رواية أحبت من تعانيي من متلازمه ماريي انطوانيت الفصل الاول 1 بقلم مريم سمير

 رواية أحبت من تعانيي من متلازمه ماريي انطوانيت الفصل الاول 1 بقلم مريم سمير

 رواية أحبت من تعانيي من متلازمه ماريي انطوانيت البارت الاول

 رواية أحبت من تعانيي من متلازمه ماريي انطوانيت الجزء الاول

رواية أحبت من تعانيي من متلازمه ماريي انطوانيت الفصل الاول 1 بقلم مريم سمير

 رواية أحبت من تعانيي من متلازمه ماريي انطوانيت الحلقة الاولى


_وانا اتجوز واحده عندها متلازمه ليي؟ من قله البنات في البلد!!
=محترمه
_احيه يا أمي، انا اسف طبعا بس انتي بتهبديي
=ولازمتها ايي اميي؟
_مش عاوز اتجوز يحاجه، وبعدين انا معرفهاش وكمان معرفش غير أن اسمها مريم وعرفت امبارح انها تعبانه طب لييي؟ تعملي في ابنك كده ليي انتي شحتاني؟ 
=اه مش عاوز تتجوز عشان تقعد تصيع مع البنات، يسافل يمنحل
_منحل!! دا انتي قديمه اوي احنا في 2021
=مهو يا مريم لا مريم واختار انت بقى
_يعجبني فيكي ديمقراطيتك، قد اي انتي ام عظيمه
=هنروحلهم النهارده على فكره بطل هزار واستوعب بقي
_ب امانه ربنا انا الي ابطل هزار بردو!!
=انت عندك 26 سنه
_الا تلت اسابيع
=اصوت ألم عليك العماره؟
_انتي بقيتي قفوشه اويي على فكره
=يجمال تعالي شوف ابنك
_مريم انسان محترمه على فكره ومناسبه جامد
=ايوه كده اتظبط
_حبيبتي يست الكل
مهو انا مش بنت عشان اتجوز بالطريقه ديي؟ منه لله عقلي عشان سبت بسمله البت كانت بطل لكن انا الي رمرام وطماع، اروح اخطب واحده عندها متلازمه غريبه حتى مش فاكر اسمها ايي المتلازمه ديي، اما اقوم اشوف اسماء أخبارها اي النهارده يحبيبتي زمانها مقهوره عشان اقنعتها تفشكل مع حبيبها 
_قوم يلا عشان نروح
=نروح فين؟
_عند اميره، مامت مريم
=طب مع السلامه انتي يحبي
_!!
=جايي اهو والله جايي
مش عارف ايي دا بس!! اقول لا عشان ابويا يعيش دور ذئاب الجبل ويقولي لا انت ابني ولا اعرفك!! منا مش عااااارررففففف حتى هي عندها اي؟ مالها يماما مريضه الف سلامه عندها اي؟ لا انت هتتجوزها خلاص، وأما لتكون العاق الغير مطيع وامسكلك قلبي وادعيي عليك وشعري مكشوف
روحت معاها والصراحه كنت متشوق اشوفها، يترا عامله ازاي؟ احلى من بسمله طيب؟ روحنا ومامتها استقبلنا استقبال كويس بس الصراحه مامتها قمر نقول الي لينا والي علينا بردو
_امال فين مريم يا اميره؟ 
=هدخل اندهلها حالا 
سابتنا وبصيت لأمي ورفعت حاجبي 
_متبصليش كده وحيات امك وربنا يا احمد لو زعلتها لكون.. 
=قتلاك وانتي اصلا بتخافي من القصافه، اسكتي يما والنبي اسكتي ابنك في حزن 
كنت قاعد وباصص في السجاده لغايه مشوفتها!! هي بجد زينا؟ اي دا!! هو اي دا حد يرد عليا!! جت وقعدت قدامي، كانت لابسه فستان ازرق وطرحه بيضه بس رموشها كانت بيضا ووشها ابيض اويي، كان شكلها غريب، بس جميل، جميل لدرجه انها اول بنت اشوفها واتنح وافتح بوقي كده!! 
_طب خديني معاكي يا اميره نعمل عصير في المطبخ 
قاموا وهي لسه قدامي وانا بصصلها ومش عارف اتكلم 
_هتفضل ساكت كده!! 
=احمد اسمي احمد، وانتي مريم مش كده؟ 
_ايوه، بص من الاخر انا عندي متلازمه اسمها ماريي انطوانيت
=اي نعم فين؟ 
بصتلي بملل_مش اول واحد ميفهمش، عندي متلازمه الشعر الأبيض، شعريي لون حواجبي ورموشي كده، خلاص فهمت؟ 
=فهمت 
_تمم مش اول واحد يستغرب على العموم اتشرفت بيك 
=استنى راحه فين؟ 
_داخله، عشان ببساطه اول متيجي مامتك هتاخدها وتمشي ف مش عاوزه اشوف الحته دي اصل حفظاها 
