اسكريبت وقالت لي الفصل السادس 6 بقلم فاطمة وجيه

 اسكريبت وقالت لي الفصل السادس 6 بقلم فاطمة وجيه

اسكريبت وقالت لي البارت السادس

اسكريبت وقالت لي الجزء السادس 

اسكريبت وقالت لي الفصل السادس 6 بقلم فاطمة وجيه


اسكريبت وقالت لي الحلقة السادسة

الباب ترزع ودخل بغرور:ومين بقا الي هيفصلو
العميد بغضب:انت ازاي تخش كده انت مين
نادر بصلو بصدمه:انت
وقف قدام نادر وبتسم:انا مش قولتلك هنجحك لو عايز وغمزلو
العميد بغضب:انت ميييين وزاي تخش مكتبي كده
لف لي برفع حاجب:انا اخش اي حته عايزه في الوقت الي عايزو ها اي كمان
(ما بيفكركوش بحد😂😂)
العميد بسخريه:لي تكونش الوزير
بصلو بستحقار وحط رجل علي رجل:فعلن انا احمد الوزير
(اخو حمدي الوزير نيهاهاهاها سوري بس هو مستفز بصراحه😂🙂)
العميد بصلو بخوف:اهلن يا فندم الي ميعرفك يجهلك
احمد بسخريه:كنت عايز تفصل اخويا لي بقا
نادر:مين اخوه مين
احمد بحده:اسكت انت وبص ل العميد وريني قرار فصلو كده
العميد مدهوله بخوف
احمد شقو نصين بعدين اربعه وحطه في الكوبيه الي قدام وببرود:اديني بلتهولك اشربو
العميد بصدمه:نعم
احمد بغضب:قولت اشربو
العميد اتنفض ومن الخوف وشرب الكوبيه
احمد ببرود:كنت بتقول نادر اي بقا
العميد بخوف:اعتبره ناجح في في كل المواد
احمد:اتفضل برا عايز اتكلم مع اخويا كلمتين
العميد:بس
احمد بغضب:قولت برا
طلع العميد وقفل الباب احمد قام فجاه وقف قدام نادر وجي يحضنه
نادر حط ايدو بينو وبين احمد وبصلو بحده:جيت لي
احمد عقد حاجبه:هو اي الي جيت لي ومالو صوتك
نادر برفع حاجب:اتغيرت مش عاجبك ولا اي
احمد ابتسم:اتغيرت ل الاحسن
نادر ابتسم:شكرا انك وفقت جنبي
احمد ببتسامه:بتشكرني علي اي
نادر:علي الي عملتو عشاني
احمد يمسك وشو بايدو ويقربو منه:مش قولتلك انا جنبك
نادر زقه بعيد:انا ماشي
احمد مسك دراعو:هو انت زعلان مني!!
نادر ببرود:لا
احمد:قولت حاجه ضيقتك!
