رواية عشق الصخر الفصل السادس والعشرون 26 والأخير بقلم شيماء عصمت

عشق ببكاء هستيري وهي ماسكه وشه مابين ايديها: صخر .. صخررررر رد عليا متسبنيش .. ارجوك ياصخر .. انا هموت من غيرك .. والله العظيم هموت .. صخررر رد عليا … ااااااه يارب .. يارب مش تاخده مني .. يارب مش بعد ماحبيته وبقى كل حاجة ليا ياااااارب

ضمته ليها وفضلت تبكي بأنهيار .. ثواني واتجمدت مكانها وهي بتسمع…

_مكنتش اعرف انك بتحبيني اووي كده

عشق بصت بذهول وفرحه وسعادة .. مشاعرة كتير متلغبطة وبعدم تصديق قالت: صخر! انت .. انت بتكلمني بجد ولا انا اتجننت وبيتهيئلي

صخر بـ أبتسامة جميلة وهو بيلمس وشها : لا متجننتيش ولا حاجة انا قدامك وحرفيا في حضنك .. وكمل بمكر مرح: بس ايه يابت الجراءة دي؟ حضنتيني وبوستيني انتي حرفيا اتحرمشتي بيا

عشق ردت عليه بأنها ضمته ليها وفضلت تبكي .. صخر فضل يطبطب عليها وبيهمسلها بكلمات تهديها .. بعد كام دقيقة عشق اخيرا سيطرت على اعصابها وبخوف وقلق بصت لصخر: صخر انت لازم تروح المستشفى دلوقتي لازم تعالج الجرح اكيد بيوجعك صح انا .. انا لازم اتصل بالاسعاف .. مش عارفة كلهم مشيوا وسابونا لوحدنا ليه صخر .. بسرعة هات تليفونك انا انا

قاطعها بحنان: شششششش خدي نفس عميق واهدي كده .. انا مش محتاج مستشفى ولا حاجة انا كويس جدا اطمني

عشق بعدم فهم: مش محتاج ازاي؟ صخر انت مضروب برصاصة .. عارف يعني ايه رصاصة؟!

صخر بـأبتسامة: عارف والله المهم انتي اللي تكوني عارفة .. حبيبت قلبي انا بقالي نص ساعة في حضنك وانتي حرفيا مأخدتيش بالك اني مبنزفش اصلا

عشق بصت على صدرة ملقتش اي نزيف واي دم يدل على انه متصاب!!

عشق بذهول: ازاي كده! دا مفيش دم! اكيد دمك نشف من الخوف

صخر بضحكة عاليه: هههههههههههه والله انتي اللي عقلك وقف من الخضة .. حبيبتي الرصاصة مجدتش فيا اصلا انا مثلت اني اتصابت .. عشان دينا متضربش علينا تاني

عشق قامت من ع الارض وبصت لصخر بتكشيرة: يعني انت بتمثل عليا ياصخر انت بتهزر صح؟ انا قلبي كان هيقف .. والله العظيم حرام عليك

صخر وقف وقرب منها: حقك عليا بس دي الطريقة الوحيدة اللي هتخلي دينا متضربش علينا تاني ولا كنت عايزاني اتصاب بجد

عشق بلهفة: بعد الشر عليكي ياحبيبي

صخر بدراما: لا مش قادر .. بوس واحضان وكمان حبيبي! انا هتهور والله

عشق بغيظ وخجل: هتفضل قليل الادب

صخر بمكر: انا متربتش اصلا تحبي تشوفي

عشق بتحذير: صخررر

صخر بحب: عيونه وقلبه وعقله وكل ما ليه

عشق بخجل واستسلام: مفيش فايدة فيك .. المهم يلا نروح اصل جسمي كله واجعني

قالت كلامها ولسه هتمشي ناحية العربية اللي المفروض هيركبوها .. اتفاجئت بنفسها في الهواء ودا لان صخر شالها بين ايديها

عشق بخجل: صخر انت بتعمل ايه

صخر: بحاول اريحك ياروح صخر

ركبها العربية وركب جانبها واتجه للمستشفى عشان يطمن على عشقه

____________

اما في الجهه الاخرى

سيف ودينا بيحاولوا يهربوا من البوليس اللي بيطاردهم .. سيف ماشي بالعربية بأقصى سرعة وفي غفلة منه .. عربية نقل خبطتهم وبعد ثواني العربية انفجرت وسيف ودينا جواها .. خسروا حياتهم بسبب حقدهم وطماعهم

____________

في المستشفى كريمة كانت منهارة من العياط .. خوفها على عشق هيموتها .. لحد امتى هيحصلها اختبارات في بنتها .. مهما حاول علي او مريم يهدوها مفيش فايدة .. ثواني ومريم شافت صخر ومعاه عشق جاين عليهم

