رواية بحر العطر الفصل الثاني 2 بقلم فاطمة خميس هارون

 رواية بحر العطر الفصل الثاني 2 بقلم فاطمة خميس هارون

رواية بحر العطر البارت الثاني

رواية بحر العطر الجزء الثاني

رواية بحر العطر الفصل الثاني 2 بقلم فاطمة خميس هارون


رواية بحر العطر الحلقة الثانية

بحر :خير ايه الي رماكي علينا تاني 
عطر :احم اناااا جايه اشتغل هيكون اي يعني 
بحر :هو ده حمام بيتكوا 
عطر :لا دي شركتك 
بس تصدق في تشابه في لون الدهان وخصوصا الاوضه دي بس ااا 
بحر بعصبيه :بس بس ااايه انتي هتشرحيلي قصه حياتك 
عطر :حضرتك الي سألت 
بحر :انت جايه هنا عاوزة ترجعي الشغل 
عطر :أيوة 
بحر :وانا موافق 
عطر :بجد 
بحر :طبعا وخصوصا أن وظيفتك كان فيها نقص 
عطر :ازاي ده في ٦غيري 
بحر :لا هو انا مقولتلكيش 
عطر :تقولي اي 
بحر : انك اتنقلتي 
حضرتك دلوقتي شغاله اتنين في واحد 
عطر :مش فاهمه 
بحر :افهمك 
انتي هتكوني السايس لمكتبي وبيتي وكل مكان انا فيه 
عطر :يعني انا هشتغل هنا وفي البيت 
بحر :بالضبط 
عطر :لا طبعا انا مش خادمه عشان ااا 
توقفت علي صوت هاتفها 
عطر :الو 
حاضر حاضر 
لا الفلوس هتيجي في معادها باذن الله 
أيوة لقيت شغل 
سلام 
التفت عطر لبحر الذي كان يتابعها بفضول 
عطر :موافقه 
بحر :تمام 
هاتيلي قهوه 
حركه رأسها بنعم وخرجت لتلبي طلبه 
وأمسك هاتفه يهاتف سامي 
سامي :الو 
بحر :أيوة يا زفت 
سامي ؛  باشا 
باشا ايه وزفت اي علي دماغك 
فين المعلومات الي طلبتها عن البت دي 
سامي :ما انا جبت لمعاليك  اسمها وعنوانها وتليفونها وو 
بحر :وانت فاكر الحاجات الهبله زيك دي معلومات 
انا عاوز كل حاجه عنها من اول ما تصحي لحد ما تنام 
كل حاجه فاهم كل حاااجه 
يلا غور 
سامي وهو ينظر للهاتف :كل حاجه  كل حاجه
لما نشوف اخرتها مع المفتش كرومبو ده
... 
طرقات خفيفه علي الباب 
بحر:ادخل 
تقدمت عطر ووضعت القهوه أمامه والتفتت لتغادر 
بحر :انا قولتلك تخرجي 
عطر :لا بس انا قولت اني اا 
بحر بعصبيه :انا الي اقول مش انتي مفهوم
كورت يدها بعصبيه وحركت راسها وهي تتمتم :مفهوم 
بحر :اقعدي برا ولما حد يدخل تدخلي وراه عشان تشوفيه هيطلب اي 
هزت راسها بعصبيه ورحلت 
بحر :لسه يا قطه لسسسه بدري 
...
رامي :بحر باشا
بحر :رامي اخبارك اي 
رامي :اي يعم لازم اجيلك عشان اشوفك 
مينفعش تتكرم وتتنازل وتجيلي مره 
بحر :حقك عليا بس انت عارف ضغط الشغل وو 
عطر :تشرب اي 
رامي :اعاااااا
عطر :في أي 
بحر :انتي دخلتي امته 
عطر :لسه حالا 
بحر :في حد يعمل الي عملتيه ده 
عطر :حضرتك الي قولت لما يدخل حد ادخل وراه واسئله يشرب ايه 
ده انا حتي سيبت كام ثانيه فرق 
بحر :لا بجد كتر خيرك 
عطر :العفو العفو 
بحر :بت انتي بطلي هبل وركزي 
انا بقولك تتدخلي تسألي تشربوا اي 
مش تصرعي الراجل 
عطر :امم طيب هبقي اخد بالي 
التفتت بسرعه رامي الذي انكمش علي نفسه 
عطر :حضرتك تحب تشرب اي 