نادر بنفس البرود:لا
احمد:امال مالك بتتعامل كده لي
نادر وقف قدام بثبات:كده الي هو ازاي
احمد يقر منو ويشيل التوكه الي نادر كان لمم بيها شعرو:كده احله
نادر رجع الشعر الي نزل علي عيونه ل وره وبحده:انت جي دلوقتي لييي
احمد:انا دورت عليك كتير وملقتكش انا
نادر يقاطعه بقرف:مش عايز اسمع وسابو ومشي خطوتين وبعدين رجع وبص ل ايدو وشد منو التوكه وخرج
احمد قبض علي ايدو بقوة وملامحه اتبدلت
(الي جي سواد علي دماغك يا نادر😂🙂)
نادر خرج بخطوات واسعها والكل بيبص عليه وبيتهمس وهو بيسرع اكتر في الخطوات كان خارج وخبط في حد 
شغف بخوف:نادر مالك
نادر حضنها جامد وكانها جت في لحظت الانهيار ودفن راسو في راقبتها يخبي دموعو
شغف بخوف:نادر في اي
نادر شدها اكتر لي وصوت يدوبك مسموع:تعبان اوي يا شغف متسبنيش ونبي
شغف فضلت هاديه لحد ميهدي عارف انو بيعيط من دموعه الي غرفت هدومه محبتش تكسفو
احمد كان طالع وقبل ميركب العربيه شافهم وبص ل شغف بغل وكانها سرقت حاجه تخصه
احمد بيبص ل شغف بغضب:هي بقت كده ماشي وركب العربيه
شغف بمرح:انت نمت اوعي تكون ميت فيا ومش قادر علي بعدي
نادر مسح عينيه بطرف ايدو وحاول يبتسم:انا فعلن مقدرش ابعد بعيد عنك
شغف اتكسفت وبصت في الارض
نادر وطي راسو وهو بيبص ل عينيها:في فلوس وقعت منك ولا اي
شغف بضحك:تصدق انك رخم عاملت اي في الامتحان
ظهرت علامات الضيق علي وشو ومردش
شغف:اي معرفتش تجاوب
نادر بجمود:لا مش هاجي تاني
شغف عقدت حاجبها:لي
نادر بنفعال:لان محدش سيبني في حالي في فديو وحش ليا اشتغل قدام الطلاب دكتور الماده قرفان مني وهيشيلني الماده العميد كان هيفصلني لوله احمد الي رجع حياتي عشان بيحبني انا زهقتتت
شغف حضنتو ودفنت راسها في صدرو
نادر بصلها وهي حضنه وسكت
شغف بعدد عنو وابتسمت:احسن
نادر هز راسو بي ايو
شغف:اسالك سؤال هو الفديو ده متركب
نادر بص في الارض:لي
شغف:هو الدكتور صاحب الجامعه
نادر:لا 
 شغف:جي عشان زميلك ولا عشان تنجح
نادر:انجح
شغف:العميد يقدر يفصلك
نادر بسخريه:مظنش
شغف تشدو من لياقت القميص:يبقا هتيجي غصب عن عينيك عملت اي في امتحان انهارد
نادر بحزن:هسقط في
شغف تبص في الساعه:لسه معاك ساعه
نادر:بس
شغف حطيت ايديها علي بؤقه:مبسش وبرفع حاجب مالك سايب شعرك كده لي هو محدش غيرك عندو شعر
نادر ضحك:اي يااختي انتي هتردحيلي
شغف شدد منو التوكه بغيظ:وطي
نادر بصلها بخبث وطي وشالها
شغف لمت شعرو بغيظ وبعدين استوعبت انو شايلها
شغف بخوف:عيييي نزلوني نزلوني
نادر بضحك:خليكي كده
شغف:ندوره يا حبيبي
نادر ضحك بصوت عالي:قديم مش هنزلك بقا بتزعقيلي انا
شغف بخوف:نا اقدر ونبي بخاف نزلني
