رواية عوض العمر الفصل الخامس 5 بقلم منار رضا

 رواية عوض العمر الفصل الخامس 5 بقلم منار رضا

 رواية عوض العمر البارت الخامس

 رواية عوض العمر الجزء الخامس

رواية عوض العمر الفصل الخامس 5 بقلم منار رضا


 رواية عوض العمر الحلقة الخامسة


Part 5
صباح جديد واحداث جديدة كل يوم كل ساعة كل دقيقه حاجات كتير بتتغير أشخاص حبوهم بيزيد ف قلوبنا ونحمد ربنا علي نعمة وجودهم في حياتنا واشخاص كنا بندعي ربنا أنهم يكونوا في حياتنا بس منعرفش أنهم اكتر حاجة هتكسر قلبنا هتفتفته ونندم ندم العمر اننا حبيناهم حبيناهم بس هما محبوناش هما استغلوا حبنا ليهم (نصيحة مني لو بتحبي حد وبتدعي يكون من نصيبك قولي يارب قدرلي كل خير واصرف وابعد عني كل شر اما لا هو لا بلاش هههههه ادعي وقولي يارب اجعل فلان خير ليا في حياتي ومعاشي وعاقبه امري وربنا يراضي قلوبنا جميعاً) ممكن تفضلي تدعي لربنا طول الوقت بالشخص ده والدعاء يستجاب بس بعد ما يستجيب تقولي ياريته ماااستجاب.....................صحيت مرام علي صوت المنبه علي الساعة ٨ونص "ص" قفلته بسرعة عشان ميصحيش مامتها مرام( بتكلم نفسها) ي غبية اصحي بقا ماانتي الي جبتيه لنفسك حد قالك تسهري ياربي مش قادرة افتح عيني بتشيل مرام الكوڤرته من علي وشها  ويظهر شكلها الطفولي بالبچامة الي عليها ميكي والقطتيتين الي كانت عملاهم بس اتفكوا من نومها الي لازم يتفكوا دي بتحارب وهي نائمة ومع ذلك شكلها لسة برئ لسة محتفظة بتفاصيلها الطفولية بتقوم مرام و تقعد علي السرير عقبال ماتركز انها في الواقع خلاص بضهرإيديها الاتنين وتفرك في عينيها عشان تفتح كويس بتشيل الكوڤرته وتقوم من علي السرير وتدخل الحمام تتوضي وتخرج منه وتلبس إسدالها وتصلي خلصت صلاة وقلعت الإسدال وخرجت برة اوضتها حضرت الفطار الي هو كله حاجات معلبة من التلاجة  علي السفرة وعملت الشاي بلبن ودخلت أوضة كلمتها عشان تصحيها .
مرام/ماما اصحي الساعة داخله علي 10يلا عشان نفطر ونلحق نخلص قبل مايجوا ماما ماماااااااا .
مامت مرام/ ايه ايييه  اسكتي صدعتيني صحيت صحيت.
مرام /بتجري  وهي بتضحك وتوقف علي باب الاوضة وتقول لمامتها لو مش عجبك طلقني طلقني وتجري علي برة .
مامت مرام/يلا ي هبلة جيالك خرجت من الاوضة لقت مرام محضرة الفطار دخلت الحمام اتوضت وصلت وراحت تقعد علي السفرة تفطر .
مرام /تسلم إيدي الفطار يفتح النفس .
مامت مرام/ علي اساس انك طبختي اقعدي ساكتة ي مرام  نخلص فطار والعمايل هتبتدي .
مرام/يعني كان لازم تعزمي ده كله ي ماما مانا نجحت وخلاص بقا بتكلم وهي بتاكل ومش عارفه تكلم .
مامتها/ لا انا وعدتهم ليهم عندي عزومة لو جبتي مجموع عالي وانا فرحانة وتجمع ونفرح مع بعض .
مرام/هو خالتوا جاية.
مامتها/اه .
مرام/وبتهته في الكلام وغيث جاي  .
مامتها /غيث بقا مشغول ببنات الجامعة خالتك بقت بتشتكي منه كتير 24ساعة ماسك الفون بيكلم بنات.
