رواية عائلات راقيه بفسادها الحلقة الثانية والعشرون 22 بقلم أروى طاهر المسلاتي

 رواية عائلات راقيه بفسادها الحلقة الثانية والعشرون 22 بقلم أروى طاهر المسلاتي

رواية عائلات راقيه بفسادها الجزء الثاني والعشرون

رواية عائلات راقيه بفسادها البارت الثاني والعشرين 

رواية عائلات راقيه بفسادها الحلقة الثانية والعشرون 22 بقلم أروى طاهر المسلاتي


رواية عائلات راقيه بفسادها الفصل 22

رؤى:فاقت من المهدئ وهيا حاسه ان راسها مش متوازن والدنيا تلف بيها💔
حست بي حد مسكلها يدها بحنيه ❤️
ولما قامت عيونها فيه شافاته💔💔
جاها بعد ماطاح البيبي !!
جاها بعد ماخلاها ايام وليالي بلاه بدون حتى عذر مقنع ولا سبب!
سحبت يدها بسرعه وحطتها ع قلبها وهيا حاسه بحرقه💔
سحبت الغطا عليها وعطاته بي الضهر تبكي ودافنه راسها ع المخده

رعد:حط يده على كتفها
رؤى:نفضت يده بقوه وهيا تبكي بشهقه
رعد:متضايقيش خلاص ....ربي يعوضنا مخسرنا شي
رؤى:ناضت قعمزت وهيا حواجبها ودموعها ينزلو
خسرناااااا؟؟؟؟؟؟
انت رابط روحك بيا ع اي اساس؟؟
انا يلي جيت طايحه وانا يتحملت بروحي كل شي
وينك انت لما كل يوم راقده برووحي ؟؟؟
وينك انت لما نزفت ودمي قريب نززززح!!
وينك انت لما متحمله كلام وقرف اختك كل يوم
رعد:نزل عيونه ع الارض وهوا متنرفز ومش عارفه شنو يرد عليها!!
رؤى:خلاص
لعند هنايا انا مش قادره نتحمل انت مش قد المسؤليه
مش قادر تحافض عليا ولا قادر حتى تحافض ع ولدك💔💔💔
ولدك يلي كان وسط بطني ....ونهارت بي البكي
فهمننننني علاش!!!!
علاش ابسط شي تسافر وتخليني بي الشهور
شن عندك ؟؟؟ليش انا ولا شي عندك😭💔
رعد:نطق ورفع عيونه ....زي ما انتي مرتي هيا مرتي
رؤى:عقدت حواجبها وعيونها متورمات من البكي ....هياا؟؟
من هيا؟
رعد:سكت متكلمش
رؤى:تتكلم بصدمه....طلقتها قدام امك ورديتها من وراها!!؟
رعد:قرر انه خلاص يواجه رؤى ويواجه عيلته كلها وقف وواضح من وقفته انه ثابت ....اي
مقدرتش نقعد بعيد عليها
رؤى:سكرت فمها يلي كان مفتوح بصدمه!
كل مره تكتشف شي يصدمها فيه 💔
المره الاولى فهمت انه يحب مرته ومش قادر يصدق انها توفت💔
بس فجآه تكتشف انه تزوج مره تانيه من حب حياته وطلقها عشان امه💔
وتوا للمره الثالثه تنصدم انه رجع مرته على ذمته من دون علم اهله💔
طلع رعد وهوا مخلي رؤى عايشه في صدمه وحاله نفسيه متأزمه اكتر من قبل
داخل قلبه يصوت يقوله خلاص انهي العداب يلي انت عايش فيه واكشف للكل رجوع مرتك ليك
خلاص في النهايه انت مش مداير شي حرام✅

__________________________________

حسام:درس بسيارته ونزل لي ارسولان ....اهلا اهلا بي جاري
وتي حوايجك حتى انت باش ترحل معاهم
ارسولان:قام راسه وقرب عليه
قام يديه وقعد يشوفلهم....انت عارف يديا هاذم قداش قتلو واحد في الحرب !!
حسام:بلع ريقه ومردش
ارسولان:بعد من عليا احسن ما تكون رقم معاهم لان وربي ماني راحمك
طلع امير فجآه عليهم عشان يخرب الدنيا
هجم امير على حسام ونهمر عليه بي الضرب لين طاح حسام ع الارض
وركبت الغبره حواليهم بسبب العنف يلي صار بينهم بس مع هاذا امير موخرش وكان يضرب فيه بدون وعي
خش بينهم ارسولان وحاول يحز يلي صاير لان الموقف يلي فيه امير ميتحملش اي شي يجي ضده ابدا!
حسام:ناض من ع الارض وهوا يجري ويطيح لين خش للحوش
اما امير كان يحاول يتخلص من ارسولان يلي كان ماسكه بي السيف ويمشي يخلص عليه بي الرسمي
______________________________________