نادر نزلها في حضنو:بتخفي وانتي معايه
شغف:واد انت اتلم وروح كمل امتحانك
نادر بضيق:لا مش عايز
شغف مسكت ايدو وهي بتدخل تاني ل جوه:هو بمزاجك اقل من 95%مش هتجوزك علي فكره
نادر بضحك:مش المفروض انا الي اجوزك استحي علي دمك
شغف بصتلو بغيظ:يلا ادخل وانا هستناك هنا
نادر:بس
شغف:مبسش معاك ساعه اتزفت خش حل
نادر بقرف:اسمها اتزفت
شغف بخبث:هتخش ولا اتصل بي بابا وقوله انك خطفني
نادر:لا وعلي اي هخش وسابها ودخل خبط علي الباب وبصوت حاد:دكتور ينفع اخش
الدكتور وهو بيبص ل الورق الي في ايدو:ادخل ومتتاخرش تاني 
دخل نادر وخد ورقه وبداء يحل ومطنش الهمس الي حولي فجاه لقي الورقه بتتسحب منو
نادر بطفوله:اييي مخلصتش
الدكتور بقرف:انا مش قولتلك متحضرش ليا تاني
نادر برفع حاجب:هو انت عميد الكليه وزير التعليم عشان تقولي متحضررش
الدكتور بغضب:العميد ازاي ساب الاشكال دي
نادر ببرود:كان وخد موقف زيك كده ولما جي احمد الوزير سبني عادي
الدكتور بخوف:انت قريب احمد الوزير
نادر بسخريه:انت منهم الي بتخاف من الوسطه
 الدكتور حط الورقه قدامه:لو عايز وقت زياده براحتك
نادر بصلو بصدمه ورجع يكمل امتحانو وكان خلص قبل الوقت وسلم وطلع
شغف:اي هببت اييي
نادر:انا جعان تجي ناكل
شغف بغيظ:بقولك زفت اي
نادر سند علي كتفها:بص يا صحبي
شغف برفع حاجب:صحبك
نادر بضحك:خلاص صحبتي
شغف زقته بغيظ:تصدق انك جذمه وكنت هتمشي
نادر مسك ايديها ابتسم:هتمشي من غير مناكل ده يبقا عيب
شغف بخبث:تؤتؤ ازاي لازم ناكل
نادر برفع حاجب:كشري 
شغف:كل وانت ساكت
نادر بداء ياكل ويعقد حاجبه
شغف بخبث:في حاجه
نادر بضيق:مبحبش الصلصه
شغف بنفعال:وحيات امك
نادر بيبص حولي:معلش اصلها متخلفه ياجماعه كلو يبص في علبتو
شغف بتاكل بغيظ وفجاه بتصوت:مايه غيزه مايه
نادر بشماته:اهه وقعتي في شر اعملك بقا بتحطيلي شطه في الاكل
شغف بغيظ ونفعال:بحطلك انت اي جابو عندي
نادر ياكل ببرود:بسيط لاني بدلت الاطباق
شغف ضغطها علي:وبتبدلهم لي انتش مااالك
نادر بردح:اما اسيبك تحطيلي شطه هيهيهيهيه خاف من اي ست تحطلك الاكل برقه
شغف قامت بغيظ مسكت في رقبته:هقتلك يا نادر هقتلك
نادر بصدمه:هتقتليني عشان طبق كشري ابعدي عني
شغف بعيط:بؤقي كلو شطه
نادر بضحك:تستهلي
شغف ضربت كتفو:انت شرير اوي
نادر بيضحك وبص ل صاحب المحل:لو سمحت عايز شوية سكر
شغف بعصبيه:وليك نفس تاكل سكر كمان
نادر خد من السكر:تؤ ده عشانك يلا افتحي بؤقك
شغف بعيط:مش عايزه
نادر مسك بؤق وبيدخلو بالعفيه الطبق اتقلب عليها
نادر بضحك:بقتي شغف بفتفيت السكر
شغف بغضب:هقتلك يا نادر
نادر قام جري وشغف وراه وهو بيضحك
شغف بغيظ:خد هنا احسنلك
