رواية احبني متمرد الفصل التاسع عشر 19 بقلم رنا

 رواية احبني متمرد الفصل التاسع عشر 19 بقلم رنا

رواية احبني متمرد البارت التاسع عشر

رواية احبني متمرد الجزء التاسع عشر

رواية احبني متمرد الفصل التاسع عشر 19 بقلم رنا


رواية احبني متمرد الحلقة التاسعة عشر

#البارت_19 
*احبني متمرد*
__________________________
* نور كانت قاعده لوحدها بعد ما سليم استأذن يرد علي تلفون مهم *
_ الف مبروك يحببتي 
نور لفت وشها ولقت بنت تقريبا ف سنها: الله يبارك فيكي 
_ اكيد انتي متعرفنيش بس انا اعرفك واعرف سليم كويس... انا سالي 
نور بابتسامه: تشرفت بيكي 
سالي: انا بصراحه حبيتك من اول ما شوفتك مع سليم وقولت انك طيبه وجميله ولازم تعرفي كل حاجه عن سليم 
نور بضيق من كلامها: بس انا اعرف كل حاجه عن سليم 
سالي بتصحيح: تعرفي ال سليم قالهولك بس 
نور: وسليم هيخبي عني ايه!! وانتي تعرفي سليم اوي كده علشان تكلميني عن حياته بالطريقه دي 
سالي: اكيد انا اعرفه من زمان وكمان كنت صاحبت مراته ال قتلها 
نور بصدمه: مراته!! وقتلها!! انتي بتقولي ايه
سالي: بقول الحقيقه 
نور بعصبيه: انتي كدابه... اطلعي بره 
سالي: اهدي بس... خدي شوفي بنفسك 
* ورتها صور ل سليم وبنت وهو حاضنها وصوره لعقد جواز بينه وبينها *
نور بعدم بتصديق: كدب... العقد مزور والصور كدب 
سالي: مش كدب والصور حقيقه البنت دي اسمها اروي وكان سليم متجوزها 
نور بعصبيه: لا مستحيل... انتي كدابه 
*سالي اول ماشافت سليم بيقرب منهم جريت بسرعه*
سليم بابتسامه: نور!!
*نور بتوهان اول ما حست بيه بصت جمبها ملقتش سالي وقعدت تدور عليها *
سليم باستغراب: نور!! بتدوري علي حد 
_نور فكرت ان البنت ممكن تكون عايزه توقع بينهم بس لازم تتاكد بس مش لازم تبوظ فرحها مش لازم حد يعرف غير لما تتأكد 
سليم لما شافها سرحانه: نوور.!!؟ حببتي انتي كويسه 
نور بابتسامه مصطنعه: ايوه... متوتره شويه بس 
سليم قعد جمبها ومسك ايدها: متوتره من ايه يا حبيبتي 
نور سحبت ايدها بهدوء: مفيش... امم بقول كفايه كده قعدنا كتير 
سليم باستغراب من حالتها: نور فيه ايه!! انتي مكنتيش عايزه تمشي 
نور: مفيش بس...
سليم: مفيش بس يلا نرقص 
* قامت ورقصت معاه وافكارها مطارداها وحاولت تتظاهر انها عادي *
بعد الحفله نور حضنت ابوها وهي بتعيط: هتوحشني اوي 
مدحت بحنان: وانتي كمان يا حبيبتي.. متعيطيش انتي جمبي مش هتبعدي عني 
سليم مسك ايدها بيحاول يهديها: خلاص يا حبيبتي اهدي 
*نور سحبت ايدها وراحت حضنت ابوها وسلمت عليهم كلهم وركبت العربيه تستني سليم ال ركب بعدها علي طول *
سليم: نص ساعه ونوصل الفندق ال هنقضي فيه شهر العسل.. اشغلك music!!
نور بهدوء: لا... مصدعه شويه من الاغاني بتاعت الفرح 
سليم بابتسامه: اوك ال تحبيه 
نور بتردد: سليم!!
سليم مسك ايدها وباسها: يا قلب سليم 
نور فكرت انها متفاتحوش بالموضوع غير لما تتاكد: امممم...بقول كفايه اسبوع او عشر ايام عشان الشغل انت عارف لسه مستلماه ومش عايزه اخسره من اولها 
سليم: ال انتي عايزاه...  امممم وكنت عايزك تجبيلي معلومات عن الشركه ال بتشتغلي فيها اول ما نرجع  
نور باستفهام: ليه!
سليم: عادي عايز اعرف مراتي بتشتغل فين 
نور بابتسامه: اوك 
سليم وقف العربيه: وصلنا 
* نزل وفتحلها العربيه ونزلت معاه..خدو المفاتيح وطلعو الاوضه *
*سليم شال نور ودخل بيها الاوضه *
سليم: حط الشنط هنا واتفضل انت
_ have a nice time.....
نور بكسوف: نزلني 
سليم وهو حاضنها: بتقولي حاجه!!
نور: سليم نزلني مبحبش حد يشيلني 
سليم وهو بيلف بيها: انا مش حد انا جوزك وحبيبك 
نور حضنته وهي بتضحك: سلييم خلاص 
سليم وقف وقعدها براحه علي السرير: خلاص ياحببتي غيري براحتك هستناكي بره... متتأخريش
نور بكسوف: ماشي 
