رواية احببته وهو لا يبالي الفصل الرابع 4 بقلم أروى طارق

 رواية احببته وهو لا يبالي الفصل الرابع 4 بقلم أروى طارق

رواية احببته وهو لا يبالي البارت الرابع 

رواية احببته وهو لا يبالي الجزء الرابع 

رواية احببته وهو لا يبالي الفصل الرابع 4 بقلم أروى طارق


رواية احببته وهو لا يبالي الحلقة الرابعة

البارت 4
(أحببته و هو لا يبالي..🖤)
خالد : عمرو انا عايز افهم نور مالها انت عملتلها اي خلتها مش طايقه تشوفك كده
عمرو كان باصص ف أثر نور و بعد كده بص ل خالد و قال: انا هطلعلها
خالد : بقولك فيه اي ..لما اكلمك ترد علياا
عمرو بصوت عالي شويه: مفيش حاجه ي خالد مفيش حاجه..و طلع 
جهاد جات ع صوتهم: فيه اي ي خالد بتزعق مع اخوك ليه 
خالد اتنهد و سكت ف رد حازم: مفيش حاجه ي ماما دول بيهزروا بس صوتهم علي شويه 
________________________
ف البلكونه 
عمرو: طب هتفضلي معقباني كتير كده طيب
نور بصتله و بعدين رجعت بصت ع الشارع من غير رد
راح عمرو قرب و وقف جنبها و قال: مش البنات المحترمين القمرات ال زي نوري كده لما حد بيكلمهم بيردوا عليه و خصوصا بقي لو ال حد ده ابن عمهم و اخوهم الكبير والا رأيك اي
نور و هي بتبتسم بسخريه: اديك قولت اهو..البنات المحترمين لكن انت قولتلي اني مش محترمه ..و بعدين بصت قدامها تاني 
عمرو فضل بصصلها و حس قد اي ال حصل اثر فيها و إن حتي لو كان اتضايق كان المفروض يكلمها براحه لكن دلوقت هي فاكره أنه واخد عنها فكره وحشه و ده مش صح 
عمرو : مكنتش اقصد ال فهمتيه والله انا اتعصبت لما لقيتك بتضحكي معاه و انتي لسه عرفاه من نص ساعه مكنش قصدي اقول الكلام ده مكنش قصدي 
نور : مكنش قصدك اي ...مكنش قصدك تقول اني مش متربيه و عايز تربيني من اول و جديد...مكنش قصدك تقول عليا بتمرقع قدام اي حد غريب ...و كل ده قدام واحد لسه عرفاه من نص ساعه زي م قولت ..ده انت كنت هتضربني ..رفعت ايدك علياا...مكنش قصدك اي هااا
عمرو بنظره رجاء : كفايه ...عشان خاطري كفايه...انا اسف والله ..حقك علياا بس كفايه زعل كده بقالك شهر مش بتكلميني ولا عايزه تشوفيني ..شوفتي بقا عقابك قاسي ازاي 
نور : يفرق معاك تكلمني و تشوفني أو لا 
عمرو ابتسم: وانا صغير كنت بقول لماما ليه مجبتليش اخت صغيره العب معاها و احميها بس لما كبرت اكتشفت اني كنت غبي لان عندي اخت صغيره اهي العب معاها و احميها كمان 
نور اتضايقت بتشبييه ليها كاخت لكن مبينتش
عمرو : بقا فيه حد عنده اخت قمر كده و يزعلها و النبي انا غبي
نور ابتسمت علي كلامه
عمرو: ايوه كده يا شيخه اضحكي ....حقك عليا متزعليش
نور: م انت ضحكتني بقا ف خلاص مش زعلانه
عمرو بابتسامه: و انا مش هزعلك تاني 
_________________________
عدي سنتين ....ملك و حازم اتجوزوا ...عمرو و خالد اتخرجوا ...نور و عمرو علاقتهم اتحسنت كتيير عن زمان ...نور بقت ف تالته ثانوي.....
و ف يوم حصل ال مكنش ع البال......
الام : بت يا نور شوفتي ال حصل
نور : اي ي ماما اي ال حصل قولي 
الام : عمرو ابن عمك هيخطب .
حسيت ان الدنيا وقفت هنا شويه..ازااي..مين...ليه ..حبست دموعي عشان ماما متحسش بحاجه 
نور : اي دا والله ..مبروك
الام : يعني مسالتيش مين 
نور: اه مين ي ماما 
