رواية عشقت مريضي الفصل السابع عشر 17 بقلم سلمى محمود

رواية عشقت مريضي الفصل السابع عشر 17 بقلم سلمى محمود

رواية عشقت مريضي البارت السابع عشر

رواية عشقت مريضي الجزء السابع عشر

رواية عشقت مريضي الحلقة السابعة عشر

اشرقت شمس البلاد حامله معاها السعاده على البعض والحزن على البعض الاخر
على سرير واسع وكبير فى غرفه هشام السوالمى
كانت تلك الاسره الصغيره ينمون سويا فى دفئ ونوم عميق غير عابئين لهم الدنيا
دفئ افتقدوه لسنوات والان حصلوا عليه
كان هشام ينام ويضم اسراء لاحضانه وبجواره زوجته تضم مازن لاحضانه
فى منظر افتقدوه لسنين طويله
دخلت مديحه الى الغرفه بهدوء وعلى وجهها ابتسامه سعيد باجتماع اسرتهم مره اخرى
تحركت للجهه التى تنام عليها اميره وهزت كتفها برفق وهى تردف بهمس/ اميره… اميره اصحى
فتحت اميره عينيها بتثاقل وهى تنظر لمديحه/ صباح الخير يامديحه… فى اى؟!
مديحه بهمس/ صباح النور… قومى يالا صحى جوزك والعيال علشان تفطروا…. كلنا مستنينكوا على الفطار
هزت اميره رأسها بتكاسل…. وخرجت مديحه من الغرفه
ايقظت اميره مازن / مازن حبيبى… قوم يالا ياقلب ماما علشان تفطر
تحرك مازن فى مكانه بهدوء وقال بنعاس/صباح الخير ياماما
اميره بحب وهى تقبل وجهته/ صباح الفل على عيونك ياحبيبى
يلا فوق اعمامك مستنينا تحت على الفطار
هز مازن رأسه فى هدوء وتحرك الى الحمام المحلق بالغرفه
اعتدلت اميره فى جلستها وهزت زوجها وهى تردف برفق/ هشام…. هشام… اصحى يابابا
تأفف هشام بضيق وهو يزيد من ضم اسراء / سيبنى يااميره شويه
امسك اميره بذراعيه التى يلفها حول ابنتها وابعدتها بغضب/ قوم ياخويا مش وقت احضان
هشام بضحك وهو يعتدل فى جلسته/ صباح النور ياقلبى
اميره بحزن مصطنع/ قلبك اى بس… مهو قلبك نايم فى حضنك طول الليل
هشام بحب/ وانا اقدر بردو دا انتى الحب
خرج مازن من الحمام وهو يجفف شعره بالمنشفه/ اى ياجماعه ده مش على الصبح كده
هشام بضحك/ ملكشى دعوه ياحقودى… يلا يا اميره صحى اسراء عما ادخل الحمام
مازن بخبث/ لا سيبلى انا الطلعه دى
هشام بعدم فهم /طلعه اى؟!
مازن بضحك وهو يتجه لاسراء /بنتك ياولدى العزيز بتنام مقتوله لو ضربت نار جمب ودانها والله ما هتتحرك
هشام بعدم تصديق/ لاء يابنى… انا فاكر كويس… اسراء نومها خفيف جدا… دى بتصحى من اقل حاجه
فتح مازن هاتفه على اغنيه وقربها من اذن اسراء وقام بتشغيلها… وصدح الصوت بصوت عالى
ولاكن اسراء لم تظهر اى تأثر
اغلق مازن الاغنيه وحملها وتحرك بها للحمام واوقفها تحت الدوش وفتح المياه
شهقت اسراء بعنف/حرام عليك يامازن الكلب منك لله
مازن بضحك/ انتى فى الحمام ياهبله
اسراء بتذكر/ اه… استغفر الله العظيم….. اعااااااااا ماشى يامازن
خرج مازن وهو يضحك/ اهو احنا كل يوم على الحال ده
اميره بحب /ربنا يديمكوا ليا ياولاد
بعد قليل خرجت اسراء وهبطوا للاسفل
كان الجميع مجتمع حول طاوله الطعام..
كان سفيان يرأس الطاوله بما انه الاخ الاكبر وعلى يمينه زوجته وجوارها فتحيه وجلست اميره بجانبهم
اما على يساره ذكى وهشام ويحيى
وبقيت الشباب والبنات
سفيان بسعاده / واخيرا اتلمينا تانى سوا
ذكى بابتسامة ظاهره فى عينه / كنا مفتقدين اللمه دى… والفرحه الى شايفاها فى عيون كل الموجودين دول الى نادرا اما بيتظهر
فتحيه بحب / لمه الاحباب بالدنيا ومافيها…. ربنا مايحرمنا من اللمه دى
مديحه بفرحه /والله يا اميره انتى متعرفيش احنا كنا مفتقدينكوا ازاى…. والله ماغيبتوا عن بالى لحظه
سفيان بضحك / اه والله ياهشام دى كانت منكده عليا طوال الفتره الى فاتت…. ودلوقتى اخد حقى بقا
ضحك هشام بقوه / مش لوحدك ياسفيان الى هتنتقم…. كلنا يا خوى
اميره بقلق مصطنع/ لاء بقولك اى انا البنات وحشنى وعاوزه اقعد معاهم اطول فتره ممكنه
هشام بخبث/ انسى ياقلبى….
سفيان بجديه مقاطعا الحديث / هشام…. خلص فطارك يا خوى وحصلنى انت وذكى على المكتب
هز هشام رأسه ايجابا واكمل فطاره
♧♧♧♧♧♧♧♧

