رواية احببته وهو لا يبالي الفصل العاشر 10 بقلم أروى طارق

 رواية احببته وهو لا يبالي الفصل العاشر 10 بقلم أروى طارق

رواية احببته وهو لا يبالي البارت العاشر

رواية احببته وهو لا يبالي الجزء العاشر

رواية احببته وهو لا يبالي الفصل العاشر 10 بقلم أروى طارق


رواية احببته وهو لا يبالي الحلقة العاشرة

#البارت 10
( أحببته و هو لا يبالي..💙)
خالد : بس اي قول
عمرو : انا ...انا عايز افسخ الخطوبه
خالد : نعم ي عنيا 
عمرو : زي م سمعت كده
خالد بزعيق: انت عبيط يلا ولا بتستعبط ...انت عارف انت بتقول اي..عارف ال بتقوله ده هيتسبب ف اي...مالك بقا م انا مش فاهمك ....من كام يوم جاي تقولي عايز اقدم الفرح عشان حاسس ان سنه كتير اوي..و دلوقتي بتقولي عايز افسخ الخطوبه ...انت عارف خطيبتك دي تبقا مين..شهد.. عارف شهد مين...اخت ملك ..ملك مرات حازم..اخوك ...عارف ملك هتتعامل ازاي بعد كده...عارف حازم هيبقا اي رد فعله لما يعرف الهبل ال بتقوله ده
عمرو كان بيبصله و هو بيتكلم و لما خلص كلام اتنهد و بص الناحيه التانيه : اعتقد ان حازم انا الأهم بالنسباله صح ؟!
خالد حس أنه قسي معاه ف الكلام و خصوصا أن باين من عينه ان فيه حاجه مضيقاه : انت عارف حازم بيحبك اد ايه و بيتمنالك السعاده حتي لو ع حسابه ...بس انا مش فاهمك ي عمرو فهمني طيب يمكن اساعدك
عمرو: والله انا مش فاهم ..بس كل ال اعرفه اني لو كملت مع شهد هظلمها و مشاكل دلوقت احسن من بعدين..ولما افهم انا هبقي افهمك
________________________ 
عدي اسبوعين عمرو فسخ خطوبته و ده طبعا بعد مشاكل كتير جداا و اسئله اكتر و ملك طريقتها اتغيرت معاهم و حازم لحد دلوقتي زعلان من عمرو 
و انهارده خطوبه نور و زين...
_______________________
ف مكان الخطوبه كان الكل موجود و طبعا مؤمن كان موجود عشان صاحبه و عيلته جات معاه ...يعني شهد كانت موجوده ..و عمرو لما شافها ميل ع مامته ال قاعده جنبه و قال : انا هشوف الناس و راجع 
و قام وسابهم بس راح وقف عند البحر والخطوبه كانت في مكان مفتوح بردوا ..
عمرو مع نفسه: مش عارف اتقبل فكره انها مخطوبه !! ... فجأة كده كبرت ...حاسس ان قلبي وجعني اويي ...قلبي!!..انا قولت قلبي!!..معقول اكون بحبها....ي نهار اسود انا بقول بحبها!!!....اي ال بقوله ده ...ايوه انا بحبها هفضل اضحك ع نفسي لأمتي ...لا لا ...معقول!!....ايوه بحبها ...بس خلاص هي راحت مني ! ....ازاااي ...لييييه
_ عمرو..
عمرو بص وراه عشان يشوف مين: شهد!!...ازيك
شهد : انا تمام جدا ..و انت
عمرو : احم ...الحمد لله
شهد : حاسس بايه دلوقت هااه..حاسس بايه وانت شايف ال فسخت خطوبتك عشانها بتتخطب 
عمرو بصدمه : انتي بتقولي اي ....مفيش الهبل ال بتقوليه ده ...
شهد : لا ي عمرو انت بتحبها...باين عليك جدااا
عمرو اعترف لنفسه أنه بيحبها بس مش هينفع يعترف لحد: لا طبعااا ...بطلي الكلام الاهبل ده ...انا لما فسختها كنت عارف ان نور هتتخطب ...و مينفعش اصلا تيجي تكلميني كده دلوقت ...كل شئ قسمه ونصيب يا شهد و احنا نصيبنا مش مع بعض و ياريت من انهارده تعتبريني اخوكي...بعد اذنك...
________________________
عمرو بعد م ساب شهد و هو بيتمشي شاف حازم واقف لوحده ف قرر أنه يروحله ..
عمرو: هتفضل زعلان مني كده 
حازم بصله و فضل ساكت 
ف عمرو كمل: يحازم انا لو كنت كملت كنت هبقا بظلمها ...انا اول م حسيت اني بظلمها قررت انهي الخطوبه دي ....عشان ميحصلش مشاكل بعدين
حازم: و انت حسيت انك بتظلمها امتي ..امال جيت قبلها بكام يوم تقولي عايز اقدم الفرح...فهمني حسيت امتي 
عمرو : والله م عارف و صدقني لما اعرف انا عايز اي هقولك بس مش عايزك تزعل مني