___________________________
* نور كانت بتغير هدومها ولقت مسدج جايلها وراحت عشان تشوفها وكانت من سالي بعتالها نفس الصور وصوره عقد الجواز وكان فيه مكالمه متسجله وفتحتها.....
_ سليم انا محتجالك اوي... عشان خاطري متسبنيش 
سليم اتكلم: متخافيش يا اروي انا معاكي ومش هسيبك.....
نور رمت التلفون ف الارض وقعدت علي السرير بصدمه: مستحيل 
سليم دخل لما لقاها اتأخرت: نوور!!
*نور راحت ووقفت قدامه وهي ساكته *
سليم باستغراب من حالتها: حبيبتي انتي كويسه!!
نور زقته بعصبيه: متقولش حبيبتي!! انت كدااب 
سليم قرب منها بصدمه من تصرفها: نور؟! فيه ايه 
نور: انت كدااب... وخاين مفهمني انك بتحبني من زماان وانت كنت.... كنت...
سليم: حببتي انا كنت سايبك كويسه...ايه ال حصل 
نور بدموع: انت كداب...كداب 
سليم بنفاذ صبر: نور فهميني فيه ايه!!
*نور راحت تجيب تلفونها وورته الصور وسمعته المكالمه *
نور بعصبيه: ممكن تفهمني ايه ده!!
سليم بصدمه مش عارف هي مين باعتلها الحاجات دي وليه: نور انا....
نور: انت كنت متجوز!!
سليم: اسمعيني يانور...
نور بعصبيه: انت كنت متجوز!!
سليم: ايوه...انا كنت هقولك....
نور بدموع واتكلمت بعصبيه: هتقولي!! هتقولي ايه!! هتقولي امتي!! احنا اتجوزنا فرحنا كان من شويه هتقولي امتي!! انت ايه!! كنت متجوز قبلي ومفهمني انك بتحبني وكمان قتلتها!!
سليم بصدمه من كلامها: انتي بتقولي ايه!! انتي فاهمه غلط 
نور: فاهمه غلط!! لا ياسليم انا مش فاهمه غلط انا كشفتك علي حقيقتك... انت حيوان خاين كداب 
سليم مسكها من ايدها بعصبيه: نوور!! 
نور: ايه عايز تموتني انا كمان!! 
*سليم سابها بعصبيه وخرج وسابها وهي قعدت في الارض تعيط *
____________________
* سليم خرج من الفندق بعصبيه و ركب عربيته بسرعه وسرح في الماضي ال كان مخبيه علي نور *
*فلاش باك*
اروي: الوو 
سليم بصوت نايم: الوو مين!! 
اروي بخوف: سليم انا اروي 
سليم: اروي!! خير في حاجه  
اروي: سليم تعالالي بسرعه... الحقني 
سليم بفزع: اروي مالك في ايه!!
اروي: هفهمك لما تيجي... انا ف بيتي 
سليم: طيب انا جايلك حالا
اروي: سليم انا محتجالك اوي..عشان خاطري متسبنيش 
سليم: متخافيش يااروي انا معاكي.. ومش هسيبك 
* قفل معاها وراح بسرعه يشوفها اروي جارته من زمان ويعرفها من وهو صغير وكانو صحاب وبيعتبرها زي اخته...اول ما وصل طلعلها بسرعه *
اروي راحت تفتح بسرعه وحضنته وهي بتعيط: سليم...
سليم بعدها عنه: فيه اي يا اروي انتي كويسه 
اروي: انا روحت ف داهيه 
سليم: فيه ايه فهميني!!
اروي بدأت تحكي وهي بتعيط: انا كنت كنت..بحب واحد معايا ف الجامعه وهو كمان مفهمني انه بيحبني واقنعني اننا نتجوز عرفي لحد مايتخرج ويتقدملي رسمي ووافقت واتجوزنا وطلع ندل وحيوان ومكنش بيحبني ولا حاجه وبعد ماخد ال عايزه.. بعد عني حاولت اتصل بيه كتير بس هو مكنش بيرد واختفي لحد ماعرفت انه سافر بره مصر 
سليم بعصبيه: انتي غبيه يا اروي ازاي تعلمي كده 
اروي وهي بتعيط: اهلي لو عرفو هيقتلوني... عشان خاطري يا سليم ساعدني انا مليش غيرك... ابوس ايدك 
سليم بهدوء: اهدي بس عشان نعرف نفكر هنعمل ايه 
اروي: ابويا جايبلي عريس وموافق عليه ولو اتجوزنا هروح ف داهيه وهيفضحني
سليم مش عارف يفكر: لازم اتكلم مع ابوكي وافهمه 
اروي بتوسل: لا ابوس ايدك يا سليم ده هيقتلني انت عارفه 
سليم: طيب والمفروض اساعدك ازاي 
نور بتردد: احنا ممكن...ممكن نتجوز تقولهم انك عايز تتجوزني وفتره وطلقني وقولهم اننا مش متافهمين 
سليم وقف بسرعه: بس يا اروي اهلي و....
اروي: مش لازم تقولهم انت عارف ان بابا مش بيكلمهم قوله انهم مش موافقين وانت ال عايز تتجوزني... سليم عشان خاطري ساعدني 
سليم: بس يا اروي انا...
اروي مسكت ايده بترجي: عشان خاطري يا سليم... عشان خاطري ساعدني 
سليم بقله حيله: طيب يا اروي اهدي انتي وانا بكره هتكلم مع ابوكي...

يُتبع ..

google-playkhamsatmostaqltradent