هبه:تبكي بشهقه....وررررحمه
رقيه:بحركات غريبه كأنها مريضه نفسيه....مش انا يلي قتلتها وحق ربي كانت هيا
هبه:من هيااااا؟؟
رقيه:ابتسمت....جميله
تلف في شعرها وسارحه.....جميله مرت عم امير
كانت خايفه يكون البيبي يلي في بطن رحمه من راجلها
هبه:ترعش وهيا مصدومه...راجلهااا؟؟؟
رقيه:اي راجلها كان معاهم
هه كانت فاسقه الله يرحمها شوفي كيف ربي بعتني ليها عشان نسمم بنتها رزان وربي يحسسها بنفس حرقة القلب يلي حست بيها ام رحمه
هبه:كامته بكيتها....كيف طاوعك قلبك💔💔
علاش هاذا كله حرام عليك
رقيه:انا باعتني ربي باش نحقق العداله بس
هبه:حست من كلام رقيه ونضراتها انها جديات مريضه نفسيا....ووين عدالة ربي انك تخطفيني ؟!
رقيه:تحرك في رجلها يمين يسار ونزلت عيونها وهيا تحكي ....انا يلي اهتميت بيه
ماكلته شرابه لبسه نضافة غرفته ....كل شي كان مسؤليتي
لما نكون جنبه مستحيل ينقصه شي
وين العداله تجي تاخديه هكي ع البارد ولو تجي للحق انا اولى بيه!!؟
هبه:عقدت حواجبها....خدااااامه
يلي تحكي في صفاتها خدامه مش حبيبه
هوا حبني گ هبه مش لان نقدمله في شي
ومش شرط يحبك
رقيه:تحولت ملامح وجها فجآه ونقزت فوقها تخنق فيها
هبه:عيونها بيطلعو من كثر الخنق وهيا حاطها يديها على يدين رقيه وتحاول تفكهم
رقيه:معششششش تقووولي يحبني
معش تقوووولي يحبنننننننيييي
هبه:دموع عيونها ينزلو من الخنق وحست نفسها خلاص بتموت بس في اخر لحضه نقذها صوت جرس الباب يلي طق فجآه
رقيه:بعدت من عليها وطلعت تجري من الدار
سكرت الباب ورتبت نفسها عشان تطلع بي منضهر طبيعي
شافت لي نفسها في المرايا عشان تتأكد ان منضرها تمام
خدت نفس وفتحت الباب ....

امير:اهلين
رقيه:شافت لي ماريا وامير يلي كانو واقفين جنب بعض وواضح على ماريا التوتر ....ابتسم رقيه وكان على وجها ملامح الصدمه
رقيه:اهلين بيك استاذ امير ❤️
امير:حوش منو هاذا؟!
رقيه:حوش بوي الله يرحمه
وقاعده حاليا انا وماما مريضه عندها فشل كلوي وكل جمعه دوري من بين خواتي
امير:اهاااا
رقيه:كيف قدرتو تعرفو عنواني ؟
امير:يلي يسأل ميريحش......اءءء اممم مش عارف كيف بنقولها بس ماريا غبيه شويه وفكرت ان مثلا هبه ممكن تكون عندك
رقيه:هبه؟!
علاش ممكن تكون عندي مش هيا مفقوده؟
امير:رجع شعره للخلف بتوتر....اي ايي
تنهد وخدي نفس عميق شاف لي ماريا....اطلعي قدامي
ماريا:مسكت في يد امير همست في ودنه ....مش م....
امير:قاطعها....يااااسر
يكفي الموقف البايخ يلي نحطيت فيه خلاص
ماريا:سكتت
امير:سامحينا ع الازعاج وسلميلي ع امك
رقيه:بكل هدوء....يوصل
وسكرت الباب
امير:خلاص تهنيتي توااا؟؟
انا مفهمتش وين كان عقلي لما جيت وراك وطقيت ع بنت الناس باش نتهمها بحاجه زي هكي بعدين شن تبي في هبه اصلا باش تخطفها
تي كيف بنت تخطف بنت اصلااااا الزززززح ....ونزل وهوا متكنطي
ماريا:شافت لي باب رقيه للمره الاخيره وقلبها مقبوض
لكن سيباته ونزلت ورا خوها 💔

هبه:واقفه ع الروشن وتشوف في امير من الشق يلي موجود بين اللوح
خبطت ع الروشن وهيا تنادي بي اسم امير وماريا
لين حلقها جف
بس للاسف مكانش فيه رد ولا سمعوها اصلا
كان قلبها يتقطع وهيا تشوف لي سيارة امير تباعد شوي شوي

______________________________________

موده:اهلين عمي الشرطي ...نقدر نخش عادي
صدام:شافلها من فوق لعند لوطه .....بلا استزراف خير ما تباتي في الشيلا اليوم
موده:في خاطرها تحكي ...شيلا؟؟
شن الاسلوب البلطجي هوا!!