=ومين قالك اني همشي!! انا قاعد والله قاعد 
رجعت مكانها وقعدت وربعت ايدها 
_أنت شايفني؟ 
=أجمل حد شافته عينيي والله 
_أنت كويس؟ عاقل يعني؟ 
=جدا عمري مكنت عاقل جامد كده 
_يبنيي ؟ 
=.. 
_ليي تقبل بواحده عيانه، خد واحده سليمه احسن 
=ليي بتتعاملي معاه اكنه مرض؟ ليه ميكونش مميزك عن ايي حد مثلا! 
بصتلي بحزن وبصت في الأرض تاني_بس محدش متقبلني كده، حتى انا 
سكتت =تعرفي انك احلى من بسمله؟ 
ضحكت_يبني!! 
=والله احلى من ايي بنت يمريم 
كانت بتبصلي وترجع تبص في الأرض، انا كنت تلقائي ومدلوق اويي صح؟ تقريبا الي على الأرض ديي مش سجاده دي كرامتيي اه 
جت مامتها ومامتي وفضلنا قاعدين شويه ومشينا، طول الطريق ابوس ايد امي، خد امي بصوا وربنا انا بعشق امي ونعم الاختيار يماما 
_مخلاص اتهد بقى 
=الاه مش امي يجدع!! 
_دلوقت امك!! اي البت عجبتك؟ 
=اويي، دي ملاك بس حاسسها حزينه شويه 
_اعذرها يبني الي مرت بيه مش قليل 
=بقولك اي يست الكل يقمر انت 
_ارغيي
=دا انتي الي حبيبتي وربنا محبش في الدنيا قدك 
_عاوز اي يبني؟ 
=اديني رقمها بالله عليكيي
_خد 
=اي السهوله ديي!! قد اي انتي ام عظيمه 
_منا عرفاك زنان ف خده وحل عنيي كده كده مراتك 
=الله يكرمك 
خد الرقم وقعدت قدام ماما وكلمتها 
_ازيك عامله اي؟ 
=مين 
_احمم احمد 
=اه، ازيك عامل اي 
_الحمد لله، كنت متصل يعني عشان، اه عشان اقولكم ان عصير المانجا حلو جامد 
=اه تسلم 
_وان العصير عمريي مشوفت ب طعامته اه والله 
=امال شيرين وأسماء وهاجر وجميله وسماء ورحمه ونور ايي؟ مش زي المانجا؟ 
بلعت ريقي _مين دول؟ قصديي مين قالك 
سكتت وانا بصيت لأميي
*طب اقوم انا احضرلك العشا يحبيبي 
رجعت حطيت الفون على ودني_بعتني صح؟ قولي انها بعتني بالغالي 
=والله قالت كل حاجه من غير اي حاجه 
_اصيله امي بردو 
=بص يا احمد انا مقبلش انه يبقى بينا اي حاجه وانت بتاع بنات
ضحكت_المفروض اكون بتاع اي؟ 
=مش بهزر على فكره 
_قولي الي يرضيكي وانا اعمله 
=شوف المفروض تعمل اي في الحاله ديي ولما تبقى ورقه بيضه كده كلمني، هنام انا بقى، مع السلامه 
مش قولتلكم دي مش سجاده؟ اوعوا تدوسوا على كرامتي بقى، اعمل اي منا مش فاااهمهههمم
_قصدها تقطع علاقتك بالبنات 
=بعتيني يما؟ كنتي خديي مبلغ ونصصه لكن تبعيني مليطي كده من غير ساغ!! 
_ضغطوا عليا 
=لا سبب مقنع الصراحه، وازايي يضغطوا عليكي اي القسوه ديي!! انتي زرار ولا اي! 
_افضل استظرف 
=هتخلي عنهم كلهم؟ انا قعدت سنتين عشان اجمعهم دول الي بيشوفي الاستوري بتاعي 
_نعم؟ 
=همسحهم والله دا انتوا قموصين جدا 
مسحت البنات ب ايدي الي تتقطع دي اه، بس تعرفوا فداها والله، هي ازاي مش شايفه نفسها حلوه!! دا انا هتجنن يا اخي والله هتجنن
نمت وصحيت اتصلت عليها 
_صباح الخير 
=صباح النور، مش قولتلك.. 
_منا خلاص معتش في حياتي غيرك، شجعيني بقى اتغير 
=اشجعك؟ 
_يريت والله يريت
=بتلعب في نادي اي؟ 
_طب مع السلامه انتيي بقى 
ضحكت وفضلنا نتكلم، انا طبعي اني بزهق بسرعه بس دي وربنا ميتزهق منها ثانيه، طلعت لطيفه وجميله اويي من جوا 
عدي تلت اسابيع وجه عيد ميلادي وايوه هكمل ال 26 وايوه بقيت عانس وايوه هفضل كده 
مش عارف لي كنت مستني مكلمتها هي بالذات!! صحابي كلهم كلموني بس عارف فكره انك مستني شخص معين حتى لو رساله فيها كل سنه وانت طيب وقلب من النبيتي دا، مش عارف اي الي حصليي وربنا كنت واد تقيل، هي مش هتبعت يعني؟ طب وربنا مش مكلمها خمس دقايق يلا بقى 
