رواية أحببت مجنونة أطفال الفصل الأول 1 بقلم مي ابراهيم

_دكتورة هنا في حالة لسه واصلة حالا عايزين حضرتك تشوفيها 

هنا:حاضر جايه اهو ياعزه اسبقيني انتي 

عزه:حاضر دكتورة دا تقرير الحالة شوفيه 

هنا :ماشي ياعزه اوضة كام 

 عزه: 306 يافندم 

(انا هنا 25سنة متخرجة من صيدلة قسم اكلينيكي شغالة في 57ومعيدة في كلية الصيدلة عايشة في القاهرة بس انا من محافظة الشرقية شغلي بالنسبة ليا كل حياتي وبحب الاطفال جدا بشوفهم دايما اصلا 

هنا:صباح الخير، اللي في الاوضة:صباح النور 

هنا:القمر بتاعنا عامل اي اسمك اي ياجميل وعندك كام سنة؟! 

محمود :اسمى محمود يا دكتورة 11سنة 

هنا :العمر كله ياروحي اسمك جميل زيك 

محمود:دكتورة هو انا هخف والعب مع صحابي 

الام:ايه اللي انا بتقوله دا يامحمود 

هنا :لو سمحتى يا مدام .. ممكن ارد انا

الام :ثناء يا دكتورة طبعا اتفضلي 

هنا:شكرا مدام ثناء؛ بص يا حودا ياقمر تسمحلي اقولك يا حودا 

محمود:قولي اللي انت عايزاه يا دكتورة 

هنا :حبيبي وانت كمان قولي يا هنا انا مش كبيرة اوى 

محمود :حاضر يا هنا انتي عسل اوي 

هنا :ياعمري بص يا محمود مرضك دا اختبار من ربنا وان شاء الله تبقي قد الاختبار وتخف وتحكي لاحفادك كمان عن مرضك وانك حاربته ازاى اهم حاجة ماتستسلمش ابدا فهمت 

محمود:ايوه فهمت يا هنا 

هنا:عزه هنعمل الفحوصات الازمه بتاعتنا وخليكي معاهم 

ثناء:هيبقي كويس يا دكتورة 

هنا:شوفي يا مدام ثناء زي ماقولت لمحمود طول ماربنا موجود يبقي الامل موجود اهم حاجه اننا ماتستسلمش

في الوقت دا بتدخل ايات صديقة هنا وزميلتها في الشغل 

ايات:هنا المدير عايزك عشان الدكتور الجديد جاي والمفروض نتعرف عليه 

هنا :حاضر يا ايات؛ عزه مع محمود ومدام ثناء تخلصوا الفحوصات عقبال ما اجي 

عزه:حاضر يا دكتورة هنا 

هنا: الف سلامه يا حودا اطمني يا مدام ثناء ربنا موجود 

(ايات صاحبة هنا من اولي جامعة وقاعدة معاها في البيت بير اسرار ها بتحبوا بعض جدا شغاله مع هنا في المستشفى بس مخطوبة لحسن زميلهم) 

ايات :يلا يا اختي مأخرانا دايما كدا 

هنا:وانا مالي يا لمبي الله ؛ بطمن علي عيالي يلا خلينا نشوف مين اللي هيشرفنا ده كمان قال ولازم نتجمعله