مرام/ربنا يهديه مليش دعوه بيه اصلا عادي مرام بتقول كده بس من جواها قلبها اتكسر عيونها كانت بتدمع قالت لمامتها انا كلت ومسحت دموعها علي طول قبل ما مامتها تشوفها وهي بتعيط غسلت وشها وخرجت لمامتها ماما يعني كدا خالتوا  وجوز خالتوا وعمي ومرات عمي ونادر وطنط ام ندي صحبتك وندي وممكن غيث صح.
مامتها/ اه يا حبيبتي يلا شيلي الفطار ويلا ندخل نعمل الحاجة.
مرام/حاضر ي مامتي.
دخلت مرام مع مامتها المطبخ وساعدتها  وخلصوا الاكل ورتبوا الشقة كانت الساعة ٥ دخلت مرام خدت دوش وغيرت ملابسها ولبست دريس هادي بلون البيبي بلو وطرحة بيضة .
ومامتها لبست إسدال.
هما لسة قعدين مكملوش نص ساعة لقوا الباب بيخبط مامت ندي وندي ومامت غيث راحت مرام علي الباب مين 
ندي /انا ندي ي مرام .
فتحت مرام الباب وسلمت عليهم ودخلوا قعدوا في الصالة 
مرام عينيها كانت بتدور علي غيث لقت حد بيقولها في ودنها بصوت واطي مش هايجي عنده معاد بتبص لقت ندي.
مرام/قصدك علي مين ي ندي .
ندي بخبث هيكون قصدي علي مين غير غيث ي قمر وبتضحك ههههه.
مرام/ماادور عليه براحتي اخويا الكبير وابن خالتي انتي الي مكليش دخل مابينا ماشي ياريت تعرفي الكلام ده كويس.
...  ...........الباب خبط تاني كانت مرات عمي مرام وعمها ونادر فتحت مرام الباب ليهم وسلمت عليهم .
ولسة هتقفل الباب لقت غيث .
غيث/مش عايزة تدخليني ولا ايه ي مرام.
مرام كانت في دنيا تانية قلبها فضل يدق بسرعة كانت حاسة أنه هيطلع من ضلوعها كانت خائفة لغيث يسمع قلبها الي بيدق بسرعة اكنه طبلة طبلة بتدق بسرعة من فرحة شوفة الحبيب مرام لا طبعا ادخل ي غيث ده بيت خالتك وبنت خالتك وبعدين اقدر مادخلش اخويا الكبير.
غيث/ حب يضايقها اكتر ماشي ي ستي الف مبروك علي النتيجة ي أحسن اخت في الدنيا وقدم ليها  هدية   .
خدتها مرام وقالتله شكرا تعبت نفسك.
ودخلت هي وغيث ليهم......................
فيه عيون بتبص عليهم بحب وعيون تانية بحقد وغل ده كله وندي ونادر متابعين كلامهم بعد ماقعدت مرام .
نادر/اتفضلي ي مرام حامة بسيطة عقبال نجاح السنين الجاية كلها ي جميلة.
مرام/شكرا ي نادر .
القاعدة كانت ضحك وهزار وكان يوم جميل قامت السيدات كلهم وحضروا الاكل علي السفرة والكل قعد وكل  والقاعدة ماخليتش من الضحك والهزار خلصوا اكل وشالوا الاطباق وقدمت مرام العصير نادر كان قعد في الكرسي الي جمب مرام.
نادر/طمنيني عليكي .
مرام/الحمدلله وانت كويس.
نادر/بشوفتك بقيت فل الفل والله.
مرام/بكسوف يارب دايما بخير .
نادر/مرام مش بتردي ليه عليا لماابعتلك حاجة .
مرام/عشان انت بتبعت حاجات غلط.
نادر/حاجات غلط ايه ي بنتي دي اغنية يغني عادي .
مرام/نادر مش انا قولتلك اننا اخوات بعد اذنك متبعتش حاجة كدا تاني.
نادر /وعيونه في عيون مرام  بس بحبك والله بحبك خلاص فاضل سنة واتقدملك .
مرام /شالت عنها من عيونه علي طول ولسة هتكلم لقت غيث/ قعد علي ايد الكرسي الي نادر قاعد عليه وقال اشركوني معاكوا كنتوا بتقولوا ايه.
نادر/اقوله ي مرام.