مريم بفرحة: عشق .. جريت عليها بلهفه وحب اخوي وضمتها في حضنها

كريمة قامت بسرعة وجريت عليها .. مريم وعشق وكريمة حضنوا بعض وعيطوا .. عاشوا في خوف وقلق ودلوقتي اطمنوا

علي : الحمدلله عشق كويسة بكره كتب كتابي بقااا

صخر: تصدق انت معندكش دم يالا

علي بمرح: لو مش عاجبك طلقني

الكل ضحك عليه

كريمة بدموع وخوف: انتي كويسة ياعشق في حاجة بتوجعك؟ عاملوا فيكي ايه المجرمين دول

عشق بهدوء: اهدي ياماما انا كويسة الحمدلله اطمني

كريمة ضمتها بخوف: كنت هموت لو حصلك حاجة ياعشق

عشق: بعد الشر عليكي ياماما .. اطمني ياحبيبتي انا زي الفل قدامك اهو

صخر قاطعهم: تعالي ياعشق اخلي الدكتورة تطمني عليكي .. وانتي ياماما روحي مع على ومريم مفيش داعي لوجدكم هنا

كريمة بأعتراض: ازاي ياصخر انا لا يمكن اسيب عشق واروح انا لازم اكون معاها

عشق بتأيد: صخر معاه حق ياماما روحي ارتاحي ياحبيبتي وانا هحصلك علطول انا اصلا مفيش فيا حاجة انا عايزة اريح صخر مش اكتر

صخر: ويا امي ابعتيلي هدوم لعشق مع السواق

كريمة: حاضر ياحبيبي .. خلي بالك من عشق ياصخر مش هوصيك

صخر: في عيوني

الكل مشي مبقاش الا صخر وعشق

صخر اخد عشق ووداها للدكتورة تطمنه عليها .. مكنتش محتاجة غير معالجة الجرح اللي في شفايفها … هدومها وصلت وغيرت وكانوا لسه هيروحوا .. عشق طلبت تشوف ناصر ولوحدها

دخلت الغرفة اللي محجوز فيها .. وصخر استناها بره

ناصر كان نايم على السرير في جسمة كدمات كتيرة .. اول ماعشق قربت منه فتح عنيه بسرعه رعبتها

ناصر بهدوء: اسف لو خضيتك

عشق: انت كويس

ناصر: عمري ماكنت كويس قد دلوقتي يابنتي

عشق: انا جيت بس علشان اشكرك انك دافعت عني .. ربنا يشفيك وتقوم بالسلامة عن اذنك

كانت لسه هتمشي وقفها صوته

ناصر بندم ودموع في عنيه: سامحيني ياعشق .. سامحيني ومتحرمنيش منك عارف اني ماستاهلش السماح بس طمعان في قلبك الطيب

عشق من غير ما تلفله: حاليا ماعنديش اي استعداد اسامحك .. قلبي شايل منك كتير .. بس مين يعرف جايز! جايز في يوم يصفى

قالت كلامها وخرجت .. لقت صخر قدامها من غير كلام حضنته .. ضمها بحماية واخدها وروحوا

______________

في نص الليل في غرفة ابطالنا عشق نايمة وبتتحرك بعنف .. بتبكي .. فجاءة صرخت: صخرررررر

صخر بفزع: عشق متخافيش دا حلم يحبيبتي ماتخافيش انا جانبك

عشق بخوف وبكاء: كابوس مش حلم ياصخر .. كابوس وحش اوي ياصخر اوووي .. حلمت بكل اللي حصل بس النهاية مختلفة! كنت غرقان في دمك .. وانا واقفة مش عارفة اعمل حاجة .. واني خسارتك

ضمها بحب: بس انا معاكي وانتي في حضني وكل ده فات وانتهى وانا وانتي بقينا مع بعض ولبعض

عشق بصتله اووي: هتصدقني لو قولتلك اني مخفتش منهم؟ كان جوايا يقين انك هتلحقني ياصخر .. كنت متأكدة انك هتلاقيني مش عارفة ازاي بس هتلاقيني .. انت متعرفش انت بالنسبالي ايه لا يمكن تتخيل انا بحبك قد ايه! تعرف انا مستغربة نفسي اووي .. ازاي بقيت جوايا بالسرعة دي؟ ازاي بقيت كل حاجة بالنسبالي؟ ازاي بقيت بخاف عليك اكتر من نفسي .. انا مش بحبك ولا حتى بعشقك اللي جوايا ليك اكبر واعمق من الكلمتين دول انا بدمنك ياصخر .. بحس انك حته مني ولو بعدت عني هموت

صخر بهيام: بعد الشر عليكي ياعشقي

عشق بحب وعيون بتلمع: وحشتني

صخر بأستغراب : هي ايه اللي وحشتك!؟

عشق: عشقي بقالك كتير مقولتهاليش

صخر: عمري ماهبطل اقولها انتي عشقي وجنوني وهوسي .. انتي عشق الصخر .. عشق

عشق: نعم

صخر بمكر: هو انتي امتى هتغيري بيجامات ميكي اللي لبساها دي؟

عشق بعدم فهم: واغيرها ليه انا لسه لبساها من شوية

صخر: لا ياقلبي قصدي تلبسي لبس،نوم غير ده مثلا من الهدوم اللي موجوده على الرف الشمال

