رواية جراح لا تنسى الفصل الثاني 2 بقلم أماني السيد

رواية جراح لا تنسى الفصل الثاني 2 بقلم أماني السيد

رواية جراح لا تنسى البارت الثاني

رواية جراح لا تنسى الجزء الثاني

رواية جراح لا تنسى الحلقة الثانية

خرجت منتهى من الشركه وصلت البيت
مرفت : ها عملتى ايه
منتهى : اتقبلت فى الوظيفه الحمد لله وبضعف المرتب كمان
مرفت : وطلع هو جوزك
منتهى : لأ يا ماما فى الحقيقة شكله غير الصوره طلع مش هو
مرفت : وانتى هتفضلى متعلقه كده
منتهى : ماما ادينى بس شويه وقت ارجوكى من غير ضغط ووقتها انا هقولك قرارى
مرفت : ماشى يا منتهى هديكى وقتك لما نشوف اخرتها ايه وناويه تعملى ايه فى شغلك القديم هتقدمى استقالتك منه
منتهى : لا هاخد اجازه طويله بدون مرتب عشان لو مارتحتش ارجعله تانى
مرفت : طيب اذا كان كده ماشى
عند عرفات ( عشان الناس اللى اتلغبطت زهران هو نفسه عرفات بس فاقد الذاكره)
وصل البيت بعد يوم شغل طويل دخل لقى هاله سرحانه وحبيبه بتلعب قدامها بالالعاب
عرفات : سلام عليكم
هاله فاقت من سرحانها : وعليكم السلام
عرفات : لسه برضه قلقانه
هاله : لا ابدا
عرفات : هاله احنا من وقت ماعرفنا بعض واحنا متفقين على الصراحه انا عايزك تكونى صريحه معايا ايه اللى قلقك كده ومخليكى دايما سرحانه
هاله : انا خايفه
عرفات: من ايه بس
هاله : بصتله بحيره بس قررت تواجهه خوفها عرفات انا معرفش ماضيك ايه إذا كنت خاطب مرتبط عندك اهل ملاكش حد فاهمنى انا خايفه الاقى واحده تيجى تقولى انها خطيبتك ولا مراتك ساعتها هتعمل ايه
عرفات: بصى يا هاله تفتكرى لو كنت خاطب وغبت ٤ سنين هرجع الاقيها مستنيانى من غير ماتعرف عنى حاجه اكيد لو كنت خاطب زمانها اتجوزت ولو كنت متجوز اكيد زمانها اطلقت غيابى وشافت حالها مين هيوقف حياته عشان حد مايعرفش اذا كان عايش ولا ميت انا بقى كنت قاصد الظهور فعلا عشان لو عندى اهل يظهروا ويسالوا عليا فالقلق مالوش داعى
هاله حست براحه بعد كلامها مع عرفات
فعلا انت عندك حق انا كنت متوتره زيادة عن اللازم بس ده من حبى فيك
عرفات : ولا يهمك اهم حاجه بعد كده تكونى صريحه معايا وعن اذنك بقى اما شوف حبيبه قلب ابوها عامله ايه معطلانى عنها
هاله : هسيبك معاها واروح اخليهم يجهزوا الغدا
عند منتهى بعد الغدا لبست ولبست بنتها
مرفت : هارجه ولا ايه
منتهى : اه يا ماما راحه عند حماتى ازورها واخلى احمد كمان يزورها عشان هو وحشهم اوى
مرفت : طيب بس متتاخريش
منتهى : حاضر
خرجت منتهى وابنها ووصلت عند حماتها واستقبلوها احسن استقبال
ام زهران: عامله ايه يا حبيبتي واحمد عامل ايه
منتهى : احنا بخير الحمد لله
ابو زهران : عامله ايه فى شغلك
منتهى : سبته واشتغلت في شركه تانيه
ابو زهران : وسبتيها ليه حد ضايقك ولا ايه