خشت موده ....صباح الخير
ووقفت بخوف لما نحدفت المرايا جنب وذنها بزبط وطاحت تكسرت
جنان:صباح النممممم......متحاوليش تدوي معاي اصلا شن جاب اهلك انتي ع الصبح!!
موده:قعمزت....بنهبل مش جايني نوم طول الليل
نفكر في هبه ومصيبة ماريا كيف فجآه قعدو بدون اي شي يملكوه ولا حتى حوش!💔
بنهبل نحس في روحي مكتفه
جنان:ع الاقل معندكش حد خرا زي النم واقف قدام باب دارك ومحسسك انك في سجن بوسليم
صدام:من برا...نسمع فيييك
جنان:اسكت من عليااااااا
صدام:ابتسم بخبث وهوا يسمع في صوتها ومستمتع بي دمها المحروق
جنان:ماشيه جايه .....وين بتكون؟؟؟
وين بتكووووون وين مشت عارفتها غبيه لكن مش لدرجة حد يضحك عليها ويطلعها خصوصا انها تحب دراه الكبد خو اللفعه
منو عنده المصلحه بيخطفها وهيا مريضه وغبيه ومفيهاش اي فايده!؟؟؟
حتى لو يبو فلوس مقابلها كانو اتصلوو
موده:حطت يديها ع واسها وهيا تحكي....حتى بابا طلع يدور معاهم
انا مقدرتش نمشيلهم ام هبه في المشفى طول الوقت راقده بي المهدئات
وخوتها الصغار عند ام ارسولان
وعيلة ماريا كلهممم في حوش ارسولان معندهمش وين يمشو حاليا
جنان:بنطلع بندير حل مش معقوله بنقعد مقعمزه هكي ...فتحت الباب ووقفت قدامه

جنان:بننزل لي الصيدليه بناخد حاجه
صدام:قولي شن الحاجه وتجيك لعندك
جنان:قامت حاجبها....حاجة بنات مينفعش نقولها
صدام:اكتبيها🙂
جنان:اخر مره بنقولها....بننزل لي الصيدليه
صدام:قرب منها هلبا ويحكي بتحدي....وانا قلت خطوه برا غرفتك مش رح تخطيها
جنان:قعدت ثابته في مكانها متبيش تتحرك ويفهم انها تستلم
وصدام نفس الشي قعد في مكانه واقف وكان بين وجه جنان وصدام شعره بس!
نزلت عيون صدام تفصل في جنان وملامحها
وتغيرت طريقة نضراته ليها
ولما جنان حست ان في شي غلط دفاته وحاولت تهرب لكن هووووب
مسكها من رجلها وطاحت ع الارض
مع هاذا كله استمرت تزحف باش توصل للمصعد (الاصنصير)
بس صدام جبدها وثبت يديها ع الارض وهوا فوقها ويعيط
صدام:كلاااااااامي مينعادش
الاوامر انفذ فيهااااا وربي لو تبيني ننوى معاك الشر نقتلك ومريح بوك منك سااااامعه؟؟!
جنان:راقده ع الارض وصدام مثبت يديها فوق راسها وجسمها مش قادره تحركه عشان صدام
كانت جنان تتنفس بسرعه ومش قادره ادير اي رد فعل !
فجآه طلق صدام يدها بهدوء وحط يده ع وجه جنان
جنان:بلعت ريقها وفي دقايق زي هاذي بس حست بي ضعف
صدام:مسح ع فمها وجنان قلبها يدق اكتر واكتر
قام يده وهوا يشوفلها....نوضي اغسلي الدم يلي نازل من خشمك ع فمك بسبب الطيحه وزيدي تصرفي زي الصغار
جنان:تحشمت من نفسها الف مره لانها فكرت بي نضرات صدام ولمساته ع وجها غلط 💔
ناضت من قدامه وخشت لي غرفتها وهيا تجري
اما صدام طلع من يده شيشة اميه ووقف ع الروشن يغسل فيها
مسح يده بي كلينكس وفي راسه يسترجع في لحضات لمس جنان لوجها ❤️
عقد حواجبه وطرد الافكار الغريبه هاذي من راسه
ورجع لي وقفته زي العاده

