رواية ثلاثون يوماً من طاعته الفصل الخامس 5 بقلم فاطمة خليل

 رواية ثلاثون يوماً من طاعته الفصل الخامس 5 بقلم فاطمة خليل

رواية ثلاثون يوماً من طاعته البارت الخامس

رواية ثلاثون يوماً من طاعته الجزء الخامس

رواية ثلاثون يوماً من طاعته الفصل الخامس 5 بقلم فاطمة خليل


رواية ثلاثون يوماً من طاعته الحلقة الخامسة

عن أبي سعيد وأبي هريرة -رضي الله عنهما- عن النبي ﷺ قال: (ما يصيب المسلم من نَصَب، ولا وَصَب، ولا هم، ولا حزن، ولا أذى، ولا غم، حتى الشوكة يشاكها إلا كفر الله بها من خطاياه)
الحج مطاوع : كل حاجة بتصيبنا او بتوجعنا بتتعوض لينا في ميزان حسناتنا....في الحديث هنا قال ان اي نصب اللي هو التعب ولا وصب يعني أذى ولا هم ولا حزن ولا غم يعني سواء الاذى جسدي او نفسي هيتعوضلك في ميزان حسناتك
دي حتى الشوكة اللي بتدخل في ايدك شوف هي مش بتوجع جامد برضو هتتحسبله
كل ذرة وجع او حزن بتصيبنا بيتعوض خير منها هتتمحي منك الذنوب ويتمحي وحدة من خطاياك ودا من نعمة ربنا علينا انه بيمحي الذنوب عننا مع اقل مجهود
يعني لما تتصاب او تحزن متزعلش بالعكس افرح لان من فضل ربنا انه بيتمحي بدلها من ذنوبك
معتصم : هو مين ابو هريرة دا يا جدي
الحج مطاوع بابتسامة : دا يا معتصم واحد من صحابة الرسول صلى الله عليه وسلم
يقال انه كان عنده قطة صغيرة كان بيربيها وبيحب يلعب معاها وكان دايماََ بيحط القطة دي في كم جلابيه الواسع وعشان كدا الناس سموه ابو هريرة
ابو هريرة ليه أحاديث كتيرة عن الرسول صلى الله عليه وسلم وكان دايماََ ملازمه عشان يتعلم منه عشان كدا الناس كانت بتحب صحبته لانه يعرف أحاديث كتير لانه مقرب من الرسول
معتصم : المغرب قرب يأذن يلا عشان نلحق الصلاة
الحج مطاوع بابتسامة : يلا
راحوا المسجد وصلوا ورجعوا فطروا كلهم مع بعض وكل واحد راح يشوف شغله
الحج مطاوع كان ماشي من جنب اوضة ابنه وسمع صوت عياط
خبط ع الباب ومرات ابنه مسحت دموعها وفتحت
رحمة : اتفضل يابابا عايز حاجة
الحج مطاوع بابتسماعة : فاضية؟!
رحمة : ايوا حضرتك عايز حاجة أعملها
الحج مطاوع : لا بس انا كمان فاضي فكنت عايزك تقعدي معايا برا شوية في الهوا
رحمة بابتسامة : حاضر
قعدوا مع بعض قدام البيت وسكتوا شوية
الحج مطاوع : كنتي بتعيطي ليه
رحمة بتوتر : هااا لا ابدا مفيش
الحج مطاوع : اعتبريني والدك احكيلي مالك؟!
رحمة دموعها نزلت وبصت في الارض
مسك ايدها وشدد عليها : احكي
رحمة بدموع : حضرتك عارف ان انا ومحمد بقالنا سنة متجوزين ولحد دلوقتي ربنا مرزقناش بطفل والدكاترة قالو مفيش مشكلة وممكن الموضوع يتأخر عادي بس انا خايفة وكمان عارفة ان محمد بيحب الأطفال ونفسي افرحه
