رواية احببته وهو لا يبالي الفصل الثالث 3 بقلم أروى طارق

 رواية احببته وهو لا يبالي الفصل الثالث 3 بقلم أروى طارق

رواية احببته وهو لا يبالي البارت الثالث

رواية احببته وهو لا يبالي الجزء الثالث

رواية احببته وهو لا يبالي الفصل الثالث 3 بقلم أروى طارق


رواية احببته وهو لا يبالي الحلقة الثالثة

البارت 3
(أحببته و هو لا يبالي..🖤)
عمرو:طبعا ما الست هانم ماشيه تتمرقع مع اي حد غريب
مؤمن سكت م الزهول و نور بتبص لعمرو جامد بصدمه م ال قاله دلوقت و عنيها بتتجمع فيها الدموع و قالت بصوت عالي شويه : اي ال انت بتقوله ده ..انت عارف انت بتقول اي و بتكلم مين 
عمرو بزعيق لكن محدش سمعه لانهم كانوا واقفين بعيد: صوتك ميعلاش عليا عشان مربكيش من اول و جديد و بعدين اه عارف انا بقول اي وبكلم مين المهم تكوني عارفه انتي بتعملي اي 
مؤمن انسحب لانه اتحرج و مرضاش يقف اكتر م كدا لكن محدش فيهم اخد باله
نور : انت ملكش دعوه بيا فاهم ..ملكش حكم عليا 
عمرو رفع أيده و لسه هيضربها لكن اخيرا اخد باله من الدموع ال ف عينها و بتحارب عشان متنزلش اخد باله من نظرتها ال مصدومه فيه بتبصله و كأنه خذلها اوي بتبصله بخوف ..بكسره ..نظرات كتير وقفته مكانه أيده ثابته ف الهوا 
نور: اضرب .. اضرب يا ابن عمي ..اضرب 
عمرو بصلها شويه و بعدين سابها و مشي و هي قعدت ع البحر تهدي شويه 
_______________________
عند عمرو كان واقف بيحاول يفكر ف ال عمله ده و نظرات نور ليه لحد م سمع صوت من وراه 
_عمرو 
عمرو لف لقاه مؤمن فضل باصصله و ساكت 
مؤمن : انا اسف لو كنت عملت حاجه ضايقتك مني ي عمرو لكن والله انا ال روحت ل نور و قولتلها تعتبرني اخوها هي متكلمتش.
عمرو : و انت تروح تقولها كده لي اصلا هااا
مؤمن : عشان لاحظت انها محرجه مني و مش بتاخد راحتها ف الكلام قدامي و لو فضلنا كده مش هتحب وجودي و احنا هنبقي عيله واحده ف قولت اروح اتعرف عليها 
و كمل كلامه و هو مضايق من عمرو و ال عمله : و بعدين ي بشمهندس المفروض تكون واثق ف بنت عمك و اختك شويه 
عمرو : مين قالك اني مش واثق فيها
مؤمن: ال عملته كان بيدل علي كده
عمرو: يعني...يعني هي دلوقتي شيفاني مش بثق فيها
مؤمن : و شايفه انك شايفها مش محترمه 
عمرو : انا مقصدش كده 
مؤمن : ال عملته يدل ع كداا ي بشمهندس...بعد اذنك 
و مشي و ساب عمرو بيفكر 
_______________________
نور بعد م قعدت ع البحر و عيطت قامت عشان تروحلهم عشان محدش ياخد باله من حاجه و اول م دخلت شافت حازم بيشاورلها ف راحتله 
حازم: انتي فين من بدري بدور عليكي
نور بابتسامه : كنت بتفرج ع البحر اصل المكان هنا جميل اوي 
حازم : مالك ي نور ي حبيبتي انتي كويسه؟
نور : اممم انا كويسه مالي 
حازم : مش عارف حاسس ان فيه حاجه بس براحتك هتروحي مني فين ..المهم مبسوطه؟
نور بابتسامه ليه : طول ما انت مبسوط انا كمان مبسوطه 
حازم : ربنا يخليكي ليااا ي غاليتي 
و خلصت الخطوبه و روحوا البيت و نور موجهتش اي كلام لعمرو و لا حتي بصتله و هو ضميره بيأنبه م ال عمله 
________________________ 
عدي شهر و نور مبتتكلمش مع عمرو نهائي و بتتجنب تشوفه و لما بيحاول يكلمها بتتهرب منه و محدش يعرف اي حاجه عن ال حصل يوم الخطوبه 
ف بيت يونس 
هاجر: يا نور انا و ابوكي هنروح نزور واحد صاحب ابوكي تعبان اطلعي عند عمك عقبال م نيجي متقعديش لوحدك 
نور : حاضر يا ماما انا طالعه 
و طلعت نور و خبطت ع الباب و فتحت مرات عمها
جهاد : اهلا ي هانم اخيرا جيتي بقالي شهر مشوفتكيش ي نور 
نور : معلش بقاا ي طنط اديني جيت اهوو
جهاد : المهم قوليلي نتيجتك طلعت ولا لسه 
نور : اها طلعت و جبت مجموع حلو الحمدالله هو حازم مقالكيش ولا اي انا قولتله لما طلعت
جهاد : والله ولا قالي حاجه مهو مبقاش فاضيلنا بقا ههههه المهم انك خلاص كبرتي و بقيتي ف ثانوي ي بنوتي 
نور بابتسامه ساخره: هو انا كده فعلا كبرت
جهاد :كبرتي و بقيتي عروسه و هنشوفلك عريس كمان 
نور ابتسمت بهدوء و دخلت عشان تشوف الشباب و لقت خالد و حازم بس ال عند التلفزيون ف حمدت ربنا أن عمرو مش موجود ف دخلتلهم و قالت بمرح: عندكو شاامبوووو
خالد : ايه؟
نور : عندكو شاامبوووو
خالد : لا معندناش
نور:امال عندكم اي دباتشيب 
خالد : اها عندنا دباتشيب
نور بضحك: صحبي الروش
خالد بضحك : اخويااااا
حازم : م تبس هطل يلا انت وهي بقا 
نور: ي زووومييييي ماسك الفون بتعمل ايه ي زوميي
خالد : بيكلم خطشيبته ي اووختشيي 
حازم : م تبطلو رغي بقااا و رخامه 
نور: الله يرحم لما كنت بتزعل لما تلقينا ساكتين دلوقتي خلاص بقا يضايقك كلامنا ي غداااار مبقتش فاضيلنا 
حازم: بت بت اسكتييي
عمرو كان ف اوضته و اول م سمع صوت نور بره طلع بسرعه 
نور كانت لسه هترد ع حازم بس اول م شافته ملامحها اتحولت للجمود!  و قالت: انا هطلع البلكونه شويه 
عمرو بحزن علي طريقتها معاه : ازيك يا نور 
نور بصتله: كويسه ...و طلعت 
خالد: عمرو انا عايز افهم نور مالها انت عملتلها اي خلتها مش طايقه تشوفك كده 
عمرو كان باصص ف أثر نور و بعد كده بص ل خالد و قال: .......

google-playkhamsatmostaqltradent