🔥رِوَايـــــــــات بـــَـنـُـــووتِـــة الشـِــيـــْـخ🔥
🔥أروى الــــطـــاهــــر المــســلاتــــي🔥
القــــــروب الاصلي 400الف

اسراء:حضنتها.....الف الحمد الله ع السلامه
يتعوض ياقلبي ردي بالك اضايقي روحك
رؤى:ابتسمت بوجع ومقدرتش تحكي
امينه:حضنتها....حبيبتي انتي معليشي جت العين فيه
صغيره ومزال الوقت قدامك تو تجيبينا10صغار يملو ها الحوش
رؤى:قابلت امينه بنفس الابتسامه وكملت تمشي بتعب لين وقفت قدامها ناجيه
ناجيه:الحمد الله ع السلامه
رؤى:شافتلها نضره طووويله والكل حاير في رؤى خيرها؟
هاذا عشان طاح البيبي ولا في شي تاني !!
رؤى:هزت براسها وهيا تقول ...الله يسلمك
ووحده وحده ودرجه درجه قدرت توصل لي غرفتها
سكرت الغرفه وهيا تبكي بحرررقه
هيا ابدا مش طايقه حد موجود في الحوش هاذا 💔
ومقدرتش تروح لي حوش بوها لان كان زحمه ومعبي مشاكل
عيلة احسان وصغار احلام يلي هما خوت هبه
كان الوضع متوتر متبيش تمشي وتزيد عليهم يكفي امها مضايقه ع خاطرها وع يلي صاير فيهم

سكرت رؤى باب غرفتها بي المفتاح واتجهت لي السرير طول تمددت عليه وحاولت ترقد وتنسى يلي صار معاها

__________________________________

جميله:مربعه يديها وتتفرج على حوش جلال (اب ارسولان)من الروشن
اريج:من خلفها....امي
جميله:سارحه....ها
اريج:زعمى ميديروش مشاكل لينا بعد ما خدينا المزرعه؟
جميله:الحاجات هيا مش ليك معش تفكري فيها
اهتمي بي دروسك بس
اريج:تنهدت.....به
انا خديت غرفة ماريا وبديت نرتب في اغراضي
جميله: كويس
اريج:طلعت وسيبت امها
امها يلي كانت حاسه بي انتصار كبير !
طول عمرهاومن ارل يوم تزوجت فيه كانت غايره من ليلى
لبسها شكلها ذوقها ....كل شي
وزادت لما راجلها يشكر في ليلى قدامها ويقوللها حاولي تكوني زيها 🔥
هنايا بس زادت شعلت نار الغيره وحلفت وكانت رح ادير المستحيل عشان ادمر حوشها وعيلتها
زادت غلضت قلب راجلها على خوه !
وقلب حسام ولدها على ولاد عمه 💔
وقلب بناتها على بنت عمهم
وبي هكي تعطينا النتيجه تفكك عيله تامه!

______________________________________

اسلام:حسب علمي ان بدينا مشردين بدون حوش
واخرتنا خيمه تحت الكوبري ولا؟؟
علاش مهتمين بي البنت يلي رايحه ولا هاربه هادي وهيا عندها اهل؟؟
مش مفروض نلهو في مشاكلنا!
احسان:ولع دخانه وعلى وجها علامات اليأس....خوك يبيها البنت
بعدين خلاص مفيش حل!
قلبنا الدنيا محاكم وقضايا وطعون ومحاميين
مفيش شي يرجعنا ولو شوية من الاملاك الا بي إرادتهم الكامله بدون اي ضغط
اسلام:شنو يعني؟؟؟
وين بنعيشو؟بنقعدو هنايا ولا كيف
احسان:تنهد.....بنكلم صديقي جمعه يشوفلنا شقه للايجار مؤقته
بعدين يدير الله طريق
اسلام:انا مفهمتش شن داير في حياتي بس
طول عمري ع حالي حتى باب الدار نسكر فيه بشويه الزح علاش يصير فيا هكي طلعوني من داري ومن الحوش كله
اخخخخ قداش متغلل عليهم
جلال:قدم بي خطواته البطيئه وبي ملامح وجه طيبه.....وكل ربي فيهم ياولدي
وحط السفره ع الطاوله.....اشربلك شاهي بي النعناع يروق اعصابه وبي اذن الله تفرج متخافش
اسلام؛والله مفي من مصبرني على الدنيا غيرك تسمع سلاح وخبط تقولنا عراس
تشبح دخان طالع من حريق تقولنا ناس مزردين ومدايرين شويه ورشده ع الحطب وربي مفي احسن منك
جلال:يضحك....اشرب اشرب ودعيلي