الحج مطاوع : هو قالك حاجة؟! اشتكي؟
رحمة : لاء بس انا عارفة ان نفسه في ولد بس مش عايز يزعلني
الحج مطاوع : طب ماتجبيله طفل
رحمة : اجبله ازاي الموضوع مش بأيدي...لو بأيدي مكنتش اشتكيت 
الحج مطاوع : بأيد محمد؟!
رحمة : لا طبعا
الحج مطاوع : الدكتور يقدر يخليكو تجيبو طفل
رحمة : لو كان يقدر كنت جبته من زمان
الحج مطاوع : اومال بأيد مين
رحمة : ربنا
الحج مطاوع : طب بتعيطي ليه
رحمة : انا مش معارضة ع قضاء ربنا بس انا تعبت وكمان كلام الناس
الحج مطاوع : تعبتي؟! مبقتش قادرة تستحملي
رحمة بعياط : طاقتي نفذت اتحملت كتير
الحج مطاوع : لا يكلف الله نفسا إلا وسعها
رحمة : ونعم بالله
الحج مطاوع : ربنا ليه حكمة في كل اللي بيعمله الموضوع مش بايدك ولا بأيد بشر يبقى انتي مزعلة نفسك ليه مش يمكن لو كنتي خلفتي بدري كان يحصله حاجة لاقدر الله....وبعدين ايه يعني كلام الناس ربنا مطلع وشايف كل حاجة بيختبر صبرك (وبشر الصابرين) ادعيلي والحي في الدعاء وربنا هيستجاب لانه مبيردش عبد خايب ( ولاتيئسوا من روح الله انه لاييأس من روح الله الا القوم الكافرين)
ان شاء الله ربنا هيرزقك بالذرية الصالحة من هنا لوقتها لو الواد محمد زعلك ولا قالك حاجة تضايقك تعالي قوليلي بس وملكيش دعوة
رحمة ضحكت : شكرا يابابا ربنا يخليك
الحج مطاوع : متقوليش كدا انتي زي هاجر.... يلا بقى هسيبك انا عشان الحق صلاة العشا
مشي الحج مطاوع وراح الجامع امم بالناس وقعد معاهم كالعادة
 { وَلَا تَمْشِ فِي الْأَرْضِ مَرَحًا إِنَّكَ لَنْ تَخْرِقَ الْأَرْضَ وَلَنْ تَبْلُغَ الْجِبَالَ طُولًا }.
من صفات المؤمنين التواضع وربنا أمرنا بيه {ان الله لايحب كل مختال فخور} الرسول صلى الله عليه وسلم كان من اكتر الناس تواضعاََ راح يعزي طفل مات عصفوره ودي من أعظم المواقف اللي في حياة النبي شوفت جمال اكتر من كدا
التواضع مفروض علينا سواء غني او فقير جاهل او متعلم
انك اتواضع في إعطاء الفقراء من اموالك او انك تتواضع في نصح غير والتقديم المعلومة ليه
التكبر عمره ما كان صفة للمؤمنين بالعكس دي من صفات الشيطان ربنا لما قال اسجدوا لادم الملائكة كلهم سجدوا الا ابليس اتكبر وشاف نفسه احلى منه سيدنا آدم عشان كذا نال عقابه وربنا طرده من الجنة
من نصايح لقمان الحكيم لابنه قاله ولا تصغر خدك للناس ولا تمشي في الارض مرحاََ
انت مش احلى من الناس في حاجة عشان تتكبر يمكن ربنا يرزقك بحاجة مرزقهاش لغيرك بس هو خلقنا مختلفين عشان نكمل بعض مش عشان نتكبر ونحرك غيرنا من النعمة دي وفي الحالة دي انت اللي هتتحرم منها
.......... يتبع.......

لقراءة باقي حلقات الرواية اضغط على (رواية ثلاثون يوما من طاعته
google-playkhamsatmostaqltradent