رواية احببته وهو لا يبالي الفصل الثاني 2 بقلم أروى طارق

 رواية احببته وهو لا يبالي الفصل الثاني 2 بقلم أروى طارق

رواية احببته وهو لا يبالي البارت الثاني

رواية احببته وهو لا يبالي الجزء الثاني 

رواية احببته وهو لا يبالي الفصل الثاني 2 بقلم أروى طارق


رواية احببته وهو لا يبالي الحلقة الثانية

البارت 2
(أحببته و هو لا يبالي..🖤)
_انتي بتعملي ايه هنا ي نور...
نور بصت لما سمعت الصوت لقتها فرحه صاحبتها ال معاها ف الدرس (طبعا كلكو افتكرتوه عمرو😂 عايزين تعملوا مشاكل انتو😂) الولد لما سمع الصوت قرب من نور بسرعه وقالها جنب  ودنها : هجيلك تاني يا قطه ..و ابتسم ابتسامه كانت غريبه بالنسبه لنور و مشي
نور جريت علي فرحه و هي بتتنفس بسرعه و بتعيط 
فرحه : اي انتي كويسه! حصل حاجه؟ عملك حاجه...رديي
نور و هي بتتكلم بصعوبه : لا ..لا انا كويسه انا..انا همشي
فرحه : استني همشي معاكي اوصلك 
و مشوا مع بعض 
________________________
 وصلت البيت و حاولت مبينش اي حاجه عشان بابا و ماما
نور : ماماااااا ....بابااااااا يا اهل الداااار انتو فين 
هاجر : ياربي مخلفه بقره ف البيت ... عايزه اي ي قدري عايزه اي
نور : بقره اي ي ماما هو فيه بقره قمر كده
هاجر : ماشي ي ست القمر ...تعالي يلا احطلك الغدا عقبال م ابوكي يطلع م العصر 
نور : لا ي ماما مش جعانه أنا هدخل انام شويه عشان لما اقوم عندي مذاكره كتيير
هاجر و هي بتبصلها اوي: نور انتي كويسه ي حبيبتي
نور و هي بتبص لمامتها و حست انها عايزه تعيط: اه يا ماما كويسه و زي الفل كمان انا هدخل انام بقاا..ودخلت 
هاجر: ربنا يهديكي ي بنتي يارب 
_______________________
ف بيت يونس 
يونس : انا هنزل اصلي ي هاجر و انتي صحي بنتك دي
هاجر: حاضر حاضر هدخلها
و دخلت ل نور 
هاجر: يلا ي حبيبتي اصحي 
نور: انا صاحيه ي ماما جايه اهوو روحي أنتي 
و طلعت هاجر من الاوضه 
نور قامت من ع السرير و افتكرت ال حصل و فكرت ف الجمله ال قالها الولد قبل م يمشي: اعمل اي ..طب هو يقصد اي ..طب اقول ل حازم ولا هبقي بعمل مشكله وخلاص ..ياربي..انا هسكت ولو حصل حاجه هبقي اقول لحازم و انشاء الله مش هيحصل
الباب بيخبط..
نور : مين 
_انا حازم ي نور
نور حطت الطرحه ع رأسها: تعالي ي زومي تعالي 
حازم : ي بنتي اي زومي دي انا مهندس قد الدنيا يتقالي زومي 
نور: انا اقول ال انا عيزاه..ولا انت رايك ايي
حازم : ي سلام انتي تقولي و تعملي كل ال نفسك فيه 
نور : حبيبي حبيبيييي ....قولي بقا اي سر الفرحه دي 
حازم :ملك وافقت
نور : بجددد...بجد ي حازم ...مبروك ...انا فرحت اوييي
حازم : الله يبارك فيكي ي قمري...هكلم باباها بليل و نحدد معاد الخطوبه أن شاء الله
نور : انشاء الله ي حبيبي 
________________________
حازم كلم أهل ملك و اتفقوا أن الخطوبه بعد امتحانات نور ال هو بعد اسبوعين 
_________________________
اول يوم امتحانات لنور 
نور : ماما انا خايفه اوي 
هاجر : انتي عملتي ال عليكي ي حبيبتي متخافيش..ربنا معاكي 
نور طلعت و اول م قفلت الباب لقت حازم و خالد و عمرو نازلين 
نور : ايتا ايتا اثبت مكانك لتولع وانت واقف 
حازم اتخض: فيه اي ي بنتي ...انتي رايحه فين ع الصبح كده 
نور : هكون رايحه فين يعني ..الامتحان 
عمرو: امممم ....انتي لسه تالته اعدادي ي نور ده انتي صغيره جدااا المفروض تقولنا ي أبيه ههههههههه
