رواية يوم زفافي الفصل التاسع عشر 19 بقلم مريم الشهاوي

رواية يوم زفافي الفصل التاسع عشر 19 بقلم مريم الشهاوي

رواية يوم زفافي البارت التاسع عشر

رواية يوم زفافي الجزء التاسع عشر

رواية يوم زفافي الحلقة التاسعة عشر

فريدة كانت قاعدة في الصالة بتتفرج علتلفزيون وموبايلها رن
فريدة /الو… مين
/والدة هشام احمد عبد المجيد
فريدة/ايوة… مين الي بيكلم
/مستشفى****كنا عاوزين نبلغ حضرتك ان ابنك……
فريدة وقعت الموبايل من ايديها وعيونها دمعت بصدمة /ه‍… هشام… هشاام
فضلت تصوت باسم هشام وهود سمعها وجري عليها بخوف/اي يا ماما مالك… بتعيطي ليه
فريدة بخوف وعياط/اخوك… هشاااام…..
ابتسام كانت واقفة على باب الاوضة بتشوف خالتها مالها واتصدمت من الي سمعته خلت رجليها مش شايلها ووقعت علأرض ودموعها نزلت بوجع
بعد شوية لقينا فريدة بتجري في المستشفى بعياط وهود وراها هو وابتسام
هود/اقعدي هنا عشان رجلك
ابتسام بخوف/لا جايه معاكو اتطمن عليه….

فريدة/انا والدة هشام… هو هو فين
/في العمليات حاليا…. لسه الدكاترة جوا معاه متقلقيش اتفضلي حضرتك استريحي
فريدة~يا قلب امك يا حبيبي…يارب احفظهولي يارب…
هود /اهدي يا امي خير ان شاء الله… تعالي اقعدي
هود جاب لمامته عصير وفضل جمبها بيحاول يهديها
ناهد طلعت تطمن ولاقت فريدة الي وقفت اول ما شافتها/هي الي عملت في ابني كده…. مبيجيش منها الخير ابدا… منها لله
ناهد بعصبيه/نورا كمان جوا مصابه زيها زيه…. بدل ما تدعيلهم بتدعي عليهم… دا انت ست معندكيش رحمة
فريدة/انا معنديش رحمة…. ولا بنتك هي الي مبوظة حياة ابني… كان لسه مبسوط استخسرت عليه فرحته….
ناهد بزعيق/انت مجنونة ولا مختله عقليا…. هي بنتي راحت وقال لصاحب عربية النقل تعالى اخبطني….
/خلاص يا جماعة احنا في مستشفى
هود/خلاص يا ماما اهدي…. احنا آسفين يا مدام ناهد معلش ماما بس تعبانه شوية بسبب الي حصل
ناهد~ماشي يا هود… هسكت عشانك…. دا مرار طافح والله ربنا يعينك يا نورا يا بنتي ربنا يشفيكي
فريدة/ربنا يشفيكي انت
سألت على هشام وكان لسه في العمليات
بعد ساعات والكل قاعد قلقان سمعوا نورا بتصوت وبتنادي على هشام
ناهد جريت على الاوضة وفرح راحت هي كمان علاوضة
نورا/هشام… هشام صحي… عاوزة اشوفه… هشااام

ناهد/يا حبيبتي اهدي…. هو لسه في العمليات جوا… ثقي في ربنا يا نورا وخلي عندك ايمان ان ربنا هيقف جمبه وهو هيقوم بالسلامه ان شاء الله
فريدة راحت على اوضة نورا وباقت بتزعقلها/عملتي اي في ابني…. والله اما يصحى لطلقك منه… الله اعلم هيعدي منها بسهولة ولا لا…. روحي منك لله
ناهد راحتلها بعصبيه/مهو مش نقصاكي يا فريدة… البت بتصرخ على جوزها وانت جايه تكملي عليه… ياستي غوري بقا
هود بقا بيشد في امه وهي بتزعق/عارفة لو هشام مقامش بالسلامه…. ما هتترحمي من ايدي يا نورا…. حسبي الله ونعم الوكيل فيكي
ناهد بزعيق/حسبي الله ونعم الوكيل فيكي انت دا انت ست خرفانه ومحتاجه تتعالجي
طلعوا كلهم على صوت الدكتور الي طالع من العمليات
نورا بلهفه/هشام… شوفوا هشام طلع ولا لا
فرح وناهد خرجوا وفريدة واقفة قصاد الدكتور وبتعيط/هشام يا دكتور… ابني بقا كويس
الدكتور ابتسم/كان في كسور كتير… وفي كدمات ادت لنز يف داخلي هو دلوقتي حالته مستقرة لكن دخل في غيبوبه قد تستغرق يومين او تلاته لان الخبطة كانت شديدة واثرت على جهاز المخ ادعوله يقوم بالسلامه
فريدة/عايزة اشوفه… عايزة اشوف ابني

