رواية في طريقي إلى العشق الفصل الثالث والعشرون 23 بقلم ملك إبراهيم

 رواية في طريقي إلى العشق الفصل الثالث والعشرون 23 بقلم ملك إبراهيم

رواية في طريقي إلى العشق البارت الثالث و العشرون 

رواية في طريقي إلى العشق الجزء الثالث والعشرون 

رواية في طريقي إلى العشق الفصل الثالث والعشرون 23 بقلم ملك إبراهيم


رواية في طريقي إلى العشق الحلقة 23

البارت الثالث والعشرون🌼🌼
خرجت معه ملك الي سيارته الواقفه امام منزلها
نظر لهم شاكر وهو داخل سيارته بغضب وحدث نفسه بتأكيد
" لا يا ابن المسيري دي بقى مش هسمحلك تاخدها زي كل حاجه اخدتها مني ... بس اخلص موضوع اختك دا ووقتها مش هتقدر ترفع وشك من الفضيحه.... وملك دي هتكون بتاعتي أنا
_____________________
جلس فارس بداخل سيارته مع ملك وتحدث اليها بحزن
" ملك أنا أسف علي كل لحظة حزن عشتيها بسببي واوعدك ان انا هعيش عمري كله ليكي أنتي وبس
نظرت له ملك بسعاده وتحدثت بتسأل
" فارس هو في ايه
ابتسم لها بسعاده وتحدث بصدق
" في ان أنا النهارده حاسس ان روحي رجعتلي حاسس ان من حقي اعيش واتنفس...وبقى من حقي ان اعلن حبي ليكي قدام الكون كله
ابتسمت له ملك بسعاده وسألته عن أيتن
وضع فارس يده علي وجهها وتحدث اليها بعشق
" خلاص مبقاش في أيتن في حياتي.... حياتي دلوقتي مفيهاش غير ملك وبس ولأخر العمر
ابتسمت ملك بسعاده وسألته باهتمام
" يعني أنت خلاص سبت أيتن
أكد لها فارس وتحدث اليها بحماس
" أه يا قلب فارس وهعلن جوازنا قدام العالم كله
ابتسمت له ملك وتحدثت بحماس هي الاخرى
" بس أنا عايزه فرح والبس فستان
ابتسم لها بسعاده وتحدث بتأكيد
" طبعا يا روحي أكبر فرح في مصر كلها يتعمل لأجمل بنت في الكون كله
نظرت له ملك وتحدثت بذهول من كلامه ورقته 
" فارس حبيبي انت مالك النهارده رومانسي أوي وكلامك حلو
ابتسم لها وقبل يدها برقه وتحدث بعشق
" عشان انا كنت مانع قلبي يتكلم والنهارده سمحتله يقول كل الا هو حاسس بيه
ابتسمت له بخجل وتحدثت بسعاده
" يعني انت بتحبني بجد
هز رأسه وتحدث بصدق
" انا تخطيت مرحلة الحب دي من زمان وتقدري تقولي ان انا أكتر من كلمة بعشقك
ابتسمت ملك بسعاده كبيره 
نظر لها فارس بعشق شديد وتحدث اليها مرة اخرى بحماس
" اعملي حسابك بكره ان شاءالله هتيجي معايا البيت عند جدي عشان عايز يشوف زوجتي الجميله
ابتسمت له بخجل وتحدثت بتأكيد
" ان شاءالله
ابتسم لها بسعاده واخبرها انه سوف يأتي غدا في المساء لصطحابها الي منزله وافقت ملك واخبرته بان عليها الدخول للمنزل الأن لتأخر الوقت أبتسم لها وفتح سيارته وخرج منها وفتح لها باب السياره ووقف معاها امام باب المنزل وتحدث اليها بعشق وقبل وجنتيها الدافئه وانتظر حتى دخلت المنزل واغلقت الباب وذهب هو الي سيارته وانطلق بها
وقف شاكر وهو سوف يجن من جلوسهم كل هذا الوقت معا واخذه تفكيره المريض الي أشياء خاطئه واعتقد انهم كانوا يفعلوها بالسياره وانتظر حتى ذهب فارس وتحدث وهو ينظر امامه بشر