نور بصتله شويه و هي صعبان عليها نفسها: ماشي ي عمرو ..هه اقصد..ي أبيه ...و مشت 
خالد: انا مش فاهم انت بتعاملها كده لي والله م تعدل طريقتك بقاا 
حازم : خالد عنده حق انت بتعامل بنت عمك كده لي انت عارف انها ملهاش غيرنا المفروض نبقي اخواتها و اصحابها انت فاهم ولا لا
عمرو : فيه اي ي جدعان مالكوا الله ..انا عملت اي انا بهزر معاها و بعدين نور مهمه عندي زي اختي بالضبط انا بس بهزر معاها 
خالد : لا خف هزارك الرخم ده معاها 
عمرو : فكك مني ي عم...انا ماشي عشان متاخرش سلام
خالد و حازم: سلام 
_________________________
نور خلصت امتحانات و كلها كانت سهله و جه يوم خطوبه حازم و ملك ...
هاجر: يا نووور يلا ي بنتي هنتاخر 
نور : ي ماما جايه اهووو 
طلعت من الاوضه كانت لابسه (فستان موف غامق غامق ضيق من عند الصدر و نازل منفوش و عليه طرحه اوفويت و حطت كحل و روج خفيف جداا) 
هاجر: اي داا اي الحلاوه دي 
يونس: ربنا يحميكي ي حبيبتي
نور : ربنا يخليكو ليا ي يارب
نزلوا كان عمرو مستنيهم تحت و خالد و حازم و جهاد و سليم راحو عشان يجيبوا ملك من ال بيوتي سنتر و بعدين المكان ال فيه الخطوبه ( الخطوبه كانت معموله علي البحر و المكان مفتوح و هما اصلا عايشين ف اسكندريه) نزلت نور و يونس و جهاد ... عمرو اول م شاف نور بصلها شويه جامد و بعدين ابتسم ابتسامته الجميله دي و نور اخدت بالها و اتكسفت و ركبوا العربيه و عمرو كل شويه يبص لنور ف المرايه و هي بتبقي بصاله لكن اول م يبص عليها تلف وشها و هو اخد باله و ابتسم ع حركاتها الطفوليه اوي 
وصلووو...
و بعد شويه كان العرسان وصلوا و حازم بيعرف نور ع ملك و عيلتها 
حازم : دي نور بنت عمي و اختي الصغيره ي ملك
ملك : نور ازيك انا حبيتك من كلام حازم عنك 
نور بابتسامه بريئه: و انا كمان حبيتك 
ملك : باين هنبقي صحاب و نعمل عليهم عصابه 
نور بطريقه مضحكه : اكييييد
الكل ضحك 
حازم: دول شهد و مؤمن اخوات ملك ي نور زي م قولتلك 
نور : ازيكم 
مؤمن بابتسامه : ازيك ي نور 
نور : الحمدالله
شهد : أزيك ي نور 
نور بابتسامتها ال مش بتفارقها : الحمدالله 
و عداا وقت و نور ملاحظه كلام شهد و عمرو ال كتير اووي و تعاملهم مع بعض كأنهم عارفين بعض من زمان
و ده طبعا ضايقهاا لكن بطلتنا قويه جدا و مش بتبين اي حاجه 
نور قامت تقف بعيد و وقفت عند البحر و هي بتبص عليه و بتفكر ف كل حاجه بتحصل 
_ عامله اي
نور بخضه : اي ي مؤمن خضتني 
مؤمن بضحك : معلش مكنتش اقصد...بقولك ايه 
نور : ايه 
مؤمن : ممكن تعتبريني اخوكي زي م بتعتبري ولاد عمك كده..عشان ميكنش فيه احراج بينا ف اي خروجه او اي وقت بعد كده بما اننا خلاص هنبقا عيله واحده
نور بابتسامه : أكيد ي مؤمن 
و قعدوا اتكلمو مع بعض شويه و يهزروا و يضحكوا 
و كان عمرو واقف بيراقبهم و علي وشه علامات غضب وقرف 
و قرب عليهم 
عمرو : بتعملوا اي 
مؤمن : عمرو تعالي ...مش بنعمل حاجه بتعرف ع نور اصل احنا بقينا يعتبر اخوات و اصحاب 
كل ده و نور واقفه مبتسمه مش واخده بالها من غضب عمرو ... و هنا عمرو قال الكلمه ال صدمتها : طبعا ما الست هانم ماشيه تتمرقع مع اي حد غريب .
مؤمن سكت م من الزهول و نور بتبص لعمرو جامد بصدمه م ال قاله دلوقت و عنيها بتتجمع فيها الدموع و ....
الكاتبه اروى .
أحببته وهو ولا يبالى

يُتبع ..

google-playkhamsatmostaqltradent