فيها بس توا ركز فيها بالخص حنيتها ❤️ 
رجع راسه لخلف ومبتسم من غير سبب بس فجاء جت في باله صورة خوه كيف كان ايشوف فيها وكيف كان امعاها اضايق هلبا رفع تليفونه وطلع منغير ما يفطر  هو مضايق 💔 
اما ريهام لبست ع السريع وبتموت من الحشمه مش عارفه كيف اتقابل مصطفى تاني وكيف بتوريه وجها ادكرت كلمته محلاااك ابتسمت ❤️ لانه زيها زي اي زوجه تنتضر الكلام الحلو من زوجها حتي ولو كلمه بسيطه ❤️ 
.
.
.
.
.
.
.
عند إيلاف غسلت اماعين الغذاء وطلعت بسرعه كدبت ع ماما انها ماشيه لجديده
طلعت وقعدت في الجنان اتراجي في انس بفارغ الصبر وقلبها ايدق من الخوف وهي اترتب في كلامها ❤️ تبي تحكي امع قبل لا ايخش داخل هي متوتره وخايفه حد يطلع من عمامها وهي عينها ع الباب  وانفتح الباب وخش انس ابتسمت اول ما بان عليها كيف خاش بسرعه ما تلاشت ابتسامتها بعد شافت يده ملفوفه بشاش ويده التانيه رافع فيها ساكو اصغير 
إيلاف مشتله تجري خايفه 😨 : انس كنك شن في خيرها يدك
أنس ابتسم: سلمي قبل
إيلاف بخوف: تي كنها يدك شن في مضروب صح
انس: بسيطه عادي
إيلاف 😢: اين بسيطه شوف يدك هذي نهاية السلاح الي تجري وراء 
انس: عاديه كنك انظف في اسلاح نشت روحي بالغلط ججت في لحم بس
إيلاف 🥺: الحمدلله ع سلامتك ❤️ 
انس: الله ايسلمك
إيلاف 😢: باه شن حالك توا 
انس: الحمدلله اكويس ماتشغليش بالك مافيا شي
رغد طالعه كانو دازينها لبيت جدي شافت انس عيطت
رغد: حي انس روحت شافت يده
وجتهم قبل لا توصل فيهم
إيلاف: انس نبيك في موضوع ضروي نبي نحكو ابروحنا
انس:  شن الموضوع
إيلاف: توا تعرفه بعدين تالقاني في حوش جدي
انس: تمام
وصلت رغد فيهم
رغد: انس كنك خيرها يدك 😨😨 
انس: انضف في الاسلاح طلعت طلقه بالغلط وجت بسيطه
رغد 🥺:الحمدلله ع سلامتك امتى انضربت
انس: امس  
إيلاف: شن نبي فيها الكتيبه انت صح خديت شهادتك اخدم بيها فوتك منه 🥺🥺 
انس: عادي كنكم انتم لو نشتغل امع الجيش حرام يعني من ايمونو في الطريق من الي ايحارب الخوارج ومن بيحمي البلاد يعني لو كل حد روح وسمع كلام هله مافيش حد يحمي البلاد ولا في امان  
إيلاف: بس
انس: عارف شن بتقولي انا هدي خدمتي و روحي افاده وطني ❤️ وكل شي كاتبه ربي والاعمار في يد الله سبحانه وتعالى  
رغد: ربي ايطول في عمرك ويحفظك لينا
إيلاف ابتسمت: ربي يحفظك
انس ابتسم ❤️ وخش امع اخته لبيتهم وإيلاف مشت لبيت جدي اتهدرز ع اجديده وضمت الحوسه  
.
 .
.
.
.
.
.