الدكتور/هينقلوه للاوضة بتاعته… تقدروا تشوفوه
ناهد جريت على نورا /الحمد لله هشام كويس… بس دخل في غيبوبه نتيجة كدمة الراس
نورا عينيها دمعت ورفعت راسها لفوق/الحمد لله يارب
فرح حضنتها وكانت مبسوطة ودخلت ليامن الي كان قاعد على نار وخايف من الخبر الي يجي
فرح بصتله وهو قال بقلق/بالله قوليلي حاجه تفرحني
فرح بابتسامه~هشام الحمد لله بخير بس دخل في غيبوبه مؤقته لكن هو كويس وحالته مستقرة
يامن ضحك من كل قلبه وبصلها كتير اوي وكإنها سمعت هو عاوز يقول اي وراحت حضنته بشدة
ويامن اتبسط بكونها قرت الي في دماغه او حست بيه♡ حضنها وهو مبسوط /انا فرحان اوي يا فرح… الحمد لله ان هشام بخير…. الحمد لله
فرح طبطبت على كتفه بحب/الحمد لله
يامن بعد عنها/نورا كويسة…. الطفل الي في بطنها كويس….
فرح/معرفش هروح اطمن برا
طلعت فرح وراحت اوضة نورا وكانت الممرضة مبتسمه ونورا فرحانه
ناهد بصت لفرح/الجنين الي في بطن نورا بخير الحمد لله….
فرح ابتسمت بحب/احمدك يارب… ربنا يحفظه دايما وتتجمعوا حواليه انتو الاتنين
نورا ابتسامتها رجعت لوشها من تاني ويامن راحلها وهو بيمشي بالعافيه وبيجر شيالة المحاليل معاه ودخل اوضتها وهو مبتسم ولكن قلبه مش مريحه وفرح طمنته /الجنين بخير ونورا بخير
يامن راح لاخته وحضنتها وهو بيعيط من الفرحه

وابتسام كانت واقفة متابعة الحوار ورا الباب ونظرات الغل في عينيها يعني بعد كل دا نورا بخير هي والي في بطنها!
اخيرا هشام طلع من العمليات وفريدة قاعدة جمبه وبتعيط وابتسام قاعدة على كرسي بعيد عنه وبتل عن نفسها من حوا/ممكن انا اكون السبب في اذية هشام…. هو العمل اخد مفعول من ساعتها كدا! يعني اكون عامله العمل لنورا وهشام الي يتإذي..
نورا/ونبي يا يامن… خلي عمتو توافق اني اشوف هشام… قلبي مش مرتاح… عاوزة اشوفه
ناهد/يا بنتي انت تعبانه من الحادثة هو نايم سيبيه يرتاح لبكرة وبكرة الصبح روحي شوفيه وبعدين فريدة هناك يا يامن… لو تشوف هللت ازاي اما شافت نورا ومش عايزاها تضايقها في كلمة تاني مش عاوزة ادخل معاها في خناقة خليني مبسوطة شوية
يامن/سمعتها… معلش يا جماعة اعذروها ما زي الي حصل مع عمتو وفرح اما زعقتلها عشان خوفها عليا وكانت فاكرة انها السبب
فرح بصتله وضحكت ويامن كمل/بكرة يا نورا ريحي دلوقتي يا حبيبتي وبكرة الصبح ابقي شوفيه
كل واحد راح لاوضته يرتاح فيها وفرح فضلت مع يامن طول الليل
هود/تعالي اروحك عشان…
ابتسام/لا انا هفضل معاه….