" ما انتي طلعتي سهله أهوه أومال عامله عليا الشريفه ليه..... بس اخلص من الموضوع التاني دا وافوقلك يا سندريلا
ثم نظر امامه و انطلق بسيارته هو الأخر
_________________________
في الصباح كانت تجلس مدام عزه هي والبنات علي مائدة الفطار وكانت تتحدث ملك مع وسام بمشاكسه وكانت إيمان تمسك هاتفها وهي ترى الأخبار الصباحيه
تحدثت ملك إلي وسام بمرح
" كان نفسي تشوفي اياد وهو بيتكلم عيونوا كانت بطلع قلوب وقلبه بيصرخ ويقول عاشق ولهان يا ناس خلوها تحن عليا بقى
ضحكت مدام عزه و ردت علي ملك بتأكيد
" طب ابقي طمنيه عشان اخيرا وسام حنت عليه ووفقت
نظرت ملك ل وسام بسعاده وسألتها بحماس
" بجد وافقتي 
هزت وسام رأسها بخجل 
ابتسمت ملك وتحدثت بحماس
" الله أيوا كدا هي دي الأخبار الحلوه الا نسمعها عالصبح
نهار أسوووود : قالتها إيمان بصدمه كبيره
نظرت لها ملك وتحدثت اليها بغيظ
" بتسودي اليوم عالصبح ليه يا زفته
وجهت إيمان هاتفها ل ملك وهي تتحدث بصدمه
" شوفي الخبر دا عن محمود
اخذت ملك الهاتف منها ونظرت الي الخبر ووجدت صوره ل محمود وهو بين يد رجال الشرطه و عنوان الخبر وهو
" القبض علي زوج قتل زوجته وعشيقها في غرفة نومه " 
صدمة ملك من الخبر
وتحدثت اليهم مدام عزه بتسأل و ردت عليها إيمان  واخبرتها ان محمود هو من كان يريد الزواج من ملك وتسليمها لصاحب المصنع واخبرتها انه من حكت لها ملك عنه سابقا
نظرت ملك للهاتف وتحدثت بصدمه
" بس محمود ما كنش متجوز
ردت عليها إيمان بتأكيد
" أكيد أتجوز من فتره قريبه... وشوفي سبحان الله يقتل مراته علي حاجه كان عايز يغصبك عليها لو كان اتجوزك
ردت عليهم مدام عزه بتأكيد
" دا عقاب ربنا له يا بنات....يمكرون ويمكر الله والله خير الماكرين...ربنا يسامحه ويغفرله 
اعطت ملك الهاتف ل إيمان بصدمه ووجدت هاتفها يعلن عن استلام رساله من نفس الرقم وفتحت الرساله وجدت
" قريبا جدا سوف تكونين بين احضاني "
نظرت ملك للهاتف وهي تشعر بالحيره وفكرت بأنها لابد ان تسأل فارس وتخبره بهذه الرسائل.. ووقفت وهي تودعهم لتذهب الي عملها
_________________________
نزل فارس من غرفته واتجه الي مائدة الفطار والقى تحية الصباح وجلس وهو يحاول ابعاد عينه عن فريدة وتحدث الي جده بهدوء
" جدي انا عزمت ملك علي العشا النهارده هنا في البيت
ابتسم له الجد وتحدث بسعاده
" تنور يا حبيبي في اي وقت دا بيتها
ابتسم له فارس بسعاده
وتحدثت نانو بحماس
" بجد يا ابيه ملك هتيجي هنا 
ابتسم له فارس وتحدث اليها وهو ينظر ل فريدة
" اه يا حبيبتي وان شاءالله فرحنا هيكون قريب جدا
نظرت له فريدة بمكر وتحدثت بسخريه وهي تقف من مكانها
" اتمنالكم السعاده مع بعض
ثم ذهبت فريده وتركتهم ينظرون اليها ويدعي لها الجد بان يهديها الله ويحميها من شر نفسها
_________________________
اخذ أدم إيمان معه الي شقتهم حتى يفاجأها بتجهيزها وفرشها كما ارادت
دخلت إيمان الي الشقه وهي ترى كل شئ اصبح اكثر من رائع والشقه جاهزه تماما كما ارادت واكثر
ابتسمت إيمان بسعاده وهي لا تصدق جمال وروعة شقتها
