رواية احببته وهو لا يبالي الفصل الأول 1 بقلم أروى طارق

 رواية احببته وهو لا يبالي الفصل الأول 1 بقلم أروى طارق

رواية احببته وهو لا يبالي البارت الأول

رواية احببته وهو لا يبالي الجزء الأول 

رواية احببته وهو لا يبالي الفصل الأول 1 بقلم أروى طارق


رواية احببته وهو لا يبالي الحلقة الأولى

البارت 1
( أحببته و هو لا يبالي..🖤)
- ازيك يا طنط ..اي الريحه الجامده دي عامله ورق عنب انهارده ولا اي 
=ازيك يا حازم تصدق بقا انك بكاش اووي انا اه هعمل ورق عنب بس مفيش ريحه ولا حاجه اكيد البت نور هي ال قيلالك
حازم بضحك: فعلا اه هي ال قيلالي امال هي فين
الام(هاجر): جوه ف اوضتها ادخلها عقبال م اروح اعمل الغدا
حازم : ماشي
حازم بيخبط ع الباب 
نور: ادخل
حازم: الصغنن عامل اي 
نور : متبهدله والله ي ابن عمي اخر بهدله يعني 
حازم : معلش يا حبيبي لازم تتعبي شويه عشان تلاقي مفيش حاجه بتيجي بالساهل و بعدين انا عايز مجموع يشرف كده
نور: ادعيلي انت بس 
حازم : بدعيلك والله...المهم انا كنت جاي اقولك ع حاجه
نور: قول يسطا كلي اذان صاغيه
حازم: احم انا هخطب
نور بصدمه و هي فاتحه بوقها :احلف 
حازم :والله..و بعدين اي ده اقفلي بوقك الدبان هيخش
نور وهي بتضحك و بتبصله بفرحه : بجد بجد يا حازم ...مبروووك..انا فرحانه اوي
حازم : الله يبارك فيكي ي حبيبتي هنروح نتقدم انهارده بليل ان شاء الله و لما نرجع هبقي اقولك عملت اي
نور : اشطا
حازم : المهم تذاكري انتي دلوقتي 
نور: حاضر 
و طلع حازم من الاوضه
(انا نور يونس عندي ..عندي 15 سنه ف تالته اعدادي انا مش جميله اوي انا عاديه جداا طويله و شعري اسود قصير بغطيه بحجابي طبعا  و عيوني اسود و جسمي عادي مش رفيعه ولا تخينه  و  انا البنت الوحيده ماليش اخوات ولا أصحاب ماليش غير ولاد عمي حازم و خالد و عمرو احنا عايشين ف نفس العماره لأن بابا ملوش اخوات تاني غير عمي سليم ده و ملناش حد غير عمي ده و ولاده و ال كنت بكلمه ده حازم ابن عمي الكبير و هو مهندس و هنتعرف اكتر مع الاحداث ) 
........................................
بليل لقيت مسدج من حازم قبل م انام ( نور احنا رجعنا بس انا حرفيا مش قادر انزل ابقي اطلعي انتي الصبح و احكيلك كل حاجه) شوفتها و ابتسمت عشان كنت عارفه انه هيعمل كده لانه كان ف الشغل م الصبح و مرتحش ف قولتله ماشي و سيبت الفون و قعدت افكر مع نفسي شويه طبعا قبل م انام 
انا بحب ولاد عمي جدا لانهم دايما بيشوفوني اختهم الصغيرة و بيخافوا عليا بحب حازم و خالد زي اخواتي لكن عمرو...عمرو انا بحبه بطريقه مختلفه بحس نحيته بإحساس غريب مش بشوفه اخويا مع أن هو اكتر حد بعيد عني كلامنا قليل جداا ده حتي مش معايا رقمه اخرنا سلام بس و بحس دايما أنه شايفني صغيره جدا مع أنه اكبر مني ب ٦ سنين بس اه هو ف تالته كليه هندسه انا عارفه أن انا لسه ف سن مراهقه و ممكن ده إعجاب مش اكتر لكن لا بردوا انا مبحسش كده غير معاه هو بس لكن هو بقا مش مهتم خالص ( علي فكره خالد ف اخر سنه ف كليه طب اسنان) 
قولت كفايه تفكير كده و نمت 
.......................................
الصبح.....
الام (هاجر): يلا يا نور اصحي بقا ي بنتي هو كل يوم نفس المواال ده قومي ساعديني ف الفطار 