هود اتضايق بس حاول ميظهرش/يا بنتي خالتو هتقلق عليكي روحي انت و….
فريدة/خليها يا هود… مش متطمنه ترجع لوحدها واحنا مش موجودين في البيت… خليها هنا معانا
ابتسام دخلت تصلي وكانت ندمانه ندم شديد… خايفه من ربنا… هي ازاي قدرت تعمل عمل ازاي دماغها وصلتها للمرحلة دي للدرجة دي الشيطان قدر يتغلب عليها
فضلت كتير تعيط وتطلب التوبة وهي خايفة من عقاب ربنا ليها وحست انها اذنبت في حق هشام كتير اوي واخرتها كان هيموت فيها هو ميستاهلش منها كل دا
فوزية بعتت لنهلا انها عايزة تشوفها الصبح ضروري
تاني يوم الصبح منى راحت امتحانها وحلت كويس بس عقلها كان مشوش بعماد خرجت من الامتحان موقفتش مع حد وطلعت برا المدرسة ومرة واحدة لاقت حد بيشدها من ورا السور
منى كانت هتصوت بس عماد حط ايده على بوقها/بس انا عماد
شال ايده ومنى فضلت ساكته عماد ابتسم بحب/عاملة اي
منى ردت باقتضاب/الحمد لله
عماد/واي اخبار الامتحان؟
منى /اه الحمد لله…
عماد ابتسم وحضنها/عاوزة اقولك على خبر حلو
منى بعدته عنها وبصتله/عماد… انا… انا كمان كنت عاوزة اقولك على حاجه
عماد/طب قولي انت الاول
منى بلعت ريقها وحاولت تتمالك نفسها/انا… انا فكرت كتير… ولقيت ان… ان احنا مش هينفع نبقى مع بعض
عماد رجع لورا وحاول يستوعب الي هي قالته /ي.. يعني اي؟

منى بدموع بصت في الارض لانها مش هتقدر تشوف شكله وهي بتقوله الكلام دا/يعني مينفعش نكمل سوا وقصة حبنا مش هتكمل على خير اكيد…
عماد حاول يتمالك نفسه وطلع صوته بالعافيه وعيونه اتملت دموع/قولتي اييي؟
منى بزهق/انت سمعت… خلاص حكايتنا هتنتهي… ومينفعش نشوف بعض تاني دا اخر لقاء بينا….
مشيت من قدامه بس عماد مسكها من دراعها رجعها قدامه تاني وقرب منها
منى كانت باصه في الارض
عماد اخد نفسه واتكلم وقلبه موجوع/هتبعدي عني؟
منى بدموع/مينفعش نبقى سوا
عماد/اي الي منفعوش… انت بتحبيني و…
منى قاطعته/لا… دا مكانش حب….. سيبني يا عماد
عماد جمد ايده على دراعها اكتر /مش هسيبك… بصي في عيني وانت بتقولي الكلام دا… بصي في عيني وقولي انك مش بتحبيني
منى قالت وهي باصه علأرض /انا مش بحبك
عماد بيقرب منها وهي بتتكلم وبيتكلم بوجع/قولي اني مهمكيش وانت مش بتحبيني….
منى/انت متهمنيش وانا مش بحبك
عماد سند راسه على دماغها واتكلم بصوت يوجع القلب/بصي في عيني… قولي انك مش بتحبيني وانت بصالي
منى بعياط بصت لعينيه/مش بحبك…
انفاسهم اختلطت ببعض وعماد بعياط/مش مصدقك
منى حضنته جامد وهي بتعيط بوجع/مش بحبك…. مش بحبك
عماد حضنها بكل شوق ودموعه بتنزل

مره واحدة عساكر اتلمت حواليهم ورافعين سلاح على عماد /سلم نفسك
عماد ومنى بعدو عن بعض بسرعة وعماد بص للعساكر ورجع بص لمنى الي مستغربة زيها زيه
مسكوا عماد من دراعاته الاتنين وواحد من الشرطة بص لمنى/شكرا يا انسة منى الشرطة ممتنالك للخدمة دي… شكرا انك عرفتينا مكانه وقدرنا نمسك المجرم
عماد بص لمنى بذهول وعم منعم جيه اخد بنته/تسلم يا باشا انا هاخد بنتي واروح… متنساش المكافأة بقا يا باشا…
عماد بص لمنى بصدمة وزعق جامد/انت كل دا بتغفليني…. منى…
منى بصتله بدموع ومشيت مع باباها وعماد بقا بيصرخ من كل قلبه /انت زيهم برضو… كلكو طينه واحدة… مفيش واحدة منكم كانت تستاهل حبي…. انا بكرهكوا كلكوا وبكرهك يا منى.. انا بكرهك… بكرهك
منى انهارت من العياط وهي ماشيه مع ابوها والعساكر اخدوا عماد للبوكس
يامن كان لسه صاحي وفرح ابتسمتله اول ما صحي/صباح الخير
يامن ابتسم/صباح النور
فرح/ موبايلك رن كتير وانت نايم…
يامن/مين الي كان بيرن
فرح ادتله الموبايل ويامن شاف مين الي اتصل وبعدين بصلها /دا اللواء سامح كان بيتصل
رن عليه