رامي  :نسكافيه 
عطر : حاضر
بحر :خدي هنا 
عطر :نعم 
بحر :هو انا شفاف هواااء  مش ظاهرلك 
عطر :لا ازاي حضرتك مضلم اااقصد منور الدنيا 
بحر :طيب هو انا مليش بق 
عطر وهي تلوي فمها :وانت الصادق ده مش بق ده بكابورت استخدامه الوحيد يطلع دبش 
بحر :بتقولي ااايه 
عطر. ولا حاجه بقول عندك اتنين 
بحر :اتنين اي 
عطر :لسانين ااا ودنين اقصد ودنين 
بحر :اطلعي بره 
عطر وهي تغادر  :طب استئذن انا بقي 
رامي :مين دي 
بحر :دي بنت عاوز اعكنن عليها بس السحر اتقلب علي الساحر 
رامي :وتعكنن عليها ليه 
بحر :دي حكايه عاوزة قاعده  لوحدها 
المهم انت جاي ليه 
رامي :انا جاي عشان افكرك بحفله لمار الي حضرتك اكيد نسيتها 
بحر :اااااوه انا فعلا نسيت ونسيت الهديه كمان 
عطر ياااا عطر 
عطر :ايه 
بحر :ايه ؟
عطر :ايوه
بحر بحده :أيوة !!
عطر :لا لا 
رامي :أيوة ولا لا 
نظرت له عطر وكأنها تخبره انه ليس بوقته
بحر :انتي هتنزلي دلوقتي تجيبي هديه مناسبه لعيد ميلاد وتكون شيك وقيمه 
لواحده صديقه ليا بنفس عمرك تقريبا 
مش انتى عندك ٣٠ 
عطر :ت ايه يا اخويا 
لييييه وشي مكرمش ولا شعري ابيض 
بحر :خلاص يعني لبستك تهمه 
رامي :كام سنه يعني 
عطر  :٦٠
 هروح اجيب الي طلبته سلام 
رامي :مين دي 
بحر :اطلع بره يا رامي 
رامي :انا بقول كده بردوا 
اشوفك بليل 
بحر :تمام 
...
عطر بصوت ساخر :مش انتي عندك طلاطين سنه
جت تلاتين سنه أما يخدوك يا بعيد 
لا ورايحه اجيب هديه 
والله عال يا عطر هانم بقيتي خدامه خدامه يعني 
رامي :انسه عطر 
عطر :اجيبلها اي دلوقتي 
رامي :يا انسه 
عطر :انا هجيبلها اكل
اه اقرب طريق للست معدتها 
لالا اي الهبل ده 
اكيد عامله رجيم 
رامي :ياااا انسه 
عطر :ااايه ااايه خير نعم
رامي :براحه علينا 
انا بس كنت هسألك عامله اي 
عطر :عامله زفت تاخد حبه 
وتركته وغادرت 
رامي :مجنونه مجنونه مفيش كلام 
...
عطر :يا رب اعمل اي 
ساعدني يا رب 
انااا تايهه وو 
طنط يا طنط 
عطر :أيوة يا عسوله 
فين ماما 
البنت :ماما هناك اهي وده وقع منك 
انتي كنتي ماسكاه هناك 
عطر وهي تلتقط السلسال:الله جميل بجد 
انا هاخده ليها
ضمت السلسال بيدها وهي تهمس : الحمد لله 
انحنت.وقبلت خد الفتاه وشكرتها بود ورحلت
...
طرقات علي المكتب 
بحر :ادخل
عطر :ا تفضل 
بحر :اي دي 
عطر :زي ما حضرتك شايف سلسله 
بحر :كل الوقت ده عشان تجيبي حتت الزباله دي 
عطر :والله كل واحد وذوقه 
بحر ؛فعلا وانا غلطت لما بعت واحده زيك تجيب هديه لواحده من وسطنا 
اتفضلي ارميها في أي صندوق زباله شبهها 
دفعها وغادر 
ولكنه التفت وهو يأمرها 
انهارده الساعه ٨بالضبط تكوني قدام الشركه وياريت تلبسي حاجه عدله لان ده عيد ميلاد وفي ناس واصلين
ثم هتف وهو يغادر
حاولي تكوني راقيه 
كانت عطر تضم يدها بغيظ حتي تركت اثر علي يدها 
بلا راقيه بلا عبير انا هعمل الي انا عاوزه 
....
عطر :السلام عليكم 