____________________________________

ليلى:وين كنتي؟!
ماريا:مع امير ...
حسنه:شن صار مفيش اخبار على بنت احلام؟!
ماريا:لا والله ياعمتي قاعدين يدورو
حسنه:تنهدت.....ارسولان من امس مروحش مبكري جي شويه وطلع
مداير جهده هوا وامير ربي يجازيهم الخير يارب ويلقو البنيه سالمه مافيها حاجه حرام متستاهلش
ماريا:امين يارب
شافت لي امها....شن بيصير فينا !؟
ليلى:وجها تاعب وعيونها متورمه من البكي....الله اعلم متسأليني ع شي
ماريا:خدت بعضها وناضت للحمام

سكرت الباب وانهارت بي البكي 💔
فقدان هبه كان حارقها من داخل قلبها🔥
وزاد الوضع يلي هما فيه
ماريا تغيرت 180درجه على اول ما عرفناها
توا هيا تبكي ومنهاره عشان هبه!؟
هبه يلي كانت تهزب فيها وهازيه عليها ومش معترفه ابدا انها تكون صاحبتها !!

_________________________________

هبه:فاقت من دوختها على شوية اميه رشتها رقيه على وجها
فتخت هبه عيونها وغصلات شعرها المبلوله متناثره في كل مكان على وجها عشان تشوف وجه رقيه قدامها وتزيد تتأكد انها مش في حلم!!

رقيه:نوضي لازم تاكلي
هبه:قعمزت وهيا متوازنه ...شافت لي رقيه
مش بتقتليني؟
رقيه:تاكل وتحكي وهيا مبتسمه....اكيد
بس مزال مش توا
هبه:بلعت ريقها ....امتى!
رقيه:منعرفش اسبوع شهر سنه!
لعند خلاص امير يقتنع بي انك هربتي وخليتيه
ونزلتي سمعت اهلك في الارض
هبه:في شنو علطت معاك انا 💔
مفيش مره سمعتك فيها كلمه تجرحك
مفيش مره مشفتش وجهك وابتسمتلك علاش تحرقي في قلب اهلي عليا فهميني
بدت تبكي وتترجى في رقيه تخليها تمشي ووعدتها مش رح تحكي لحد وانها تبعد على امير
رقيه:اختفت الابتسامه من على وجها....منحبش اي حد يتكلم وانا ناكل
يالله كولي يلي جبتهولك .....
ناضت رقيه طلعت من الدار بعد الكلمتين يلي حكتهم
اما هبه قعمزت فكرت لحضات

رقيه مهما كانت تخرف هيا بنت في النهايه والواضح انها مريضه!!
جية امير اليوم ممكن تكون امل ويلقوها ؟!
وبما ان رقيه مريضه بي شي اسمه امير فمن الممكن ان تحاول تضحك عليها بي كلمتين وتوهمها بحجات مش موجوده
وهاذا كله يحتاج صح كويسه عشان تقدر تتحمل
بدت هبه تاكل وهيا داخلها خلاص قررت انها لازم تطلع من المكان هاذا بي اي طريقه
قامت عيونها في الروشن يلي كان من برا مسكر بي خشب
بدت تفكر كيف ممكن تقدر تفتحه وبعدين ساهل تلقى حد يساعدها بحكم ان العماره في حي سكني

______________________________________

بدت الشمس تختفي شوي شوي
وهاذا تاني يوم على اختفاء هبه💔

روح امير بعد ما لف المدينه كلها وشبه فاقد الامل 💔
خش لي غرفة ارسولان وطاح ع السرير وكل شويه شوف لي تالفونه ممكن فيه مسج او اتصال حامل اخبار هبه !

روحت احلا من المشفى لي حوشها وگ اي ام قلبها محروق ع بنتها ومتوقعه خبر موت هبه في اي لحضه
خدت صغارها الاثنين لي حوشها وسلمت حكامها لي ربي
طول الوقت تدعي وتبكي لان ببساطه خلاص مفيش طريق غيره

رؤى كانت حرفيا اسوء ليله تمر عليها💔
خسرت ولدها واعتبرت نفسها حتى خسرت رعد
وهيا حاليا في غرفه مضلمه مفيش حد معاها!
امها كانت لاهيه بي الناس يلي عندها رغم ان كان قلبها مع رؤى بس مقدرتش تبات في حوش رعد وتخلي اهل ارسولان بروحهم 💔
كل محاولات امينه واسراء في تغيير جو رؤى انتهت بي الفشل
وكل محاولات منيره في انها تهلي رؤى تعيسه نجحت !!