شهقت بصوت عالي وبخجل وارتباك قالت: هما شمال فعلا واحترم نفسك ياصخر لاما والله اروح اقول لـ ماما

صخر: نعمممم ياختي تقولي لماما ليه احنا في الفصل هنا ولا ايه

عشق ببرود: ايوه اختك الله ينور عليك يلا نام بقا اليوم كان طويل

عدلت نفسها ولسه هتنام شدها عليه: انا مبهزرش دلوقتي .. انا نفسيتي تعبت من ميكي ده البسي سندريلا ولا اقولك حورية البحر احلى

عشق: بجد ياصخر انت قليل الادب ومتنساش يامحترم اننا لسه مخطوبين

صخر: ياصلاة النبي احسن مخطوبين؟ اومال انا كتبت كتاب مين مع ابوكي

عشق ببرود: والله انا مليش فيه انت كتبته مع ابويا روح خليه هو يلبـ

صخر: ششششش افصلي انا غلطان اني بتكلم معاكي اصلا ياطفلة

عشق بغيظ: بس ماتقولش ياطفلة

صخر بعند:طب ياطفلة ياطفلة ياطفلة ياطفلة

__________

الايام بتمر وتعدي .. مابين احداث كتير على ابطلنا .. سواء علي اللي صمم انه يتجوز مريم علطول حتى لو هتنام في اوضة لوحدها المهم تكون في بيته وقصاد عنيه .. طبعا تعب جدا على مااقنع صخر .. اللي كان رافض الفكره تماما بس بعد زن والحاح مرير وافق ..

ناصر اتعافى ورجع بيته من تاني .. بس واحيد ومكسور وضعيف .. خسر بنته ومراته وكل شيء .. بسبب غبائه وقله ثقته .. بيتردد على عشق بالزيارة .. بيحاول يخليها تسامحه بكل الطرق .. عارف انه شيء صعب بس مش مستحيل .. لحد دلوقتي ماقابلش كريمة رغم ان طلب من عشق كذا مره تبلغ كريمة انه عايز يشوفها .. يعتذرلها .. يطلب السماح .. بس كانت كريمة دايما ترفض

____________

صخر رجع للشركة من تاني وركز في شغله(تقريبا) بس طبعا معاه السكرتيرة الخاصة بيه واللي هي طبعا؟ ايوه عشق!

اللي مبيخرجهاش من مكتبه ابدا! حياته مستقره لحد كبير .. مرتاح وراضي وسعيد ..

اما عشقه فهي مجنناه حرفيااا .. وخصوصا لما يبقى فيه عميله من اللي بتشتغل معاه .. اي حاجة مؤنثة بتيجي جانبه بتبقى عايزة تاكولها دا بجد مش اڤورة منه

______________

في اوضة صخر

عشق بغضب: ممكن تقولي انت ازاي تخليها تقرب منك بالطريقة دي؟! ازااااي تسمحلها تقعد معاك وانتوا لوحدكم هااا .. انت ساكت ليه؟ رد عليا؟ ولا مش لاقي كدبة تقولها

صخر بتحذير: لمي لسانك ياعشق واعرفي بتقولي ايه ودي خامس واحدة تعملي مشكلة كبيرة بسببها! وانا سكتلك كتير فـ كفاية لحد كده

عشق بدموع غاضبة: طبعا هتقول كده مانت فرحان بـ لمة الستات حاوليك بس لازم تعرف انك متجوز يااستاذ ولازم تحترمني وو

قاطعت كلامها بخوف وهي شايفه صخر بيفك حزامه الجلد وبيلفه على ايده وبيقرب منها

عشق بخوف وتحذير: البتاع ده لو لمسني انا هسبلك البيت وامشي

بحاجب مرفوع قال: تسيبي البيت؟!!! كمااان طب انا هعد من واحد ل 3 لو ملقتكيش قدامي متزعليش من اللي هعمله فيكي تمام

عشق بقوة مزيفة: انا مبتهددش علي فكره

صخر: واحد… اتنين … تـ

لسه مكملش الكلمة ولقاها قدمها بصة في الارض زي التلميذ اللي مستني العقاب .. رفع راسها بهدوء: 100مره اقولك متوطيش راسك قصاد حد حتى لو ليا انا

عشق حاوطت رقابته: هو انا اقولتلك اني بحبك انهاردة

مقدرش مايضمهاش .. كأن الغضب كله راح بكلمة بس منها ..وبهدوء قال: لا مقولتيش

عشق بهيام: انا بحبك ياصخري

صخر بأبتسامة: كلي بعقلي حلاوة بقا! بس برده هتتعاقبي ياعشق انا حذرتك كام مره وبردو بتكرريها

شبت على رجليها وباسته من خده: حقك عليا ياصخر مش هعمل كده تاني

صخر: دي خامس مره ياعشق وكل مره بتقولي اخر مره؟ فاكره اول واحده عملتي فيها ايه؟

عشق ببرائة: تؤتؤ مش فاكرة

صخر بغيظ: افكرك انا ياحبيبتي .. وقعتيها على الارض قصاد الشركة كلها قال ايه مش قصدك

عشق بتكشيره: ماهي حضنتك ياصخر

صخر: انتي عارفة انها فاجئتني لو كنتي استنيتي ثواني كنتي هتشوفي هعمل فيها ايه!