ابتسم أدم بسعاده اكثر وهو يراها سعيده بهذه الطريقه واخبرها انه سوف يتحدث مع مدام عزه ويحدد موعد زفافهم قريبا جدا
نظرت له إيمان بخجل وهي تنظر لشقتها بسعاده ولا تصدق انها قريبا سوف تعيش مع حبيبها في هذا المنزل الرائع 
___________________________
ذهب فارس الي مكتب مروان بالشركة
نظرت له ملك بخجل وهي تراه يقترب منهم وهي تعمل بجانب مروان علي احد التصاميم
نظر مروان اليهم بسعاده وهو يراهم ينظرون الي بعضهما بهذه الطريقه
تحدث فارس الي مروان وهو ينظر الي ملك بعشق
" مروان انت كنت مصمم فستان زفاف من فتره قبل ما تسافر باريس صح
نظرت له ملك بدهشه وهي تتذكر الفستان التي كانت تعمل عليه ببعض اللمسات الاخيره عندما سافر مروان الي باريس لحضور عرض ازياء ودخل عليها فارس في هذا الوقت و رأها وهي تعمل علي الفستان واخبرها اعجابه الشديد به
تحدث مروان الي فارس بتأكيد
" اه طبعا دا احسن تصميم انا عملته
رد عليه فارس بثقه
" انت كملته ولا لسه 
رد عليه مروان بتأكيد
" اه خلصته وكنت مجهزه للعرض الجديد
ابتسم فارس برضى وتحدث اليه وهو مازال ينظر ل ملك
" الفستان دا هتلبسه ملكة قلبي يوم فرحنا
ابتسمت له ملك بسعاده كبيره
ونظر لهم مروان بسعاده وتحدث الي فارس بمشاكسه
" ومين دي بقى ملكة قلب سيد المغرور
ابتسم فارس واقترب من ملك وامسك يدها وقبلها بعشق وتحدث امام عيونها الساحره بحب
" ملك ملكة قلبي وحياتي
ابتسم لهم مروان بسعاده وتحدث بحماس
" يعني خلاص هتفرحونا قريب
رد عليه فارس بتأكيد
" قريب جدا ان شاءالله
___________________________
في المساء خرجت ملك من المنزل وذهبت مع فارس الي منزل جده 
وجلست إيمان وهي تحكي بسعاده وحماس لمدام عزه و وسام عن جمال شقتها وكل شئ موجود بها واخبرت ماما عزه ان أدم سوف يحدد معها موعد زفافهم قريبا جدا 
واثناء حديثهم سمعوا صوت جرس الباب وذهبت إيمان لترى من
اتجهت إيمان وفتحت الباب ونظرت امامها بصدمه عندما وجدتت خالها و زوجته يقفون وينظرون اليها بمكر
صدمت إيمان ونظرت لهم بعدم تصديق
تحدث اليها زوجة خالها بمكر
" مش مصدقه طبعا ان احنا عرفنا طريقك
ردت عليها إيمان وتحدثت بذهول
" انتوا عرفتوا مكاني ازاي
رد عليها خالها بغضب
" البركه في عمك صلاح هو الا عرفنا طريقك وعرفنا بالبيت المشبوه الا انتوا عايشين فيه دا انتي و بنت عمك
ردت عليه إيمان بصوت غاضب وانفعال
" قطع لسانه هو واي حد يقول اي كلمه عليا انا وبنت عمي احنا عايشين بشرفنا وعمرنا ما عملنا حاجه غلط
خرجت مدام عزه و وسام علي صوت إيمان واقتربت منهم وسألت إيمان من هم
ردت عليها زوجة خال إيمان بسخريه
" هو انتي بقى الا مشغلاهم 
ردت عليها مدام عزه بعدم فهم
" مشغلاهم في ايه بالظبط... وانتوا مين اصلا
رد عليها خال إيمان بغضب
" انا ابقى خال المحروسه الا وقفه جنبك دي الا هربت مننا وماعملتش بالتربيه الا انا ربتهالها وان انا اخدتها بيتي ومرضتش ارميها في الشارع بعد ما ابوها وامها ماتوا
نظرت له مدام عزه و ردت عليه بغضب