نفس اي روتين 🤷🏻‍♀️
روحت موده وقعدت جنان محبوسه في غرفتها ورفضت تمشي المدرسه بدون هبه وماريا
ونفس الشي دراته موده
كأنهم صاحبات من 20سنه
غابت وحده عليهم معش وحده فيهم عرفت تعيش حياتها طبيعي 💔
مكأنهمش الاعداء ال4يلي من اول ما تلاقو مش متحملين بعض !!

🔥رِوَايـــــــــات بـــَـنـُـــووتِـــة الشـِــيـــْـخ🔥
🔥أروى الــــطـــاهــــر المــســلاتــــي🔥
القــــــروب الاصلي 400الف

ماريا:كانت مقعمزه اطلع في اغراضها من الشنطه
جت عينها على الررق يلي انجاب بي الغلط من حسام
خدت ماريا الاوراق ومشت بيهم لي غرفة ارسولان وين ما موجود خوها امير

امير:بعد وقت طويل وهوا يشوفلهم ....صفقات فاسده وغسيل اموال
ماريا:شنو يعني !
امير:لوح الورق ع الارض .....مليشي اي معنى مدام مفيش اسمهم ع الصفقات
ماريا:خاب املها الاخير....
امير:انتي من وين جبتيهم؟
ماريا:اءء انا منعلمش لقيتهم معاي ممكن لما طلعت جو بي الغلط
امير:رجع رقد وهوا متحطم بدرجه رهيبه
وماريا محبتش تزيد عليه اكتر من هكي انسحبت بهدوء

___________________________________

هبه:حاولت تفهم من شق الروشن العماره هاذي وين تقع بس مقدرتش
وقفت ع الباب وبدت تشوف من شق المفتاح
كانت الشقه هاديه ومرتبه بدرجه كبيره
طول الوقت رقيه مرتبه نفسها ونفس تسريحة الشعر
لافه شعرها كعكه على رقبتها وتبان مرتبه هلبا وبريئه
حست هبه ان مستحيل حد يشك فيها
وبدت تتخيل في نهايتها ع يد رقيه وان مفيش حد بيعرف شنو صار والله اعلم لما تنقتل هل تندفن او جثتها تتقطع وتتلوح؟
ركبها هبه الرعب من الافكار يلي جت في راسها بس مع هاذا حاولت تتماسك
سكرت عيونها لحضات وهيا تفكر في احلا لحضات قضتها مع خواتها الصغار ومع امها ❤️
وبوها يلي مداير كل جهده عشان يوفرلها يلي تحبه !
مع امير واول مره يعترفلها بحبه ويقرب عليها
فتحت عيونها ومقدرتش تمسك دموعها 💔

__________________________________

ارسولان:تتهد بتوتر...مش وقته
ماريا:خشت .....عارفه 💔
بس مقدرتش نمنع روحي ومنجيكش
استاحشتك وخايفه والف حاجه فيا ارسولان
ارسولان:تعالي
ماريا:قربت
ارسولان:حضنها .....اهدي
كلها ايام صاعبه وتختفي خلاص هبه سيوره نلقوها والحوش والمزرعه وكللل الرزق يرجع بس محتاجين وقت
ماريا:خايفه يصيرلي شي
ارسولان:بعد من عليها....شي!؟؟؟
على شنو تحكي
ماريا:حسام و......
ارسولان:مسك راسها وتكلم بجديه ....ردي باااااالك
ردي بالللك مزال تعاوديها
مفيش ذكر ولد امها جايباته ع الدنيا يقدر يديرلك حاجه ولا يقربك حتى بنضره وانا عايش
سامعتيني ؟؟
ماريا:هزت راسها بمعنى اي
ارسولان:رجع حضنها والمره هاذي بقوه ❤️
كأنه خلاص تأكد انها ليه وملكه واكتفى بيها❤️

_____________________________________

#تسريع_في الاحداث

فات على هاذا كله4ايام كاملات
4ايام خوف وتوتر ورعب ليهم كلهم
4ايام هبه مش معروف عليها حيه ولا ميته !!!
4ايام رؤى مش فاهمه ترجع حوش بوها ولا يرجعلها رعد وتفهم منه!!
رعد يلي مش معروف وين اختفى في الجديد!!
4ايام وامير خلاص معش قعد ذرة عقل في راسه لدرجة انه يضرب في اي شي قدامه ومعش قادر يتحكم في اعصابه حتى شويه
4ايام والبنات بيهبلووو كل وحده منهم مش عارفه شنو يلي لازم اديره!؟