الطبيب :وعليكم السلام 
كويس انك جيتي 
عطر :خير
الطبيب :خير باذن الله اتفضلي معايا 
وصلوا لمكتب الطبيب وجلست عطر امامه
عطر :نعم 
الطبيب :حاله ولدتك متاخره 
وللاسف العلاج مش هيفيد 
لازم تدخل جراحي والعمليه هتتكلف نص مليون 
عطر بصدمه :نص مليون 
الطبيب :ده اقل تقدير 
عطر ؛طيب انت قدامي وقت قد ايه عشان اوفر الفلوس دي 
الطبيب :مش اكتر من اسبوعين للاسف 
عطر :وانا اجيبهم من فين بس 
الطبيب :ربنا معاكي 
عن اذنك 
عطر :اكيد ربنا معايا 
هو انا ليا غيره 
يا رب 
سارت عطر الي منزلها بتخبط بعد أن مرت علي امها وطمئنتها انها رجعت للعمل 
ولم تشعر بنفسها وغطت في سبات عميق حتي السابعه والنصف 
استيقظت علي صوت هاتفها 
عطر :الو 
بحر :صباح الخير 
عطر :صباح النور 
بحر :لا والله بتكلمي خطيبك حضرتك اصحي يا هانمم
عطر بسرعه  :انا صاحيه اصلا 
بحر : لا والله طيب قدامك قد اي
عطر وهي تنظر لهيئتها المبعثره وشعرها الذي يأخذ شكل الهلال  :خلاص حاجات بسيطه بس 
بحر :انجزي 
نظرت للهاتف وقالت بسخريه :انجزي نينيني 
وقامت مسرعه تحاول أن تلملم اشيائها وتستعد 
...
ميرنا :يووووه يا طنط هو انتي مش بتزهقي 
مرفت: لا مش بزهق 
لان ده مش موضوع بسيط 
ده ابني الوحيد 
ومن حقي اشوفله اولاد 
ميرنا :يعني انا الي مش عاوزة 
مرفت :طالما عاوزة ليه متروحيش للدكتور الي قولتلك عليه 
ميرنا :لاني زهقت خلاص ومليت 
مرفت :لازم تحاولي 
ان مكنش عشان خاطري يبقي عشان خاطر جوزك 
ميرنا :اااووووف هو كان اشتكلك 
بحر :في أي يا جماعه 
ليه صوتكم عالي كده 
ميرنا :الحمد لله يا بيبي انك وصلت 
يا ريت تقول لمامتك تراعي شعوري شويه 
ميرفت :ارعي شعورك 
اكتر من كده اعمل ايه 
ده انا بقالي ٥سنين بترجاكي تروحي للدكتور ده ومفيش فايده 
ميرنا :ومش هروح ولو بعد خمسين سنه خلاص احنا اتقبلنا الوضع كده 
مرفت :ده لا يمكن يحصل سامعه لا يمكن 
بحر :اهدي بس يا امي 
مرفت:اسمع بقي يا بحر
انا استحملت نشوفيت راسك دي كتير 
بس لحد كده وكفاية 
قسما عظما لو متجوزتش وخلفت خلال سنه لأكون واخده كل حاجه منك ولا انتي ابني ولا اعرفك 
بحر 'اي الي بتقوليه ده يا ماما 
مرفت :الي سمعته
سلام 
ميرنا :يعني اي يا بيبي يعني هتاخد فلوسك كلها 
طب هنلبس من فين ونخرج ازاي 
لا لا انت لازم تعمل الي قالتلك عليه 
بحر :انتي سمعتي هي عاوزة اي عاوزاني اتجوز 
ميرنا :أيوة سمعت وفهمت بس انت لازم تتصرف 
بص انت تجيب بنت محتاجه فلوس وتتجوزها لمده سنه بعد كده تطلقها 
بحر :اتجوزها عادي كده 
ميرنا :امال نترمي في الشارع يعني 
بحر:اممم معاكي حق 
ميرنا :رايح فين 
بحر :رايح ادور عليها
ميرنا :سلام يبيبي 
...
سامي :الو يا باشا 
بحر :خير يا مصيبه 
سامي :البت ايها راحت للمستشفي امها محجوزه هناك ومحتاجه نص مليون ف خلال اسبوعين 
بحر :حلو 
حلو قوي 
اسمع بقي

يُتبع ..

google-playkhamsatmostaqltradent