نور من اوضتها : جايه يا ماما جايه اهووو.....اوف الواحد ميعرفش ينام ف البيت ده ولا اي  
نور: صباح الخير يا مامتي 
هاجر: صباح الورد يا حبيبتي يلا روحي اتوضي و صلى و تعالي نعمل الفطار سوا
نور : حاضر 
...........................
نور وهي بتلم الاكل من ع السفره : بابا انا هطلع عند عمو شويه 
الاب (يونس):ماشي ي حبيبتي بس متتاخريش
نور : انا عندي درس كمان شويه هطلع شويه و بعدين اروح الدرس 
يونس : ماشي يا حبيبتي 
...................................
نور بتخبط ع الباب و مرات عمها فتحتلها الباب اسمها جهاد و هي بتحب نور جدا و بتعتبرها بنتها 
جهاد: نور ازيك ي حبيبتي عامله اي
نور: الحمدالله يا جوجو يا قمر .. امال الشباب فين 
جهاد: قاعدين جوه عند التلفزيون ادخللهم
نور :يا شباااااب يا اهل البيييت اين انتم 
حازم : اي ي بنتي بتدوري ع عيل تايه م تهدي
نور و هي بتقعد : عاملين اي بقا
خالد: كويسين ي قمر المهم انتي عامله اي 
نور: الحمدالله
عمرو و هو بيقوم:انا هدخل اقعد ف الاوضه
نور : م تخليك معانا شويه مقعدناش مع بعض من فتره 
عمرو : لا مش عايز اقعد انا و بعدين ليه لازم نقعد مع بعض 
نور باحراج : خلاص ع راحتك 
حازم و هو متضايق من طريقة عمرو : خلاص ي عمرو فيه اي 
عمرو : مفيش انا داخل جوه 
خالد : نور هو ميقصدش حاجه
نور : لا ي عم عادي ....المهم قولي ي حازم عملت اي بليل 
حازم : قعدنا مع بعض و أنا مرتاح بصراحه هي اسمها ملك عندها اخت ف كليه هندسه سنه اولي و اخوها اسمه مؤمن ف تالته ثانوي ...و مستني ردها بصراحه نفسي توافق انا مرتاح 
نور بفرحه ليه : ربنا يفرحك يا حبيبي و تعرفني عليها.. تصدق انا مبسوطه أن هيكون معايا بنت تاني ف البيت 
حازم : هههههههه هي توافق بس و هعرفك عليها و تبقو أصحاب 
نور:أن شاء الله...و انت يا خالود مش ناوي تشوف عروسه كده ولا كده 
خالد : يا شيخه اتنيلي مش لما اخلص الكليه الاول ...و بعدين انا مش عايز اتجوز دلوقت كفايه عليا انتي بنخرج و نهزر و نعمل ال عايزينه هعوز اي تاني يعني 
نور بابتسامه : ربنا يخليكو ليا انا  فعلا مليش غيركم 
خالد و حازم : و يخليكي لينا ي غاليه 
نور :انا  هروح الدرس بقا 
حازم : استني هاجي اوصلك 
نور: لا انا هقابل واحده صحبتي و نروح سوا 
خالد : خلي بالك من نفسك 
نور : حاضر...سلام 
...............................
ف بيت عم نور (سليم)
عمرو: ماما انا هنزل اتمشي شويه عايزه حاجه
جهاد : سلامتك ي حبيبي ...هتتاخر؟
عمرو : مش عارف بس ان شاء الله لا 
جهاد : ماشي 
.................................
عند نور خرجت م الدرس 
نور : يا حبيبه هتمشي معايا 
حبيبه : لا انا هتمشي شويه روحي انتي 
نور: ماشي 
و مشت نور لوحدها و هي ماشيه شافت ولد معاها ف الدرس ماشي وراها و هي ف شارع فاضي هي اصلا مش بترتاح للولد ده لانه بيبصلها بطريقه غريبه و هي بتخاف منه و هي ماشيه لقته بيمسك أيدها و بيوقفها عند الحيطه 
الولد : اي مالك بتجري كده لي ي قمر 
نور : ابعد عني أما هصوت و الم عليك الناس
الولد : صوتي مفيش حد هناا 
و فجأة جيه صوت من وراهم 
_ انتي بتعملي ايه هنا ي نور ...

يُتبع ..

google-playkhamsatmostaqltradent