ولا التانية اللي وقعتي عليها العصير ..دي ماقربتش مني اصلا!!

عشق : وانت عايزة تقرب منك ليه ان شاء الله كفايه عنيها اللي تندب فيها رصاصة كانت بتاكلك بيهم

صخر جه يبعد عنها .. دفنت وشها في حضنه بالغصب: خلاص وعد مش هعمل كده تاني بس متزعلش مني

صخر: انتي وقعتي القهوة على الست ياعشق .. انتي حرفيا سلختيها

عشق: وانت عرفت انها اتسلخت منين بقاا؟ تكنش شوفت الواوه

صخر بعدها عنه وبصلها بغضب .. عشق لسه هتتكلم قاطعها: مش عايز اسمع ولا كلمة ولسانك مايخطبش لساني ياعشق عشان بجد جبت اخري

قال كلامة وخرج من الاوضة ورزع الباب بعنف من صوته انفزعت ..قعدت على طرف السرير و دموعها نزلت وبقت تشهق بصوت عالي .. صخر زعلان منها ومش بس كدا لا دا ساب الاوضة كلها ومشي .. تعمل ايه في غيرتها اللي بقت زيادة عن اللزوم؟ مبتستحملش اي واحدة تبصله .. هو ليها ولوحدها محدش يشاركها فيه حتى ولو بنظره! ..

عشق ببكاء: ياربي هصالحه ازاي دلوقتي؟

ساعة بعد ساعة وصخر مرجعش الاوضة تاني وطول الوقت دا عشق بتبكي ومش عارفة تصالحة ازاي .. سلطان النوم غلبها وراحت في سابع نومه .. بعد فترة بسيطة صخر دخل الاوضة من غير مايعمل صوت .. قرب من السرير وبص على عشقه .. وشها واضح عليه اثار الدموع .. بلطف شديد مسح قطرات الدموع اللي على عيونها .. غطاها كويس ومن سكات راح نام على الكنبة .. اول مره ينام بعيد عن عشق من ساعة ما اتجوزها .. كان عايز يعاقبها بس اكتشف انه بيعاقب نفسه .. في صراع جواه بأنه يروح ينام في حضنها وبين انه يثبت علي موقفة .. ومابين ده وده سلطان النوم سرقه ونام في ثبات عميق

____________

في صباح اليوم التالي .. صخر ابتداء يصحى وهو حاسس بثقل على صدرة فتح عيونه وبص لقى عشق نايمة جانبة وحضناه او بمعنى اصحى مكتفاه سواء بأديها او رجليها .. ابتسم بحب وبعد شعرها الموجود على وشها .. سرح في جمالها وبقى بيلمس على وشهها بحنان .. فاق لنفسه وحاول يصحيها: عشق .. عشق اصحي

فتحت عيونها الجميلة وزي المسحور قال: غزال

عيون عنيها وسعت بذهول وبصدمة قالت: مين غزال دي ياصخر انت بتخوني؟!!

صخر اتنفض من مكانه وبصوت مرعب قال: انتي اكيد اتجننتي

دفنت وشها في حضنه وبضحكة شقية قالت: انا بهزر معاك ياصخري متبقاش قفوش كده

صخر بتنهيده عاليه: اعمل فيكي ايه بس

عشق بصتله ببراءة: حبني

صخر بهيام: اكتر من كده حب؟ مفيش

عشق: لا فيه حبي ليك

صخر بتريقة: ماهو واضح من كتر ثقتك فيا

عشق بصدق: انت اكتر حد بثق فيه ياصخر .. انا بثق فيك اكتر من نفسي .. بس حط نفسك مكاني وشفت واحد بيعمل معايا اللي هما بيعملوه معاك .. هتعمل ايه

صخر بغيرة عامية: خلي اي حد يبصلك بطرف عينه بس ساعتها ان مقتلتوش وشرب من دمه مبقاش انا صخر السيوفي