مرام/وشها جاب الوان هتقول ايه ي نادر مفيش حاجه تتقال.
نادر /لا فيه كنت بقول لمرام اني بحبها وكلها سنة واتقدملها .
غيث ميل علي ودن نادر وقاله نبقي نشوف مين هيضحك فيه الآخر هههههههه.
مرام/ بعصبيةلنادر انت ازاي تقوله كدا .
ده كله ندي كانت قاعدة بتحقد علي مرام بصوت غير مسموع اشمعنا نادر يحبها لا وكمان غيث اشمعنا هي كل حاجة انا طول الوقت بحاول اقرب من غيث واحببه فيا ومافيش فايدة بكرهك ي مرام بكرهك.
قامت مرام من علي الكرسي الي جنب نادر قعدت جمب مامتها ومسكت الفون لقت نادر بعتلها اغنية راحت البلكونة تسمعها فتحت الفون وهي بتسمع الأغنية كانت فرحانة  الاهتمام بيفرح  ي جماعة اوي بتبص وراها  علي نادر لقت نادر بيبصلها هو كمان وبيضحكلها  ضحكت بكسوف ولفت تاني كانت بتبص علي الشارع ولسة هتخرج لقت غيث كان وراها مرام بخضة حرام عليك خضتني .
غيث/لا سلامتك وبيضحك باستخفاف مرام هو انتي بتحبني نادر.
مرام/وانت مالك.
غيث/مش اخوكي الكبير برضوا ولا ايه.
مرام/حتي لو اخويا ملكش فيه وسابته وخرجت من البلكونة .
الكل استأذن ومشيوا الوقت كان أتأخر.
غيرت مرام ملابسها ومامتها كذالك  ودخلت رتبت المطبخ وغسلت المواعين ومامتها رتبت الشقة خلصت مرام المطبخ  وساعدت مامتها فيه بقيت الشقة خلصوا الترويق وكانوا خلصوا هما كمان.
مرام بألم رجلي واجعاني اوي.
مامتها انا انا اعمل ايه.
مرام ماما انا هدخل انام وسيبيني اصحي براحتي متصحنيش قامت مرام باست ايد ورأس ولدتها ودخلت اوضتها ومصدقت لقت السرير واتقتلت نوم...............................
صحيت تاني يوم وكان جسمها مكسر من يوم امبارح  المتعب اتعدلت وقعدت علي السرير ومسكت الفون اول حاجة لقت فيه رقم غريب بعتلها رسالة حيرتها .........................
والرسالة كانت من اكوانت غريب وكانت.  
مرام انا غيث  عاملة ايه أبحثي عن الرقم ده ...........(الرقم كان مكتوب)
 هتلاقي الاكوانت بتاعي كلميني ضروري ضروري متنسيش سلام.
مرام كانت حيرانة مش عارفه تكلمه ولا تعمل ايه.
قالت أنا هقول لماما وهي تقولي هعمل ايه قامت مرام عملت الروتين اليومي صلت وحضرت الفطار وصحت مامتها وبعد مافطروا مرام  حكت لمامتها وورتها الرسالة الي اتبعتتلها
مامتها سكت بعد كدا قالت بصي ابحثي علي الرقم الي بعته كدا
مسكت مرام الفون بتوتر وقلق مش عارفه غيث عايز ايه كتبت الرقم وبحثت عليه علي الفيس  ظهر الاكوانت بتاعه 
مرام بتوتر اهو ي ماما الاكوانت بتاعه اعمل ايه 
مامتها ابعتيله كنت عاوزني في ايه 
بعتت مرام الي مامتها قالت عليه.
مرام/مكنتش عاوزة ابعتله حاجة ي ماما عشان ميفتكرش اني زي البنات الي بيكلمهم أو اني مصدقت يعني .
مامت مرام/متخافيش انا عارفه كل حاجة انا عايزة اعرف غيث عايز ايه  .
مرام/الي انتي شيفاه ي ماما  .
في مكان تاني عند نادر في الكلية 
نادر/انا مش عارف اعمل ايه عشان ترد عليا حتي انا عارف انها محترمة ومؤدبة والله بس نفسي ترد عليا حتي  بحبها اوي ي محمود.