الام : شهد اخت ملك 
نور : ماشي 
الام : مش هتطلعي عند عمك تباركيله ولا اي ...مالك يا بت في ايه مخضوضه كده لي
نور : مالي ي ماما ولا مخضوضه ولا حاجه و بعدين مش لما يبقي يخطب ابقا اباركله هبارك ع اي دلوقت اطلعي ي ماما الله يخليكي عندي مذاكره
الأم: طيب يختي طالعه انتي حره 
ماما طلعت و مجرد م قفلت الباب و انا دموعي بقت بتتسابق ف النزول كنت حاسه بس مكنتش بتقبل الفكره يا الله لي حاسه الاحساس ده ...انا هركز ف مذاكرتي و مش هشغل بالي بحاجه دلوقت يمكن اجيب مجموع حلو يفرحني..هو انا هفرح بعد كدا اصلا...ياارب..
_________________________
نور نايمه ع السرير ماسكه الفون  و لقت مسدج من عمرو "بت ي نور اطلعي دلوقت بسرعه عايزك ف حوار مهم" نور عرفت أنه هيقلها ع الخطوبه هي مش عايزه تطلع لكن مينفعش فردت "حاضر طالعه" 
_________________________
عمرو: عايز اقولك خبر حلو جدااا
نور :قول
عمرو: انا هسبق خالد...و هخطب قبله 
نور غمضت عينها بألم: اي دا بجد مين
عمرو : شهد
نور و هي حاسه انها سامعه صوت كسر قلبها:مبروك ...اتقدمت
عمرو: اه يا بنتي اتقدمت و هي وافقت كمان بس مردتش اقول غير لما توافق عشان تبقي مفاجأة و الخطوبه اخر الاسبوع 
نور و هي حاسه انها هتفقد السيطره ع دموعها: مبروك ي عمرو...مبروك انا هطلع بقا عشان عندي مذاكره 
عمرو : نور انتي كويسه فيكي اي مالك
نور: انا..انا كويسه جداا بس شويه إرهاق م المذاكره..سلام 
______________________
طلعت اوضتها اترمت ع السرير و فضلت تعيط و كل م تفتكر أنه هيخطب و مينفعش تفكر فيه عياطها يزيد لحد م قامت تتوضي و تصلي و تدعي ربنا يمكن نار قلبها دي تهدي شويه ..
نور و هي بتدعي : يارب ..يارب ريح قلبي ده يارب ..لو مش ليا متعلقش قلبي بيه اكتر من كدا يارب ارجوك ...و قامت عشان تذاكر يمكن تنسي شويه 
______________________
عدي شهر ع الأحداث ديه و عمرو و شهد اتخطبوا و نور بتحاول ع قد م تقدر تبعد عن عمرو و تقلل كلام و طبعا عشا هو مشغول ب شهد مكنش بيركز أو بيسال لي بتعمل كده و نور كانت محتجاه اوي لانه كان أقرب شخص ليها بس خلاص كانت فتره و عدت 
____________________
ف بيت يونس
هاجر: نور انا و ابوكي هنروح نزور حد معرفه ف المستشفى و نرجع اطلعي عند عمك متقعديش هناا و كمان حازم و مراته فوق 
نور مكنتش عايزه تطلع عشان عمرو : هقعد هنا
هاجر:لا مفيش قعده لوحدك يلا اطلعي  
نور: اوف ماشي 
_________________
ف بيت سليم كانوا كلهم قاعدين مع بعض و كل كلامهم عن هيجهزوا لفرح عمرو وشهد ازاي ف نور اتخنقت و قالت: انا هقعد ف البلكونه شويه ...و طلعت 
___________________
عمرو طلع ورا نور و راح وقف جنبها و قال: نوري عامله اي مبقتيش تتكلمي معايا لي 
نور بهزار: يسطا انت بقيت فاضي اصلا ...
عمرو: عارف والله اني مقصر معاكي ..حقك عليا..المهم انا موجود دلوقت اهووو ..تيجي نخرج
نور:اي دا بجد
عمرو : جد ال جد طبعا هو انا عندي كام نور 
نور : هي واحده ...و ضحك عمرو بعدها تلفون نور رن ف ردت :ايييييييييي انت بتقول اييييي .....لااااااااا...و التلفون وقع منها 
عمرو: نور في اي 
نور:...........

يُتبع ..

google-playkhamsatmostaqltradent