عشق بضحكة عالية: ههههههه دخيلو الغيران .. احمد ربنا بقاا اني معملتش معاهم كده

صخر: طب بقولك ايه

عشق: ايه

صخر: ماتيجي نتجوز

عشق: نتجوز؟

صخر: طب والله فكره وهنعمل فرح كمان ومع علي ومريم

عشق بسعادة: وهطل بالابيض

صخر بهيام: وهتكوني اجمل وارق من طلت بالابيض

________________

علي: اخوكي دا غريب جدا ملقاش يوم يتجوز فيه الا معايا

صخر من وراه: بتقول حاجة ياعلي؟

علي بغيظ: بقول ربنا على المفتري

صخر ببرود: اه بحسب

علي: تصدق انك بارد

صخر: عرفتها لوحدك ولا استعنت بصديق

علي: لا انا اقوم امشي من هنا لحسن هرتكب جريمة واشار لمريم يلا يابنتي

_____________

الايام عدت واخيرا جه اليوم المنتظر .. يوم زفاف ابطالنا حفل الزفاف كان معمول على اعلى مستوى وفي اكبر قاعة في البلد .. اكبر رجال الاعمال موجودين .. عدى الوقت وسط فرحة ورقص من العرسان وفي اخر الليل كل واحد اخد عروسته وروح .. صخر كان حاجز جناح في الفندق اما على ف روح على فيلته ..

صخر فتح باب الجناح وبأبتسامة جميلة قال: ادخلي برجلك اليمين

يادوب مشيت خطوة واحد وكان شايلها بين ايديها .. نزلها قدام السرير .. كان في صمت رهيب وسط خجل وارتباك عشق .. وشوق ولهفة من صخر

قرب عليها وهيام قال: واخيرا ياعشق واخيرا بقيتي ليا قدام ربنا وقدام العالم كله

عشق بحب: واخيرا ياصخر

صخر: وعد مني عمري ماهزعلك ياعشق هتبقي بنتي وحبيبتي وصاحبتي ومراتي وكل حاجة بالنسبة ليا هتبقي روحي ونور عيوني عشق بحب: انا بحبك ياصخر انا مشفتش سعادة ولا عرفت الحب الا لما روحك سكنت روحي

صخر: وانا بحبك وبعشقك ياعشق الصخر

قرب منها وضمها وهنا تسكت شهرزاد عن الكلام مباح

الخاتمـة 

بعد مرور 5سنوات 

صخر: يابنتي ركزي معايا بقا .. انتي من ساعة ما ولدتي وانا مش عارف اتلم عليكي

(صخر وعشق ربنا رزقهم بـ ولد وبنت .. توأم زي القمر .. زين وملك .. زين نسخة طبق الاصل من صخر سواء في ملامحه او اسلوبه .. اما ملك فهي نسخه مصغرة عن عشق)

عشق بتكشيرة: مش بنيم عيالك .. في ايه ياصخر

صخر بغيظ: انا غلطان .. بس تعرفي انتي حلال فيكي الخيانة 

قربت منه وبشراسه قالت: خـ ايه .. خيانه؟ طب ابقي اعملها ياصخر ان ما قتلتكش وقتلتها مبقاش عشق السيوفي

صخر قرب منها وحضنها: بقيتي شرسه اووي ياعشقي

حاوطت رقابته: اذا كان عجبك 

صخر بهيام: عجبني ونص وتلت تربع

قرب منها ولسه هيبوسها سمعوا صوت بكاء ابنهم عشق بعدت بسرعة وقربت من زين شالته وبتحاول تسكته

صخر بغيظ : ابنك ده مستقصدني مش معقول كل ما اقرب منك يعيط

قربت منه وهي شايله زين: معلش ياحبيبي دا لسه طفل صغير

صخر: ما اخته زي القمر ونايمة في هدوء مش زي الزنان ده .. قولتلك نجيب مربية تساعدك ياعشق

عشق برفض قاطع: مستحيل ياصخر محدش هيربي ولادي غيري

صخر: ياحبيبتي المربية هتساعدك بس .. انتي تقربيا مش بتنامي ياعشق .. وماما كبرت مبتقدرش عليهم .. دول طفلين عايزين اهتمام ورعاية الضعف .. وانتي مش هتقدري عليهم

عشق بزعل: انت شايفني ام فاشله ؟ انا مش عايزة احرمهم من اللي انا اتحرمت منه ياصخر .. عايزاهم يعيشوا اللي انا معشتهوش انت لسه مش فاهمني؟

حضنها هي وزين: فاهم انتي عايزة ايه وبتفكري ازاي بس انا خايف عليكي ياعشق .. انتي خسيتي النص؟ .. مش مهتمة بيا ولا عارفة تهتمي بنفسك انا بقيت بشوفك صدفة انتي حتى رافضة ان اي حد يساعدك في تربية الاولاد ودا مش صح ياحبيبتي 

بعدت عنه: شكلي مبقاش عاجبك ياصخر ايه بتفكر تتجوز عليا بجد؟ 

صخر بذهول وغضب: انا بجد احترت معاكي ومبقتش عارف اعمل ايه .. وارضيكي ازاي .. انا سايبلك البيت كله وماشي خلي عيالك تنفعك بقا