انتهت الفتيات من افطارهن….
سمر موجهه حديثها للجميع / تعالو يابنات نطلع الجنينه نغير جو
امنيه بحماس/ فكره حلوه اوى…. بس تعالو على المطبخ
اسراء بضحك/ ايوه.. القعده هتطول ومحتاجين خزين كفايه معانا
تحركت الفتيات الى المطبخ
اردفت هدير وهى تعجن عجينه البيتزا / ايوه هاتى حبه الفلفل دول… وقطعيهم شرايح طويله
فاطمه وهى تجهز احد الحلويات/ ناولينى الشربات يا سمر يلا…
اسراء بصراخ / الجلاش لو طلع ناشف يا فاطمه هزعلك…. انا عوزاه طرى
سمر بضحك وهى تتحرك لفاطمه حامله بيدها الشربات/ متقلقيش يا ايسو… فاطمه استاذه فى عمايل الجلاش
خلصى انتى العصاير
اسراء بايجاب/ العصاير جاهزه اهى
امنيه / وانا وهدير جهزنا البيتزا ودخلناها الفرن
سمر وهى تخرج هاتفها/ يلا نتصور بقا بسرعه واحنا متبهدلين كده
اجتمعوا حول سمر واخذوا بالتقاط العديد من الصور والفيديوهات
بعد نصف ساعه
كانوا يتحركون للخارج حاملين اطعمتهم
هدير ضاحكه بصوت عالى من منظرهم / تحسونا طالعين رحله بكل الاكل كده
اومال لو مكناش لسه مخلصين فطار
اسراء بلا مبالاه/ دا احنا عملين حاجه بسيطه كده عما الغدا يجهز
نظر الشباب لهم ببلاهه
مازن بضحك/ لاء متتصدموش…. دا الطبيعى بتاع البنات…. وخصوصا اسراء
يحيى بهدوء/ تعالو بقا عل اوضتى علشان عاوزكوا ف موضوع مهم
تحرك الشباب خلف بعضهم للاعلى
اما الفتيات تحركوا للخارج
قاموا بوضع مفرش كبير ووضعوا طعامهم والعصائر والتفوا ف دائره
اسراء بحماس/ يلا بقا نبدا يومنا
امنيه بشك / ناويه على اى ياعسل
اسراء بهدوء/ ولا حاجه….. محتاجين نوطدت علاقتنا اكتر…. احنا لحد الان منعرفش بعض اوى… محتاجين نتكلم ونقرب من بعض اكتر
هدير بابتسامه حزينه وتنهيده طويله / لحد الان مش عارفه سبب كره امى ليا… دايما مفضله جهاد
عليا…. مهتميه بيها اكتر منى…. هى تقريبا مكنتش بتشوفنى اصلا
محدش كان دايما بيهتم بيا غير عمى ذكى… وكان دايما يوقف لامى….
انا انصدمت لما عرفت حقيتها….. معقول ترمى ابنها… جالها قلب تستغنى عنه…
وتقتل جوزها ابو عيالها…. جحود قلب مشوفتوش
مستغربتش الى جهاد عملته فيا لما بعدتنى عن جوزى… مهى مش هتجيبوا من بره
سمر بمقاطعه/ سيبك من السيره الحزينه ده…. نخش ف قصه حب مهند نور… ههههه…. انتى وادهم… احكيلى اتقابلتوا ازاى.. وكده يعنى
ضحكت هدير… ومسحت دمعه فرت من عينيها… وتنهدت بحب/ ادهم…. دى الحاجه الوحيده الحلوه الى فى حياتى…. انا بهرب من دوشه الدنيا ف حضنه
اول مره شوفت ادهم…. كانت اول يوم جامعه….
خبطت فيه ورفعت عينى لقيته واقف يبوصلى وانا سرحت فى عينه حسيت ان واقفه قدام بحر موجه عالى
بس فوقت لنفسى وهزقته واخدت بعضى ومشيت
عدى شهر وكان متقدملى…. طبعا انا كنت رافضه.. اومال اى…
اما من جوايا كنت برقص…. لان من يوم ماشوفته وانا بفكر فيه
وافقت وكتبنا الكتاب وانا رفضت نعمل فرح الا بعد ما اخلص دراسه…. كنت مجنناه معايا طول الفتره دى… ماشيه بمبدا شوق ولا دوق…..
واتجوزنا…. كنت فعلا عايشه معاه ملكه متوجه وهو الملك بتاع
لحد اما جهاد خطفتنى واخدت مكانى…. دلوقتى هطلع عليه القديم والجديد وانه ازاى ينام جمب واحده غيرى
امنيه بحماس وبسمه شريره/ بت انا معاكى وهخليكى تنتقمى منه…. لحد اما يقول حقى برقبتى
اسراء بفزع مصطنع/ هتطلقى قبل ماتنقمى من جوزك ياهدير
امنيه هطلقكوا بدرى بدرى
شهقت هدير بقلق/ لاء لاء.. شكرا يا مونى ياحبيبتى انا هعرف اتصرف
نظرت لهم امنيه بحزن/ مالكوش ف الطيب نصيب… كنت هديكم عصير خبرتك
فاطمه / خلى العصير دا ليا….انا محتاجاكى
ضحكت سمر / ياعينى عليك يامازن يابن عمى…. هنلم من مستشفيات المجانين ياضنايا
اسراء بغضب/ بقولك اى انتى وهى الى هتيجى ناحيه اخويا هشرحها انا بقولك اهو..
. انا حماتك يعسل