مصطفى كان مار من جنب الجامع سمع اذن نزل توضا وخش ايصلي  بعد ما كملت الشيخ طلعو الناس
مصطفى: السلام عليكم
الشيخ: وعليكم السلام تفضل ياولدي
مصطفى: ياشيخ عندي استفسار نبي نسالك
الشيخ: تفضل ياولدي
مصطفى نزل راسه : انا يا شيخ اطريت نتزوج مرت خوي المتوفي عشان انربي ولد خوي  بس انا وياها عايشين زي الخوت  وسمعت انه حرام 
الشيخ: بسم الله الرحمان الرحيم (( من اياته أن خلق لكم من انفسكم ازواجا لتسكنوا إليها وجعل بيكنم مودة ورحمة إن في ذلك لاياتِ لقوم  بتفكرن)) صدقه الله العظيم 
لقد جعل الله المراة مسكن للرجل ياوي اليها بعد تعب ومشقه ولا سيما إذا كانت لطيفة المعشر صالحه متوددة الي زوجها  تحرص علي راحته ايضا في حديث النبي صلي الله عليه وسلم ""خير النساء من تسرك إذا ابصرت، ومن تطيعك إذا أمرت، وتحفظ غيبيتك في نفسها ومالها "" 
لذلك لا يجوز للزوج ان يهجر زوجته الا في حاله نشوزها وعدم خضوعها لنصيحه وارشاده وهذا الهجر خاص بالهجر في الفراش يعني كاعقاب لها  اما إذا لا يوجد اي عذر شرعي لا يجوز بهجر الزوجه  لاي اسباب 
مصطفى: بس ياشيخ احني عايشين زي الخوت مافيش اي نوع من عاطفه بينا 
الشيخ: لا يوجد من هذا الكلام بما انها زوجتك شرعا فلايجوز ذلك
مصطفى: شكرا بارك الله فيك
الشيخ: العفو بس ياريت تاخد بالنصيحه لانه حرام في الدين مادم هي زوجتك لازم تعطيها حقها كامل
مصطفى: ان شاءالله  مشكور هلبا
الشيخ: ربي يهديك ويصلح حالك
مصطفى: امين
طلع مصطفى هو ايفكر في كلام الشيخ
.
.
.
.
.
.
.
.
.
انس سلم علي هلها نفس القصه حكالهم ع كيف انضرب 💔 هدرز امعاهم اشويا وقاللهم ماشي لجدتي  
مشا انس لبيت جدي القي جدي في المربوع سلم عليه نفس الاسطوانه عاودها  وخش داخل
كانت اجديده ادير في الشاهي وإيلاف امدايره قهوه تشرب فيها جنبها وايهدرزو سلم عليهم وقعد ايهدرز  
اجديده ناض:كلا انا اعذروني بنمشي نتكا اشوي قبل العصر
انس: نوم العوافي
اجديده: سلمك وانتي يابنتي اغسليهن هل الفنجيلات الله يرضا عليك
إيلاف: حاضر اجديده
انس: شكلك نازله عليها هي بس خدمه
اجديده:  الله يرضا عليها يوميا اتجيني اضم البيت وتغسل مش امعقبه حاجه مش زي خواتك البايرات ما يتفقدوني عزوز كبيره
انس ضحك: 😂😂توا يسمعنك يزعلن
اجديده: خلهن يزعلن انقول فيها في اوجوهن مايزعلن يقعدن يضحكن زي الهبل
انس ضحك: توا انا روحت توا اندزهن لك يوميا كان ماخدمن كلميني
اجديده: ماعندي ما اندير بيهن هاهي ابنيتي إيلاف قاعده
انس: كان ايلاف ازوجت شن اديري انتي
اجديده: ربي يعطيها ولد الحلال الي ايحافظ عليها ويسعدها كلا انا ساعتها اندير لي روحي ادباره 
انس ضحك: ان شاءالله
اجديده: باهي نا بنخش نرقد  وخشت
إيلاف كانت ساكته تسمع فيه هدرزته امع اجديده وامركزه
انس: ها قعدنا ابروحنا شن تبيني
إيلاف : مش هنا مانقدرش نحكي  
انس: شن يعني موضوع مهم ماتقدريش تحكي هنا
إيلاف هزت راسها
انس: به امشي لمخزن الخلفي توا نلحقك
إيلاف: تمام اندير الي قتلي عليه اجديده وانجي
انس: تم تلقيني غادي
إيلاف: به
انس ضحك: ع فكره حاس فيك شي مش طبيعي اليوم هاديه وماتعركتيش امعايا ولا حرقتي دمي
ايلاف ضحكت: صح رايفت ع مشاكلي شكلك