قال كلامة واخد الجاكت بتاعه وخرج بره الاوضة بل بره القصر كله

عشق عيطت وزين على عياط امه بكى

عشق: شششش بس ياحبيبي ماتعيطش 

زين بغضب طفولي :مامي بابا وحس انا مس هكلمة عسان انتي عيطي

عشق مسحت دموعها: انا مش بعيط ياقلب مامي .. وبعدين بابا داا احسن واحن واحد في الدنيا كلها .. انا بس زعلانه عشان زعلته مني تعال يلا عشان تنام

زين: بس انا مس عندي نوم

عشق بتفكير: ايه رايك تروح عند مريم

زين: هيييييه 

عشق بأبتسامة: بتحب مريم زي عنيك .. بس خليك عارف اكتر حد بيحبك في الدنيا دي هو بابي ماشي ياروحي 

يدوب خلصت الكلمة وملك صحيت ..لبستهم وجهزتهم و بعتتهم مع سعدية على فيلا علي ومريم .. ودا بعد ما اتصلت بـ مريم وطلبت منها تخلي ملك وزين معاها لغاية بكره وابتسمت بشقاوة .. وابتدت تعمل اللي فكرت فيه .. بعد حوالي ساعة او اكتر مسكت تليفونها وبعتت رسالة لـ صخر مضمونها (صخري عشقك زعلانه وبتعيط الحقها) بعتتها وابتسمت بشقاوة .. صخر ممكن يتحمل اي حاجة الا دموعها .. وهي عارفة دا .. وبتستغله .. دقايق عدت وهي منتظره رجوعه بلهفه .. انتظارها مطولش وسمعت صوت عربيه صخر .. جريت قدام المرايه تتاكد ان شكلها مظبوط .. من اول شعرها اللي فرداه ومكياجها البسيط والرقيق وصولا لفستناها الاحمر اللي من غير حمالات ولغاية ركبتها .. ثواني وسمعت باب الاوضة بيتفتح وحب عمرها داخل وعلى وشه تكشيرة اختفت اول مالمحها .. عشق خطفت انفاسه بجمالها ورقتها الي بيزيدو مع الوقت مش بيقلوا .. دايما بتبهره بجمالها ورقتها اللي ملهاش حدود .. حاول يكشر او يبين الزعل بس فشل فشل زريع قصاد ابتسامتها اللي بتسرق قلبه قبل عنيه .. عشق قربت منه وحاوطت رقابته وشبت على رجليها وباست خده برقة: حقك عليا يا كل الدنيا .. قصرت معاك واهملتك خالص .. بس مكنتش اقصد ياصخري وحياتك عندي مااقصد .. انا بس بحاول اخلي كل حاجة مظبوطة وخصوصا في تربيتي للأولاد انا مرعوبة ياصخر مرعوبة ااقصر معاهم بأي شكل من الاشكال! انا عارفة انك لا يمكن تخوني او تتجوز عليا او اي حاجة من الكلام الاهبل اللي قولته .. بس الفترة دي ثقتي بنفسي قلت اووي حاسه اني مبقتش حلوه واني قليلة عليك و

قاطعها: شششششش ايه اللي بتقوليه دا؟ مين دي اللي مش حلوة؟ مين دي اللي قليله عليا؟ اكيد مش بتتكلمي على نفسك؟!! ازاي تفكري بالطريقة دي وانتي معايا وفي حضني معقول انا مقصر معاكي لدرجة انك مش شايفة نفسك في عيوني وجوه قلبي؟ قلبي اللي من يوم ماعرفته واول ما حسيت بدقاته كانت ليكي انتي وبس؟ انتي اللي كتير عليا وعلى اي حد يعرفك ياعشقي .. انتي اجمل واحلى وانضف وارق واحدة انا شوفتها في حياتي

عشق بطفولة: بس ياصخر اانت بتشوف ستات حلوين اوي في الشغل وبترجع تلاقيني بـ البچامة الكروهات .. مش حاطة ميكب ولا عاملة شعري ولا اي حاجة

صخر بهيام وحب صافي: انا فعلا بشوف كتير بس بـ عيوني مش بـ قلبي! انما انتي .. بشوفك بروحي وقلبي قبل عيوني .. دي كفاية عيونك الغزلان دول يا غزالي .. انتي المفروض تحبي نفسك من حبي ليكي وبعدين انا لا عايزك تحطي ميكب ولا تعملي شعرك ولا اي افتكسات من دي

عشق بهيام: اومال عايز ايه

صخر: عايزك انتي .. بـ روحك وحلاوتك البريئة .. عايز عشقي اللي بتغير عليا من اي حد وكل حد .. حتى ولادنا .. عايزك تبطلي تدوري على اي حاجة تزعلي بيها نفسك .. واهم حاجة عايزها منك انك تعرفي قيمة نفسك .. وانك غالية اوووي ياعشق وان مفيش حد زيك في الدنيا .. وتتاكدي اني بحبك ولا يمكن احب حد قدك حتى ولادنا حبي ليهم زيادة عشان هما منك انتي