منتهى : لا ابدا يا بابا بس عايزه اقولكم حاجه بس ارجوكم اتصرفوا بحذر
ام زهران: فى ايه يا بنتى قلقتينا
منتهى : لا بالعكس ماما زهران عايش وموجود وانا شفته واتكلمت معاه
ام زهران: ايه بتقولى ايه ولما هو عايش سايبك متعلقه الفتره دى كلها ليه وليه مسالش عليا انا وابوه طيب وابنه ابنه مافتكروش
منتهى : بصى يا ماما زهران فاقد الزاكره عمل حادثة هلته مش فاكر حاجه وعلى فكره يا بابا زهران صاحب الشركه اللى انا بشتغل فيها واسمه عرفات
ابو زهران : وانتى عرفتى الحاجات دى كلها ازاى
منتهى حكتله كل اللى حصل في الشركه وكلامها كمان مع صاحبه
ام زهران: يا حبيبي يا بنى يعنى كان لوحده وهو تعبان وعامل حادثه فاكر فاكر لما قلقتلك قلبى وجعنى عليه
ابو زهران : اه فاكر المهم خلينا فى دلوقتي احنا هنعمل ايه نروح نعرفه نفسنا ولا ايه اللى هيتم
منتهى : لأ طبعا لان ممكن يكون في خطوره على حياته انا هتكلم الاول مع مؤمن صاحبه واحاول اتواصل مع الدكتور واعرف حالته عشان اقدر اتعامل معاه واخليه يفتكرنى وبعدها اكيد هيفاكر كل حاجه
ام زهران: طيب امك عرفت
منتهى : لأ طبعا انا خبيت عليها عشان ماتتضغطش عليا الفتره الجايه انى اواجهه او هى ممكن تتسرع وتروحله وانا معرفش ايه اللى ممكن يجرا وقتها
ابو زهران: كويس انك فكرتى كده انا عاذرها برضه هى نفسها تطمن عليكى وبإذن الله ترجعى تانى انتى وهو
منتهى : فى حاجة تانيه عايزه اقولهالكم
زهران متجوز وعنده بنت اسمها حبيبه 😢
ام زهران : ياربى يعنى يبقى ابنى عايش ومش عارفه اكلمه اطمن عليه ولا احضن حفدتى
ابو زهران تدارك حزن منتهى
معلش يا منتهى اكيد لو كان بكامل وعيه ابدا مكنش يفرط فيكى انا مش عايزك تلومى عليه دلوقتي انتى عارفه هو كان بيحبك ازاى ومتعلق بيكى ماتتخليش عنه
منهتى : تفتكر انا برضو اللى هتخلى عنه 😏 تفتكر انا مبسوطه دلوقتي وانا شايفاه متجوز واحده تانيه وبيحبها ومخلف منها
محدش عارف احساسى ايه وانا شايفه عينه بتلمع اول ما تليفونه رن من مراته وسابنا عشان يكون براحته معاها
انا حاسه بنار جوايا جوزى قدامى مش عارفه احضنه ولا اقوله وحشتنى انا وابنك
مش عارفه اوصف احساسى وانا شايفاه متعلق ببنته وابنه ناسيه مش فاكر اصلا انه عنده ولد انت متخيل احساسى وانا بتخيله في حضن واحده تانيه بتخليه وهو بيقولها نفس الكلام اللى بيقولهولى عاش معاها نفس المشاعر اللى عاشها معايا فرح معاها بأول طفل زى ما فرح بأول طفل منى عارف احساسى وانا شايفه حب عمرى قدامى بس مبقاش ملكى بقى ملك واحده تانيه
ام زهران حضنتها
حقك عليا يا بنتى انا واثقه انه محبش حد غيرك انا متاكده
منتهى : لا حب غيرى حب وخلف منها كمان
ابو زهران : انا واثق ان قريب اوى هيفتكرنا ويفتكرك وكل حاجه ترجع زى الاول