" هي هربت من كلامك دا وان انت طول الوقت بتقولها انك اتعطفت عليها عشان ربتها في بيتك بعد وفات اهلها مع ان دا واجبك وحقها عليك
ردت عليها زوجة خال إيمان بسخريه
" طب احنا جاين ناخد بنتنا دلوقتي واظن دا من حقنا
ردت عليها مدام عزه بقوة
" لا مش من حقكم لأن إيمان دلوقتي متجوزه وجوزها هو الوحيد الا له حق عليها دلوقتي
رد عليه خال إيمان بغضب
" وكمان اتجوزتي من ورانا
ردت عليه زوجته بعتراض وتحدثت بمكر
" جواز ايه انت هتصدق الكلام دا هو مين الا هيرضى يتجوزها اصلا
ردت عليها مدام عزه بغضب
" ومتتجوزش ليه إيمان ست البنات والف من يتمناها
ردت عليها زوجة خال إيمان بغضب
" طب احنا عايزين نشوف جوزها دا ومعاه قسيمة الجواز طبعا
ردت عليها مدام عزه بتأكيد
" طبعا دا حقكم بما انكم المفروض اهلها... اتفضلوا جوا انتظروا وانا هكلم جوزها واعرفه بوجودكم وهو هيجي علي طول
دخل خال إيمان وزوجته وجلسوا بداخل المنزل في انتظار مجئ زوج إيمان
طلبت مدام عزه من وسام اخذ إيمان الي شقتها بالاعلي واخذت هي هاتفها وقامت بالاتصال ب أدم واخبرته بوجود اهل إيمان وطلبت منه الحضور سريعا واحضار معه عقد زواجهما
بقلمي/ملك إبراهيم
جلست ملك علي مائدة العشاء بجانب فارس وكان الجد يتحدث معها بسعاده ومرح.....ونانو تعبر لها عن سعادتها الكبيره وتتحدث بحماس علي ما سوف يفعلوه معا عندما تتزوج ملك من شقيقها وتعيش معهم بالمنزل..... وكانت فريدة تنظر لها بمكر وغضب وبدون اي حديث ثم تحدثت فجأه وهي تسألها بمكر
فريدة:    قوليلي يا ملك انتي متخرجه من كلية ايه
نظرت لها ملك وتحدثت بهدوء
" للأسف انا محصليش نصيب اكمل وادخل كليه
نظرت لها فريدة بسخريه وتحدثت بتكبر
" طب مش شايفه ان فرق التعليم والمستوى بينك وبين فارس كبير شويه انتي تعرفي ان فارس اتخرج من اكبر جامعه في العالم
رد عليها فارس بقوة
" دا شئ ميخصكيش يا فريدة وبعدين عدم اكمال ملك لتعليمها او المستوى الا انتي بتتكلمي فيه دا شئ مايقللش منها....بدليل ان انتي متخرجه من اكبر جامعه انتي واياد ومستواكم كان متقارب ومع ذلك فشلتي في حياتك الزوجيه واياد انفصل عنك ومكملتوش مع بعض
نظرت له فريدة بغضب من احراجها بهذه الطريقه ووقفت وذهبت من امامهم غاضبه بشده
نظر الجد ل ملك وتحدث اليها بعتذار
" معلش يا بنتي فريدة طيبه بس هي اعصابها تعبانه شويه بعد انفصالها عن جوزها اعذريها ومش عايزك تزعلي منها... وعايز اقولك انك شرفتي عيلة المسيري لما بقيتي فرد من العيله
ابتسمت له ملك بسعاده وشكرته باحترام وتقدير
نظر لها فارس بعشق وقبل جبينها بكل حب وتقدير
___________________________
وصل أدم الي منزل مدام عزه ورحبت به ودخل وهو يسألها عن إيمان واخبرته مدام عزه انها طلبت من وسام اخذها الي شقتها في الاعلى حتى لا تسمع اي شئ يقوله اهلها وتشعر بالحزن...شكرها أدم علي ما فعلته ودخل معها اليهم
دخل أدم بهيبته والقى عليهم السلام بصوته القوى المميز
نظر له خال إيمان بعدم تصديق بان هذا هو زوج إيمان 