هدير بصراخ / بسسسس انتى وهى… قوموا اضربوا بعض… انتو ناسين انى الكبيره
همت اسراء بالرد… ولاكن اسرعت فاطمه ووضعت يدها على فهمها قائله ببلاهه/ حقك علينا ياديدو… انتى الكبيره
وهمست لاسراء / اتلمى يافضيحه هنروح ف داهيه
نظرت اسراء لهم بشر فتحدثت سمر لانهاء الامر/ ماتحكيلنا يا ايسو عن يحيى كده
نمت ابتسامه واسعه على وجهها والتمعت عينيها ببريق الحب/ يحيى… واه من يحيى…. اناحبيته من اول ما دخلت عليه العمليات… كان متبهدل وتقريبا ملامح وشه مكانتشى باينه
ومن اللحظه دى معرفشى اى الى حصلى… كنت تايهه وقفت احاول ادقق فى ملامحه الى مش باينه… بس ومن هنا بدأت شراره الحب…. هههه… يالهوووى واول مافاق والاقيه بيقولى ياطنط…. عقلى وقف عن التفكير…. انجلطت بس وانا واقفه مكانى
الفتره الى يحيى قعدها معانا…. انا كنت بتعامل مع ابنى بالظبط…. كنت مبسوطه اوى وانا معاه… اتعلقت بيه اكتر…. هههه…. اتعلقت بطفل….. كنت خايفه من اللحظه الى هيفوق فيها ويرجع فيها نوح السوالمى رجل الاعمال المعروف…. وينسى كل حاجه…. كنت خايفه من اللحظه دى اوى
بس هوا خالف كل توقعاتى…. وافتكر كل حاجه
المشكله مش هنا ياحضرات…. المشكله انه لما فاق…. فى برج طق من دماغه… وليڤل السفاله على عنده
قاطعتها امنيه باستغراب / مش فاهمه قصدك اى!!!!
اسراء ببرود وهى تقضم قطعه البيتزا الموضوعه امامها/ يعنى مثلا… لقيته بيخبط عليا الساعه تلاته الفجر
Flash Back🎥
صوت طرقات متتاليه لا تتوقف ايقظتها من نومها العميق
تأففت اسراء ف نومها… ووضعت الوساده فوق رأسها وهى تصرخ / الحيوان الى بيخبط… لو وقفت للصبح مش هقوم من مكانى…. خلى عندك دم يامعدوم الدم
توقفت صوت الطرقات…. فابتسمت بسعاده وعادت للنوم مره اخرى…. ولم تلبث ثوانى حتى عادت صوت الطرقات مره اخرى
نفخت بضيق… ونهضت من مكانها وهى تتوعد لمن قطع نومها/ والله لاطين عيشتك يالى بتخبط
فتحت الباب وجدت يحيى يطالعها بنظرات بريئه وابتسامه خبيثه على وجهه
نظرت اسراء له بدهشه من وجوده فى ذلك الوقت فأردفت بقلق/ فى اى يايحيى انت كويس!! حد حصله حاجه
هز يحيى راسه نافيا / لاء كلهم كويسين
عقدت حاجبيها بعدم فهم / طيب الحمد لله…. بس انت جاى ف وقت زى ده لى
مط شفيته بحزن كالاطفال ورفع عينيه التى تلتمع بخبث / مس عارف انام