حازم : انا عبيط يلا..انا ازعل منك عشان كده ...انا بس خايف عليك لكن مش زعلان انا ميهمنيش غير سعادتك ...عشان خاطري متقلقنيش عليك ي عمرو
عمرو : متخافش انا تمام ي حبيبي 
________________________
عدي شهر ع الأحداث دي و نور بتتجاهل عمرو تماما و هو زعلان عشان نور راحت منه 
_________________________
ف يوم بليل كانت نور قاعده ف الصاله بتتفرج ع التلفزيون و الكل نايم و عمرو مكنش لسه رجع من برا 
الباب اتفتح و دخل عمرو 
عمرو بحزن: ازيك يا نور
نور بجمود : تمام...و قامت عشان تدخل بس
عمرو: استني ي نور ...انتي ليه بقيتي بتتعاملي معايا كده ..انا عملت اي عشان كل ده
نور: انا عملت اي...بتكلمني برد عليك ...
عمرو : لا ي نور بتتجاهليني ...مش بتقعدي معايا ...ممكن نقعد اسبوع منشوفش بعض و احنا قاعدين ف نفس البيت!..فهميني انا عملت اي 
نور : معملتش حاجه ي عمرو معملتش ..بعد اذنك بقاا
و سابته و دخلت و هو فضل باصص عليها و بعدين دخل اوضته 
نور ف اوضتها مع نفسها: ياربي هو ليه بيعمل كده ...ليه بيتحول ف طريقته معايا كده ...احيانا قاسي و رخم ...و أحيانا حنين و طيب....مبقتش فهماه ...كل ما احاول اقرب من زين بلاقي نفسي بفكر ف عمرو...انا بقيت كارههه نفسي ...دي خيانه لزين..هو كويس و طيب و ميستاهلش مني كل ده ...انا لازم احط حد للحوار ده قبل الامتحانات ...
________________________
خالد قاعد ف أوضته ماسك الفون و الباب خبط
خالد: ادخل 
نور بمرح : خالودي لودي لودي قلبيييييي
خالد : ما دام قولتي قلبي و لودي يبقا عايزه حاجه...قولي قولي متتكسفيش
نور و هي تتصنع البرائه : اخص عليك يعني انا مش بدلعك غير لما اكون عايزه حاجه...اخص اخص 
خالد : قولي بقا و متعمليش فيها بريئه ..قولي 
نور بصتله شويه و بعدين نزلت راسها ف الأرض 
خالد : اي ينور مالك ي حبيبتي
نور : بصراحه كده ي خالد ....انا عايزه افسخ الخطوبه
خالد بصوت عالي بعد م قام اتنفص من مكانه بعد الىسمعه : لااااا دا انتو متفقين عليااا بقااا....هو كل شويه واحد يجي يقولي كده ....اي ال حصل ي نور.
نور : حاسه اني بظلمه ..
خالد: اه م هي نفس الجمله
نور: ايه؟
خالد: ايهييين.....بتظلميه ليه يختي
نور بكدب: مش مرتاحه ي خالد مش مرتاحه...مش حاسه أنه فاهمني ...
خالد: و كل ده عرفتيه من شهر واحد 
نور: اه و ما دام مش مرتاحه م الاول يبقي ليه اعلقه وخلاص 
خالد سكت
نور: مش انت قولتلي لو فيه حاجه قوليلي اديني بقولك اهووو
خالد : ماشي ي نور ...ماشي
_______________________
نور فسخت الخطوبه بس من غير مشاكل لانها قالت انها مش مرتاحه ف محدش يقدر يغصبها و طبعا عمرو كان مبسوط جدااا و قرر أن بعد امتحاناتها هيخطبها ...بس هو مقالش لحد و ساب الموضوع لوقتها...
___________________
نور ف اوضتها و الباب خبط 
نور:ادخل 
خالد : اي دا انتي لابسه و رايحه فين
نور : عندي درس 
خالد : طب عندي مفاجأة
نور: اي 
خالد : حازم هييجي انهارده و هنخرج احنا الاربعه انا و انتي و حازم و عمرو زي خروجات زمان
نور بفرحه : بجد بجد
حازم : اه ...هنعدي عليكي بعد م تخلصي الدرس
_______________________
نور خلصت الدرس و واقفه مستنياهم ف الشارع لوحدها بس لقت ولد جاي عليها( ايوه هو الولد ال وقفها قبل كده )
الولد: م انا وعدتك مش هسيبك ي قطه 
و مسك أيدها و كمل : عدي سنتين و وفيت بوعدي اهوو
نور برعب: ابعد عني ي حيوان ...
بس قبل م توصل كان حازم و اخواته وصلوا و .........
خلص البارت💙😎
Arwa Tarik

لقراءة باقي حلقات الرواية اضغط على (رواية احببته وهو لا يبالي
google-playkhamsatmostaqltradent