رواية الوقوع في الحب كاملة (جميع فصول الرواية) بقلم هبوش

اسمي وردة عمري 24 سنة طبيبة بيطرية نشتغل رسبشن في مصحة لان مالقيتش وظيفة بتخصصي ????

موصفاتي قصيرة وجسمي ضعيف شعري كستنائي مموج وعيوني عسلية والساني طويل ومشاغبة ومانسكتش كان حد غلط في حقي وهلبا حاجات ايجابية انشوف فاها في شخصيتي القوية???? بس عندي طموح واحد اللي هو الزواج اي نبي نعيش كيف كل البنات وحتى عشان نرتاح من خوي ومرته وصداع العرايك كل يوم ????

انا بنت يتيمة امي وبوي متوفيين وماعنديش الا اخ واحد اسمه عزيز متزوج وعنده بنت سيدرا 9 سنوات وزوز اولاد مؤيد ومهند 2/5عندي خالي محمود عنده ست بنات و شايل مسؤولية كبيرة

خالي يشتغل في مزرعة للابقار مع الحاج سليمان صاحب اكبر مصنع للحليب الطازج

ومعاشه دوب ايكفوه بيش يصرف عليهم

حياتي مع خوي ومرته كلها مشاكل وعرايك مرته السوسة اسمها نجوى اني وياها كيف الضراير ومافيش حد طايق حد ومشاكلنا واصلات عند الجيران ????

هذه عائلتي السعيدة ونمشوا نتعرفوا على عائلة اخري مافيش بينا اي رابط

عائلة الحاج سليمان

الاب سليمان راجل في الستينات صاحب مصنع للحليب وعنده مزرعة للابقار وحياته كلها بين المزراعة والمصنع والعمال اولاده اولاد العازة مافيش واحد منهم يعتمد عليه ويشيل عنه المسؤولية ولاحتى ينفع ايجيب خبزة للحوش امدلعيين اخر دلع و رفاهية و غرور

والام امرأة اتحبهم موت ومدللتهم ومن كثر ما حنونة و تتستر على عمايلهم

دايرينها اختهم مش ام وينادوا عليها صفصف عاد اسم الدلع ????

الابن الكبير اسمه يامن شخص مستهتر مايحبش المسؤولية انسان مزاجي ومتكبر عمره 30 سنة شكله حلو ???? متخرج من الهندسة وعنده مكتب بس مايخدمش الا نادر جدا يعني من الاخير شخص خامر مش تاع خدمة ولا زواج

الابن الثاني ادم 27 سنة ماكملش قرايته و هاوي تصوير ويحب المغامرات و رحلات

شخصيته حنون و لطيف هو معشوق البنات وين ما يحل يحل الدمار كل البنات اتحبه من جماله واسلوبه الطيف ????

الابن الثالث معاذ 23 سنة يقراء لغات

شخصيته كيف خوته متكبر و مدلل على الاخر كل شهرين ايغير سيارته و مدلع روحه يعني عايش البضخ واكثر شخصية في خوته امتعب بوه رأسه يابس ويلي يبيها ياخذها

المسكين بوهم يتمني حد فيهم ياخذ عنه الشغل ويخفف عليه التعب بس للاسف كلهم مايحبوش يشتغلوا معه ورافضين حتى شغله في مزارع الابقار ايحسوا فيها مش من مستواهم من غرورهم وتكبرهم

وشايفين ارواحهم فوق فوق????????