عشق دفنت نفسها في حضنه .. سعيدة ومبسوطة .. صخر دايما بيديها ثقة في نفسها .. بيحسسها انها غالية 

عشق: ربنا يخليك ليا ياصخر ومايحرمنيش منك ابداا ابدا انا بعشقك ياصخر انت حنين اووي اوي اوي وزي مابيقولوا الراجل الحنين رزق .. وانت رزقي في الدنيا دي ياصخري

صخر: انا شايف ان كفاية كلام لحد هنا وانتي زي القمر كده .. رفع وشها وباسها وضمها ليه و وسكتت شهرزاد عن الكلام المباح … بعد وقت كتير ماحسوش بيه قد ايه .. كانت نايمة جانبة وفي حضنه وهو بيملس على شعرها بحنان .. قاطعت الصمت

عشق: صخري انت عارف بكره ايه؟

صخر: الجمعة ياقلبي بتسألي ليه؟

عشق: لا اقصد تاريخ بكره ايه؟

صخر بتفكير:بيتهيئلي 4ديسمبر .. فيه ايه بقا

عشق بزعل حاولت تداريه: لا بسأل عادي تصبح على جنة ياحبيبي

صخر ابتسم على ملامحها المكشرة ورد: وانتي من اهلها ياروحي

_________

تاني يوم صحيت على اجمل منظر ممكن تشوفه … ملك وزين وحتى صخر واقفين قدام السرير لابسين تشرتات مكتوب عليها 

(happy birthday mamy .. We love you ❤)

دا غير الاوضة اللي متزينة بالورد والبلونات .. عيونة دمعت من السعادة والرضى .. كانت متخيلة ان صخر نسي عيد ميلادها .. بس كانت غلطانه .. قامت بسرعة رمت نفسها في حضنة وسط ضحك اطفالها .. صخر ضمها بحب وبشوق ولهفة … وبعشق خالص قال: كل سنة وانتي منورة حياتنا .. كل سنة وانتي في حضني وساكنة قلبي .. كل سنة وانتي اجمل وارق واحسن مامي في الدنيا .. كل سنة وانتي روحي وكل ما ليا 

عشق: بحبك ياصخر بحبك وكلمة بحبك قليلة عليك وعلى مشاعري ناحيتك

خرجها بره حضنه وباس جبينها وبحب قال: روحي البسي عشان الناس مستنينا

عشق: ناس مين

صخر: البسي انتي بس .. هنزل الاولاد واطلعلك تاني .. باس خدها: يلا بسرعة

قال كلامة وشال ملك وزين ونزل .. عشق بسعادة راحت اخدت شاور وبعدين ابتدت تغير هدومها .. لبست فستان اسود بسيط بس كان عليها روعة .. وحجابها اللي نور وشها .. يادوب خلصت ولقت صخر بيضمها من الخلف 

صخر بهيام: مين المجنون اللي قال ان اللون الاسود .. لون حزين .. اكيد ما شفوش حبيبي وهو لابسة .. شكلك احلي من القمر ونجومه ياعشقي

عشق: قلب عشقك والله ولم ايدك دي متوترنيش

صخر: ههههههه دائما تبوظي لحظتنا الرومانسية

عشق بأبتسامة: انت اللي بتقل ادبك ..الله!!

دفن راسه في رقبتها: طب يلا ننزل دلوقتي قبل مااتهور وانا بصراحة هموت وتهور 

خلص كلامة وكانت عشق جريت عند الباب وببتسامة شقية قالت: الناس مستنية تحت يلا 

قرب منها مسك اديها فتح الباب وخرج هو وهي .. عشق انصدمت من كم البلونات والورد اللي متزين بيها القصر .. بصت لصخر بعدم تصديق: لحقت تعمل دا كله؟

صخر بأبتسامة: تقدري تقولي اني محظوظ ان حبيبتي نومها تقيل 

فهمت من كلامة انه طول الليل صاحي وبيجهز المفاجئة دي

عشق: ينفع احضنك

صخر بحب: مينفعش عشان مش هستكفي ابدا بمجرد حضن

عشق: هههههه انت قليل الادب ياصخر

صخر: ومعاكي انتي بالذات مشفتش بجنية تربية

___________

الوقت عدى وسط فرح وسعادة عشق .. اللي كل حبايبها كانوا موجودين .. جوزها وحبيبها و اولادها .. وكمان كريمة وناصر موجودين .. علي ومريم كمان موجودين ومعاهم بنتهم شهد .. اللي زين ابن صخر مبيسبهاش دقيقة زي ماتكون

زين: سهد تاعتي 

صحيح عشق منسيتش اللي ناصر عمله فيها .. بس مقدرتش تفضل كرهاه وخصوصا بعد معاملته ليها اللي اتغيرت 180درجة .. للاحسن طبعا .. كريمة مقدرتش ترجع لناصر من تاني رغم محاولاته الكتيرة .. بس باتت بالفشل .. كريمة قدرت تتقبل وجود ناصر بس كـ اب لبنتها غير كده لا ..