نادر بضحك:لا يغتي انتي غدار
في عربيه بتراقب نادر وشغف
نادر بيعدي الطريق وهو بيضحك
شغف بتعدي وهي بصلو بغيظ:نادر خد هنا
:بتعدي الطريق ياباشا
:دوسها بس حاسب الشب يحصلو حاجه
العربيه ماشيه نحيت شغف بسرعه
نادر بيضحك ولف شاف العربيه وقف وبص ل شغف بخوف
نادر بزعيق:شغف راجعي
شغف بغيظ:مين قال ده انا هجي افصل دماغك عن راسك
نادر بيجري بين العربيات وهو بيزعف فيها ترجع
شغف وقفت مش فاهمه حاجه وبتبصلو بستغرب
العربيه قربت اوي منها اول مشافت العربيه حست الدم هرب منها مقدرتش تتحرك خبت وشه وقاعد تصوت
محستش بالي سحابها ل حضنو:اييي بقالك ساعه بتصوتي
شغف بصت حوليه وبصت ل نادر:فين العربيه مش المفروض تدوسني وخش غيبوبه وابويا يجي يضربك
نادر بغيظ:اه مانا ملطشت العيله روحي عشان هتجبيلي السكر
شغف بستهبل:هو لسه مجلكش 
نادر بسخريه:لا لسه يختي اتفضل قدام
شغف:نادر
نادر بغيظ:لا
شغف بغيظ:انت عارف كنت هقول اي
نادر:مش عايز اعرف
شغف بغيظ:احسن انا ماشيه
نادر مسك ايديها:هتجي بكره صح
شغف بغيظ:لييي
نادر ابتسم:عشان اعرف احل بطمن وانتي  معايه
شغف ابتسمت:يبقا هجي
ادهم:نبض يا نبض
نبض:اي بتزعق لي
ادهم بضيق:فين القميص الابيض
نبض بلامبلاه:الي زرايرو سوده
ادهم:اه
نبض ببرود:اتقطع في الغساله
ادهم برفع حاجب:ده الي هو ازاي
نبض:انت هتعترض علي قضاء ربنا
ادهم:طب القميص الاسود
نبض ببرود:اتلسع بالمكوه وباظ فا رميته
ادهم بصدمه:نعم انا هلبس اي
نبض:هي انت معندكش غير القميصين دول
ادهم بغيظ:مانا مش لقي الرمادي
نبض:مانا اتعلمت من غلطتي وجربت اغسلو علي ايدي بالكلور باظ
ادهم بغضب:يعني خلاصت الكلام هلبس اي
نبض:تلبس لي خير رايح فحته
ادهم بغضب:هنزل مثلا
نبض:هدومك في الغسيل 
ادهم قرب منها بنص عين:وفي الغسيل ازاي مش الغساله بتقطع الهدوم
نبض:ودتهم المغسله
ادهم:ودي لي
نبض تحوط رقبته:هو مش انا مرات وانت قرة عيني
ادهم:كرة عينك ازاي
نبض:بقول قرة مش كره يا دومه
 ادهم:ايو وبعديها
نبض:ان قانون المراه بيقول انك لازم تفسحني عشان النفسيه سبانخ
ادهم بضحك:قانون المراه قال كده
نبض بضحك:ايو
ادهم:بس مفيش لبس هفسحك ازي
نبض جريت علي الدولاب وجابت قميصين:الابيض ولا الاسود
ادهم برفع حاجب:مقان مقطوع والتاني محروق
نبض بضحك:لا دول غيرهم انا بقول الاسود احله
ادهم ابتسم:طب تعالي لبسهولي
نبض ابتسمت وجت تلبسهوله ووقفت قدام تقفل الزراير
ادهم شدها لي وحاوط خصرها
نبض بضحك:اقف ساكت
ادهم ببراءه:معملتش حاجه
نبض بضحك:ماشي يا برئي
ادهم:عايزه تروحي فين
نبض بخبث:انا الي هوديك
في المستشفي
دخل نادر اوضه وبصلو بضيق:انت اي جابك هنا
احمد نايم علي السرير:حلو اوضك 