رفعت اسراء شفتيها للاعلى كعلامه استنكار / يانوغه!!! وعاوزين اجى اديك الرضعه ولا اى
ابتسم يحيى بخبث/ خودينى فى حضنك علشان خايف
نظرت له بصدمه… مرت ثوانى واستوعبت جملته
فتحركت للداخل ومدت يدها له تحثه على الدخول
عندما هم بمد قدمه داخل الغرفه… اغلقت الباب فى وجه وهى تصرخ بغضب/ اتقى شرى يايحيى وادخل جوه بدل ما اشرحك دلوقتى
نظر يحيى للباب بغيظ واردف باستغراب / هى زعلت لى…. انا عاوز حضن… اجرمت
سمع صوتها من الداخل وهى تردف بصراخ / هقتلك يايحيييييى
فر مسرعا الى غرفته وهو يضحك / مسيرك يامولوخيه تقعى تحت المخرطه
Back
انخطرت الفتيات ف الضحك
اسراء بغيظ/ اسكوتوا… اخوكى بيعاملنى على انى مراته
فالما اقتله محدش يتكلم
امنيه بخبث/ يابت يابت…. ويهون عليكى يحيى
ردت اسراء متهربه / وانتى يا بطه الواد اخويا عامل معاكى اى
نظرت فاطمه لهم بغيظ/ اخوكى…. حاسه انتى متجوزه ابن اختى
اسراء بحده مصطنعه/ لى ياختى دا انا اخويا فله… شمعه منوره
فاطمه بسخريه / ايوه وبيتحط على الجرح يطيب…. هقولكم
….. امبارح كنا قاعدين سوا…. فلاقيته مطلع علبه سجاير
فانا الجلاله خدتنى… والزوجه الصالحه بقا الى هتقوم جمب جوزها…. وقمت معليه صوتى وقولتله
مازن انت اتجنت… انت بتشرب سجاير!!!
وعملت محاضره عن اضرار السجاير
واعيط وهتضيع منى يامازن
وف الاخر الاقيه مطلع منها مصاصه؟!!!
نظروا لها بغباء وثوانى وانفجروا ف الضحك
هدير / هههههههه….. يالهووووى مش معقول
اسراء بغيظ/ بس يابت انتى وهى محدش يضحك على اخويا… الرائد مازن هشام السوالمى
وهنا انفجرت فاطمه اكثر ف الضحك / يالهووووى
…… ههههههه….. مش قادره..
. اصبرى وهوريكى بنفسك الظابط مازن
هدير وهى تحاول التحكم فى ضحكتها / طبعا مش هنسأل سمر
شهقت باستنكار/ وماسأليش سمر لى ياختى…. كخه انا ولا اى
هدير بامتعاض/ لاء ياختى… علشان حاله المحن الى هتشتغل دلوقتى…
سمر بحنان / يالهووووى…. بقا حبى انا وكيمو محن….. دا مافيش زى عشق كريم لسمر
امنيه بضحك/ ايوه العشق الممنوع
سمر بغيظ/ طب احكيلنا ياختى قصه حبه العظيمه
امنيه ببرود / معنديش قصه حب
هدير بدهشه مصطنعه/ اوه ماى جااد….. اومال وائل الى طلب ايدك قدامنا ده كان اى
امنيه وهى تاكل / لاء منا هرفضه
نظرت لها اسراء بتشنج…. امسكتها فاطمه باحكام / سيبنى يافاطمه… سيبينى اشوف سته كخه الى رافضه وائل ده…. رافضه ليه