ساعات عدت وسط فرح وبهجه للكل .. اخر الليل كله روح بيته .. زين وملك نامو .. والجو خلي على عشق وصخر

عشق: صخر بتغمي عيوني ليه

صخر: يمكن محضرلك هديتك لسمح الله يعني 

عشق: حبيبي انت انهاردة غرقتني هدايا .. بجد .. يعني طقم الماس واشترتلي بيت معرفش ليه؟ وهدوم كتير قليلة الادب زيك ياروحي وحاجات كتير .. وكده هتفلس يابابا

صخر: كل دول قليل على روح قلبي وكفاية رغي وتعالي .. اصلا عارف ان كل ده مش واو عندك 

عشق بحب ورقه: لو ورده بس هفرح بيها .. عشان منك انت ياصخري 

صخر: لا وحيات ابوكي انشفي شويه عشان انا على اخري

عشق: ههههههه

صخر: بس يابت زين هيصحى

عشق: زين عاملك روشة والله

صخر: دا مستقصدني صدقيني .. المهم تعالي

اخدها من ايديها وهي عيونها مغمضة .. واتوجه عند اوضة كان رافض رفض تام انها تدخلها تقريبا اكبر اوضة في القصر كله محدش بيدخلها غير صخر .. صخر وبس .. فتح الباب ودخلها ودخل وقفل الباب وراهم

صخر: جاهزة

عشق: اه

بهدوء شال الشريطة اللي كان مغمي بيه عيونها .. عشق فتحت عيونها وجالها حاله ذهول من اللي شافته

عشق بصدمة: صخر ايه دا

جدران الاوضة كانت عليها الاف الصور لعشق .. حتى السقف كان عليه صور ليها .. صورها من وهي طفلة بضفاير لحد يومنا هذا وهي في حفلة انهارده الصبح .. صورها وهي حزينه وسعيدة .. وهي بتبكي وبتلعب .. صور فيها حياتها كلها 

بصت لصخر بذهول وعيونه مليانه دموع السعادة: ايه ده ياصخر ايه ده؟ انا … انا مش عارفة اقول ايه

صخر حاوطها بأيده: دا كنزي وكل ما املك .. دا حبي ليكي .. الصور دي فيها عمري كله .. فيها هوسي وجنوني بيكي .. انا لو قولتلك بحبك هبقى بظلم قلبي ومشاعرة ليكي .. انا بتنفسك ياعشق .. من اول مره شوفتك فيها وانا بقيت مجنون بيكي ..اه كنت لسه صغير بس احساسي بيكي وليكي كان اكبر بكتييير من عمري .. صدقيني فكروني مجنون ومهوس بطفلة صغيرة .. الفرق بينا مش كبير .. بس انا اتسحرت بيكي وانتي صغيرة اوي .. عارفة والدي لما في مره بالغلط شاف صورك دي كلها افتكرني مجنون ومحتاج اتعالج وابطل الهوس ده .. يمكن دا اللي كان مخليه مصمم اني اتجوز واخلف عشان اخف منك .. مكنش يعرف ان ده حب وعشق وغرام مني ليكي .. اللي فهمتني ماما كريمة .. قالتلي طول ما انتي مش حلالي ولا مكتوبة على اسمي انساكي او على الاقل مظهرش حبي ليكي الا لما اقدر افوز بيكي .. انا مجنون بيكي ياعشق .. بس جنان حلو .. انتي كل حاجة انا اتمنتها وحلمت بيها .. عايزك دايما تثقي فيا وفي حبي ليكي .. عشان انتي ادماني .. ادمان عمري ما هخف منه

عشق بدموع: انت العوض ياصخر .. عوضي عن كل حاجة اتحرمت منها .. انا مش عارفة اقولك ايه .. مش عارفة اوصف مشاعري .. بس خليك متاكد .. اني من غيرك ولا حاجة .. انت النفس اللي بتنفسه .. لو بعدت عني هموت .. انت اماني ياصخر .. اماني وحبيبي وابو ولادي وحته مني وانا بحبك اووي وحاسه اني هعيط وتقريبا انا حامل

صخر: هههههه حامل! بطلي هزار يامجنونة

عشق: لا والله حامل بجد انا صحيح نسيت اقولك بس انا والله حامل

صخر بتحذير: لو دا مقلب منك فهو مش لطيف 

مسكت ايده حطتها على بطنها: وحياتك انت في حته منك بتكبر جوايا  

شالها ولف بيها وسط ضحكات عشق … واخيرا وقف وضمها: ربنا يحميكي ليا و لولادنا يا كل حاجة في حياتي بحبك ياعشق الصخر

وتوته توته وخلصت الحدوتة .. يارب تكون حلوة مش ملتوته ???????? وكده نكون خلصنا عشق الصخر ..