ونظرت له زوجة خال إيمان بصدمه وهي ترى امامها رجل بمعنى الكلمه له هيبه في حضوره لا تقاوم
تحدث اليهم أدم بثقه وعرفهم عن نفسه وعن عائلته بكل تواضع واخبرهم انه من اكبر عائله في محافظة الأسكندريه اذا ارادوا ان يسألوا عن عائلته حتى يطمئنوا علي ابنتهم واخبرهم بوضعه المالي والاجتماعي المتميز واعطى عقد زواجه من إيمان إلي خالها حتى يطمئن
نظرت له زوجة خال إيمان بصدمه وهي غير قادرة علي تصديق ان زوج إيمان يكون رجلاً مثله....رجل به كل هذه الصفات والمميزات... لأنها كانت تعتقد بان إيمان سوف تتزوج من شخص اقل من عادي حتى يوافق بان يتزوج من فتاه يتيمه ليس لها اهل... وكأن اليتم من وجهة نظرها المريضه شئ ينقص الفتاه او يعيبها 
نظرت بعمق الي أدم وتحدثت اليه بمكر
" بس أنت كدا يا أستاذ أدم اتجوزت بنتنا بدون علمنا ودا طبعا مايصحش
نظر لها أدم وتحدث بهدوء
" صدقيني حضرتك انا لو كنت اعرف ان أمر إيمان يهمكم كنت هاجي أكيد اطلبها منكم....وعلى فكره انا كنت عارف عنوانكم وبعت ناس تبعي يسألوا عنكم قبل ما اتجوز إيمان وقبل حتى ما اطلب اديها من مدام عزه....والمعلومات الا وصلتني انكم ماكنتوش مهتمين بأمر إيمان عشان كدا مهتمتش انا كمان بأمر موافقتكم.....واتقدمت وطلبتها من الست الطيبه الا حبت إيمان بجد وعوضتها عن كل الأذى والظلم الا شافته معاكم
نظرت له زوجة خال إيمان بغضب وتحدثت بانفعال
" أذى وظلم إيه الا شافته معانا الست إيمان دا انا الحمدلله كنت بعاملها زي بنتي و اكتر وكنت بحرم نفسي من كل حاجه عشان اكفي مصاريفها 
ردت عليها مدام عزه بسخريه
" لا والله كتر خيرك وان شاءالله ربنا هيجازيكي خير علي كل الا انتي عملتيه معاها
نظرت لها زوجة خال إيمان بغضب وتحدثت الي أدم بجشع وطمع
" طب بما انك اتجوزت بنتنا احنا بقى عايزين مهرها مهو مش نكبر ونربي ونصرف وانت تيجي تاخد علي الجاهز وكمان من غير علمنا
نظر لها زوجها بصدمه وتحدث اليها باحراج
" كلام ايه الا انتي بتقوليه دا اسكتي هتفضحينا
ردت عليه زوجته بقوة
" اسكت انت دا حقنا واحنا اولى بيه
نظرت لها مدام عزه وتحدثت بغضب
" تصدقي ان فعلا إيمان ظلمتك لما حكت عنك لأن انا شايفه قدامي دلوقتي أحقر من الا هي حكته
نظرت لها زوجة خال إيمان وتحدثت بانفعال
" انا بطلب حقنا ولو هو الحق بقى بيزعل اليومين دول....وبعدين انا شايفه ان الأستاذ أدم ماشاءالله يعني معاه ويقدر يدفع المهر الا نطلبه
نظر أدم الي خال إيمان ورأه صامت ولا يعترض علي كلام زوجته 
ثم نظر بعمق امامه وتحدث بثبات انفعالي يحسد عليه
أدم:    عايزه كام 
نظرت له وتحدثت بجشع وطمع
" انت وتقديرك بقى شوف إيمان تستاهل اد ايه
رد عليها أدم بقوة وتأكيد
" إيمان تستاهل الدنيا ومافيها.... شوفي انتوا عايزين اد ايه وانا هدفعه بس بشرط..... إيمان ما تعرفش حاجه عن الموضوع دا وتاخدوا الفلوس الا هتطلبوها ومش عايز اشوفكم في حياتنا تاني عشان لو ظهرتوا تاني في حياتنا هتشوفوا وش مني مانصحكوش تشوفوا 

لقراءة باقي حلقات الرواية : اضغط هنا 
google-playkhamsatmostaqltradent