امنيه وهى تستند بظهرها على الشجره وتنظر لهم ببرود/ اوافق واتجوز وابقى عايشه حاله محن زيكو كده…. نونونو…. لاء طبعا وبعدين انا رافضه فكره الجواز
تركت فاطمه اسراء/ اقتليها احسن يا اسراء وريحينا
اقتربت اسراء من امنيه بشر…. رأتها امنيه وفزعت فجرت ف الحديقه وخلفها الفتيات
وعلت ضحكاتهم المكان
♧♧♧♧♧♧♧♧
يامازن سيبنى يامازن….. مش هعمله حاجه انا هعرفه بس غلطه المتخلف ده
مازن ممسكا بيحيى باحكام وهو يقول بغضب/ اتهد بقا يا اخى فرهدتنى
يحيى بغضب هو ينفض يد مازن / يعنى عاوزنى اعمل اى
واحد رايح يتقدم لواحده معقده رافضه فكره الجواز اصلا ويقولها بحبك ويسبها ويمشى
عاوزها تعمل اى تترمى فى حضنه
وائل بتأفف / ما خلاص يا يحيى…. اعمل اى ياعنى… منا ماليش ف جو الحب والكلام ده وبزهق بسرعه
ضربه ادهم بقوه على رأسه من الخلف / مش بتعرف تتعلم… تروح للخبره… الى هوا انا… قال الاخيره بغرور وهو يعدل من ملابسه
اردف كريم بسخريه وهو يشير لادهم/ اهو الخبره بتاعنا…. يوم اتجوز هدير من فرحته نام على الكنبه
ادهم حزن مصطنع / ما خلاص يا كريم لازم تفكرنى… كنت غبى بصراحه
مازن بفضول / هوا اى الى حصل
ادهم بتوسل / ابوس يدك بلاش
نظر له كريم بخبث
Flash Back🎥
يوم عرس ادهم وهدير
فتح ادهم منزله وهو يدخل للداخل… ونسى تلك الواقفه على الباب تنظر له بدهشه
خلع جاكيت البدله والجرافت والقالهم ارضا… واخذ يهز وسطه ويرقص بفرحه متناسيا تماما وجود هدير/ واخيرا اتجوزت….. لولولولوى…. ومعدتشى ماقصنى حاجه
دخل الغرفه وجلس على الاريكه بارهاق
تبعته هدير للداخل واردفت بحسره / حسره عليكى ياهدير…. جوزك سابك ليله فرحك على الباب ودخل…. بعد كده هيعمل اى…. هيرمينى انا والعيال بره
سمعت تمتمت ادهم وهو يغلق عينيه بنعاس / هتوحشنى هدير اوى…. بس اهم حاجه انها بقت مراتى
هدير بحزن مصطنع / دا ناسى انى موجوده معاه اصلا
…. يلا انا ادخل اغير وانام انا حيلى اتهد
Back
ضحك مازن بقوه / يعنى عليك… ضربت لخمه فى يوم زى ده…. برافو عليكى يادكرى… هيهيهيهى
حمحم ادهم بخشونه / فى اى انا جامد اوى خلى بالكو
ضحك الجميع عليه
اردف يحيى بهدوء/ بوص يا وائل… انت اكتر واحد عارف امنيه…. انت متابع كل تحركتها من زمان وعارف شخصيتها كويس..
فا مش الطريقه دى الى هتجيب معاها نتيجه
امنيه عايشه ف دور الراجل… محتاجه الى يحسسها بانثوتها
يطلع الانثى الى محبوسه جواها
فاهم…. امنيه عاوزه معامله خاصه…. وامنيه من النوع الغيور
يعنى لو لمحت واقف مع اختك حتى وبتضحك هتقتلكم
فاهمنى ولا اى

هز وائل راسه ايجابا / فاهم يايحيى…. وانا عارف هعمل اى
مازن / وانت ياحج ادهم هتعمل اى
ادهم بخبث/ هتجوز من اول من وجديد
كريم بخبث/ يادكرررى
لكمه ادهم بقوه ف معدته / اتلم ياحيوان
كريم بضيق / عاوز اتجوز ياجدعان… ف اى
انا مش هفضل زوج مع وقف التنفيذ….. حرام
مازن مشيرا لكريم/ اتعلموا من الخبره ده….
عليا الطلاق اجدع واحد فينا
كريم بغرور / اومال اى يابنى…. انتو بتقولوا اى…. انا مافيش منى اتنين
دا انا محضر حته مفاجأت لسمر… هتموت من الفرحه
بس يحيى ينجز
وائل باستفهام /يحيى انت ناوى تتقدم لاسراء وتتجوزها امتا!!
يحيى وهو يطالعهم بخبث/ طب منا اصلا متجوز اسراء ومن زمان كمان ♥

يتبع….

• لقراءة الفصل التالي : اضغط هنا
• لقراءة الرواية كاملة اضغط على : (رواية عشقت مريضي)