نادر بضيق:طب اتفضل عشان عايز انام
احمد قام وقف قدامو:هي الي غيرك
نادر:هي مين
احمد بغيره:متستعبطش انا شفتكم
نادر بضيق:انت بترقبني
احمد يقرب منو بشر:واقتل اي حد يقرب منك
نادر يشدو بغضب:يبقا انت الي بعت العربيه عشان تخبطها مش كده
احمد ابتسم وسكت
نادر بيجز علي سنانو:عارف لو حصلها حاجه هقتلك
احمد لف ايدو علي وسط نادر وهو بيشدد علي كلامه:يبقا تبعد عن اي حد انت ليا انا وبس وصدقني مش هتردد اقتلها هي وعليتها وباس خد نادر ومشي خطوتين وبعدين رجع
احمد ببتسامه:مهما رحت فانا عيني عليك يعني مش هضيع تاني مني وغمزلو وطلع
نادر بص ل انعكاسو في المرايا بغضب وحدفها بالكوبيه كسرها
احمد كان ماشي وبص ل وليد وبتسم ووليد بصلو بخبث
شغف بتتصل بي نادر مش بيرد
شغف بغيظ:انت مبتردش لي يلا
نادر رمه الكتابه:بذاكر
شغف بضحك:طب متيجي تغير جو
نادر ابتسم:ياريت فين
شغف بضحك:عيد ميلاد بابا
نادر:لا مش عايز اضرب
شغف بضحك:لا متخفش اسمع مني
نادر بتافف:اي قولي
شغف بدات تقوله وهي بتبص ل مراد بخبث
نادر بغيظ:لا يعني لا
شغف بخبث:ندورة يا حبيبي
نادر بغيظ:بتحلمي
 مراد:استخبو استخبو
شغف قفلت  مع نادر
مرادو وشغف والعيال استخبه
ادهم:انتي جيبني حته مقطوعه لي
نبض بضحك:غمض عيونك
ادهم:هتقتليني 
نبض:غمض بقا
ادهم غمض عيونه وبعدين فتح ملقاش نبض
ادهم:ايييي الهزار الرخم ده 
كلهم طلعو:عيد ميلاد سعيد والمكان نور وورد وقع علي ادهم
ادهم ببتسامه:هو انهارد عيد ميلادي 
نبض بضحك:يحبيبي انت عيد ميلادك لازم يبقا مميز
شغف ابتسمت:كل سنه وانت طيب يادومه
مراد حضنه:يلا اديك كبرت سنه وعجزت يادومه
ادهم زقه بغيظ:اخرس يا حيوان انا طول عمري شباب
شغف بتضحك لقت حد شدها وسحبها وهو كاتم بوقها
شغف عضت ايدو وكنت هتصوت
نادر بصوت واطي:يخربيتك ده انا
شغف بصتلو وقاعدت تضحك
نادر بغيظ:تصدقي انك زباله
شغف بضحك:لا لا هموت
مراد بحده:شغف 
شغف لفت بخوف:مراد انت اي جابك
مراد بغضب:وقفه مع مين
نادر لف لي وبصوت انوثي:وده مين القرد ده
شغف بتكتم ضحكتها:ده مراد اخويه
نادر بنفس الصوت الانوثي:اووه رماد الله يحرقك اقصدك يسعدك
مراد بتسبيل:مين القمر دي
شغف بضحك:دي ناديه صحبتي نادر قرصه في جنبها بغيظ
شغف بضحك:وده مراد اخويه
مراد باعجاب:احم واد مز في نفسي
شغف بغيره:ومتجوز
مراد بغيظ:ولي قطع الارزاق ده
نادر:متجوز اخييي ياي ياي ياي
(لا لا مش قدر اي يانادر المحن ده دانا ارجل منك😂😳)
شغف:تعالي اعرفك علي بابا
نادر بهمس:مبلاش انا عايز اروح سليم وحيات ابوكي
شغف شدتو بضحك:متتكسفيش بابي بيشجع الجمال
نادر بغيظ:وربنا لوريكي يا شغف الكلب
شغف:بابي