لقيت الباب بيخبط روحت فتحته 
_ازيك 
ابتسمت زي الأهبل =انتي بجد ولا تهيقات؟ 
_وسع دخلني بدل مضربك بالعلبه الي في أيدي وسع 
=رقيقه بت رقيقه جدا 
دخلت وسلمت على ماما وقعدنا احنا التلاته في الصالون 
_منوره يماما، احمم مانجا؟ اعمليلنا مانجا يماما 
=اه بتزحلقني!! 
_يماما يخبره 
=هعمل اهو يا اخويا 
مشيت والتفت ليها لقيتها بتضحك
_مش هتبطل شغل عيال؟ 
=وانتي مش هتبطلي تحلويي بقي؟ 
_كل سنه وانت طيب 
=ليا؟ وربنا 
_خدها بدل مغير رأيي
خدها وفتحتها لقيت ساعه وتيشرت وبرفان 
_شكرا اويي مش عارف اقولك ايي
=كل سنه وانت طيب عقبال ميت سنه 
_وانتي طيبه يمريم 
من وقتها واحنا صحاب، صحاب جامد، مش عارف 6 شهور و9 ايام عدوا بالسرعه ديي، بس أجمل حاجه في الفتره ديي هي، وهتفضل أجمل حاجه في اي وقت والله، عرفت يعني اي صحوبيه بجد مش مصلحه عرفت ان ايدها ممدوده في اي لحظه أقع فيها، عرفت قد اي هي طيبه وجدعه، عرفت انها اجمل حاجه دخلت حياتي ومن ساعت مدخلت حياتي انتظمت في الصلاه وبقينا ندعيي لبعض كتير، بقيت جزء مهم جدا دا لو مكنتش هي أهم حاجه اصلا 
_بقولك 
=عاوز اي؟ 
_يبنتي عيب انا في بيتكم 
=ايوه عاوز اي بردو؟ 
_انده ل امي وامك وافضحك وقتي يعن؟ 
=احمممد!! 
_روح احمد 
=قول
_والله هقول بس اجمع 
=هو انت واقف في مكان مفهوش شبكه؟ 
_قومي يبه مش قايل حاجه
ضحكت=بهزر يعم، دا انت بقيت قفوش اويي 
_طب بصي بما انك ذكيه هقولك حاجه وتقولي دا اسمه ايي تمم؟ 
=تمم، قولي الحاجه 
_بصي، انا اول مشوفتك حسيت بحاجه غريبه، اقسملك بالله محسيت ب دا غير معاكي انتي، طول الفتره ديي وانتي نجحتي تغيريني، نجحتي في حاجه فشلت فيها كتير، بقيتي صاحبي الجدع ويمكن الوحيد، بقيتي اول حد يجي على بالي لما تحصلي مشكله وببقي متأكد انك مش هتسبيني زعلان، بقيت اخاف ازعلك، اخسرك بخاف انيمك معيطه بسببي، بقيت خواف اويي انك متبقيش في حياتيي، لما ربنا يبعت حاجه حلوه جامد في طريقك دي بتبقى نعمه من عنده، أو يمكن مكافأه، مش عارف الي عارفه انك حاجه حلوه جامد ودا الي متفق عليه يعني، بقيت كويس بسببك، بقيت حلو معاكي، بحب صوتك وضحكتك واسمي لما تناديه بحب طيبتك وجدعنتك، قلبك الي بيتمني يشوف الناس كلها فرحانه، قلبك الي عمريي مشوفت زيهه، قلب صغير اويي بس يكفي الدنيا كلها حنيه، يبقي دا اسمه ايي؟ 
=.. 
_العشق 
=ماله!! 
_اهو 
ضحكت=تعرف يا احمد، اول مره جيت عندنا وقولت كلامك وقتها، لما مشيت افتكرته وبصيت في المرايا وضحكت، لأول مره احب شكلي، خلتني اتقبل نفسي واشوف الي انا فيه دا تمييز زي مقولتلي، بقيت بحب نفسي بسببك، انا مليش أصحاب بس انا عارف مش عارفه غيرك خلاص، شكرا انك فضلت جمبي ووصلتني لكميه الرضا والتقبل الي انا فيها دلوقت، انت كويس على طول يا أحمد بس مريم عمرها مكانت كويسه الا وهيي معاك
ابتسمت= واول حد يتقبلنيي وانا كده هو انت
_وربنا عاشقق
ضحكت =اتلم 
=وربنا اتلميت، بس بحبك اعمل ايي يعني!! 
_الله يحبك
=الله يسامحك، دا الرد يعني!! انا هربيكيي، تتجوزيني طيب؟ 
_.. 
=حاكم بحبك اكتر من المانجا والله
_أحمد!! 
=يروح احمد 
_طلع امك وامي من المطبخ يلا مفيش وقت 
=اي الكروته ديي!! فين حقيي؟
_الي هو؟ 
=فين الكلمه يبنتي؟ 
_لا متحلمش 
=خديها انا مبشحتش يهانم
ضحكت_انا بحبك اويي والله 
=دا احنا ننزل نجيب الدبل بقي💙
شخص استثنائي يراك بعينه ف تطمئن💙
يُتبع..

google-playkhamsatmostaqltradent