سامح /يامن… عماد اتمسك
يامن بفرحة/بجد
سامح/عم منعم بلغ عنه وقال عن مكانه
يامن/تمام انا مش هعرف اجي لاني في المستشفى.
سامح بقلق/في المستشفى!.. ليه خير…
يامن/حادثة بسيطة يا باشا انا كويس دلوقتي
سامح~هاجي اتطمن عليك
يامن/ممتتعبش نفسك يا باشا
سامح/تعب اي يا يامن انت ابني.
قفل معاه وبص لفرح بسعاده/عماد اتمسك
فرح عينيها دمعت من الفرحة وحست ان حقها هيرجعلها اخيرا
نهلا راحت على المكان الي فوزية قالتلها عليه بلسان بنتها ابتسام
واتفاجئت ان فوزية الي جايه
نهلا اتلجلجت /اي دا… از ازيك حضرتك يا طنط فوزية عامله اي
فوزية قربت منها وضربتها بالقلم/انت بقا الي مساعدة ابتسام انها تروح في طريق الا عمال والد جل
نهلا عيطت/حقك عليا يا طنط سامحيني ابتسام هي الي طلبت مني دا والله
فوزيه مسكتها من عبايتها بغضب وزعقت/تقوليلي فين مكان العمل دا والا قسم بالله لاتصل بابوكي واقوله وخليه يخلص عليكي بقا زي ما اتعمل في ابتسام امبارح
نهلا بخوف/لا يا طنط بلاش ابويا انا…انا هقولك هو فين

وديتها للمكان/هي..هي دي الحته الي دفناه فيها
فوزية باقت بتحفر في الارض لحد ما لقته
( ربنا يجيرنا من الاعمال دي واظبوا على اذكار الصباح والمساء لان الدنيا مبقتش امان وحضنوا نفسكوا بذكر الله دايما ♡)
اخدت العمل وضر بت نهلا بالقلم/انا مش هقول حاجه لاهلك بس لو عرفت انك مشيتي في الطريق دا تاني والله ما هتترحمي من ايدي يا نهلا وانسي انك عندك صاحبه اسمها ابتسام ربنا يبعدها عنك كتك القرف غوري من وشي
راحت فوزية لشيخ يفك العمل
الشيخ~لا حول ولا قوة الا بالله..ربنا يعين صاحبة الصورة هذي
فوزية بصت علصورة ودموعها نزلت اما شافت صورة نورا معمول عليها اكس وكلام كتير حواليها موت ووقف حال و حزن اي الي في قلب بنتها دا! كل دا حقد وكره طب نورا عملتلها اي عشان تعمل فيها كل دا
الشيخ/البنت دي محظوظة ان العمل اتفك بسرعة بتقولي انه كان امبارح ربنا يستر وميكونش حصلها شئ امبارح ربنا بيحبها انه نجاها من العمل دا لو انت تعرفيها قوليلها تحصن نفسها كويس بالاذكار
فوزية روحت بيتها وطلعت على شقة فريدة اختها وباقت بتخبط بكل عصبيه لكن محدش رد رنت على فريدة
فريدة بعياط/انا في المستشفى مع هشام هشام عمل حادثة هو ونورا بليل واتطرينا نروح بسرعة ملحقتش ابلغك
فوزية قلبها اتقبض وخافت على نورا وجريت علمستشفى علطول
فريدة/اي يا ختي عامله اي