ادهم لف ليها وبص ل نادر بتفحص:مين دي
شغف ببتسامه:صحبتي ناديه
ادهم مسك ايد نادر وباسها وهو بيبصلو بغموض:اهلن
نادر بتوتر:اهلن بيك
مراد جي وقف جنب نادر:تعرفي انك حلوه اوي
 نادر في سره:اي الوقعه السواده دي ارزعو دلوقتي قلم ولا اتف عليه اسيحو
مراد شدها من وسطها او وسطو بقا مش عارف:تجي ترقص
نادر بصوت انؤثي:ماشي ومراتك سلمي تشوفنا وتبقا ليلتك هباب
مراد بخوف:انتي تعرفي سلمي
نادر بمياصه:وعرف ابنك خالد وهقوله يقول ل مراتك
مراد:لا لا وعلي اي يا بابا وسابه ومشي
نادر بيرقص حواجبه:الله عليا ياولا يا زعيم
نبض شغلت اغنية (بلاش تغيب عني بتوحشني)وقربت من ادهم وهي بترقص معاه
ادهم ببتسامه:بحبك يا نبض قلبي
نبض ابتسمت:وانا بموت فيك
شغف مسكت ايد نادر وبترقص:مش بتقولي بحبك لي ها
نادر بصلها وابتسم
شغف بضيق:هو ده الي انت فالح فيه
نادر بضحك:بعد كل المخطره دي وتقوليلي كده اخس عليكي
شغف بضحك:لا شكلك احله مني
نادر بغيظ:طب اسكتي لموتك
شغف ضحكت بصوت عالي وهي بتحضنو
ادهم بصص عليهم بغيظ
نبض تبص ليهم:بتبصلهم كده لي
ادهم بغيظ:مفيش 
مراد زق شغف:اوعي يختي سبيني ارقص 
نادر بصلو بضيق:مش عايزه ارقص
مراد بيرقص معاه:مطلبتش رايك احم هو انتي صحبت شغف من زمان
نادر بتافف:لا
مراد:يخساره لو اعرفك من زمان كنت اتجوزتك
نادر داس علي رجلو بغيظ وسابه ومشي
ادهم:ممكن ارقص معكي
نادر بتوتر:ها
ادهم شدو وهو بيرقص بجمود:اي جابك
نادر ببتسامه:كنت عارف انك عرفتني
ادهم بغضب مكتوم:مش قولتلك تبعد عن شغف
نادر بص ل شغف الي وقفه بعيد بتهمس ل نبض الي بتبصهم بغيره وبعدين يضحكو هما اﻷتنين
نادر بص ل ادهم:انا بحبها
ادهم بضيق:انسي اني اجوزهالك
نادر ابتسم بستفزاز:هخطفها
ادهم رفع رجلو وضرب  نادر في بطنو بغل من غير محد ياخد بالو
نادر وطي بالم:تصدق انك غدار زاي بنتك
ادهم بتشفي:تستهل
شغف قربت منهم:يلا نقطع الكيك
ادهم ضغط علي ايد نادر جامد:يلا 
قاعدو يلعبه بالكيك ويهزرو ول اول مره نادر يعيش اجواء عائليه 
ادهم بخبث:مراد روح صحبت شغف
نادر وشغف بصو ل بعض بخوف
مراد بفرح:يلا يلا
نادر بصوت انؤثي:لا انا هروح ل واحدي
مراد بضحك:لا لا عليا الطلاق ابدا
نادر بخوف:خلاص استاذ ادهم يوصلني
ادهم بخبث:لو مكنتيش بس تحلفي
نادر في سره:اه يحستي السواده هضرب يعني هضرب
مراد بضيق:نبض انتي هتسكتيلو
نبض بضحك:انا وثقه في دومه حبيبي
ادهم بعتلها بوسه:قلبي ياناس وبص ل نادر بحده يلا
شغف قربت وباست خدو وبهمس:خالي بالك من نفسك
نادر بصلها كتير وحضانها:هتوحشيني
شغف بعد بخوف:انت بتقولي كده لي
نادر ابتسم:مش عارف بس هتوحشيني
ادهم بغيره:يلا
ادهم ونادر بعدو عنهم