انس ضحك وقف:  لالا خليك هكي هاديه 😍 
إيلاف ابتسمت ورفعت السفره وخشت تغسل فيها
وانس طلع سبقها للمخزن
إيلاف كملت تغسيل هي متوتره مش عارفه شن اتقول ولا شن ادير وصلت لباب المخزن بتخبط ع الباب فتحه انس
انس: بتفضحينا شكلك خشي بتخبط قالت
إيلاف ضحك: انسيت كيف عرفت انا جيت
انس ضحك: سلم كرعيك تقول زلازل ع الارض😂😂 
إيلاف ضحكت: حرام عليك 😂😂
انس ضحك: باه شن هوا الموضوع هدا
إيلاف سكتت ونزلت راسها بحشمه ومتوتره ☺️ 
انس: احكي 
إيلاف ضحكت ورفعت راسها: مش قادره نحكي 
انس ضحك: جايبتني لعند هنا واتقوليلي مش قاعده نحكي  
إيلاف: بجديات شفتك راح الكلام كله الي بنقوله لك 
انس: شن معناه الكلام هذا انا انخوف لين الكلام ايريح منك
إيلاف: لا مش هك اوووووف كيف بنقولك توا 😫 
انس: شن بتقولي  
إيلاف:  بنقولك انحبك بس مش عارفه كيف ترا قولي كيف انقولها 
انس ابتسم بفرحه 😍 :ترا عاوديها
ايلاف: شنو
انس 😍 : انحبك عاوديها 😍 
إيلاف 😳: ما قلتش انحبك انا
انس ضحك وشفشفلها شعرها: قلتيها توا ياغبيه 😂 
إيلاف استوعبت شن قالت نزلت راسها بتموت من الحشمه 
انس ايشوفلها بحب 😍: ارفعي راسك واحكيلي كنك خايفه مني
إيلاف ابتسمت بخجل: مش خايفه بس الكلام يهرب ابروحه
انس ضحك ورفع راسها بيده: وين السان الي ديما طاول عليا وامشقيني
إيلاف ضحكت: قاعد
انس ضحك: وريه ليا ولا مش فالحه غير اتنابشيني بيه بس في الكلام التاني ماتقدري اطلعيه  
إيلاف هزت راسها مبتسه ☺️
انس: ينعليا 🔥 لازم اطلعيه
إيلاف ضحكت
انس: نجك ليا هيا ياسمحه عاوديها نبي نسمعها 😍 
إيلاف ☺️☺️:انلااا
انس 🤤:غير قوليها عشان خاطري هيا  
ايلاف ضحكت: قتلك لا خلاص مره وحده هي  
انس يضحك: بتعاوديها ولا انقص السانك  
ايلاف ضحكت: ماتقدرش اتقصه 😂
انس: مش صعب عليا غير نوصل فيك بس مش السانك بس هلبا حاجاتك انديرهم 🔥 
إيلاف 😂:به بطل خلاص
انس :هيا نبي نسمعها منك ياهمي 😍 
إيلاف: به غمض اعيونك
انس: به ساهله انغمضهن
انس سكر اعيونه: هيا 
ايلاف ابتسمت وقربت من وذنه انـــحــبــك ❤️ وطلعت تجري فتحت الباب  
انس فتح اعيونه 😍: نعليا واخيرا سمعتها 🤤😍 تعالي هنا وين ماشيه
إيلاف ابتسمت: امروحه خلاص الي عندي قلته
انس ضحك: تعالي مزلت نبي نسمع كل شي وانا عندي هدرزه واجده نحكيها لك
إيلاف ضحكت: هههههه مانقدرش خلاص نحكو ع الفون  
انس: خلينا هك احلى 😍
إيلاف 😂: شكلك استمتعت هلبا توا انحرش فيك جدي 
انس: باهي توا طلع السانك 😏 
ايلاف: اها هيا باي بنمشي لماما
انس: اسمعي
إيلاف: نعم
أنس:  انحبك ❤️ 
إيلاف ابتسمت ❤️: وحتي انا 😍
انس: وانتي شنو
إيلاف:  انـــحــبــك انـــوســي ❤️ 
ومشت تجري ❤️ 
انس طلع مبتسم وفرحان ❤️ انه  إيلاف طلعت اتحبه ❤️ 
هو طالع  وسرحان القي جده واقف وماسك إيلاف 😨 تبكي
انس انغلع :كنك جدي شن في
وايجيه كف من جدي 😨😱
الحاج خليفه 😡:...........
.
.
.
.
.
.
.
.
.
مصطفى:ريهام تعالي قعمزي لازم نحكو
ريهام: نعم  
مصطفى: اليوم سالت شيخ علي وضعنا
ريهام: .............
.
.
.
.
.
.
انا كنت راقده حسيت ب ليه قويه نضت مفجوعه 
لقراءة باقي حلقات الرواية اضغط على (رواية غرأم العاشق
google-playkhamsatmostaqltradent