_____________________________________

هبه:طايحه ع الارض فتحت نصف عينها لما شافت الضي خش لي غرفتها المضلمه في عز الضهر

رقيه:صباح الخير
هبه:مقدرتش ترد
رقيه:تلبس في جاكيتها...جيت بنبهك ان اليوم خلاص
مفيش يبرت سكر ولا في فطور
هبه:تسمع لي رقيه ومش قادره تحكي
رقيه:تنهدت .....حاسه ان امير بطل يدور وبدي يلعى بي شغله وحياته
الشي هادا خلاص ساعدني ان نرحمك ونخليك تموتي بسلام من دون سم ولا شي
خليها موته طبيعيه من السكر يلي فيك
والرحمه هاذي متستعملش فيها ديمه ره !
لانك كنتي كويسه معاي لا اكتر
هبه:لفت نفسها عشان ترقد ع ضهرها
تأكدت هبه انها خلاص ميته ❌
ومعش في اي فرصه ان حد يلقاها
رقيه:تلبس في شخشيرها .....كتبت رساله حلوه من تالفونك وخديت شوية صور بعد مافتحتس الرمز ياعزاله ونعرف امتى نبعتهم كويس
هي توا نخليك
هبه:مهما اديري رح يقعد يحبني ومستحيل ينساني
رح يقعد يدور عليااا حتى لو متت مستحيل تخليه يحبك
رقيه:لوحت شنطتها واتجهت لي هبه
ضربتها كفوف ع وجها وهبه تعافر فيها بي شوية القوه يلي عندها لين خلاص
فهمت رقيه ان معش مزال هلبا وقت
خدت شنطتها وطلعت
واستمرت هبه مرميه ع الارض تنادي بي اسم امها 💔
____________________________________

حسام:نزل من السياره ....اهلا بي اللاجئين
مفروض تشكرونا والله لعند توا مستحملينكم في مزرعتنا
ماريا:غطت نفسها بي الماليا كويس ومردتش
حسام:ابتسم وطلع تالفونها وخش الحوش
لما طلع تالفونه طاح منه مفتاح سيارته
وماريا كانت مراقبه الموقف هاذا كويس
وقفت ع روشن السياره تشوف وطاحت عينها ع اللاب توب ....خدت المفتاح
وفتحت السياره بهدوء وقلبها يدق بقوه من الخوف وطول الوقت تشوف يمين يسار
خدت اللاب توب ورجعت المفتاح في نفس المكان يلي طاح فيه
وخبت اللاب توب كويس في مخزن ارسولان

_______________________________________

يوسف:به شنو يلي بديره اكتر من هكي مفيش حلول معش تضغط ع نفسك
امير:درق يديه بعيونه وهوا يحاول يتماسك
يوسف:قداش ليا متلقيتش معاك ومكنتش نعرف شن يلي صاير
امتى حبيت لهدرجه امير شن يلي جاك!!
ارسولان:خلاص ياراجل مش وقتها الدوه هيااا

🔥رِوَايـــــــــات بـــَـنـُـــووتِـــة الشـِــيـــْـخ🔥
🔥أروى الــــطـــاهــــر المــســلاتــــي🔥
القــــــروب الاصلي 400الف

ماريا:خشت لي حوش حسنه ووجها قاعد اصفر من الخلعه
ليلى:وين كنتي ؟!
ماريا:مشيت لي لل لي ....احلام نشوفها اليوم
مسكينه حالتها
ليلى:خلاص يا رقيه سلم بنتي زي ماقتلك
ارجعي لي امك ومعش تجي لين نديرو حل ونحصلو حوش منبيكش اضيقي على الناس هنايا
رقيه:كازفي دماغها ....وامير ؟؟
وين بنشبحه؟
بين حديث رقيه وليلى كانت ماريا مركزه على جاكيت رقيه !!
عالق فيه ورد صغير لونه مميز
وين شايفه الورد هاذا؟؟؟؟؟
على جاكيتها الاسود يلي واخداته هبه!!
الواضح ان لما تعافرت معاها الصبح علق في ملابسها بدون ما تنتبه

رعشت ماريا ومعش قدرت توقف ع رجليها ولا تحكي !
كان احساسها صح!!
اتصلت مره واثنين وعشره بس امير ميردش لان كان في الحمام
واقف يشوف لي نفسه في المرايا ويسأل شنو الشي الصح يلي لازم عليا نديره؟؟!
طلعت للمزرعه وفجآه لقت نفسها متصله بي جنان وحاكيتلها كل شي!!