ادهم بجمود:بتحبها
نادر شال البروكه وبداء يمسح وشه:اوي
ادهم:يبقا تسابها
نادر بصلو بصدمه:مقدرش
ادهم شدو بغضب:انت كده هضيع سمعتها الناس هتقرف منها انت لييي اناني
نادر بصلو بوجع:يمكن لو كان عندي اب زيك مكنتش كده
ادهم سند علي سور النيل:ده مش ذنب بنتي انها تاخد واحد شاذ
نادر بغضب:مش ذنبي انا حاجه في كل ده انا بتعالج
ادهم بغضب:امال ذنب مين انت مش راجل اصلن
نادر وقف قدام بحده:مكنتش فعلن بس بعد مقابلت شغف غيرتي وعايز اتغير عشانها وبصلو بوجع انا بحبها متكونش انت كمان ضدي
ادهم جز علي سنانه:يبقا تقولي كل حاجه
نادر:انا
قاطعو الرسايل الي عمالي تجي وراه بعض علي موبيل ادهم 
ادهم فتح الموبيل وبيبص بصدمه وبص ل نادر بغضب
نادر عقد حاجبه:في اي
ادهم بغضب:اي ده
نادر بص في الموبيل بصدمه وبص ل ادهم:مش زاي مانت فاهم ده
ادهم ضربه بالبوكس وراه التاني وراه التالت
نادر ضربه هو كمان وبغضب:اسمعني طيب
ادهم مسك راسو خبطها في الصور وبعصبيه:متستهلش
احمد نزل بغضب من العربيه:انت ازاي تضربه كده
نادر بصلو بغضب:انت الي عملت كده صح
 احمد طلع المسدس وهو بيبص ل ادهم بغضب وصوب عليه
نادر بصلو بخوف وبزعيق:احمد نزل المسدس
احمد بصلو بغضب:لا انت ليا انا وبس
نادر بيقر منه بهدؤ:هعملك كل الي عايزو بس نزلو
احمد هدي وبيبصلو:مش يتضحك عليا
نادر يقرب وهو بيبص ل المسدس:لا مش بضحك عليك كل الي عايزو هعملو بس نزلو
ادهم بغضب:مانت زباله لازم تقول كده 
احمد رفع بغضب وضرب نار علي ادهم وبعدين برق:لا لا لا 
ادهم بيبص بصدمه ل نادر الي حضنه فجاه وحس برصاصه بتدخل في
نادر بصلو بوجع:شوفت اني بحبها اكتر منك
احمد جي يبعدو عن نادر بعصبيه ادهم ضربه بالبوكس 
احمد ضربو بغل بضهر المسدس
نادر حاسس بيهم ومش قادر يفتح عينيه سند علي السور وحس نفسه بيضيق وبداء يفقد الواعي
احمد خد بالو منه وبصراخ:لا مش هسيب تموت ولسه بيقرب منه مقبل ميمسك ايدو ميل وقف في النيل احمد قاعد يصراخ وينادي عليه
ادهم وقف بيبص ل الدم الي في ايدو بصدمه:مستحيييل  قرب من السور و.......
ايده ايده يابنت الغداره يا فاطمه يلا انا مليش دعوه ده احمد تفتكرو مات ولا ادهم عند راي تاني  😂❤
#البارت_السادس
#اسكربت_وقالت_لي
#فاطمه_وجيه

لقراءة باقي حلقات الرواية اضغط على (رواية وقالت لي
اسكريبت وقالت لي الفصل السادس 6 بقلم فاطمة وجيه
ِAhmed

تعليقات

تعليق واحد
إرسال تعليق
  • Unknown photo
    Unknown22 أبريل 2021 في 10:48 ص

    هو انت تعلقينا بالرواية وتقفي عن جزئية مشوقة جدا جدا جدا وتوقفي كتابة كدا مش رجولة خالص

    حذف التعليق
    google-playkhamsatmostaqltradent