منتهى : صعب كل حاجه ترجع زى الاول انا هنتظر لحد ما يفتكرنى وبعدها اقرر لو فعلا حب غيرى هيبقى صعب افضل معاه هسيبه مرتاح معاها وانسحب بهدوء بس من حقه ومن حق ابنه انه يعترف بيه
سابتهم منتهى ودخلت غسلت وشها وخرجت تانى
عن ازنك يا بابا انا هطلع شقتى فوق محتاجه حاجه منها
طلعت منتهى شقتها وجابت قسيمه الجواز بتاعتها وصورتها على التليفون وبعتت الصور بتاعت القسيمه وصور من فرحهم وصور ليها هى وزهران لمؤمن عشان يتاكد من صدق كلامها
اتصل مؤمن بيها
منتهى : انا بعتلك صور ليا انا و زهران او عرفات عشان تتاكد ومعايا كل الورق الشخصى بتاعه من ايام دراسه وصوره من بطاقته الشخصية الحقيقية
مؤمن: صدقيني يا مدام منتهى انا مصدق وعايز اساعدك
وحدتلك معاد مع الدكتور عشان يشرحلك حالته وازاى تتعاملى معاه قصص وروايات أمانى سيد
منتهى : على فكره باباه ومامته عرفه وضعه وكنت عايزاهم كمان يقابلوا الدكتور عشان نشوف نقدر نساعده ازاى
مؤمن: خلاص بكره باذن الله هكلمه تانى واشوف هنتقابل معاه امته
منتهى : تمام وشكرا لحضرتك على مساعدتك ليا
مؤمن: العفو ده واجبى اتجاه صاحبى
قفلت منتهى معاه التليفون وفضلت قاعده فى غرفتها وبتفتكر زكرياتهم سوا
Flash back
يوم فرحهم كان داخل زهران شايل منتهى على ايده ودخلها الاوضه
زهران : يا يا حبيبتي أخيرا اخيرا حلم السنين اتحقق
منتهى : انا كمان مش مصدقه نفسي إن فعلا خلاص انا وانت اتقفل علينا باب واحد
قصص وروايات كامله بقلم امانى سيد
زهران : عارفه يا منتهى انتى حبك بقى جوايا بيجرى جوا منى زى دمى بالظبط وهيفضل كده طول عمرى
منتهى : توعدنى انك تفضل تحبنى طول العمر
زهران : اوعدك انك تفضلى انتى وبس اللى فى قلبى انا بحبك اوى يا منتهى من وانا فى ثانوى كنتى انتى لسه فى اعدادى وانا بحبك معرفتش احبك غيرك ولا مره حبك فى قلبى قل بالعكس وعمرى مابصيت لغيرك مش شايف غيرك انتى لو سحرالى عمرى ما هبقى معمى عن اى حاجه كده
منتهى : ربنا يعميك يا حبيبي عن صنف حوا كله
زهران : بقى كده طيب انتى اللى جبتيه لنفسك
وقضوا ليله ولا ألف ليله
تانى يوم صحيت منتهى لقت زهران بيحضرلها الفطار
لسه هتقوم
زهران : ايه ده انتى هتعملى ايه
منتهى : هقوم اساعدك
زهران : لأ انتى انهارده اميره مش هتعملى اى حاجه ولا حتى هتقومى من مكانك وشالها زهران وحطها على السفره وبداؤا ياكلوا سوا
منتهى : المفروض ان انا اللى اقوم احضرلك الفطار
زهران: يا ستى الايام طويله بينا سبينى فتره العسل بتاعتنا انا ادلعك براحتى
فاقت منتهى من سرحانها وكانت عنيها ماليانه دموع
يارب يا زهران يارب تفتكرنى يارب هون عليا

يتبع…
لقراءة الفصل التالي : اضغط هنا
لقراءة باقي حلقات الرواية اضغط على : (رواية جراح لا تنسى)