___________________________________

موده:طلعت من غرفة جنان.....بعد اذنك
صدام:قام حاجبه....نعم؟!
موده:ممكن تجيبلنا اميه حلوه كملت من عندنا
ومقعمزين نقرو امتحانات
صدام:سكت شويه ....وين هذيكا؟
موده:في الحمام
صدام:نزل بدون مايشك بسبب منضر الغرفه يلي متناثره بي الاوراق والاله الحاسبه ومنضر موده يلي كان شبه صادق !

قص صدام الشارع وهوا جايب استيكه كامله اميه ويدندن
ولما وصل قدام الشركه سطربت عليه جنان
صدام:فاتح فمه.....يابنت الكلللللب😧😧
ولو الميه وفي جرتهااااا طول

______________________________________

ارسولان:شن تحكي ماريا؟؟؟؟
الف مره نقولك طلعي القصه هاذي من راسك البنت على نياتها ومشيتي انتي وخوك شفتي بعيونك انه مفيش حد متخليش غياب هبه يسيطر ع تفكيرك ويخليك تتوهمي حاجات مش موجوده
ماريا:بس انا متأكده م.......
ارسولان:مااااريا....بنتي نبيك تفهمي
مش نكدب فيك بس هاذا الواقع مفيش منه يلي في راسك
ماريا:سكرت في وجها وطلعت عشان تتفاجأ ان رقيه طلعت روحت من بكري !

ماريا:حست ان خلاص ❌
مفيش حد مصدقها ولا راضي يسمعلها وللمره هاذي لازم تمشي بي احساسها وتتصرف بنفسها
لبست وشاحها وطلعت بدون ما تشاور حد ولا ادير حساب لحد ولا خافت من حد !
ركبت مع جنان وال3يلي في السياره باعو حياتهم ومصيرهم في لحضه وهما عارفين ان الدنيا رح تنخرب لانهم طالعين بدون علم حد 🔥
كان واقف اسلام فاتح فمها لما شاف ماريا طلعت وجنان لودت السياره بي اعلى سرعه وفاتت
حك عيونه وهوا مش مصدق وقال!
اسلام:هما خدو مكان الشباب ولا انا مش من الشباب ولا عيوني ولا شنو بزبط!!
قصت جنان الطريق ووراها صدام بكل سرعته يحاول يسكر عليها الطريق لكن مقدرهاش 💪🏻

_____________________________________

حسنه:والله الدنيا مفركسه ومعاد عرفت شنو ندير
احلام من جيها وليلى من جيها الله لا تروعك نزل فيهم وعد ربي في ليله وحده
رؤى:ربي يعينهم ....عارفاتك لو الامور تمام مستحيل تخليني ❤️
حسنه:طبطبت ع يدها وهيا مبتسمه ....ان شاء الله ربي يفرحني بي وخيك وبي عويل ليك يارب
بيسان:حضنت امها ....استاحشتك ماما
رؤى:حتى انا والله
منيره:فايته من قدام الصاله.....ناقصنا حنى مفرخ ناس برانيه افففف
حسنه:خيرها ؟
رؤى:بتعب....مدوريهاش
حسنه:الله يشفي وخلاص....

ترن ترن ترن
حسنه:هاذا خوك....هيا بيسو خالو برا حبيبتي
رؤى:تمنيت زدتو شوي
حسنه:لا والله خلاص بنروح ندير العشي عويله
رؤى:طلعت مع امها لي الصاله
ووقت كانت تحضن فيها وتسلم عليها عشان تروح
فجآه ينفتح الباب وتخش مرا معاها وليد عمره حوالي 4سنين
امينه:طلقت شهقه عااااالي مصدومه
واسراء:طاح منها المثرد يلي كانت تحضر فيه وتسكر
وخش رعد وراها وهوا ماسك الولد💔

__________________________________

طق طق طق
موده:نحت المستكه ولصقتها ع الثقب طلي كان موجود ع الباب
رقيه:نحت وشاحها وعقدت حواجبها بي استغراب !!....فتحت الباب
عشان تنصدم بيهم ال3واقفين قدامها
سكرت الباب بقوه بس جنان حطت رجلها في النص
جنان:وين ياقلبي مزاااااال التعارف في بدايته قاعد !!....يتبع

لقراءة باقي حلقات الرواية : اضغط هنا 
google-playkhamsatmostaqltradent