محمود / (صاحب نادر المقرب معاه من صغره طويل وعيونه بني غامق وشعره غامق وبشرته قمحاوي وجسمه رياضي  ) 
ي عم شايل طاجن ستك توكل علي ربك ولو نصيبك هتبقوا لبعض وبطل نكد بقا عايزين نخرج شوف البنات جايين علينا اهو افرد وشك ده واضحك وهزر كدا.
نادر بعصبية خفيفة/لا ي عم مليش في كدا انا مش بطيق البت نرمين دي شوف عاملة ازاي ولا لبسها استغفر الله فين أهلها.
محمود  باستخفاف/ أتصدق رايقين علي بعض وبيضحك جامد نادر ونرمين ثنائي يجنن موت.
نادر بعصبية/انا غلطان إني قاعد معاك انا هروح لسة هيقوم لقي نرمين جاية ومعاها مريم دخلوا الكافية لنادر ومحمود .....
نرمين ومريم ازيكم ي شباب ليكم واحشة .
محمود/وانتوا وحشتونا اوي صح ي نادر .
نادر /انا قايم مروح  .
نرمين بتمسك إيد نادر وهو قايم وتبصله في عيونه استوعبت الموقف وسحبت أيدها بسرعة وبصت قدامها انا اسفة قالنت وهي بتفرك في إيديها أقعد معانا شوية وامشي ملحقناش نقعد مع بعض .
الكل اقعد ي نادر شوية.......
قعد نادر معاهم بيضحكوا ويهزروا نادر مش مشترك خالص وكان قاعد زهقان (مريم ومحمود مرتبطين هو بيحبها وهيتقدم بعض مايخلصوا )......
طبعا محمود عيونه متشالتش من علي مريم ومريم كذلك وكانوا قاعدين منسجمين مع بعض ويتكلموا نادر ونرمين مكنوش بيتكلموا نرمين هي الي كل شوية تفتح مواضيع وهو بيقفل في الكلام وكان ماسك الفون وبعت لي مرام اغنية كالعادة وبعتلها طمنيني عليكي  .
نادر /انا ماشي الساعة بقت4 العصرعقبال مااروح  هتبقي 6 انا همشي عشان متأخرش 
محمود كان  مرهق اوي اصلا  صاحي من الصبح ومحاضرات دماغه ورمت باي ي شباب بقا .
هما باي.............................
عند غيث
غيث كان لابس ومتشيك عنده محاضرات متأخر في الكلية الساعة 4نزل غيث من البيت وهو خارج  قابل ندي في طريقه وكالعادة ندي وقفته عشان تخلق حوار معاه وتدخل في خصوصياته  كالعادة (واحدة حشرية مش بطيقها كدا) 
في نفس الوقت خرجت مرام في البلكونة وشافتهم لمت  الغسيل ودخلت بي كان جواها نار (جرب نار الغيرة ي نشأت بموت والله)
مرام كانت غيرانة اوي قلبها كان فيه نار بصوت غير مسموع 
وعامل بتحبني ي كداب  ي غيث بتقول الكلام ده في سرها وبتعيط وتقول كداب انا حيوانة اصلا اني بحبه بحبه علي ايه أنا  تجاهل متجاهلني وبارد ورخم غير البت الملزقة الي كل شوية توقفه في الشارع في الرايحة والجاية وتقلد ندي بطريقة مضحكة  غيث ازيك ليك واحشة وتكلم بعصبية والله اعلم بتقوله ايه تاني الملزقة دي كتها الارف مرام بصوت عالي  يااااربي شيله من دماغي بقا   ...
مامت مرام سمعتها  بتقولي ايه ي هبلة ....................
مرام وهي خارجة من الاوضة مش بقول ي ست الكل انا داخلة جوا اوضتي .
مامتها/غيث بعتلك حاجة.
مرام/ استني ي مامتي هشوف كدا قعدت جمب مامتها  وفتحت الفون ودخلت علي الشات لقت غيث باعت ......................
يُتبع..

google-playkhamsatmostaqltradent