فوزية بخوف/نورا نورا فين… عاوزة اتطمن عليها
فريدة/ما بلاش تجيبي سيرتها
هود/نورا في الاوضة الي بعد دي
فوزية دخلت على نورا بخوف واول ما شافتها مفتحه عينيها وبتضحك قلبها ارتاح وراحتلها تحضنها
نورا /ازي حضرتك عامله اي
فوزية /انا كويسة يا حبيبتي المهم طمنيني عليكي والطفل الي في بطنك
ناهد/تسلمي لذوقك يا فوزية نورا والي في بطنها كويسين بحمد الله
فوزية ارتاحت وطلعت من الاوضة دخلت الحمام تغسل وشها ولاقت ابتسام طالعة من الحمام وراها اول ما ابتسام شافتها/ازيك يا ماما… شوفتي هشام ﻋ….
فوزية شدتها من شعرها وباقت بتضربها بالاقلام وابتسام بتصوت/انا عملت اي
فوزية/عملتي اي… يا بت الك لب يا بنت الك لب…. انت يطلع منك كل دا… جايبه الجحود والغل دا كله منين…. ربنا هيحاسبك يا مفترية…. ربنا ياخدك… ربنا ياخدك
ابتسام باقت بتصوت والكل جري علحمام بسبب صويتها وفرح برضو راحت تشوف فيه اي
فريدة قومتها من على ابتسام~حرام عليكي بقا يا فوزية هتبقي انت وابوها
هود جري على ابتسام يقومها
فوزية لطمت على وشها/انا مستعرية منها… دي مش بنتي… دي مش ابتسام بنتي… ربنا ياخدك يا شيخه
فريدة بزعيق/ليه كل دا… البنت عملت اي؟
فوزية مسكت ايد اختها تبوسها وبتعيط بقهرة /سامحيني ياختي… سامحيني
فريدة اتصدمت من حركتها وشدت ايديها /اي يا فوزية الحركات دي

فوزية حضنتها بعياط/عشان بنتي السبب… بنتي السبب في الي حصل لابنك…. منها لله…. انا مش مسامحاها دنيا واخرة
ابتسام ضربات قلبها اتسارعت وحست ان امها تعرف حاجه
فريدة/هي السبب ازاي دي جريت اول ما عرفت ان هشام في خطر.. دي بتخاف عليه زيي
فوزية بعياط/الحادثة الي اتأذى منها هشام كانت نورا هي المطلوبه… بس الاقدار بيد الله وقدر انه يرحمها من شر ابتسام….
فريدة بلعت ريقها/انا مش فاهمه..اي الي بتقوليه دا!
فوزية/ابتسام عامله عمل في نورا لسه فكاه عند شيخ والي حصلهم كان مقصود ان نورا الي تتإذي بس جت في هشام
ابتسام اتصدمت وحست ان الدنيا بتلف بيها وكلهم بقوا يبوصلها حتى هود بصلها بصدمة ومكنش مصدق وفرح حطت ايدها على بوقها وباقت بترجع لورا بخوف
ومره واحد راجلين شدوها من دراعاتها وبقا بيمشوا وهي استغربت/اي دا…. انتو مين
كانوا ساكتين وهي بتحاول تبعد عنهم مش عارفة كانت هتصوت بص راجل همسلها في ودنها/شايفة الراجل الي هناك دا… هو مستني بس اشارة مننا عشان يق تل يامن…. فامشي معانا بالذوق يا إما تقري الفاتحه على يامن وبرضو هتيجي معانا
فرح دموعها نزلت وطلعت معاهم في العربيه
وحد من الرجالة اتكلم في التلفون/بلغهم انها اتخطفت ولو مسابوش الباشا بتاعنا هتمو ت…
عاصي/دا عماد الي في التلفزيون دا

كوثر/يالهوي اومال البت فين طالاما هربان
امير/مش اما اتصلنا بيها قالت ان يامن معاها ومردتش تقولنا عماد فين
عاصي باستغراب/انتو اتصلتوا بيها؟
امير اتوتر لانه وقع في الكلام
كوثر بخوف/ايوة يا عاصي كنت عايزة اتطمن علبت
عاصي بخوف/وهي كويسه
كوثر/كانت في المستشفى ياخويا وحالتها توجع القلب
عاصي بصدمه /اي؟ يعني اي تبقى بنتي ف يالمستشفى ومقوليليش… ودا من امتى دا
كوثر/من يومين
عاصي دخل الاوضة وهو متعصب~بنتي في المستشفى بقالها يومين ودي مبلغتنيش
كوثر/مانت كنت هتزعق لانك محذر محدش فينا يكلمها
عاصي بنرفزة/ايوة بس لما تكون في المستشفى وعماد الزفت دا مش معاها يبقى هتكون فين ها مرمية في الشارع واكيد مش هتفكر ترجع… يوووه… انت كان المفروض تقوليلي ياكوثر… هو انا ليا غيرها
كوثر طبطبت على كتفه/اهدى يا عاصي… البت طمنتني عليها هي بخير ولسه اول امبارح متطمنه عليها برضو مع يامن الظابط
عاصي/يامن اي دا كمان الي يحمي بنتي… هو انا موت
كوثر/يعني هتروحلها
عاصي/اكيد… جهزيلي الشنطة

يتبع…

لقراءة الفصل التالي : اضغط هنا

لقراءة باقي حلقات الرواية اضغط على : (رواية يوم زفافي)